انجليزي تلاقيييييييييط

هذا البوست سيكون ان شاء الله امتدادا لبوست كان قد كتبه اخونا خليل قبل سنوات
اسمه " انجليزي جركانات" و نتمني من الاخوة و الاخوات المشاركة بقدر المستطاع.
و للمشاركة من خارج البورد علي الايميل ادناه و سنضع المشاركه مع اسم المرسل
[email protected]
(نطلع من رتابة ساس يسوس شوية)

احد الاخوة العرب كان يدرس لغة في احدي الجامعات الامريكية و في يوم من الايام" بطنو كركبت"
فذهب ال عيادة الجامعة وهو لا يعرف معني كلمة "اسهال" بالانجليزي و التي هي Diarrhea
فسالته الممرضه عن الاعراض التي يشتكي منها فاحتار اخونا و بعد جهد قال لها
My stomach is RUNNING
فاحتارت المسكينة .......
EXCUSE ME!!!!!!!!!!!!!!!!!!!
ففكر اخونا .............................. ثم قدر
ثم فكر ....
و اخيرا قال لها ....
MY SYSTEM IS LEAKING!!!
و نعود ان شاء الله مع صديقي الفلسطيني جمال " الزلمي ده تحفه عدييل كده

(*)

عمر موسى ..

سلامات ياخ ..

بالله واصل ..
وده بوست لتعليم الإنجليزية بدون معلم عديييل ..

الاخ كمال الزين
شكرا ليك كتييير و خليك قريب

قبل جمال الفلسطيني... نحكي عن اتنين بلدياتنا في السعودية" حكاها لي احد الاخوة في
موقع القولدنت و لكن بعد تهكيير الموقع ضاع البوست .. و لذلك سارويها "بتصرف"



اتنين بلدياتنا في السعودية و هم في الطريق لاقاهم شرطي سعودي و معاهو خواجه لا السعودي
بعرف انجليزي و لا الخواجه بيعرف عربي, ناداهم الشرطي يا شباب تعرفون انجليزي

- نعم خير عاوزين مساعده ( بلدياتنا ما بيعرفو كلمة بالانجليزي... رطانه بس)
- هذا الخواجه كانه يريد يروح المكان الفلاني
- جدا " تروح من هنا و تلف من هناك و تلاقي المكان امامك بالظبط " طبعا الكلام كله رطانه دنقلاوية بحته"
و لا كلمة بالانجليزي.............

الخواجه طوالي شبكم ليك " ثانك يو.. ثانك يو" و طوالي اتحرك للاتجاه الوصفوهو ليهو....

الشرطي السعودي هزا راسو و قال لبلدياتنا" زين العلام و الله العلم زين يا سودانيين"



و نعود ان شاء الله

صديقي جمال مهندس مع احدي اكبر شركات الهاتف في امريكا و راجل طيب جدا

في مرة ذهب الي الطبيب و بعد الكشف قال ليهو " عاوز عينه من الفسحة"
I need a sample of your STOOL

اخونا قال للدكتور: نعم عندي في ضهرية العربية
Yes, sure I have some in my car trunk

طبعا هو افتكر الدكتور قصدوTOOLs
وهي العده من مفك , زردية, شاكوش
الدكتور راسو شطب " ده منو الشايل فسحتو في عربيتو و حايم بيها"
بعد ما شرح ليهو الدكتور و طلع... اخونا اتحرج طبعا , جات الممرضة ووشها احمااار
طوالي قال ليها
I know he told you , go a head and laugh
انا عارفو كلمك .. اضحكي... اضحكي
فانفجرت الممرضه ضاحكة

و نعود

في صباح احد الايام خرج صديقي للعمل و في الطريق وجد امريكي و زوجته " بيدفعوا "
في سيارتهم "او هكذا بدا له " فنزل من سيارته و بشهامته المعهوده حاول "يدفر" معاهم
و هنا وقف الامريكان بعييد و قعدوا يعاينوا ليهو.....
اخونا اكتشف في تلك اللحظه انو الزوجين كانو بيعملو " تسخين" للجكة الصباحية..
ما عارف المسكين اتخارج كيف..


ملحوظة:: اعتقد ان كلمة "جكه" جاية من نفس المعني الانجليزي jog , و الله اعلم

سلام


جيناك
ومانا جاكيين..

الاخ عبد العزيز

الجك ده ما تاباهو لانو فيهو فوائد كتيره اقلها "تمرين" للجري من ناس " الاسلام السياسي"
اذا دعت الحاجه "ههههه"
ولا شنو؟

تحيات ياعمر
عندي ابن عمي معجب بواحدة في الحلة..
وحب يوصف فيها فقام قال:
والله ياخي دي بت عجيبة.. ياخي دي جنتلمان عديل كده..!!

Quote: الجك ده ما تاباهو لانو فيهو فوائد كتيره اقلها "تمرين" للجري من ناس " الاسلام السياسي" اذا دعت الحاجه "ههههه" ولا شنو؟

يا ابوعمير

سلام


بيني وبينك هم ما فيهم راجل سواء كدا أو كدا....

ياخي أنسانا من هذا الوســخ الإسلامي...
أتفه تنظيم سياسي على الأرض..


أنت قلت ده بوست انجليزي.. طاري الوســخ الإسلامي هنا ليش؟؟

الاخ ايمن دياب

شكرا علي المرور

بس ان انشاء الله ما يكون اخد شاكوش من ال" جنتلمان "

هاك المواقف القصيره دي


واحد عاوز يفتح حساب في البنك فقال ليهم

I want to open a mathematics
و الكلمة الصحيحة طبعا هي account


واحد سوداني في الهند مشي المطعم و عاوز يطلب طلب فقال ليهم

I want an Application please

تحياتي

سلام يا عمر

بوست مهضوم علي قول اللبنانيين

وياريت لو تكتروا لينا من لغة الشارع الامريكي (الاسلانج) لو كتبتها صاح

والنكات البتحصل في (الاكسنت) أهو برنضو نلقط لينا كلمة كلمتين

واحد من أهل الغوض تعلم في أمريكا عايز يفتح حساب في البنك سافر للخرطوم عشان يملا الاستمارة لانه شاف مكتوب عليها
(FILL UP IN CAPITAL)

سلام يا شباب طبعا نحن عندنا مشكلة تاريخيه مع P معظم السودانين بنطقها B
المهم واحد سوداني عايز يوقف عربيتو قام سال واحد أمريكي

Sir can I bark here?

