Post: #1 Title: سلام يا أهل سودانيس Author: ثروت سوار الدهب Date: 03-28-2011, 09:46 PM
أشتقت حتى للظلامي الفامباير عماد موسى محمد
تحاياي جميعا
Post: #2 Title: Re: سلام يا أهل سودانيس Author: اسماء الجنيد Date: 03-28-2011, 09:50 PM Parent: #1
ألف ألف حمد الله على السلامة عودا حميدا والله
Post: #3 Title: Re: سلام يا أهل سودانيس Author: محمد عبد الماجد الصايم Date: 03-28-2011, 09:52 PM Parent: #2
حمد لله على السلامة يا حبيب
Post: #4 Title: Re: سلام يا أهل سودانيس Author: محمد عبد الماجد الصايم Date: 03-28-2011, 09:53 PM Parent: #3
وحمد لله مرة تانية
الأولى للخروج من المعتقل والتانية للعودة إلى البورض!
Post: #5 Title: Re: سلام يا أهل سودانيس Author: haroon diyab Date: 03-28-2011, 09:53 PM Parent: #2
ياخي نورت البلاد والعباد
سلامات واشواق بالكوم
وبالجد.....
الشوق بحور ماليها حد ماليها قيييييييييف
Post: #6 Title: Re: سلام يا أهل سودانيس Author: Mustafa Mahmoud Date: 03-28-2011, 09:54 PM Parent: #5
Post: #7 Title: Re: سلام يا أهل سودانيس Author: haroon diyab Date: 03-28-2011, 10:01 PM Parent: #6
اهداء خاص ياحبيبنا
Post: #8 Title: Re: سلام يا أهل سودانيس Author: ياسر بيناوي Date: 03-28-2011, 10:09 PM Parent: #7
يامراحب والله مشتاقين يا فردة
خالص الود
Post: #9 Title: Re: سلام يا أهل سودانيس Author: Abd Alla Elhabib Date: 03-28-2011, 10:18 PM Parent: #8
ألف حمـدا لله علي سلامتك وسلامـة أخوانك وأخواتك يا ثروت وشكـرا كبيرا لكم وأنتم تفدون السودان وأهـله ... تقبل التهاني بالسـلامة من الشباب بفانكوفـر.
Post: #10 Title: Re: سلام يا أهل سودانيس Author: محمد مكى محمد Date: 03-28-2011, 10:22 PM Parent: #9
ألف حمد الله على السلامة
Post: #11 Title: Re: سلام يا أهل سودانيس Author: مها عبد الله Date: 03-28-2011, 10:27 PM Parent: #10
الفاضل ثروت سوار الدهب ، نحمد الله علي عودتك بالسلامة وخروجك من المعتقل .
Post: #12 Title: Re: سلام يا أهل سودانيس Author: بهاء بكري Date: 03-28-2011, 10:39 PM Parent: #11
ياثروت غيابك ده من الاعتقال ولا بكري ده رفدك حمدلله علي السلامة ومشتاقين والله
Post: #13 Title: Re: سلام يا أهل سودانيس Author: Yassir Tayfour Date: 03-28-2011, 10:45 PM Parent: #12
حمداً لله على السلامة يا ثروت.. ___ طمنا عليك يا رجل!
Post: #14 Title: Re: سلام يا أهل سودانيس Author: ثروت سوار الدهب Date: 03-28-2011, 10:53 PM Parent: #12
يا اهل الربع كانت لحملتكم في المنبر و منها للعالم بالغ الآثر في تخفيف وطء الإعتقال و العسف و الظلم. لقد كنتم حاضرون في التحقيقات بقوة و كأنكم تشدوهم من الخلف و كأنكم تغلوا اياديهم عن الإيذاء و افواههم عن البذاءة و العنف اللفظي. فالشكر لكم جميعا.
Post: #15 Title: Re: سلام يا أهل سودانيس Author: Tragie Mustafa Date: 03-28-2011, 11:16 PM Parent: #14
يا ثروت منور يا اخي
والف حمد على سلامتك.
وبركه الشفناك طيب.
والله ما بتصدق طارنك قدر شنو؟؟؟
البارحه انا في انتخابات ال NDP متذكراك في سري
وقلت ارجع اكتب لي بوست اقول يا بكري مش عشان السودان
وبس رجع لينا ثروت للانتخابات الكنديه قربت
وما احوجنا لتحليلاته العميقه؟؟!!
