Post: #1 Title: والعُـــمرُ Author: خضر حسين خليل Date: 04-08-2011, 10:45 PM Parent: #0
(1)
والعُمرُ :
أن تُنفقُ الأنفاس مع من تقاسمك الوريد ثم تُشعل ما تبقي ...من جذوة الأيام نيراناً ثم تُمضي في خشوعٍ نحو كوخٍ يحتويـــك .
Post: #2 Title: Re: والعُـــمرُ Author: خضر حسين خليل Date: 04-08-2011, 11:07 PM Parent: #1
هكذا الأحلام تبدؤنا أنيناً ثم دمعاً ثم
ميلادُ القصيد
Post: #3 Title: Re: والعُـــمرُ Author: أمين محمد سليمان Date: 04-08-2011, 11:07 PM Parent: #1
*** والعُمرُ : ****
أن تُنفقُ الأنفاس مع من تقاسمك الوريد ثم تُشعل ما تبقي ...من جذوة الأيام نيراناً ثم تُمضي في خشوعٍ نحو كوخٍ يحتويـــك .
خضر في شكل منال بالجبنه و اللحمه المفرومه
Post: #4 Title: Re: والعُـــمرُ Author: خضر حسين خليل Date: 04-08-2011, 11:19 PM Parent: #3
ومتي أطلق الرجل الأبيض (المتوسط) سراحك أيها الرجل لتخستك كل هذه الخستكة ؟ الموضوغ ده ثقافي إجتماعي رياضي فأصبر شوية ودع القلوب لرب القلوب (مواعيدا) لسع ما جات . ثم حنان دي منو زاتها ؟
ـــــــ الكلام الفوق ده فيما يخص أخونا أمين محمد سليمان حاف كدة
Post: #5 Title: Re: والعُـــمرُ Author: خضر حسين خليل Date: 04-08-2011, 11:21 PM Parent: #3
أو لم
أحذرك ياصديق الجرح من كيمياء القصيد أذكر يومها والنهر يمنحنا التفاؤل ونحن نرقص حوله أن قلت لك :
سيجيئ يوم تختفي فيه الوجوه يصعدون جميعهم شتي لحيث مسارب الضوء الشفيف هناك حيث الروح تجلس في بهاء سرمدي لا يضاهي ..!
Post: #6 Title: Re: والعُـــمرُ Author: أمين محمد سليمان Date: 04-08-2011, 11:27 PM Parent: #5
**** ****
هكذا الأحلام تبدؤنا أنيناً ثم دمعاً ثم
ميلادُ القصيد
غايتو يا خضر دي منال عديل كده بدون الجبنه و اللحمه المفرومه !!
Post: #7 Title: Re: والعُـــمرُ Author: خضر حسين خليل Date: 04-08-2011, 11:29 PM Parent: #5
هل اليقين أن تطارد عمرك الأشواق واللعنات والأحلام ؟
أم أن تمارس حرفة الركض الذي ما عاد آخره (الوصول) ؟
Post: #8 Title: Re: والعُـــمرُ Author: خضر حسين خليل Date: 04-08-2011, 11:40 PM Parent: #7
لن يفوت علي فطنة القارئ أن المقصود بـ (حنان) في مجمل ردنا علي أمين هي (منال) والتي عبر عنها أمين خير تعبير ، رغم أنني لا أعرف منلاً بهيك مواصفات وأبلغ الظن أن البروف يقصدر سارة (سارة يا أمين) معقول لحقت تناسها بالصورة دي ؟ حقاً كما قال حميد : أمريكان في كل مكان
Post: #9 Title: Re: والعُـــمرُ Author: أمين محمد سليمان Date: 04-09-2011, 03:05 AM Parent: #8
**** خضر الأستثنائي **** هل اليقين أن تطارد عمرك الأشواق واللعنات والأحلام ؟
أم أن تمارس حرفة الركض الذي ما عاد آخره (الوصول) ؟
Post: #10 Title: Re: والعُـــمرُ Author: أمين محمد سليمان Date: 04-09-2011, 03:19 AM Parent: #9
خضر الأستثنائي !! السلام امانه ل : ساره ست الناس أمير بتاع البنشر قدوره عثمان الذي سينظف القمر
و قول لحليم نحن عندنا إتفاق : تعمل العليك أنا بعمل العلي !!
------- و بوستك ده لو عندك فيه أي فكره جاده : أنسي الموضوع !!
Post: #11 Title: Re: والعُـــمرُ Author: خضر حسين خليل Date: 04-09-2011, 08:14 AM Parent: #10
البوست أنا سبتو في حق الله يا أمين باللاهي بوست شنو ياخ نحنا سبنا الجمل بما حمل عديل تقول لي بوست
نردها ليك في السمح يابا ــــــ سلامك لسارة وصلتو ليها صباح اليوم وبالمناسبة كانت غايبة تلاتة يوم من الشغل (لأنو كان في كشات يا أمين) فبالله شوف المعايش دي جبارة كيف ؟
سلامك لعثمان حأوصلو والزول ده شال عدتو وعمل التجربة الأولي من عشرة يوم تقريباً وناس مطعم المتوكل انتهزوا الفرضة بإنتهازيتهم المعلومة فقاموا غسلو لوحتهم الإعلانية مجاناً مقابل مد عثمان بموية (الموتور) .
بالنسبة لأمير وقدورة لقيتهم من الصباح كل واحد فيهم ماسك جريدة أتفه من التانية قلت ليهم ياخوانا دكتور أمير بسلم عليكم كتير ... المهم سألوني منك بشدة أول الأمر ثم عادوا يقرؤون جرائدهم ال########ة .
بالنسبة لي حليم : الزول ده قال ليك كتر خير يا أمين وبقول ليك حاولت أرسل ليك الصورة لكن الزول الوهمي داك حذف الصورة . فياخ أنا متنازل من قصة أكون عضو منبركم ده زاتو المنبر بقي وهمي وأغلبيه الكتاب بقوا يقوموا بنمرة خمسة ده شنو ده أصلو ؟
يا امين لكل منا حنينه الخاص قيل ان أجمل لحظات حضور العشق ,,,, لحظات غياب العقل
امين ,,, يا امين ,,,,,, عارف الباقى ؟؟
خضر طرز الكلمات دررا وبهاءا وانثرها بحارا من ود ,,,,,,,
Post: #19 Title: Re: والعُـــمرُ Author: خضر حسين خليل Date: 04-09-2011, 09:15 AM Parent: #14
ازيك يا منال سئيلي الله من أمس بفتش في منال باللحمة المفرومة دي إياهو قاصدك انتي يازولة / ما تسيبي حقك يا منال وفهمي المدعو ده انو الحب حالة كما قال الشاعر هشام الجخ .
Quote: خضر طرز الكلمات دررا وبهاءا وانثرها بحارا من ود ,,,,,,,
القول ما قالت يا منال
-------
امين خرمجت البوست دا يا عمك
Quote: يا امين لكل منا حنينه الخاص قيل ان أجمل لحظات حضور العشق ,,,, لحظات غياب العقل
بس انت يا بروف قلبك عاقل .. و عقلك مقلوب
او كما قال الدكتور ذات بنت طارت عصافيرها
يا زول خدركا دا ليو في كلام ( الشعر ) دا .. و عندو ليو شعور و قلم يخصه تماماً و بكتب بشكل بعرف ليو براو .. هو فقط لا غير لكن صحي الما بعرف يقول عدس!
امين بالجد طلعت الزول دا من الموود .. شنو عملتها خستكة و مطايبات لا ودت لا جابت!؟
Post: #24 Title: Re: والعُـــمرُ 0912589770 Author: خضر حسين خليل Date: 04-09-2011, 11:24 AM Parent: #22
والقول ما قال قيقراوي بخصوص أمين لكن أمين ده بيني وبينك يمرق ليهو حلة كاملة من المود بتاعها خليك من خضر المسيكين غايتو كجاها وقعد وشبكني سلم علي فلان وعلي فلان وما فضل ليهو الا يقول كما أهدي الأغنية للخطيبة فلانة وأم الخطيبة ياخ أقول ليك قول : أمين ليس منا بعد اليوم عديل كدة .
نجيب خبرك و نوقع معاكى اتفاقية .. أو يرقص ليكى الرئيس رقصة حماسة جعلية
سى يا يمة سى ..
