عبدو جابر نجم العشر سنوات القادمة .. ومشكلة المريخ حلت جذريا باقصاء بله والزومة

ركزوا مع اللاعب ده
ان فشل هيثم مصطفى في تأفيل نجمه .. او ان اشتد عوده هو.. وتغلب عليه وعلى اللوبي في وسط الهلال.. كما فعلها باكمبا سابقا باقتحام لوبي وسط المريخ عنوة واقتدارا ...
سيكون لهذا اللاعب شان كبير في خارطة الكرة السودانية


اما المريخ فمشكلته حلت جذريا باقصاء اطرافه والاستعاضة عنهم بايا كان .. وعاصم عابدين سيكون اساس هذا التحول .. والشاهد على ذلك ان جميع اهداف المريخ في المورده من عكسيات

موسى الزومة هو السبب الرئيسي في تدهور المريخ
فعلا هو يؤدي مهامه الدفاعية بدرجة امتياز
وعنده طاقة جبارة يهاجم بكثافة لا يكل

لكن طاقته الجبارة ونزعته الى الهجوم والتي تسعفه فيها طاقته الفطرية هي سبب نكسات المريخ

موسي بقلع الكورة من 18 المريخ
ويعمل اسبرنت واحد لحدي 18 الفريق الخصم في نفس واحد
فيضطر بقيت الاعبين مجاراته والهجوم معه ارتدادا وهذا من بديهيات الكورة

ثم يصل الزمة مشارف الفريق الخصم .. ومن خلفة بقية اعضاء الفريق بنفس مقطوع
ثم يعكس الكورة في الاوت

!!!

اربعة حمسة طلعات من دي ويفقد الاعبين لياقتهم ورغبتهم في الهجوم

وطوالي بكررها موسى الزومة .. قطع نفس اللاعبين وسل لسانهم بره
والمشكلة انو طاقته فطرية لا تنضب
يعني ممكن يطلع ليه 100 طلعة في المباراة
ويعكسهم كلهم في المدرجات

Quote: وطوالي بكررها موسى الزومة .. قطع نفس اللاعبين وسل لسانهم بره والمشكلة انو طاقته فطرية لا تنضب يعني ممكن يطلع ليه 100 طلعة في المباراة ويعكسهم كلهم في المدرجات

اضحك الله سنك يا شفت,,

زمان قلنا كده منتقدين اصرار مازدا عليهو في المنتخب قالوا هلالاب حاقدين,,


سؤال على الطاير عبدو جابر ده صلتو شنو بي بلة جابر؟

مرحب محمد خليل

عبدو جابر انا قاصد بيه مهاجكم الهلال الجديد الجابو من بورسودان اعتقد

موش اسمو عبدو جابر ولا انا غلطان ؟!

عموما مافي مقارنة بينو وبين بله جابر

الاول كورتو في راسو
والتاني كورتو في كرعينو

سلام يا وليد
اول مره احضر ليه في كورة المنتخب الاولمبي الاخيرة ضد غانا
انا غايتو مما لقيتو بشبه بله جابر قُلت بكون ماسورة, لكن طلع لعاب

مرحب عكاشة

انا ركزت معاه في كورة هلال مريخ الاخيره الغلبناكم فيها

شكله كان مختلف عن جميع لاعبي الهلال

كلهم كانو رايحين
نزلوه الشوط التاني وقرب يدرن ليكم

غايتو يا ولي طمنتنا الله يطمنك ,,

بنتابعو بعد ده.

تابعو وانت متطمن
هذا اللاعب مؤهل للاحتراف ان شذب موهبته من رغبته الجامحة في الاحتفاظ الكثير بالكرة ومحاولة جعل كل تحركاته في الميدان فيها لمحة فنية عالية ومثيرة
ان استخدم امكانياته مهاراته- وهو صاحب امكانيات فنية مهولة - في حينها ووقتها وحوجتها فقط .. ففيه ريحة انه يريد ان يفعل الشي دائما بالطريقة الاصعب حتى يمتع نفسه

ان ترك هذا العيب .. عيب ان يشبع رغبته في الاستمتاع في كل الاوقات وفكر قليلا.. قليلا فقط ان يلعب احيانا كرة تجارية واحيانا كرة متعة
سيكون لاعبا عالميا

