يا شاتل العبق في الأرواح سلام وأشواق وامتنان على حضورك الذي يلملم لنا الغيث من الغمام ويسقينا
محبتي واحترامي
لك المحبةََ كامله يا بله .. يا منتبه للحراك السودانى التلقائى الحميم أقرؤك فأطمئن .. ان الدنيا مازالت وستظل بخير لك ما تنتقى من الورد يطوق شيخنا المعطاء . . اسماعيل صاحِب الربابة , , او كما قال شاعرنا محمد عبدالحي . , التصحيح لحرف مجاور لحرف الكاف فمن الواجب الاشاره .
يا بت نعالِك وين !! قُبال تخُشي الصحرى , بنلبسِك نعلين من أجود الرمله
..
على طريقة دينا خالد .. لها الورد الجميل انافى حضرة, تعلم مداركها.. ياود موسى , فلك الشوق من قبل ومن بعد الغياب وما تختار من الورد المُتفتق , للتو .. والحين فى كل المزارع فى كل ِ ولايات السودان ولكن بعد حين .. والذيداب والجزيرة طويلات التيلةِ أولى . .
سلاماً. . . من القلب ، لك و للبنت الحديقة وهي تستأنف السير. . . .
ومن القلب ايضاً رد السلام .. بأينع منه ياخى كيف حالك .. البنات نوامات مرات عشان كده .. عمك الخليل اشيل ويصخى يابت ماتقومى البنات فاتوك لاكين بتك نجيضه حتى اكان دقست فوق راي واللا شنو !! تحايا وود مقيم .. مابال القضاء ياسورج ياخ !! !
بين زقاقات الحنين كانت الطلة زي قمر اربعتاشر والدائرة في ساحة الفريق شفع وحجوات ولولاي هولبلب وفاطمة السمحة وهجعة في نص الحلة وريدة مكنونة بين عاشقين ريدهم مطرتين وغيمة والشوق يباري القيف
خطاب حبابك يابا طلتك سمحة بالحيل زي مطيرة جاتنا باكرية عبتنا حنين ورجعتنا لي زمننا اخدر ولين زي طين البحر حبابك يا حنين
: مرسَل ومبثوث مع هبات النسايم كافه .. كما نسيم الروض الذى لا يزور الا .. فى الماسيه .. فينعش الروح .. استجابةً لرغبة وايضاً مسئولية طالبِه , او مغنيه feel free to talk your mind
Quote: يا مراحِب طبعاً يااسماء اولاً وقبل الكلام الفوق .. الف حمداً على السلامه وتانى ما تعيي بالله عليك .. بقدر الامكان واكتبى لينا حاجات جميله
وثانياً اعتبريهو رشوه ومحسوبيه حتى ترضى عنا لك باقات ما تنتقين من الورد يليق بهذه اللوحة التى شكلتيها فى قلب الفريق .
حبابك يابا يا ضل السحابا تسلم من كل بلا إن شاء الله اعتبرها رشوة ؟؟ انت كريتني وواجبتني بي موجب غمتو لي اول ما جيت داخلة دارك دي لقيت شديرات الحنة وعصافير الجنة وبنوت الحلة يغزلن في الحريرة ويعجنن في الضريرة ويزغرتن لي السيرة وقيدومة الوليد البكر الساير للفنجرية الفي الخدر محروسة بي عسكر عسكرها رفيقاتها الشبالهن مكندك بالفرير والمحلب وغناهن يا عديلة يا بيضاء ويا ملايكة سيري معاه خطاب شكرا ليك مجرتقة وانت الما تغيب عليك الله يا الحبيب وتعال املانا غنا من سماحة نضميك ده البرد الروح ودعتك الله
Quote: حبابك يابا يا ضل السحابا تسلم من كل بلا إن شاء الله اعتبرها رشوة ؟؟ انت كريتني وواجبتني بي موجب غمتو لي اول ما جيت داخلة دارك دي لقيت شديرات الحنة وعصافير الجنة وبنوت الحلة يغزلن في الحريرة ويعجنن في الضريرة ويزغرتن لي السيرة وقيدومة الوليد البكر الساير للفنجرية الفي الخدر محروسة بي عسكر عسكرها رفيقاتها الشبالهن مكندك بالفرير والمحلب وغناهن يا عديلة يا بيضاء ويا ملايكة سيري معاه خطاب شكرا ليك مجرتقة وانت الما تغيب عليك الله يا الحبيب وتعال املانا غنا من سماحة نضميك ده البرد الروح ودعتك الله [/Q المطره وعلي الخلوق مقسومه UOTE]
.............
ما اوسمك يابت مضروبه فى المطره على البلود مقسومه رويانه بيك كم حله صادحه بيك كم دار لي خضرتك انغام من الشتَم للطار والنمه فى خصالِك تودى زول وتجيبو تلون المشوار . .