الأمريكي قال ليه

It is a free country, you can bark anywhere but please do not park here

مثقف ركب الطيارة فقال للمضيفة
This is no talking, I student one tea from clock.
بالعربى: ده مش كلام أنا طالب واحد شاى من ساعة

يا عمك ..
انت عبد الحليم اخوك ؟؟

دى من اخونا ودالباوقة فى قمة فصاحتو الانجليزية


هو طبعا قاصد

Home Delivery

الاخ عبد العزيز سلام

Quote: This is no talking, I student one tea from clock.

شايف لما تبعد من السياسه بتكون ظريف كيف
علشان خاطرك نتقابل (طالعني) في بوست " يا للمسخرة"

تحياتي

الاخ ممدوح ابارو
تسلم و ربنا يديك العافية

Quote: وياريت لو تكتروا لينا من لغة الشارع الامريكي (الاسلانج) لو كتبتها صاح

تعرف و انا في معهد اللغة اول مرة اسمع كلمة take it easy كان في "شكلة"
و انطبعت في ذهني انها للحد من الزعل
وفي يوم بعد خلصنا من الشغل في كافتيريا الجامعة قالت زميلة العمل و هي خارجة
Omar take it easy
وهي بال"اسلانج" تعني مع السلامة .. خلي بالك .. و كده
و انا شبكتها ليك why.....why
و هي تقول just take it easy
و في الاخر زهجت و قالت
OMAR JUST TAKE IT EASY , O.K. , BYE.....

الاخ معتصم محمد صالح

Quote: يا عمك .. انت عبد الحليم اخوك ؟؟

نعم ... اخوي الصغير

الاخت عفراء سند
شكرا كتييير علي المشاركة

مرة واحد عربي الشرطي وقفو لتجاوز الاشارة الحمراء
انجليزياتو كويسة بس عامل فيها ما بيعرف انجليزي
الشرطي:- SIR, YOU RAN THE RED LIGHT
العربي: NO BLUE
- SIR THERE IS ONLY RED,YELLOW AND GREEN
-NOO BLUE
الشرطي يتكلم معاهو و العربي شابكو ليك NO BLUE
NO BLUE
في الاخر الشرطي زهج و حرر ليهو المخالفة وقال ليهو

NEXT TIME WHEN IT IS BLUE .... STOP

الاخ دوت مجاك سلامات

Quote: دى من اخونا ودالباوقة فى قمة فصاحتو الانجليزية

ياخي يمكن ود الباوقة شغال بي "اعجمي فالعب به"

بعدين ياخي 99% انفصال..... مافي امل يعني.....؟ هانت عليكم العشرة...؟؟

تحياتي

عمر منجي يا بلدياتي سلام ليك وسعيد القي لي زول من القولد هنا
اها زمان كنا شغالين في شركة سودانير وبنمشي سفريات لندن مره مرتين كل شهر ونقضي هناك يومين او ثلاثه
بعدين كنا بننزل في فندق قريب من هيثرو في شارع باث Path Road يوم قررنا نمشي Cranford
القريبه مننا وفيهوالتسوق احسن
صديقنا المعاي لمن السواق بتاع البص فتح الباب طوالي قال ليهو
does this bus go to Frankfurt ? بي خشم مليان وهو يفصد Cranford بس لاننا مرينا بي فرانكفوت اليوم داك
سواق البص الخواجه بكل البرود الممكن قال ليهو Definitely not !! وطوالي قفل الباب وخلانا ليك في البرد

ايام

مرة انا برضو راكب في الاندرقراوند وجا مفتش التذاكر
لانو واضح شكلي مضهب جا علي وسالني your ticket please
طلعت ليهو تذكرتي قام سالني where you comming from ?طبعا هو بيقصد ركبت من ياتو محطه
بكل ثبات وانا اراجع كل القرامر والقولد الشعبيه قلت ليه I am comming from Sudan
طوالي قعد يضحك وانا اتحرجت طبعا لكن كان في شباب حواليني بعد داك فتحو معاي مواضيع وكلام عن السودان خفف عني

تالته وخلاس
اواخر التمنينات كدا كنت ماشي من لندن لي ليفربول بالقطر وقلت اقوم علي عربية البوفية اكل حاجه
في الممر بين العربيتين لقيت ليك اتنين بيتكلمو ووقفت جمبهم ادخن وما متذكر بشرب لي في حاجه كده
قامو لمن حسو اني قريب قالو لي sorry we we are speaking ecnomics , you may join us انا قريت ثانوي تجاري
قلت فرصه ودا مجالي يا راجل اقشر ليك للخواجات ديل بي اقتصاد افريقيا والانتاج وشنو
بس واحد فيهم قال لي we speaking about plastic money and how its effecting our payments
يا راجل انا قلت الناس ديل مع قناعتي بي تتطورهم لكن في بلاوي نحن ما عارفنها القروش البلاستيك دي شنو كمان
ويا ربي قيمتها اكتر من الورق ؟ المهم شاركت في ناحية الكاش بعد فترة عرفت انو البلاستيك موني دي ياها بطاقات الاعتماد
فضحكت لجهلي
تحياتي

اهلا بالاخ الخير "Hammama"
ياخي نحنا الاسعد, مرحب بيك كتيير

Quote: سواق البص الخواجه بكل البرود الممكن قال ليهو Definitely not !! وطوالي قفل الباب وخلانا ليك في البرد

تستاااهلو " الضهب" العليكم شنو... "وش ضاحك"
بمناسبة برود الانجليز عندي واحدة قريبتي و هي جديده في لندن و ما بتعرف انجليزي
نزلت الشارع " زي ضهبكم ده" واحد من الباعة حاول يتكلم معاها و هي عاوزه تقول ليهو ما بعرف انجليزي
قالت ليهو
I NO ENGLISH
فبكل برووود قال ليها
SO WHAT

Quote: تالته وخلاس

ليه خلاس حكيك جميل و طاعم ارجوك واصل و ما تنقطع

و دمت بالف خير يا الخير

السلام عليكم يا شباب .. بوست جميل جداً ..

متابعين ..

Quote: قالت ليهو I NO ENGLISH فبكل برووود قال ليها SO WHAT

تعرف هنا نطقها بيكون أقرب لي I know English .. فبيكون فهم إنها بتعرف إنجليزي :)

Quote: لاخ عبد العزيز سلام Quote: This is no talking, I student one tea from clock. شايف لما تبعد من السياسه بتكون ظريف كيف علشان خاطرك نتقابل (طالعني) في بوست " يا للمسخرة"

الأخ/ عمر والإسم سالم من الزول داك....

