|
Re: بوردابي يساري يقترب من الانضمام للمؤتمر الوطني (Re: معاوية عبيد الصائم)
|
Quote: عمر صديق سلامات وتانى مبروك نجاح وليدك
يسارى كيف يعنى (اشول مثلا)
واقترب كيف.يعنى ..المفاوضات مستمرة والاختلاف فى شنو بين الطرفين.وربنا يحقق الامانى
وسلامات |
الاخ معاوية ود الصائم تحياتي
وشكرا ليك مرة اخري وعقبال عندك
اقترب من اعلان انضمامه
وربما تاخر لمشغوليات خاصة به
او ربما يريد ان يدخل مدرسة الكادر حقنا (الاكاديمية الوطنية للتدريب) وربما وربما
ولكن لابد من صنعاء وان طال السفر
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: ismeil abbas)
|
Quote: أخى عمر.السلام عليكم..
متابعنو حته حته معناهو زولآ مؤثر.
كأن من دخل هذا الحزب دخل ألأسلام.......اللهم أهدنا فيمن هديت |
اخي اسماعيل
وعليكم السلام رحمة الله وبركاته
بالطبع كل انسان مثر ولديه دورا مهما في مجتمعه ينبغي عليه القيام به
ولم نقول او تظن ان من دخل الي حزبنا فقد دخل الاسلام
وهو حزب وطني يسع للجميع بما فيهم غير المسلمين
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: ABUHUSSEIN)
|
Quote:
Quote: ابوحسين
أنا بقول م. ع. ص.
حدود معرفة م.ع.ص. لليسار توقفت عند روبيرتو كارلوس مدافع البرازيل لووووول
|
|
لوووووووووول لكن - في الخبر - قالو هلالابي هو!؟
--------
يا عمر البفتخر بالانتماء للمؤتمر الوطني اولن : احييك و الله .. لانو كتاااااااار من ناسك داسنها ليه ما عارف!؟ .. دا زول بعاني من خلل مش؟ مرض جنسي هي!؟ .. و لّ الشينة منكورة؟
اخيراً آسف لو خرمجت ليك حفلة الشاي العاملا لكادركم القريب غطاء دا قلت لي :[ يقترب من الانضمام للمؤتمر الوطني ] .. بالله لمن يصل اتحمدل لينا ليو السلامة .. اللوم بجي بالغفلات .. و ما دام حضرنا و لم نجدهو قلنا نواجب المافي شنو!؟
لكن الناس ديل حقروا بصاحبي .. فقلنا نلقم حجراً لذا لزم التنويه .. و شكراً على رحابة صدرك
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: قيقراوي)
|
قيقا يا عميق
Quote: لكادركم القريب غطاء دا قلت لي :[ يقترب من الانضمام للمؤتمر الوطني ] |
الطيارين بقولو يقترب : approaching يعني اسي هو في مرحلة descending او ما يعرف بمرحلة النزول التدريجي نحو المطار وحرفا الكوتشينة بينصحو الزول الخاشي حريق لو ما بحافظ ما ينزل اها لو هو قافل على قريب غطا احتمال كبير التربيزة تتقلب قبل هو ما يفتح ذاتوو يبدو انو اول واحد اخترع لعبة الحريق دي كان طيار لوووول
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: محمد إبراهيم علي)
|
Quote: الطيارين بقولو يقترب : approaching يعني اسي هو في مرحلة descending او ما يعرف بمرحلة النزول التدريجي نحو المطار وحرفا الكوتشينة بينصحو الزول الخاشي حريق لو ما بحافظ ما ينزل اها لو هو قافل على قريب غطا احتمال كبير التربيزة تتقلب قبل هو ما يفتح ذاتوو يبدو انو اول واحد اخترع لعبة الحريق دي كان طيار لوووول
|
لووووووووولز طيارة جات بي فوق
حدين باقي ليك اسي في طربيزتنا الكان مساحتا مليون ميل دي في زولن محافظ؟ قيل الت 40 مليون معرج تنقص قليلاً او كثيراً
يبقى النزول في الاوكات الحرجة الجنس دي لزومو شنو؟ مش احسن ليو المغامرة و المقامرة راسا عديل امكن تهب علينا رياح التغيير دي تطير الورق لكن النزول اسي دي ما ثابتة عدييييل كدا .. تكون اديت الخمسين للجماعة ساي!
