Post: #1
Title: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 01:41 PM
Parent: #0
نشر بتاريخ April 5, 2011
(حريات خاص) اشترى على كرتي- وزير الخارجية – فندق قصر الصداقة ببحري بمبلغ (85) مليون دولار ، دفع منها نقداً (55) مليون دولار ، على ان تقسط بقية المبلغ (30) مليون دولار على مدى ستة أشهر فقط . والفندق من أملاك المحتال السعودي جمعة الجمعة المسجون في السعودية حالياً بعد ادانته بالنصب والاحتيال ، وقد جذبه للاستثمار في السودان – هو والنصاب الآخر بن خرباش ، من الامارات العربية المتحدة ، والمسجون ايضاً الآن بتهم الاختلاس – مناخ الفوضى وغياب سيادة حكم القانون في السودان ، واستقطبهما بصورة مباشرة عبد الله حسن احمد البشير – أخ المشير البشير – كما اعترف بذلك في حواره مع صحيفة (السوداني) . وكان وزير شؤون مجلس الوزراء السابق الجنرال صلاح احمد محمد صالح يتابع اجراءات جمعة الجمعة وكأنه سكرتير خاص له ، وحين خرج من الوزارة تحول الى العمل علناً في استثمارات جمعة الجمعة . وبعد سجنه في السعودية عجز جمعة الجمعة عن سداد ما عليه من التزامات مالية للبنك العقاري السوداني ، وامهل فترة محددة لتوفيق أوضاعه ، وعندما أوشكت الفترة على الانتهاء عرض مدير أعمال الجمعة الفندق للبيع ، وتفاجأ حضورالحفل الفخيم الذي اقيم للصفقة ، بوزير الخارجية علي كرتي الذي دفع (55) مليون دولار لحظة توقيع عقد البيع ، وقسط (30) مليون اخرى لمدة ستة أشهر فقط. وشرع المالك الجديد كرتي في عمل اصلاحات فورية بالفندق لتدشين العمل به . وفي غياب الديمقراطية ، حيث لا يمكن فحص ادعاءات الحكام عن انفسهم ، وحيث لا مراقبة ولا مساءلة لهم ، لا يمكن سؤال كرتي من اين له بـ (85) مليون دولار يدفعها لقاء استثمار واحد من استثماراته !
|
Post: #3
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-05-2011, 01:47 PM
Parent: #1
| Quote: وحيث لا مراقبة ولا مساءلة لهم ، لا يمكن سؤال كرتي من اين له بـ (85) مليون دولار يدفعها لقاء استثمار واحد من استثماراته ! |
إذا تأكد شراءه فلا حاجة لسؤاله عن المبلغ فأكيد هو حراااااااااااااااااااااااااااااااااامي
بس على حريات تأكيد شراءه فقط ( دي صعبة كمان؟؟؟؟)
ما إبقى كل يوم حريات طالعة لينا بي خبر من مصدر موثوق و مرات خاص
تأكيد الشراء ما صعب على جريدة بتنشر أخبار زي دي.
.
|
Post: #4
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 01:59 PM
Parent: #3
ابوالحسين
هو المثبت حصل فيهو شنو؟
|
Post: #5
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 02:05 PM
Parent: #4
Quote: إذا تأكد شراءه فلا حاجة لسؤاله عن المبلغ فأكيد هو حراااااااااااااااااااااااااااااااااامي
|
شيل الصبر يا ابو الحسين
|
Post: #6
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-05-2011, 02:06 PM
Parent: #4
Quote: ابوالحسين
هو المثبت حصل فيهو شنو؟ |
سؤالك دا المفروض إكون المثبت...... المعارضة إستفادت منو شنو ...؟؟
يعني هي المعارضة دي لغاية الآن جارية وراء إثبات فساد ناس الإنقاذ..؟؟
ياخ الحكومة دي بي كل بلاويها دي لسه قاعدة من 22 سنة و اللي خطط ليها الإنقلاب
قاعد في وسط المعارضة و ليه كلمة كمان.....
