|
وصية لكل بيت فيهو اطفال تعالوا شوفوا المحاكم وعجائب الخبار!!!!!!!
|
كل يوم جريمة اغتصاب الحصل شنو للسودانين،،
فساد الاخلاق دا ما سبب لانتهاك الطفولة،،
دى دناوة عديل كدا من شباب الزمن دا،،
العلاج الناجع شنو للظاهرة دى،،
الجرايد من الصباح لازم يكون فيها خبر اغتصاب لطفل،،
المحاكم اصبحت كل القضايا اغتصاب الاطفال،،
الحصيلة زيادة جرائم الاغتصاب =التساهل فى العقوبة الوساطة يعن عندك ضهر تستند عليهو ممكن تمرق ذى الشعرة من العجين،،،،
الضهر دى انا قاصدة بيها قصة حقيقية ح نتناولة فى البوست دا
|
|
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
Quote: بدء محاكمة شاب تحرش بطفلة في الرابعة من عمرها 2011-04-07 08:25:06 شرعت محكمة جنايات دار السلام أمس (الأربعاء) برئاسة مولانا سليمان خالد موسى في إجراءات محاكمة شاب تحرش بطفلة في الرابعة من عمرها قام باستدراجها بقطعة حلوى مستغلاً غياب أسرته عن منزلهم بأمبدة وقال المحقق الجنائي الملازم شرطة أمجد عوض عرمان التابع لقسم حماية الأسرة والطفل أم درمان إن بلاغاً وردهم من الشاكية والدة المجني عليها بموجب أورنيك (8) جنائي أفادت فيه بأن المتهم تحرش جنسياً بابنتها وعليه تم أخذ أقوال الشاكية وألقي القبض على المتهم وأنكر في أقواله التحرش بالطفلة المجني عليها وأقر بارتكابه لحادثة اغتصاب أخرى وأنه لم يكرر فعلته تلك بعد العلقة الساخنة من والد الطفلة تلك. وأضاف المحقق أنهم عرضوا المجني عليها على طبيب بأورنيك (8) جنائي وجاء تقريره يفيد بأنها سليمة، وأوصى بتحويلها إلى المعمل الجنائي لتأكيد التشخيص، وتم إرسال عينة وملابس تخص الطفلة، وأفاد تقرير المعامل بوجود سوائل بـ(شورت) يخص المجني عليها، وعليه تم إرسال المتهم والمجني عليها إلى المعامل الجنائية لإجراء فحص البصمة الوراثية للمتهم ومطابقته مع السوائل التي وجدت وأثبتت نتيجة الفحص أن النمط الجيني الموجود بالشورت مطابق للنمط الجيني لعينة الدم المأخوذة من المتهم وبناء على أقوال الشاكية ومستندات الاتهام قدم المحقق المتهم إلى المحاكمة تحت طائلة المادة (45) من قانون الطفل. وأفادت والدة الطفلة أن المتهم قريبهم ويسكن جارهم بالحي وفي يوم الحادثة عاد أولادها من المدرسة لتناول الإفطار بالمنزل ورجعوا إلى المدرسة حوالي الحادية عشرة وأن ابنتها المجني عليها خرجت معهم إلى الشارع فخرجت خلفها ولكنها لم تجدها مما جعلها تفكر في إغلاق باب المنزل والبحث عنها لدى الجيران وفجأة وجدتها تقف بجوارها وعندما سألتها أخبرتها بأن المتهم قادها إلى منزله وخلع ملابسها الأمر الذي جعلها تفتش الطفلة ووجدت ملابسها مبللة وعندما واجهت المتهم بفعلته كان مرتبكاً ولم يواجهها بوجهه بل اكتفى بالنفي رغم أنها تابعت آثار حذاء الطفلة حتى وجدتها تصل إلى داخل المنزل والصالة كما أشارت الطفلة، وأنها لم تفتح البلاغ إلا في اليوم الثاني لإصابتها بالإغماء ولكنها احتفظت بالملابس كما هي وقدمتها معروضات اتهام للمحكمة.
الأهرام اليوم
|
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: معاوية عبيد الصائم)
|
Quote: كدى بالتبادى انتى هناك ولا هناك سلامات...والعزابة اريتهم بخير |
أخونا معاوية انا هنا ، انت كيف؟
العزابة تمام التمام واحد معاى والتانى مشى لابوهو،،
يعنى هبوب الله ضاربانا عشان كدا قلنا نفلفل حال البلد الاعوج دا،،
دمار شامل يامعاوية اخوى لسة ح نمسك الصحة الجهل فى التعامل مع بعض الامراض الخطيرة الايدز مثلا،،عجائب يشيب لها الرأس،،
التعليم اهوال ومصائب
زواج المثليين دا ولا فى امريكا ما حاصل!!!
