Post: #1 Title: كمال بشاشا كتاب كتاب ياخي دا إبداع عديل كدا Author: Mohamed E. Seliaman Date: 04-06-2011, 07:44 AM
Quote:
Quote: في حاجة اسمها السودان الجديد وهذه اللجنة للرؤى وفق منظمور السودان الجديد - رؤى الرحل د/ جون -
كمبورة تحياتي،
للاسف تفكيرك تفكير يسار جلابي قديم، عقائدي متزمت او مغلق.
الشهيد قرنق ينبغي النظر له كصاحب اجتهاد، مش كرسول، وان كان بالفعل كذلك.
نمرة اتنين اي زول ممكن يقول اجتهادو يمثل خط قرنق حصرا كما تحاول انت مثلا ايهامنا، او ده اسلوب دوغمائي عقائدي او متحجر.
كيف عرمان ولا اي مسؤول يقول لينا انا بمثل رؤوية قرنق خلاص نملي خشمنا تراب او نسكت؟
ما هذا؟
حتي لو البسوو فيهو ناس الحركة ديل يمثل خط قرنق، يبقي خط قرنق زاتو خطا في الحتة دي!
ما المانع؟
الصاح في رايي مثلا التمثيل داخل الحركة علي كافة المستويات مفروض يكون نسبي يشمل اركان وجهات السودان الاربعة، حسب الثقل السكاني لكل جهة.
ماممكن بعد القدامنا ده كلو، تاني من اول جديد الجلابة يتصدرو كل شئ! كل من يتخيل مجرد ابراز بطاقة عضوية الحركة، يلغي في الشمالي الوعي الجلابي او يجعل منه سودان جديد، فزول زي ده، بدل واهم، فوهم ساكت! فاجتهاد اي مخلوق ايا كان ما قران ولا انجيل ولاتوراة، وانما اجتهاد علي قدم المساواة. ده التفكير البديل لي طريقة التفكير الحالية. بناءا عليه لما زول يقول رايي كده ما تقول ليهو دقيقة اراجع نصوص قرنق!
ده شغل وهابية، كيزان او شيوعيين مش سودان جديد!
Post: #2 Title: Re: كمال بشاشا كتاب كتاب ياخي دا إبداع عديل كدا Author: Mohamed E. Seliaman Date: 04-09-2011, 09:48 AM Parent: #1
هذا ما بعض ما وفقنا الله لإنقاذه من تسلط قيقابشراوي
Post: #3 Title: Re: كمال بشاشا كتاب كتاب ياخي دا إبداع عديل كدا Author: Mohamed E. Seliaman Date: 04-10-2011, 06:49 AM Parent: #2
كتب حامد بدوي بشيرمخاطبا تراجي:
Quote: أتساءل عن علاقتك بالحركة الشعبية لانني قد لاحظت تزامنا- كمراقب - بين هجماتك على القائد عرمان وبين هجمات المؤتمر الوطني عليه
فرد عليه كمال بشاشا مهتاجا:
Quote: الكومر حامد بدوي انتا ما عارف انو تراجي "غواصة" او كده بي ادبياتكم؟ عزيزي القارئ: هكذا يفكر الجلابي مستلب الماركسية كستاليني! ماعندهم اطلاقا مفهوم راي اخر! الراي الاخر جريمة في عرفهم! هجوم! خيانة! خبث! تامر! اساءة! او بعد ده، ده بديل الكيزان! كيف الكيزان هاجمو عرمان، فقاعدة عرمان تملي خشمي تراب او تصمت الي ان يتوقف هجوم الكيزان! او بي كده اصبحو كما الميت بين يدي الغاسل، اللي هو خصمهم! WOW
يالعبقرية الشيوعيين! طيب هل صدفة انو افشل تنظيم سياسي؟ او نفس التجربة دي مرحلنها الرفاق لي بيتم الجديد! ظاهر الشيوعيين كوشو علي الحركة في الشمال او ورثوها حية!
حولا ولا قوة!