بس يختاه هيثم مصطفى

الشفت يصدق مع نفسه والآخرين و(يطلع النجيضة) والنصيحة..
لمسة عبده جابر للكرة توضح امكاناته الفنية العالية..
لعبة (الباكورد) في آخر دقائق هلال مريخ الأخيرة كانت ستكون أجمل هدف في تاريخ لقاءات الفريقين منذ مدة طويلة..
لو الكرة (صدقت معاهو) وجات في الزاوية المطلوبة..
بالنسبة لموسى الزومة:
ياجماعة كمال شداد (الله يطرى أيامو بالخير).. قال لا تلوموا اللاعبين..
فقدراتهم الذهنية محدودة ومتدنية جداً ولو كانوا يملكون طاقة (الحصين)..
ومسألة تعلم عكس الكرات بدقة تحتاج لموهبة وقدرة ذهنية وتدريب مستمر وتدارك للأخطاء..
شاهدوا للاعب الأهلي القاهري (سيِّد معوض).. في عكسياته المتقنة والمرفوعة بدقة..
وقارنوا مع ما يفعله الزومة.. من هدر لجهد اللاعبين وضياع الفرص المضمونة..
العكسية المتقنة تساوي نصف هدف.. وأجمل الأهداف تأتي من عكسيات..

مرحب ايمن دياب

حبابك

الشفت حين يكتب بجديه ياحرى الصدق ولا شي غيره

الغلات براهو
وعندو وكتو
قر قر قر قر قر قر قر

موسى الزومة خلاص ببح
وعاصم عبدين عنده مضرب موزون ويجيد عكس الكرات
عنده ضعف باين في الدفاع ودي مهمة المدرب ولاعب الارتكاز الواعي

تنقا كان عنده الضعف ده .. لكنه كان اقوى جبهة في فريق الهلال

Quote: ركزوا مع اللاعب ده ان فشل هيثم مصطفى في تأفيل نجمه .. او ان اشتد عوده هو.. وتغلب عليه وعلى اللوبي في وسط الهلال.. كما فعلها باكمبا سابقا باقتحام لوبي وسط المريخ عنوة واقتدارا ... سيكون لهذا اللاعب شان كبير في خارطة الكرة السودانية

الاخ وليد..

صبااح الخير

عبده جابر لفت انتباهى فى الميرغنى الكسلاوى و كم تمنيته فى الهلال و قد كان..
بدون شك عبده جابر لاعب موهوب جدا و هو لا زال صغير السن و سيكون اضافه كبيره للكره السودانيه
و امتداد لعمالقه سبقوهو فى عالم الكره السودانيه...

شكرا ليك...

Quote: الاول كورتو في راسو والتاني كورتو في كرعينو

ودي مشكلتنا بالجد ... ولو كان عندنا خبراء رياضيين وبعرفو الكورة صاح ...
ما حتلقى في أندية القمة إلاّ لاعبين الكورة في رأسهم ...

شوف عليك برشلونة لاعبين صغار زي شُفع الروضة (ما شاء الله) لكن بشتغلوا شغل دَوْ دَوْ بي اللوري صاح !!!



ولك ودّي ،،،

Quote: اما المريخ فمشكلته حلت جذريا باقصاء اطرافه والاستعاضة عنهم بايا كان .. وعاصم عابدين سيكون اساس هذا التحول .. والشاهد على ذلك ان جميع اهداف المريخ في المورده من عكسيات

من قبل سنتين بقول لى خليل الهلال مفروض يسجل عاصم عابدين ..
عاصم عابدين محلو الهلال ..ان شاء الله بعد دا خليل يقتنع بصحة
قراءتى الفنية