نعود الى بنتكم .. فلقد تقسم اريجها عليكم بالتساوى لذا صار عودى فيها مجروح . . والمخاطب هنا نحن جميعاً بالذات كلنا .. واخُص بالتعيين الذين يحملون عبء الاسئلة او مُكابدة الاجابات عليها من طينة الشُعراء . .
( عود مُعاد تركيبه بعنايةٍ , ( أقرب لتحضير عمليه جراحية .. من حيث الجاهزيه .. ( الانتباه .. ودقة التعقيم , ( تأخذالترانيم الموسيقيه فى التناغم واسماعنا ( المشدودة .. ( شد ( و ( ظبط ( اوتار العود ( لندلُفَ سوياً.. ناحية
...
ياواقفه بين جُرح السحاب وبين شهقة الارض الِبِكِر ما كان ده رِيد . .
Post: #19 Title: Re: البت الحديقه .. إتنين Author: معاوية عبيد الصائم Date: 04-09-2011, 07:02 AM Parent: #18
سلامات وسلامات لعلك طيب يا صديق مشتاقين وسكة حديد بحرى...والاصدقاء
سلامات وسلامات لعلك طيب يا صديق مشتاقين وسكة حديد بحرى...والاصدقاء
تمام التمام او هكذا تحيي مسافريهاالاوفياء سكك حديد السودان المُفترى عليها, حين ان كُل العالم يعول عليها فى الحِل والترحال , كثير تعويل * والتعبير يشتغل على مفوهنا الاديب * على المَك . . فبعُدت المسافات .. بعد ان قرُبت كثيراً كما اشار فى زمانٍ سابق صديقنا المثير للجدل عبدالله على ابراهيم . .
Post: #21 Title: Re: البت الحديقه .. إتنين Author: خضر حسين خليل Date: 04-09-2011, 08:51 AM Parent: #20
إزيك يا كـ(تاب) كالعادة لامي الحاصل في صفحة وبتعاين في الضفة الأخري مهموم بالسكة البتوصل
كلما قرأت كتابك يا خطاب شالتني الهاشمية تجاه القضايا التي تناقشها بفلسفتك البسيطة الضوء سيخرج وكلي يقين يا خطاب ،
Post: #32 Title: Re: البت الحديقه .. إتنين Author: دينا خالد Date: 04-10-2011, 07:42 AM Parent: #28
البت الحديقة واحد خطاب حسن احمد او خلاب حسن احمد .. ما فرقت .. حتجي البت الحديقة فارده انسام في طريقها وشايلة ألوان حتجي البحدث بريقها ضجه الضوء في المكان حتجى المن بدري جات من ضلامات السكات شايله قمرين في عيونا وفاتحه ليلين بي جنونا وضاوية ساحات انتمت لي فجر فات وتنتمي لعصور جديده حتجى البت البريده ضاحكه منتصره وعنيده آمله مزدهرة وجديده وناقشه في الزول أغنيات حتجى المن بدري جات ناسفة أزمان السبات واصفه للناس الطريقه وللعصفاير الجهات
Quote: على طريقة دينا خالد .. لها الورد الجميل
يا سلام يا سلام يا خطاب ياخ لما شميتو .. وانعش صباحى يا بهى .. غايتو البت (اتنين) دى لو هديتا لى .. سيغازلنى الناس فى الشوارع ..
ــــــــــــــ الود البستان .. صورة البروفايل خطيييرة ! كل البنات (مصنقعه) تطالع لما تطا ورد الحديقه .. وصوت مصطفى رهاب رهاب يناشد ولا تطا الورده الصبيه لاتطا ....
Post: #33 Title: Re: البت الحديقه .. إتنين Author: محمد عبداللطيف إدريس Date: 04-10-2011, 08:35 AM Parent: #32
مرور لقطف وردة
Post: #34 Title: Re: البت الحديقه .. إتنين Author: وليد الطيب قسم السيد Date: 04-10-2011, 08:58 AM Parent: #33
Post: #35 Title: Re: البت الحديقه .. إتنين Author: Abuelgassim Gor Date: 04-10-2011, 09:29 AM Parent: #34
Quote: يا سلام يا سلام يا خطاب ياخ لما شميتو .. وانعش صباحى يا بهى .. غايتو البت (اتنين) دى لو هديتا لى .. سيغازلنى الناس فى الشوارع ..
ــــــــــــــ الود البستان .. صورة البروفايل خطيييرة ! كل البنات (مصنقعه) تطالع لما تطا ورد الحديقه .. وصوت مصطفى رهاب رهاب يناشد ولا تطا الورده الصبيه لاتطا ....