Post: #16 Title: Re: والعُـــمرُ Author: محمد عبد الماجد الصايم Date: 04-09-2011, 08:47 AM Parent: #15
غايتو عمكم خدر حسين دا لو زادو سعر الغاز دا اتنين جنيه بس ممن يلحّن لمحمد وردي شخصيا!!
__ سى يا يمة سى .. أو كما قال عمكم حمزاوي!!
Post: #21 Title: Re: والعُـــمرُ Author: خضر حسين خليل Date: 04-09-2011, 09:26 AM Parent: #16
يا ود الصايم صدقني الموضوع بقي مافارق معاي أنا بالتحديد كلو كلو أما بالنسبة لمشروع التلحين فأخوك حيفكر جدياً في القصة دي خصوصاً إنو ما صادفني حتي تاريخ كتابتي لك زول إشتكي من صوتي
غايتو مبدئياً حأعمل لي جلسة فنية مع قمر بوبا لأنه خير من يوثق القصة دي ونجي نطرحها ليكم هنا والدم ركب يا مان
ــــــ اخبارك يافقر
Post: #20 Title: Re: والعُـــمرُ Author: خضر حسين خليل Date: 04-09-2011, 09:22 AM Parent: #15
Quote: لا يغرنك انتصارك على حماس وناس ( هنية ) فهم محتلون مساكين ونحن ثورة انقاذية ولنا جبش عظيم وكمان مليشيات شعبية وسلاح وعتاد صينى وانتينوف روسية وياما كانت لجيشنا صولات وجولات بطولية تشهد عليهو (ساحات الفداء ) فى الشاشة التلفزيونية
فياما برطعت طائراته فى كامل الأرض السودانية وصبت على المواطنين الغافلين حمما جهنمية
وفى الجنوب خضنا أطول حروب الغارة الأهلية وفى الغرب أحرقنا الأرض واغتصبنا الحرائر وذبحنا البقية وأسرنا وقتلنا وطاردنا فلول الحركات الدارفورية
وفى جبال النوبة كانت لنا صولات ومذابح تاريخية وفى النوبة كذلك أغرقنا مهد الحضارات السودانية
وفى الشرق فتحنا نار الجحيم على البورسودانية وجبهة الشرق يا ما كبدناها خسائر مادية ومعنوية وناس الانقسنا بهدلناهم أيضا وألحقناهم بالبقية
وما زلنا نتفنن فى ازكاء الفتن بين الدينكا والمسيرية ونخطط أيضا لاغراق دولة الجنوب فى حرب أهلية
Quote: أن تُنفقُ الأنفاس مع من تقاسمك الوريد ثم تُشعل ما تبقي ...من جذوة الأيام نيراناً ثم تُمضي في خشوعٍ نحو كوخٍ يحتويـــك .
يا جنا مالك علينا من الصباح هدد الشوق والحنين دايره اواصل ليك في نفس موالك لكن شايفة ناس ود الصائم جوك ناطين عكس الهواء العجيبة الليلة من الصباح فقدتوا اكان قايلة روحي بجي بلقاهو حايم مبوظ ليك بوستيك النديان ده كنت خليتو يومين تلاتة والله يا ابو البنيات اتلومت ما تقول لي لقيتو لافي البوست وتميت الفتلة .. انت لفتك بتكون 360 درجة بمقاس سرعة ناس يا طويل العمر لوولز وكمان العجيبة يا خدر لقيت ليك الخال حمزواي زات نفسو جايب ليه ترلة وفاتل بيها الدوار زاااااااتو كلام شروق الرويان وتريان ما رجع الدريكسون إنا لله عالم تحب العلالة تحت المطرة
خدر كلامك حنين بشبهك اكرق تحت الشديرة ديييييييييييك وخت ليك بنبر تالا القيف واقعد رص نضميك ده ما تتلفت كلو كلو عاين في الموج لامن تتم نضميك ونحن راجينك بي جاي تحت النيماية سلام ليك ولزوارك الملانين سماحة وظرافة ومحنة ودعتك الله
Post: #25 Title: Re: والعُـــمرُ Author: معاوية عبيد الصائم Date: 04-09-2011, 11:32 AM Parent: #23
Quote: غايتو عمكم خدر حسين دا لو زادو سعر الغاز دا اتنين جنيه بس ممن يلحّن لمحمد وردي شخصيا!!
او ينقصوا سعر الليمون (اللحمى) ويا دار فلاح جاك القدرك....
Post: #28 Title: Re: والعُـــمرُ Author: خضر حسين خليل Date: 04-09-2011, 11:43 AM Parent: #25
Quote: خضر مبروك الكانون وشوال الفحم الجائزة
فياخوانا ناس معاوية ديل نعمل ليهم شنو نحنا بالضبط ؟ كانون في عينك يا معاوية ياخ مالك عايز تبقي لي زي مورتا القال لي أفرض لقيتو الغاز حتطبخوا بيهو شنو ؟
أها أفرض أدوني الجائزة دي أقع بيها وين أنا ده ياخ ــ
جيب سفة يامعاوية
Post: #26 Title: Re: والعُـــمرُ Author: خضر حسين خليل Date: 04-09-2011, 11:35 AM Parent: #23
سوما العظيمة تحياتي يا صديقة قلنا نكتب يا سوما لكن شن نسوي مع أمين وودالصايم وحمزاوي ديل بالله جو قبقبوني وما خلوني أقول باقي قولي ياسوما أنا بفكر جادي جداً انو بكري يعمل لينا منبر بتاع أحاسيس وما يدخلوا الي من أتي الشعر بقلب سليم
الشاف ناس أمين ديل متصفحين ما كضب ياسوما
ــــ باقي النضمي جاي ياسوما شيلي الصبر ياصديقة وشاكر لك حضورك الوسيم
Post: #27 Title: Re: والعُـــمرُ Author: Mohamed E. Seliaman Date: 04-09-2011, 11:39 AM Parent: #26
Quote: أشوفك ياوطن ممشي أحندكبك زماناً جاي أغازلبك شمس باكر وأغنيلك أشوفك يا بلد مرسي ونمرق من مساماتك بلد ممكن ولا بينطال بلد غيماتها ساساقة بلد ناساتها منطامنة تحس بالرهبة قدامها بلد نحلمبو نحنا سوا بلد رقراق بلد طيب بلد قدام وما هدام بلد سواي وما حداث بلد ممكن يكون أوسع فسيح أحلاموا وردية بلد ممكن بلد دوغري بلد حبوب بلد ممكن يشيل الشيل ويا ما يكب بلد أحضانها سلة شوق بلد ممكن فيا ليل الحزن إنطم أقيف لي غادي وإتلزم ويا شمس الصباح أمرق تعال أمرق أمرق من سجن خوفك تعال أمرق أمرق من لجج صمتك تعال أمرق أمرق من عتاميرك تعال شيد متاريسك
دي واحدة من ابداعات اخونا خضر لقيته في واحدة من جخانين الفيس بوك عتلتها بيجاي نكاية في أمين و ودالصايم بعدين يا خضر انت وقت مبدع قدُر دا, أمين دا مصاحبو ليييه فاليسقط اتحاد الصلع و الجلحات الصغيرة :)
Quote: باكر هبوبك تستجيب تنهض تعافر في الدروب وتمرق علي مهل الحروف تمرق عشم يمرق وطن إنسان وسوداناً جديد نمرق سوا في ها الدروب (-)
نمرق وفي ايدنا السلاح الجرتق الكوتشينة أشجار التبلدي الفيتريتة المنقة والهبباي نسيم القنقليز الواطة لالوب الولاد بركاوي في وطن البراح شمس المغيب يتكل قصادك بي تعب وهو بيندهك يا يابا يا (سمح الحروف أوعا السماسرة يضللوك قد ضيعوك علي عجل شرعوا لك الدين مرتجل) وانت بتعافر في السنين وسنين طوال يا (محمدأحمد) استرح صفا انتباه صفا انتباه صفا استرح أو إنتباه أو إسترح كل الأوامر زي بعض صفا انتباه صفا استرح يا دي البلاد الإنتباه يا محمد أحمد إنتبه ما يضيعوك صفا إنتباه صفا استرح آن الأوان لتحترس آن الأوان لتقول لا في وجه من خانوا الوطن آن الأوان لتنتبه ما بين (جهادهم) والنفاق وما بين يقينك بالوطن و بين نضالك أو ثباتك خطوتين خطوة بتهز الزمن وخطوة بتعدل مشيك ويا ها الخطاوي المن زمان نفس الخطاوي الـ سرتها يا (محمدأحمد) إنتبه ! تمشيبو درباً ياما سر وأنا بالي في أيام زمان نفس العساكر نفسهم نفس المشير نفس البطانة الأرزقية االعصبجية نفس الجرايد والمسيرات الكضب نفس أي شئ وليل الطواغيت مهما طال لا بد من صبحاً يجي هي حكمة الأرض الحلال جدلية الموت والحياة وما بين بنادقك والعصي ها هم شعوب الأرض جوك وأنا بالي في أيام زمان و(الدخري) يحلم بي وطن حق الولاد المدرسة ؟ حق الفطور يالدخري آه راح الدرب (الدخري) يحلم بي رغيف الجوع ومسغبة العلاج أي والله مستشفي وعلاج الدوخري كان عشمو الدواء شرقت شمس غابت نجوم مرقت شمس كمين بلاد وشمش الله شرقت في البطون الجوع مصلاية ووطن الجوع مصلاية الغلابة الكادحين شعباً اذا قال قد كفي يمشيهو درباً لو جحيم يمرقبو في وطن البراح وطناً مسالم ومكتمل وطناً معلم وعندوا رأي مافيهو عسكر مستبد لا عندو آمر لا أمير (--)
وطناً نقالدبو السما وطناً نحاحيبو الطيور وأنا بالي ما زال منتعش وأنا بالي في حق الفطور حق العلاج أيوه الدواء وأنا بالي ماذال متقد أنا بالي في الثورة السلاح (---)
ولما البيوت تمرق تمرق علي مهلك مهلك تسوق دربك دربك تجيه دوغري دوغري الشوارع جات جات الشوارع من طرف (أمبــدة ) تنده جارتا والجارة تنده تانيتا الأولي جات والتانية جات الرابعة والخامسة الأربعين الحارة ودنوباوي والأنصاري جاك سيدي الأزهري الختميه والناس التمام جوك الرفاقا الطيبيين والثورة جات والشهداء يا موت يا حياة
و دي من نفس جخانين خضرالفيسبوكية عشان معاوية ما يعمل لينا شمطه بتاعة كمونية الجائزة وين يا معاوية!!