كابتن وليد ... سلامات
جيت السودان وما اشتغلت بينا ورجعت وتاني راجع السودان وبالنسبة لموضوع البوست
هل لاعبي الطرف وحدهم هم الذين يقومون بعكس الكرات من الاطراف
هذه الان اصبحت مشكلة اي لاعب سوداني واخر لاعب كان يمتاز بطريقة اللعب هذه هو منصور بشير تنقا
وفاروق جبرا اما بعدهم يقومون بهذه المهام بضعف
ياكابتن عكس الكرات مثلها ومثل الرماية وضرب النار اذا وجدت لاعب صغير ممكن تعمل على تطويرة وتحسينة
وقدم موسى وبله جابر الى المريخ وهم صغار السن هل عمل الجهاز الفني على حل هذه المشكلة
واذا كانت هذه هي مشكلتهم لم يكتشفوها الا الان بعد ضياع الكثير من البطولات
ياوليد عكس الكرات ولعب الكرة بالاسم دي مهارة يفترض يمتلكها كل لاعب يقدم الى ممارسة اللعبة وممكن
ضيف له عكس الكرات بكلتا رجلية مافي حاجة اسمها دي تكالة مابقدر يعكس بيها
من زمان وانا بقول موسى الزومة مظلوم امكانياتة عالية وسنه صغير يمكن المريخ يعمل على تحسين اداءه
وكذلك بله جابر ودي مشكلة عامة في كل الاندية لايوظفون امكانيات اللاعب ويعملوا على تطويرة
لذلك لافرق بين لاعب الهلال والمريخ ولاعبي الروابط والناشئين
.
. بوست موفق وياريت نشوفك المره دي ياكابتن

مرحب يا ولي

Quote: جيت السودان وما اشتغلت بينا ورجعت وتاني راجع السودان

قبضت روحك براااااااااااااااااااك
يعني جيت وشخت لينا يا معلم

شينه منك

يا كابتن موسى وبله جابر اتوا للمريخ على الاقل بعد ان اكملوا سن الثامنة عشر .. وبعد السن دي صعب تدريب لاعب على الاساسيات الابعة
الاساسيات دي يتم تعلمها حتى سنة 16 سنة بعد داك صعب تتعلمها

في فريق كالمريخ لا يعلموك التمريل والاستلام والتهديف
ما تتعلمه هو الخطط التكنيك والتكتيك
ويتم صقل ما تعلمته اساسا
يعني لو جيت شوات يتم تركز شوتك وتقويته لكن ما بعلموك الشوت
لو جيت عكاس بدربوك على زيادة مدة ايصالك للكره

لو جيك رجلك موزونه في التمرير
بدربوك كيف تمرر وسط ضغط من مدافع

لكن يعموك كيف تضرب كورة عشان تعكسها .. هي ما مستحيلة لكنها صعبة جدا
واساسا فريق مثل المريخ ده ما دوره
ده دور فرق اقل منافسة وعندها وكت

مودتي

يا عمنا

بقتنع كورة هلال مريخ الجاية وكت يترشا من صايدو

مرحب صبري
الاخبار ؟

فعلا يا صبري .. اكتساب اللياقة وطول النفس وتوزيعه .. اصبح الان علم كبير
يمكن لاي انسان خالي من موانع صحية او احتياجات خاصة ان يصل بالتدريب الى رحلة متقدمة من احتفاظة بطاقة كبيره


لكن الامكانيات الفكرية او على الاقل الامكانيات الذهنية .. تحتاج الى ملكان خاصة وزمن طويل من التدريب بفوق الزمن المستهلك لاكتساب اللياقة

ودي

مرحب محمد عثمان

فعلا اللاعب موهل فنيا لذلك

تبقى فقط هل هو مؤهل نفسيا لذلك .. فهنالك لاعبين كثيرين مرهلين فنيا للابداع .. افلوا وتراجعوا لاسباب نفسية ( الغرور ، ضعف المقاومة ، ضعف العزيمة ، الخ )


غايتو فيه الرقشة

تسلم

سلامات ياوليد

Quote: وطوالي بكررها موسى الزومة .. قطع نفس اللاعبين وسل لسانهم بره والمشكلة انو طاقته فطرية لا تنضب يعني ممكن يطلع ليه 100 طلعة في المباراة ويعكسهم كلهم في المدرجات

الزومة لما يساهر ياوليد بنوم الساعة 9
وهذه ايجابية تحسب له وطالما انه يمتلك
المقومات الاساسية فالبقية على التدريب
والتاهيل وطالما ان لاعبيناونظامنا الكروى
لايتدخل فيه التدريب والتاطير الفنى مبكرا
فى سن الناشئين فعلينا انتظار الكثير من
امثال موسى الزومة "المجتهد "
اما الموضوع الاساس بخصوص عبده جابر فهو
لاعب موهوب وحريف ولكنه يحتاج الى
عناية خاصة لكى تثمر موهبته فى دعم الفريق
وقد شاهدته مع المنتخب الاوليمبى ومع الهلال
وهو كما قلت ياشفت نجم قادم بقوة وربنا
يحفظه ويحفظ موهبته للهلال وللسودان