سلام
مرة هنا ومرة هناك... إت يا اللخو.. بتنطط كدا مالك؟
كدا أركز لي في حتة واحدة وبعدين قول طالعني!!
but i will never climb on you!!

تحياتي

الاخ عبدالعزيز سلامات
يا زول انت اصلك ما بتنوم"سقده بس" ما شاء الله

Quote: مرة هنا ومرة هناك... إت يا اللخو.. بتنطط كدا مالك؟

انا عارف!!...... يمكن امي لمن كانت حامل بي كانت بتتوحم بي لحم "ارانب"

برضو حاطالعك بس امشي نوم شوية الشمس قربت تطلع في سنغافوره

تحياتي

الاخ عبد اللطيف محجوب

Quote: تعرف هنا نطقها بيكون أقرب لي I know English .. فبيكون فهم إنها بتعرف إنجليزي :)

هذا ما عنيته بالضبط ومن هنا جات برودة الخواجه لانو افتكرها بتقول عارفه انجليزي

شكرا علي المرور

سلامات يامنجي

وبوست راااااااااااايق

وده انقليزي يامرسي.....؟

Quote: انا عارف!!...... يمكن امي لمن كانت حامل بي كانت بتتوحم بي لحم "ارانب" برضو حاطالعك بس امشي نوم شوية الشمس قربت تطلع في سنغافوره

العزيز/ يامنجي

ياخي تسلم البطن الجابتك...
بس كان في الفطام يعضوك في راسك ويقولوا ليك لا تقرب ابين لحى ديل هم المنافقون...
ياخي شمسنا في نص السماء وماشة لقدام... الساعة 2 ضهر.. تقول لي نوم..!!!

صدّق ما عندنا حتة نطالعك فيها.. بس أرجع السودان وانتظرك في حدائق ابريل..

4 parks!!

الاخ العزيز جدا هارون دياب
سلام كتير و شكرا ليك
هات ما عندك انجليزي ولا ان شاء الله رطانه

مودتي

ازيك يا عبد العزيز

Quote: بس كان في الفطام يعضوك في راسك ويقولوا ليك لا تقرب ابين لحى ديل هم المنافقون

ابان لحي ديل فتية امنوا بربهم فزادهم هدي.. احسن ليك ما تسبهم بعدين "تنسخط" غايتو كلمتك...
" من عادي لي وليا فقد اذنته بالحرب" حديث قدسي

الوقت عندنا منتصف اليل... تصبح علي خير و لا تمسي علي خير.. كلو واحد

تحياتي

Quote: انجليزي تلاقيييييييييط

أخـي عمر
صباحك نور
وشُكراً علـى البوست خفيف الدّم

هاك دي من الإيميـل

Quote: العملاق السعودي يصعق الصين بجبروتها ويجبرها على التوحيد زار وفد صيني السعودية لأول مرة لدراسة إمكانيات المملكة وطرق جذبها للإعتماد على الصين وبعيدا عن أمريكا وعدم إستخدام الدين للعداء ضد الشيوعية وأحضروا معهم مترجم مصري لضعفهم المعروف باللغات وقيل لهم أن أول إجتماع سيكون مع: المعهد العلمي لجامعة الإمام فقال لهم المترجم االمصري أن الإجتماع سيكون مع: The Scientific Institute of Progressive University فطلبوا الإنفراد في إجتماع خاص وعلت أصواتهم لإختلافهم على سبب عدم قيام جواسيسهم بإعلامهم بوجود مثل هذا الصرح العلمي المقام على الطريقة الأمريكية! وعندما دخلوا المعهد سألوا المدير عن منهج التدريب في المعهد فقال لهم: نحن على منهج الولاء والبراء فترجم لهم المترجم المصري أن المنهج هو: You are either with us or with the enemy فطلبوا فورا إجتماعا إنفراديا وعلت أصواتهم لإكتشافهم أن التقنيات السعودية تسير على منهج جورج بوش! ثم عادوا للإجتماع وسألوا المدير عن أهم مرجع يستخدمه المعهد لتوجيه الإختصاصيين فيه فقال المدير: الأربعين النووية المتينة السند من جمع العالم الفقيه شرف الدين النووي فترجمه المترجم المصري: The Forty Nuclear Forces enforced and gathered by the nuclear scientists to protect the honor of the Religion فإعتذروا فورا عن الإستمرار وإستأذنوا الإدارة السعودية للقيام بمشاورات خاصة وإتصلوا بالرئيس الصيني وأخبروه بالمصيبة الكبيرة أن أمريكا والسعودية قد أنشأت 40 قاعدة نووية في المملكة فطلب منهم الرئيس الصيني العودة فورا للإجتماع وسؤال السعوديين عن أصحاب القرار في السعودية وعن العقد الإقتصادي السعودي-الصيني المبرم سابقا مع الصين فعادوا وسألوا فقيل لهم: هيئة كبار العلماء للحل والعقد السلفية فترجمها لهم المترجم المصري: The Commission of Senior Scientists to Dissolve the Previous Contract فإرتبك الصينيون فقرروا أن يتعمقوا في التحقيق وطلبوا زيارة أحد المواقع العلمية في المملكة فأخذوهم ليلا إلى مبنى هيئة كبار العلماء فوجدواعدة سعوديين ينظرون بقلق إلى السماء فقال الصينيون أن الصين عندها أقمار إصطناعية يمكن للسعودية رؤيتها وإستخدامها وسألوا ممثل الهيئة عن ماذا يفعل الذين ينظرون للسماء فقال: إنهم يتحرون الرؤيا لأنهم ينهون عن كل القياسات الفلكية فترجم لهم المصري: They are investigating what they can see because they want to finish all astronomical sizes فأصيب الصينيون بالذعر والهلع وسارعوا للخروج من مبنى هيئة كبار العلماء ففوجئوا بدخان كثيف يخرج من الأبواب فسألوا السعوديين من حولهم عن ماذا يجري فقالوا لهم: نريد أن نبخركم بالعود! فترجم المصري: We want to vaporize you like sticks! فركض الصينيون نحو سياراتهم بسرعة وهم يتدافعون ويقعون على الأرض خائفين يلومون رئيس وفدهم أنه السبب في أزمتهم هذه ويطلبون من المترجم أن يوصل رسالة إعتذار للسعوديين وهم يصرخون بلغة إنكليزية ضعيفة: No one but he, you only messenger! فترجم المصري للسعوديين بالعربية: الله أكبر دول نطقوا بالشهادتين!

