Post: #1 Title: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-06-2011, 11:19 PM Parent: #0
Post: #2 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-06-2011, 11:32 PM Parent: #1
عذبوني يا معزة قايلني بتهز والله ما بتهز هناي عندي الأعز
ما قالو بلعب بيكا الخربو علاقتي بيكا ديل ما دايرني ليكا مـ...... أنا راجعة ليكا
ـــ غناء هابط
Post: #3 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-06-2011, 11:34 PM Parent: #1
الله لي الليمون سقايتو علي يا حاجه لا
الله لي طياره جات بفوق
الله لي شايله القنابل فوق
جات تضرب الخرطوم ضربت فؤاد مالوم
ـــــ الأغنية مهداء للناس الزيتهم طالع وللسادة مناضلي الكي بورد والمتضامنين معهم من القراء وقراء القراء ومن تبعهم في النضال الي يوم الفرج . ونخص بالشكر تلفزيون السودان العامل (رايح طوالي) وبرشلونة وهم ينتصرون هذه الليلة بخماسية ولا أحلي .
Post: #4 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-06-2011, 11:50 PM Parent: #3
أنا لا أخاف من العواصف وهي تجتاح المدى ولا من (الطيايير) التي ترمي دماراً أسوداً أنا صامد بيتي هنا في خيمتي في المنتدى أنا صاحب الحق اليقين وصانع منه الفدى أنا هنا أنا هنا أنا هنا
ـــ القصيدة أعلاه لشاعر الشعب الليبي الأستاذ معمر القذافي
فأين بدرالدين اسحق بتاع سودانيزأونلاين فرع ليبيا ليكتشف هذه السرقة الأدبية
Post: #5 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-07-2011, 00:10 AM Parent: #4
ــ
واقع يضحك غنم إبليس
Post: #6 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: هواري نمر Date: 04-07-2011, 00:45 AM
أنا غايتو قربت أجيب معاي (البتاع) بتاع الفاجومي لكن لقيت هنا في (بتاع) من بتاعات أخريــــــــــــات.
كيفنك يا خضر...... ياخ
Post: #7 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-07-2011, 10:10 PM Parent: #6
Quote: كيفنك يا خضر...... ياخ
إزيك ياهواري والله أخوك جاري بس وراء البتاعات الكتيرة دي الواحد يخلص من بتاع يدخل في بتاع تاني
الله يعين
Post: #8 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: مرتضى احمد عبد القادر Date: 04-07-2011, 10:24 PM Parent: #7
هاك نغمة المنبة دي بصوت الزعيم القائد ملك ملوك أفريقيا معمر القذافي عشان تصحى بدري تلحق تشتري ليك إسطونة غاز بس أنا مستغرب انت الغاز دا بتنجض بيهو شنو !!!؟
Post: #9 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-07-2011, 10:38 PM Parent: #8
ح ننجض بيهو السمك كان سبتوهو انت وفوجي ومجيد في حالو
Post: #10 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: محمد الشيخ أرباب Date: 04-07-2011, 10:47 PM Parent: #9
حال .. ماها حال وقْعَتْنا تبقى على العدو .. الفيها تبقى على الجبال قَدَرْ الله .. يا بِت الحلال وغلاَّ البضاعة .. الْفِي إيدُو مفتاح البضاعة .. الأرزقي المايِصْ عَرَقْنا ومِتْحشِي .. وما ضرَّ غير أبَّان دقون فيها الضلالة معشْعِشِي وفِقَراً تَغُشْ في الله .. تخُشْ بيتو وتسرْقُوا ورا العِشي كُرْ .. من ضمير ناس .. هان قَدُرْ .. تجْلِب بِلاده وتِتْرَشِي كُرْ .. من عَوَارْضِك يا بلدنا .. الناس تَشُوف ومَدَعْمِشِي تسمع سماع .. ومَطَنِّشِي !! وحاكْمَانا في اشنو .. وشان شِنُو ؟ حاكُومة ما خابْرالنا شِي ؟!؟
Post: #12 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-07-2011, 11:00 PM Parent: #10
