يا ناس نجوم الغد عليكم الله فكونا من الزول دة..

يمين بالله دة يكره المواهب حياتهم
ياخي عامل زي الناس الما عارفين يكلموا زول امه ماتت
قام واحد اتبرع وقال ليهم بكلمو
قام جاء قاليهو: ياخينا بتعرف تحفر القبر
قال ليه: ايوة ياخي
قام قاليه: خلاص امشي ادفن امك

ياخي عليكم الله الزول دة شوفوا ليه مخارجة
اضعف الايمان قولوا ليه يكتب ملاحظاته في ورقة وبعدين ختوها في ظرف
وقولوا للمتسابق وانت طالع لو عايز شيلها معاك فهي غير ملزمة
وحات نضري الزول دة عامل زي دكتور الجراحة في امتحان الشفوي
تقول ليه نشيل الطوحال
يقول ليك لا شيل الخصية اليمين
والمريض أنثى

Quote: يا ناس نجوم الغد عليكم الله فكونا من الزول دة..

طارق يا صاحب
لو عاوز الجد و( الفككان )
ما نرجوه أن يفكونا من ( نجوم الغد ) زاااتم
لا مواهب حقيقية
نفخة في الفاضي بمجهود آخرين
كذبوا على أنفسهم وكذب عليهم آخرون
فصدقوا الكذبة وعاشوها

والزاد الطين بلة أن البرنامج الذي بدأ في قناة النيل الأزرق هاهو يتمدد للقناة القومية وربما يتمدد في بقية القنوات في سير طبيعي للعقلية ( القردية ) السودانية التي يعوزها الخيال الخلاق المبدع فتلجأ للتقليد حتى صار ( البحث ) عن موهبة الغناء في أوساط الخريجين وطلبة الجامعات هو هاجسنا

فهل هذا هو هاجسنا ومشكلتنا وما نفتقده حقاً ؟؟



_________________

أقول هذا ولا أتفق معك في تحليلك للدكتور محمد سيف الذي أراه متمكناً من مادته
مزج العلم النظري بالتطبيق العملي



المودة التي تعرف

دكتور محمد يوسف رجل خبير في مجالة و ناقد فني محترف
اللوم كلو في المخرج و المعد
هم اللي بيحددو روح البرنامج و مفروض يوجهو مقدمي البرنامج
لتحقيق الشكل العام لروح البرنامج.

Quote: دكتور محمد يوسف رجل خبير في مجالة و ناقد فني محترف اللوم كلو في المخرج و المعد هم اللي بيحددو روح البرنامج و مفروض يوجهو مقدمي البرنامج لتحقيق الشكل العام لروح البرنامج.

ابو النصر يا منقة
زي ما قلت للحبيب عاطف
انا اعتراضي على طريقة توجيهو
يعلم الله تكره الزول الغناء

Quote: طارق يا صاحب لو عاوز الجد و( الفككان ) ما نرجوه أن يفكونا من ( نجوم الغد ) زاااتم لا مواهب حقيقية نفخة في الفاضي بمجهود آخرين كذبوا على أنفسهم وكذب عليهم آخرون فصدقوا الكذبة وعاشوها والزاد الطين بلة أن البرنامج الذي بدأ في قناة النيل الأزرق هاهو يتمدد للقناة القومية وربما يتمدد في بقية القنوات في سير طبيعي للعقلية ( القردية ) السودانية التي يعوزها الخيال الخلاق المبدع فتلجأ للتقليد حتى صار ( البحث ) عن موهبة الغناء في أوساط الخريجين وطلبة الجامعات هو هاجسنا فهل هذا هو هاجسنا ومشكلتنا وما نفتقده حقاً ؟؟

عاطف يا حبوب
ياخي كيفنك
والله يا عاطف البرنامج بقى مجوبق جوبيق بورة
متفق معاك في كل القلتو فوق دة
حتى نسخة القناة القومية نسخة رديئة الاخراج
زي القراية ام دق

Quote: أقول هذا ولا أتفق معك في تحليلك للدكتور محمد سيف الذي أراه متمكناً من مادته مزج العلم النظري بالتطبيق العملي

يا عاطف انا ما عندي اعتراض على كونه دكتور وفاهم مادته
انا اعتراضي على الطريقة البيوجه بيها الموهوبين الموعودين ديل
يمين انا كان مكانهم كان فلعتو بالمايك