اها يا حبيب
عمك استيف هاربر سقطوا حكومته
ونحن بصدد انتخابات مبكره في مايو.
اها بالله فتش درب صوتك وين ولن نقبل غيابك عن انتخاب حكوماتنا القادمه.
يا عمك هاربر ولع لينا البد نار منقد بس.
غلاء طاحن ولسه عايز يربطنا احزمه على البطون قربت تنقطع.
ولا اقول لك ما ترجع يا زول وننزلك نائب مستقل وحاتك بتفوز.
يا حبيب شح كوادر قرب يخلينا نشحت كفآت اجنبيه.
واجناسيس الليبرالي مشنف ريقنا هنا.
تعال شوف ليه شغله يا فك فيه عادل عبد العاطي(هههههه)
تقبل تحيات
حيدر حماد واحمد عثمان
ايام اعتقالاك عملوا لي غاغا وكانوا ناوين يعلموا الكثير
لكن ربك ستر وام العيال الرائعه ما قصرت كانت بطمأنا انها عملت كل البتعمل.
يا حبيب نحن الانقاذ دي حسه ثأرتنا زادت تجهاها فوق انك زميل منبري انت مواطنا كندي.
ثاني خليهم يبقوا رجال يهبشوك.
لك علي اجيب كل النتيف و المهوك و الهنود الحمر ونجيهم.
هم فاكرنك هام ولا هامل؟؟!!
يمين سنجك لك ضل وهندي احمر عديل كده.
اها يا حبيب شفت العالم اتخجه كيف؟؟؟
اها بمناسبة التغيرات العالميه نعتقد انه حتى منبر بكري
سيستير وستختفي مسانجرات الخوافين بورداب السعوديه و الوهابين
الكل شويه الحق يا بكري البوست ده بيقفل الموقع في السعوديه
السعوديه تحجب شنو وتخلي شنو مع سنومي الاستناره البيقتلع في كل حاجه ده؟؟؟
في الاسكاي رافع القزاز دائما استني لي انت.
Post: #16 Title: Re: سلام يا أهل سودانيس Author: bakri abdalla Date: 03-29-2011, 00:04 AM Parent: #15
حمدلله على السلامة يا صديق وبركه الشفناك ...بهذه المناسبة نهديك أغنية يا ملك لصلاح ابن البادية مالك عظيم يا زوووووول
Post: #17 Title: Re: سلام يا أهل سودانيس Author: b_bakkar Date: 03-29-2011, 00:43 AM Parent: #16
يا عزيزي ثروت الف حمدا لله على السلامة مرة أخرى وأهلا بيك في البورد وتحياتي إلى كل الرفاق بطرفكم غدا تشرق الشمس وينجاب الظلام
Post: #18 Title: Re: سلام يا أهل سودانيس Author: فيصل عثمان الحسن Date: 03-29-2011, 01:02 AM Parent: #17
العزيز ثروت تحياتى وألف حمدا لله على السلامة , شلنا همك يا رجل رغم انك قدر المصائب والبلاوى , سعيد بعودتك للمنبر .
Post: #19 Title: Re: سلام يا أهل سودانيس Author: ثروت سوار الدهب Date: 03-29-2011, 01:06 AM Parent: #17
تحياتي عزيزتي أسماء
انت منورة دائما
Post: #20 Title: Re: سلام يا أهل سودانيس Author: ثروت سوار الدهب Date: 03-29-2011, 01:11 AM Parent: #19
الرائع محمد الصايم الله يسلمك تربيع اتراك ناقش الحاصل
....... انت ما تودي صورتك التاريخية دي ناشونال جيوغرافيك احتمال الله يتوب عليك من غم البورد دا و ترتاح. علا قول لي يا حبيب بصورتك دي بشيل الفاتحة كيفن في المنبر دا؟.
Post: #21 Title: Re: سلام يا أهل سودانيس Author: ثروت سوار الدهب Date: 03-29-2011, 01:19 AM Parent: #20
حبيبنا هارون اليك جل الشكر و الامنتنان و لا غشاك شر
تشكر على حسنك امر بتعرف للمواجع كويس. ........... اها كاويت الناس طبعا طلعت زيتهم يوم المباراة البدون جمهور. انا ابيت اجي لافي بجنب الكمبيوتر عشانك موش كمان افتح البورد.