هسى يادينا الواحد يرد على شنو واخلى شنو !! كويس جداً انك لقيتى الاشاره وانها فعلت كل هذا الانعاش لتنفحينا بكل هذا الاريج
اما بالنسبه للاهداء فالى دينا خالد و... ( الواو طبعاً .. ) تحسباً لأي طارئ وكما يُقال هُنا وجه ضاحك ... نحن الذين نتجمل بك ياسيدتى
الصوره بالمناسبه تصوير الفنان تاج السر الملك وانا لم افعل اكثر من فعل الصنقعه .. ولو فى زول او زوله صنقعت معانا فنحن من يقع فى الشوك
تسلمى دينا لك خالص الود والتقدير على كل ما اتحففتنا من بديع العبارة والمشاعر . .
تظهر كده .. و تغيب تشغلنا بيك يا حبيب اظهر معاك النور و اضحك العصفور .. ضحكا عجيب و طروب ضحكا عجيب يا زول .. الفقرا تمللى جيوب قش العشش صار طوب وحزنا اتقشى .. كلو نام شبعان مافى زول جيعان مافى زول نازح من بلدو قام طش .. يمه يا شغبه و خاله يا عشه طياره جاتنا تحوم ما جايه من غادى .. جايه من خرطوم .. شايله الفرح مردوم .. كل القرى كم كوم .. مطر الحليب هاطل و بتوزع الحلوى .. تظهر كده و تغيب تشغلنا بيك يا حبيب اظهر معاك النور .. واضحك العصفور ضحكا عجيب وطروب ضحكا عجيب يا زول ..الفقرا تملى جيوب .. قش العشش صار طوب يا شيخنا يا المجذوب السيره مرقت ضو .. كل باب كو.. كو كل البنات يا شيخ كل البيوت بره .. حردلو يايابا .. شوف ام خدود كيفن كسرت قيود وقيود .. وعاين الفره .. بجناحه كافته صقر ! وقع الصقر هلكان .. لا قوه لا حوله ...تظهر كده وتغيب تشغلنا بيك يا حبييب .. .
: يا بت قايمه من النوم ضابطة ساعة اليوم القالو فارقه .. بس ابقى مارقه
أبقي مارقه التحية لك شاعرنا الكبير
العزيز جعفر
.. ابقى مارقه
هى الجُمله السحريه
المروق هو فعل الجسارة .. وحالة كونك تمارس الفعل فى مضارعته او أوان حدوثه .. ليس قبل او بعد,, أقوى اثراً وأمضى .. من حالة كونه حدث او سيحدُث فى مستقبل الوقت ,, هو يعنى بالتحديد ذاته .. اي هذا الحراك اللا مرئى للفعل المائر او الذى يعتمل ,, تحت السطح .. .
يا بت نعالِك وين !! قُبال تخُشي الصحرى , بنلبسِك نعلين من أجود الرمله
لك يا نجلاء قرافى ولكل اخواتك النجيبات كل المعزة والحب لا تضعى الخليل فى خانتى بالله عليك أعنى خانة الجد .. نعم انه اورثنا كل هذا الغناء المُشِع لكنه لم ( يهرم بعد) ,, لو انه انتظر ليهرم , كما نفعل عادةً لما اورقت سيرته وترتفع سارية اغانيه كلما ادلهمت علينا التحديات , وطالبتنا ببذل المزيد .. لو لم نحس ان الخليل يسعى بيننا وانه من رئاتنا يتنفس !! اضحى بعض ذكرى ومن ثمَ خمد .. شوفتى كيف .. يانجلاء !! خليهو اصحيك كل يوم من ألذَ نومه تصحى وتتمطى وتقومى من بدرى تشوفى شُغلِك عشان الحاجات والحُجاج برضو
وعشانك يابلدى ياحبوب لا يهم ماذا ترتدى جلابيه وتوب ام لاوو صديرى
. . شكراً يابت قُرافى يانجلاء . .
يقول صديقنا الشاعر محمد طه القدال على انغام .. عقد الجلاد : نحنَ أهل الفرحه جينا . .
خطاب حسن احمد يا انسان لن انساه العام سنه 1996 المكان .....الكلاكله...... صالون كبير..... معروف فيه جلسات اهل الفن
المضيف عبدالوهاب محمد عثمان وحرمه ام التؤام الساورابيه ناهد (فيروز) من الحضور كان ابراهيم الماحى واخرون........ماى بى توم كروز كانت التداعيات فردوس باللون الخمرى يطوف ويحلق فيه الشجن المفعم بكل شىء جميل هناك كان التحلق والتصلب والارتياح والاندياح والتشنج بالشجن واجتياح كل المستحيل
ابعثك تحاياى من القلب لتجدك كما يحب محبيك بكل خير.......وابداع
العزيز محمد زكريا تحياتى لك اينما كنت العام 96 كان عاماً حافلاً جداً ومن كوارثه رحيل مصطفى وكان احفل بل اصخب بالنسبة لى , فبعد رحيله بمائة يوم بالتحديد كنت انظر او ابحلق من القاهره عسانى ارى سما الخرطوم لتتعدد بعد ذلك الفضاءات .. وتستمر البحلقه .. فطبيعى وصحبة الكرام ان تتغاذفنا كل تلك التداعيات الفردوسيةَ التى وصفت فحذقت ..
