Post: #1 Title: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 10:40 AM
عرف عنك ارتباطك بالشأن المصري وتكاد تكون مرجع فيما يخص الثورة المصرية ما تقدمه من معلومات الكثير يأخذه الكثير منا من باب المسلمات فتحت بوست عن زيارة ائتلاف شباب الثورة للسودان وحاولت تفنيد ونفي هذه الزيارة وثقت لكل مكاتبات وحوارات اعضاء الائتلاف سؤالي الهام المفصلي الم يمر عليك موقف ائتلاف شباب الثورة الواضح جدا جدا من دعمهم وتأييدهم لزيارة وفدهم للسودان والموجود في موقعهم الرسمي في الفيسبوك؟
Post: #2 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 11:39 AM Parent: #1
Post: #3 Title: Re: مصداقيتك على المحك استاذنا: حمور زيادة Author: GamarBoBa Date: 04-15-2011, 12:32 PM Parent: #2
الشفيع سلامات...ليس دفاعا عن حمور 1.سألت نفس السؤال في البوست المعني ولم تنتظر حتي يعود هو لبوسته والتعليق ..اما كان يكفي التساؤل هناك؟ 2.تقييمي الخاص أن الوقائع التي اعتمد عليها حمور كافية جدا والاعتماد علي وقائع هو لا دخل بها لا علاقة لها بمصداقية وعدم مصداقية 3.العنوان غير موفق تماما. 4.حتي تعليقات موقعك الجايبه ساخطين علي نظام الخرطوم أكتر من الترحيب بالفكرة
تحياتي
Post: #4 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 01:33 PM Parent: #3
شكرا صديقنا العزيز قمربوبا واتفق معك تماما وسبق وقدمت اعتذار لاخونا حمور عن فتح هذا البوست، واتوقع قبوله البوست اتفتح هنا قبل السؤال هناك
العنوان (مستفز) ولكنه لا ينفي مصداقية اخونا حمور
بصراحة انا اتوقع ان حمور لم يقرأ الخبر واذا كانت اجابته بلا، عاد لنا حمور القديم ننتظر ونشوف وفي انتظارك يا حمور وما تفشلنا
وشكرا قمر
Post: #5 Title: Re: مصداقيتك على المحك استاذنا: حمور زيادة Author: Deng Date: 04-15-2011, 01:39 PM Parent: #4
قلت أحسن تفتح لك بوست لوحدك .
لماذا لم تواصل في نفس البوست؟
ما كتبه الاخ حمور كلام عقلاني ومقنع جدا.
Post: #6 Title: Re: مصداقيتك على المحك استاذنا: حمور زيادة Author: محمد على حسن Date: 04-15-2011, 01:57 PM Parent: #5
Quote: ما كتبه الاخ حمور كلام عقلاني ومقنع جدا.
الا للمؤتمرجي المخموم والداير يخم واستعبد ان يكون الشفيع مؤتمرجي مخموم التحية للاستاذ حمور لحرصه الشديد على نشر الحقائق ومحاربة الخم الكيزاني
Post: #7 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 02:02 PM Parent: #6
دينق ومحمد علي علقوا على الصورة الجبتها ليكم دي قولوا اي شيء، ان شاء الله مزورة مدبلجة، بس ما تمروا ساي زي الطرش
Post: #8 Title: Re: مصداقيتك على المحك استاذنا: حمور زيادة Author: أمين محمد سليمان Date: 04-15-2011, 02:40 PM Parent: #7
يا الشفيع ، قبل كم شهر كلفت هذا الحمور بمتابعة أمر يخصني ، قال لي مافي مشكلة و قلب لي البحر ميرندا : بعداك يطرشني كان سمعت منو : عشان كده ولا علي المحك ولا حاجه : هذا الرجل لا مصداقية له !!
Post: #9 Title: Re: مصداقيتك على المحك استاذنا: حمور زيادة Author: معتز القريش Date: 04-15-2011, 02:48 PM Parent: #8
بوست مهم جدا
ـــــــــــــــــــــــــــــــ دينق أطلع مما يخص السودان الشمالي انت جنوبي أجنبي أعمل ليك منبر جنوبي
Post: #10 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 03:05 PM Parent: #8
Quote: هذا الرجل لا مصداقية له !!