Post: #22 Title: Re: سلام يا أهل سودانيس Author: ثروت سوار الدهب Date: 03-29-2011, 01:23 AM Parent: #21
Post: #23 Title: Re: سلام يا أهل سودانيس Author: ثروت سوار الدهب Date: 03-29-2011, 01:26 AM Parent: #22
ياسر يا حبيب ما تجني ياخ الحلفاية بعيدة؟ تسلم عزيزي
Post: #24 Title: Re: سلام يا أهل سودانيس Author: ثروت سوار الدهب Date: 03-29-2011, 01:29 AM Parent: #23
الاستاذ عبدالله الحبيب اشكرك و اتمناك كل خير
Post: #25 Title: Re: سلام يا أهل سودانيس Author: ثروت سوار الدهب Date: 03-29-2011, 01:37 AM Parent: #24
الله يسلمك استاذنا محمدمكي محمد تحاياي و الشكر الجزيل
Post: #26 Title: Re: سلام يا أهل سودانيس Author: ثروت سوار الدهب Date: 03-29-2011, 01:43 AM Parent: #25
الاخت مها عبدالله اشكر مرورك تقبلي امتناني
Post: #27 Title: Re: سلام يا أهل سودانيس Author: ثروت سوار الدهب Date: 03-29-2011, 01:48 AM Parent: #26
عزيزنا بهاء بكري تشكر يا صديق و الله .... يعني لازم تحرجونا
Post: #28 Title: Re: سلام يا أهل سودانيس Author: ثروت سوار الدهب Date: 03-29-2011, 01:57 AM Parent: #27
ياسر طيفور وين يا مان ضارب الزيفة و الليل الطويل في ترونتو و لاه اتخارجت من كرش الفيل؟ تسلم يا حبيب و مشتاقين
Post: #30 Title: Re: سلام يا أهل سودانيس Author: ثروت سوار الدهب Date: 03-29-2011, 02:36 AM Parent: #28
تراجي يا جلابية ما تعرفي تكتبي ليك كلمتين زي الناس لازم تتعبيني اخبارك شنو تسلمي و تشكري اول حاجة قول لي هاربر سقط كيف في جمعة مباركة او جمعة غضب ام جمعة رحيل ام جمعة كرامة؟ قروشو في البنوك كيف و وين و كمهن؟ هل خرجتم عليه من صلاة الجمعة ام زحفتم عليه مدينة مدينة شارع شارع بيت بيت و زنقة زنقة؟ لو سقط سقوط فقدان الثقة في البرلمان في تشريع رئيسي او بالصدفة(احيانا يحدث فقدان الثقة في التصويت و بعض النواب الحكومة في الكافتريات) فدا ما تبعنا, نحن بقينا اولاد شوارع و ناس صعاليق و خارجين عن القانون و مطلوبين للعدالة. و متهمين بمحاولة تقويض النظام الدستوري(شوفي النظام الدستوري) عارفة كندا دي محكومة بدستور اسمه لائحة شمال امريكا من زمن العسكري الفي علبة الماكنتوش داك. و الغريبة انه الدستور دا ما مكتوب. عشان الفوضى دي لازم يسقط, و عشان هنا في السودان ما عندنا فوضى و مسخرة و عندنا نظام دستوري عمر البشير بقعد عشرين سنة براحة ما بسلمها الا لعيسى (و بشايفو دا عيسى ذاتو ببيت في موقف شندي) قلت لي الموهاك و النيتف و الالقينكوين ياخي ياريت! جيبي الموهاك ديل براهم كفاية. ديل لمن يقوموا بيجيبوا ليهم الجيش الكندي و الجيش ما بقدر عليهم زاتو. غايتو الا الحكومة الكندية تتعلم من القذافي ضرب المدنيين بالطيران. و لاه لو مشيتي لاهلك الاميركان لفت لينا شوية قبائل اباتشي من النوع البركب الحصان بدون سرج يكون كويس.(طبعا مسمين عليهم الهيلكوبتر المضادة للدروع) تحياتي و مشتاقين تحياتي للاخوان حيدر واحمد و اشركهم جزيلا عني و الاسرة.