هذه انما دعوة جميلة وأخاذه لضبط إيقاع منتظر لتلك الروح القادرة على العزف العصي المبهر كم الآن لهذا المروق معنى حين كل شيء مستشرف وآذن بالهطول فوقت اللقا قد حان .. وكل شيء في كون الانتظار قد تهيأ اتحدت حزم الضوء في تفاؤل غريب ألاَ تغدو ساعات العمر الممنوح ما فارقة يضيء الكون في صبح نادر حين تضبط بنت كالحديقة ساعة يوم يصبح اكثر دفئا من أي يوم ....... اكثر تحنانا واكثر دقة يوم محتشد و... ألحانو مبذولة ..
Post: #56 Title: Re: البت الحديقه .. إتنين Author: عروة علي موسى Date: 04-12-2011, 07:18 PM Parent: #49
الخطّاب الأحمد حقاً ( فارقة ) تلك الساعة التي عشناها (عشرين ونيف ) من الزمن الأغبر .. ورغم أن النومَ قد طال ( وعزة قومي كفاك نوم ) لكنها هي بشارة أن يكون هذا الحراك الرافض للحكم الشمولي موجوداً .. من الفولة ومدني .. الغيم الذي قال لا في وجه من قالوا نعم .. بشارة وأمل وضاء .. هل يجوز أن نردد ( من رهيد البردي لمحة ) وننسى (مريدي) السمحة ؟؟!! خطّاب ... حتجي البت الغمام وتحجب الشمس البتحرق كل تفاصيل الكلام وترش عبيرها فوق مدن صابا الظلام وحتجي البت الحديقة مُنعْلة بالخلاص والإمة منتظرة في كل عموم سودان خطّاب ( البت الحديقة اتنين ) جات لتؤكد أن الحديقة الأولى ليست حديقة للنزهة فقط !! ولكن أكثر الناس لا يعلمون ولا زالوا يغنون : ( حتجي البت الحديقة ) : : بالمناسبة الشوق مطر ... زي شوق الإمة متلمة للبت الحديقة ( اتنين )
Post: #57 Title: Re: البت الحديقه .. إتنين Author: عروة علي موسى Date: 04-12-2011, 07:18 PM Parent: #49
الخطّاب الأحمد حقاً ( فارقة ) تلك الساعة التي عشناها (عشرين ونيف ) من الزمن الأغبر .. ورغم أن النومَ قد طال ( وعزة قومي كفاك نوم ) لكنها هي بشارة أن يكون هذا الحراك الرافض للحكم الشمولي موجوداً .. من الفولة ومدني .. الغيم الذي قال لا في وجه من قالوا نعم .. بشارة وأمل وضاء .. هل يجوز أن نردد ( من رهيد البردي لمحة ) وننسى (مريدي) السمحة ؟؟!! خطّاب ... حتجي البت الغمام وتحجب الشمس البتحرق كل تفاصيل الكلام وترش عبيرها فوق مدن صابا الظلام وحتجي البت الحديقة مُنعْلة بالخلاص والإمة منتظرة في كل عموم سودان خطّاب ( البت الحديقة اتنين ) جات لتؤكد أن الحديقة الأولى ليست حديقة للنزهة فقط !! ولكن أكثر الناس لا يعلمون ولا زالوا يغنون : ( حتجي البت الحديقة ) : : بالمناسبة الشوق مطر ... زي شوق الإمة متلمة للبت الحديقة ( اتنين )
هذه انما دعوة جميلة وأخاذه لضبط إيقاع منتظر لتلك الروح القادرة على العزف العصي المبهر كم الآن لهذا المروق معنى حين كل شيء مستشرف وآذن بالهطول فوقت اللقا قد حان .. وكل شيء في كون الانتظار قد تهيأ اتحدت حزم الضوء في تفاؤل غريب ألاَ تغدو ساعات العمر الممنوح ما فارقة يضيء الكون في صبح نادر حين تضبط بنت كالحديقة ساعة يوم يصبح اكثر دفئا من أي يوم ....... اكثر تحنانا واكثر دقة يوم محتشد و... ألحانو مبذولة ..
شكرا لهذا النص .. نافذة مشرعة...
يا للجمال
شكراً انك هُنا يابت يانيل او كما غنانا مُصطفى .. ذات وهج , صبر ومكابده . . حتماً اعود للوقوف على هذه الكتابه . .