وليد سلامات

Quote: نزلوه الشوط التاني وقرب يدرن ليكم

تعرف قون عبدة جابر في المريخ لو جاء ....كان الله عفاكم من غرامة الحضري.....وكان ممكن جدا تتأهلوا

يا ياسر

يا زول كونو ضيعها وطلعنا راشنكم بارده على بطنا
بدفع غرامة الحضري كلها ... ويحرمونا من التمثيل الخارجي 10 سنوات ... ولا كان كوتو ديك تركب

ياه انتو غلبكم ما طعمو براه

سلامات تيتاوي

موسى مجتهد فعلا .. لكنه استنفذ فرصة .. واجتهاده اصبح متل ساقية جحا
من البحر وللبحر

موسى كورتو بشيلها من خط المرمي بتاعنا وبوديها خط المرمى بتاع الخصم

نشكره على الفترة السابقة .. لكنه لم يطور نفسه ولا اظن ان له مكان في خارطة المدرب المصري الذي يعاند على العكسيات في خططه


عبدو فعلا عاوز شغل .. وشغل كتير

Quote: في فريق كالمريخ لا يعلموك التمريل والاستلام والتهديف ما تتعلمه هو الخطط التكنيك والتكتيك ويتم صقل ما تعلمته اساسا يعني لو جيت شوات يتم تركز شوتك وتقويته لكن ما بعلموك الشوت لو جيت عكاس بدربوك على زيادة مدة ايصالك للكره لو جيك رجلك موزونه في التمرير بدربوك كيف تمرر وسط ضغط من مدافع لكن يعموك كيف تضرب كورة عشان تعكسها .. هي ما مستحيلة لكنها صعبة جدا واساسا فريق مثل المريخ ده ما دوره ده دور فرق اقل منافسة وعندها وكت مودتي

ياكابتن وليد وهذا مافتحنا له بوست قبل كدا
التطوير له عمر معين والتحسين له عمر معين

Quote: وعاصم عبدين عنده مضرب موزون ويجيد عكس الكرات

ألا تعتقد أن هذا الكلام فيه كثير من المبالغة
في مبارة الموردة سدد هذا اللاعب (المضربه موزون) عدة ضربات غير موزونة في مرمى الموردة
هذه الضربات لم تتجه أي منها ولو بالصدفة نحو المرمى وعقب كل تسديدة كان يسقط على الأرض بطريقة تثير الضحك ..

أما عن عبده جابر فهو لاعب قصير وضعيف البنية ، أناني أكثر من اللازم ، المهارة الفردية التي يتمتع بها وحدها لا تكفي .
توقعاتي أن يكون خلال الموسم القادم في حي العرب ، هلال بورتسودان أو في الأهلي شندي .

مرحب عبد الرازق

Quote: سدد هذا اللاعب (المضربه موزون) عدة ضربات غير موزونة في مرمى الموردة

وانا اقصد ما يرسله من عكسيات ودي مهمة الطرف الاساسية
التسديد تجاه المرمى ده شغل زيادة ما اساسي

Quote: أما عن عبده جابر فهو لاعب قصير وضعيف البنية ، أناني أكثر من اللازم ، المهارة الفردية التي يتمتع بها وحدها لا تكفي

ضعيف البنية وقصير دي ما حجة
افضل لاعب في العالم الان عنده نفس المواصفات المفتكرها انت عيب
وكمان كان عنده مشكلة صحية في صغره

اناني فعلا
اكتر من اللاذم دي ما بحكموا عليها من مباراة واحده ولا حتى من عشرة مباريات

اما المهارة الفردية فهي فعلا وحدها لا تكفي عشان كده نحن ختينا شوط معاها لتسبيب النجاح

Quote: توقعاتي أن يكون خلال الموسم القادم في حي العرب ، هلال بورتسودان أو في الأهلي شندي .

توقعات محل تقدير .. واحتمالها قائم
لكن نختلف معاه فيها