تليشة:
ياخي عريسكم دة لي هسي ما دفع لينا قسط واحد من حق القراية

Quote: لا مواهب حقيقية نفخة في الفاضي بمجهود آخرين كذبوا على أنفسهم وكذب عليهم آخرون فصدقوا الكذبة وعاشوها

كـلام جميل يا عاطف، وضيف ليهو برضـو (أغاني وأغاني) من حيث عدم القيمة الفنية رغم بعض الأسماء المعروفة فيهو.. بعـدين يا طارق لامـن أصلو إنت مقتنع إنو البرنامج مجوبق ومكعوج ومكلوج، يبقى المفروض تكون مبسوط من محمد سيف إنو بديهم على راسهم (أنا في الحقيقة وحتى لامن كنت في السودان الأشهر الماضية ما كنت بتابع البرنامج لقناعتي بعـدم قيمته).. على أي حال وحتى في البرامج العالمية بتاعة ال آيدولز والتالنت ـ أو أيا كان أسمها على قول حسين ـ دايما بنلقى كل واحد من لجنة التحكيم طريقتو بتختلف من التانيين، ودايما فيهم المتشدد أو الغتيت.. أنا ما بحب المثل بتاع: بقول للأعور أعور (في عينو!).. يعني هو مسكين ما عارف روحو أعور؟.. لكن الزول الما بعـرف يغني وزي ما قال عاطف فاكيها في روحو ومصدق، وإذا كنا نحنا فعلا بنبحث عن مواهب وفنانين ومبدعين، فدا مفروض طوالي وبصراحة وقـحة نقول ليهو يا زول أمشي شوف ليك شغلة تانية أقضاها.. تذكرت قصة سمعتها من خالي وهو (موسيقار) معروف في السودان، عازف كمان.. قال لامن كان في (الأولية) والكلام دا حوالي أواسط الستينيات (قبل الميلاد أي ميلادي أنا)! كان عندنا قريبنا في الحلة وهو صاحب الدكان الوحيد والراديو الوحيد، وكان خالي بمشي بقعد جنبو وبستمع للأغاني، سيد الدكان قاليهو: إنت اسع حاضن الرادي دا كدة فاهم ليهو شنو؟ خالي قال ليهو: أنا داير أسمع الغنا دا عشان أعمل زيو.. قريبنا رد عليه بسخرية: إنت الغنا دا قايلو لعب؟ شفت ميزاني البوزن بيهو السكر دا؟ الغنا دا عندو ميزان زيو كدة!!.. المهم النكتة كانت لامن تقابلوا بعد حوالي عشرين سنة من الكلام دا، وخالي ما يزال بذكر القصة وحاول يذكر صاحبو لكن قال نساها.. فقال ليهو: على أي حال أنا مشيت الإذاعة والتلفزيون كمان وعزفت فيهم،، لكن كلامك بتاع الميزان لقيتو صاح!..
مـودتي التي لا تعـرفون..

Quote: وحات نضري الزول دة عامل زي دكتور الجراحة في امتحان الشفوي تقول ليه نشيل الطوحال يقول ليك لا شيل الخصية اليمين والمريض أنثى