امين يا ود عمنا سليمان ما تصطاد في الماء العكر حمور ما يزال وسيظل محل ثقتنا
---------------- ده اسمه (ابتزاز)
Post: #11 Title: Re: مصداقيتك على المحك استاذنا: حمور زيادة Author: كمال عباس Date: 04-15-2011, 03:06 PM Parent: #8
تحياتي يا أخ الشفيع
Quote: الم يمر عليك موقف ائتلاف شباب الثورة الواضح جدا جدا من دعمهم وتأييدهم لزيارة وفدهم للسودان والموجود في موقعهم الرسمي في الفيسبوك؟
أولا يا أخي لماذا هذه القسوة وأفتراض سوء النية في الناس ? ولماذا هذا التعسف في الأحكام? ما الذي يجعلك تتوهم أن حمور يدرك هذا المقتبس ويتجاهله ? ثانيا حمور أعلن وبوضوح وجود عدة مواقع الكترونية- فيس بوك لإئتلاف شباب الثورة وأن القيادة قامت بالتنقيح وحصر المواقع الرسمية في موقعيين فقط ! من هنا نسأل هل الموقع الذي أقتبس منه الشفيع موقعا رسميا ومعتمدا ? ثالثا شباب إئتلاف الثورة رفض وبمنشور رسمي الجلوس مع البشير في القاهرة لأنه ديكتاتور- فماالذي يجعله يرفض اللقاء بالقاهرة ويتهافت للقاء بالخرطوم ? رابعا الإئتلاف أعلن وبشكل رسمي أنه لم يزر السودان وجدد إنتقاد الحكومة السودانية وهذا ينسجم مع رفض الائتلاف للقاء القاهرة خامسا قام حمور برصد خلفية من شاركوا في لقاء بإسم الشباب في الخرطوم وأتضح أنهم أخوان مسلميين ! وقد ثبت أنت في بوست حمور بأنهم أخوان ! سادسا وبإفتراض أن هناك تضارب في مواقف إئتلاف الشباب فهذا سلبية تحسب علي الشباب ولاتقع علي عاتق حمور ! ....... ختاما ليس هناك ما يقدح في مصداقية حمور أو يطعن في كلامه وبالتالي يصبح من التعسف إصدار حكم أخلاقي بهذه القساوة بلا سند ولا حيثيات فحمور يحاسب بما كتب ووفق ما توفر له من معلومات ! ويبقي السؤال:- شباب إئتلاف الثورة رفض وبمنشور رسمي الجلوس مع البشير في القاهرة لأنه ديكتاتور- فماالذي يجعله يرفض اللقاء بالقاهرة ويتهافت للقاء بالخرطوم ? .........
Post: #12 Title: Re: مصداقيتك على المحك استاذنا: حمور زيادة Author: عوض محمد احمد Date: 04-15-2011, 03:28 PM Parent: #11
Quote: شباب إئتلاف الثورة رفض وبمنشور رسمي الجلوس مع البشير في القاهرة لأنه ديكتاتور- فماالذي يجعله يرفض اللقاء بالقاهرة ويتهافت للقاء بالخرطوم
Post: #13 Title: Re: مصداقيتك على المحك استاذنا: حمور زيادة Author: Abdlaziz Eisa Date: 04-15-2011, 03:30 PM Parent: #11
Quote:
شباب إئتلاف الثورة رفض وبمنشور رسمي الجلوس مع البشير في القاهرة لأنه ديكتاتور- فماالذي يجعله يرفض اللقاء بالقاهرة ويتهافت للقاء بالخرطوم ?
Post: #15 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 03:38 PM Parent: #13
كمال عباس سلامات اول شيء نتفق نطلع الكلام العن حمور الى ان يأتي
Quote: هل الموقع الذي أقتبس منه الشفيع موقعا رسميا ومعتمدا
نعم ونعم ونعم يا كمال وليس هذا فقط انا أقول انه الموقع المعتمد الرسمي وهو احد الموقعين التي اشار لها حمور ووصفها بالمواقع الرسمية الوحيدة المعتمدة اها شن الراي
Post: #14 Title: Re: مصداقيتك على المحك استاذنا: حمور زيادة Author: عبداللطيف محجوب Date: 04-15-2011, 03:36 PM Parent: #1
المؤكد أنه لم يرى الخبر.
