غارة في بورتسودان نفذتها طائرة مجهولة... تقرير قناة العربية (فيديو)!!

غايتو الضربنا ما عافييييين ليهو
يضربو الضريب شيال العنقاريب
الناس في العيد وهو في المرض الشديد
(دا اضعف الايمان يا جماعة) او زول خايف يقول اسم الضربو
ما عارفين الضربنا منو ولا ضربنا عشان شنو
قبل كم يوم وفي التلفزيون قال منو كدا
يتفقد قوات الدفاع الجوي والمسعول أتأكد انو كل الرادارات شغالة تش

Quote: غايتو الضربنا ما عافييييين ليهو يضربو الضريب شيال العنقاريب الناس في العيد وهو في المرض الشديد (دا اضعف الايمان يا جماعة) او زول خايف يقول اسم الضربو

ود البشارى شقاق العنقاريب وليس شيال العنقاريب
هههههههههههههههههههههههههههههه

Quote: ود البشارى شقاق العنقاريب وليس شيال العنقاريب هههههههههههههههههههههههههههههه

معاوية عبيد

ما فرقت يااااخ شقاق العنقاريب ولا شيال العنقاريب المهم نعمل حاجة

ويكون اسي دا لسان حالهم بعد الضربة دي

زمان لما تكون خايف تقول اسم الضربك

أو ما عارفو كنا بنقول كدا ههههههههههههههههههههههه

يا باشمهندس

سلام واحترام,

ياخي والله الضربة دي زعلتني شديد, والله زعلت للجماعة الحاكمين ديل ذات نفسهم وزعلت للبلاد اللي أنا أنتمي ليها وسمعتها:

أيها الناس نحن من نفر عمروا الأرض حيث ما قطنوا

يذكر المجد كلما ذكـروا وهو يعتز حين يقتـرن

الآن أصبحنا نضرب ونتحدث عن طائرات (غامضة) و (مجهولة) والأغرب أنه أصحاب الطائرات الغامضة والمجهولة ما عندهم مانع يطلعوا الضربات في الصحف الخاصة بهـم ... وصورها وخرائطها ومواقعها ونوعية الطائرات المستخدمة وكل شئ في هذا العالم الصغير والذي أصبح متناهي الصغـر,

هذه ليست المرة الأولى ولا الثانية ولا الثالثة يتم فيها مثل هذا الضرب واسبابه معروفة ودواعيه معروفة .. يا أخواننا نصيحة لله من أجل هذا الوطن الذي ظل وطناً عصياً سنوات مديدة ... اتركوا العالم في حاله ... سيترككم في حالكم ....


أحمد الشايقي

Quote: الآن أصبحنا نضرب ونتحدث عن طائرات (غامضة) و (مجهولة) والأغرب أنه أصحاب الطائرات الغامضة والمجهولة ما عندهم مانع يطلعوا الضربات في الصحف الخاصة بهـم ... وصورها وخرائطها ومواقعها ونوعية الطائرات المستخدمة وكل شئ في هذا العالم الصغير والذي أصبح متناهي الصغـر,

مولانا

نعم للهــوان والخور والضعف والذلة

نضرب وننتظر ان يصرحوا لصحفهم بأنهم قد نفذوا غارة على اهداف داخل الاراضي السودانية

اهداف تضرب بطائرتين هليكوبتر استخفافاً بقدرات هذا البلد

ومعلوم ان الهليكوبتر دائماً تطير على ارتفاعات منخفضة ويسهل رصدها واستهدافها

فماذا تريد أكتر من هذا من هذا الاستخفاف

تحاياي

امين بشاري سلامات

اصحابنا داعي عليهم مالك يا اخي؟؟!



واتفق مع احمد الشايقي

نحن لما ما عندنا قدرات قدر ده البشبرهم شنو؟؟؟

Quote: اتركوا العالم في حاله ... سيترككم في حالكم ....

يا احمد يا اخوي الناس ديل اظنهم لفوا سجاره وصدقوا انهم من الدول العظمى.

Quote: امين بشاري سلامات اصحابنا داعي عليهم مالك يا اخي؟؟!

