ناس تلفزيون السودان قالوا الموضوع حادث حركة بين عربة صالون وصاروخ مجهول الهوية في بورستودان

في شارع الاسفلت الرئيسي...
في شارع المطار

ده كلام شنو؟؟!!!

بااااااااالغ سواق الطيارة ده
الخلاه يقرب للزلط لامن يرك ويطقش شنو ؟؟؟
سما الله الواسع ده كلووووو ما كفاهو
داير يداقش سواقين العربات في شارع الله والرسول وفي رزقهم !!!

حقااااااار والله

دي المكنة !!
هههههههههههاهههه

أخ يا بطني.

Re: ضربات جوية على بورتسودان

يعنى حادث حركة ولا شنو....هههههههههههه

في ضربة مصنع الشفا
عمر البشير جابو في التلفزيون قال...

والله حقيقتننن في ناس شافوا اربعة طائرات في ابو حمد.

انت زاتك البيوديك تهبش في تلفزيون الجرذان شنو


يومتها بالغلط مرينا عليهو, علىّ اليمين سمعنا الكضب بي اصوله.
البشير المنافق: نحنا عايزين نعيد للتعليم الحكومي هيبته ...ا من المدارس الخاصة.

ان ادمري, مسيلماقون فوتا داقجنا.

والله انا كنت متوقع يقولو في شنطة وقعت من طيارة
بس تصادم بين عربية وصاروخ!!!!ده جديد لنج

حتى الكذب ما قادرين ,,, تلفزيون السودان مجرد طبل

اتخيل لي ناس تلفزيون السودان كانوا خجلانين يجيبوا سيرة طائرات اباتشي وبقية القصة المرتبطة بقذف بالطائرات في 2009 ومقتل
العشرات

April 05, 2011
Plane bombs car near Port Sudan, two deadReutersKHARTOUM (Reuters) - An unidentified plane bombed a car near the airport in Sudan's main port city of Port Sudan on Tuesday, killing two people, a state government official told Reuters.
The aircraft flew in from the Red Sea but it was not clear to whom it belonged, Ahmed Tahir, the speaker of parliament in the Red Sea state where the port city is located, told Reuters.
"We heard three loud explosions," a source at Port Sudan airport told Reuters. "We went outside to see what was happening and eye witnesses told us they saw two helicopters which looked liked Apaches flying past."
Separately, a witness at the scene of the incident told Reuters he could see two burned bodies -- one inside a car and the other lying on the ground outside the vehicle.
The Sudanese Media Center, a news agency linked to Sudan's state security apparatus, said cars were struck in a bombing by an unknown plane but gave no further details.
Security forces at the scene were preventing people from getting close to the site, a witness told Reuters from the site of the attack about 20 km outside Port Sudan city.
In January 2009, a convoy of arms smugglers was hit by unidentified aircraft in Sudan's eastern Red Sea state according to Sudanese authorities, a strike that some reports said may have been carried out by Israel to stop weapons bound for Gaza.
A total of 119 people were killed in that strike near Sudan's border with Egypt, according to state media.
(Reporting by Opheera McDoom and Khaled Abdelaziz; writing by Deepa Babington, Editing by Louise Ireland)

قذفوا موكب شاحانات وقتلوا 119
والجماعة عملوا رايحين...

ياا خوانا

ده صاروخ ارض جو

شفتو ليكم رئيس بكضب؟؟؟

بالله شوفو كلام ناس الاحتمال الاكبر


أعلنت قوات الشرطة مساء اليوم عن مقتل شخصين داخل عربتهما بصاروخ مجهول المصدر جنوب مدينة بورتسودان رجحت أنه يكون من إتجاه البحر

وفيما يلي نص البيان الصحفي الذي أصدرته رئاسة الشرطة حول الحادث

في حوالي الساعة الثامنة وخمسة دقائق مساء اليوم 5/4 أصيبت عربة صالون سوناتا

علي بعد 15 كيلو علي شارع الأسفلت الرئيسي جنوب مدينة بورتسودان بصاروخ مجهول المصدر

من إتجاه البحر الإحتمال الأكبر ،ولم تتحدد مواصفاته بعد وعلي الفور هرعت الأجهزة الأمنية بالولاية وحرزت المكان وشكلت

غرفة عمليات ودفعت بأتيام متخصصة للتعاون مع أجهزة الولاية لإستكمال التحقيقات لتحديد مصدر الهجوم وفك

غموضه ، وقد وجدت جثتان متفحمتان داخل العربة التي تعرضت للهجوم وسنوافيكم بالتفاصيل لاحقاً بعد اكتمال التحريات

وبينما كان الصاروخ يريد أن ينعطف شمالا إصطدم بسيارة كانت تقل شخصين مجهولي الهوية وتفحم الجثتين يؤكد على ذلك .