و اواصل
Post: #51 Title: Re: سلام يا أهل سودانيس Author: EL fahal Abdelatif Date: 03-29-2011, 04:29 PM Parent: #30
حمد الله وسلامة يا ثروت
Quote: عمر البشير بقعد عشرين سنة براحة ما بسلمها الا لعيسى (و بشايفو دا عيسى ذاتو ببيت في موقف شندي)
الحكاية وببساطة الشعب السودانى مافاضى ..الناس قدامن افلام عربية بث مباشر من تونس -القاهرة -طرابلس-صنعاء-المنامة-دمشق!! خلى الافلام العربية دى تهدا شوية او تقيف!! كنت اقول لبعض الاصدقاء ان مزاجنا ليس عربيا ووجداننا لبس عربيا فلا تتمنو على الناس الوقوف فى طابور الحراك العربى(ليس لهذا علاقة بحكاية الثورة لا تتجزا) *************** مثلا دخول بعض الثوار من حملة السلاح للخرطوم فى هدوء مصافحين للنظام فى غمرة هيجان الشوارع العربية ؟ دعنى اقول انهم رصيد للاتى من الحراك الثورى ومن الداخل !! ******************* الثورة السودانيةالقادمة لبست مظاهرات يلتقط فتاتها مرافعين السياسة (صادق --ترابى-نقد-ميرغنى).وانما هز عنيف لتركيبة الثقافة السودانية و عمليات جراحة لمجموعات قيم وزراعة قيم اخرى . طابور الثورات العربية الراهنة ليس بعمق وتناقض وفداحة الواقع السودانى .لذلك فاننا لا نشبههم فى المقارنة بمردود التغيير الذى نريد.ولا بمكونات الحراك اللازم لاحداث التغيير. (مثلا الانترنت ليس كافيا للتعبئة -نسبة ضخمة وفاعلة من الشعب السودانى ليس لهم تسهيلات التواصل عبر الكمبيوتر )
لا تياس اخى ثروت لقد ساهمتم فى تيراب الثورة ولكم التقدير الى الامام
Post: #29 Title: Re: سلام يا أهل سودانيس Author: Salwa Seyam Date: 03-29-2011, 02:00 AM Parent: #27
ألف حمد لله على السلامة
Post: #31 Title: Re: سلام يا أهل سودانيس Author: آدم صيام Date: 03-29-2011, 02:56 AM Parent: #29
أوبسسسسسسسسسسسسسس
الظلامي ثـــــروت حمداً لله على السلامة خرجت من الظلمة الضيقة إلى الظلمة الواسعة يا صديقي
Post: #32 Title: Re: سلام يا أهل سودانيس Author: طلعت الطيب Date: 03-29-2011, 04:16 AM Parent: #31
سلام يا ثروت اتمناك ألف خير
Post: #33 Title: Re: سلام يا أهل سودانيس Author: lana mahdi Date: 03-29-2011, 10:03 AM Parent: #32
أهلاً مليون مرحب بالغلباوي(: نورت المنبر بالجد
Post: #34 Title: Re: سلام يا أهل سودانيس Author: Amira Elsheikh Date: 03-29-2011, 10:32 AM Parent: #33
Post: #35 Title: Re: سلام يا أهل سودانيس Author: ثروت سوار الدهب Date: 03-29-2011, 11:37 AM Parent: #34
Quote: اها يا حبيب شفت العالم اتخجه كيف؟؟؟
اها بمناسبة التغيرات العالميه نعتقد انه حتى منبر بكري
سيستير وستختفي مسانجرات الخوافين بورداب السعوديه و الوهابين
الكل شويه الحق يا بكري البوست ده بيقفل الموقع في السعوديه
السعوديه تحجب شنو وتخلي شنو مع سنومي الاستناره البيقتلع في كل حاجه ده؟؟؟
في الاسكاي رافع القزاز دائما استني لي انت.