أدناه .. أجمل ما قرأت مؤخرا أو هى أكثر الكتابات حياة .. قربت أسقط أفقيا فى تفاصيل المشهد .. شكرا يا أمين ..
Quote: سلامك لسارة وصلتو ليها صباح اليوم وبالمناسبة كانت غايبة تلاتة يوم من الشغل (لأنو كان في كشات يا أمين) فبالله شوف المعايش دي جبارة كيف ؟
سلامك لعثمان حأوصلو والزول ده شال عدتو وعمل التجربة الأولي من عشرة يوم تقريباً وناس مطعم المتوكل انتهزوا الفرضة بإنتهازيتهم المعلومة فقاموا غسلو لوحتهم الإعلانية مجاناً مقابل مد عثمان بموية (الموتور) .
بالنسبة لأمير وقدورة لقيتهم من الصباح كل واحد فيهم ماسك جريدة أتفه من التانية قلت ليهم ياخوانا دكتور أمير بسلم عليكم كتير ... المهم سألوني منك بشدة أول الأمر ثم عادوا يقرؤون جرائدهم ال########ة .
بالنسبة لي حليم : الزول ده قال ليك كتر خير يا أمين وبقول ليك حاولت أرسل ليك الصورة لكن الزول الوهمي داك حذف الصورة . فياخ أنا متنازل من قصة أكون عضو منبركم ده زاتو المنبر بقي وهمي وأغلبيه الكتاب بقوا يقوموا بنمرة خمسة ده شنو ده أصلو
كما لا يفوتنى الاشاده بالعبق الخاص والحميم لعثمان حسين فى أرجاء البوست المدكنه .. والعُـــمرُ ..
يا الله يا عثمان حسين ياخى ويا خضر يا ..
Post: #42 Title: Re: والعُـــمرُ Author: خضر حسين خليل Date: 04-09-2011, 09:30 PM Parent: #38
يفتحها في وشك يا ودالمشرف شقيش قبلت عثمان حسين ده واحد من الحاجات السمحة في الدنيا دي يا محمد بذكرني تحديداً بسنوات المحبة اياها ، ياخ ده راجل ملهماالهام ماعادي فالتحية لروحه الخالدة ولأغنياته التي تسري مسري الدم في الوريد
ياخ كتير خيرك علي المرور الشحمان ــــــــ بالله لو في جنبك تلفزييون افتح قناة زول عشان تشوف الدرك الوصلناه حاجة تفرم يا ودالمشرف
Post: #41 Title: Re: والعُـــمرُ Author: خضر حسين خليل Date: 04-09-2011, 09:10 PM Parent: #32
ناصر البطل ازيك يا صديقي
والله ياناصر وأنا بقرأ في ردك الأول عن الممل البقي ساكن جوا الناس من حال البورد قعدت أضحك براي زي المجنون ـ ياخ كويس أن يقاسمك الآخرون الملل هذا يعني بالضبط أنو الدنيا لازالت بخير يوم أمس ما لقيت شئ أسويهو ياناصر قعد أكتب في العمر ده ، والنص ده بالمناسبة قديم إحتجت ليهو أمس بالليل ومرقتو قلت نشوف الحاصل في أعمار خلق الله فوجدت حالهم تماماً كأحوالي وهذا أيضاً يعني فيما يعني إنو السودانيين ديل عبارة عن كوبي بيست أفراحهم وأتراحهم مغايصهم وشواكيشهم كلو بشبه بعضو يا بطل . فشوف سخرية الأقدار دي وقادر الله . حأواصل بس منتظر جغمسة أمين الجاية .
يا امين عليك الله تعال جغمس لينا جغمسه جغمستين هنا عشان خدر يقدر يواصل شكلوا صاحبنا ده الإبداع مربوط عندو بالفوضى الخلاقة عارف يا خضر أخوك كل أفكارو اليانعه و قراراتو المصيريه أخده فى الحمام الحال واحد يا صديقي يلا يا امين منتظرنك
Post: #44 Title: Re: والعُـــمرُ Author: خضر حسين خليل Date: 04-09-2011, 09:47 PM Parent: #43
Quote: أخوك كل أفكارو اليانعه و قراراتو المصيريه أخده فى الحمام الحال واحد يا صديقي يلا يا امين منتظرنك
ياخ إنت كارثة يا بطل عارف غير القرارات الجرايد برضو قرايتها ممتعة في الحمام لكن جد حكاية القرارات البتتآخد في الحمام مفترض الواحد يجربها وأعدك بكرة آخد لي قررار قرارين كان ربك مد في الآجال
Quote: ياخ إنت كارثة يا بطل عارف غير القرارات الجرايد برضو قرايتها ممتعة في الحمام لكن جد حكاية القرارات البتتآخد في الحمام مفترض الواحد يجربها وأعدك بكرة آخد لي قررار قرارين كان ربك مد في الآجال
ياخ اصلو ما ممكن ياخ!؟ كان كدا احسن جغمسة امين عديييييل على الاقل فيها قلوب و حبش و الذي منو طيب نجغمس ليكم انا بالنيابة عن نفسي و اصالة عنو ...
علي المك ذات مرة من المرارير.. بالذات مرارة " رسالة الى جيني آن " : [ جميلَ جداً ان تتخذي قراراً في موضوعٍ ما ... ] لكن ما قال في مكانٍ ما.. أو اي مكان كمان!!!
--------
قرارات الحمام - و في ارتباط الفكرة/الحمام - دي تبقالي معكوس نص نكتة المسطول بتاعة البامبرز بالضبط!! دا نقل الحمام ( البامبرز ) لافكارو بدل العكس
الدنيا دي اصلو كدا .. ناس كدا .. و ناس كدا!
ناس تغوص عمق البحار لا تلقى لؤلؤ لا صدف! و ناس برّة في رمل الشواطئ تلقى اللآلئ بالصدف!