والله صحي

Quote: مقتل شخصين بصاروخ مجهول جنوب مدينة بورتسودان أعلنت قوات الشرطة مساء اليوم عن مقتل شخصين داخل عربتهما بصاروخ مجهول المصدر جنوب مدينة بورتسودان رجحت أنه يكون من إتجاه البحر وفيما يلي نص البيان الصحفي الذي أصدرته رئاسة الشرطة حول الحادث في حوالي الساعة الثامنة وخمسة دقائق مساء اليوم 5/4 أصيبت عربة صالون سوناتا علي بعد 15 كيلو علي شارع الأسفلت الرئيسي جنوب مدينة بورتسودان بصاروخ مجهول المصدر من إتجاه البحر الإحتمال الأكبر ، ولم تتحدد مواصفاته بعد وعلي الفور هرعت الأجهزة الأمنية بالولاية وحرزت المكان وشكلت غرفة عمليات ودفعت بأتيام متخصصة للتعاون مع أجهزة الولاية لإستكمال التحقيقات لتحديد مصدر الهجوم وفك غموضه ، وقد وجدت جثتان متفحمتان داخل العربة التي تعرضت للهجوم وسنوافيكم بالتفاصيل لاحقاً بعد اكتمال التحريات

قال ليك علي الفور هرعت الأجهزة الأمنية بالولاية وحرزت المكان وشكلت

غرفة عمليات وهسي قال اسرائيل تتراجف وتتطاقش

كدي كدي كدي حال السرور. اسمع الكلام ده كويس يا ود الصايم

يا زوووووول..!!!!!
ناس اس ام سي ديل كمان طلعوا بكلااااام عجيب..!!!!
شي نيران كثيف وشي هرووووب من الاجواء السودانية...

Quote: قصفت طائرة مجهولة الهوية في تمام الساعة التاسعة مساء الثلاثاء 5 أبريل سيارة بمنطقة كلانيب التي تبعد عن بورتسودان (14) كيلو متر على الطريق الرئيس المؤدي إلى المطار وأودت بحياة شخصين كانا يستقلان عربة سوناتا مما أدى إلى تفحم جثامينهما. وعلمت (smc) أن الدفاعات الجوية ردت على الطائرة بنيران كثيفة اضطرتها الهروب من الأجواء السودانية غير أنها لم تحدد هويتها لكنها أكدت أنها طائرة أجنبية. وقال مصطفى مندر نائب الدائرة (10) القومية في تصريح لـ(smc) إن الطائرة ظلت تتابع العربة حتى قصفتها موضحاً أن شهود عيان كانوا يتابعون الطائرة حتى قصفت السيارة. وقال إن المنطقة معرضة للاستهداف، مستشهداً بالحادثة التي حدثت في المنطقة قبل ذلك والتي راح ضحيتها الكثيرين من أبناء تلك المناطق. ونفى مندر بشدة أن تكون المنطقة معبراً للسلاح وطالب جهات الاختصاص بالتحري والتقصي لمعرفة مصدر الاستهداف.

Quote: ،ولم تتحدد مواصفاته

صاروخ دة ولا لبن بدره يعنى صورخ وموبايل فى نفس اللحظة انتو وكتين ما قدر اسرائل الفنجطة ليكم شنوا .

المغصة الكبيرة
المراحيم الأتنين الله يرحمهم ويغفر ليهم
قالوا تفحمت جثثهم ولم يتمكنوا من التعرف عليهم !!!!

تقول لي وزير الدفاع وإرصاد جوي وطردهوم من الأجواء وجروا هربوا !!!!
هي الهربت دي طيارة ولا طيرة عشوش ولا امكن يا ربي جرادة !!!
مرضتونا الله يمرضكم

غايتو ناس بورتسودان لو سكتوا علي فضائح الحكومة دي
تاني ما ينضموا كلو كلو

ناس قاعدين في اماااااااان الله تجي طيارة طايرة ترشهم وتطير ترجع اهلها ؟؟
لعب شفع هو ولا شنو ؟؟؟
هسة كان القذافي كان واعي لي البشير كان رشاهو بي كلمتين في الإعلام وعلى الهواء
لكن لقاهو غاتس في زنقة زنقة لسة
اها البشير زنقته جاتو من تالا الشرق
تلقاهو هسة كان سريرة مقبل شرق بكون كراه قبببببببببيل وعكس وجهته

استغفرك يا مالك روحي

الخبر في صحيفة اسرائيلية..
وقالوا ديل نحن عديل

عشان ما تنظروا ساي...

Quote: Report: Airstrike on car in Port Sudan kills twoUnidentified aircraft flying from the Red Sea bombs car in Sudan's main port city; in 2009, convoy of arms smugglers was hit by unidentified aircraft, which some reports said was carried out by Israel to stop weapons reaching Gaza. By Avi Issacharoff, Amos Harel, Yossi Melman and Reuters

رابط الصحيفة...


http://www.haaretz.com/news/diplomacy-defense/report-ai...n-kills-two-1.354308

دي المرة الثانية خلال عامين
ورونا قوتكم بدل ما ترسل قواتكم الصامدة لقتل السودانين في اتجاهات السودان المختلفة.
اضربوا هؤلاء الجرزان بيد من حديد..