و بعد كُُُُُُوووووووووووول دا مظاهرات تطرشق و مظاهرات فيها 15 أو 16 واحد
.
|
Post: #7
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 02:09 PM
Parent: #6
ياهو داااااااااااااك فندقى ...من قروشى....
|
Post: #8
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 02:12 PM
Parent: #6
Quote: يعني هي المعارضة دي لغاية الآن جارية وراء إثبات فساد ناس الإنقاذ..؟؟
|
انت يا ابو الحسين مقتنع انو فى فساد ؟
|
Post: #9
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-05-2011, 02:18 PM
Parent: #8
| Quote: انت يا ابو الحسين مقتنع انو فى فساد ؟ |
الفساد موجوووووووووود دي حقيقة لكن الإتهام بدون دليل نتيجته عكسية
و الشعب المسكين بدفع الثمن
حكومة قاعدة في السهلة لكن المعارضة أضعف من إنها تأثر على الحكومة
و الدليل الحكومة حاكمة السودان 22 سنة و لا زالت تملي شروطها على الأحزاب
التي لها وزن .....
|
Post: #11
Title: Re: على كرتي يشترى فندق قصر الصداقة بـ (85) مليون دولار
Author: عمر موسي منجي
Date: 04-05-2011, 02:20 PM
Parent: #6
الاخ معاوية سلامات
علي ما افتكر من سنوات جمعه الجمعه اشتري فندق قصر الصداقة ب 18 مليون دولار
ما معقوله في سنوات بسيطه يكون الزيادة " 67 مليون دولار "
في حاجة ما مظبوطة في الخبر ده او ما مظبوطه في السودان
و بعدين برج الفاتح حيكون بي كم " مليار دولار " ولا شنو
تحياتي
|
Post: #12
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 02:24 PM
Parent: #11
Quote: الفساد موجوووووووووود دي حقيقة لكن الإتهام بدون دليل نتيجته عكسية
و الشعب المسكين بدفع الثمن
|
هم الكيزان ما ناكرين الدليل لزمو شنو؟
|
Post: #13
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-05-2011, 02:27 PM
Parent: #12
| Quote: هم الكيزان ما ناكرين الدليل لزمو شنو؟ |
إذا كانو هم ما ناكرين
دا ما معناه إنكم أنبياء
|
Post: #14
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 02:34 PM
Parent: #13
.............
|
Post: #15
Title: Re: على كرتي يشترى فندق قصر الصداقة بـ (85) مليون دولار
Author: العوض المسلمي
Date: 04-05-2011, 02:47 PM
Parent: #14
سلام يا اخ معاوية ..
في معلومة عندي ان الذي اشتري الفندق هو رجل الاعمال السوداني عبدالباسط حمزة الذي يملك فندق روتانا ..
ويملك واحد وخمسين في المائة من شركة ام تي ان ...
|
Post: #16
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 02:55 PM
Parent: #15
Quote: سلام يا اخ معاوية ..
في معلومة عندي ان الذي اشتري الفندق هو رجل الاعمال السوداني عبدالباسط حمزة الذي يملك فندق روتانا ..
ويملك واحد وخمسين في المائة من شركة ام تي ان ...
|
الريس شيخ العوض سلامات
ما فرقت كتير هم احمد وحاج احمد
عبد الباسط مقدم سابق ....من وين عمل قرشو دى؟
|
Post: #53
Title: Re: على كرتي يشترى فندق قصر الصداقة بـ (85) مليون دولار
Author: العوض المسلمي
Date: 04-06-2011, 11:15 AM
Parent: #16
Quote: الريس شيخ العوض سلامات
ما فرقت كتير هم احمد وحاج احمد
عبد الباسط مقدم سابق ....من وين عمل قرشو دى؟ |
اهلا معاوية وحياك الله ..