Quote: وقْعَتْنا تبقى على العدو .. الفيها تبقى على الجبال قَدَرْ الله .. يا بِت الحلال وغلاَّ البضاعة .. الْفِي إيدُو مفتاح البضاعة .. الأرزقي المايِصْ عَرَقْنا ومِتْحشِي .. وما ضرَّ غير أبَّان دقون فيها الضلالة معشْعِشِي وفِقَراً تَغُشْ في الله .. تخُشْ بيتو وتسرْقُوا ورا العِشي كُرْ .. من ضمير ناس .. هان قَدُرْ .. تجْلِب بِلاده وتِتْرَشِي كُرْ .. من عَوَارْضِك يا بلدنا .. الناس تَشُوف ومَدَعْمِشِي تسمع سماع .. ومَطَنِّشِي !! وحاكْمَانا في اشنو .. وشان شِنُو ؟ حاكُومة ما خابْرالنا شِي ؟!؟
يا ودالشيخ أريتك طيب ياخ غايتو لولا حميد وآخرين الواحد كان حيحس بي روحو مسطول مسطول من هول ما يحدث فكتر خيرهم برضو علي الإشارات الواضحة للأحاويل الفاضحة دي .
ومشتاقين والله
Post: #11 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: حسبو عكاشة Date: 04-07-2011, 10:48 PM Parent: #9
اخوك اكتشف الحل يا معلم, الغريبه بالصدفه من خلال بوست اخونا جمال محمود
والله تضرب البليله تملا الحله كلها غازات
--- بالمناسبة, سعرها عندكم حصل كم ؟
Post: #13 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-07-2011, 11:08 PM Parent: #11
Quote: بالمناسبة, سعرها عندكم حصل كم ؟
كدي خليها تصلنا في (روحا) يا حسبو بعدين نشوف الحساب يا عمك
ــــ غايتو الحاجة المؤكدة إنو القصة دي بتطلع من البتاع داك بي ستة جنيه ونص والعهدة لأختنا (ميادة كمال) التي لا تسأل عن مصدر .
Post: #14 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: حسبو عكاشة Date: 04-07-2011, 11:13 PM Parent: #13
Quote: غايتو الحاجة المؤكدة إنو القصة دي بتطلع من البتاع داك بي ستة جنيه ونص والعهدة لأختنا (ميادة كمال) التي لا تسأل عن مصدر .
و قالت بتصل للمستهلك بي 13 جنيه
بس الحاجه الما لاقي ليها تفسير بي 13 جنيه دا سنة كم؟
Post: #15 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-07-2011, 11:24 PM Parent: #14
Quote: و قالت بتصل للمستهلك بي 13 جنيه
بس الحاجه الما لاقي ليها تفسير بي 13 جنيه دا سنة كم؟
كلام ميادة واضح يا حسبو وإياك ثم إياك تكون قايل روحك مستهلك إنت يا بني آدم لو بالغت ممكن يسموك الهلكان في مفردات جديدة وتقسيم أدوار وبالتالي المستهلك ده هو الوسيط البين وبين البتاع البمرق الأسطوانة بي ستة ونص . وقس علي ذلك يا هالك
Post: #16 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: حسبو عكاشة Date: 04-07-2011, 11:40 PM Parent: #15
Quote: كلام ميادة واضح يا حسبو وإياك ثم إياك تكون قايل روحك مستهلك إنت يا بني آدم لو بالغت ممكن يسموك الهلكان في مفردات جديدة وتقسيم أدوار وبالتالي المستهلك ده هو الوسيط البين وبين البتاع البمرق الأسطوانة بي ستة ونص . وقس علي ذلك يا هالك
لا كان كدي خلاص الواحد يظبط منبه مورتا الفوق دا و من دغشاً بدري نمشي نكابس ابو 35 جنيه بس انشاءالله نجمع
Post: #17 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-08-2011, 00:20 AM Parent: #16
انا قايل البتاع دا من جنس البتاع بتاع العقيد دا اخداااااااااااااار .. هو بجيب البتاع دا من وين؟
-----
انا اقترح - اقتراح حضاري طبعاً - انو الناس تصوم الاثنين و الخميس منها حج و بيع سبح .. و جوز لا يخسر كدي احسبا 40 مليون في وجبتين - تلاتة موضة قديمة مش؟ - و نقسم حاصل الضرب على الهالك ( الميت ) - ودا رأي الدين فيو واااضح انو حرام سخت طبعاً- نقوم نقسما على خاطر ( المستهلك ) و نجبر خاطرو المكسور اقل شئ .. اها يا سيد الامانتي ليك نخت الواحد و نطلع بالتمانية يطلعن لينا كممممم اليون بتاعة بالميت كدا. و الله الموفق
Post: #18 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: معاوية عبيد الصائم Date: 04-08-2011, 04:31 AM Parent: #17
ياخ اشترى اكل جاهز ...من اين ياتى امثالك يا هذا...
