Post: #4 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 07:20 AM Parent: #3
Quote: غايتو الصباع المكسور دا ما قصّر معانا!!
مصائب قوم عند قوم فوائد
Post: #5 Title: Re: أم المعارك بين طالب و طالبة في جامعة النيلين (*~*) Author: محمد عبد الماجد الصايم Date: 04-10-2011, 07:23 AM Parent: #4
هل من مزيد؟
Post: #6 Title: Re: أم المعارك بين طالب و طالبة في جامعة النيلين (*~*) Author: ود الباوقة Date: 04-10-2011, 07:25 AM Parent: #5
ابو حسين
ليك وحشة والله ...
Post: #7 Title: Re: أم المعارك بين طالب و طالبة في جامعة النيلين (*~*) Author: منال Date: 04-10-2011, 07:27 AM Parent: #5
الاولى ماظهرت لكن التانيه رهيبه
تسلم
وهل من مزيد ؟؟؟ مع تحياتى لودالصايم
طبعا بقصد مزيد من الابداع يا ابوحسين ,,,,,
Post: #8 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 07:28 AM Parent: #5
Quote: هل من مزيد؟
لم إتكسر التاني.....
مشيت للدكتور قال لي لازم تكمل شهر... ناس الشغل رسلو لي رسالة قالو لي داوم الأسبوع دا و أخد أسبوعين بدلو ...... و الله تقول شغال في الحراج....
Post: #9 Title: Re: أم المعارك بين طالب و طالبة في جامعة النيلين (*~*) Author: محمد عمر جبريل Date: 04-10-2011, 07:38 AM Parent: #3
ههههههههه غايتو للضمان كده الولد دا يا حسبو يا مورتا شايف جنهم مرادمات زي دي
Post: #10 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 07:48 AM Parent: #9
بت هندسة
Post: #11 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 07:57 AM Parent: #10
أها شوفو البراية دي؟؟ و الله دي تلم في واحد فيكم يوم واااااااحد تجيب ليه الضغط و السكري
مبااااااااااااااااااااااااااااااااااااااااااااااااااالـغــة شوف الزول دا إتبرى كيف
Post: #12 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 08:12 AM Parent: #11
أخونا ود الباوقة سلام
Quote: ابو حسين
ليك وحشة والله ...
تسلم يا طيب
.
Post: #13 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 08:14 AM Parent: #12
أختنا منال سلام
Quote: الاولى ماظهرت لكن التانيه رهيبه
تسلم
وهل من مزيد ؟؟؟ مع تحياتى لودالصايم
طبعا بقصد مزيد من الابداع يا ابوحسين ,,,,,
الأولى ما ظهرت إبقى عندك برامج ناقصة في الجهاز علشان كدا ما ظهرت حاولي تكملي الناقص علشان الأولى أحلى من التانية تسلمي من كل شر
تحياتي
Post: #14 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 08:17 AM Parent: #13
أخونا م ع ج سلام
Quote: ههههههههه غايتو للضمان كده الولد دا يا حسبو يا مورتا شايف جنهم مرادمات زي دي
كتيرين في البورد حايمين زي هناي دا...