ود البشاري انت اقعد اضحك كدة لامن تبقوا تلاتة

Quote: كـلام جميل يا عاطف، وضيف ليهو برضـو (أغاني وأغاني) من حيث عدم القيمة الفنية رغم بعض الأسماء المعروفة فيهو.. بعـدين يا طارق لامـن أصلو إنت مقتنع إنو البرنامج مجوبق ومكعوج ومكلوج، يبقى المفروض تكون مبسوط من محمد سيف إنو بديهم على راسهم (أنا في الحقيقة وحتى لامن كنت في السودان الأشهر الماضية ما كنت بتابع البرنامج لقناعتي بعـدم قيمته).. على أي حال وحتى في البرامج العالمية بتاعة ال آيدولز والتالنت ـ أو أيا كان أسمها على قول حسين ـ دايما بنلقى كل واحد من لجنة التحكيم طريقتو بتختلف من التانيين، ودايما فيهم المتشدد أو الغتيت.. أنا ما بحب المثل بتاع: بقول للأعور أعور (في عينو!).. يعني هو مسكين ما عارف روحو أعور؟.. لكن الزول الما بعـرف يغني وزي ما قال عاطف فاكيها في روحو ومصدق، وإذا كنا نحنا فعلا بنبحث عن مواهب وفنانين ومبدعين، فدا مفروض طوالي وبصراحة وقـحة نقول ليهو يا زول أمشي شوف ليك شغلة تانية أقضاها.. تذكرت قصة سمعتها من خالي وهو (موسيقار) معروف في السودان، عازف كمان.. قال لامن كان في (الأولية) والكلام دا حوالي أواسط الستينيات (قبل الميلاد أي ميلادي أنا)! كان عندنا قريبنا في الحلة وهو صاحب الدكان الوحيد والراديو الوحيد، وكان خالي بمشي بقعد جنبو وبستمع للأغاني، سيد الدكان قاليهو: إنت اسع حاضن الرادي دا كدة فاهم ليهو شنو؟ خالي قال ليهو: أنا داير أسمع الغنا دا عشان أعمل زيو.. قريبنا رد عليه بسخرية: إنت الغنا دا قايلو لعب؟ شفت ميزاني البوزن بيهو السكر دا؟ الغنا دا عندو ميزان زيو كدة!!.. المهم النكتة كانت لامن تقابلوا بعد حوالي عشرين سنة من الكلام دا، وخالي ما يزال بذكر القصة وحاول يذكر صاحبو لكن قال نساها.. فقال ليهو: على أي حال أنا مشيت الإذاعة والتلفزيون كمان وعزفت فيهم،، لكن كلامك بتاع الميزان لقيتو صاح!.. مـودتي التي لا تعـرفون..

عيسى كيفنك
ياخي لكن خالك جنن الميزان جن

هو من ناحية غياظ غياظ لكين ما يجعل غيظه ينبلع أنه بيقول الحقيقة في الوش توووش يعني ما بتمتم زي دكتور الدرديري ومحمد سليمان يقولو ليك إنت يعني ممكن لو إتمرنت كتير على الحته دي وطلعت من جلابية كمال ترباس وبنطلون كمال كيلا وطاقية خلف الله حمد وتوب عاشه الفلاتيه يعني ممكن تكون فنان وإنت ما ممكن تسافر زاتو ، كدي شوف نقد الرحباني للمبتدئين مره قال لي واحده بعد ما لعلعت وغنت لامن عيونا إتشحطن والعبره خنقتني أها قال ليها شو بتعملي ، شو هوايات تانيه عندك؟ أظنها قالت ليهو وهي ترتعد فرائضها من الخوف نا بهوي بجانب الغناء الرسم ، قال ليها خلاص بنصحك تركزي على الرسم لأنه ما إلك في الغناء ، هادا الشئ الإنتي عملتيهو ما إيلو إى علاقه بالموسيقي.

الريس طارق ...

ازيك ...

مرور محبة ساكت انت بالله بتحضر فى نجوم الغد الى ألان البرنامج فقد رونقة من زمان

بس د. سيف بقول الحقيقة بدون مواربة ودا الصاح لانو مناخ الغناء الان محتاج لمصفاة بالجد ....

ياحبيب بفتش لبيتنا فى المنبر وفترت من البحث طبعا بعد غيبة اجبارية طويلة

نجوم الغد قدم مواهب حقيقه وقدم انصاف مواهب وقدم ناس ساكت بلا مواهب
الافضل انه دكتور سيف يقدم ليهم النصح بلا مجاملة .. لانه في ناس فكوها في روحهم ساكت وعملوا فيها نجوم جد جد
ناس المجاملة في البرنامج برضو قاعدين .. يعني في موازنة وكده
اكتر زول قدم نصح جميل وتوجية اجمل للمواهب الشابة .. هي الاستاذة آمال النور
أجمل موهبة خرجت عن طريق البرنامج - في وجهة نظري - هي الرائعة جدا عافية حسن



سلامات ود جبريل

Quote: نجوم الغد قدم مواهب حقيقه وقدم انصاف مواهب وقدم ناس ساكت بلا مواهب الافضل انه دكتور سيف يقدم ليهم النصح بلا مجاملة .. لانه في ناس فكوها في روحهم ساكت وعملوا فيها نجوم جد جد ناس المجاملة في البرنامج برضو قاعدين .. يعني في موازنة وكده اكتر زول قدم نصح جميل وتوجية اجمل للمواهب الشابة .. هي الاستاذة آمال النور أجمل موهبة خرجت عن طريق البرنامج - في وجهة نظري - هي الرائعة جدا عافية حسن سلامات ود جبريل