طوالى عندك طلبات ...انا لله منك يا طلبنجى
Post: #19 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-08-2011, 01:25 PM Parent: #18
معليش يا خدركا.. رجعت لتصحيح التصحيف و تحرير التحريف
Quote: الامانتي ليك نخت الواحد و نطلع بالتمانية يطلعن لينا كممممم اليون بتاعة بالميت كدا.
بما انو جموع جماهير شعبنا من العوام و الهوام، و لا يفهمون في الرياضات السياسية العليا و الدقيقة. فحا نبسط ليهم العمليات الرياضية كألاتي :
انتو تخليكم من الكلام الفوق دا خالص .. معفين لعدم اللياقة ( اورنيك "ج" ) ؤ كدا يعني انتو بس تصوموا لينا الخميسو اللتنين .. وتختو الخمسة في اللتنين .. و جزاكم الله خيراً كدا كدا انتو هالكين هالكين!! .. و دا حكومتنا الرشيدة ما بتتوصا فيو .. بتقوم بدورا تب. فركزوا على الآخرة .. الدنيا زايلة .. و الآخرة دار بقاء. لا دائم الا الله .. كلنا لها .. انتم السابقون و نحن اللاحقون. بارك الله فيكم .. و رحلة سعيدة .. ح توحشنا يا شعبنا
قيقا حاوي عالم رياضيات سياسية عليا و دقيقة
Post: #20 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-08-2011, 08:01 PM Parent: #19
Quote: واقع يضحك غنم إبليس
فوق عشان البتاعات تبقى كويسة ...
تضامناً مع غنم زهراء التي لم تعد تضحك و حقها في المساوة بغنم ابليس تضامناً مع حمار كلتوم ست اللبن الضربتو الطيارة الجاتنا تحوم و تضامناً مع عشمو في انصاف ما ان شاء الله مساواة بعشم ابليس في الجنة ذاتو ... المافي شنو؟
فوق عشان البتاعات دي كووووووووولها تبقى كويسة
----------
يا خدركا لقيناك مافي حرسنا ليك بوستك .. الناس لبعضيها برضو و نحن قدعااان اوي
انت لقيت بتاع لبدت بيو براك اوباما و لّ شنو؟
Post: #21 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-08-2011, 08:14 PM Parent: #20
Quote: انو الناس تصوم الاثنين و الخميس
قلت أحسن كدة يا معلم نصوم نصوم المافي شنو يا قولك والله الواحد مشتاق يسمعك والأصحاب البهناك ، غايتو اليومين دول بنقزقز بالشفيع رمزي ياقيقا (بايت) ، قبل شوية حصلت حاجة غريبة كدة في حلتنا المهم الحلة كعادتها صانة وشباب الحلة بعد المغرب قاعدين في (مسطبة التنسيق) بتاعت كل يوم ، المهم سمعنا صوت انفجار شديد مبالغ فيهو الناس دي كلها اتضايرت وبعد شوية قلنا نشوف الحاصل ، المهم لقينا إنو في أنبوبة غاز ولعت . واحد من ظرفاء الحلة والناس بتحمدل السلامة للأسرة دي باللاهي ياقيقا وبي صوت عالي قال : أسمعني يا صلاح إنت الأنبوبة الضربت دي مليتوها قبل أزمة الغاز ولا بعد الأزمة وحياتك يا قيقا قربت أموت من شرفنة شعبنا ده . غايتو قصص بس ربو يهون .