تـحاياي

الاخ لؤي "الشاب المرهف" سلامات

ياخ الزول الالف القصة دي بالغ عدييل كده... ابداااااااااع

شكرا ليك كتيير واصل و ما تنقطع

تحياتي

احد الزميلات,,مستاجرة شقة من دكتور جامعة
3 شهور ما دفعت الايجار لسبب تاخر الشيك من والدها المغترب
الدكتورة three mounth iam waiting for payment

اختنا..we didnt want to eat your money

الدكتورة راسها انشطب,,لكنها حفظت العبارة جيد
فجاءت وسالتنا ونحن شلة,,,كبيرنا فهم قصدها واخدها على جنب
وشرح لها العبارة,,,فضحكت وضحكت ,,فوصل الكلام للبنية
فجضمت الانجليزى,,

Yo mama so stupid that she puts lipstick on her head just to make-up her mind

Quote: Yo mama so stupid that she puts lipstick on her head just to make-up her mind

Stop watching MTV it is bad for you ....ok

ياأستاذ منجي يابلديات .. سلام لك ولضيوفك الكرام
شكرا.. بوست خفيف علي القلب .. أضحك الله سنك ياخي والمشاركين
-----------

واحد مصري جا داخل في شركة أجنبية نصها خواجات في الخليج ولدهشته لقي واحد من زملاء دراسته ومعروف بإنو ماسح إنجليزي خالص شغال في الرسيبشن...
فدار الحوار التالي
ـ يخرب بيتك يلا .. إنت بتعمل إيه هنا !؟
ـ ذيما إنت شايف أنا موظف الإستقبال هنا
ـ ياعم دي شركة أجنبية كلها إنجليزي وعملاءها كلهم خواجات ..إنت ببتفاهم معاهم إزاي؟!!
ـ بسيطة ياعم .. أنا يجيني الخواجة من دول أقوله : Yes Sir وأخليه يرغي ذيما هو عاوز وأما يخلص أقوله
Next door.. أكيد حيلاقي حد يفهمه جوة

Quote: Next door

الاخ ابو قوتة
سلام و سلام لي كل اهالي ابو قوتة و بالاخص محمد عبد الماجد
الذي جاء من السعودية لايام معدودات و ترك ذكريات جميله و رحل
التحية له اينما كان

و هاك القديمة دي

اتنين شباب سودانيين في نيويورك واحد فجاة ما لقي صاحبو وهو بيفتش فيهو لقي امريكي ابيض
فحاول يسالو اذا شاف صاحبو الطويل الاسمراني :

excuse me, have you seen a tall green man cutting the street
الامريكي قال ليهو
I wouldn't have missed that for the world

الاخ الشفيع سلامات
شكرا ليك كتيير علي المشاركة
اخوانا المصريين ديل شطاااار في امور الحياة

تحياتي

عمر موسى وضيوفه الكرام

هاكم من جواهر اللغة الإنجليزية عند اليابانيين:

الحرف الإنجليزي L ينطقه اليابانيون R ويجتهدون كثيرا لتفادي هذا الخطأ ولكن الطبع يغلب التطبع.
بعد انتهاء الانتخابات العامة قال مذيع أراد يصف أن الانتخابات انتهت بسلام فقال :
The general ERECTION was conducted peacefully

الاخ عبد العزيز

شكرا لرفع البوست

تسلم

مشاركة من خارج البورد من الاخ امام عجاج
شكرا جزيلا يا امام




اخي العزيز /


السلام عليكم


واحد بلدياتنا عامل فيها عندو انجليزي وقاشر عي طول بالجماعة


وقال للشلة عندنا في البيت الانجليزي اللغة الرسمية والوالد بيزعل


اذا اتكلمنا عربي والشلة عارفين الانجليزي بتاعو دراب بس بمشو


وفيما بعد عرفو انو والده رجل مزارع بسيط وهو نسي كلامو عن لغة


ابوه المهم صاحبنا داير يعرف اصحابو عن اخوه الكبير وهو في الترتيب


بعد اخوهو .


فعشان يقول انو ده اخوي الكبير صاحبنا قال


This is my brother which Iam behind him


ولكم الشكر

الاخ جعفر اسماعيل
السلام عليكم

الياباني بي حرف واحد جهجه الموضوع كله
زي اخونا فلسطيني بيدينا في محاضرة في المسجد و عاوز يقول " لمن تكون في تقاطع طرق"
اللي هي intersection
قال:
when you are in an intercourse
تحياتي




الاخ جعفر سلامات
Thank you for the two thumbs-up

will be back I.A

الانجليزي : Welcome

العربي : كشك ام عبير عند الدقي

الانجليزي : ؟ What do you say

العربي : ماحدش بينام من غيري عشاء

الانجليزي : are You crazy ?

العربي : ربنا يخليك

الانجليزي : Go to hell Go to hell

العربي : البرزيل اخدت كأس العالم 5 مرات مش 4

الانجليزي : I am going

العربي : عايز تسمع اغنية حاضر

خد دي عن انفلونزا الخنازير

ايييه

ابعد عن الخنازير وانشاء تموت اتيل

اييييييه

وعشان ...

الانجليزي : Speechless

العربي : لا مش جيلي نفس لنوم

الانجليزي : ان هخرب بيتك

العربي : بقولك روح نام ولما تصحا ابا تعالىقولي ممكن لما تصحا تعرف تكلم

يعني العربي مش بيفهم عربي ولا انجليزي

منقول

Quote: when you are in an intercourse

ههههههههههههههههههههههههههههههه

ما كان معاكم زول شفت..يسعلو؟


قبل كده في عضو معانا هنا ما متذكرو...


جاب سيرة Pharmacy
وقال بنطقوها...بحر مكي...اها انا من الزمن داك..
مسمي الصيدلية بحر مكي.