_______________ إلا حمور؛ في المصداقية
Post: #16 Title: Re: مصداقيتك على المحك استاذنا: حمور زيادة Author: كمال عباس Date: 04-15-2011, 05:29 PM Parent: #14
كتب الاخ الشفيع
Quote: نعم ونعم ونعم يا كمال وليس هذا فقط انا أقول انه الموقع المعتمد الرسمي وهو احد الموقعين التي اشار لها حمور ووصفها بالمواقع الرسمية الوحيدة المعتمدة اها شن الراي
طيب وحمور أنزل نفيا لشباب الإئتلاف عن صلتهم بلقاء الخرطوم وأثبت بالادلة أن خلفية وفد الخرطوم إخوانية وقد أمنت أنت علي قوله هذا بعد طوال جدال !! ثم أن حمور ذكر أسماء قيادات شبابية معروفة رفضت علاقة إئتلاف الشباب بلقاء الخرطوم ! ثانيا هذا السؤال ينسف الارضية التي تقف عليها ياشفيع ويعضد الوجهة القائلة بعدم وجود صلةلإئتلاف الشباب بلقاء الخرطوم شباب إئتلاف الثورة رفض وبمنشور رسمي الجلوس مع البشير في القاهرة لأنه ديكتاتور- فماالذي يجعله يرفض اللقاء بالقاهرة ويتهافت للقاء بالخرطوم ? كمال
Post: #17 Title: Re: مصداقيتك على المحك استاذنا: حمور زيادة Author: أمين محمد سليمان Date: 04-15-2011, 06:08 PM Parent: #16
Quote: يا الشفيع ، قبل كم شهر كلفت هذا الحمور بمتابعة أمر يخصني ، قال لي مافي مشكلة و قلب لي البحر ميرندا : بعداك يطرشني كان سمعت منو : عشان كده ولا علي المحك ولا حاجه : هذا الرجل لا مصداقية له !!
واحده من الأخوات و من أعمق الناس في هذا المكان رسلت لي ماسنجر تعبيرا عن حزنها لما ال اليه حال علاقتي بحمور إستنادا علي تعليقي أعلاه !! و حتي لا يكون هناك من فهم نفس فهم الأخت الكريمه وددت أن أبين إنو تعبيري أعلاه ياتي في إطار حملتي الجائره و المستمره علي حمور منذ أن كان عمره سنوات تحسب علي أصابع اليدين .. و هذا لا ينفي أن هذا الحمور لا مصداقية له عندي ، كما و لا ينفي إنو مهما قلت عنو و فيهو فحمور ما بشتغل بي كلامي الشغله ..
Post: #19 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 06:26 PM Parent: #17
د.امين انا ما عارف الاخت دي منو لكني والكثيرين ومن ضمنهم حمور عارفين انت قاصد شنو عشان كده انا قلت ليك بطل انتهازية
الزول ده غتس وين انا متأكد انو بجهز في مفاجأة وما بعيد يمشي يعمل اتصالات مع اصحابه ويغتس حجر الوثيقة الثمينة دي
Post: #23 Title: Re: مصداقيتك على المحك استاذنا: حمور زيادة Author: محمد على طه الملك Date: 04-16-2011, 00:39 AM Parent: #17
Quote: كما و لا ينفي إنو مهما قلت عنو و فيهو فحمور ما بشتغل بي كلامي الشغلة..
لأنه يعلم أنني أصلا ما أتيت لحوار.. تمامة بس عشان المصداقية وكدا..
.. سلمات يا الشفيع .. شايفك مروس حمور دا من بوست عبد الملك في الربع الفات؟ إن شاء الله خير.
Post: #18 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 06:21 PM Parent: #16
كمال عليك الله وبراحة كده عاين للوثيقة دي ووريني رايك الفات كوووله( نقاشي مع حمور، لقاء القاهرة،.....) خليهو وراك هل الوثيقة صحيحة؟ وهل صادرة من الموقع الرسمي لشباب الثورة؟ وهل بتؤكد ان هناك وفد من شباب الثورة زار الخرطوم؟
Post: #20 Title: Re: مصداقيتك على المحك استاذنا: حمور زيادة Author: كمال عباس Date: 04-15-2011, 07:56 PM Parent: #18
كتب الاخ الشفيع
Quote: هل الوثيقة صحيحة؟ وهل صادرة من الموقع الرسمي لشباب الثورة؟ وهل بتؤكد ان هناك وفد من شباب الثورة زار الخرطوم؟
يا أخي فلنفترض أن هذا المقتبس ورد في أحد المواقع الرسمية أو فهذا يعني
Quote: أن هناك تضارب في مواقف إئتلاف الشباب فهذا سلبية تحسب علي الشباب ولاتقع علي عاتق حمور !
راجع الخلفية الفكرية لمحرر الصفحة التي أقتبست منها وقارنها بخلفية من شاركوا في لقاء الخرطوم ستجد التفسير ..... معطيات الرصد السياسي لا يتم التعامل بالقطاعي والتجزئية وإنما تقرأ بشكل مترابط يمكن من بناء خلاصة جيدة فشباب الائتلاف لم يقابلوا البشير يالقاهرة لماذا ? ولماذا أعلنوا رفض المقابلة بشكل معلن ولم يعترض زوار الخرطوم علي ذلك ? ولماذا يشمل وفد الخرطوم كافة التيارات الشبابية المنضوية للإئتلاف وأقتصر علي الاخوان ? ولماذا قابل الاخوان البشير بإسمهم ثم عادوا ليتخفوا تحت مسمي الائتلاف بالخرطوم ? .......... الموضوع المهم هنا هو الإعتراض علي وضعك لمصداقية حمور علي المحك ياشفيع وتجاهل حقيقة أن حمور كتب وعلق علي ماوقع تحت يده من معلومات وهو مسؤول بالتالي عما كتب وعما يعرف...........
