Post: #1
Title: نداء الى من يهمه الامر....حبيب نورة انموذجا
Author: حامد محمد حامد
Date: 04-13-2011, 07:42 PM
Parent: #0
مصر يختلف عن ما بعد 25 يناير هكذا يردد المصريين ...كما حبيب نورة
|
Post: #2
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-13-2011, 07:46 PM
Parent: #1
يا راجل ديل بقوا ينومونا من الساعة إتنين صباحاً أول النهار
يعني في الليل يسووا شنو ؟
وبعدين انا ممكن أعمل ليك رصد دقيق للحركة السياحية وما أصابها من تدهور
ما بعد 25 يناير
بس خليني أمشي مشواري ده لغاية مطار القاهرة
وبجيك بي رواقة وواحدة واحدة
|
Post: #3
Title: Re: نداء الى من يهمه الامر....حبيب نورة انموذجا
Author: حامد محمد حامد
Date: 04-13-2011, 07:47 PM
Parent: #1
قال لى ياخى انا زهجت من البورصة ..كتمتها فى سرى وقلت عشان كدة الزول دة قاعد فى مصر وبيلعب فى البورصة وفاض بيه لما اتقفل .
قلت ليه ربنا يعوضك والبورصة تفتح وتكسب من جديد ولكنه سرح بى بعيدا واكتشفت انه يقصد مقهى البورصة
وللحديث بقية..
|
Post: #4
Title: Re: نداء الى من يهمه الامر....حبيب نورة انموذجا
Author: حامد محمد حامد
Date: 04-13-2011, 07:59 PM
Parent: #3
بعد فترة من اندلاع ثورة 25 يناير بدات بعض اثار سلبية تظهر عليه هذا الحبيب
وسوف ناتى الى تلك الظواهر والاثار التى يمكن تداركها فى مراحلها الاولى وذلك فيما بعد
الى ان كانت هذه المداخلة( ادناه) بتاريخ اليوم 13/4 اى بعد مباراة المان وتشيلسى ب 24 ساعة
وهنا قلت ...لا ..لابد من تدخل ولو جراحى ...فيا ترى لم اختلط عليه الاختصاص
Quote: انا مدفعجي
لكن شاحد الله الليلة النانو يسويها
ويريحنا من المان ومغستو
|
|
Post: #5
Title: Re: نداء الى من يهمه الامر....حبيب نورة انموذجا
Author: حامد محمد حامد
Date: 04-13-2011, 08:08 PM
Parent: #4
لمن لا يعرف حبيب نورة عن قرب هو شخص ودود يتكلم بصوت منخفض بدون حدة يبدوا تائها وهو فى قمة التركيز
ولكنه
اصبح ينفعل باقل الاسباب وبالرغم من انه كان نصيرا للثوار فى ميدان التحرير وقد مد لهم يد العون واتهم حينها من انه ضمن الاجندة وموزعى الكنتاكى الا وانى سمعته اخير يذكرهم بالكلام الما كويس من شاكلة ..ما خلاص ...يعنى ايه حظر تجوال وعايزين نشتغل والبورصة خسرانه ( المقهى والبورصة الجد جد )
ولكن ما زلت حائرا اين اختفى حبيب نورة ال 24 ساعة المنصرمة حيث كان خارج الشبكة والعالم الواقعى ؟!!!!
|
Post: #6
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-13-2011, 08:27 PM
Parent: #5
| Quote: اصبح ينفعل باقل الاسباب وبالرغم من انه كان نصيرا للثوار فى ميدان التحرير وقد مد لهم يد العون واتهم حينها من انه ضمن الاجندة وموزعى الكنتاكى الا وانى سمعته اخير يذكرهم بالكلام الما كويس من شاكلة ..ما خلاص ...يعنى ايه حظر تجوال وعايزين نشتغل والبورصة خسرانه ( المقهى والبورصة الجد جد ) |
يعني يا أخ حامد عاجبك وقف الحال ده ؟
القاهرة دي نحن بلابلا وسمّارا ونحن أهلتها وأقمارا
والأقمار دي المعروف بتطلع بالليل !