الاخ عبد اللطيف
شكرا ليك كتير علي المشاركة

عندنا واحدة سودانية في مدينتنا اتشاكلت مع امريكية
قالت ليها:

Go street woman

تحياتي

مشاركة من خارج البورد من الاخ حسين الزبير
شكرا يا حسين "قويييية"


--------------------------------------------------------------------------------

انا من العجايز اللي قرو في وادي سيدنا في نهاية الخمسينيات في الزمن داك كانو بيجيبو مدرسين رياضيات من مصر و طبعا لازم يدرس بالانجليزي. الاستاذ المصري لقي نفسه بيتكلم انجليزي لبب جوا الفصل فافتكرانه خلاص جضم اللغة.
في يوم واحد من الطلبة جا وقف قدام تربيزته قال يا استاذ
I have a question
رد عليه قال ليه

I am not empty now يا واد go

Quote: جاب سيرة Pharmacy وقال بنطقوها...بحر مكي...اها انا من الزمن داك.. مسمي الصيدلية بحر مكي.

سلاك


يعني دي زي enough والراجل قراها: إنقهيي

Sri Lanka People are GREEN like Sudanese

واحد صاحبي بتكلم مع واحد سريلاني : وكان داير يوصل ليهو إن السيريلانكيين لونهم زي لون السودانيين

بس صبراحة ما قدرت أمسكها نهائي وفكيتها في نص المطعم

تحياتي يا عمر

UP

الاخ نزار حسين سلامات

Quote: ما كان معاكم زول شفت..يسعلو؟

الامريكان العجايز ماتو من الضحك, احنا كنا لسع في معهد اللغة سالنا
الجمبنا بعدييين ضحكنا
تحياتي

Quote: جاب سيرة Pharmacy وقال بنطقوها...بحر مكي...اها انا من الزمن داك.. مسمي الصيدلية بحر مكي

هسي يا نزار زولك دا ما مبدع عديل كدا
وفي انتظار "بحر يثرب"

هاك دي من اخونا امام عجاج مرة تانية "شكرا عجاج"



سلااااام


واحد عامل فيها بيعرف انجليزي راح يقابل طبيب


بريطاني بخصوص استشارة طبية فدخل علي


الطيب وعشان يقول excuse me doctor I want to consult you


راح قايل Doctor I want to insult you


فوقف الدكتور مفزوعاً وقال :


you want to insult me in my office ?


وشكرا
امام

الاخ عبد العزيز كيفك

Quote: يعني دي زي enough والراجل قراها: إنقهيي

تعرف و احنا طلبة في مدرسة الكلاكلة الوحدة المتوسطة
استاذ محمد الحسن ضرار " الله يديهو العافية" ضيع نص الحصة
وهو بيجلد في طالبين علشان ينطقو "THE" وهم شابكنو "تهي"
واحد منهم من اليوم داك ساب المدرسة نهائي.

الاخ ادريس البدري سلامات

Quote: Sri Lanka People are GREEN like Sudanese

المشكلة الامريكان من كترة مشاهدة افلام الخيال العلمي
بفتكروا زول اخدر معناها من كوكب المريخ

تحياتي

ألأخ/عمر لك التحية..

دى ضحكات تلاقيط والله..بوست خفيف الدم.....

Quote: B المهم واحد سوداني عايز يوقف عربيتو قام سال واحد أمريكي Sir can I bark here? الأمريكي قال ليه It is a free country, you can bark anywhere but please do not park her

دى قوية شديد....

ونحن فى المدرسة كان ألأستاذ بتاع ألأنجليزى صعب خلاص وبديك كلمة ويقول ليك دخلها فى جملة..مر على الطالب أحمد قال ليهو HOLD بسرعة والعصاية مرفوعة ليهو فوق ماشاف ألا العرش قال ليهو I AM HOLDING THE ROOF ومن ديك سموهو أحمد روف.

واحد مصرى جاء متأخر العمل رئيسه بتكلم إنجليزى سأله ليه بتجى متأخر؟؟قال ليهو CAIRO ENVELOPE ظروف قاهرة...

تحياتى....

الاخ عمر
تحية طيبة
بخصوص الانجليزى التلاقيط
هناك قصص حقيقية كثيرة مرت على
لكن لانو السترة السترة واجبة
ح احكى ليك واحدة
اثناء تناولنا وجبة فى مطعم سريع مع اخ ما
بسيط فى لغتو الانجليزية
تعبانة خالص يعنى

قال يا النيل انا عايز اقدم للجنسية لكين قالوا الامتحان صعب
قلت ليه لا صعب ولا حاجة
اسئلة بسيطة
وقلت اكتر سؤال بيجى
زى What is the law of the land?
وقبال ما اتم كلامى (لاحظ وانا بأكل!)
نط وقال لى وهو جادى جدا:
ايواااا
الارض الو ا ط ية!
انا انفجرت ضاحكا
ولسة ما انتهيت من ضحكى
قال لى:
هسع انا كنت عايز اقول انها فلوريدا

زاد ضحكى لحدما اتشرقت من اللقمة الفى خشمى ودمعت
لامن لفت نظر اصحاب المطعم وخجلت
وطلعنا سرعة سرعة من المطعم

الاخ محمد يوسف الزين

شكرا علي رفع البوست
تحياتي

الاخ اسماعيل عباس
شكرا علي الاضافه الجميلة
الترجمة الحرفية مبااااالغة


بناتي الاتنين لمن صغار كان عندهن غيرة شديدة من بعض
في مرة اتخاصمو و تبيان"الصغيرة" زعلت شديد من ريان
و قعدت بعيد, ريان شافت حاجه"عالقة" في "جبهة"تبيان
ريان: تبيان في حاجه في الforehead بتاعك
تبيان بغضب شديد: ريان احسن لييكي انا ما عندي 4heads انا عندي head واحد بس

تحياتي

الاخ محمد النيل
سعدنا بمرورك

Quote: هناك قصص حقيقية كثيرة مرت على لكن لانو السترة السترة واجبة

مالو ياخي استر و احكي
صاحبك ده برضو ما هين معلوماتو عن فلوريدا جيدة

في انتظار المزيد

تحياتي

مشاركة من خارج المنبر من الاخ قاسم بدوي
شكرا كتيير

--------------------------------------------------------------------------------

السلام عليكم

مريت على بوستيك وحبيت أشارك بما يلي

حكى لنا طلاب كانوا يدرسون في الهند
الطلاب السودانيين عندهم مباراة من الهنود
في باك هندي قافل ليك الجناح السوداني ومكرهو ليك المباراة
واحد من المشجعين السودانيين البرة قال ليهو

eat him running

eat him running

أكلوا جري

أكلوا جري

وتقبل شكري

و دي من احد الاخوة من حارج البورد له الشكر الجزيل

قال في سودانين في لندن و عندهم واحد ضاع منهم في زحمة الداون تاون. قاموا بعد ما فتروا من التفتيش لاقو بوليس و سألوه
Have you seen lost green man?