Post: #22 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: Fawzi Babiker Date: 04-08-2011, 08:39 PM Parent: #21
الاخ خضر وضيوفه الكرام
لكم التحية والاحترام
والله انا كنت قايلو البتاع ده.
لكن خلاسسسسسس.
Post: #23 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-09-2011, 12:40 PM Parent: #22
Quote: إنت الأنبوبة الضربت دي مليتوها قبل أزمة الغاز ولا بعد الأزمة وحياتك يا قيقا قربت أموت من شرفنة شعبنا ده . غايتو قصص بس ربو يهون .
ما دا المجنن بوبي و حامي النباح زي الناس ذاتو!!
في حديث صيام الاتنين و الخميس و البلد العارف انت عامل كيف كيف دي!؟
واحد اشتغل مع كفيلو راعي مدة طويلة، بقت عشرة عمر. اها الحال ضاق و الشغلة لي وراء و سوت الترترة. بقى كل يوم المرتب ناقص لمن الحال حرن و وقف دُت! قعدوا عملوا خارطة طريق للخروج من الازمة. زولنا بدل ما كان ياخد مخرج الطوارئ دا و يدي ربو العجب لا يلوي على عُشرة ما جايبة همها وصل في " اتفاقية خارطة الطريق " مرحلة شغال ببطنو بس .. العمل مقابل الطعام .. و الله انها لقسمة ضيزي! المهم يا سيد الامانتي ليك، الكفيل اتحسس من الوضع دا .. و زولنا ولا هماو عذابو و لا دموعو و شقاهو الخاص، كأنو ما بهمو اها جاو بمبادرة " السلام العادل " و اقترح انو يرسلو لصديقن ليو يشتغل معاو بظروف اجم لمن ظروف هو. و قد كان .. اها في مفاوضات الاتفاق الاطاري، استقبلو " مشروع الكفيل الجديد " بشكل كويس جداً .. و بعد المقدمة اياها ختمها باللازمة اللازمة كخليجي قح : ما عندي مانع تشتغل معاي بنفس شروط خدمتك مع ابو فرتكان، بس ترى لازم تراعيني؟ فبهت الذي ما فطر، و طوالي بمسكنة شديدة وقع على الاتفاق الاطاري بالاحرف الاولى : ما في عوجة .. ان كنت شغال مع ابو فرتكان ببطني بس .. براعي تب .. سم طال عمرك .. انت بصوم ليك الاتنين و الخميس
-------
اما فيما يخص ما دار محور سؤالكم عنه ...
و الله نحن كما كنا او اقل قليلاً .. نراعي في ابو فرتكان و من لف لفه .. و نراعي في الراعي و عمايلو البعمل فيا دي .. و ننتظر أجل قريب يجيبو بلاء مستعجل .. او فرج بعيد يجينا من برة. هذا ما لزم التنويه اليه سوو فار الا الشوق زيادة شوية سلم لي على النيل و ما تبقى من هلال .. و لا سلام لوردي بتاتاً البتة ( شايفو امس في التلفزيون )
Post: #24 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-10-2011, 10:40 AM Parent: #23
يا خدركا
البوست تبيع؟
-----
طيب أجرو لينا ياخ؟ .. مغرود فيو شديد
Post: #25 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: طارق جبريل Date: 04-10-2011, 10:50 AM Parent: #24
ازيك ياخ
Post: #26 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-10-2011, 11:06 AM Parent: #24
ياقيقا ازيك
اخوك شغال مفاهمات مع الحبشي اعتبر البوست بوستك بوستك انا بجيك بالليل ـ
ــ ياطارق جبريل ازيك ياخ
Post: #27 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-11-2011, 12:06 PM Parent: #26
Quote: ياطارق جبريل ازيك ياخ
يعني السلام دا ليك و لّ لي هو؟
طيب يا طارق جبرين ما ازيك و لا حاجة!