شيل السبح فى الاماكن العامة والمواصلات دى موضة ولا قشرة ولا دعونا نعيش!!!
يعنى قلنا قبل ما نلم وليداتنا ونمشى احسن نناقش الحاجات الغريبة والدخيلة فى بلدنا السمح بناسوا ودا كان زمان،
انا ح افتفت ليك الظواهر دى ظاهرة ظاهرة جريمة جريمة دمار دمار!!
خليك قريب عشان فى قنبلة ح تنفجر فى البوست دا والجاى
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
اولآ : القصة حقيقية ،المجرم عندو ضهر قوى ، مكان التحقيق فى ام درمان،
المصدر الشخص المسؤول عن التحقيق وانا اثق فيهو تماما،
المتهم شاب فى مقتبل العمر والقصة والضحية مشهورة بس اختفاء نتيجة DNA وسرقة الملف الخاص بالقضية دا موضوع البوست بتاعنا،
اغتصاب الاطفال جريمة تعيد انتاج نفسها بطريقة سافرة تؤكد ان النفس المريضة اذا ما تركت دون عقاب وعلاج ومراقبة من الممكن ان تحدث ضررا بليغا بالناس وبالمجتمع
وقضايا اغتصاب الاطفال لا تسقط بالتقادم .. فيجب ان يدفع المجرمين الثمن .دا طبعآ فى الدول البتتعامل مع الجرائم دى بشفافية وعقوبة صارمة لكن يكون المجرم حر طليق دى بتخلى الجرائم تزداد عندنا امثال حية للتهاون فى مثل هذه الجرائم.
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
Quote: تعرفي الموضوع دا من اخطر المواصيع المفروض تنشط فيه كل جمعيات المرأة في السودان من قبل طرح هنا ووجدنا القانون قاصر جدا ولذلك يد القاضي بتكون مربوطة حيث عليه التقيد بالقوانين العنده ولا يمكن ان يحكم من راسه ولذلك المفروض يتغير في حالة اغتصاب الاطفال يجب اعدام المجرم الذي عادة لن يكتفي بضحية واحدة
|
تسلمى يا دكتورة نجاة القصة مش بس اغتصاب دا اختفاء الملف الخاص بالجريمة والتحليل DNA بواسطة لواء كبير وله علاقة بالمجرم وانتهت الحدودة،
والجريمة دى الاهل ما عارفين الحاصل شنو لان بعد اختفاء التحليل الحمضى ومعرفة المجرم تم تهريبة لمكان ما معروف
وبعدين قصة الضهر الكارب فى السودان بتطلع المجرمين براءة وخربانة من كباره،
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
على حسب اقوال كاشف المستور الضابط السودانى الاصيل،
بعد ما وصلنا للمجرم وقبل تسليم الفايل الذى يضم التحليل الخطير لاثبات مرتكب الجريمة،
وفى مكان التحقيق وصل ابو دبابير وصقور ،بعد التحية العسكرية، وتسريح باقى التيم جلسنا انا وابو صقور داخل الغرفة التى توجد بها كل ملفات الجريمة،
بخجل شديد طلب ابو صقور الفحص بتاع DNA لمراجعتة ،،بعد النظر الية طلب اخذ الملف ،،فى البداية رفضت ذلك،
بس مع الاسف الشديد تدخل المسؤول عن التيم بتاع التحقيق وطلب منى تسليم الملف وتم نقلى الى مكان خارج العاصمة،
الان لن تدرى الاسرة ما الحصل فى القضية ومازالت ضد مجهول،،
الكلام فى المنوع دا خلا المحقق يرفض ادانة القسم التابع ليهو وقال ح يجى يوم وح يكون شاهد لكن ما بقدر يصرح باى حاجةالان لاسباب امنية وممكن تلحقو الختفو من الزملاء،،
شفتو عجائب وغرائب الاحداث،
والا تطلع من جوة الكراكير والجخانين بتاعة حراسنا المكرمين ،
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Ibrahim Mehaisi)
|
Quote: أبقي عشرة يا نجاة يا أختي علي بوستك ده ما يلحقو ليك ملف القضية ( العندهم ضهر قدر ده ما بغلبهم يوسطوا ليهم هاكر !!)
