|
|
 شفـتو النـاس العـينا مليـانه !!
|
هذا حفل زفاف لا يمكن أن ينسى؛ فالعريس هو أحد أفراد الأسرة
المالكة السعودية والعروس ابنة دوق مدينة نورثمبلاند، وبالرغم
من أن أسرتيهما يمتلكان العديد من الملايين إلا أن عقد الزواج
تم في سجل مدني في مدينة أوكسفورد بتكلفة بلغت 167 جنيه استرليني فقط.
حيث تم عقد قران الأمير بندر بن خالد بن سلطان آل سعود وهو من الأسرة
المالكة في السعودية والمعروف أنها بالغة الثراء على عروسه
لوسي كوثبرت ابنة دوق نورثمبلاند الذي تقدر ثروته بحوالي 300 مليون جنيه
استرليني في احتفال حضره عدد قليل من الضيوف.
وارتدت لوسي فستان أبيض ضيق مع جاكت كريمي اللون،
أما العريس فقد ارتدى لباس أوربي أنيق رمادي اللون
ورباط عنق مخطط، والغريب أن العروسين بعد أن انتهيا
من عقد القران ركبا أوتوبيس مع أصدقائهما وأسرتيهما
ولم يركبا ليموزين فاخرة أو عربة تجرها الخيول!.
جاء في صحيفة صانداي تايمز أن (رالف جورج ألغرنون بيرسي)
عم العروس هو رقم 229 في قائمة أغنى أغنياء العالم
حيث يمتلك قلعة ألنويك في نورثمبلاند،
كما أن والده يمتلك قلعة أخرى تقع على بعد 40 ميل من قلعته،
أما بندر البالغ من العمر 33 عاما فهو حفيد ولي عهد السعودية،
واستخدم بندر في تنقلاته طائرة إيرباص تمتلكها
الأسرة ووصل بها إلى مكان عقد الزفاف.
حضر العروسان إلى الحفل مباشرة وقضيا معا حوالي نصف ساعة لإتمام
الزواج في داخل مكتب السجلات في أوكسفورد، وبلغ عدد الحاضرين
حوالي 25 شخصا، وكانت أجواء السعادة تحيط بالعروسين
حيث قامت الأسرتان بإلقاء الحلوى عليهما وانطلقوا بعد
ذلك في أتوبيس خاص بهم إلى غرب المدينة.
انتهى الخبر ..
اقلهن مهرا اكثرهن بركة ...
بكون حنكها كدا المسلم دا ..؟؟
فستان متر وااااحد
حفله مافى
ولا حنه ولا فطور عريس ..
مش ذى بتاعننا ديل زول لقا لى قرشين امس يجو شايلنو
فى كرسى !!
وفستان عشرة متر جارى فى الواطة .. واريتها الواطة
كان نضيفه ..
انا ما عارفه فكرة انو الزول يجر التراب دى جابوها
من وين ؟؟؟؟
ـــــــــــــــــــ
بس البت دى بتكون اتمقلبت مقلب اساااااسى
لو ما ودتو الكنيسة الكاثوليكية عقدت هناك !
لانو العربى دا بكرة برتكب فيها ايا من الضررين
يا عرس فيها وبدون ما يكلمها .. يا طلقها
وديل الاتنين فى الكاثوليكى ما بقدر يعملن ..
وهى المسكينة ما بكون عندها فكرة انو فى الدنيا فى حاجات
بتحصل ذى دى !! بس قولوا يا لطيف ....
|
|
  
|
|
|
|
|
|
|
|
Re: شفـتو النـاس العـينا مليـانه !! (Re: طارق جبريل)
|
وووووووووووو العريس بشارى
الخبر دا شايفا ريحك ... لووووب
لكن ذى ما قال وردى بعد ايه ..
هسه عليك الله يا بشارى بوست العرس دا براه
ما 167 استرلينى ؟
ما انا بحكى عن العدمانين ديل
يجهز 6 سنه للعرس ويعرس 6 شهور ..
ويخسر 60 مليون ..
وكلو كوم وموضة الشيل دى كوم تانى ..