ما ياهو عشان المواقف الزي دي قلنا بيع و شراء عدييييل.
ازيك يا طروق ياخ!
ياخ العنوان مباااااااالغة ياخ! تبيع طيب؟ و لّ لازم شيالا بيلا و الجمل بما حمل و ناء بحمله الجبال و اشفقن منه و تحمله الشعب السوداني الفضل دا!! حيرونا عدييييييل كدا!!
في حتة الشرفة : تواتر خبر نكتة سارت بها الركبان، و المشاة من العربان في ضهارينا ان ( المخلوع ) * نميري جزاه الله بجنس عملو و عمايلو، انه لما راى من استكانة الشعب و اذعانه، و تسابقه على الصفوف ( عيش/بنزين .. اللخ اللخ من معينات حيوية و حتى غير حيوية صفوف ساي بس )..اصدر فرماناً قراقوشياً أمر فيه بتعيين 10 جلدات لكل مواطن ( بطل )**. تصدق بكرة طل من شرفة برجه العالي و قيل العاجي في بعض الروايات - و دي من اب عاج اخوي - و يا للهول .. وجد نفس الصفوف. زال عجبه - و ربما لم! - عندما عرف ان تدافع الابطال ديل كان خوفاً من مكره .. قالوا هويي احسن بدري بدري .. الزول دا ما مضمون امكن بكرة يزيدا!! ادي ربك العجب
------- * سامعني يا عمر!؟ .. القبل منك كان قوي .. كان اعتى جتة و اقوى جبروت .. لو بتدوم كان دامت ليو .. و كان لي يوم الليلة هو الامام و قايدنا و فارسنا.. عرفت المافي شنو يا عمر اخوي!؟ الدوام لله. ** الواضح انو البطولة دي كانت ظاهر لابعاج في قدرة تحملو .. و متأكد انو ح يجي اليوم الينفجر فيهو. و قد كان.
Post: #28 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: Abdlaziz Eisa Date: 04-11-2011, 12:30 PM Parent: #27
Quote: * سامعني يا عمر!؟ .. القبل منك كان قوي .. كان اعتى جتة و اقوى جبروت .. لو بتدوم كان دامت ليو .. و كان لي يوم الليلة هو الامام و قايدنا و فارسنا.. عرفت المافي شنو يا عمر اخوي!؟ الدوام لله. ** الواضح انو البطولة دي كانت ظاهر لابعاج في قدرة تحملو .. و متأكد انو ح يجي اليوم الينفجر فيهو. و قد كان.
احب القيقر...
العزيز/ خضر
بوست لقطة.. تبيع ما تبيع دي الا في السوق الاسود..
ننزل في عطاء احسن..
لك ولي ضيوفك الود
Post: #29 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-12-2011, 00:52 AM Parent: #28
Quote: احب القيقر...
لوووووووووول اعمل حسابك يا عبد العزيز كدا من يوم 9 يوليو ح تكون بتحب ليك اجنبية.
حب سااااااااااي يا زول المافي شنو!؟ حب و غني كمان : بنحب من بلدنا كلكم عيشوا حياة العز .. غنوا و ارقو و استعدوا : دقت ساعة الزحف .. دقت ساعة الانتصار سنزحف عليهم ملايين .. من الصحراء الى الغابة ثورة .. ثورة
و قام كدا خبط ليك الطربيزة .. و لوح بكلتا قبضتيه
الزعيم
Post: #30 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-13-2011, 08:31 AM Parent: #29
Quote: سامعني يا عمر!؟ .. القبل منك كان قوي .. كان اعتى جتة و اقوى جبروت .. لو بتدوم كان دامت ليو .. و كان لي يوم الليلة هو الامام و قايدنا و فارسنا.. عرفت المافي شنو يا عمر اخوي!؟ الدوام لله.