شفت كيف؟
أمين يا فردة .. تعال خرمج خرمجتك يرحمك الله .. و يرحم عزيزكم القارئ مني
ياخ عذبتني ( لآلئ ) دي ياخ!! انا الجابني هنا شنو ذاتو
Post: #46 Title: Re: والعُـــمرُ Author: ناصر البطل Date: 04-10-2011, 06:39 AM Parent: #1
يا خضر الرحيل يكلفنا ثمن الأشياء التى يصعب إحتمالها ذات حمام إتخذت قرار الرحيل و كتب ما نصه الآتي:
قدري أنا... أن أفقد الأشياء دوما مرتين في الصباح و في المساء قدري أنا... أهفو لحزم حقائبي و دفاتري و مشاعري في بعض لحظات إشتهاء قدري أنا... أن أعشق الذكري و طعم الأمس و التسبيح باسم حبيبتي و الكون عندي دائما فصل الشتاء قدري أنا.... أن أقتل الأشياء عندي و عند حبيبتي و أزلزل الدنيا لأظل أنظر للوراء
يلا جغمسوا كلكم,,,,,,,,
Post: #47 Title: Re: والعُـــمرُ Author: محمد عبد الماجد الصايم Date: 04-10-2011, 07:33 AM Parent: #46
غايتو يا حسبو .. عمكـ دا ما بطال! لكن هو مضيّع نفسو في السياسة مالو؟
Post: #48 Title: Re: والعُـــمرُ Author: مرتضى احمد عبد القادر Date: 04-10-2011, 08:03 AM Parent: #47
يا بطل حمامكم كدا
Quote: الرحيل يكلفنا ثمن الأشياء التى يصعب إحتمالها ذات حمام إتخذت قرار الرحيل و كتب ما نصه الآتي:
قدري أنا... أن أفقد الأشياء دوما مرتين في الصباح و في المساء قدري أنا... أهفو لحزم حقائبي و دفاتري و مشاعري في بعض لحظات إشتهاء قدري أنا... أن أعشق الذكري و طعم الأمس و التسبيح باسم حبيبتي و الكون عندي دائما فصل الشتاء قدري أنا.... أن أقتل الأشياء عندي و عند حبيبتي و أزلزل الدنيا لأظل أنظر للوراء
Post: #49 Title: Re: والعُـــمرُ Author: محمد عبد الماجد الصايم Date: 04-10-2011, 08:08 AM Parent: #48
إنتو الحمام دا قاعدين تعملوا فيهو شنو؟
Post: #50 Title: Re: والعُـــمرُ Author: ناصر البطل Date: 04-10-2011, 09:08 AM Parent: #49
بنجغمس فيهو يا ودالصايم
يلا يا خضر واصل
بي الطريقه الماشي بيها ود الصايم دى شوف عيني يا وصلنا الخور يا طبعنا كتاب شعر سجن سجن غرامه غرامه
Post: #51 Title: Re: والعُـــمرُ Author: بله محمد الفاضل Date: 04-10-2011, 09:20 AM Parent: #50
ضل بارررررررررررررد وزير مويتو ساااااااااااقطة والدنيا عندنا دائماً رمضان بالله زود لينا في الجُغم بي دغمستا أو عدما وربك غفور رحيم
Post: #52 Title: Re: والعُـــمرُ Author: بله محمد الفاضل Date: 04-10-2011, 09:20 AM Parent: #50
ضل بارررررررررررررد وزير مويتو ساااااااااااقطة والدنيا عندنا دائماً رمضان بالله زود لينا في الجُغم بي جغمستا أو عدما وربك غفور رحيم
Post: #53 Title: Re: والعُـــمرُ Author: خضر حسين خليل Date: 04-10-2011, 09:37 AM Parent: #52
Quote: قدري أنا... أن أفقد الأشياء دوما مرتين في الصباح و في المساء قدري أنا... أهفو لحزم حقائبي و دفاتري و مشاعري في بعض لحظات إشتهاء قدري أنا... أن أعشق الذكري و طعم الأمس و التسبيح باسم حبيبتي و الكون عندي دائما فصل الشتاء قدري أنا.... أن أقتل الأشياء عندي و عند حبيبتي و أزلزل الدنيا لأظل أنظر للوراء
قدرك قدر يا بطل قريت القصيدة دي ورجعني لأيام كنت بحسب فيها الأمور زي حسابك ده أذكر يا ناصر إنني كتبت نصاً قصصياً عن واقع عشت تفاصيله لحظة بلحظة كان الحب والهيام في أعلي درجات يقظته وفجأةً إنتهي كل هذا حتي صرنا إخواناً لحبيباتنا بفضل الظروف والحال الحرن والمشكي لي الله . ندي القلعة عندها أغنية تمجد فيها مضمون ماذهبت اليه في (صرنا أخواناً لحبيباتنا) لكن بمرتبةٍ أخري تقول ندي : كان إنتهت العلاقة تدوم بينا الصداقة
ـــ هذا وطن يا ناصر تحكم علاقاته بقوانين الظروف
Post: #54 Title: Re: والعُـــمرُ Author: محمد عبد الماجد الصايم Date: 04-10-2011, 09:58 AM Parent: #53
أوو .. البطل يا عمكـ! نعمل ليكم شنو ياخ! نحن الحمام دا بنعرف فيهو واحد واتنين وتلاتة .. مرات مرات أربعة!! إنتو دخلتو فيها رقم خمسة شايف!!
Post: #56 Title: Re: والعُـــمرُ Author: ناصر البطل Date: 04-10-2011, 10:25 AM Parent: #54
Quote: نحن الحمام دا بنعرف فيهو واحد واتنين وتلاتة .. مرات مرات أربعة!! إنتو دخلتو فيها رقم خمسة شايف!!
الله يجازى محنك يا ود الصايم يا زول نداء الطبيعه ده الأميره ديانا ذات نفسها كانت مشتركه معانا فيهو بعدين تعال هنا واحد و اتنين ديل أنا عرفتهم البول و الغائط أو كما قال خمسه دي بتودى البوست الخور خليها أها تلاته و أربعه ديل شنو؟ أوع تقول لي إنته كنته من ناس الحديث الموضوع بتاع "فى ظل الكعبه أربعين يوم" كان كده أربعه دى ما عاوزين نعرفه زاتو لأنو حتجيب ليها رفد من المنبر ظاتو يا خضر واصل
Post: #58 Title: Re: والعُـــمرُ Author: محمد عبد الماجد الصايم Date: 04-10-2011, 10:42 AM Parent: #56
يا بطل .. ما تشرّح براكـ ياخ! 1) سوائل 2) داون لود (الما سوائل) 3) الحمام همسلف (تحت الدش يعني) 4) إقنــور ولا داعي للتوضيح 5) ياهو شِعركم الزي الداون لود دا!!