تحياتي
Post: #15 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 08:31 AM Parent: #14
ودا شعر حلمنتيشي
لو زهجانه واظنك ما عرفتي سؤالي عنك يا اللزيزه الكلكي جنك عايز اكون انا ابقي منك اي حاجه قريبه منك تبقي طربيزه ابقي كرسي تبقي راكب ابقي تكسي بيكي اسافر لام دقرسي وتبقي حافله ابقي بوكسي وياسلام لو ابقي ببسي تشربيني تقرطعيني تدفقيني وما مهم هي قرطعيني بس مهم شوفت عيونك ابقي اي حاجة قريبه منك تبقي وردي ابقي ترباس تبقي سانتو ابقي كدباس تبقي بنكي ابقي حراس تبقي برعي ابقي عباس تبقي اوبرا ابقي ترباس ابقي غرقان تبقي رفاس رفسيني وفتشيني وغرقيني وفنجطيني وماهم هي رفسيني بس مهم شوفت عيونك وابقي اي حاجه قريبه منك تبقي فالق ابقي مفلوق تبقي كسره ابقي طايوق تبقي منفوخ ابقي مطفوق تبقي ويكه ابقي لايوق تبقي شناق ابقي مشنوق تبقي حراق ابقي محروق وياسلام لو تبقي خازوق مقلبيني وزهجيني وعكريني ومامهم هي مقلبيني بس مهم شوفت عيونك وابقي اي حاجه قريبه منك تبقي حيطه ابقي طوبه تبقي روسيا ابقي كوبا تبقي جمباظ ابقي هوبا تبقي غنمايه ابقي لوبه تبقي فاطمه ابقي زوبه ابقي راس هي تبقي قوبه الميني وعوريني وبشتنيني وزهجيني ومامهم هي عوريني بس مهم شوفت عيونك وابقي اي حاجه قريبه منك تبقي سكر ابقي ضبان تبقي بوليس ابقي بمبان تبقي كبده ابقي مصران تبقي شيته ابقي طرزان ابقي حفله وتبقي سكران فرتقيني وجهجهيني وبهدليني ومامهم هي فرتقيني بس مهم شوفت عيونك وابقي اي حاجه قريبه منك قالو زعلانه واظنك قالو قرفانه واظنك ماكي عارفه سؤالي عنك يااااااااااااا اللزيزه الكلكي جنك عايز اكون انا ابقي منك اي حاجه قريبه منك اي حاجه قريبه منك اي حاجه قريبه منك اي حاجه قريبه منك
Post: #16 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 11:13 AM Parent: #15
سموك ندى قلتي ليّ سموك ندى!؟! وده منو السمّاك ندى؟ ده أكيد أبوك إنعل كِدة! فيك شنو يسمّك ندى!؟ في صوتك أتخن مننا إضنين كُبار زي دِشّنا وتقولي ليّ سمّاك ندى! خشمك ده ريحتو معفّنة ايدين كبار حقات بُنى وتقولي لي سمّاك ندى!؟ المشية كتّاحة وعلال كرشك تقول شايل جَنى وتقولي لي سمّاك ندى!؟ قالت لي "ها هدى في البطاقة إسمي ندى" شوف يا أخ.. مافيش علاقة بينك وبين ندى خلّيها ندى .. خالت قريبة جارت صديقة ناس ندى ما فيش علاقة ندى في العيون أكحل مجعّد مسوّدة انتي العيون فوقن قضى ندى في الحواجب زي هلال قصة نصوم دي مؤكدة! انتي الحواجب دلجة بس قلم الحواجب هاردها وتقولي لي سمّاك ندى!؟ ندى تبتسم آلالاف مؤلفة تسعدها وانتي الخشم شارّة التلاليش بس طبق ومغطّي صينية الغدا ندى في الوشيش نظرك بشيش.. ما يعقّدها وانتي الوشيش وش الجحيش نخرين كُبار كُرعين ردا وتقولي سمّاك ندى! قاتلي "آي أنا إسمي ندى" شوفي أوعك تقولي اسمك ندى ندى ما بس الاسم ندى الجمال زايد الأدب زايد العلم زايد الفهم ندى في الجمال ما شُفنا أجمل من كِده ندى في الدلال خصّاها بيو رب العباد حين أوجدها ندى في الأدب .. ربّوها بيو رجال ياكلو النار مولّعة موقدة ندى في الكلام طبيعي صوتا بيجيب صدى ندى في "البزاغ" .. شربتي "سفن أب" ياهو ده ! وتقولي لي سمّاك ندى
Post: #17 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 03:46 PM Parent: #15
*
Post: #18 Title: Re: أم المعارك بين طالب و طالبة في جامعة النيلين (*~*) Author: سناء عبد السيد Date: 04-10-2011, 04:01 PM Parent: #17
ابو حسين كفارة و لو انها جات متأخرة ..الأيام دي شايفاك مبسوط و منتشر شديد في المنبر الواحد يمشي يكسر صباعه يعني و للا كيف؟ هههه بالمناسبة الفديو الأول ما ظهر
Post: #19 Title: Re: أم المعارك بين طالب و طالبة في جامعة النيلين (*~*) Author: محمد حيدر المشرف Date: 04-10-2011, 04:28 PM Parent: #18
غايتو الما سمع الاول يمشى طوالى يتم العده بتاعتو .. مبالغه يا ابوحسين .. وسلامتك .. من هسه وبقيت تكسر فى الاصابع! بدرى عليك والله ..