يعني يرضيك كده
بقت علينا حكاية ساكن في حي السيدة وحبيبي ساكن في الحسين
تصحي من النوم تلاقي العساكر قافلين الشوارع آل أيه آل حظر تجول
ياجماعة متين أصبحت وإتنين صباحاً جات
زول يتفاهم معاك مافي
| Quote: ولكن ما زلت حائرا اين اختفى حبيب نورة ال 24 ساعة المنصرمة حيث كان خارج الشبكة والعالم الواقعى ؟!!!! |
دي كانت غيبوبة إستباقية أعمل رايح منها
|
Post: #7
Title: Re: نداء الى من يهمه الامر....حبيب نورة انموذجا
Author: baha eassa
Date: 04-13-2011, 09:26 PM
Parent: #6
| Quote: ياجماعة متين أصبحت وإتنين صباحاً جات |
ههههها .. الساعة اتنين صباحا دي اصلا مامرت علي .. .. دي بتجي متين ؟ حوالي كم كيلو من المغرب ؟
وبعدين حامد بعد مالملم عفشه من مصر مفروض يتنحي عن بورداب مصر ؟
|
Post: #8
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-13-2011, 09:51 PM
Parent: #7
ياخ مصر دي حاجة ساهلة؟
لازم قريبك ده يا بهاء يكون لصقة إنقليزية من النوع البقوم بالجلِد داك
بتعرفو ؟
|
Post: #9
Title: Re: نداء الى من يهمه الامر....حبيب نورة انموذجا
Author: baha eassa
Date: 04-13-2011, 09:55 PM
Parent: #8
ايوة بعرفو .. الليلة ميدان التحرير رجع تاني لي ايام الثورة مدرعات وجيش وهيلمانة دة بس
عشان الرئيس جابوه القاهرة .. والناس بتغني سو ياسو .. الرئيس حبسوه
|
Post: #10
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-13-2011, 10:23 PM
Parent: #9
النهار ده انا مانزلتش وِسْط البلد
بكٌّ بُكٌّ ودي تضامناً مع الثورة الليبية
لمن أمبارح شوف عيني نفس الدبابات ديل قامت بإجلاء المعتصمين من نفس الميدان
ياخوي الحكاية شنو ؟
ودايرني بعد ده ما أطالب بحقي في المضاربة في قهوة البورصة ؟
|
Post: #11
Title: Re: نداء الى من يهمه الامر....حبيب نورة انموذجا
Author: إحسان عبدالمتعال أحمد
Date: 04-13-2011, 11:03 PM
Parent: #10
العزيزان ود حامد وحبيب نورا
كيف احوالكم الكلام الكبار دا شو ( بالمصري ) بورصة وكمان تحرير
انا حا اسلم عليكم وارجع تاني بمهلة عشان نشوف أخرتها
مودتي
|
Post: #12
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-14-2011, 00:52 AM
العزيزة جداً أستاذتنا إحسان
نعلّك طيبة
أفتقدك بشدة
وحاتك أنا ذاتي ما جايب خبر
لكن يبدو إنو البلد جايطة والللله يستر
تحياتي
|
Post: #13
Title: Re: نداء الى من يهمه الامر....حبيب نورة انموذجا
Author: إحسان عبدالمتعال أحمد
Date: 04-14-2011, 01:08 AM
Parent: #12
حبيب الكل
سلامات والله انا ايضا افتقدك بشدة لكنني اجد لك العذر (مشغولياتك تجاوزت المحلية وقربت الا شوية للعالمية ) بورصات ومقاهي وساحات نضال
اعرف علاقاتك بشباب التحرير بالله اسالهم لينا ( اصلهم اصبحو خبراء ثورات ) عمنا القذافي فاضلو قد ايش ويعزل او ينخلع
والوصية ما تنساها اي كركبة خليك بالبيت مع ( احمد سعد )
تحياتي
|
Post: #14
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-14-2011, 01:23 AM
Parent: #13
صديقتي
حالياً ألقي بظلالِ وحدتي في مخبأ سري للغربة النفسية
و ب " شيطنة " أعتدتها من خلال معاركي اليومية ما بين محطات مترو الأنفاق خط الجيزة شبرا وبالعكس
و" المدافرة " في زحام " عربيات الفول " و " كركرة الجوز والشيشة " في المقاهي البلدية الرخيصة
ومشاوير غير مبررة في أزقة وحواري " الداون تاون "
كل هذا يجعل لوحدتي أهميةً عالمية غير منظورة
أما بخصوص " الكركبة " مقدورٌ عليها
أصبحت طقس ممِل ومتكرر من مشاويري اليومية .