تذكرت يا تراجي صوت السيدة المصيرة في شعار الجزيرة: نشكر الجزيرة و نشكر تونس مافيش حوف تاني مافيش طلم تاني. هم السعوديين مستنيرين اكثر بعض الجماعة الملولين هنا ديل. بعدين قصة ويب سايت يتقفل دي بقت ما شغالة لانه الناس بتستخدم برامج تخطي و بتنفذ لمشاهدة ما تحب. في السودان اقرب بتاع عماري بيكون عنده برامج بوركسي مع التمباك. بس البقنع بكري منو؟
عشية 29 ياناير لقينا البورد مقفول بهئية الاتصالات في دقائق دخلنا البورد بسهولة شديدة بدون برامج سوفتويتر خاصة حتى. اول امبارح لقيت موقع بي بي سي العربية مقفول برضو دخلت. الافت للنظر انه الكثير من المواقع الاباحية غير محظورة هذه الايام! في تقديري ان غض الطرف متعمد عشان الشباب يتلهي و ما يمشي المواقع الخطرة زي فيسبوك و تويتر و سودانيساونلاين و ما شابه
بالمناسبة هيلري كيلنتون عقب نجاح الثورة المصرية قالت الإدارة الامريكة ستخصص 25 مليون دولار للمدونيين في ايران و كوبا و الصين و فيتنام ليتخطوا حواجز المنع الشبكية! بالله كلميها ترسل منها لجني و امثاله من بروداب السعودية اياهم عشان اضانا تبرد من الشكاوي و التحريض. معليش بالنسبة للاسكايب مرات بكون بعيد من الجهاز.
Post: #36 Title: Re: سلام يا أهل سودانيس Author: Asim Fageary Date: 03-29-2011, 11:57 AM Parent: #35
لك التحية ايها الزميل ثروت
وعبرك تحياتنا لكل الذين واجهوا القمع والسجن والتعذيب
عوداً حميداً
عاصم فقيري
Post: #37 Title: Re: سلام يا أهل سودانيس Author: عبدالأله زمراوي Date: 03-29-2011, 12:13 PM Parent: #36
العزيز الحبيب ثروت...
لا تعرف كيف نشتاق إليك ونثمن وجودك معنا بقلمك الثاقب وتحليلاتك الرصينة. لك معجبون يعجبون بي عندما أقول لهم بأنك صديقي وهم يقيمون بالدوحة...
أقرأ لك بصفة شبه يومية وأستمتع حد الثمالة عندما أجد خيالك وقد شطح بعيدا، وكأنك شاعر مجيد يكتب بلغة النثر....
مرحبا وحمدا لله على السلامة، إنهد كتف المقصلة والشعب بي أسرو إندلع قرر ختام المهزلة...
Post: #38 Title: Re: سلام يا أهل سودانيس Author: yumna guta Date: 03-29-2011, 12:28 PM Parent: #37
اخي و صديقي ثروت منور البورد كله
حمد الله بسلامة العودة !!!
بس اديني الامارة عشان اتأكد انو ده انت ما الهاكر هههههههههه
Post: #39 Title: Re: سلام يا أهل سودانيس Author: ثروت سوار الدهب Date: 03-29-2011, 12:31 PM Parent: #36
عزيزي و رفيقي بكري هل تذكر يوم جادلنا الشرطية اخر الليل في سفن الفين في شارع كوين؟ لا دقونا لا سجنونا.عاشت سيادة القانون و الحقوق الدستورية. افتقتك كثيرا
Post: #40 Title: Re: سلام يا أهل سودانيس Author: ثروت سوار الدهب Date: 03-29-2011, 01:50 PM Parent: #39
عزيزي بشير بكار تقبل تحياتنا و تحيات رفاق الهم و غدا افضل
Post: #63 Title: Re: سلام يا أهل سودانيس Author: ثروت سوار الدهب Date: 03-30-2011, 11:35 AM Parent: #36
Quote: لك التحية ايها الزميل ثروت
وعبرك تحياتنا لكل الذين واجهوا القمع والسجن والتعذيب
عوداً حميداً
عاصم فقيري
تحية أيها الرفيق العزيز عاصم فقيري و التحية لهؤلاء الشجعان نساء و رجال فهم لهم شأن في المقبل من الايام و اي شأن. فيهم الصغير الذي تكاد تساله: يا ولد انت امك عارفاك هنا؟ و فيهم الشيخ الوقور. فيهم إئمة مساجد و رجال الأعمال و تجار مواشيي و طلبة و أطباء و صحفيون و حرفيون و مظفون و عمال. فيهم من يسكن الاكواخ و فيهم من يسكن القصور و الكل سكن السودان في قلبه. كانوا من جهات السودان الاربع. كانوا من مختلف الشرائح و كأنهم عينة إجتماعية اختيرت بدقة. ليتني كنت استطيع إلتقاط صورة تذكارية. فهم ملحمة من الصمود و الإيمان. منهم من خرج و منهم من ينتظر. يا زول السودان لسه بخير. تحياتي لهم اين ما كانوا و أين ما حلوا تحياتي لك و وافر الشوق