Quote: الخطّاب الأحمد حقاً ( فارقة ) تلك الساعة التي عشناها (عشرين ونيف ) من الزمن الأغبر .. ورغم أن النومَ قد طال ( وعزة قومي كفاك نوم ) لكنها هي بشارة أن يكون هذا الحراك الرافض للحكم الشمولي موجوداً .. من الفولة ومدني .. الغيم الذي قال لا في وجه من قالوا نعم .. بشارة وأمل وضاء .. هل يجوز أن نردد ( من رهيد البردي لمحة ) وننسى (مريدي) السمحة ؟؟!! خطّاب ... حتجي البت الغمام وتحجب الشمس البتحرق كل تفاصيل الكلام وترش عبيرها فوق مدن صابا الظلام وحتجي البت الحديقة مُنعْلة بالخلاص والإمة منتظرة في كل عموم سودان خطّاب ( البت الحديقة اتنين ) جات لتؤكد أن الحديقة الأولى ليست حديقة للنزهة فقط !! ولكن أكثر الناس لا يعلمون ولا زالوا يغنون : ( حتجي البت الحديقة ) : : بالمناسبة الشوق مطر ... زي شوق الإمة متلمة للبت الحديقة ( اتنين )
الصديق عروه .. مريدى ويرول وكل البقاع السودانيه مكانها القلب .. وسيظل القطر الذى حملتاه منذ وعينا الكون هو هو مليون نبضه لا تنقص نبضةً واحده مهما كانت القرارت السياسيه والتراكمات السلبيه التى اوصلت الوطن للتناحر والتشظى حب الارض هو الاقوى فنحن من طينته كنا والى تربته نعود سيظل هذا المزيج الذى تضج به دماءنا عصيراً صافياً للمحبه . . وشوقنا دائما أمطر اغرقك شبرو.. ياصحابى لو تدرو نوع السحاب الشال ومن يات بوادى نقع ادركتو ليه الزول من شوق بقوم ويقع
. . ( همسه .. عشان تانى )
Post: #60 Title: Re: البت الحديقه .. إتنين Author: عروة علي موسى Date: 04-13-2011, 06:24 PM Parent: #59
الشوق دليل حِبان وقايد مشاعري إليك جمعوه في الاتنين أصحابنا يا حلوين إن كان قعد أو قام دمعو الشفيف عنوان
طَبطِب علي شوقي خليتو في دار زول اشْعِل صنادل الليل ضو القمر وسنان سح الحنين أطياف وشوقاً في نص الليل لمريدي و الرجَّاف
يا حليل دليلنا الحار نبض القلب نقصوه نبضات شليلن راح ونبضات نِجيمن ساح ونبضات مولعة نار
ستكون جولتنا طويلة ابتداءا , بقامة الكائن الذى ابدعه الخالق جلَ وتسامت قُدرته البارعُ فاطر الكون وخالق الانسان من ماءٍ وطين وايراثه الارض بمعنى تخليفه عليها من دون المخلوقات التى صور فأبدع ..
على جلب القصيده وكل هذه الخضره الى هنا.. اول ماخامرنى هو الدخول مركزها والجلوس فى هدوء اليها..الحديقه..الى ما لا نهايه مكان كهذا كفيل بنفض كل العالق وربماماسيعلق
لك عظيم الموده ياصديق . .
Post: #66 Title: Re: البت الحديقه .. إتنين Author: الامين عباس احمد Date: 04-14-2011, 08:07 AM Parent: #64
حب الناس مذاهب
من 1984 ولغاية تاريخه نحن ماشين وبنسمع الراحل الخالد مصطفي سيد احمد ... حفلات مباشرة وجلسات استماع ... وقعدات ... وكاسيتات .. وفيديو ما حصل في قعدة رددنا البت الحديقة ولا مرة ...
مشرع الحلم الفسيح ابداك من وين شهيق المزار المسافة عينيك مدن زهرة الصبار استلاب حليوة ليلة المولد شيخ تُلب بت العرب النوبية نورة كتبت ليك الممشي العريض واقف براك حاجة فيك . . . .
Post: #67 Title: Re: البت الحديقه .. إتنين Author: الامين عباس احمد Date: 04-14-2011, 08:07 AM Parent: #64
حب الناس مذاهب
من 1984 ولغاية تاريخه نحن ماشين وبنسمع الراحل الخالد مصطفي سيد احمد ... حفلات مباشرة وجلسات استماع ... وقعدات ... وكاسيتات .. وفيديو ما حصل في قعدة رددنا البت الحديقة ولا مرة ...
مشرع الحلم الفسيح ابداك من وين شهيق المزار المسافة عينيك مدن زهرة الصبار استلاب حليوة ليلة المولد شيخ تُلب بت العرب النوبية نورة كتبت ليك الممشي العريض واقف براك حاجة فيك . . . .
من 1984 ولغاية تاريخه نحن ماشين وبنسمع الراحل الخالد مصطفي سيد احمد ... حفلات مباشرة وجلسات استماع ... وقعدات ... وكاسيتات .. وفيديو ما حصل في قعدة رددنا البت الحديقة ولا مرة ...