ازيك يا زول يا سمح وينك ياخ! .. لي زمن ما شايفك الا كان امس القريبة دي.
------
عمر صديق يا عمك
قلت لي الواحد بفرحكم يا زول ان شاء الله دائم .. المافي شنو؟
لكن برضو الواحد بزعلكم قدر فرحة الصفقة كدا!؟ كان كدا بتشربوا ما ترووا!! قلب المرء بين اصبعين من اصابع الرحمن يا حبيب .. عندكم ضمانات؟ و لّ امنتم مكر الله؟ .. ام اخذتم من الله عهداً؟ ام قلة علم ساي!؟
احسبوا بالكورجة احسن ليكم .. المافي شنو؟!
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: قيقراوي)
|
Quote: حدين باقي ليك اسي في طربيزتنا الكان مساحتا مليون ميل دي في زولن محافظ؟ قيل الت 40 مليون معرج تنقص قليلاً او كثيراً
يبقى النزول في الاوكات الحرجة الجنس دي لزومو شنو؟ مش احسن ليو المغامرة و المقامرة راسا عديل امكن تهب علينا رياح التغيير دي تطير الورق لكن النزول اسي دي ما ثابتة عدييييل كدا .. تكون اديت الخمسين للجماعة ساي!
|
ياقيقا
تحياتي
مش احسن النزول عشان ما يخش الزول الزوون
وليييييييييه عاوزين كل الناس تحرق معاكم
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: قيقراوي)
|
Quote: يا عمر البفتخر بالانتماء للمؤتمر الوطني اولن : احييك و الله .. لانو كتاااااااار من ناسك داسنها ليه ما عارف!؟ .. دا زول بعاني من خلل مش؟ مرض جنسي هي!؟ .. و لّ الشينة منكورة؟
|
تحياتي ياقيقا
ولا اري سببا لانكار اي انتماء
الا اذا كان صاحبه غير مقتنع بسلامة موقفه من الناحية الفكرية او العملية
فهذا انتماءه والعدم سواء
Quote: اخيراً آسف لو خرمجت ليك حفلة الشاي العاملا لكادركم القريب غطاء دا قلت لي :[ يقترب من الانضمام للمؤتمر الوطني ] .. بالله لمن يصل اتحمدل لينا ليو السلامة .. اللوم بجي بالغفلات .. و ما دام حضرنا و لم نجدهو قلنا نواجب المافي شنو!؟
لكن الناس ديل حقروا بصاحبي .. فقلنا نلقم حجراً لذا لزم التنويه .. و شكراً على رحابة صدرك |
واشكرك انت علي رقي الاسلوب وادارة الخلاف مع الاخر بصورة حضارية وشكرا علي اثراء البوست والمواجبة وانشاء الله العاقبة عندكم وخاصة اذا وصلت انت لقناعة الانضمام لنا ويومها مش حا اصفق بس بعمل حفلة عديل كدا
مع وافر التقدير
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: عبد الصمد محمد)
|
Quote: هو بالله يا حضرة لسع في إنتهازية في البلد دي ؟ نحن إتخيلنا إنكم أكلتوا اللحم كله وما فضلت إلا العضام لكن لنفرض إنه كلامك صاح نحن برضو بنعرف عشرات أو مئات الكيزان الخلوها تعد ولا نعد ليك عدد الكيزان التابو وتركوها (وديل لا فيهم الترابي ولا بولاد ولا خليل إبراهيم ولا الأفندي) انت عد ونحن بنعد ليك مع الفرق بأنوا البنضم للسلطة بكون مشكوك في أهدافه أما البنسلخ من حزبها فهو أكثر شرفاً من الداخل في الزمن الضايع لو ما كان كمان ضيقتوها عليه لحدي ما جا يقول ليكم الروب |
هل لديك حق في ان تصف كل من يخالف الراي بانه انتهازي ؟؟؟؟؟؟؟؟؟
وهل بالضرورة ان ننظر للاشياء بعينك انت ؟؟؟؟؟؟؟
مالكم كيف تحكمون ؟؟؟؟
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: قيقراوي)
|
Quote: سلام يا عمر
Quote: بوردابي يساري يقترب من الانضمام للمؤتمر الوطني
واحد!؟
ان صح الخبر .. سوو وط!!؟؟ هل بستاهل كل الهيلمانة دي؟
لا بزيد المؤتمر الوطني و لا بنقص اليسار.