Post: #41 Title: Re: سلام يا أهل سودانيس Author: حمزاوي Date: 03-29-2011, 01:52 PM Parent: #1
الـــ1000ــف حمد الله على السلامة اخوي ثروت ودي ضريبة الوطن والله رفعت رأسنا انت واخونا محمد عادل لا بد من صنعاء وان طال السفر
Post: #42 Title: Re: سلام يا أهل سودانيس Author: حبيب نورة Date: 03-29-2011, 02:09 PM Parent: #41
عوداً حميداً يا ثروت
جيداً جيت
Post: #43 Title: Re: سلام يا أهل سودانيس Author: doma Date: 03-29-2011, 02:32 PM Parent: #42
ثروت يا اخي اشواق ما ليها حد تعال عليك الله الايام دي روحنا بلغت الحلقوم تعال فشنا فيهم شويه بالله كلهم من طرف هردبيسه ساكت يا اخي غايتوا رجوع بكري الجاك يمكن يعدل المزاج شويه الولد دا ما هين ما عارفه لو بتقرا ليهو ولا لا ؟؟
Post: #44 Title: Re: سلام يا أهل سودانيس Author: ثروت سوار الدهب Date: 03-29-2011, 03:03 PM Parent: #43
فيصل عثمان الحسن بارك الله فيك و بنفسكم نعيش و نحيا و نتصر
تحياتي يا نبيل
Quote: العزيز ثروت تحياتى وألف حمدا لله على السلامة , شلنا همك يا رجل رغم انك قدر المصائب والبلاوى , سعيد بعودتك للمنبر .
Post: #45 Title: Re: سلام يا أهل سودانيس Author: ثروت سوار الدهب Date: 03-29-2011, 03:17 PM Parent: #44
الاخت سلوى صيام تشكري على المشاعر الطيبة
سلامات
Post: #46 Title: Re: سلام يا أهل سودانيس Author: مامون أحمد إبراهيم Date: 03-29-2011, 03:27 PM Parent: #45
ألف حمد على السلامة ياثروت
Post: #47 Title: Re: سلام يا أهل سودانيس Author: عبد المنعم سيد احمد Date: 03-29-2011, 03:53 PM Parent: #46
مرحبا بك وبعودتك الصامدة ستتهاوى عروش الظلم والاستبداد اهلا بك مرة اخرى استاذ ثروت
Post: #48 Title: Re: سلام يا أهل سودانيس Author: الشامي الحبر عبدالوهاب Date: 03-29-2011, 04:00 PM Parent: #47
عودا حميدا والف حمدا لله علي السلامة
Post: #49 Title: Re: سلام يا أهل سودانيس Author: أحمد الشايقي Date: 03-29-2011, 04:12 PM Parent: #48
حمداً لله على السلامة يا أخ ثروت
نضال حقيقي ومش كيبوردي,
ارقد عافية
أحمد الشايقي
Post: #50 Title: Re: سلام يا أهل سودانيس Author: ثروت سوار الدهب Date: 03-29-2011, 04:15 PM Parent: #47
Quote: أوبسسسسسسسسسسسسسس
الظلامي ثـــــروت حمداً لله على السلامة خرجت من الظلمة الضيقة إلى الظلمة الواسعة يا صديقي
اوبسسسسسسس آدم صاحب الجبلة الأسطورية منك يشع الضياء يا عزيز و لذا صممنا القرب منك و أهلنا ساكني الاكواخ يسكنون في وجدانك. نانسي ما اروعها و يوم شكرك و شكرها ما يجي. تحياتي يا مستنير
Post: #52 Title: Re: سلام يا أهل سودانيس Author: Kostawi Date: 03-29-2011, 04:33 PM Parent: #50
Welcome back
Post: #53 Title: Re: سلام يا أهل سودانيس Author: د.محمد بابكر Date: 03-29-2011, 05:26 PM Parent: #52
حمد ا لله على السلامة ...
Post: #54 Title: Re: سلام يا أهل سودانيس Author: ثروت سوار الدهب Date: 03-29-2011, 05:28 PM Parent: #52
طلعت
كم تمنيت بقاءك رغم انف التفكير الرغبوي اراك في فجر أبلج انشاءالله
Post: #55 Title: Re: سلام يا أهل سودانيس Author: متوكل الحسين Date: 03-29-2011, 09:42 PM Parent: #54
مرحبا بالأخ العزيز ثروت -خريج الحراسات و الزناين ..