العزيز الامين عباس احمد
لا اظن ان الاغنيه وطريقة اداءها من قبل الفنان مصطفى سيداحمد تجعلها ضمن تلك الاغنيات الى تؤدى فى الجلسات من قبل الصحاب وفى اعتقادى انها اقرب الى للترديد مع الفنان ذاته اي انه يعيد تشغيلها على جهاز ذاكرتك .. وهذا يجعل هذا الضرب من التغنى اكثر خصوصيه .. والله اعلم .. عموماً شكراً على اشراكنا فى هذه الخاطره .
بالأمس حسبت أن تكنولوجيا الإتصالات فطنت لكون شعرك (مثيرآ) فحبسته عنا و حبستنا عنه
ما كنت أظن أن الهاكر يمكن أن (يخرب) علينا مساءاتنا لهذا الحد
و استمتعت اليوم لكلامك فوق البنفسج و دارجية أسماء الجنيد الممعنة في الطابتية
أحبكم جهرآ
العزيز الطيب بشير يا مراحب ياصاحب لقد احارنى امر امر ذاك ( الهاكر العجيب ) وما يحيرنى الاّن كيفية الرد .. على .. فوق البنفسج هذه !! ويخيل لي انه ليس بالامكان الا بلغه , فوق سينيه والله اعلم اشكرك عزيزى انابة عن شاعرتنا التى تتدفق خضره بت الجنيد
يالها من حديقه.. او كما تشاء... خطاب... احكي عن الوطن... فنحن مازلنا علي عهد الطين... وصلصال الخلق...
العزيز عليش يادوب تقدر تقول العدسات ( ظبطت ) بعد عام ونيف .. الواقع ( أجفل ) من يُحكى .. يحتاج دوذنةً وتراً جديد كما قال صديقى محمد مدنى .. ويحتاج كامرةًً.. بره.. كماقال الصديق القدال كاميرا تُنصَب فى كل الشوارع وداخل غرف العقل السودانى و(مونترات) فوق حيَط كل المبانى واللا مبانى فبعض ناس ليست لهم بيوت وانما مجرد اشاره لوجودهم هنا.. حيث يعافرون الحياة
كُن دائما بالف خير تحياتى للشباب بطرفكم زكثير اشواق . .
على جلب القصيده وكل هذه الخضره الى هنا.. اول ماخامرنى هو الدخول مركزها والجلوس فى هدوء اليها..الحديقه..الى ما لا نهايه مكان كهذا كفيل بنفض كل العالق وربماماسيعلق
لك عظيم الموده ياصديق . .
العزيز الوريب: خطاب سلام هذا التل خلف مسكني.. وما يبدو في الصورة هذه القمة وخلفها يظهر الطابق الثامن الي العاشر.. حديقة أركن اليها مع الاسكتش بووك في بعض الامسيات.. وبعيدا عن التلج... فقد استمعت للأغنية مرات في هذا المكان..
وأواخر الاسبوع كالعادة تزخر الحديقة العالية هذه بالسمار من مختلف الاعمار.. فأظنك كنت هنا تحمل ذات الرموز وبمفرداتك كان ميلادها.. وكل اسبوع لها ميلاد جديد.. وبعد قليل سأصعد لهذا المكان وربما اسمعها بشكل وقالب جديدين.. وجميل أن ترافقني فيها وصوت الراحل المقيم/ مصطفي سيداحمد..
سلام هذا التل خلف مسكني.. وما يبدو في الصورة هذه القمة وخلفها يظهر الطابق الثامن الي العاشر.. حديقة أركن اليها مع الاسكتش بووك في بعض الامسيات.. وبعيدا عن التلج... فقد استمعت للأغنية مرات في هذا المكان..
وأواخر الاسبوع كالعادة تزخر الحديقة العالية هذه بالسمار من مختلف الاعمار.. فأظنك كنت هنا تحمل ذات الرموز وبمفرداتك كان ميلادها.. وكل اسبوع لها ميلاد جديد.. وبعد قليل سأصعد لهذا المكان وربما اسمعها بشكل وقالب جديدين.. وجميل أن ترافقني فيها وصوت الراحل المقيم/ مصطفي سيداحمد..
عفواً عزيز
لقد رأيت او بمعنى اكثر صراحةً تلصصت عليك .. من خلال البروفايل , رغم معرفتى بك مذ انتمائى واياك لهذا ..الحوش .. الاسفيري اّخر ( بالعربى ) صديق حميم.. العجيب فى الامر كما يروى الاّباْء انكم لا تلتقونفى الاسم فقط وانما وشائج أُخريات , غير الحساب البريدى تفعل ذلك هنالك جسر بين سنغافوره التى اكانت اول من تستغنى عن الُكاتِب والكراريس ويللا ياولا د المدارس
: من الليله ..