إنتِ كوني بخير
وكلو يبقي في محلو
|
Post: #15
Title: Re: نداء الى من يهمه الامر....حبيب نورة انموذجا
Author: إحسان عبدالمتعال أحمد
Date: 04-14-2011, 01:40 AM
Parent: #14
عزيزنا
لعمري انه نص جميل وشفيف
قد يعجز عباقرة الكلم علي ضياغته
تخيلوا معي
حبيب نورة يمارس الوحدة مع الذات ثم ينتقل لمشهد أخر ضجيج وخلوق تتسابق لاخذ مكانها وسط زحام محطات المترو الشحوب والتعب تنال من تقاسيم وجوههم وكذا اجسادهم التي انهكها الكد والتعب ثم يتنتقل بعد سويعات لاشباع جوعة يوم قضاه وحيدا ثم واحدا من بين زحام المئات
اعتقد انها لحظة التجلي التي تميز حبيب نوره فتجعله يستسلم للورقة والقلم وقيل ( علبة الكبريت ) و ستاخذ بقية يومه
حينها ننتظر نحن بكل الشوق لحظة المخاص لآحدي لوحاته الفنية الادبية الزاهية
فنطالعها بكل نهم ونستمتع بالسطور الشيقة وما بين السطور
نحن منتظرين ما تطول
|
Post: #16
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-14-2011, 02:13 AM
Parent: #15
عزيزتي
إنهُ نداءٌ إلي من يهمه الحزن
فإن خطواتي توقّع علي بياضِ الشوارع وتكحّل أعينها " بجرّة ألم "
فهل أحتاج إلي " آي لاين " حتي تبدو عيناني مجهدتان أرِقتان تعبتان ؟ أم أن السهر " بحلقةً " في قادمِ لن يأتي هو من يأرقها ؟
الخطوات هي ذات الخطوات
والشوارع لا تغيّر أسماءها ولا شهادات ميلادها
ولكنها " ترخي أضانها " مجبرةً للضجيج
وتتمدّد علي " أسفلتها " ملايين الخيبات والآمال المسحوقة علي رحاها
هل " تمسِّد " أوجاعها أحذية السابلة وتنسيها فوضي السيارات التي " تردْح كلاكساتها " حيناً من الدهرِ لم يكن شيئاً معقولا !
ومن ثم تنام مجهدة مهدودة الحيل والأسفلت !
تلكمو هي الطرقات
فما بال الخطوات ؟؟
لن أترك خواطري تتسلّل خفيةً وراء هذا " الخيت " الذي يتآمر علي حزني
ولكني سأضحك ملء " قرفي " لكي لا أبكي
ياخ بالمناسبة دي انا عازمك واحد فول علي الطريقة الحبيبو نورانية الحصرية الخاصة المستفذة
عندي فول وارد السليم إمعاناً في التآمر علي الغربة " جدعت لي فوقو تلاتة تمرات بركاوي وارد كريمة "
علي طريقة حاجة ذكية أمي حسب ما جاء في الأوراق الرسمية وحقوق الرضاعة
و" ختيتو فوق تلاتة لدايات في بوتوجاز أعور ما شغالة فيه غير عين واحدة "
هسه ياهو ده يسمع في صوصوة عصافير بطنك هردت مصارينو وخليتو ليك زي الكستر !
شفتي كيف
وقمت جبت لي مِش وشوية فلافل ومخلل منزلي وما تقولي عندي زيت سمسم قضارفي
أنسي فكرة صحن الفول البظبطو بعد شوية
وعلي فكرة ما ح أنسي صحن الشطة " الدنقاباة أو القبانيت " غايتو تشتّت دمها بين قبايل الشطوط
فلم أدرِ ما نسبها ، المهم ح أديها ليك دكوة وشوية خل وأعصر لي فيها ليمونة صعيدية بلدية الهوي تخلي خشمك يجري
وبقوم علي الفولاية
وبالهنا والشفا
|
Post: #17
Title: Re: نداء الى من يهمه الامر....حبيب نورة انموذجا
Author: حامد محمد حامد
Date: 04-14-2011, 07:37 AM
Parent: #16
اختنا احسان يعطيك العافية
الكلام الكبار كبار ده منك ومن حبيب نورة انا ما قدره ولا عندى وقت ليه ...بس هى كلمات وحكى دقاق ولابد لى من قراءته والاستمتاع به واما عن المصوراتى بهاء فسيبك منه واخاف ات تدهسه احدى مركبات الجيش ما حاقول دبابة....يخليه كفنة وشايفه كتر من زيارة ميدان التحرير .
ذات مرة عبر الهاتف جاءنى صوت حبيب نورة وفيه نبرة حزن طاغية وقال لى انا عايز اسافر الى المغرب لناس طارق جبريل ( الله يجازى الكان السبب) قلت ليه اصبر سوف يعود الداون تاون الى حركته المعهودة وبالمناسبة حبيب نورة يعرف الداون تاون شبر شبر ...حارة حارة...زنقة وعمارة .