ـــــــــــ
قال ليك وركبوا البص مع اهلهم ..
اصللللللللو ما شفقانين .. ولا ضايقين
كلو بالمهله ..
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
العزيزة دينا
طابت أوقاتك بكل خير
عليك الله العريس دا لو عندوا عيون بيتزوج زي دي
يأخي أنا العدمان دا لو وقعت لي في كرتلا بخليها وبخلي قروشي 
أسع دا وجهه أتصابح بيهوا من الصباح يـأخي دي ال 167 ج أسترليني كتيرة فيها .
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عادل الباهي عبدالرازق)
|
Quote:
انا ما عارفه فكرة انو الزول يجر التراب دى جابوها
من وين ؟؟؟؟
|
من نفس المكان الجابو منو اللالون الرهيبة ( اخدر/ازرق )البكتحوا بيها عيون -جفون - العروس لمن تدفن!!
اوع يكون بس دا فن .. او مقصود منو حاجة جمالية!!؟
غايتو العلم اطور ؤ كدا!!؟
عوارة ساي غايتو!
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عادل الباهي عبدالرازق)
|
هارون دياب !
سمح اصبر ..
بلم فيك يوم ..
مش ود البشرى قال ليكم مداخلات المطاعنات دى خلوها !!
طارق جبرين .. منووور
هسه هو المال فى البركل دا بودو وين ؟؟
خمسى شفع وشايقية تانى يموووت يعنى ؟
هو بس يبق فالح ويدعى ربو السطلى دا ما تفك عليهو ...
ـــــــــــ
العين هنا ما بملاها الا التراب
مثل كاسوليكى ..
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عادل الباهي عبدالرازق)
|
عادل الباهى ..
هييى قالوا الما بتلحقوا جدعو ..
شفت الرشاقة دى والكريعات ؟
والوش مسهووك ياهن قدر قروشو ..
انت قايل الخواجات ديل بتغشو ؟
ــــــــــــ
طبعا انت دايره مدفقه وبى جضوم
وكلها هدوم ؟ مش ..
باكر قاعدين تابوهن وتتلفتو لى
الهقلات ديل ..
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
قيقا يا قيقا ..
هو فى احلى من الالوان ؟
قالوا العروس لما الحفلة انتهت
ودخلت غرفتها مرقت الشعر ومرقت الضفور
ومرقت الرموش مرقت العدسات ووووووووووووووو
لقت العريس واقف جنب الحاجات بى هناااااك
قال ليها :: انا مع الاغلبية ..
لوووووووووب
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
دينا
تاني جيتك راجع
والله العظيم الاوربيات ديل فيهن بنات لوشافن
المجنون يشفي بس للاسف معانا مابيقسموا ديل
عاوزات راجل ضل ساكت يودوهوا شمال يمشي
يحركهوا يمين مايقول بغم عشان كدة لالوبنا ولا تمر
الناس احسن لينا بناتنا ديل بي جضومن وكترت هدومن.
والسعودي دا لو حمش لوقعد معاها سنه بي شناتا دي لوميني.
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عادل الباهي عبدالرازق)
|
سلام دينا
والله ياناس سودانيزاونلاين الأمو داعية عليهو يقع فى قيدكن.
يعرسوا بالقليل جايبين خبرن يبهلوها ياخدوا على راسن.
غايتو الأكيدة حانتوقع منك بوست طلاق ان ربنا مد فى الآجال
بعد ماتكون ملت ليهو بطنو مغايس ,, الزول كان بقى على
بنات بلدو مابندم ,, والعايمة لابدن تدق فى القيف.
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عبدالعزيز الفاضلابى)
|
يا عليش ..
فى ثقافتنا بقولوا الراجل ما بعيبو الا جيبو
لكن هم هناك طبعا سقافتم مختلفة ..
الدفع الاندر اندر دا ما معانا ..
قدر ما يدفع ما بكون قدر القروش البحولها
الميكانيكى هنا لى حبيبتو رصيد ...
ووووووووووووو نصار .. الراجل بتاع السفارة
الطردوا لابس ذى طاقيتك دى .. بس هو مستحمل العمة !