Post: #4 Title: Re: كمال بشاشا كتاب كتاب ياخي دا إبداع عديل كدا Author: Mohamed E. Seliaman Date: 04-10-2011, 07:17 AM Parent: #3
Quote: عزيزي القارئ: هكذا يفكر الجلابي مستلب الماركسية كستاليني! ماعندهم اطلاقا مفهوم راي اخر! الراي الاخر جريمة في عرفهم! هجوم! خيانة! خبث! تامر! اساءة! او بعد ده، ده بديل الكيزان!
عزيزك القارئ يمكن أن يوافقك الرأي إن لم يكن أرشيفك يشهد عليك بذات النعوت التي ترمي بها (الجلابي مستلب الماركسية كستاليني) فأنت ترمي من يخالفك حتى في الخبر- وليس في الرأي فقط-بالتآمر والعمالة والخيانة! أما من يخالفك الرأي من أبناء غرب السودان فإنك تعدهم مجرد كلاب تسبح أذنابها بحمد سادتها الجلابة!
Post: #5 Title: Re: كمال بشاشا كتاب كتاب ياخي دا إبداع عديل كدا Author: أمين محمد سليمان Date: 04-11-2011, 00:44 AM Parent: #4
سلام يا دوك و لعلك و أولادك طيبين
Quote: فأنت ترمي من يخالفك حتى في الخبر- وليس في الرأي فقط-بالتآمر والعمالة والخيانة! أما من يخالفك الرأي من أبناء غرب السودان فإنك تعدهم مجرد كلاب تسبح أذنابها بحمد سادتها الجلابة!
كبروفسير و أستاذ مشارك في علم البل ، أعكف هذه الأيام في إعداد دراسة حاله من حالات البل المستعصيه للاخ كمال بشاشا : الزمن ما مساعد لكن بوستك ده شجعني !!
Post: #6 Title: Re: كمال بشاشا كتاب كتاب ياخي دا إبداع عديل كدا Author: قيقراوي Date: 04-11-2011, 10:50 AM Parent: #5
Quote: كبروفسير و أستاذ مشارك في علم البل ، أعكف هذه الأيام في إعداد دراسة حاله من حالات البل المستعصيه للاخ كمال بشاشا : الزمن ما مساعد لكن بوستك ده شجعني !!
بالمناسبة .. نسيت تضيف لالقابك .. و كـ ( كيس اصطدي ) و تختة.
---------
نجيب الكوت؟
Post: #7 Title: Re: كمال بشاشا كتاب كتاب ياخي دا إبداع عديل كدا Author: Bashasha Date: 05-15-2011, 01:04 AM Parent: #6
Quote: عزيزك القارئ يمكن أن يوافقك الرأي إن لم يكن أرشيفك يشهد عليك بذات النعوت التي ترمي بها (الجلابي مستلب الماركسية كستاليني) فأنت ترمي من يخالفك حتى في الخبر- وليس في الرأي فقط-بالتآمر والعمالة والخيانة! أما من يخالفك الرأي من أبناء غرب السودان فإنك تعدهم مجرد كلاب تسبح أذنابها بحمد سادتها الجلابة!
محمد E
كالعادة راكب غلط!
اولا بشاشا كفرد مش منظومة او مؤسسة حر يبقي ستاليني ولا غيرو.
فالكلام هنا كان عن قرارات تنظيم سياسي.
هنا بقا كل من يتصدي للدفاع عن قرارت جسم سياسي لازم يتعامل مع الراي المغاير كوجهة نظر اخري، بالذات من ناخبي هذه المنظومة.
اما ستالينية الجلابي الماركسي فتحصيل حاصل بغض النظر.
اما جراقيس الجلابة في الهامش فالذي بيننا ماخلاف في الراي زي مافاهم وانما اختلاف خنادق، والشغلة بالنسبة لينا حرب عديل، وقودا او جنودا في المعسكر الاخر هم هؤلاء الجراقيس!
السؤال هل ده واقع معاش او حقيقة ام لا؟
اذا حقيقة فالمشكلة وين؟
لم نفعل غير تسميتم باسمائهم، فما الغلط؟
كونو الاسم قبيح؟
طيب او احنا مالنا؟
عايزنا نكذب عشان نحلي الشقلة؟
طبعا لن نكذب.