هل الامر يحتاج الى تدخل السيد عصام شرف...؟
|
Post: #18
Title: Re: نداء الى من يهمه الامر....حبيب نورة انموذجا
Author: إحسان عبدالمتعال أحمد
Date: 04-14-2011, 07:56 PM
Parent: #17
الغاليان حامد محمد حامد
وحبيب نورة (المصراوي )
بين فتحك لهذا البوست وفتح حبيب نورة طاقة من الامل تنفذ من خلالها كلماته الدافئة تلك
احس بشعاع يتسلل فينعش الذات والروح معافيعيد لنا زمنا هانئا افتقدناه في لجج العذابات والركض لتامين لقمة العيش
فهناك من يتحمل صقيع بلاد العم سام حتي يؤمن لآبنائه مستقبلا تمنينا لو اطمئنينا يتحديد ملامحه
وبين اسمر ادمن اكل (الفول المضبط بزيت (الزتون ) لا زيت سمسم القضارف يبحث هو الاخر عن بيئة تلهمه الافكار والاخيلة لكي يتداعي احساسه وقلمه
لذا نجده يمارس نوعا من العشق مع مقاهي القاهرة المكتظة بكل انواع البشر فمن اصواتهم وشفاههم تاتيته تلك الافكار التي يترجمها في نصوصه العميقة والمميزة
هو يكتب لنقرا نحن
اذن هو انتظار وامل
فالقادم اكيد اجمل
مودتي
|
Post: #19
Title: Re: نداء الى من يهمه الامر....حبيب نورة انموذجا
Author: baha eassa
Date: 04-15-2011, 02:33 PM
Parent: #18
الاخت احسان اضافاتك في البوست شيقة .. بلا حامد ولاحبيب نورة
|
Post: #20
Title: Re: نداء الى من يهمه الامر....حبيب نورة انموذجا
Author: إحسان عبدالمتعال أحمد
Date: 04-15-2011, 09:34 PM
Parent: #19
الاخ الكريم بهاء عيسسي
اتمني ان تكون ومن معك بألف خير
والله حامد وحبيب ناس حلوين وغاليين
لكن (لكن اختفيا ) تحت ظروف غامضة
ارجو البحث عنهما وابلاغنا بالحاصل ( ما تكون سرقتهم ثورات هذه الايام ) )
تقديري لك
|
Post: #21
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-17-2011, 10:23 PM
Parent: #20
عودة أكيدة
|
Post: #22
Title: Re: نداء الى من يهمه الامر....حبيب نورة انموذجا
Author: baha eassa
Date: 04-17-2011, 10:36 PM
Parent: #20
| Quote: ما تكون سرقتهم ثورات هذه الايام |
العزيزة احسان .. ديل الا تسرقهم تسونامي ثورة الساهلة دي؟ وبعدين حبيب نورة
مشغول مع صديقه محي الدين جبريل
|
Post: #23
Title: Re: نداء الى من يهمه الامر....حبيب نورة انموذجا
Author: baha eassa
Date: 04-17-2011, 10:40 PM
Parent: #22
اخر ظهور لحبيب نورة في جمعية صاي .. واظن الاختفاء كان بسبب بوست السمغ زي ماقال ..
|
Post: #24
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-18-2011, 01:07 AM
Parent: #23
غايتو أنا يتخيل لي ما ملزم بالرد حالياً إلا علي أستاذتنا وحبيبتنا إحسان عبد المتعال
وحسب شهود عيان
أنا حالياً في غيبوبة مؤقتة
إسكندرية
البحر
والعجمي الما قريبة
من هناك جاييكم بي رواااااااقة
حامد ومن لفّ لفه
الصبُر
|
Post: #25
Title: Re: نداء الى من يهمه الامر....حبيب نورة انموذجا
Author: baha eassa
Date: 04-18-2011, 08:02 AM
Parent: #24
اكيد انا المقصود باللفة دي ؟ المهم اي رد علي اختنا احسان يعتبر رد علينا ؟؟؟؟
الايام دي يا حبيب الناس بتمشي ميدان التحرير اسكندرية شنو كمان
|
Post: #26
Title: Re: نداء الى من يهمه الامر....حبيب نورة انموذجا
Author: حامد محمد حامد
Date: 04-18-2011, 09:43 AM
Parent: #25
Quote: أنا حالياً في غيبوبة مؤقتة
إسكندرية
البحر
|
خليك عندك احسن ليك ...بدل ما اعمل ليك (حركة اسكندرانى ) وطبعا الكلام دة ممنوع من الصرف
وطالما انت مغرم بالفول عايزك تعدى على محمد احمد فى بحرى وتستمتع باكل الفول هناك ولا تنسى ان تمر على صابر وتضرب الرز باللبن مع شوية مكسرات ( اك نفيمينا)..
التحية لاختنا احسان ومن لف لفى كما قال حبيب نورة المصوراتى الشهير ببهاء عيسى
|
Post: #27
Title: Re: نداء الى من يهمه الامر....حبيب نورة انموذجا
Author: baha eassa
Date: 04-18-2011, 11:10 PM
Parent: #26
حبيب نورة يبحث عن مترجم ...
|
Post: #28
Title: Re: نداء الى من يهمه الامر....حبيب نورة انموذجا
Author: حبيب نورة
Date: 04-24-2011, 09:57 PM
Parent: #27
يا راجل من ساعة ما قلبتوا للقناة الصوتية التانية دي
وانا في حالة طشاش
|
|