ولليي غادى , كمبيوتر بس لم تمذق .. سنغافورة.. فقط فاتورة التعليم ..الورقى , بل امتد خيالها ان لا تكتب هذه الانامل المتعلمه سوى عزف اوتارهم على الكيبورد . .
لقد رأيت او بمعنى اكثر صراحةً تلصصت عليك .. من خلال البروفايل , رغم معرفتى بك مذ انتمائى واياك لهذا ..الحوش .. الاسفيري اّخر ( بالعربى ) صديق حميم.. العجيب فى الامر كما يروى الاّباْء انكم لا تلتقونفى الاسم فقط وانما وشائج أُخريات , غير الحساب البريدى تفعل ذلك هنالك جسر بين سنغافوره التى اكانت اول من تستغنى عن الُكاتِب والكراريس ويللا ياولا د المدارس
: من الليله ..
ولليي غادى , كمبيوتر بس لم تمذق .. سنغافورة.. فقط فاتورة التعليم ..الورقى , بل امتد خيالها ان لا تكتب هذه الانامل المتعلمه سوى عزف اوتارهم على الكيبورد .
عزيزي خطاب
علاقتي بالبحر ميلاد ونشأة بحر أبيض شريان الوطن الذي لا يعرف انتماء سوى السودان أمواجه الهادرة كانت اول موسيقى تداعب أذني فيه ومنه كانت العلاقات الجمالية رمال خضرة وماء وطين الجروف زاد الجمال تخلد في اللاوعي وامتد بي العمر
نزلت سنغافورة في يناير 1994م وكان تلاقيا جميلا مفردات الصبا كانت حاضرة فتتواصل رحلتها فيّ الى مرفأ بلا سكون ..... أكتب وفي مخيلتي دار اتحاد الكتاب وربيع التمانينات تلك وهناك كانت آخر لقيا بك ولو للعمر بقية سنحتفي في تلك الحتة الجميلة ثانيا
علاقتي بالبحر ميلاد ونشأة بحر أبيض شريان الوطن الذي لا يعرف انتماء سوى السودان أمواجه الهادرة كانت اول موسيقى تداعب أذني فيه ومنه كانت العلاقات الجمالية رمال خضرة وماء وطين الجروف زاد الجمال تخلد في اللاوعي وامتد بي العمر
نزلت سنغافورة في يناير 1994م وكان تلاقيا جميلا مفردات الصبا كانت حاضرة فتتواصل رحلتها فيّ الى مرفأ بلا سكون ..... أكتب وفي مخيلتي دار اتحاد الكتاب وربيع التمانينات تلك وهناك كانت آخر لقيا بك ولو للعمر بقية سنحتفي في تلك الحتة الجميلة ثانيا
مودتي..
نحن نعرفنا اذاً !!
معليش ياعزيز .. امسحا لي فى ذاكرتى ياسلا م كان للكتاب دار ووين فى المقرن !! حيث يلتقى النهر ابيضك والازرق تعرف ياعزيز اننى تهجأت قراءة النيل هناك بتوتى والمُقرن ومن المورده وبحرى تعلمت فك الخط .. مااروع ان تعثر على مفرداتك هناك .. انه البحر .. الخضره وهذا الحُب المُقيم .. عبد العزيز عيسى الاّخر بالمناسبه من ابناء مدنى .. ويقيم حالياً بمدينة هيوستن .. تكساس ( خليج المكسيك ) ( يعنى بحر.. برضو)
معليش ياعزيز .. امسحا لي فى ذاكرتى ياسلا م كان للكتاب دار ووين فى المقرن !! حيث يلتقى النهر ابيضك والازرق تعرف ياعزيز اننى تهجأت قراءة النيل هناك بتوتى والمُقرن ومن المورده وبحرى تعلمت فك الخط .. مااروع ان تعثر على مفرداتك هناك .. انه البحر .. الخضره وهذا الحُب المُقيم .. عبد العزيز عيسى الاّخر بالمناسبه من ابناء مدنى .. ويقيم حالياً بمدينة هيوستن .. تكساس ( خليج المكسيك ) ( يعنى بحر.. برضو)
سلملى علي ربوتك الانيقه
عزيزي/ خطاب
كانت تلك ملامح الزمن الجميل كانت سفر الصبا والعهد الزاخر جمالا كانت الدار القريب لكلية الفنون كانت منارة ومرفأ جميل حلقت فيه النوارس طليقة تعانق شمسا غابت سنينا كان علي المك كان شريف وكان الكابلي وليس في الامر عجب.. كان درويش وفضيلي وخطاب كنا نرتادها دارا عامرة بتلك النجوم ونجوم.. كانت فينا حضورا طلابا جلوسا وتربيعا ومفردات مدرسة اساتذتها نجوم شوامخ تضوي المقرن نهر ثالث من كبد الشعب كانت وكانت دارا وستظل رمزا في الدواخل مهما بعدت الظلمة فالوعد هنالك قادم وسنسرجها فوارس ترفض الظلم..