Post: #20 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 05:55 PM Parent: #19
أوووووووووووو أختنا سنو سلام
Quote: ابو حسين كفارة و لو انها جات متأخرة ..الأيام دي شايفاك مبسوط و منتشر شديد في المنبر الواحد يمشي يكسر صباعه يعني و للا كيف؟ هههه بالمناسبة الفديو الأول ما ظهر
كفر الله سيئاتك هي جات متأخرة لأنك إنتي ذاتك متأخرة.... يا بت إنتي بتمشي وين ..؟؟؟ كان عايزه تكسري صباعك بديك الطريقة عسى و لعل نشوفك كل يوم هنا ... الأول ما فيديو و لو ما سمعتيه إبقى أنا بي أصبعي المكسور دا أخير منك
Post: #21 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 06:00 PM Parent: #20
اخونا محمد سلام
Quote: غايتو الما سمع الاول يمشى طوالى يتم العده بتاعتو .. مبالغه يا ابوحسين .. وسلامتك .. من هسه وبقيت تكسر فى الاصابع! بدرى عليك والله ..
الله إسلمك من كل شر خليها مستورة (زي ما قالو أهل الإنقاذ) نحن من زماااااااان إتكسرنا
تحياتي يا زول يا طيب
.
Post: #22 Title: Re: أم المعارك بين طالب و طالبة في جامعة النيلين (*~*) Author: SHIBKA Date: 04-10-2011, 06:12 PM Parent: #21
الله يجبر الكسر والله
Post: #23 Title: Re: أم المعارك بين طالب و طالبة في جامعة النيلين (*~*) Author: الامين موسى البشاري Date: 04-10-2011, 07:33 PM Parent: #22
Quote: مبااااااااااااااااااااااااااااااااااااااااااااااااااالـغــة شوف الزول دا إتبرى كيف
هههههههههههههههههه ابو حسين الراجل من شدة البري حصل الاستيكة فقدناك بالامس يا حبيب كرامة الاصبع متين إن شاء الله بليلة يااخ
Post: #24 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 07:41 PM Parent: #23
Quote: الله يجبر الكسر والله
من قلبك..؟؟؟؟؟
مداخلاتك اليومين ديل ما مطمئنة
Post: #25 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-10-2011, 07:45 PM Parent: #24
العريس سلام
Quote: هههههههههههههههههه ابو حسين الراجل من شدة البري حصل الاستيكة فقدناك بالامس يا حبيب كرامة الاصبع متين إن شاء الله بليلة يااخ
البري دا لو بقى عليك أنا برتاح شديييييييييييييييييييييد... ياخي أمس أتصل عليك قبل ما تصل الجماعة و أوصي فيك لا شوربة تساعدني بيها علشان الكسر إجبر ..... و لا باسطة نحلي بيها خشمنا...؟؟؟ كمان بلا خجلة تقول لي كرامة الأصبع...!!!!!!
الله في
.
Post: #26 Title: Re: أم المعارك بين طالب و طالبة في جامعة النيلين (*~*) Author: الامين موسى البشاري Date: 04-10-2011, 07:51 PM Parent: #25
Quote: كمان بلا خجلة تقول لي كرامة الأصبع...!!!!!!