نوفل يا حبيب
ياخي عافية حسن كانت ماشة كويسة
بس فجأة اختفت ما عارف الحاصل شنو

Quote: الريس طارق ... ازيك ... مرور محبة ساكت انت بالله بتحضر فى نجوم الغد الى ألان البرنامج فقد رونقة من زمان بس د. سيف بقول الحقيقة بدون مواربة ودا الصاح لانو مناخ الغناء الان محتاج لمصفاة بالجد .... ياحبيب بفتش لبيتنا فى المنبر وفترت من البحث طبعا بعد غيبة اجبارية طويلة

بكور يا حبيب
الف سلامة
بركة الجمعتة

Quote: هو من ناحية غياظ غياظ لكين ما يجعل غيظه ينبلع أنه بيقول الحقيقة في الوش توووش يعني ما بتمتم زي دكتور الدرديري ومحمد سليمان يقولو ليك إنت يعني ممكن لو إتمرنت كتير على الحته دي وطلعت من جلابية كمال ترباس وبنطلون كمال كيلا وطاقية خلف الله حمد وتوب عاشه الفلاتيه يعني ممكن تكون فنان وإنت ما ممكن تسافر زاتو ، كدي شوف نقد الرحباني للمبتدئين مره قال لي واحده بعد ما لعلعت وغنت لامن عيونا إتشحطن والعبره خنقتني أها قال ليها شو بتعملي ، شو هوايات تانيه عندك؟ أظنها قالت ليهو وهي ترتعد فرائضها من الخوف نا بهوي بجانب الغناء الرسم ، قال ليها خلاص بنصحك تركزي على الرسم لأنه ما إلك في الغناء ، هادا الشئ الإنتي عملتيهو ما إيلو إى علاقه بالموسيقي.

البهجة عمر
الرحباني بالغ ياخي
ياخي لكن الدكتور دة بس ياها ذاتها ((لو كنت فظا))

يا كونت ياخي ما تعرس خلنا الناخدلنا نقزة في ود النصري في نص مقاشي

Quote: ود البشاري انت اقعد اضحك كدة لامن تبقوا تلاتة

فاقدلك معسة بعنكوليبة عشان تعرف الدرب عدييييل يا مسنوووووووووح

لو فيه زول مسيخ فهو العارف نفسو مسيخ، وقالها قبل كده.. هو محمد سليمان

من المواهب الرائعة جداً منار صديق، فصوتها لم يكن له مثيل لا من قبل ولا الآن.. ومن المواهب أيضاً رماز ميرغني وزميليها الذين غنوا أغنية (كيف الحيا من غير ليمك)، وصنفوا في هذه الأغنية ب(شباب مدني) للأسف لم أعرف اسماء زميليها، ولكنهما كانا رائعين بحق..

شكرا يا ود جبرين

Quote: لو فيه زول مسيخ فهو العارف نفسو مسيخ، وقالها قبل كده.. هو محمد سليمان من المواهب الرائعة جداً منار صديق، فصوتها لم يكن له مثيل لا من قبل ولا الآن.. ومن المواهب أيضاً رماز ميرغني وزميليها الذين غنوا أغنية (كيف الحيا من غير ليمك)، وصنفوا في هذه الأغنية ب(شباب مدني) للأسف لم أعرف اسماء زميليها، ولكنهما كانا رائعين بحق.. شكرا يا ود جبرين

ود غلام الله كيفنك ياخي

Quote: فاقدلك معسة بعنكوليبة عشان تعرف الدرب عدييييل يا مسنوووووووووح

عييييييييك انت حي
يا خرابة انت ما شبعت عنكوليب

Quote: ومحمد سليمان

!!!

Quote: ابو النصر يا منقة زي ما قلت للحبيب عاطف انا اعتراضي على طريقة توجيهو يعلم الله تكره الزول الغناء

هاي انت لكن مازول راقي ياو ناس ابودية اسياد الفن
انت كل استاذ بعرف يغني ما القاب وبطلقوها ساكت
وللا كل استاذ بيعرف يوصل المادة والتوجية للطالب
على قول ناس المهندس كيكي في الكراكر والجخانين بنقول عليهو شغل هردبيس
الزول دا زمان لوتذكر ماقلتلك طريقتو غلط دحين وقعلك كلامي ياوليدي