الصفقة لشنو؟ |
قيقراوي تحياتي
نحن نفرح للواحد كما نفرح للمجموعات والصفقة تعبير عن الفرح لانضمامه للحزب القائد
وبس
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: وليد الطيب قسم السيد)
|
سعدت جداً بالاتصال به هو اضافة نوعية حقيقية للمؤتمر الوطني عارض بكل امانة وشرف واخلاص اصيل المنبت، طيب المعشر، الكل كان يحبه وهو معارض وستحبونه اكثر وهو مؤتمر وطني مثله كان المفروض من زمااان يكون مؤتمر وطني، لكنه ضل الطريق كما ضللنا نحن من قبل نرحب به، ونبارك لأنفسنا وللمؤتمر الوطني اولاً ثم نبارك له وللسودان
قلنا زمااان: كل منبع صافي ونقي حتماً سيصب في بحر المؤتمر الوطني
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: الشفيع وراق عبد الرحمن)
|
سلام يا الشفيع
Quote: اصيل المنبت، طيب المعشر، الكل كان يحبه وهو معارض وستحبونه اكثر وهو مؤتمر وطني
|
لكن خلينا من قصة الحب دي زي ما قالها الصحابي لسيدنا عمر [ انما تأسى على الحب النساء ]* حكاية [ اصيل المنبت ] دي ما عصرت علينا فيا؟ .. يعني في واحدين تانين من نوع ما [اصيل المنبت ]؟ و ديل ما عندهم حظ معاكم؟
التشويق دا حدو وين؟ اكشفوا لينا الحقيقة خلونا نحدد موقفنا نحبو و لّ نحبو اكتر و لّ ما نحبو كلو كلو؟
------------
* انا هنا لا اصدر حكم قيمة .. دي الثقافة المتوافقة مع ذاك العصر وفق مفاهيم نفس العصر. خليكم عميقين ياخ! .. فكرة انو صحابي ( من غمار الناس ) _ ما يعال بمفهومنا العصري " مواطن عادي من عامة الشعب" - يقولا في وش الخليفة ( خليفة خليفة رسول الله ( ص ) - شوف القرب من الكبانية ) دا معنى كبير .. و كبير جداً. ليت كل من يتشدق بالاسلام يفقهه بدل الدفاع عن اخطاء السلطان و تزيين باطله. ان شاء الله اليساري ( السابق ) دا يكون استفاد من يساريتو، و يحدث تغيير في الاتجاه دا.
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: Amira Elsheikh)
|
Quote: عاطف مكاوي يا عزيز
كيف الكلام دا? هل يستوي من باع بمن لا يزال على عهده ? |
لا يا بدرالدين
أقرأ ما بين سطورى وما أقصده ...... فالأستاذ محمد ابراهيم نقد قامة أجلها وأقف لها اجلالا ..... ولا مقارنة الا في جانب العمر .... والعمر الحزبي.... وحقو نتناقش في الموضوع ده في مكان آخر.... حتي لا يُستغل كلامنا هذا
وانت عارف الكيزان ...... استغلاليين في كل شئ!
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: محمد المسلمي)
|
يا جماعة وين العريس ده ؟ لو في مرحلة الاغتسال مهداة اليه واحد ليفة من النوع الاوتماتيك التى تصل للاماكن الصعبة وخاصة تلافيف الدماغ اصلو اليساريين ديل بيشتغلو في التلافيف دي شغل شديد واحتمال زيت فرملة ما يغسلا
في ارهاصات كدة عن انو الزول كب الزوغة قبل ما الماذون يعقد خاصة بعد الترحيبات المش ولابد من جناح الانتباهة المسلمي ووليد قسم السيد وترجيح انه ماسورة لووووول
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: عبدالحافظ سعد الطيب)
|
عمر صديق ..دكتورة ..نجاة ...سلامات ومبروك عليكم اللفتي ..