ديل والله ما يفطوا اى حاجه ..
تتصور العروس بزفوها بالزفة الشامية والمصرية
والخليجية ما يخلو بلد .. بعدين يتقلدو ويرقصوا
سلوووووو .. فى الغربى !!!!!!!!!!!
اها دى لوسى بت الدوق دى ما عملتها
هم البقوا يخلوا لينا حاجاتهم ...
لكن معذورين والله ..
بالجد بعدما يشوفوها عندنا
ما عندهم اى ى ى ى طريقة
غير يخلوها ..
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عبدالعزيز الفاضلابى)
|
عادل الباهى
هو انتو العزمكم منو ؟
خليكم فى ى ى لالوبكم وفلسكم دا ..
والامير قشه ما تعتر لى ..
هى هينه كل يوم بى عريس
ومال هم ما بكبروا المصيبة لييه ؟
الفاضلابى .. سلامات
ومشتاقين والله ..
عجبتنى .. العايمة لابد تدق فى القيف ..
هسه فى ذمتك هنا فى قيف ؟
قول البيتش .. قول فى طرف الحوض
ياااااااى كل زول بى عوامتو يدق فى القيف
كيف يعنى ..
كلمهم كلام يفهموا ياخ ..
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عبدالمجيد الكونت)
|
الكونت ..
هسه كان كنت كونت بالجد كان فهمتا ..
بنت دوق دى تانى معاها شنا ..
يقولوا ليك 300 مليون استرلينى \
انت تتكلم عن الشنا ؟
ما تبقى حسى كدا !!!
ــــــــــــ
قال كونت قال
او كما قال .....
كما دى ما تمها حرف براك سمح ؟
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
الف مبروك للعرسان. عقبال نفرح بيك يا دينا. نشرب شرباتك يا دينا. وناكل بلحاتك يا دينا.
قالوا تزوجوا فقراء يغنيكم الله. الناس ديل اتزوجوا اغنياء، وعاملين فيها فقرانين. وما اظن ربنا حيفقرهم.
العريس الحليوون ده امير ود امراء. عنده شركة استثمار كبرى اسمها دايم.
وعنده طيارة خاصة لها حق الهبوط والاقلاع من مطار عسكري شهير تابع لسلاح الطيران الملكي البريطاني. طبعآ صفقات السلاح بين السعودية وبريطانيا مشرف عليها جد العريس وابوه. هييييع!
ده بيت الماذون العقدوا فيه:
وده بص السيرة. عريسنا زينة وحالف ما يدلينا:
وقالوا حيعملوا حفلة كاربة فيما بعد في هذا المكان (سايون هاوس) الذي يملكه عم العروس:
http://www.newsoftheworld.co.uk/notw/_news/1251986/Arab...-a-167-ceremony.html
| |
|
|
|
|
|
|
|
|
|
Re: شفـتو النـاس العـينا مليـانه !! (Re: Adil Osman)
|
ووووووووووووووو يا عادل عثمان
جبت النجيضة كالعادة ...
يا دوق يا ابن الدوقات ..
الليلة جيناك فى حتتك
ــــــــــــــ
طيب ياخ مادام انت هناك ما تشوف لى الدوق
دا ماعندو ولد زايد ؟؟ ولا عمهم صاحب القلعه دى ؟
بس كلمهم انا 167 استرلينى دى ما بتنفع معاى ..
دى عندى ..
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
Quote: طيب ياخ مادام انت هناك ما تشوف لى الدوق
دا ماعندو ولد زايد ؟؟ ولا عمهم صاحب القلعه دى ؟
بس كلمهم انا 167 استرلينى دى ما بتنفع معاى ..
دى عندى .. |
بالحيل. الدوق عنده ولد حليووني اسمه جورج بيرسي. كان زميل البت كيت ميديلتون الحيعرسها الامير ويليام ود الامير شارلس ود الملكة اليزابيث الثانية في جامعة ادنبره.
شوفي صورتو مع امه دوقة نورثمبرلاند. رسلي ليهو صورتك. عشان التعارف وكده.