Post: #27 Title: Re: أم المعارك بين طالب و طالبة في جامعة النيلين (*~*) Author: سناء عبد السيد Date: 04-10-2011, 08:29 PM Parent: #26
Quote: كفر الله سيئاتك هي جات متأخرة لأنك إنتي ذاتك متأخرة.... يا بت إنتي بتمشي وين ..؟؟؟ كان عايزه تكسري صباعك بديك الطريقة عسى و لعل نشوفك كل يوم هنا ... الأول ما فيديو و لو ما سمعتيه إبقى أنا بي أصبعي المكسور دا أخير منك
انا قاعدة بخش مرة مرة لكن بتاوق مرارات كتيرة(جمع مرة) و تشوفني بي وين انا مع البرالمة الجايين بسنونم ديل .. ياخ ديل عندهم مقدرات عجيبة في اليوم الواحد بفتحوا خمسة ستة بوستات لكن الأيام الجاية دي حنتشر كتير .. قررت اترك بوستات السياسة و النكد و اتجه للأدب و الشعر و الثقافة.. ترقبوني هههه
Post: #28 Title: Re: أم المعارك بين طالب و طالبة في جامعة النيلين (*~*) Author: سناء عبد السيد Date: 04-10-2011, 09:08 PM Parent: #27
Quote: نحن ننزل البهجة و نعلم كمان...
يعني جات علي انا يا ابو حسين ما شايفاك في بوست البرالمة تشيل و تشرح..البروفايل بصلحو كده و و الإسم بغيرو كده ههههه
Post: #29 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-11-2011, 05:05 AM Parent: #28
Post: #30 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-11-2011, 05:12 AM Parent: #29
Quote: يعني جات علي انا يا ابو حسين ما شايفاك في بوست البرالمة تشيل و تشرح..البروفايل بصلحو كده و و الإسم بغيرو كده ههههه
شفتي بالله البرالمة بقو لئيمين كيف..؟؟؟ ياخي زمان البرلوم إجي تلاتة شهور إتاوق و تلاتة شهور سلام بس و تلاتة شهور إشكر بي سبب و بدون سبب لغاية ما الناس تتعود عليه و تلاتة شهور مداخلات تلاتة سطور و أربعة سطور كدا كمل سنة حتى بعد كدا إفتح ليه بوست الآن البرلومة تجهز البوست قبل ما إصلها الباسوورد لا و كمان بياناتها ما غيرتها و تكتب في البوستات.
إن شاء الله تكوني قدرتي سمعتي الملف الأول..؟؟؟؟؟
تحياتي
.
Post: #31 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-11-2011, 08:30 AM Parent: #30
Quote: قررت اترك بوستات السياسة و النكد و اتجه للأدب و الشعر و الثقافة.. ترقبوني هههه
مترقبنك يا مي زيادة.....
Post: #37 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 09:50 AM Parent: #29
*
Post: #32 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-13-2011, 06:44 AM Parent: #3
*
Post: #33 Title: Re: أم المعارك بين طالب و طالبة في جامعة النيلين (*~*) Author: حامد محمد حامد Date: 04-13-2011, 06:50 AM Parent: #32
وانا انا من كسر التلتوار باصبعه
وقعد فى البيت سلفقة
انا انا يا ويلكم من انا ( ابو حسين انا )
Post: #34 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-13-2011, 07:06 AM Parent: #33
Quote: وانا انا من كسر التلتوار باصبعه
وقعد فى البيت سلفقة
انا انا يا ويلكم من انا ( ابو حسين انا )
و الله يا حامد إتنين المان بتاعة أمس ديل إخلوك تعمل أكتر من كدا
تعيش و تاخد غيرها يا مااااااااااااااااااااااااااااااان
Post: #35 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-13-2011, 09:14 AM Parent: #34
الشايقي و الحرامي
.