Post: #59 Title: Re: والعُـــمرُ Author: بله محمد الفاضل Date: 04-10-2011, 10:54 AM Parent: #58
قالو الزواغ ربا عيالو
كبرت الملف خايفك تنفتل يا ود الصائم
Post: #68 Title: Re: والعُـــمرُ Author: خضر حسين خليل Date: 04-10-2011, 09:01 PM Parent: #59
مشكور والله يا بلة علي الحضور السمح لقينا الدنيا مقلوبة قلنا نكتب فما باليد حيلة يا بلة سوي الكتابة
Quote: غايتو يا حسبو .. عمكـ دا ما بطال! لكن هو مضيّع نفسو في السياسة مالو؟
سياسة شنو ياخ ! الزول دا عميق جداً بسوق الحاجت كلها مع بعض عليك الله شوف جنس الكاتبو خضر تحت دا
Quote: زينب كحالة إستحالت الاهداء : لكل زينب إستحالت ......! ولموسي ورفاقه من مظاليم الهوي (هووي ياهوي)
إنه وبعد :
السماء لكأنها أخرجت ما بجوفها تماماً ، كان صباحاً ندياً من صباحات يوليو السماء تواصل عطائها الماطر ، الشوارع إمتلأت بالمياه ، رائحة روث البهائم تملأ الآفاق ، منازل كثيرة إنهارت ، الناس مشغولون بفتح مجاري صغيرة لتصريف المياه ، بعض المارة يصنعون في جسور صغيرة تمكنهم من العبور ، خرجت للشارع بعد أن أفرغت السماء ما بجوفها تماماً ثم إنسلت بسحبها تاركةً أشعة شمس تحاول الخروج علي إستحياء . لفحني الخريف بدعاش بدا لي أول الأمر ولكأنه أتي ليملأ رئتاي وعداً (وفألاً وتمني) . بنات المدارس خرجن بأزيائهن الماطرة ليحلن الشارع ببركة الطقس(لشانزليزيه) آخر في تمام جنوب (الخراتيم) هي بلاد الاستواء الان فقط إستوت وحان قطافها . تأملتهن الواحدة بعد الأخري وأنا أشعل سجارتي بعود ثقاب مبتل كإبتلال خاطري بفعل الطقس والبنات اللائي أتين جميلات كعهدي بهن . جاءت (فاطمة) تتقدم صويحباتها تقودهن بثبات وخطي مطمئنة يضحكن بغنج عجيب يوسوسن لبعضهن البعض بحلو الكلام . موظفات الحكومة بثيابهن البيض يخرجن واثقات الخطي غير أنهن لم يثرن شجون الشارع ، يتحدثن بصوت جهوري يا (علوية) أمرقي الترحيل حيفوتنا !!! يا (ستنا) ما تستعجلي دة كلام شنو ؟ تنقش تنقش تنقش جاءت (زينب) ، توقف الناس فجأةً توقف الشارع ، توقف جزء من الكرة الارضية ، تلك البقعة التي إقتطعها أجدادهم ليسكنو هناك في ذلك الجزء المنسي من العالم !! بإبهامها أشارت فهرول (موسي) ممسكاً طرف جلبابه بفمه الذي لايمل التنظير ومن خلفه إسماعين ليتبعهم آدم ثم النور ثم آخرين من التابعين وتابعي التابعين من مظاليم الهوي . سريعاً سريعاً وماهي الا لحظات حتي عبرت زينب الشارع بعد أن شيد موسي ورفاقه جسراً يليق بخطاويها الوسيمة لتعبرهم (زينب (تاركة خلفها أصدق إبتسامة في التاريخ البشري . ما إن عبرت حتي همهم (موسي) قائلاً : علي الأيمان الكوبري دة بعدك مافي زول يعدي فيه قال إسماعيل : شكراً يا (زينب) قال آدم : (آآآآآآآآخينا) منك ثم عض شفته السفلي حتي كاد أن يقطعها قال النور : والله بت زي الفستق أما (زينب) فمضت بعيداً تاركة الرفاق في ذهولهم محدثةًً ذات الضجة التي يثيرها رؤساء الدولة النامية كلما تفقدوا أحوال رعيتهم . الشوارع والعماويد التي أرهقتها الدعاية المضادة للسلطة إغتسلت من درن الشعارات ، تنفست الصعداء أخيراً فظهرت نظيفة كقلوب البسطاء مافيها شئ من درن . نطالب بإطلاق سراح المعتقلين الموت والدم لكلاب الأمن وكتابات مشاغبة أخري غسلتها الأمطار ، الآن تستاك جدران المنازل ، ستظل دوماً محض شعارات لا غير. الآن لن يطالعني (سيزيف) لن أري صورته وهو يدحرج حجراً كنهد (زينب) ، لن يناديني (سبارتكوس) بأن عليك وأن عليك وأن عليك ، قتلتنا الشعارات قتلتنا ، نحتاج لواقع ماطر كأحلام (زينب) كخطواتها كإبتسامتها هو ذا ما نحتاجه يا) موسي) كان (سيزيف) يطالعني صباح مساء من جدار قديم تهدم كله سوي ذلك الجزء الذي ظل ناهضاً ولكأنه يحثني بالوقوف بجواره كان يقف (سبارتاكوس) حاملاً منشوراً سياسياً يقاتل بالنشيد . الآن لن أراك مجدداً (لوممبا) ها قد غسلتك الأمطار وأنت تعيد صياغة الإنسان فينا من جديد أعادني (موسي) بغنائه المر عن (زينب) ، ها هي الأخري رحلت لبلاد لم نري من أمرها سوي بعض سهول ووديان في أطلس العالم ، كان العالم يومها أوسع كثيراً ، نمضي بثبات نحو (شيلي) ، نغوص في حكايا ثوار (الكنغو) ، نمضي لنقف عند قبر (اللندي) نحييه تحيه الثوار والأحرار نحتسي كوباً من القهوة مع أبو الثوار (جيفارا) . كيف لمن عاش من أجل الآخرين أن يموت ؟ كيفاش أيها الناس ؟ و(موسي) يغني وكتين أقابلك يبتسم زمني ويقيف وأنايا زمانات الوهم ماسكـ علي دربي العديل شقيان وراكي علي العلي شقيان وراكـ وكلي فال لو ما زمانات الهوان أنا كنت بيكـ مليان حنين والخاطر الفقدك هنا كان عمرو ما ضاق الطشاش لا البشتنة سبتيني لي ليل الضياع سبتيني باريتي القرش العمرو ما عمر قلوب غيرما تغش حتكوني دايماً زي برق زارنا ومشي أهدانا مطراً غاب سنين وأمطرنا بعضاَ من خدار كسرة وملاح لبن سعية وبرتكان وقمح قمح جفت زهور الامنيات والروح وراكـ تعبت شكي يا الله إنسانك يموت بالغبن بالشوق بالحنين
الآن تمضي بغنائك العذب الأليم مليئاً برائحة زمن جميل عايشت تفاصيله مطراً إثر مطر آه لو أن العالم صار مرة أخري أطلساً نتصفحه من النيل الي النيل آه لو كان العالم أطلس جيب تحمله سفراً داخلك تحمله ألماً يخصك نواحي بلاد لن تسير في دروبها . لو كان العالم أطلسنا الذي لطالما تصفحناه سوياً ونحن قابعين في فصل مهمل عند الكنبة الثالثة من جهة اليسار . لكان من السهل أن تتصفح (زينبك) مرةً أخري ، لكان من السهل أن تشعلها غناءاً لكنه العالم يا (موسي) لم يكن ولا بإمكانه أن يكون يوماً سوي وطناً يختطف ما تبقي من أمنياتك .
بعد عام سيعيد (موسي) ورفاقه تشيد ذات الجسر الذي مرت من خلاله (زينب) . إحتفاءاً بخريف العام وببقايا إبتسامة تركتها يوم عبرت الجسر الذي شيدوه بعرق الأمنيات . بعد الخريف مباشرة سيكتب (موسي) ورفاقه علي جدران المنازل تسقط تسقط الأمطار .ثم بخط صغير سيكتبون (زينب) كحالة إستحالت . ثم يعيدون ترميم وجه (سبارتاكوس وسيزيف) وربما سيفكرون في إضافة شهداء عبدوا طرق الإنسانية بالمواقف لا غير.
مداخلاتى اليك يعوزها الترابط ولا تنقصها الحميميه .. تعرف يا خضر حسين ! فى البال دوما أمسيات بلا رهق .. فيها نعود لنمنمات الاحتياج العابر والمقيم دونما خجل او ندم .. "وشهوة أن يغنى المغنى خصر الصبيه, لا عائدون" شفتا البرغوثى ده كيف ؟! وذاك الساكن روح صحراءه " الكونى " فى تراجيديا الزمان والمكان .. أو ذات ما صلب من أجله المسيح من جديد .. " قرفه وقرنفل و .. سعاااااد ياخى الدوش ده ما بالغ !.. لكن " الكابلى" والى حد ما " بشتن القصيده" .. وهذا لا يتعارض أبدا مع كون " عماد عبدالله " كتاااااب يا خضر وكذلك " طراوه " و " الملك " و " انت " مستفز جدا وقوفك وامتدادك فى الصهيل يا رفيق ..
مسألة اللاترابط دى.. ربما لا تحتاج الى توضيح ولكن الجاب سيرة عثمان حسين ليس بعيدا من الجاب سيرة " عماد عبدالله " وكنت اقارب البوست من عنوانه دونما دخول لايام خلت .. وكأنها المواعيد الجميله والمؤجله يا خضر .. وفى زخم ذلك الانتظار, كان عثمان حسين و .. شهوة الونس المعافى و التفاصيل .. التفاصيل ياخى !! وهذا يدخل فيما لايلزم توضيحه ..
