Post: #1
Title: تعليقات كيزانية على صناعة السودان لطائرة بدون طيار ( بلع جماعي)
Author: عبدالمجيد الكونت
Date: 04-06-2011, 09:24 AM
الخبر كما ورد بوكالة smc
Quote: بورتسودان
شهد المشير عمر البشير رئيس الجمهورية أمس الأثنين في منطقة عروس بولاية البحر الأحمر التمرين العسكري الجوي البحري الذي اشتمل على إطلاق طائرة بدون طيار وهي صناعة سودانية، بجانب تدريب القوات المختلفة على الدفاع عن ساحل السودان.
وطالب البشير لدى حضوره التدريبات العسكرية، الحركة الشعبية بعدم إيواء أي قوات تتبع لحركات دارفور في جنوب السودان.
وأشار أن الأوضاع الأمنية بدارفور مستقرة وأن إستراتيجية سلام دارفور أخذت مسارها نحو تحقيق الاستقرار بالولايات الثلاث.
وأكد وزير الدفاع الفريق عبدالرحيم محمد حسين، لدى مخاطبته المناسبة، مقدرة القوات المسلحة على الدفاع عن سلامة البلاد، مشير لاهتمام وزارته بتطوير قدرات القوات المسلحة وتوفير الاحتياجات للمعاهد التدريبية المختلفة.
وقال عبدالرحيم إن أكاديمية نميري العسكرية ستشهد نقلة كبيرة خلال المرحلة القادمة، مشيراً لأهمية التدريب في تعزيز مكانة وقدرة القوات المسلحة باختلاف وحداتها.
وحمل الاحتفال شعار "نفجر في السماء رعداً وفوق البحر بركاناً"، وقد نظمته القوات الجوية والدفاع الجوي والقوات البحرية، بحضور وزير الدفاع الوطني والقيادات العسكرية المختلفة.
آخر تحديث: 2011/01/05 10:01:36 |
ثم انهالت بعد ذلك هرطقات الكيزان العجيبة
|
Post: #2
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: عبدالمجيد الكونت
Date: 04-06-2011, 09:35 AM
Parent: #1
ده أول تعليق لي واحد اسمه سامي في موقع سودان فورايفر
Quote: اذا لم نتصنع دوله اسلحتها بنفسها وطائرات بطيار وبدون طيار فكيف تسمى دوله ... عدما تقف الدول عن بعيع السلاح لك ... ماذا ستفعل ؟... اخي اذا كانت حكومه الانقاذ بوليسيه فهذا افضل ليها مليون مره من ان نتذل لدوله ... اخي العزيز هناك بعض الاسحله السودان لم ولا يريد ان يستعملها في دارفور لأن لها اثار واضحه ... نعم نعم نحن اقوى جيش في افريقيا ودليل على هذا قول البشير : يا متمدري دارفور ويا ناس امريكا دايرين تفاوض بنتفاوض دايرين مقاطه بنقاطعكم ما عندنا مشكله والله دايرين حرب نحنا والله جهازين وفازين بإذن ربنا الاحد ...
لك التحايا
|
المصدر
http://www.sudane4ever.com/vb/showthread.php?t=7945
|
Post: #3
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: عبدالمجيد الكونت
Date: 04-06-2011, 09:40 AM
Parent: #2
ود الباوقة قبل ان يدعو للبشير ببطانة الخير صباح اليوم 
Quote: هذه بشارة تضاف الى كميات البشريات القادمة باذن الله
عقبال المفاعل النووي باذن الله |
المصدر الجيش السوداني يحتفل بإطلاق أول طائرة سودانية بدون طيار
|
Post: #4
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: عمر عبد الله فضل المولى
Date: 04-06-2011, 09:44 AM
Parent: #3
انت ما سمعت بان الطائرة هربت من الضرب الكثيف
|
Post: #5
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: عبدالمجيد الكونت
Date: 04-06-2011, 09:48 AM
Parent: #4
| Quote: انت ما سمعت بان الطائرة هربت من الضرب الكثيف |
انا السمعته انه الطائرة قالوا اشتروها الحواتة وعملوها مركب سمك
|
Post: #6
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: عبدالمجيد الكونت
Date: 04-06-2011, 09:51 AM
Parent: #5
السماني عمارة زعيم الكيزان بتاعين القنصلية 
Quote: وما خفى اعظم
صرح بذلك وزير الدفاع الاخ عبد الرحيم محمد حسين
فى مايو 2009
وعلينا ان نحافظ على وصية سيد شهداء الانقاذ الزبير محمد صالح
|
نفس مصدر ود الباوقة
|
Post: #7
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: الامين موسى البشاري
Date: 04-06-2011, 09:58 AM
Parent: #6
كلامهم صاح ياااااخ
إنها طائرة ورق ســودانية بدون طيار
..
..