Post: #21 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-15-2011, 08:34 PM Parent: #20
Quote: يا أخي فلنفترض أن هذا المقتبس ورد في أحد المواقع الرسمية
وليه التشكيك يا كمال بالافتراض المقتبس مأخوذ من الموقع الرسمي لشباب الثورة
Quote: راجع الخلفية الفكرية لمحرر الصفحة التي أقتبست منها
هل تحاول ان تلمح الى ان محرر الصفحة يعبر عن رايه الشخصي فقط في الموقع الرئيس لائتلاف شباب الثورة يا كمال؟
Quote: فشباب الائتلاف لم يقابلوا البشير يالقاهرة لماذا ?
كمال نحنا بنتكلم عن زيارة الخرطوم موش ممكن يكونوا غيروا رايهم في الفترة بين المقابلة والزيارة؟؟؟
Quote: ولماذا قابل الاخوان البشير بإسمهم ثم عادوا ليتخفوا تحت مسمي الائتلاف بالخرطوم ?
الموقع الرسمي بقول انهم زاروا الخرطوم بصفتهم وفد ائتلاف شباب الثورة
Post: #22 Title: Re: مصداقيتك على المحك استاذنا: حمور زيادة Author: Yassir Tayfour Date: 04-15-2011, 10:01 PM Parent: #21
الشفيع انت عارف إنّك من القلائل الذين يفقعون مرارتي، بالرغم من بعض المحبة التي أحملها لك؟ ___ كفاك تمريغ يا شفيع، انت عضو جديد واسمك بينهم محفور على رمل..
Post: #24 Title: Re: مصداقيتك على المحك استاذنا: حمور زيادة Author: صبري طه Date: 04-16-2011, 09:08 AM Parent: #22
سؤال مهم:
هل قابل هذا الوفد البشير ؟
Post: #25 Title: Re: مصداقيتك على المحك استاذنا: حمور زيادة Author: lana mahdi Date: 04-16-2011, 10:03 AM Parent: #24
Quote: مصداقيتك على المحك استاذنا: حمور زيادة
مصداقية حمور لا يرق لها الشك...حمور لو قال شيء مغمضة بصدقو مش عشان شقيقي لكن عشان التجربة أثبتت أنه صادق وأمين(ما أمين محمد سليمان)(:(:(:(: يا خالو أمين بالله دي منو الساذجة دي الإفتكرتك بالجد رأيك في حمور كدة؟؟(:(:(:(:(:(:(:
Post: #26 Title: Re: مصداقيتك على المحك استاذنا: حمور زيادة Author: وليد محمد المبارك Date: 04-16-2011, 10:24 AM Parent: #25
يا حمور بطل لولوة
الموقع الجابو الشفيع ده رسمي ولا ما رسمي ؟!
اذا رسمي يبقى معتمد اكتر من كلامك المعن عن فلان وعن علان
كلم اصحابك المصريين المستهبلين ديل لو عاوزين ينفوا علاقتهم بالبشير والانقاذ ما ينفوها ليك في ونسة موبالات وقهاوي يعلقوها في صفحتهم الرسمية بصورة واضحة وجلية والا حا يبقى كلامك مردود عليك من نفس زاوية ردك على الشفيع وببقى الكلام النقلتو منهم ياهو الكلام غير الرسمي وغير المعبر عن ائتلاف شباب الثورة
وبلاش استهبال وحبرتجية حقت مصريين
عندهم موقعهم الرسمي كان الجابو الشفيع او اي واحد غيره
يكتبوا كلامهم ده هناك بصورة واضحة
موش شغالين حبرتجية مصريين وعصاية نايمة وعصاية قايمة شايليين البقر بي يدمن الحومة ومرسلين ليك رسائل تبثهافي اون لاين تنفى علاقتهم بالحكومة بي اليد تانية
ومبرئين موقعهم الرسمي كان ده كان داك عن اي موقف واضح
Post: #28 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-16-2011, 12:54 PM Parent: #25
Quote: حمور لو قال شيء مغمضة بصدقو
شكرا اميرة لنا
Post: #27 Title: Re: مصداقيتك على المحك استاذنا: حمور زيادة Author: الشفيع وراق عبد الرحمن Date: 04-16-2011, 12:53 PM Parent: #22