Post: #67 Title: Re: والعُـــمرُ Author: خضر حسين خليل Date: 04-10-2011, 08:34 PM Parent: #66
يا ود المشرف أنا عارفك مشتاق للبلد دي وللمرمطة أعدك أنقل ليك مشاهداتي مما أصبحت عشان تشوف ما نحن فيه من مساسكات
وباقي نضميك بجيك فيهو باقي ليلنا ده فإياك تنوم عشان نوانسو سوا سوا سوا
Post: #71 Title: Re: والعُـــمرُ Author: أمين محمد سليمان Date: 04-11-2011, 02:02 AM Parent: #69
منال الاستثنائيه ، سلام يا عزيزه و لعلك بخير
Quote: يا امين لكل منا حنينه الخاص قيل ان أجمل لحظات حضور العشق ,,,, لحظات غياب العقل
يا منال خضر ده ما عندو حنين و لا بحس أساسا : الكلام السمح البكتبو ده بجيبو من وين ما عارف !! و البحير أكتر إنو حمام في الدكان ما عندهم !! بالنسبه لغياب العقل فاطمنك إنو المان ده ما بحتاج (لحظات حضور العشق ) : (عشقو ) مما تمغرب بجيبو براو !!
Post: #72 Title: Re: والعُـــمرُ Author: أمين محمد سليمان Date: 04-11-2011, 03:36 AM Parent: #71
Quote: سلامك لسارة وصلتو ليها صباح اليوم وبالمناسبة كانت غايبة تلاتة يوم من الشغل (لأنو كان في كشات يا أمين) فبالله شوف المعايش دي جبارة كيف ؟
بالنسبة لي حليم : الزول ده قال ليك كتر خير يا أمين وبقول ليك حاولت أرسل ليك الصورة لكن الزول الوهمي داك حذف الصورة .
شكرا يا خضر علي توصيل السلام : و كل ما تهف ليك - إن شاء الله سبعه مرات في اليوم - قول لساره أمين بسلم عليك !! و قول ليها القانون في السودان الشقيق أصلا معمول عشان يبل الناس الاصلا مبلوله !!! يا خضر : كشات النظام العام بتكش معاها الرحمه و ميزان العداله و حق الناس في عمل كريم يقيهم المساغب و سؤال الناس : يكشو الشغالين بغمسو في عرقهم الحلال و ياكلو و يخلو الحراميه البشترو في الفنادق و بيوتم فنادق زول سالهم جيبتوها من وين مافي !!
--------- الحافز بتاع وكيل الوزاره براو كان بكفي لعمل حمامات جمب دكاكينكم علي الأقل كنا استمتعنا بكتابه طاعمه تعوضنا شح العليفه الفكريه و انعدامها في المنبر الجائر ده !!
--------- بالنسبه لحليم عليك الله دخل يدك في خشمو و سل ليه لسانو بره قول ليه دكتور أمين قال ليك : الراجل بمسكو بده !!! تسلمني الصورة اسلمك : غير كده مافي طريقه لحدي ما ناس الحركه الشعبيه (يشفوا حلمة آذنهم) أو كما قالت تراجي !!!
Post: #73 Title: Re: والعُـــمرُ Author: أمين محمد سليمان Date: 04-11-2011, 04:50 AM Parent: #72
Quote: امين بالجد طلعت الزول دا من الموود .. شنو عملتها خستكة و مطايبات لا ودت لا جابت!؟
مود شنو يا قيقا ياخي : المان ده ما بحس ذاتو !! خضر ده بكتب بمداد من الزيت الراجع بتاع عمرات قدوره : تقولي مود ؟!!
---------
Quote: بعدين يا خضر انت وقت مبدع قدُر دا, أمين دا مصاحبو ليييه
يا حسبو : الأبداع الوحيد في حياة خضر ده إنو بقي صاحبي !!
---------
Quote: يا امين عليك الله تعال جغمس لينا جغمسه جغمستين هنا عشان خدر يقدر يواصل
Quote: أمين يا فردة .. تعال خرمج خرمجتك يرحمك الله .. و يرحم عزيزكم القارئ مني
ناصر و الزعيم فتح الرحمن : ويحكم !! أولم تدرو أن خرمجات المفكرين خير من إبداع الناس الساي زي ناس خضر ديل ؟!!
-------- شكلو غير الصايم مافي زول ما بكتب شعر في المنبر ده !!
Post: #74 Title: Re: والعُـــمرُ Author: محمد عبد الماجد الصايم Date: 04-11-2011, 07:19 AM Parent: #73
الصايم دا يُخش الحمام يلبّي نداء الطبيعة ولّ يكتب شعر؟
Post: #75 Title: Re: والعُـــمرُ Author: خضر حسين خليل Date: 04-11-2011, 10:23 AM Parent: #74
يا ودالمشرف ياخ أنا آسف لو سمعت كلامي بتاع أمس وساهرت ساي النت بتاعي قطع حوالي اتناشر ليل في الوقت الكنت بديت أكتب في مشاهداتي لصباح الأمس أمسحا في وشي ياصاحب وأعدك بتكرار الأمر مساء اليوم بكثير تركيز بس الينستر معانا زين كونكت أبو جنيه .
ـــــ ياودالصايم ياتحريفي تعديلاتك كترت لكن الحاجة الكويسة انا قريت مداخلتك االصباح وبطني فارت يافارة
Post: #76 Title: Re: والعُـــمرُ Author: محمد عبد الماجد الصايم Date: 04-11-2011, 10:36 AM Parent: #75
Quote: تعديلاتك كترت لكن الحاجة الكويسة انا قريت مداخلتك االصباح وبطني فارت يافارة
الحمد لله القريتو ساي وما عملت (برنت سكرين)!! بعدين يا عمكـ هو تعديل واحد مراعاة للحالة النفسية بتاعت القرّاء البجو خاشين من صباح الرحمن ديل!! في داعي يلاقو المفردات دي قدام وشّهم!! رغم إنو دي أول حاجة بعملوها من الصباح ومنها انطلق المسمى الشهير: **** الصباح!!
Post: #77 Title: Re: والعُـــمرُ Author: خضر حسين خليل Date: 04-11-2011, 04:25 PM Parent: #76
يا ودالصايم ***** الصباح دي قاصد بيها لاح الصباح ولا الحاصل شنو ؟
لا لا الكلام ده اصلو ما معاك فيهو .. والمحيرنى فاتت كيف على شلوخ بكرى ابوبكر ..
Post: #79 Title: Re: والعُـــمرُ Author: خضر حسين خليل Date: 04-11-2011, 07:38 PM Parent: #77
أعود الآن فقط يا محمدالمشرف حكمة الله أنني وددت بالأمس تسجيل مشاهداتي ليوم الأمس لكنه السودان الوطن الواحد يرهقنا دوماً بتفاصيله المكررة حتي إنك لتتشكك (ياربي البتاع ده حصل أمس ولا اول أمس) مع إنو البتاع الذي تتساءل عنه يحدث أمام ناظريك لحظةً بلحظة وساعةً بساعة . يلزمني للوصول لأقرب شارع زلط عن منزلنا ركشة (مقدارها جنيه ونص) وفي أجمل الحاجات جنيه ـ والساعة تشير للسابعة والنصف كنت بكامل عدتي وعتادي في إنتظار ركشة (ركشة وبس ياودالمشرف) ، وأنا هناك أتاني خالد وهو بالمناسبة شاب لطيف فقد الذاكرة في حادث مأساوي ما إن رأيته قادماً بإتجاهي حتي تحسست ما تبقي في جيبي من تمباك الأمس فمطلب خالد الوحيد في الدنيا سفة (سفة وبس) يطلبها خالد بصوت عامل كيف صوت تكاد أن تتحسس فيه كل أوجاع الأرض ومآسيها التي يمثلها خالد بكل إقتدار . فتقدم له ما عندك من تمباك بعيون دامعة كأقل نوع من أنواع التضامن الإنساني . ياخ هادي الحياة محنة تخيل يا ودالمشرف إني إكتوي بهذا المنظر صباح كل يوم . المهم هذا ماكان من أمر خالد والذي سأحكي لك عنه ذات مساء بوسامة هذا المساء الملعون .
جاء بتاع ركشة طلبت منه قبل أي شئ إنو (يوطي) صوت المسجل ـ إتضح لي من نقاشه إنو ما بتاع شغل ـ ما جعلني أحاول الإتفاق معه أولاً أنني لم أتشرف بطلته من قبل طلب مني مبلغاً ولا أبالغ أنني ما كنت لأخرج طلباً للرزق لو كان ما طلبه بجيبي في تلك اللحظة قلت له ياخينا عليك دينك إتخارج ما عايز اركب معاك فمضي غير آبه رافعاً من صوت المسجل لينطلق ذات الصوت الهابط مضي بتاع الركشة مضي .