__
يا كونت رفقاً بهم تبقى أنت والطائرات واسرائيل عليهم يااااخ
الفيهم مكفيهم واسي يكون بألفوا في كضبه يتخارجوا بيها من الحرج دا
|
Post: #8
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: جعفر محي الدين
Date: 04-06-2011, 10:10 AM
Parent: #7
| Quote: وأكد وزير الدفاع الفريق عبدالرحيم محمد حسين، لدى مخاطبته المناسبة، مقدرة القوات المسلحة على الدفاع عن سلامة البلاد، |
الحبيب الكونت
سلامة البلاد دي طبعا لا تشمل بورتسودان وضواحيها
|
Post: #9
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: محمد عمر الفكي
Date: 04-06-2011, 12:22 PM
Parent: #8
الاخ الكونت
تحية طيبة
شيخ جعفر ازيك يا اخي وكيف اخبارك
غايتو حقارة زي دي ما سمعنا بيها ولا شفناها، ناس يضربوك ويقولوا نحن الضربناوتقعد تتبلم ساكت وتعاين؟ ماهي واحدة من اتنين يا انت متفق معاهم على الضربة يا انت عاجز وضعيف وحقارتك بس في محاكم النظام العام ومكافحة الشغب بالواضح ضد العزل فقط.
وانت يا الكونت ما تسى الظن بالناس ديل، فالطائرة الورقية موجودة ولكن السواقين تحت التدريب.
مرة كنت قاعد مع واحد وعندهم طيارتين عذبننا عذاب باختراق جدار الصوت ماشات جايات فصاحبي دا رفع راسه لفوق وقال "اقعدو طرقوا فيهن كدا لمن ترموهن فوق راسنا دا"
كامل التضامن "دا ما اسم فنان" مع ود الباوقة في هذه المحنة
|
Post: #10
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: محمد عمر الفكي
Date: 04-06-2011, 12:27 PM
Parent: #8
الاخ الكونت
عليك الله اسمح لي اهدي
تعليق منير دا كتلني عديل بالضحك من نفس المصدر السابق بتاعك
Quote: إنتو يا جماعة مستنكرين الخبر مفتكرين أن صنع طيارة بدون طيار دي معجزة ؟؟ ..
الرجال ذوي العزيمة تستطيع أن تنجز المعجزات .. عكس المكوِّعين وراجين السماء تمطر ذهباً .. !!
ومن لم يتعلم صعود الجبال عاش أبد الدهر بين الحفر ..
والله يا منير بالجد مبالغة
الشفيع وراق
وأعدوا
ألف مبروك للسودان
|
التعديل لاضافة تعليق الشفيع وبهذه المناسبة نرجو من الاخ الشفيع وكل المتداخلين في البوست المذكور ان يوضحوا للسادة المشاهدين الى اين وصلت مرحلة الاعداد هذه يا سيادة الوزير؟ وطبعاً نحن عارفين حرصك سيادتكم على متابعة هذا الامر شخصياً (المقطع الاخير دا يا جماعة اقتباس من تلفزيوننا الحبيب لا علاقة له بالموضوع)
|
Post: #11
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: هشام عباس
Date: 04-06-2011, 12:32 PM
Parent: #10
Quote: وحمل الاحتفال شعار "نفجر في السماء رعداً وفوق البحر بركاناً"، وقد نظمته القوات الجوية والدفاع الجوي والقوات البحرية، بحضور وزير الدفاع الوطني والقيادات العسكرية المختلفة.
|
الكونت تحياتى
انا اكتر حاجة عجبتنى الشعر بتاع الاحتفال
آل نفجر فى السماء رعدا آل
قرقرقرقرقرقرقرقرقر
|
Post: #13
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: عبدالمجيد الكونت
Date: 04-11-2011, 06:50 PM
Parent: #8
Quote: الحبيب الكونت
سلامة البلاد دي طبعا لا تشمل بورتسودان وضواحيها |
والله ياحبيب بي طريقتم دي كافوري شكلها حتكون قاعدة في الصقيعة
|
Post: #12
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: عبدالمجيد الكونت
Date: 04-06-2011, 06:00 PM
Parent: #7
Quote: كلامهم صاح ياااااخ
إنها طائرة ورق ســودانية بدون طيار |
تحياتي ياعريس
طائرات ورق وعاملين ليها مرقص وطبول ليه لكن لحدي ما صدقناهم يا البشاري
المحير في الامر انه الضربة جاتم في نفس مدينة الاحتفال بالطائرات الورقية اياه
Quote: يا كونت رفقاً بهم تبقى أنت والطائرات واسرائيل عليهم يااااخ
الفيهم مكفيهم واسي يكون بألفوا في كضبه يتخارجوا بيها من الحرج دا |
خليل لما خش امدرمان قالو كنا بنستدرج فيه ياربي المرة دي حيقولوا شنو
|
Post: #14
Title: Re: تعليقات كيزانية على صناعة السودان لطائرة بدون طيار ( بلع جماعي)
Author: خضر عطا المنان
Date: 04-11-2011, 07:40 PM
Parent: #12
| Quote: تدريب القوات المختلفة على الدفاع عن ساحل السودان. |
هذا ما ورد في الخبر يا عزيزي عبدالمجيد
لا ادري عن اي تدريب يتحدثون والى اي دفاع يشيرون هنا
وعن اي ساحل ياترى؟؟
جملة من اسئلة يمسك بعضها برقاب بعض دون اجابة لديهم
ولكن حادثة بورتسودان كشفت المغطى تماما !!!.
مع تحياتي
خضر
|
|