Post: #1
Title: اعترافات وزير الدفاع!.......... يا ناس وزيركم دا سجمان خالس خالس!
Author: بدر الدين احمد موسى
Date: 04-10-2011, 09:41 AM
Parent: #0
كشفت وزارة الخارجية، تفاصيل العدون الإسرائيلي على منطقة بورتسودان الثلاثاء الماضي، وأوضحت الإجراءات والخطوات التي إتخذتها لحفظ حقوق البلاد وصون سيادتها، فيما أكد الفريق أول عبد الرحيم محمد حسين وزير الدفاع، أن الحكومة راجعت كل الإجراءات المطلوبة لتأمين الشرق، وقال إنها ستواصل هذه الإجراءات. وذكر بيان من الخارجية أمس، أنه في تمام الثامنة وخمس دقائق من مساء الثلاثاء الماضي هاجمت طائرتان إسرائيليتان من طراز أباتشي A64-AH أمريكية الصنع سيارة من طراز (سوناتا) على بعد (15) كيلو متراً جنوب مدينة بورتسودان، كان على متنها المواطنان السودانيان (عيسى أحمد هداب) من مواطني مدينة بورتسودان يسكن حي سلالاب مربع (4) جوار نادي الأمل وهو من قبيلة الأمرأر فرع العالياب، والمواطن (أحمد جبريل حسن) من أبناء العبابدة يسكن حي المطار مربع (30). وقال البيان إن الشهيدين كانا يستقلان سيارة (سوناتا) بالرقم (42913 خ 3)، ودمرت السيارة تدميراً كاملاً وتفحمت جثتا الشهيدين جراء الإعتداء الإسرائيلي الذي إستخدم القوة المفرطة لإستهداف المواطنين المدنيين مما يعكس الرغبة العارمة في الإغتيال والتصفية الجسدية التامة. وأوضح أن الطائرتين أطلقتا وابلاً من الصواريخ والرشاشات على السيارة إشتملت على رشاشات أمريكية من طراز (30) ملم و(230) ملم و(16) صاروخ هيل فايرhell fire وصواريخ AGM 114، ووجد في مكان الحادث ثلاثة صواريخ لم تنفجر وعدد كبير من المقذوفات، والقذائف المضادة للدبابات والبشر، وكذلك رشاش أمريكي الصنع عيار (30) ملم . كما أستخدمت الطائرات الإسرائيلية المعادية التي جاءت من جهة البحر الأحمر مجال الطيران الدولي المدني قبالة مطار بورتسودان، واستعملت تقنيات متقدمة للتشويش على الرادارات السودانية المنصوبة في المنطقة. وفي السياق، قال وزير الدفاع، في سرادق عزاء الشهيدين ببورتسودان أمس، إنه وقف مع الأجهزة الأمنية على الإجراءات المطلوبة كافة حتى (نصعب عليهم تكرار مثل هذا الأمر) - على حد قوله -. ووافق الوزير هتافات داخل صيوانات العزاء بوجود (موساد) في الداخل، وقال: (موجود موجود). وأقر بصعوبة تأمين الساحل، وقال: (صحيح نحن عارفين إنه ساحل ممتد وطويل جداً جداً ومن الصعوبة نقدر نسمكره). وتابع: لكن (بنخلي الحكاية بعد كده ليها ثمن ولن تكون بدون ثمن، وسيكون الثمن فيها غالياً).
http://www.rayaam.info/News_view.aspx?pid=939&id=76184
|
Post: #2
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: بدر الدين احمد موسى
Date: 04-10-2011, 09:45 AM
Parent: #1
"""'ووجد في مكان الحادث ثلاثة صواريخ لم تنفجر وعدد كبير من المقذوفات، والقذائف المضادة للدبابات والبشر، وكذلك رشاش أمريكي الصنع عيار (30) ملم"""
يعني كيف?
الطيارات الاسرائيلية جدعت الناس ديل بالقذائف المضادة للدبابات والبشر وكمان رشاش امريكي ولا شنو?
المريب قال خذوني!
|
Post: #3
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: Hisham Ibrahim
Date: 04-10-2011, 10:17 AM
Parent: #2
غايتو يا ناس بورسودان تاني البيركب سياره ملاكي
على مسؤليته الشخصيه
ما تقولوا وزارة الدفاع والا الدفاع الجوي والا الدفاع المدني ..
الأرواح داخل الملاكي على مسؤولية صاحبها ...! ( حكمه ادروبيه )
والمغتربين البيمشو بالبحر ديل عدلوا الفكره دي ..
ومما تعبر البحر روحك مسؤوليتكـ ..
تشتري مضاد للطائيرات تخليهو معاك في السياره لأنو العفش من فوق بخلي
السياره زي الدبابه والا قاذفة الصواريخ ( جراد)
ولا عذر لمن اُنذر ..
|
Post: #4
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: مهيرة
Date: 04-10-2011, 10:50 AM
Quote: وأقر بصعوبة تأمين الساحل، وقال: (صحيح نحن عارفين إنه ساحل ممتد وطويل جداً جداً ومن الصعوبة نقدر نسمكره). وتابع: لكن (بنخلي الحكاية بعد كده ليها ثمن ولن تكون بدون ثمن، وسيكون الثمن فيها غالياً).
|
أيوة ، دة الكلام ، يبيعوا الساحل لاسرائيل زاتها وهى بتقدر تامن نفسها من المتسللين اللى هى قاصداهم ....وبثمن عالى جدا جدا!!!!!!!