وبجيك راجع .. الموضوع تحول لظاهرة محتاجة وقفة |
سلام يا ابراهيم والله كلامك دا انا خاتاهو فى الحسبان ،بعدين لو بقى هكر ما مشكلة المشكلة يجيك ابو صقور مرصوصة
فى البدلة ويقطس حجرنا بس الحمد لله قبل ما نكتب البوست دا عملنا ليا سلك شائك و###### بوليسى،
حبابك عشرة وفى انظار عودتك،
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
Quote: كل يوم جريمة اغتصاب الحصل شنو للسودانين،،
|
الإغتصاب ينشأ في المجتمع كفكرة قبل أن يكون فعلاً، ثم تتحدد المواقف حوله
وما دمنا نتعامل في الواقع مع "فكرة" و"فعل" الإغتصاب الذي حدث من قبل النظام الحاكم للسلطة الشرعية
فعلينا أن ندرك أن هذه الفكرة تؤسس لكل ما بعدها من ظواهر
ولو تعمقنا في الظاهرة سنجد أن الرفض لظاهرة الإغتصاب جملةً وتفصيلاً هي سلسلة تتسق في جذورها مع رفض هذا النظام القائم والمجسد لهذه الفكرة في الواقع
وعكس ذلك، القبول بفكرة الإغتصاب أنشأ لدينا عقلية القهر التي تفسر بجلاء إنتشار هذه الظاهرة وللأسف فالقادم أسوأ
الحل لا بد أن يبدا من الجذور. بإقتلاع هذا النظام الذي يجسد الإغتصاب في كل المجالات، سياسية، إقتصادة، دينية، أمنية، عسكرية، وإجتماعية.
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: نوفل عبد الرحيم حسن)
|
Quote: الحبيبه نجاه سيد احمد تحياتي للاسف هذه الضباع البشريه كثيرا ما تعيش بيينا في حمايه تامه اولا يحميها قانون المسكوت عنه وان وجدت طريقها للمحاكم القانون غير رادع الا في حاله موت الضحيه ولو كمان لو بقي عندك ظهر تطلع منها كالشعره من العجين كما تفضلتي في هذه الحادثه المعينه . |
تسلمى يا دوما لكن المصائب دى ميد ان سودان اونلى،،
ماشفنا صقور تنزل لمستوى اخد ملف جريمة بشعة ذى دى الا فى السودان دا،
تسلم اخى نوفل لرفع البوست والمتابعة لعجائب السودان الحصلت الدشليون
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
Quote: في التقرير الذي اعدته لصحيفة الصحافة تحدثت الاستاذة ساره تاج السر بمرارة عن ظاهرة اغتصاب الاطفال في المجتمع السوداني واتهمت القانون الحالي بالعجز عن التعامل مع هذه الظاهرة مستشهدة باقوال بعض الجهات والخبراء القانونيين واستهلت الموضوع قائلة حين حين تغتصب البراءة تظهر الجريمة بأقسى تفاصيلها، وابشع ملامحها حين يعيش بعض الأطفال حالات من التحرش الجنسي، ويتعرضون للاغتصاب في الشارع، في حافلات النقل، داخل المؤسسات التعليمية ،والمنازل من قبل أشخاص ضاعت أخلاقهم وضلت إنسانيتهم، من أجل إشباع رغبات جنسية عبر استغلال سذاجة الأطفال وجهلهم، يتطلب الامر اصدار عقوبات رادعة فى حقهم هكذا يقول المنطق الاانه وكما يبدو فإن المشرع السوداني بدا باردا فى التعاطي مع مثل هذه القضايا ، بل غير منصف بالمرة كما قال احد القانونيين وهو يحكم بالبراءة على المتحرش الذي يستحق اقسى عقوبة مع ظاهرة تزداد مرارتها بمرورالأيام. |
فإن المشرع السوداني بدا باردا فى التعاطي مع مثل هذه القضايا ، بل غير منصف بالمرة كما قال احد القانونيين وهو يحكم بالبراءة على المتحرش
دا بيت القصيد وموضوعنا، التهاون مع جرائم الاغتصاب دى واحدة من اسباب زيادة معدل الحالات
k
k
k
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
الأخت نجاة سلام مجددا
Quote: اغتصاب الاطفال جريمة تعيد انتاج نفسها بطريقة سافرة تؤكد ان النفس المريضة اذا ما تركت دون عقاب وعلاج ومراقبة من الممكن ان تحدث ضررا بليغا بالناس وبالمجتمع |
لا أري عقوبة أقل من القتل لمرتكبي هذا الجريمه والشنق علي قارعة الطريق في شارع عام في أوقات الذروة
Quote: بخجل شديد طلب ابو صقور الفحص بتاع DNA لمراجعتة ،،بعد النظر الية طلب اخذ الملف |
لا أعتقد أن من يحاول التستر علي جريمة أغتصاب طفل يكون لديه ذرة حياء أو خجل بل هو مشارك أصيل في الجريمة
Quote: الان لن تدرى الاسرة ما الحصل فى القضية ومازالت ضد مجهول،، |
يجب المطالبة بمعاقبة أبو الصقور هذا ( وأعني بها العلامات العسكرية التي توضع في الكتف للاستدلال علي الرتبة كما ورد في الاقتباس) . يجب أن يعاقب هذا الضهر بقدر الجرم الذي تستر عليه وأخفي به أدلة أدانة المجرم ..