ههههههههههه

يا تراجي جماعتكم اريتهم جماعة الســرور شغالين ضرب بالدور

وبعدين ما تركبي حمير الضيفان ســااااكت عليك الله

انا قلت دا حال لسان قوم تبع من الكيزان وهو دعاء العاجزين عن فعل شئ

ديل ضربوهم بهليكوبتر يعني منتهى الاستخفاف وما استخسروا فيهم طائرة مقاتلة

ما تنسي تسلمي لي على الزولة دي بالله

ســـؤال يجب أن يسأله كل شخص لنفسه


ما الذي يجعل اسرائيل تهاجم سيارة في دولة كالسودان ؟

والسودان ليس دولة مواجهة مع اسرائيل ولا هي جارة لاسرائيل

غير........................

ياخوى البشارى _ اسرائيل تضربنا عشان بقينا دولة نحرك ثورات الشعوب العربية كما قال قال نافع ؟ واسرائيل( دويلة ) بتخاف من ثورات الشعوب . كلام نافع ما بقع واطا . لكن دحين وقع ليك ولا اشرح زيادة . بس اسرائيل ما قايلانا قاعدين ام فكو ساكت . طيارة تجى من آخر الدنيا وتضرب وتقتل وتطلع زى طلوع الدخان من العود او طلوع الابرة من العجين و لا من شاف و لا من درى . عاد ده كلام يا الناس اللى تسلحتو لامريكا وروسيا اللى دنا عذابهما ! على اى حال ما فى لزوم للزعل اصلها البد بقت حديقة دولية على الشيوع الاقليمى والدولى كل استخبارات العالم عندها مكتب متخفى فيها- ثلاثين الف جندى اجنبى وكم الف بوليس دولى وكم الف عامل اغاثة وكم الف اطباء بلا حدود وهاك يا مزيكة انسانية - وسطاء يدخلون ووسطاء يغادرون - من امبشى وحتى مالاوى لأننا قررنا البحث عن الوسطاء حتى ولو فى الصين .الحادث بتاع بورتسودان ده لو حدث فى دويلة سورينام لاستقال وزير دفاعها ولا ما عندها وزير دفاع حيستقيل رئيس الحكومة. اما اذا كان عندها وزير دفاع بدرجة فريق كما عندنا يمين يفركوه ملاح ام تكشو - خليتكم فى عافية ومعاكم شعب السودان الحاسدنو الناس من العز العايش فيه - غايتو جنس بجاحة وجنس لطامة وجنس لطاعة وقلة حياء ما منظورة فى كل الفراقين

Quote: اسرائيل تضربنا عشان بقينا دولة نحرك ثورات الشعوب العربية كما قال قال نافع ؟

الاخ علي حماد

شفته المحن دي كيف يا أخوي

وقال شنو الطاغية الامريكان ليكم تسلحنا

تحاياي

Quote: يضربو الضريب شيال العنقاريب

سنة 1966 غرقت مركب في النيل في بلدنا غرق فيها ما لا يقل عن 50 شخص وكانت كارثة كببيرة لازال الناس يحكوا عنها بمرارة شديدة توفيت في هذه الحادثة حبوبتي ام الوالد وعمي الوحيد و كان يسوق المركب رجل يجيد السباحة وهو زول اعرج عشان كده الناس سموه كروع استطاع ان يخرج من الحادث ويعيش لمدة طويلة بعدها واظنه اوفي قبل خمسة او ستة سنوات عليه رحمة الله
المهم الراجل الغرق المركب ده ترك مهنة الرواسة واشتغل يصلح عناقريب واتاحت لي الاقدار يوما ما ان اجلس بالقرب منه وكنت كثير الاستطلاع والاسئلة سألته عن سبب غرق المركب وعن اشياء كثيرة وهو يجاوب بصبر نافد وفي اخر اسئلتي قلت له بكل براءة لكن ياعم كروع ياخي انت قتلت عمي وحبوبتي وقتلت الناس ديل كلهم ومرقت والله حا يحاسبك قام رد لي

يا ولدي ناسك ديل اصلهم ناقصين عمر

عشان كده شيال العناقريب ده يا البشاري ما تستهون بيه

Quote: عشان كده شيال العناقريب ده يا البشاري ما تستهون بيه

الكونت يا حبيب

شيال العناقريب ماني مستهون بيهو

علا قلت النساعد الجماعة ديل بالدعاء العاجز دا ان شاء الله

شايفهم زول قال بغم ماف اليوم داك أها قلنا الكحة ولا صمة الخشم

الف رحمة ونور تتنزل على حبوبتك وعمك

وزولك الأعرج دا الظاهر من جماعة كل ذو عاهة جبااااااااار


تحاياي