والله يا ثروت ، أظن تبيعتك مدفونة فى حوش بكري دا ، لأنو رقم غياب مشاركاتك إلا أن ذكراك كانت دائمة هنا . متعك الله بالصحة والعافية أنت و أهلك الأخيار .
متوكل
Post: #56 Title: Re: سلام يا أهل سودانيس Author: Balla Musa Date: 03-29-2011, 09:55 PM Parent: #55
Quote: كلهم من طرف هردبيسه ساكت
حتى ود عوج الدرب والمكاشفى والرقيق يا دومة ؟؟*
_____________________________ ثروت كيفك ياخى تضرب المثل بعماد موسى وهو من آكلى البيرقر؟؟
Post: #59 Title: Re: سلام يا أهل سودانيس Author: نيازي مصطفى Date: 03-30-2011, 05:51 AM Parent: #1
ألف1000 حمدلله على السلامة
Post: #60 Title: Re: سلام يا أهل سودانيس Author: فيصل محمد خليل Date: 03-30-2011, 06:41 AM Parent: #59
يضربهم الضريب شقاق العناقريب
قالوا ليك شنو ؟
____ عوافي
Post: #61 Title: Re: سلام يا أهل سودانيس Author: ثروت سوار الدهب Date: 03-30-2011, 10:43 AM Parent: #60
سلام يا صاحب مشتاقين شديد كيفنك و يعقوب و الوليد غلباوي انا يا لنا و لاه انت العلمانية و قاعدة في وسط حزب الأمة انشاءالله انت تخشي على الإمام بالساحق و الماحق بركة ود حسونه سلام تاني يا صاحب
Post: #62 Title: Re: سلام يا أهل سودانيس Author: ثروت سوار الدهب Date: 03-30-2011, 11:04 AM Parent: #61
عزيزتي امير سلامات في الحقيقة جهاز الامن و المخابرات كان مهتم بأن لا نمارس نشاط يقوض النظام الدستوري! و الدستور طبعا لا يسمح بالكلام او التعبير او الاحتجاج. طبعا اول مرة اعرف انه السودان فيه نظام دستوري. فاليعذروا جهلي. كنت اعتقد انه نظام ساي. اما التعهد فقد تكفلت به إدارة منبرنا العامر مع بعض المجموعات الإنصرافية التي مهنتها في السعودية تصفح الانترنيت و اسمهم مغتربين و شغالين. بالتعاون مع بعض المهاويس و طيور الظلام و الفانبايرس. فتم توقيع التعهد إنابة عني بدون حضور محامي من طرفنا. فتعهدنا في صمة خشمنا. تحاياي و اشكر فيك الهمة و الوقوف عند الحق.
Post: #64 Title: Re: سلام يا أهل سودانيس Author: ثروت سوار الدهب Date: 03-30-2011, 01:56 PM Parent: #62
Quote: العزيز الحبيب ثروت...
لا تعرف كيف نشتاق إليك ونثمن وجودك معنا بقلمك الثاقب وتحليلاتك الرصينة. لك معجبون يعجبون بي عندما أقول لهم بأنك صديقي وهم يقيمون بالدوحة...
أقرأ لك بصفة شبه يومية وأستمتع حد الثمالة عندما أجد خيالك وقد شطح بعيدا، وكأنك شاعر مجيد يكتب بلغة النثر....
مرحبا وحمدا لله على السلامة، إنهد كتف المقصلة والشعب بي أسرو إندلع قرر ختام المهزلة...
و اشتاقك و اشتاقك و يشتاقك وطن خرجت منه أنت و تربع عليه القاضي صاحب قد قدو و صاحب لبنى حسين يا مولانا بلد هذا قضاتها ليس لامثالك فيها نصيب. اطراءك اسكتني حد الوجوم. ساحمله لوحة ما حييت. فبشراي .تحياتي لاصدقائك الميامين و لك من الموده ضاعها الكبير. و شعب قادم و العصر عصر الشعوب.
Post: #65 Title: Re: سلام يا أهل سودانيس Author: ثروت سوار الدهب Date: 03-30-2011, 05:07 PM Parent: #64
Quote: اخي و صديقي ثروت منور البورد كله
حمد الله بسلامة العودة !!!