البوليس قال ليهم

Have you!!!

هاكم دي
جديدة لنج حصلت الليل
دا طلب موظفة من رئيس قسم



...................Dr

Please be aware that the secretary ............Apologize for the presence of two classes of the English Language Course Next week Because Dharov Specials

Please accept the apologies.


ودي ما حيفهما الا مقيم في الخليج

الما فهم نعمل ليهو مسابقة

الاخت Shibka
شكرا علي المرور و المشاركة

ناس "سيم سيم" ديل في الخليج عندهم حاجات ظريفه خالص

هاكي دي من البنات:

لمن ريان كانت 4 سنوات كانت بتحاول تتكلم انجليزي كتير
فخفنا تضيع العربي فمنعناها الكلام بالانجليزي في البيت
" الحكاية الان جاطت" و في يوم ريان ضربت تبيان"سنتين"
و تبيان بتبكي و مافي زول اشتغل بيها عملت البكية بي تلحين
ريان قالت ليها
يا تبيان عيب ما تبكي كدا ابكي" بالعربي"

Quote: بناتي الاتنين لمن صغار كان عندهن غيرة شديدة من بعض في مرة اتخاصمو و تبيان"الصغيرة" زعلت شديد من ريان و قعدت بعيد, ريان شافت حاجه"عالقة" في "جبهة"تبيان ريان: تبيان في حاجه في الforehead بتاعك تبيان بغضب شديد: ريان احسن لييكي انا ما عندي 4heads انا عندي head واحد بس تحياتي

ألأخ/عمر ربنا يحفظهن لك ويبارك فى أسرتك ويسعدكم....

زميلى سامى أبوالقاسم رجل خفيف الظل دليتو يقرأ هذا البوست وأدانى واحدة ..قال :الوالد الله يرحمه مواعد خواجات يمشى معهم للبجراوية عشان يساعدهم فى الترجمة..طرقوا الباب قال ليهم Get in عندو اخته الصغيرة نقشت الكلمة وحابه تستعملها..جابت ليهم الحلاوة وقال ليهمget in موبالغة....

الاخ اسماعيل عباس
ناسف علي التاخير , ما بين المشاغل و سقوط الفرعون..

Quote: ألأخ/عمر ربنا يحفظهن لك ويبارك فى أسرتك ويسعدكم....

والله دعوة جميلة نسال الله ان يتقبلها و لك مثلها اضعافا مضاعفة

تحياتي

اليمنيين والانجليزي

وبعض السودانيين ونطقهم للإنجليزي في فهم البعض

واخيرا

الاخ الزبير صالح سلامات

ربنا يحفظ ليك الفي الصورة ويجعلها ذرية صالحة
شكرا علي المشاركة الكريمة
و لكن للاسف و لا واحدة ما فتحت معاي "يمكن من كمبيوتري"

شكرا ليك كتيير

الاخ عمر
سلامات
نزل علي جهازك برنامج
media player classic home cenima v 1.3.1333.0

ابحث في قوقل بتجدة

الاخ الزبير الله يجزيك خير

و اليك هذه المشاركة من الاخ mahmoud s.ahmed
له جزيل الشكر


--------------------------------------------------------------------------------

الاخ عمر سلام عليكم
نشكرك على البوست الممتع الظريف
اريد ان اشاركك ظرائف حصلت مع زملاء العمل الصينيين
1- احدهم قال لزميله السوداني
mahgob I need a live checken (he means دجاجه حيه يعنى)
mahgoub: which color?
chinese: red, blue or any
mahgoub: man or women? (he mens male or female)
chinese: man (he means a cock)
هههههههه انتهي الحوار واي زول فهم التانى قال شنو

2- صينى وسودانى فنيين تفتيش
(pipes inspection technichans)
وكان هناك تآكل فى احدى المواسير مما تسبب فى تسريب ذلك الانبوب المتآكل فاراد السوداني ان يوصل هذه الفكره للصيني فقال له
sadiga, this masora namnam moya

(هناك مصطلحات مشتركه نفهما نحن والصينيين مثل صديقا يعنى ياصديق او زميل وماسورة هى نفس المعنى ونامنما يعنى أكل ومويا هى الماء)

طبعاً الصينى اتحير وصاح ماسورة نمنما (يعنى كيف الماسورة تأكل)ههههه بعد ذلك قال له السودانى

مويه نمنما ماسورة ههههه يقصد ان الماء تسبب فى تآكل الماسور فسربت

عندها فهم الصينى المشكله الحاصله ههههه



3- عادى جدا الصينى يقول ليك

we will do this things tommorow year

يقصد حانعمل الحاجات دى السنه الجايه

ههههه

مشاركة من الاخ عبد المنعم
له جزيل الشكر

البوست لذيذ و مهضوم مليان بهارات حاولت اشارك بعض المواقف اللي حصلت لي

أيام قفلو الجامعات 1997 مشيت انا و زميلي نور الدين لي حنة في طرف الحلة لقينا جكس و بدينا الحنك اولاد جامعا ت و كدا.

انا: حلتكم حلوة.

مني: انت الاحلي يا ظريف.

نور الدين: و الله الجو الليلة رومانسي.

عوضية: هوووى نور الدين خلاص بدينا الانغليزي.

لافتة ممنوع الدخولNo entry: No go!

اثنين بيقطعو

الاول: ياخ دا يكب انغليزي لامن يتشرق

التاني: ياخي دا لاقينا فارات بس. انغليزيو كلو ييس و نوو و الباقي رندووك.

سواق عاوز يصلي ركعتن نافلة قال اننتظروني اعمل لي اوفرتاين

Over time

واحدة جديدة في النعمة: ماشة اعمل

Showing

دايرة تعمل

Shopping

زميلنا بيكتب تقرير حاول يستعين بالقوقل في الترجمة

When he tries to translate "pipe thickness سمك الانبوب

Google translate it to "pipe fish"

.