إنتحيت بخالد جانباً قلت له ياخ ده زول معفن ساي ـ إتفق معي خالد بإيماءة براسه ـ في ذات اللحظة جاء أمين بركشته ينهب الأرض نهباً أمين ، أيوة أمين بتاع الرياضيات ، كان مولعاً بالرياضيات حتي أسميناه بفيثاغورث تخرج من الجامعة والعام 2000 الآن يقود ركشة كتب علي خلفيتها ( طيبة) وأظنه إقتبسها من أغنية مصطفي سيد أحمد المقبول (كبل ما تباعد بينا عوارض كل ماهواك ياطيبة مكني) فأمين الي جانب الرياضيات كان مولعاً بمصطفي عليه أفضل التساليم .
أواصل
Post: #80 Title: Re: والعُـــمرُ Author: خضر حسين خليل Date: 04-11-2011, 07:50 PM Parent: #79
ياخوانا استحملوني أنا عندي حلة في النار لي ده حأقعد أقطع ليكم في اليوميات دي لين ما الحلة تنضج
ـــــ الحلة تنضج أو الحالة تنضج مافرقت والله فإستحملونا
وتسسلت أنا خلسة لتفاصيل " أمين فيثاغورثى " العاطفيه يا خضر .. وله ذات ملامح " أمين فيثاغورثك " عدا الكلمه التى إختارها عنوانا للركشه .. فقد كتب وبمنتهى الحزن .. " وضاحه " ووضاحه والتى كم أرهقتنا بالمشاوير الحميمة والغبار اللذيذ الى جامعة أمدرمان الأهليه.. أنثى كاملة المواصفات الامدرمانيه, وبذات المنحى الابنوسي لبنات أمدرمان و " الحنكشه " .. اذ كانت - سبحانها - من " الملازمين " .. طليعيه نوعا ما, بيد أنها انحازت لمرسيدس جارها تاجر اللساتك المشهور المتخصص فى "الكسر ".. كان أشهر من " يكسر " فى ذلك الزمان ولا يقرب الحرام أبدا .. والمسأله بيع وشراء .. يبيع لك لساتك قيمتها 5 مليون جنيه بشيك آجل قيمته 8 مليون .. ويا سبحان الله يشتريها منك وفى ذات اللحظه وكاش داون ب 4 مليون .. بيد أنه لا يقرب الربا أبدا ولا يسكر .. فقط " يكسر "
Post: #82 Title: Re: والعُـــمرُ Author: خضر حسين خليل Date: 04-11-2011, 08:59 PM Parent: #81
والساعة تشير بالضبط كده للثامنة وعشر دقائق كنت أقف الي جانب العشرات من ابناء وبنات هذا البلد الطيب في انتظار المواصلات ـ في إنتظار المواصلات كل فئة تقف وقفتها ـ الطلبة والطالبات بتوعين الجامعات لا تخلوا البتة آذانهم من سماعات الهاتف المحمول ومن إنفعالاتهم تكاد أن تتعرف علي محدثيهم ـ هكذا خبرتي مع النوعية دي ـ إبتسامة البنت مع إيماءة قليلة للرأس في كل الإتجاهات تعني إنها تتحدث إلي حبيبها والذي بدوره بكون مشرور في إنتظار المواصلات في حتةٍ ما ـ إبتسامة شاب عشريني يعني بكل تأكيد إنه إتفق وزميل له علي مكيدةٍ ما ـ أما الرجال الصامتون الغاضبون والذين تتدلي شفاههم ببلاهة فيعني أنهم خارجون من معركة مع زوجاتهم كثيرات المطالب ـ كل هذا أترقبه بحذر وبمتعة لا يضاهيها متعة ياربي الزول البنضم مع البنية السمحة دي مشرور في يات جيهة ـ ياربي الزول الزهجان ده قالو ليهو شنو في البيت أصلو ـ أنا لا أتخيل أن يخرج رجل في القرن الواحد والعشرين بهيك صورة ـ أكره المعارك بطبعي ـ تكويني النفسي كذلك يرفض لكن ما عساي والوطن تحول لمعركة ؟
نسيت أن أضيف شيئاً مهماً هنا ربما لن تستقيم الصورة بدون ذكر هذا المشهد ـ وهو مشهد أصبح يتكرر مؤخراً في شوارعنا واللي هم (بتوعين الطعمية) حكمة الله في شعبنا الذي كان يفتتح صباح بقراءة صحيفة أضحي بقدرة قادر يفتتح يومه بساندوتش طعمية ـ حتي أن العاملين (بفروع الطعمية) أصبحوا يستحقون فعلاً لنقابة تتحدث بإسمهم في الوطن (البلا نقابات ده) ـ ولله الأمر من قبل ومن بعد . أي والله يا محمد .
لنزار - صديقى الحميم فى الحله, والذى لم يكمل تعليمه الجامعى نتيجه لخلل فى المنهج - كراسة طريفه, لنزار كراسة طريفه جدا يا خضر .. كتب فيها عنوانا جد كبير " الاعداء التاريخيون " .. وبدأ فى تسجيل أعدائه فيها .. وقد تتفاجا عند تجوالك فيها بأسماء جد غريبه .. كالحكم الايطالى كولينا مثلا .. المهم .. والكراسه حقيقيه وكثيرا ما أستمتع عند مرورى فى تفاصيلها .. وكأنك تستدعى تفاصيل زمن فاتت عليك خلسة بعض عداواته .. يصادفك الرائد يونس و " حبنى " لاعب المريخ و حسين خوجلى و اسماعيل حسب الدائم و " ناجى مذيع التلفزيون" و " مين كده العقيد .. بتاع برنامج المسابقات الدينيه و " الكوده " و " ماجين " راجل ست العرقى و حمد الريح و .. الخ
كراسه طريفه بحق يا خضر ..
Post: #84 Title: Re: والعُـــمرُ Author: خضر حسين خليل Date: 04-11-2011, 09:35 PM Parent: #83
وراء بتاع الطعمية مباشرة دكانه صغيرة تزينت بلوحة تخص إحدي شركلات اللإتصال ـ يقول الإعلان : نحن ننقلك لعالم أفضل ـ أضحك وأنا أقرأ اللوحة يومياً فحوجتي لا تخرج البتة عن كرسي فاضي في مواصلات عالامة تنقلني الي حيث عملي ـ وراهو طوالي موسي بتاع الجرائد ـ ياخ موسي ده كان أخطر جناح لفت مر علي تاريخ الكرة جنوب الخرطوم ـ هسي بقي بتاع جرائد ـ لاحظت فترة إنو ما بجيب جريدة الميدان من ضمن آلاف الصحف التي يحملها، ليه ياموسي ما بتجيب الميدان ياخ انت بقيت إنقاذ ولا شنو؟ فيرد موسي بإبتسامته الطيبة : ياخ الناس دي كلها بقوا بتاعين هلال مريخ ولي ده بقيت ما شغال بالسياسة بتاع الطعمية يفرد صحيفة قون دون أن يسأل نفسه الحاصل شنو في البلد دي بتاع التمباك تديهو جنيه يغالطك في الخمسمية لأنو بالو مشغول بي جريمة صباحية تسعي الدار كصحيفة إجتماعية أن تنال قصب السبق في إيرادها
مجتمع نموذجي يا شيخ مانحن فيه أواصل
Post: #85 Title: Re: والعُـــمرُ Author: خضر حسين خليل Date: 04-11-2011, 10:00 PM Parent: #84
ظني يا ودالمشرف أن العلوم دوماً في تطور ـ اليوم سألني (عثمان) هذا العثمان خير من يحدثكم عنه (أمين بتاع سودانيز أونلاين الواحد ده) المهم أنه سألني قائلاً : ياخضر أنا جاتني ملاريا سنة تمانية وتمانين وتلاته وتسعين واربعة وتسعين وخمسة وستة وعييييييييييييييييييك الي أن وصل لأول أمبارح القريبة دي .. سؤاله تمركز في حتة محددة قال لي : هل من المعقول إنو تجيني سنه تمانية وتمانين ويصرفو لي كلولكرين وأمشي للدكتور قبل أسبوع أي بعد نحو قرن من الزمان (للمبالغة) ويديني نفس الكولكرين ؟ فأجبته : أيوة ياخ بتكون الملاريا لسع في جسمك
زولك ده يحمد الله ويسكت .. ما تسمعو الملاريا المطوره !!