Post: #36 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-14-2011, 04:58 PM Parent: #35
*
Post: #38 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 10:49 AM Parent: #36
ايكون ده شنو ؟؟؟
هو زى طالع وما طالع وزى واسع وما واسع وزي واقع وما .. لا اظن واقع إكون دا بنطلون شافع !!؟؟ إكون دا شنو؟؟ إكون لابساه بالمقلوب؟ إكون نص توب؟ هه يا المتخرجين يا دوب..! إكون دا الروب؟ إكون دا شنو ..؟ كيف يا شاب إكون شراب..؟ الشراب تحت ما فوق إكون دا بنطلون مشنوق؟ حاجة عجيبة مالية السوق إكون طاقية ممطوطة؟ إكون فوطة ...؟ غايتو عمل جنس جوطة! إكون دا شنو...؟ إكون ماكسي ..؟ إكون عراقي بالعكسي؟ غايتو يا ناس جنس لبسه تخلى الزول اموت هسي إكون دا شنو..؟؟ ناس قالوا إكون فركه! وناس قالوا إكون باقيهو واقع منو في السكه!!! وواحد قال: إكون سروال بدون تكه!!! دي ما شبكه إكون دا شنو؟؟؟ إكون دا بنطلون نص كم إكون دا ردا وعندو جضم إكون بى كم ؟؟ إكون دى بلوزة مجروره؟ إكون دي ملايه مفروره؟ ولا اكون لبس كوره!؟ دخلو موضه كندوره دا برمودا .. دا برمودا امانه وقعتك سودا لبستي الليله برموادا؟؟ بكره تجينا بالشراب وبرضو تقولي لي موضه
.
Post: #39 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 11:02 AM Parent: #38
دنيا غريبة
ناس ضايقاها ماكنتوش وناس دافساها صحنين بوش ناس نادوها ناريمان نهى وإيمان نزار هيثم أسامي رشوش وناس نادوها يا كلتوم ويا فطوم وود بعشوم أبو طربوش أسامي بروش ناس في الحب بتدخل توش بدون تقديم بدون تلميح معاها قروش شبح موديل سنة ألفين بيملى الحوش وناس بتريد بكاها يزيد وما بتوصل دوام يدوها بالشاكوش عشان تعبان مفلس تب ما عندو ماكنتوش وتسمع لب لب لب وراسو يدوش ويبقى عموش يقولوا عليهو شهيد في الحب ومات مغشوش وحالي البي أصبح كيف ده من شفتك غشاني خريف مطر من جسمي نازل شو ويوم سيرتك يجيبوها أبقى أخاف أكون رجاف بدل رفدور أرش بف باف قميصي الساوي لي غلبة مسكتو لبستو بالقلبة أدور أنضم أتمتم زين أمرق الكلمة من علبة واتلخبط كراع جزمة واعين التانية ألقى شبط وأكون ملخوم .. أشوف سنير .. أقول برلوم أمش شمبات .. أقول أم دوم أشوف شندي .. أقول خرطوم أقلب الحال .. ليلي سهر .. صباحي أنوم واحلم يوم تكوني معاي ونطلع في مكاناً هاي تشربي كولا واقعد ساي أتوه واسرح وانم دوباي وا أسفاي وا أسفاي على قلبي الصبح بكاي وشن بنسوي لما نشوف قمر ضواي يطلق النار يشع جواي ويبقى مناي .. أعاين ليك صباح ومسا واجر السبحة أقول مدحة سراي سراي مناي ألقاك يا السمحة مناي تجودي بي عينيك قد لمحة ولمن تلبسي الطرحة .. تصاب معدتنا بالقرحة ويجربوا فينا كل علاج : هستامين .. كلودكوين دة لا ينفعنا إنتستين ولا يشفينا دربكينين وما عارفين إنو علاجنا كافلجين وكافلجين علاج لكل مرض خطري علاج للبشري والبطري وأشوف قدري أكان حبيت وشاع خبري أكان كفت الهموم كفري وقبل أموت .. أقول كلمات أوصي بدفني في الأحفاد ويبقى فراشي في شمبات
.