مداخلة حلوة من الاخ المصباح
شكرا ليك كتيير

السلام عليكم الاخ عمر

مقال احب ان تنشره في بوست (انجليزي تلاقيط)

طبعا انا غير مشترك بالمنبر



وعندي مقال لكاتب مصري بيحكي عن اسباب الانجليزي التلاقيط عموما اخليك مع المقال







سافرت إلى السعوديه صغيرا


منذ كنت فى الصف الثالث الإبتدائى مع الوالد يرحمه الله


بدأنا فى الصف الأول الإعدادى دراسة اللغة الإنجليزية


كان الطلبة السعوديون يعتبرون اللغة الإنجليزية

شيئا شيطانيا لا يمكن فك طلاسم شره وسحره

وكان يدعم ذلك بعض الفتاوى التى ترى بحرمة دراسة هذه اللغة

بإعتبارها لغة الكفر

تجاوزنا الصف الأول والثانى الإعدادى ومعظم الطلبة لا يعرفون نطق الحروف أساسا

كان الأمر مختلفا بالنسبة لى ببساطه لأن والدى يُدرس اللغة الإنجليزية

فى المعاهد العليا وهو خريج كلية الأداب قسم اللغة الإنجليزية


عندما وصلنا إلى الصف الثالث الإعدادى تولى تدريسنا أستاذ سعودى نراه لأول مرة

كان إسمه له وقع عجيب فقد كان إسمه الأستاذ (جربوع الجربوع)

والجربوع عائلة سعوديه معروفة

تخيلوا أستاذا للغة الإنجليزية إسمه (جربوع)

المهم أن استاذنا كان عائدا لتوه من بعثة فى الولايات المتحدة لدراسة أحدث أساليب تعليم الإنجليزية

دخل إلى الفصل قائلا
Good Morning every body

رد عليه أربعة طلاب فقط من أصل 28 طالبا

بينما فغر الباقون أفواههم دهشة

حاول المسكين أن يستمر فى مخاطبة الفصل بالإنجليزية

فلم تنقض خمس دقائق حتى صرخ بصوت كهزيم الرعد

(وراكم ماتردون يا الثيران)

فقال أحد الطلبة - وكان مشهودا له بشدة الغباء-

(حنا ماندرى وش تجول)

كانت هذه نقطة تحول فى فكر الأستاذ جربوع نحو تعليم الإنجليزية

فقد أخذ على نفسه عهدا أن يعلم الطلبة بأسلوب جديد

دخل الحصة التالية حاملا عصا تشبه عصى عساكر الأمن المركزى

وبدأ بتعليم الحروف فطلب منا أن نذاكر الحروف السته والعشرين خلال إسبوع

على أن يعقد لنا إختبارا بعد ذلك

فى يوم الإختبار صاح
( A)

كتب من شاء الله لهم ذلك الحرف الصعب فى أوراقهم

ثم قال
( B)

هنا خرجت عشرة أصوات فى نفس الوقت تسأل

أم كرش ولا أم كرشين ؟

هكذا علمهم الأسبقون أن

أم كرش P
و
أم كرشين B


هنا أصيب الأستاذ جربوع بلوثة مفاجئة

وأنهال بالعصا ضربا على رؤوس الجميع وهو يزعق بصوته الجهورى

(والله لأدبغكم دبغ)

بمعنى حيهرينا ضرب




أصر الأستاذ جربوع على تعليمنا تصريف الأفعال فى اللغة الإنجليزية

وكانت الطريقة أن يعطينا 10 أفعال وتصريفها فى حصة

ويتم (التسميع) فى الحصة التالية

وكانت الحصة التالية حصة تعذيب يشيب لهولها الولدان

فقد كان الأستاذ جربوع يدخل إلى الفصل مندفعا دون أى مقدمه

وعصاه مرفوعة لأقصى حد فوق رأسه

ويصرخ فى أول طالب من اليمين

( Break)

وهنا يصرخ الطالب مثل العساكر الذين يؤدوون التحية العسكرية

( Break Broke Broken )

فإن لم يقلها صرخ الأستاذ جربوع

Haaaands

فيفتح الطالب ذراعيه ويناولة الأستاذ ضربتين مهولتين

يتركان يديه قاعا صفصفا لاترى فيهما عوجا ولا أمتا

كان غالبية الطلبة يستعدون للحفلة (أقصد الحصة) ليس بالحفظ

ولكن بفرك أيديهم بشده لتكون ساخنة إستعدادا للضرب

لأنه من المستحيل ن يحفظوا كلمات لا يستطيعون قراءتها أصلا

وكان لا ينجو من الضرب سوى 5 أو 6 طلاب فقط على أحسن تقدير

فى صبيحة يوم لا ينسى دخل الأستاذ جربوع إلى الفصل

وصرخ فى وجهى

( Speake)

فقلت بأقصى قوتى

Speak ..Spoke..Spoken

فتركنى وتوجه للطالب التالى وكان طالبا سوريا

فما أن وقف حتى إرتعد وكاد أن يغمى عليه

فصرخ فيه الأستاذ لمعرفة ما به

إيش فيك ؟

فصاح الطالب بأقصى قوته

إيشفيك إشفوك إشفوكن




إحمر وجه الأستاذ جربوع وصمت للحظة مذهلة وخيل إلى أنه سينفجر

ولكنه ألقى بالعصا وإستدار خارجا من الفصل



ولم أشاهده أبدا بعد ذلك اليوم



شكرا

اخوكم المصباح

بتذكر مرة كان عندنا لكشر كده بتتكلم عن الـ Employability skills .. فكانت فيها نشاطات كثيرة .. كُنا مقسمين لمجموعات .. وكانت المجموعات دي بتقدم زي عرض صغير كده لـ Meeting .. فاليوم داك كان في مجموعة كانوا 4 .. لكن الحضروا 3 بس .. فكان في واحد غائب .. ومن بين القروب كان في واحد يمني .. قبل ما يتكلم اليمني .. كان في نيجيري في نفس القروب بيتكلم عن إنو الزول الغائب ده غاب عشان عيان وكده .. فصاحبنا اليمني شكلو ما ركز في الحتة دي .. أو حابي يقول إنو الليلة ما جه ما عارف .. المهم قال إنو

and today we have one of our group member PASSED AWAY

ههههه .. طبعاً الكلاس كلو ماتوا من الضحك ..