_________
دوق دي من كلمة dog الانقليزية؟ هههههههه. هاك الهوت دوق ده!
| |
|
|
|
|
|
|
|
|
|
Re: شفـتو النـاس العـينا مليـانه !! (Re: بدر الدين احمد موسى)
|
لوووووووب ياعادل
لكن الدوق دا ######ان مالو ؟
ولابس بلو جينز كحلى ..
غايتو بشبه ناس الران دوق عندنا ..
هىىىىى يا ياسر طيفور
مداخلات المطاعنة دى وقفناها من بدرى
انت جيت راكب البص دا من وين ؟
اقول ليكم ؟ انا خليت الدوقات ديل شوفو
لى ناس بندر بن سلمان بعد دا اخير نجاور ..
ونتلما على بورداب الرياض ..
عشان اعمل ليهم تسفير بالدور ..
| |
|
|
|
|
|
|
|
|
|
Re: شفـتو النـاس العـينا مليـانه !! (Re: بدر الدين احمد موسى)
|
بدر الدين
مطشش انت دا ... ياخ الزول
بعاينو لى شكلو بقولوا حلو عيونو كبار
ضعيف سمين ابيض اسود وكدا
لكن تعاين فى شكلو تقول طيب ؟؟ ومسكين ؟؟
والله انت تقع وقعه عيييييييييييييك ..
يا ما تحت السواهى دواهى ..
ـــــــــــــــ
يعنى هسه ممكن انا اعتمد على انو وشى
طييييب ومسكين ؟؟ وامقلب العريس !
فكرة والله ،، الله يوقعنا فى واحد مطشش ..
| |
|
|
|
|
|
|
|
|
 Re: شفـتو النـاس العـينا مليـانه !! (Re: دينا خالد)
|
بنلقى لينا فرقة
نجي نبشر
العرس دا عجبنا خلاس
شوفو لينا واسطة أنا وخيتي دينا يا عادل عثمان
يمكن تمرق ليها بعريس إن شاء الله السايس*
بكر وليداتي معاي يمكن يقولو خليهون قبلن في القصر دا يشكروني دنيا وآخرة
وأجي راجع بالحاجة بتاعتي ومعاي كمين مليون استرليني
ونبدأ من جديد
عرس وإنتاج
بي مولاص السكر دا
لوووووووووووول
ــــ
تمسك درب خالتا الأميرة ديانا
وتاني لوووووووووووول
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
دينا ال خالد ..
كيفنك خيتي ..مشتاقوووون ..
امبارح في افراح افراح جابو عرس من جدة والوهمة كانت في إنو العريس والعروس جابو قفص فيهو طيرة وفتحو القفص للطيرة ..الغريبة الطيرة أبت تطيير ليهم ..وقدر ما هززو القفص الطيرة أبت ..في النهاية العروس والعريس قلبو القفص وخجوووهو حتى مرقت ليهم ..وده كلو كووم ولبيس الدبل كان كوووم تاني ..شعلقو يدينهم فووووق ..
بالنسبة للعرس حقك ده فدحين الخمج الجد كان في حنة العريس الكانت هنا في الرياض ..أحكيها ليك ولا ماف داعي..
تخريمة :
الدنيا معاك ؟
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عمر الفاروق)
|
عينه مليانه بتاع ايه ياستنا ...
الانتي جايباهو هنا ده اسموا العقد ...أأي والله ذي بتاعنا بتاع الجامع داك.. بتاع البلح واللقيمات .. اما الجخ فللاسف يمكن ما في واحد مننا يقدر يشوفوا اللهم الا لو فيه صاحب مجلة من مجلات البتاع يقدر يدفع حق التصوير الحصري ولازم يكون عندو طيارة خاصة وبوصلة* عشان يصل الجزيرة المقام فيها الحفل ..
البوصلة لان الجزيرة غير موجوده في الاطلس .. ولا في قوقل ايرث
| |
|
|
|
|
|
|
|
|
|
Re: شفـتو النـاس العـينا مليـانه !! (Re: osama fadlalla)
|
دينا خالد
ياخ انت ما بتعرفي تقري البعد الرابع للناس?