Post: #40 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 11:11 AM Parent: #39
سطلة مسطول
دي الجرادة القاعدة بترضع في ولد الكديسة صاحبة الديك والجدادة الحايمة بتكوس في المريسة والضبانة الزغردت فرحانة بي جيت عريسها والضب الخاتي سفة يشكي من الظروف العويصة احييييييييييييييييييييييي انا
دا البمبر قال مصدع من قعاد طول النهار و فردتو المفراكة تبكي وتشكي من طول الدوار و الملاح حارقاهو شطة صاري قال ما عاوز هزار والرغيف فقران وناشف من صف النتظار و جكسويتي قالت انا ما بغازلها ركبت وش حمار عاوزاني تحت البلوكنة ليل ونهار على بالها روميو قالت سيد الرجال ابيت زعلت تاني ركبت وش حمار فكيتها الزيها راقدين كتار
تقولي لي سليتك تقولي لي جفيتك تقولي لي عفصتك بعفصك وبعفص حنانك دبايب وعقارب تداعب بنانك بتسال عن حالك وكيفن هو حالك سالت تمرجي البطاطس بعادي تجاهل وقبل لغادي بحبك لمن بغادي وبعاتبك بلغة سواقين التكاسي حبيب مال انا ليش هذا عذاب حبيب انت في كذاب انت قول في حب واجد بعدين سوي غير نمونا انت كنسل حب مالي انت خرب كل حالي
شنو؟؟؟؟؟ ما عاجبك ياخيييي ديشك وديش الحب الخلاني سجينك وديش الشوق البربط بيني وبينك
.
Post: #41 Title: Re: أم المعارك بين طالب و طالبة في جامعة النيلين (*~*) Author: طارق جبريل Date: 04-15-2011, 11:25 AM Parent: #40
يا عمك والله الوِليد دة مشوكش لامن مطنقع لا تشوف وحوحتو دي يمين البت دي صوت ساي ترقد خل
Post: #42 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 11:31 AM Parent: #41
Quote: يا عمك والله الوِليد دة مشوكش لامن مطنقع لا تشوف وحوحتو دي يمين البت دي صوت ساي ترقد خل
و الله يا ود جبريل مداخلاتك منها خوف....
يعني إنت صوت البت دي بهدلك برضو و لا شنو ..؟؟؟؟
.
Post: #43 Title: Re: أم المعارك بين طالب و طالبة في جامعة النيلين (*~*) Author: طارق جبريل Date: 04-15-2011, 11:33 AM Parent: #42
عليك الله اسمع بس حتت: معليش يا ملك يمين كان عندك صلعة تقوم هسي انا حاسي اني خنفس عديل كدة
Post: #44 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 11:38 AM Parent: #43
Quote: عليك الله اسمع بس حتت: معليش يا ملك يمين كان عندك صلعة تقوم هسي انا حاسي اني خنفس عديل كدة
طيب يا ود جبريل ما تمشي تدخل البوست دا بالليل.............!!!!!!!!
Post: #45 Title: Re: أم المعارك بين طالب و طالبة في جامعة النيلين (*~*) Author: طارق جبريل Date: 04-15-2011, 11:42 AM Parent: #44
Quote: طيب يا ود جبريل ما تمشي تدخل البوست دا بالليل.............!!!!!!!!
بوست ولا فياغرا هو
Post: #46 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 11:57 AM Parent: #45
Quote: بوست ولا فياغرا هو
ياخ أنا قاصد البكاء و النخجي...... إنت فهمت شنو ..؟؟؟
Post: #47 Title: Re: أم المعارك بين طالب و طالبة في جامعة النيلين (*~*) Author: طارق جبريل Date: 04-15-2011, 12:05 PM Parent: #46
Quote: ياخ أنا قاصد البكاء و النخجي...... إنت فهمت شنو ..؟؟؟
دقت في العراضة يا حبيب
Post: #48 Title: Re: أم المعارك بين طالب و طالبة في جامعة النيلين (*~*) Author: ABUHUSSEIN Date: 04-15-2011, 12:18 PM Parent: #47