يا دكتووووووووووووووووور
تعرف يا طارق أيِ ( لجنة حكم ) * بكون فيها واحد ( دِفش) ، بس مهم يكون لأنو الحق مرات لازم ينقال
لاحظ برامج أراب قوت تالنت ، والنسخة الأمريكية أو الإنجليزية ، وزمان في قناة المستقبل برنامج سوبر إستار
بس من ناحية تانية بتلقى ( الدفشين ) ديل هم أسياد الشغلة ومنقطنها .
غايتو عفيت منها البت العسل الغلبت " السخيف " عمرو أديب وخلتو ما يقدر يقول كلمة من كلماتو ( الدِفشة ) لإزالــــة التوتر متِع عينيكـ بوجه طفلــة " فيديو" .







________________________
* حسب النطق اللبناني " الحنين ياخي "

Quote: يا دكتووووووووووووووووور تعرف يا طارق أيِ ( لجنة حكم ) * بكون فيها واحد ( دِفش) ، بس مهم يكون لأنو الحق مرات لازم ينقال لاحظ برامج أراب قوت تالنت ، والنسخة الأمريكية أو الإنجليزية ، وزمان في قناة المستقبل برنامج سوبر إستار بس من ناحية تانية بتلقى ( الدفشين ) ديل هم أسياد الشغلة ومنقطنها . غايتو عفيت منها البت العسل الغلبت " السخيف " عمرو أديب وخلتو ما يقدر يقول كلمة من كلماتو ( الدِفشة )

هي لكن يا قريبي ((الدفاشي)) دي ماها قدر دة
وحات نضري الزول دة ((دفاشتو)) تملالا بير في البركل تحت

Quote: هاي انت لكن مازول راقي ياو ناس ابودية اسياد الفن انت كل استاذ بعرف يغني ما القاب وبطلقوها ساكت وللا كل استاذ بيعرف يوصل المادة والتوجية للطالب على قول ناس المهندس كيكي في الكراكر والجخانين بنقول عليهو شغل هردبيس الزول دا زمان لوتذكر ماقلتلك طريقتو غلط دحين وقعلك كلامي ياوليدي

يا ولي ربنا يدي الحاجة العافية وطولة العمر
ياخي والله انا لو كانت الجابري عديل كدة
ووقفوني قدام الزول دة حا اغني ليه ((قنبلة))

يا دكتور طارق – الله يعطيك العافية
والله أخشى ما أخشى أن تجود لنا مقبل الأيام بفنان أو فنانة لكل بيت بل لكل أسرة سودانية رضينا أم أبينا، فنصبح بلد الفنانين والفنانات.!

مجرد سؤال لماذا لا يضاف لبرنامج نجوم الغد فقرة لأصحاب المواهب الشعرية "أوقفت" وأذكر في حلقة من حلقات البرنامج كان هناك صبي موهبة بحق أدى فقرة لوصف مباراة في كرة القدم الأوروبية، رغم صعوبة نطق أسماء لاعبي الفرق الأوروبية فقد أبدع الصبي في الوصف وأسعد الكثيرين، لماذا لا نبحث في مثل هذا الضرب من الفن؟
ثم أن مدارسنا في مراحلها المختلفة تفتقر لأساتذة الفن التشكيلي، تفتقر لأساتذة الموسيقى؟ تفتقر لأساتذة الرياضة المختلفة... وغيرها، لماذا يقصر الأستاذ بابكر صديق إمكاناته الثرى على شريحة واحدة من الفن ؟
لماذا لا يقدم لنا البرنامج مواهب من كلية الموسيقى والدرما في التخصصات المختلفة، ودارسي الفن التشكيلي، كما أن الجاليات السودانية في بلدان المهجر تذخر بمواهب كثيرة في مختلف مجالات الفن تترقب من يبحث عنها ويكتشفها؟؟؟

خالص مودتي
حمد

----------
أبقوا عشرة على عيال أبو الصحافيين المرحوم بإذن الله أبوبكر الشريف

حمد كيفنك
يا زول التلفزيون كله عايز إعادة نظر

Quote: أبقوا عشرة على عيال أبو الصحافيين المرحوم بإذن الله أبوبكر الشريف

رحمه الله يا حبيب
أولاده ما شاء الله كبروا شديد

سلام يا خال
بشكل شخصي أجد أن الدكتور محمد سيف شخصية صعبة وغير مرنة أبداً
لكن هذا لا يعني أنه غير متخصص فالدكتور محمد سيف بالفعل متمكن في
مجاله نظرياً وعملياً و فوق هذا وذاك هو انسان لا يجامل ابداً .