يعني هسع البت الفي بروفايلك دي انت قايلة سماحتها جاية من وين?
عليك الله ما بتديك شعور انها طيبة? اللييييلة اوعك تكون صورتك الحقيقية, دا حا يسبب لينا تحقيق في البرلمان,
وتقصي حقايق, وربما سحب "سقة" ذاتو!
في ناس سمحين لكن بدوك انطباع انهم وش فقر.
بس الخواجاية العروس دي حقيقة بتدي انطباع انها "بت ناس" وطيبانة!
بعدين عايزة تمقلبي العريس ليه يا دينا ياخ?
ظاهر انك طيبة وكمان مسكينة!*
الله يديك مناك.
--
*شوفتي الماركتينق دا كيف?!!هههههههه
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
النصيحة
مشيت حاسبت الولد دا (طِمين رقبة ساكت / مسعلة الولد دي)
كيفن تتمنى لي خيتك سايس
بس بصراحة لقيت لي مخرج:
سايس بلدن ولا سياسي بلدنا
أهن
كدا كويس معاك خيتي
يا اخي شوفو لينا طريقة
والباقي هين
نتفالق نحن ودينا
ونتصالح
صاح
المهم
العملية في النملية
ولا شنو
| |
|
|
|
|
|
|
|
|
|
Re: شفـتو النـاس العـينا مليـانه !! (Re: دينا خالد)
|
Quote: يعنى هسه ممكن انا اعتمد على انو وشى
طييييب ومسكين ؟؟ وامقلب العريس !
فكرة والله ،، الله يوقعنا فى واحد مطشش ..
|
ههههه دى عسل يا دينا،
بس الايامات دى المقلب من العريس ،
آخر كلام حلو وعوازيم مجهبزة ،
بعد شهر يديك نهرة ويقول ليك مالك مابتشوفى الحجر القدامك دا ههههه
عشان كدا يختى خلى وشك ذى ما الله خلقو كلو ما جايب حقو.
| |
|
|
|
|
|
|
|
|
|
Re: شفـتو النـاس العـينا مليـانه !! (Re: عمر الفاروق)
|
| Quote: الله يوقعنا فى واحد مطشش |
ارمى بياضك , بنوصلها ليك مكة الليلة دى
وبنديك فرصة تعدليها شوية , مثلا تحذفى التخصيص
زى مطشش ولا اشولنجى المهم واحد
وبعدين ضمانك شنو يكونوا المطششين دعواتهم اقوى من دعوتك
انا بعرف لى واحد مطشش , دايما بيدع ربه يكفيه شر المشوطنات
| |
|
|
|
|
|
|
|
|
|
Re: شفـتو النـاس العـينا مليـانه !! (Re: احمد التجانى احمد)
|
دينا اختى
ما تبطلى المشاكل وجنس الحاجات دى ما تجبيها للعالم ديل
حسع اجيك وشيقوق ناطى ويقول ليك انا موافق اعرسها بشرط ترحل معاى وتسكن فى البردانة
قال بردانه قال ( البرد اليشقق كدراتووووا انشاء الله )
ــــــــــــــــــ
شوفتى العالم الحاسدة كلهم قالوا العروس شينة
وما شايفين المقسم والمفصل
سبحان الله الخالق المبدع
| |
|
|
|
|
|
|
| |
دينا خالد
الامين موسى البشاري
طارق جبريل
haroon diyab
عادل الباهي عبدالرازق
قيقراوي
عليش
Nasr
عبدالعزيز الفاضلابى
Adil Osman
محمد عبدالرحمن
Yassir Tayfour
بدر الدين احمد موسى
Abdlaziz Eisa
بله محمد الفاضل
عمر الفاروق
osama fadlalla
AMNA MUKHTAR
محمد حيدر المشرف
Nagat Sid Ahmed Elshiekh
Hussein Mallasi
كمال سالم
احمد التجانى احمد
Yousif A Abusinina
طلحة عبدالله
فيس بوك
تويتر
انستقرام
يوتيوب
بنتيريست