اذن طول ما كلامنا مؤسس علي منطق حجج او حقائق الباقي لايهمنا كتير.
Post: #8 Title: Re: كمال بشاشا كتاب كتاب ياخي دا إبداع عديل كدا Author: سامي صلاح محمد Date: 05-15-2011, 08:09 AM Parent: #7
Quote: عشان نحلي الشقلة؟
لشقلة عوج الدرب؟ يعوج راسك دا كان أصلو معووج يا بوق الإسلاموعروبية و غواصتها لنسف الخطاب الجديد
Post: #9 Title: Re: كمال بشاشا كتاب كتاب ياخي دا إبداع عديل كدا Author: محمد عبد الماجد الصايم Date: 05-15-2011, 08:27 AM Parent: #8
حليلكـ يا حبشي .. فايتكـ خريف أبو السعن!
Post: #10 Title: Re: كمال بشاشا كتاب كتاب ياخي دا إبداع عديل كدا Author: MOHAMMED ELSHEIKH Date: 05-15-2011, 08:36 AM Parent: #9
اولا ازيكم صاحبنا محمد بروي المنصوري حكى لينا حكاية واحد منهم اسمو نعمان . اها نعمان دا جنو أكل وونستو كلها وكلامو عن الأكل وانواعو. يوم قاعدين الشلة في الدكان شافو لك نعمان مادي كرشو و جايي عليهم من بعيد. واحد طلع علبة بينسون صغير (الزمن داك كان الدستة تساوي 13 والأسبوع 9يوم وجوز الحمام 3 حبات). الراجل بتاع البنسون قال للشلة:"حرم نعمان دا ما يطرا الأكل لمدة ربع ساعة, فرد سجارة ماترجع لي من العلبةدي". وصل نعمان ودخل في الونسة وهاك ياغرب وشرق وبهايم وقطر كريمة وسد الحماداب لغاية الدقيقة 10 الزول دا ما جاب سيرة الأكل . الدقيقة 11 تحولت الونسة للأمراض وأنواعها والمستشفيات وحتى الدقيقة 14:20 والجماعة بقو يحضروا في تلاليشهم وقداديمهم للبنسون خلاص باقي نص دقيقة. بالله في الدقية 14 ونص وفي اثناء الكلام عن نزلة البرد(الكلام طبعا في الامراض) يقوم نعمان يقول لهم:" انتو عارفين علاج النزلة دي شنو؟ بس تضرب لك ديك كامل براااااك, بعدين الكمدة بالرمدة
اما انا متبرع بكرتونة بنسون الكبير اذا لم يذكر الأخ بشاشا"الجلابة" لمدة 15 مداخلة
Post: #11 Title: Re: كمال بشاشا كتاب كتاب ياخي دا إبداع عديل كدا Author: عماد موسى محمد Date: 05-15-2011, 11:53 AM Parent: #10
Mohammed.E. Suleiman والمشاركون الكرام سلام الله عليكم !! الزول دا مصطلحاتو بتذكّرني القذافي و"حبوب الهلوسة" و"الجرذان" و"القاعدة" .إلخ كل إناءٍ بما فيه ينضح
ربنا يهدينا ويهديهو والهداية موبعيدة أكان الواحد سعى ليها
Post: #12 Title: Re: كمال بشاشا كتاب كتاب ياخي دا إبداع عديل كدا Author: AMNA MUKHTAR Date: 05-15-2011, 08:39 PM Parent: #11
التحية للصديق العزيز الرجل النقى ، العفيف حتى فى خلافاته..
الأمير الكوشى
مشتاقون يا امير.. وعسى أن نلتقى قريبا .
Post: #13 Title: Re: كمال بشاشا كتاب كتاب ياخي دا إبداع عديل كدا Author: Bashasha Date: 05-16-2011, 03:17 AM Parent: #12
Quote: التحية للصديق العزيز الرجل النقى ، العفيف حتى فى خلافاته.. الأمير الكوشى مشتاقون يا امير.. وعسى أن نلتقى قريبا