طبعاً ما قلنا ليك : [ نفس الجماعة البايعوهو .. ببايعوك و زي ما ضيعوهو بضيعوك ]
انقر ليه؟
لانو ديل جماعتك ذااااااااااتم ياخ!!؟ و حكمة شعبنا المعلم دا الملخصة في [ حوافظ المفاهيم ]* الموسومة بمقولاته : ضنب ال###### عمرو ما بنعدل!! و البصل ريحتو واااااااحدة
شفت كيف؟
لكن مسألة يضيعوك دي .. اعتبرا وعد مني .. المسالة مسألة زمن .. و الثورة ليها اوان.
و انا ابوك يا وعد
وكتها يا ويلك .. و يا سواد ليلك
-------
يا اخوانا في زول عندو خبر " ناصف بشير " ؟ ربنا يطراه بالخير له التحية و اتمناه بخير اينما كان
* محسن خالد
Post: #31 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-13-2011, 12:37 PM Parent: #30
مبدئياً كدا .. هاك الصورة دي :
وهاك التعليق دا :
Quote: كم هي جميلة تلك الصورة التي أتيت بها
جلست أتأمل تفاصيل الناس فيها
فرحهم وصدقهم
وتماسكهم البديع
ماعندك صور تاني ؟
عمر عشاري
يا شباب :
ماعندكم صور تاني ؟
من له فضل صور فليعد بها على من لا ذاكرة لهو بالله
و انا جاي احكي ليو - المنطط عينو - قصة ثورة
البزدريك يا ويلو .. يا ويلو من غضبك عليهو و من مشيك
Post: #32 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-13-2011, 09:36 PM Parent: #31
--------
مورتا بالله لو في طريقة ياخ وقف لينا " سديق " دا ياخ عنو ما داوم ياخ
يا خدر ياخ شنو تاجر لينا بوستي مسكون ياخ؟
Post: #33 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: خضر حسين خليل Date: 04-13-2011, 09:53 PM Parent: #32
يا قيقراوي كمان جابت ليها ملحمة
ــــ
حليلي الديمة في خاطرك ياخ شكراً يامتقد
Post: #34 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: حبيب نورة Date: 04-13-2011, 10:12 PM Parent: #33
الحمد لله ال مابقت في صورة للبتاع
طلع بوتوجاز ساهي
Post: #35 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: ياسر بيناوي Date: 04-13-2011, 10:44 PM Parent: #34
خدر حسين ياغالي سلامات وحات ربي ياخدر الحاجة قالت لي الغاز كمل أملا لينا الانبوبة وتعال شوف النضال .....! اولن بالتبادي اتسغفت سغافة شديدة خلاس في موضوع الانابيب دا عرفت ليك الوان الانابيب دي ماساي وعرفتك محلات الغاز في مدينتي الدامر وعطبرة المهم بعد اسبوع من المساككة لمت في غاز الجن دا يللا شوف السعر كم .....؟ 35 جنيه ( بالجديد ) عدا نقدا ايه والله 35 جنيه
Post: #36 Title: Re: الطيارات شكيناهم لي الله ...شوفو لينا البتاع ده ياخوانا ...! (توجد صورة للبتاع) Author: قيقراوي Date: 04-14-2011, 10:12 AM Parent: #35
Quote: يا قيقراوي كمان جابت ليها ملحمة
ــــ
حليلي الديمة في خاطرك ياخ شكراً يامتقد
متقد ساي! نار منقد الله عالم و شاهد زي ما قال ليك مورتا الضلالي .. انت عاوز البتاع دا تطبخ بيو شنو!؟
الفحم مفيد للشيشة ياخ
لكن برضو :
حيرتنا يا شعبنا في ثباتك الاصيل اليك هذه الرسالة القصيرة الطويلة : " الشعب يريد اسقاط النظام "
اها رفاقتك العايشين زهو تمتع بالطبخ في البتوجازات، انجزوا لوحات عديل* شعوب ارادت .. فما كان من القدر الا ان استجاب
