|
والله البلد غفيرها نائم...جنس فضائح
|
ياخ ما ممكن طياره تجي من سقط لقط وتسك ليها عربيه في شوارع بورتسودان لحدي ما تخارجها بره وتفها تف القرض وتتخارج ولي اسي وزير دفاع البلد ما عارف جنسية الطائره ولا نوعها ولا جايه من وين واقول ليك صنعنا ماعارف طائرات بدون طيار اسمها شنو كده ما عارف... غايتو ضحكتو فينا خلق الله اسي حليفتكم قناة الجزيره زاتها متحيره ما عارفه تحدد جنسية الطائره امريكيه اسرائليه ولا من جزر القمر.
|
|
|
|
|
|
|
|
Re: والله البلد غفيرها نائم...جنس فضائح (Re: فاروق عثمان)
|
وانت والله زاتك بتبالغ غفيرها شنو البنوم ياخ ديل ما ناس نوم ديل ناس هجيج ورقييييييييييص بكونوا كاتلين ليهم حفلة الساعة عشرة دي تقولي شنو وتقولي منو بالله تاني ما تشتم الناس برا سبب وتوصفهم بالنوم والكسل
اما انك معارض فشنك سلام يا ود عمي عثمان
| |
|
|
|
|
|
|
Re: والله البلد غفيرها نائم...جنس فضائح (Re: اسماء الجنيد)
|
سوما سلامات ياخ ومشتاقين وحمد الله علي السلامه تعرفي يا سوما ده لو كان في اي بلد حكومتو محترمه وبتقدر شعبها كان وزير الدفاع استقال والحكومه زاتها دخلت في حيص بيص لكن نسوي شنو يابت عمي مع حكومتنا المنزوع منها الخجل دي بس بفلحو في الرقيص واللهف.
| |
|
|
|
|
|
|
Re: والله البلد غفيرها نائم...جنس فضائح (Re: صبري طه)
|
إت ياالفاروق مسعول من الخير يا أخوي
دحين الشئ اللولي ضرب مصنع الشفاء داك... زمانتك!!!
باقيلك إنعرف صاروخا ولا طيارة لليوم العلينا ده؟؟؟
ياراجل صلي على النبي وخليك ساكت ساي وقول يا لطيف تلطف بأهلنا الطيبين ديل...
الشئ مو شي
هو جنس نوم عاد باقيلك
ده نوم بريالتو سايلة لي عند الصدر...
| |
|
|
|
|
|
|
Re: والله البلد غفيرها نائم...جنس فضائح (Re: Azhari Nurelhuda)
|
كيفك يا ابو الزهور تعرف الذ شئ شنو ايام ضربة الشفاء ديك جاء عبد الرحيم محمد حسين في الاذاعه وقال والله ناس شندي قالو شافو الطيارات وجايه من جهة الشمال في اشاره لي مصر يعني الزول ذكي وكده بعد كم يوم البنتاغون طلع بيان قال ضرب المصنع بي كروز من البحر الاحمر وزولك قاعد ولا استقال ولا يحزنون بعد اسبوعين كان قاعد يهجج في تخريج طلبه
| |
|
|
|
|
|
|
Re: والله البلد غفيرها نائم...جنس فضائح (Re: doma)
|
غايتو الإسرائلين ديل ذوق كيف ؟
بارو العربية من المطار لمن مشت مكان ما فيهو زحمة والا جوطة وضربت الهدف بدون ضبانتو
كتلو العاوزين يكتلوهم ورجعوا سالمين غانمين لي أهلهم ..
بالله ما زوق
والله كيفوني في طايوقي دا زاتو ....
هسع كان دا جيشنا كان قام بالمنطقة كلها وحولها لي لهب ...
وين المليارت وين وييييييين ( الميزانية 70 % منها للأمن والدفاع ....)