الاخ عبد اللطيف محجوب

اسف لانني لم اري اضافتك الا متاخرا

شكرا ليك كتيير علي المشاركة

تحياتي

و نتابع ان شاء الله

متابعة بعد طول انقطاع

في واحد المدير بتاعو قرر انو يفصلو " لانو ما محتاج لخدماتو"

اخونا قال ليهو

Please do not cut my bread

ارجوك ما تقطع عيشي

اتنين مشو فندق فى لندن
بعدين لاحظوا انو فى فار فى الاوضة
المهم واحد طوالى رفع السمعة ضرب الاستقبال
رد عليهو الموظف بى غادى: Can I help you
الزول اسم الفار راح منو كلو كلو
قال لى بتاع الاستقبال: you know Tom & Jerry
بتاع الاستقبال قال ليهو: Yes
الزول فرح طوالى قال لى: Jerry is here









-------
بوست ممتع
شوتو الربع الجاى دا وندعموا ليك اشاء الله



تحياتى

الاخ محمد عوض سلامات

Quote: الزول فرح طوالى قال لى: Jerry is here

حلوة شديد يا محمد ربنا يديك العافية

Quote: بوست ممتع شوتو الربع الجاى دا وندعموا ليك اشاء الله

طوالي .... بس ساعدونا بالخبرة

تحياتي

Burger Kamanja

شكرا سيف علي اعادة البوست من الربع السابق

تحياتي

مشاركة من خارج البورد من الاخ احمد الدنقلاوي

شكرا احمد مشاركة حلوة جدا.. اخوانا المصريين ديل تحفة في الانجليزي

الاخ عمر قرأت البوست الظريف بتاعك فى السودانيز ونلاين وهذه مشاركة منى
أخوك أحمد الدنقلاوى

الترجمة على الطريقة المصرية
Dear Friday
عزيزى جمعة when I was in the lady first yesterday I saw a piece of girl
اول امبارح وانا ماشي في السيده شفت حته دين بنت she was egg and sweet
بيضه وحلوه I said: ya earth keep what on you
انا قلت: يا ارض احفظي ما عليكي a hundred evening on your eyes ya beautiful
ميت مسا علي عيونك يا جميل she said : poison
قالت : يا سم I said : poison from your hand is poison poison ya moon
قلت : السم من ايدك يبقي سمسم يا قمر she shouted in me : yes yes your mother soul
صرخت : نعم نعم يا روح امك do you remember me one of them
انت فاكرني واحده من اياهم collect your self or I will collect the street on you ya Omar
لم نفسك ولا الم عليك الشارع ياااااااا عوووووومر the girl entered my brain
البنت دخلت دماغي I said : why like this ya daughter of people
قلت : ليه كده يا بنت الناس I want you on the book of god and his profit
انا عاوزك علي سنه الله ورسوله the boon on me I write my book on you tonight
ندر عليا اكتب كتابي عليكي الليله she laughed and said on your slow on your slow
ضحكت وقالت: علي مهلك علي مهلك write the book one piece? not talk on me first
تكتب الكتاب مرة واحده؟ مش تتكلم عليا الاول يعني تكلم أهلي I shouted: I die in the cream ya thousand whites morning
زعقت: اموت في الحلاوه يا الف نهار ابيض I am going to talk on you right now and writ my book on you
انا رايح اتكلم عليكي حالا واكتب كتابي عليكي bye Ya Bountifully
سلام يا جميل

بوست جميل ودمه خفيف يا عمر،

لما كنا في السعودية مدينة جدة كان معانا واحد من أخوانا وأصحابنا
راجل ظريف جدا.. عنده ورشة ميكانيكا لتصليح السيارات..
جيت ماري في الشارع وقلت أسلم عليه وأدردش معاهو شوية.. وجدت معه مجموعة
من أخوانا السودانيين في المحل بيحاولوا يرفعوا ماكينة سيارة وكان يادوب
إنتهى من توضيبها.
الجماعة كلهم أنجليزيتهم تلاقيط.
سمعته يقول ليهم لما أديكم الإشارة وأقول ليكم ready made
ترفعوا على طول.
فصاح فيهم ready made الجماعة رددوا خلفه أيوه ready made
وهوب رفعوا الموتور ووضعوه على السيارة.
قال لي: أنا عايز أستفز (المتخلفين) ديل وإتكلم معاهم بالإنجليزي
علشان من هنا ولي قدام لازم يتفاهموا معاي بالإنجليزي.
ضحكت.. وقلت ليهو طيب الكلمة الإنجليزي دي جبتها من وين؟
قال لي: الكلمة دي وجدتها في لياقة القميص مكتوبة ready made يعني
جاهز.

شكرا علي المداخلة الظريفة اخي عزيز عيسي

و دائما خليك ready made

تحياتي

مشاركه من خارج البورد من ريهان ابكر

شكرا ليكي كتير ريهان




طبعا دا بوست لذيذ شديد

عندنا هنا في كندا طيعا كلمة "بيف" دي عندها معني مختلف عند الشباب

اها بتذكر من كم سنة لما كنا في الهاي سكول وفي العربية راجعين من المدرسة

قمت سالت امي عن حاجة كدا قامت قالت لي لا ماتعمليها

قامت اختي دي كانت مضايقة من امي شان منعتنا تعمل حاجة

قالت لي

She won’t let you go because she has beef with you

اها امي وقفت ليك العربية في نص الشارع وقالت ليها قلتي شنو

"بيف" دي شنو كمان

ههههههههه وكلو كلو ماقدرت تستوعب اللحمة العندها معاي





" بيف" تعني مشكلة ولا زي مضايق من زول مثلا



اها عندنا زول صاحبنا كدا قام

اول يام ليهو مشي الاستور قام قال لبت ا ندر ايج كاشير كدا

قيف مي كيس

اليت نططت ونادت ليهو السكيورتي

هههههه

و مشاركة ايضا من Addin Osman
شكرا كتيير ِAddin" الجزء الثاني من الايميل موجود في احدي المشاركات " و شكرا مرة تانية

هذه مشاركة بسيطة أرجو أن تتقبلها

قبل سنين قرأت موضوع لأبو الجعافر كما أظن, ذكر فيه بأنه مرة مشى زيارة لمدرسة في السودان, وكان في أستاذ بدرس لغة إنجليزية وفجأة سمع الأستاذ بقول للطلاب: قولو طهرو, والطلاب بدءوا يرددوا معاهو طهرو طهرو, قال الشغلانة حيرته شديد, طهرو دي الدخلها في الإنجليزية شنو؟ المهم مشى إلي إتجاه الفصل وعاين بالشباك لقى الأستاذ كاتب في السبورة كلمة

Through

وشابك الطلاب قولو طهرو

another email
شكرا قرشي اسماعيل

sudanese asked the british.Do you drink cigarettes.

the british said.No we smook water.

Best rgards Gorashi