Post: #88 Title: Re: والعُـــمرُ Author: خضر حسين خليل Date: 04-11-2011, 10:48 PM Parent: #86
أنا ماشي أنوم يا محمد بجيكم باكر كان الله سهل في تساهيل الكتابة
Post: #87 Title: Re: والعُـــمرُ Author: خضر حسين خليل Date: 04-11-2011, 10:44 PM Parent: #85
المقصود : كلوركين وهذا لن يفوت علي فطنة القارئ
Post: #89 Title: Re: والعُـــمرُ Author: Emad Abdulla Date: 04-12-2011, 07:20 AM Parent: #87
كلوروكين ؟؟ ..
Post: #90 Title: Re: والعُـــمرُ Author: محمد حيدر المشرف Date: 04-12-2011, 08:06 AM Parent: #89
Quote: كلوروكين ؟؟ ..
4 حبات اولا .. اتنين بعد 6 ساعات واتنين كل يوم لمدة 5 ايام .. 1500 جنيه .. ثم يلتفت اليها - الى هبه - وبالو فى " الوكر " و يختلس النظرات لاستدارة طفليها الخلاسيين .. كنا واقفين وين يا هبه, أيواا, انا الحاجه العملها جعفر ابدا ما وافقتو عليه, وبرفضها بصوره مبدئيه ولكن .. ردود فعل تيسير برضو ما مقبوله .. ايوا يا حاج .. اتنين بعد 6 ساعات .. واتنين يوميا .. خمسة ايام .. ايوا ده علاج الملاريا .. لا الحبوب مغلفه بالسكر .. شنو .. عاوز المره!! ليه ؟.. الطاعمه ما بتعالج !!!
Post: #91 Title: Re: والعُـــمرُ Author: محمد عبد الماجد الصايم Date: 04-12-2011, 11:12 AM Parent: #90
بالمناسبة يا المشرف وخضر **** الصباح دا مؤشر قوي جدا لباقي اليوم! فإن صلح صلح باقي اليوم .. وإن فسد .. فأحسن ترقد تنوم!!
Post: #94 Title: Re: والعُـــمرُ Author: خضر حسين خليل Date: 04-12-2011, 07:10 PM Parent: #89
ياعماد ازيك ياخ
اسبرين كيف ياعماد ؟؟
Post: #92 Title: Re: والعُـــمرُ Author: ناصر البطل Date: 04-12-2011, 11:31 AM Parent: #1
حضور و متابعة
Post: #95 Title: Re: والعُـــمرُ Author: محمد عبد الماجد الصايم Date: 04-13-2011, 08:30 AM Parent: #92
يا جماعـــــة الحاصل شنو معليش كنت طاشي شبكة هههههههه,
و زي ما قلت يا خضر نتجادع و جدعة هنا و جدعة هناك, و والله البوست ده مكانو ما هنا, مكانو فووووووووووووووووووووووووووووووووووووووووووووووووووووووووووووووووق
Post: #103 Title: Re: والعُـــمرُ Author: محمد عبد الماجد الصايم Date: 04-18-2011, 08:17 AM Parent: #102
الواحد جاتو روح معدنية عديل!! يُمكن إعلان البوست من الأراضي المُحررة!!
_ مع أمنياتي لكم بصباحات ندية طريّة!!
Post: #104 Title: Re: والعُـــمرُ Author: محمد حيدر المشرف Date: 04-18-2011, 09:38 AM Parent: #103
ما بين قبض الريح وإطلاقها .. فى هذه النقطه العدميه بالتحديد .. وأعنى تلك التى ما بين القبض والاطلاق ودونما حتى تركين .. دونما شىء على الاطلاق .. فى هذه اللحظه بالتحديد .. يتجوهر " العُـــمرُ "
______________
حكمه قديمه ..
Post: #105 Title: Re: والعُـــمرُ Author: خضر حسين خليل Date: 04-22-2011, 03:42 PM Parent: #102
ياحسبو شنو عايزين (تتركنجو لي البوست) أنا ناقص ياخينا ؟
Post: #106 Title: Re: والعُـــمرُ Author: محاسن أحمد محمد Date: 04-22-2011, 04:22 PM Parent: #105
شكرا نحن من خلالكم نستجم ونقرأ الكلمات الجميله ونحلم ونبتهج فقط لا تحرمونا من روائعكم يا من لكم الفدره على الابداع مشكور اخى خضر
Post: #107 Title: Re: والعُـــمرُ Author: خضر حسين خليل Date: 04-26-2011, 09:39 PM Parent: #106
يا محاسن يا صديقة والله إني بحث عن شئ أهديه لك فلم أجد سوي
مصطفى سيدأحمد يا خضر .. تصور .. قال لى ونحن قاعدين راس وكان مزاج الغناء رائقا .. تصور .. وانا آنذاك حتة طالب فى جامعة الخرطوم .. آنذاك .. تصور .. قال لى
يا محمد, كلمات مظفر النواب فى زهرة الصبار, وصلت حد الافراز .. إفراز المعنى " قالها وأطلق سبابته بعد حبسها بالابهام" وأعنى هكذا "إفراز المعنى"!!
Post: #109 Title: Re: والعُـــمرُ Author: خضر حسين خليل Date: 04-26-2011, 10:05 PM Parent: #108
يا محمد تعلم اني ما قدر مصطفي ولا كلام مصطفي ولا قدر زول رافق مصطفي يازول البني آدم ده أخوك مدخروا (للتقيلة) كلما يا ودالمشرف كلما هربت من واقعي لجأت لمصطفي أستمع اليه ككتاب مقدس ـ أخرج بعدها لمواجهة أيتها قيامة في كوكب أرضي التي أعشها ، ياخ السودان ده مفارقاتو عجيبة يموت مصطفي وطويل العمر ........... قاعد ؟
يا خضر .. لم أبلغ هذا القدر عمرا أو مقدار وكل مافى الكون مقدار له يا عزيزي .. هى صدفه جميله يطيب لى التفاخر بها اذ تستبد بى شهوة الونس المعافى .. ولا اتبحبح فى ممارسة الفخر المزيف الا مع الاصدقاء .. أهو بستحملوك ومعصورين عليك ..
"إفراز المعنى" !! زهرة الصبار ياخ ...
Post: #111 Title: Re: والعُـــمرُ Author: خضر حسين خليل Date: 04-26-2011, 10:38 PM Parent: #110
وأنا عارف عارف عارف (ياخ دي غنية جميلة لمحمد وردي) زول قعد مع مصطفي ده يستحق يا صاحبي أن نفترش له رموش العينين ليصل لأي وجهة يقصدها
Quote: يا محمد تعلم اني ما قدر مصطفي ولا كلام مصطفي ولا قدر زول رافق مصطفي يازول البني آدم ده أخوك مدخروا (للتقيلة) كلما يا ودالمشرف كلما هربت من واقعي لجأت لمصطفي أستمع اليه ككتاب مقدس ـ أخرج بعدها لمواجهة أيتها قيامة في كوكب أرضي التي أعشها ، ياخ السودان ده مفارقاتو عجيبة يموت مصطفي وطويل العمر ........... قاعد ؟
أيها الراحل فى الليل وحيدا .. ضائعا منفردا أمس زارتنى بواكير الخريف .. غسلتنى فى الثلوج .. وبإشراق المروج أيها الراحل فى الليل وحيدا حين زارتنى بواكير الخريف كان طيفى جامدا وجبينى باردا و سكوتى رابضا فوق البيوت الخشبية مخفيا حيرته فى الشجن .. وغروب الأنجم .. وانحسار البصر لوحت لى ساعة حين انصرفنا .. ثم عادت لى بواكير الخريف حين عادت وثب الريح على أشرعتى المنفعلة سطعت شمس الفراديس على اروقتى المنعزلة ومضت تحتضننى الشمس الندية والتى ما حضنتنى فى الزمان الأول فى الزمان الغائب المرتحل أيها الراحل فى الليل وحيدا موغلا منفردا إنتظرنى ..إنتظرنى فأنا أرحل فى الليل وحيدا ضائعا منفردا فى الدهاليز القصيات إنتظرنى فى العتامير وفى البحر .. إنتظزنى .. أنتظرنى فى حفيف الأجنحة والمساءات الطيور النازحة حين تنهد المزارات و تسود سماء البارحة.. إنتظرنى..إنتظرنى