بالجد لو في زول غياظ وماليهو حوجة في البرنامج ده فهو السيد / محمد
سليمان فمن المعروف أن الدكتورين محمد سيف و الدرديري هم متخصصين
اها محمد سليمان ده جايبنو لي شنو؟! يعني هو بيعرف يسمع احسن من منو!!؟
والقصة شنو !؟

وبمناسبة انسب الاستاذ بابكر صديق ذاتو بقي بايخ جدن ودمو تقيل .

Quote: سلام يا خال بشكل شخصي أجد أن الدكتور محمد سيف شخصية صعبة وغير مرنة أبداً لكن هذا لا يعني أنه غير متخصص فالدكتور محمد سيف بالفعل متمكن في مجاله نظرياً وعملياً و فوق هذا وذاك هو انسان لا يجامل ابداً . بالجد لو في زول غياظ وماليهو حوجة في البرنامج ده فهو السيد / محمد سليمان فمن المعروف أن الدكتورين محمد سيف و الدرديري هم متخصصين اها محمد سليمان ده جايبنو لي شنو؟! يعني هو بيعرف يسمع احسن من منو!!؟ والقصة شنو !؟ وبمناسبة انسب الاستاذ بابكر صديق ذاتو بقي بايخ جدن ودمو تقيل .

يا عمك انت حي
شوف انا ما عندي شغلة بي انه متخصص
انا طريقته دي يمين تطير الموهبة من ريسين الاولاد ديل
ياخي عامل زي استاذ الاعراب كدة

محمد سليمان مهرج لا اكثر

..

Quote: تقول ليه نشيل الطوحال يقول ليك لا شيل الخصية اليمين والمريض أنثى

بالله العيانه حرمه ....
ههههههههههههههههههههههههههههاي


طول بالك يا منقا .. لسه

حقيقه يا دكتور طارق ..
انا خليت البرنامج ده ذمان .. حتي المرة في البيت شافت غيرو .
وحقيقه تانيه الازوال الاربعه ديل بايخين بوخ شديد بما فيها المقدم ..



وتاني طول بالك ..

تحياتي يا دكتور طارق

Quote: محمد سليمان مهرج لا اكثر

يا راااجل !؟ ( دي طبعآ كانت من متلازمات محمد سليمان )

محمد سليمان هو المتلقي صاحب الأذن النظيفة والذائقة السليمة
إضافة على أنه بيضفي على ما يتغنى به لمسة من حديث ذكريات وتاريخ
والرجل شاهد على مراحل غنايئة من موقع اتخاذ القرار

الدرديري ، اكاديمي وفنان ، وقدمت الأكاديمي على الفنان لأنه في البرنامج
مال عليها كثير ، حتى أصبحت مداخلته متوقعة ومتكررة

محمد سيف ، بغض النظر عن اسلوبه وطريقته ، ومسحة وشو ديك التي بتذكرني مسحة
صاحب لنا عندما يتجرع عرقي داشر ، يكشر وشو ويمسحو ، اقول محمد سيف بيدعم نقده
بتقديم نموذج مغاير للحن قدم في حتة معينة ، تخص اللحن او طريقة اداء المغني
لو بس اكتفى بهذه بيكون قدم حاجة مفيدة

لااثق في خطط كل القنوات التابعة للنظام وغرضها من برامجها
لكن بالنسبة ل (برنامج نجوم الغد )، فقد تابعت بابكر صديق
مذ كان بيقدم برنامج ( اصوات وانامل ) من الجزيرة عبر القناة السودانية
واظن ان فكرة ( اصوات وانامل ) كانت متقدمة على ( نجوم الغد) كثيرآ
أي ان بابكر صديق قد تراجع ، ولكني احسب لصالحه اسلوبه المختصر في الكلام

( نجوم الغد ) ومع علاته ، افرز نجوم في الحقيقة منهم عافية حسن
وشريف الفحيل ، والآن يلفت انتباهي أحمد مامون و رمان موسى و رامي

ود جبرين ...
سلامات
وهو البرنامج ده لسة موجود ....
حاليا في اي قناة ... ويوم شنو ... والساعة كم ....





ومن يوم ... شول ... عافية حسن ... افتكر بقت مداحة ... يعني قلبت مادايح ....
تاني ماشفت حلقة ....