بكون رايح ترحيل وتموين في جيش الهنا دا )
عاشت قواتكم المسلحة زوداً عن حياض الوطن ....
| |
|
|
|
|
|
|
Re: والله البلد غفيرها نائم...جنس فضائح (Re: Hisham Ibrahim)
|
هشام سلامات ياخ الناس الفضائح ديل لسه ما عارفين الخبتُن شنو طلعو بيان قالو طياره وتاني قالو صواريخ جايه من جهة البحر ويُرجح كمان يعني ما متاكدين.والغريبه قبل فتره بسيطه مشو هججو في بورتسودان دي زاتها والسبب قالو دشنو عدد من الرادرات الحديثه والله دي الا تكون رادرات لي ألت رهو.
| |
|
|
|
|
|
|
Re: والله البلد غفيرها نائم...جنس فضائح (Re: doma)
|
]دوما سلامات تعرفي انا مندهش للناس الخلو تقصير الحكومه في حماية اراضي البلد و70 في الميه من ميزانيتها للامن والدفاع باعترافها وعلي حساب معيشة وصحة المواطن حكومه تنضرب بلدها مره ويموتو 170 من مواطينها ولم يفتح الله عليها بكلمه ولا حتي نعي لمواطنيها الماتو,عارفه ليها لانو مورطه في صفقات سلاح ودعم منظمات واحزاب خارجيه وللاسف تدفع البلاد ثمن خرمجتهم وسياستهم الخرقاء. ليه البلد دي ما اتهاجمت في بي غارات وصورايخ في الحكومات السابقه,السبب بسيط لانو الحكومات دي كانت موجهه كل جهودها للمواطن وما داخله فيما لا يعنيها جكومه تضرب البلد مرتين في اقل من سنه ولم تستقيل بل لم يفتح وزير دفاعها فمه بكلمه وحول الامر للشرطه وكان الامر مظاهره او تجمع سلمي,حكومه اثبتت ان ميزانية دفاعها موجهه ضد شعبها الاعزل لقمعه وتنكيله وتشريده وابادته. يتباكون علي البلد ويدمغون المعارضه بالخيانه وينسون ان هذه البلد التي كانت مليون ميل مربع ضاع نصفها بسبب سياسة حكومتها الخرقاء واشتعل تلتها في دارفور بحريق من صنعهم وأبيد فيها عشره الاف باعترافهم,واستقطعت اراضيها بعلمهم في حلايب والفشقه ولاذو بصمتهم وجبنهم. بلد مرغت سيادتها في التراب بوجود اربعين الف جندي يمرحون ويسرحون في اراضيها تحت سمع وبصر وبمباركة حكومته المنكسره وياتو ليدينو المعارضه ماهذا ومالكم كيف تحكمون
| |
|
|
|
|
|
|
Re: والله البلد غفيرها نائم...جنس فضائح (Re: فاروق عثمان)
|
انتو ذاتكم يافاروق تسو للحنابر قنابر شايفاكم محملين الحكومة دا فوق طاقتها
طرح البنات ديل مهمة منو؟ البنات اللابسات بناطلين ديل يادبهم ليكم منو؟ ولا كمان النسوان البقن يطلعن مظاهرات ؟
غفير البلد دا يتقطع ....يتقطع
ولا انكم معارضة خاينة وماعندها شغلة
| |
|
|
|
|
|
|
Re: والله البلد غفيرها نائم...جنس فضائح (Re: Amira Elsheikh)
|
اميره ازيك تعرفي والله كلامك صاح انا يا دوب اكتشفت انو السبعين في الميه من الميزانيه القالو موجهنها للامن والدفاع هي في الحقيقه موجه لرصد البناطلين والاسكيرت الضيق والطرحه المقصره,والرادارات القالو دشنوها اتاريها لرصد الفتيات في قاعة الدرس والطرقات
| |
|
|
|
|
|
|
Re: والله البلد غفيرها نائم...جنس فضائح (Re: فاروق عثمان)
|
الغفير نايم في العسل لكين غفراء البورد صاحين قالوا الما بساند الغفير النايم ما وطني ولا يستحق ان يكون سوداني وفيها تقطيع اوصال كمان والله انا ما اساند حيطه مائله الا الحيطه تكون واقفه عديل وتصرح انها ح تكرد اسرائل لعند تل ابيب في الوقت وقتها سنقيف وقفه رجل واحد ولاخر قطره دم فينا بالله في زول عاقل يطالب بمسانده علي ورقه بيضاء؟؟؟!! يمكن نساندهم وهم يطلعوا يصرحوا يقولوا اكلناها في حنانا .لن اساند الا ان يتم اقاله وزير الدفاع ومساءله من قصروا ويورونا ميزانيه الدفاع بتمش وين
| |
|
|
|
|
|
|
|