يا تراجى حركات دارفور هى من تعج بالانتهازيين الحقيقين وليس الحركه الشعبيه

تراجى سلام

وماذا عن انتهازيه من يقودون حركات دارفور ويتاجرون بعذابات اهلها من اجل امجاد شخصيه والتنقل بين اجنحه فنادق الخمس نجوم وانفاق عشرات الالاف من الدولارات فى زيجاتهم الملكيه وحساباتهم التى تصخمت فى بنوك اورباو عائلاتهم التى تقيم فى ارقى الضواحى فى مدن العالم المختلفه

احترم الشعب السودانى (جون قرنق ) واستقبلته الملايين هو ورفاقه لانهم كانوا صادقين وافنوا زهره شبابهم فى الاحراش واراهن ان ذلك لم يحدث عندما ما عاد منى اركاوي ولن يحدث اذا عاد السيسي او دريج او عبد الواحد.

استثى مناضلى العدل والمساواة لمواقفهم المبدئيه رغم تحفظى على تاريخ قياداتها

بالله يا ناظم؟؟؟

وحياتك ما كنت عارفه اولا

انه قطاع الشمال بقى ملك حر لكم عشان تتفكر ممكن تصادر حقي في نقده.

اولا انت شيوعي

اها جاي من ياتو منطق تدافع عن انتهازيه قطاع الشمال؟؟؟؟؟

من مشتعطبي المركز النطوا في القطار ده؟؟؟؟

اهي القارابات ولا الصداقات تعتقد هي دافعك؟؟؟ام الجهويه؟؟؟؟


ثانيا:

حركات دارفور ديل لو عايز تنتقدهم ما تنتقدهم

هم بقوا باقي ورثة ابوي انا ولا شنو؟؟؟

بتعنون البوست باسمي ليه؟؟؟؟؟


ثالثا:

عايز قوائم باسماء الجلابه المتجدعين برضو في الفنادق وانشأوا المنظممات باسم دارفور ومنهم شيوعين كثار ولا آخير نسكت؟؟؟؟

رابعا:

منو قال لك ما قاعدين نسلخ انتهازية حركات درافور برضو؟؟؟؟

لكن تخيل وقتها ما بتقروا لينا ما بطيخ يسكر بعضوا (غرابه في بعض مش كده) ياهو فهمكم؟؟!!




الجلبنه دي عملت ليها ريش كما يبدو و جذور
ومؤسسات ولوبيهات.....والا فماهو دافع مثل هذا البوست.


وبعدين تراجي دي وقت القباحه و السؤال عن انتهازية دارفور يزروها هي(الجلابه)

وقت انكار انها ماهي من دارفور كما يتدشق (المتجولب)هاشم نوريت و الجلابي الحاج وراق بباس ورد عبد المنعم سليمان
برضو الجلابه هم من يقودون هذا النمط من النقد......





ولسه يا زميل برجع لك......تحياتي للمدام.

هذا هو البوست الذي دعة ناظم للكتابة هذا البوست.
سيطرة (انتهازية قطاع الشمال) الجديد و(جزاء سنمار) ل(مخضرمي الحركه الشعبيه)!

تراجى سلام

اول حاجه عايزك تفهميها انا عضو حزب نفسي ليس بشيوعى ولا حركه شعبيه

وان كنت اقدر نضالات الشىوعيين و الحركه الشعبيه

لااحترم ذهنية القطيع ولا الذين عقولهم فى اذانهم

مستقل برايئ كما تعلمت

فعلا قراءت البوست بتاع قطاع الشمال والحديث عن الانتهازيه فى الحركات وفى ذهنى موضوع من زمن عن الانتهازيين الذين ركبوا قطار الحركات الدارفوريه لتحقيق امجاد شخصيه

الخلاصه سبب توجيه البوست لك هو انك اعلى الاصوات فى المنبر مدافعا عن اهل دارفور وفى لحظه اعتبرتك زوله (حقانيه)

الحركات الدارفوريه مليئه بالانتهازيين وكشفهم طريق ملئ بالالغام للابتزاز واعتبار انفسهم (بقره مقدسه).

تذكرتك اليوم يا ناظم وانا اسجل نقدا لبعضهم

ولكن كالعاده بتكون ما منتبه لفجيخ البعمل فيه ده

حاضع لك اللينك عشان تبقى شاهد بس!

Quote: الحركات الدارفوريه مليئه بالانتهازيين وكشفهم طريق ملئ بالالغام للابتزاز واعتبار انفسهم (بقره مقدسه).

لا قداسه لاحد عندي.

اسلخوهم زي ما بسلخهم انا

بس للاسف انتو بتسلخوا فكريا مش سلوكيا.

يعني زول زمته الماليه لو فاسد وعلماني بتقبلوا بيه

وعايزننا نسلخ النظيف بحجة انه يميني او اسلامي.

اها انا بالعكس النظافه الماليه عندي اهم من الميول الفكريه.

تابع هذا البوست

وما يفوت عليك كمال الصادق الوجهته ليه نقد ده ابن خالتي

و الصادق زكريا للاسف شيوعي دارفوري ما كنا اتوقع ان يقودوا عفنا مثل هذا؟؟؟

ياللعار : مدير راديو دبنقا يجتمع بـ أمين حسن عمر بالدوحة.

وعشان ما نظلم يا ناظم

هؤلاء لم يلغفوا الراديو

فقط نعني بانه عشان مرتباتهم وعشان ما يخسروا مخصصاتهم

ولكن ليس لانهم لغفوا ميزانيه ولا حاجه!!

هؤلاء قبلوا بالخواجا المنبطح للنظام مؤخرا!

الأخ العزيز ... و الزميل المحترم


ناظم إبراهيم ..


قبل أن تنتقد حركات دارفور بكل علّاتها هل تعتقد أن الحركة الشعبية مارست أسوأ الإنتهاكات لحقوق الإنسان لايفوقها إلا شريكها فى الحكم

المؤتمر الوطنى!؟

لو بقيت حركات دارفور بكل ما فيها من عيوب لسنوات عددا ، فلن تفعل ما فعلته الحركة الشعبية .

لو أردت الحقيقة أسألهم ، شرط أن يأتى ممثل منهم يجيب على بعض الأسئلة .

إختلفت مع تراجى من قبل ، و سوف أختلف معها فى القريب ، لكن تبقى الحقائق حقائق .

لا يفوق الحركة الشعبية فى إنتهاك حقوق الإنسان إلا شريكها المؤتمر الوطنى !

و أم الك .. ل .. ب

بعشوم حسب المثل

مع تقديرى و إحترامى لك .

تراجى سلام
حقيقه يا تراجى من يستحقون الاحترام هم من يحملون البندقيه ويرابضون مع اهلهم او من هم موجوعين حقيقه بمعاناة اهلهم

شيوعية الصادق ذكريا دى اول مره اسمع بيها لانو عاصرنا بعض فى المغرب

تراجى ارجو التاكد تماما من صحة المعلومه قبل اتهام هؤلاء الشباب

العزيز عبد الرحمن

تحيه وتقدير

حقيقه لى رائ سابق فى انعدام الشفافيه داخل الحركه الشعبيه وحدوث اقصاء لكثير من الفصائل

رحيل القائد جون قرنق احدث هزه فى مبادئ الحركه