تحياتى
______________
جدا المكررة فيها حق السمسرة حقة وزير الدفاع زاتوووو!!!!
|
Post: #5
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: بدر الدين احمد موسى
Date: 04-10-2011, 08:52 PM
Parent: #4
مهيرة
سلامات
غالبا دا الحيحصل!
اسرائيل تقوم بتامين الساحل الذي عجز وزير الدفاع عن تامينه وعن الدفاع عنه والحكومة تتفرغ لتامين ميدان ابو جنزير!
اطول الساحل الشرقي للسودان, ولا, المسافة بين فلسطين وبورتسودان?
ليه اسرائيل تقدر تامن كل البحر الاحمر, وشمال افريقيا, وجنوب غرب اسيا, و حكومة وزير الدفاع بس حا ترفع الثمن?
يعني كم دولار على الراس?
دا مصدر جديد لتعديل الميزانية للحكومة بدل البترول مساكين ناس الشرق الحكومة حاتبيعهم دروات-اهداف- لتدريب جيش الدفاع الاسرائيلي.
لما يكون وزير الدفاع سمسار تتحول البلد لسوق كبير للنخاسة!
|
Post: #6
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: بدر الدين احمد موسى
Date: 04-10-2011, 09:01 PM
Parent: #5
هشام ابراهيم
سلامات
بالله شفت كيف?
وزير بلا خجلة يعترف انه ما قادر يامن شريط حدودي اقل من خمس المسافة التي يتخذها وزير الدفاع الاسرائيلي كمجال حيوي للدفاع عن اسرائيل!
هو لابس دهب في اك######## ورتبته فريق و الاعلى منه مشير عديل كدة, وكل البقدروا عليه هو تامين ميدان ابو جنزير!
الاختشوا ماتوا
|
Post: #7
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: محمد أحمد الريح
Date: 04-11-2011, 01:57 AM
Parent: #6
Quote:
صحيح نحن عارفين إنه ساحل ممتد وطويل جداً جداً ومن الصعوبة نقدر نسمكره). |
نحن من الأول قلنا أن هذا الشخص كل مؤهلاته عامل لحام لسمكرة هياكل الطائرات.
ارجو ملاحظة كلامو بلغة السمكرة....
مع التحية لصاحب البوست
|
Post: #8
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: بدر الدين احمد موسى
Date: 04-11-2011, 06:30 AM
Parent: #7
البطل محمد احمد الريح
تحياتي
بعد ما شردوا ابطال الجيش والبوليس اصبح الورل يقدل في السودان
يعني بدل ما يقول حنرد ونخلي نهار تل ابيب ليل يقول انه صعب تامين الساحل وحايرفعوا الثمن?
طبعا ممكن يكون هو فاهم الثمن مقصود بيه شنو بالضبط لانه ممكن يكون باع المعلومات للاسرائليين والمرة الجاية لازم يدفعوا اكثر لقاء المعلومات التي تؤدي بحيوات المساكين زي ما باعوا كارلوس وكثير من الاسلاميين للمخابرات الاجنبية
انا متاكد انه حتى السمكرة ما بعرف عنها حاجة هو كان قاصد السمسرة
هو كان قاصد : من نسمسر على كل الساحل عشان كدة حنرفع العمولة!
|
Post: #9
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: Amira Elsheikh
Date: 04-11-2011, 06:35 AM
Parent: #8
غايتو يابدرالدين انت ذااااااتك بتبالغ .....
يعنى بس وزيرهم السجمان ؟
|
Post: #10
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: بدر الدين احمد موسى
Date: 04-11-2011, 06:56 AM
Parent: #9
اميرة بت الشيخ
سلامات
ياخ ناس الحكومة ديل ما درجات ياخ
فيهم سجمانين
وفيهم سجمانين خالس
اما وزير الدفاع دا من مرتبة السجمانين خالس خالس
عليك الله بس اتذكري خياباته, وادي ربك العجب!
النياشين الفوق صدره دي جابها في نش الضبان اظنه!
|
Post: #11
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: Amira Elsheikh
Date: 04-11-2011, 07:19 AM
Parent: #10
طيب السيد الرئيس فى ياتو كاتيقروى .....؟
|
Post: #12
Title: Re: اعترافات وزير الدفاع!.......... يا ناس وزيركم دا سجمان خالس خالس!
Author: بدر الدين احمد موسى
Date: 04-11-2011, 07:40 AM
Parent: #11
اميرة بت الشيخ
تحياتي
والله دخلتيني في ورطة جد جد
ياخ انا ما معترف بانه فلان دا رئيس!
يعني يا اميرة ما شايفاهم بتشابهوا?
ياخ البشير دا من نوع سجمان تربيع.
زول فرتق بلد, و بفتخر باغتصاب بنات الناس, و معترف انه كتل عشرة الف زول "بس" في دارفور, وما بقدر يطلع من البلد, و عشانه السودان بقى ما بشارك في كل فعاليات العالم.
ياخ زي دا بيسالو عن الكاتيقوري بتاعته ياخ?
|
|