بس اديني الامارة عشان اتأكد انو ده انت ما الهاكر هههههههههه
سلام يا يمنى الامارة: الكبري الجديد الروحه في شارع مور القعدة في الخشم الراكوبة و كهربة قاطعة و ريم الامارة التانية خليها لضرورة
اشواقي يا قوتة
Post: #66 Title: Re: سلام يا أهل سودانيس Author: فارس موسى Date: 03-30-2011, 05:58 PM Parent: #65
يا مان قرمانين أديل كدا
ليك وحشه وفرقتك كبيره وبكانك زول واحد سد مافى .
انا ماشى الدوله العربيه الإسلاميه !إنشاءالله ما أفجغ لي افريقى هناك !
بقيتو تشتهو زمنا زمن نكفتك بس ونقلع كيس تمباكك وبليل نلاقيك فى محل الفول تملحنا فى البوش !
ياخى البوليس الجنبك ديل قول ليهم ول ابا دايركو بغادى لأنو برضو فى مهاولات لتفكيك المرابطين وتربيط المفكوكين !
خاصة حيدر حماد (الزول دا أنا إتعلمت من كراستو وأنينا جناير فى كلية البوليس عصرئذ!!)
بالنسبه للثوره السودانيه الزول البوردابى الشواف الفوق دا الإسمو الفحل عباللطيف اتفق مع كل ما قاله
حاره حاره زنكه زنكه فريق فريق حله حله .
مرحب بيك يا ثروتنا تانى
اقيفوا طوال
وارقدو عافيه .
التعديل لحرف القاف فى مفردة قرمانين .
Post: #67 Title: Re: سلام يا أهل سودانيس Author: ثروت سوار الدهب Date: 03-30-2011, 10:10 PM Parent: #66
سلام حمزاوي عساك بخير لم يطول السفر تجاه صنعاء
Quote: الـــ1000ــف حمد الله على السلامة اخوي ثروت ودي ضريبة الوطن والله رفعت رأسنا انت واخونا محمد عادل لا بد من صنعاء وان طال السفر
و الوطن يستحق اكثر
Post: #68 Title: Re: سلام يا أهل سودانيس Author: ثروت سوار الدهب Date: 03-31-2011, 11:27 AM Parent: #67
Quote: عوداً حميداً يا ثروت
جيداً جيت
حبيب نورة و حبيبنا
مشتاقين
لكن دايرين نشوف نورة ياخ
Post: #69 Title: Re: سلام يا أهل سودانيس Author: ثروت سوار الدهب Date: 04-06-2011, 12:05 PM Parent: #68
تاخر نقل البوست من الربع الاخير لربعنا الجاري فعذرا للمارين نواصل
Post: #70 Title: Re: سلام يا أهل سودانيس Author: مهيرة Date: 04-06-2011, 12:11 PM Parent: #69
حمداً لله على السلامة يا ثروت..
واجر وعافية
تحياتى
Post: #71 Title: Re: سلام يا أهل سودانيس Author: ثروت سوار الدهب Date: 04-22-2011, 11:26 PM Parent: #70
Quote: ثروت يا اخي اشواق ما ليها حد تعال عليك الله الايام دي روحنا بلغت الحلقوم تعال فشنا فيهم شويه بالله كلهم من طرف هردبيسه ساكت يا اخي غايتوا رجوع بكري الجاك يمكن يعدل المزاج شويه الولد دا ما هين ما عارفه لو بتقرا ليهو ولا لا ؟؟
دومة يا نبع من فكرة و محبة انتاشتني ضروب خبايا كنت اظن أن ما لها من طريق لمكن لي تحصنت الوهم باديا. جنيت محبتكم و الفخار و لي العذر لو تصدقيني
اقرا بكري الجاك و إن لم أفعل فانا اجوف معرفة او مرتاع بها لا يفصح.
تحاياي
Post: #72 Title: Re: سلام يا أهل سودانيس Author: ثروت سوار الدهب Date: 04-23-2011, 00:19 AM Parent: #71
جمال أحمد إبراهيم جميل محياك الحمد يا أخي
سلامات
Post: #73 Title: Re: سلام يا أهل سودانيس Author: ABDALLAH ABDALLAH Date: 04-23-2011, 00:21 AM Parent: #71
Quote: تاخر نقل البوست من الربع الاخير لربعنا الجاري فعذرا للمارين نواصل
واصـل يا حــبيب وألـف حـمـدلله عـلى سـلامتك بعـد تجـاوزك لبواطـن الأذى بس قـول يا ودحســونه من البعادونا...
