Post: #1
Title: يا جماعة دحين وين بنك ( الثورة) الحيوانية ده!
Author: هشام هباني
Date: 04-15-2011, 02:21 AM
شايف دعاية الشركة الفي صنقور المنبر ده بتقول انو موقعها جنوب بنك ( الثورة) الحيوانية!
دحين اكون حيوانات السودان قامت بثورة ونحن مو خابرين لدرجة انها استقرت وعملت ليها كمان بنك باسم الثورة الحيوانية على وزن بنك امدرمان الوطني!
|
Post: #2
Title: Re: يا جماعة دحين وين بنك ( الثورة) الحيوانية ده!
Author: ناذر محمد الخليفة
Date: 04-15-2011, 10:49 AM
Parent: #1
ههههههههههه
ملاحظتك قوية يا خال ..
قال ليك في واحد من أهل العوض جاتو حوالة في واحدة من البنوك دخل يستلم الحوالة لقى البت الصرافة جميلة شديد .. شرط للأرض .. قهى ليك فيها وأستلم قروشو .. قال ليها داير افتح حساب فتحت ليهو حساب خت فيهو ميتين جنيه .. طلع جاها بعد ساعتين شال مية جنيه من البت .. وهو مُقهي فيها وبيعاين ليها لمن يخجلا .. طلع تاني جا بعد تلاتة ساعات للبت أداها 250 قال ليها ختيها لي في حسابي ..!!!
عمك أسبوع كامل متلح البت يشيل مية جنيه يجي بعد شوية يخت مية جنيه .. مسوي الحكاية شغلة ..!!!
يوم جا البنك الصباح لقى الموظفة الحلوة ديك ما في لقى محلها واحدة شينة شناة مرة .. تقطع ملاح الروب في حلتو !! إتخلع مشى لي مسئول الفرع سألو من الموظفة القديمة .. المسئول قال ليهو نقلناها بنك الثروة الحيوانية وجبنا دي بدلا !! عمك العرريب زعل عاين للبت الشينة ديك وقال للمسؤول : هي لكن بالغتو..!! تشيلو الثروة وتجيبوا الحيوانية !!
|
Post: #3
Title: Re: يا جماعة دحين وين بنك ( الثورة) الحيوانية ده!
Author: محمد إبراهيم علي
Date: 04-15-2011, 11:11 AM
Parent: #2
دليل على عدم اتقان العمل والاهتمام بالتفاصيل
سلام يا عمدة
|
Post: #4
Title: Re: يا جماعة دحين وين بنك ( الثورة) الحيوانية ده!
Author: هشام هباني
Date: 04-15-2011, 02:38 PM
Parent: #2
العزيز ناذر
تحياتي
زولك سيد الحساب الكبكابة ده معناه صرف كل قروشو مواصلات ######## زمنو في الفاضي
غايتو حلوة الكبكبة وخاصة لو كانت من زول كوز تقي ورع!
لكن يا اخي الخراب لمن اقع بضرب اي حاجة.. يعني معقولة مصمم الاعلان ده
لا هو ولاناس الشركة لاحظوا الغلطة الكبيرة دي الناس بقت مطششة للدرجة دي!
الله يعينك يا بلد
تحياتي للاسرة الكريمة
|
|