ما كنت أحسب أن يأتي يوما ونقرأ في صحفنا جرائم بهذه الشاكلة
حسبنا الله ونعم الوكيل ... ولاحول ولا قوة الا بالله
اللهم أحفظ أبناءنا وأطفالنا من المجرمين وحماة المجرمين ..
مافي زول يصحي وزير العدل
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Ibrahim Mehaisi)
|
Quote: يجب المطالبة بمعاقبة أبو الصقور هذا ( وأعني بها العلامات العسكرية التي توضع في الكتف للاستدلال علي الرتبة كما ورد في الاقتباس) . يجب أن يعاقب هذا الضهر بقدر الجرم الذي تستر عليه وأخفي به أدلة أدانة المجرم ..
ما كنت أحسب أن يأتي يوما ونقرأ في صحفنا جرائم بهذه الشاكلة
حسبنا الله ونعم الوكيل ... ولاحول ولا قوة الا بالله
|
سلام اخى ابراهيم،
منو البعاقب ابو صقور؟؟؟؟ الزول الشالوا منو الملف اتنقل الاقاليم عشان الموضوع يدفن مع الجريمة،
هل عاقبوا مغتصبى صفية؟ هل عاقبوا سارقى المال العام؟ هل عاقبواقاتلى النفس من غير ذنب؟
هل..........؟ .......... ...........
والاسئلة تطول من غير اى اجابة
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
سلام يا نجاة
اولا شكرا ليك وانت دائما بتفتحي مواضيع مهمة وحساسة جدا
Quote: تعديل القانون مهم جدا، يعنى الاعدام لمرتكبى جرائم الاغتصاب |
والله مفروض إعدام وفي ميدان عام ويشهده طائفة من المؤمنين زي ما قالوا في فيديو الفتاة المجلودة
لو الحكم ده كان إتنفذ في مغتصبي الطفلة مرام وغيرها من مرتكبي الإغتصاب ما كان القصة دي بتتكرر تاني
اكيد في غلط في القانون والمشكلة الكبرى في البنفذوا القانون نفسو (ابو صقور مثالا)
يعني زي ده طلع منها وناس كتار ها إعرفوا انو طلع اكيد بكرة غيرو ها إعمل ابشع من كده وإقول عندي فلان بطلعني منها
غايتو بلد ما عندها وجيع
ربنا إحفظ اولادنا واولادكم وإحفظ الجميع من كل شر
| |
|
|
|
|
|
|
Re: وصية لكل بيت فيهو اطفال تعالوا شوفوا المحاكم وعجائب الخبار!!!!!!! (Re: Nagat Sid Ahmed Elshiekh)
|
وفى مكان التحقيق وصل ابو دبابير وصقور ،بعد التحية العسكرية، وتسريح باقى التيم جلسنا انا وابو صقور داخل الغرفة التى توجد بها كل ملفات الجريمة،
سلام يا معاوية شايف كيف الامور الخطيرة بتحسم بالدبابير والصقور، بعدين الزول القال جلسنا ودوهو سقط لقط يعنى حتة بعيدة خلاص من غير أى أنزار مسبق بس عشان رفض يسلم الملف من أول مرة.
دا حال البلد ماشى كدا يعنى ما بقت على الفساد المالى براهو أخلاقى وكمان تستر على الجرائم الفظيعة دى.
يوم الحساب قريب وح يجى الزول المشى فى سقط لقط دا ويطلع المجرمين المغتصبين للطفلة دى ويطبق فيهم قانون الاعدام.
| |
|
|
|
|
|
|
|