Quote: والله يا عمر من الحاصل دا اي زول حينضم ليكم عندكم فورم للانضمام؟ |
بالعكس يادكتورة المؤتمر الوطني مفروض ينضم ليك لانك بتقدمي ليه خدمات هو مابقدمها لنفسه ..
Quote: تختو في البورد القراء بالالاف حينضموا ليكم لانه البورد دا فضح المعارضة شديد وعراها بدل من ان يفضح الحكومة.. بل اظهرها اقل الضررين |
طيب يادكتورة مادام انك بتشوفي المؤتمر الوطني حزب سيئ - كما صرحتي اكثر من مرة - وذات الرأى عندك ليهو في المعارضة ..فياخي متين حانشوفك تحاربي وتناهضي المؤتمر الوطني بنفس درجة محاربتك ومناهضتك للمعارضة ؟!!!
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: الطيب رحمه قريمان)
|
Quote: يا جماعة وين العريس ده ؟
|
امكن اتذكر انو معرّج و ورقو كعب .. فقرر يلعب للدك
-------
ود الباوقة يا حاج يا اخوي مكة دي نحن ساكنين فوقا عدييييل خلاس عشان جيتا مرة في العمر داير تعمل فيا ولي؟ دي دعوة دي بالله؟ بدل ما تدعوا للهداية و الصلاح للبشير و اعداؤ .. تعمل ليك دعاء زي دا :
Quote: سيدي الرئيس .. من مكة دعونا الله أن يثبتكم على الحق ويفطس اعداءكم |
اعداءو ديل ناس سياسة؟ دا كلام دا يا حاج؟
اتق الله يا رجل فقد فجرت في خصومتك ( السياسية )!! ما كلمناك ياخ!!
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: Ahmed musa)
|
شكرا أستاذنا أحمد موسى فعلاً د.عوض محمد احمد محترم بحق
تخميناتكم بعيدة جداً تركنا له حرية تحديد زمان ومكان الاعلان قال: خلال يومين
من الشمال الجغرافي كان له نشاط مرتبط بالحركة الشعبية يقول: الحركة نكصت عن برنامجها،لذا كفر هو بما يسمى السودان الجديد يرى ضرورة توحد الصف في المرحلة دي، مرحلة مفاوضات الوضع النهائي أكد وجود مخطط القصد منه شق الصف لتسهيل مهمة ميلاد دولة الجنوب ومفاوضاتها
مرحب به مرة اخرى
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: Ahmed musa)
|
Quote: من الشمال الجغرافي كان له نشاط مرتبط بالحركة الشعبية يقول: الحركة نكصت عن برنامجها،لذا كفر هو بما يسمى السودان الجديد يرى ضرورة توحد الصف في المرحلة دي، مرحلة مفاوضات الوضع النهائي أكد وجود مخطط القصد منه شق الصف لتسهيل مهمة ميلاد دولة الجنوب ومفاوضاتها
مرحب به مرة اخرى |
الكلام ده ذكرني اخونا (خالد عنان عمر)الاعلن انضمامه للمؤتمر الوطني قبل سنة وشهرين (فبراير 2010م) ..معقولة يكون هو ومعلقين انضمامه من الوكت داك ؟!!!
| |
|
|
|
|
|
|
Re: بوردابي يساري يقترب من الانضمام للمؤتمر الوطني (Re: خالد عبد الله محمود)
|
نعم
الرجل يمثل اضافة نوعية للمؤتمر الوطني
مثله لا بد ان يكون من اوائل المنضمين للمؤتمر الوطني
ولكن في كل تاخير خيرا
نحمد الله الذي اخرجه من الظلمات الى النور
وسيجد الجميع اخوة ومناصرين له
قوة متماسكة تساند الحق وتدرأ الباطل واهله
مرحب بك اخي الكريم
وانا من اكثر الناس سعادة لمعرفتي بنقاء معدنك
وصفاء سريرتك
الى الامام
والله الموفق
وادخل كتيبة الردم من الان
وارفع راسك عاليا
واهتف بانك مؤتمر وطني
كع
شكرا حبيبنا عمر
| |
|
|
|
|
|
|
|