::::::::::::

غايتو لو إسرائيل أعترفت بعضمة لسانا، الله أكبر، والكيزان ح يحرروا القدس عديل كده

وبالمناسبة دي بعد شوية ح يصدر قرار جمهوري هام

بإعفاء الجيش السوداني من تسديد رسوم النفايات

وتحويل الدبابين إلى طيارين

فترقبوه

والله يا مدحت نهايات الكيزان قد دنت. فضيحة فضيحة فضيحة وبلادنا تستباح في كل أركانه. الله يأخذهم هؤلاء الحقيرين الذليلين ويريحنا منهم...

قال حادث حركة آل...

Quote: ناس تلفزيون السودان قالوا الموضوع حادث حركة بين عربة صالون وصاروخ مجهول الهوية في بورستودان

أكيد الصاروخ غلطان.

يا جماعة في شوارع مخصصة للصواريخ؟

http://www.youtube.com/watch?v=dBYb8twTm50

مدحت مسكاقمي

لا حول ولا قوة إلا بالله..! إنت قدرت تقرا الكلام الفارغ دا وتتحملو كيف!!ياخي دا مرض عديل .. غيتو أنا بفتي بضمير مرتاح إنو الزول الحرر الكلام دا راتبو ما حلال.. ياخ دا شنو دا! إنا لله

Quote: : قصفت طائرة مجهولة الهوية في تمام الساعة التاسعة مساء الثلاثاء 5 أبريل سيارة بمنطقة كلانيب التي تبعد عن بورتسودان (14) كيلو متر على الطريق الرئيس المؤدي إلى المطار وأودت بحياة شخصين كانا يستقلان عربة سوناتا مما أدى إلى تفحم جثامينهما. وعلمت (smc) أن الدفاعات الجوية ردت على الطائرة بنيران كثيفة اضطرتها الهروب من الأجواء السودانية غير أنها لم تحدد هويتها لكنها أكدت أنها طائرة أجنبية. وقال مصطفى مندر نائب الدائرة (10) القومية في تصريح لـ(smc) إن الطائرة ظلت تتابع العربة حتى قصفتها موضحاً أن شهود عيان كانوا يتابعون الطائرة حتى قصفت السيارة. وقال إن المنطقة معرضة للاستهداف، مستشهداً بالحادثة التي حدثت في المنطقة قبل ذلك والتي راح ضحيتها الكثيرين من أبناء تلك المناطق. ونفى مندر بشدة أن تكون المنطقة معبراً للسلاح وطالب جهات الاختصاص بالتحري والتقصي لمعرفة مصدر الاستهداف.

ما يستفاد من السخف دا
١- إنو الكفاءات السودانية إستطاعت معرفة نوع السيارة
٢- أن الطيارة أجنبية وليست سودانية (متمردة مثلا)
٣- إن الطائرة المغيرة كانت تنوي أخذ قسط من الراحة بعد تنفيذ غارتها لولا نيران المضادات الكثيفة مما إضطرها للهروب بسرعة.
٤- جثامين الشهداء المغدورين تفحمت وبالتالي لم يتم التعرف عليها ولن... غيتو كل زول يفقد زولو إلين ما نعرف الغايب منو ... الله يتغمدهم بواسع رحمته وغفرانه

Quote: مدحت مسكاقمي لا حول ولا قوة إلا بالله..! إنت قدرت تقرا الكلام الفارغ دا وتتحملو كيف!!ياخي دا مرض عديل .. غيتو أنا بفتي بضمير مرتاح إنو الزول الحرر الكلام دا راتبو ما حلال.. ياخ دا شنو دا! إنا لله

الشفيع
مسكاقمي ياخي
والتحية لكل المنتدين.

ياخي قاعدين نشوف ونقرا العجب من الناس ديل!!!!!
اعلامهم كلو دجل وكضب و###### ...

لا يقبل العقل ان تقتل حكومة ما شعبها و تسير (الجيوش المجاهدة )لحصد الارواح البريئة باسم الله و باسم دينه... ثم تعجز نفس هذه الحكومة عن منازلة عدو خارجي حددت مكانه وهو اسرائيل ... !! يا ناس الحكومة اختشوا شويه ام ان وجوههكم مجلدة ... يا للبؤس...

Quote: لا يقبل العقل ان تقتل حكومة ما شعبها و تسير (الجيوش المجاهدة )لحصد الارواح البريئة باسم الله و باسم دينه... ثم تعجز نفس هذه الحكومة عن منازلة عدو خارجي حددت مكانه وهو اسرائيل ... !! يا ناس الحكومة اختشوا شويه ام ان وجوههكم مجلدة ... يا للبؤس