كانت تلك ملامح الزمن الجميل كانت سفر الصبا والعهد الزاخر جمالا كانت الدار القريب لكلية الفنون كانت منارة ومرفأ جميل حلقت فيه النوارس طليقة تعانق شمسا غابت سنينا كان علي المك كان شريف وكان الكابلي وليس في الامر عجب.. كان درويش وفضيلي وخطاب كنا نرتادها دارا عامرة بتلك النجوم ونجوم.. كانت فينا حضورا طلابا جلوسا وتربيعا ومفردات مدرسة اساتذتها نجوم شوامخ تضوي المقرن نهر ثالث من كبد الشعب كانت وكانت دارا وستظل رمزا في الدواخل مهما بعدت الظلمة فالوعد هنالك قادم وسنسرجها فوارس ترفض الظلم..
العزيز عبدالعزيز
ليس اصدق مماذكرت اعلاه لقد كان دار الاتحاد .. مناره تتوالد طاقتها الكهربيه من افئدة مؤميها من كل انواع الابداع
بحثت عن خواطر سطرها الصديق يحيى فضل الله فى حق اتحاد الكتاب الذى حُجر نشاطه زنُزِعت ارضه مباشرة بعد 30 يونيو
بحثت عن تلك الكتابه ليحيى ان اتمنى حال العثور عليها اعادة نشرها هُنا . .
ستكون جولتنا طويلة ابتداءا , بقامة الكائن الذى ابدعه الخالق جلَ وتسامت قُدرته البارعُ فاطر الكون وخالق الانسان من ماءٍ وطين وايراثه الارض بمعنى تخليفه عليها من دون المخلوقات التى صور فأبدع ..
الدار التي كانت تشع نورا وفضيلة صار ت تنعق فيها الغربان وأكيد ود فضل الله الاديب الوريب قد أجمل فيها الوصف أتمنى أن نقرأه هنا..
تحياتي
العزيز.. عبدالعزيز عيسى .. الدار .. نعم الدار وهى الاقدر على اعادة سيرتها الاولى اعادة انتاج حيواتها, التى حذقت فأمها من ضمها على الصدر تميمةً شارة وشعار فانعم بها من دار .. .
عزيزي خطاب جميل هذا النص .. البت الحديقه (اثنين) .. بعيد عن الشعر .. ما اعجبني اكثر .. هو هذا التناسق بين الاول والثاني التناسق على جبهة اعلان البدايات المختلفه من قيمة الثابت .. رغبة التجديد والمحادثه .. القادم في ابعاد شكل يخلق تناسقه من فكره .. ممكن تعيد انتاجه .. حسب المزاج .. ــ الايام القليله الماضيه .. كنت اسبح (درويشا) في عوالم درويش اعدت قراءة الجداريه مرات ومرات واحن الى خبز امي بقراءات مختلفه .. اعجبتني .. وحازت رضا عزه .. سهرنا مع درويش في ليالي حيفا وسمعناه بنغمات ومقامات مختلفه .. ما اردت قوله : ان على هذه الأرض ما يستحق الحياه .. لك محبتي وشوقي "ابومايا"
الايام القليله الماضيه .. كنت اسبح (درويشا) في عوالم درويش اعدت قراءة الجداريه مرات ومرات واحن الى خبز امي بقراءات مختلفه .. اعجبتني .. وحازت رضا عزه .. سهرنا مع درويش في ليالي حيفا وسمعناه بنغمات ومقامات مختلفه .. ما اردت قوله : ان على هذه الأرض ما يستحق الحياه .. لك محبتي وشوقي "ابومايا"
هلا بي ابو مايا.. درويش سيظل يحوم فى فضاءاتنا حوامة السحاب يمضى من هنا او يهطل هناك ليعتلى درج الفضاء فى هدوءٍ وجمال .. فلقد غنانا انفاسه ولم يبخل علينا بنبضه . . تحياتى لكم .. عزه ومايا . . اما البت نمره اتنين .. فتمارس حرفتها وهوايتها فى اختبار الدروب ورصد اتجاهات الرياح . . . بلغ تحياتى لمأوى وتمنياتى بالصحه ودوام العافيه لو هاتفتهافى القريب . .
المروق هو فعل الجسارة .. وحالة كونك تمارس الفعل فى مضارعته او أوان حدوثه .. ليس قبل او بعد,, أقوى اثراً وأمضى .. من حالة كونه حدث او سيحدُث فى مستقبل الوقت ,, هو يعنى بالتحديد ذاته .. اي هذا الحراك اللا مرئى للفعل المائر او الذى يعتمل ,, تحت السطح .. .
