Post: #1
Title: هل هناك دفاعات ارضية يا سعادة اللواء؟
Author: نصار
Date: 04-06-2011, 01:31 PM
اسرائيل عملت الدرب ساساقة كل كم شهر تستبيح (سيادة السودان) و حرمة اجواءه
لدرجة انها تضرب سيارة ملاكي صغيرة متحركة مايعني انها ماخدة راحتها خالص
في الرصد و المتابعة و التنفيذ.. بالتأكيد دا كلام مستهحن و مدان و محزن
لاي وطني قلبه على بلدنا المنكوبة.. تصوروا انه الاستهتار يصل بينا لدرجة
ان يسأل مذيع قناة العربية محمود الورواري ضيفه الخبير العسكري عن اصل
وجود مضادات ارضية في السودان.. و يتفضل سعادة اللواء بان اسرائيل
تحرص على مهاجمة السيارات التي تحمل سلاح ايراني مرسل الى حماس في
الاراضي السودانية لضعف الرادارات و الدفاعات الارضية في السودان و لانها
تعلم انها لو دخلت المجال الجوي المصري سوف تكتشف و تدمر..
ياخي طيب نحنا ما ناس اخوانكم و بنشيل لحم بقرنا من خشوم جوعانا
و نهديكم ليها، ما كان تكلمونا بالهحوم الكتامي دا ولا تكملوا جميلك
باعتراض الطيارات (دا لو ما بقت صواريخ) و تقولوا ليهم الكلام دا عيب
منكم يا اسرائليين
و الله مهازل
|
Post: #2
Title: Re: هل هناك دفاعات ارضية يا سعادة اللواء؟
Author: نصار
Date: 04-06-2011, 02:03 PM
Parent: #1
لو حقيقة الضربت مروحية اباتشي تبقى المصيبة اعظم
|
Post: #3
Title: Re: هل هناك دفاعات ارضية يا سعادة اللواء؟
Author: Mohammed Awad
Date: 04-06-2011, 02:30 PM
Parent: #2
| Quote: لو حقيقة الضربت مروحية اباتشي تبقى المصيبة اعظم |
مصدر شخصى افاد بأثار خمسة حُفر بجانب السيارة
سببها ربما صواريخ اخرى كانت قبل التى اصابت السيارة
اذا صحت الرواية.... فأنها اباتشى قطع شك
كدا بتبقى القصة خربانة كلو كلو
|
Post: #4
Title: Re: هل هناك دفاعات ارضية يا سعادة اللواء؟
Author: نصار
Date: 04-06-2011, 08:40 PM
Parent: #3
استخدام مروحية اخي الفاضل محمد عوض يمثل قمة الاستهتار و التحدي
لان رصدها و صدها (اذا لم نقل اسقاطها) ما محتاجة تقنيات شديدة
التطور
|
|