تفرق كتير بين المشتري وزير الخارحية وبين المشتري رجل اعمال معروف في السوق ..
|
Post: #54
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-06-2011, 12:20 PM
Parent: #53
Quote: تفرق كتير بين المشتري وزير الخارحية وبين المشتري رجل اعمال معروف في السوق ..
|
الريس شيخ العوض سلامات
زمان بنعرف راس المال الوطنى لانو قدم
الكثير للشعب السودانى زمن ناس ابو العلا
وعبد المنعم محمد والشيخ مصطفى الامين
والنفيدى وعبد الحكم طيفور وغيرهم
ديل قدموا الكتير ...لمناطقهم يعنى عمل مصنع
طوالى جنبوا مركز صحى ومدرسة...
من اين لعبد الباسط وغيره تلك الارقام المزعجة
وما علاقة عبد الباسط باسرائيل.....
واين كان يعمل قبل ذلك...وعلاقتة المعروفة ببن
لادن...
مش برضو الزول ده من كوستى...
وتحياتى يا ريس
|
Post: #17
Title: Re: على كرتي يشترى فندق قصر الصداقة بـ (85) مليون دولار
Author: Nagat Sid Ahmed Elshiekh
Date: 04-05-2011, 03:13 PM
Parent: #15
| Quote: وشرع المالك الجديد كرتي في عمل اصلاحات فورية بالفندق لتدشين العمل به . وفي غياب الديمقراطية ، حيث لا يمكن فحص ادعاءات الحكام عن انفسهم ، وحيث لا مراقبة ولا مساءلة لهم ، لا يمكن سؤال كرتي من اين له بـ (85) مليون دولار يدفعها لقاء استثمار واحد من استثماراته ! |
سلام يا معاوية والله دا كلام ممتاز انا حقو امشى لعلى كرتى دا ويطلع لى حقوقى من الحرامية البشتروا الفندق دا واخرهم ما معروف منو؟؟؟كل سنتين فندق الجن دا عندو مالك جديد أقصد حرامى جديد ،،
بالله لو حقيقى اشتراهو كرتى ولا عبد الباسط نحن عندنا قضية بتاعة حقوق ما اتصرفت لينا عشان الحرامى جمعة وباقى الحرامية الاشتغلوا معاهو دقوا طناش من مطالبنا وحقوقنا،،نشوف الحرامية الجداد ديل بعملوا شنو فى مال الغلابة،،
بالله تعالوا لينا بالنجيضة عشان نمشى نقابل المالك الجديد ،،
وبينى وبينك انا قنعانة من خير فيهم لكن ح احاول امش الارضة جربت الحجر،،
|
Post: #44
Title: Re: على كرتي يشترى فندق قصر الصداقة بـ (85) مليون دولار
Author: القلب النابض
Date: 04-06-2011, 00:32 AM
Parent: #17
????????
|
Post: #18
Title: Re: على كرتي يشترى فندق قصر الصداقة بـ (85) مليون دولار
Author: محمد على حسن
Date: 04-05-2011, 03:18 PM
Parent: #15
Quote: رجل الاعمال السوداني عبدالباسط حمزة الذي يملك فندق روتانا ..
ويملك واحد وخمسين في المائة من شركة ام تي ان ... |
وهذا اضل ويجزم فساد هذه الطفمة
من اين لعبد الباسط بكل هذه الثروة حتى يكون لديه
فندق قصر الصداقة .....
فندق روتانا ..
واحد وخمسين في المائة من شركة ام تي ان ...
كيزان فاسدين والباقي على الله
|
Post: #19
Title: Re: على كرتي يشترى فندق قصر الصداقة بـ (85) مليون دولار
Author: عابدون محمد عابدون
Date: 04-05-2011, 03:48 PM
Parent: #18
Quote: الريس شيخ العوض سلامات
ما فرقت كتير هم احمد وحاج احمد
عبد الباسط مقدم سابق ....من وين عمل قرشو دى؟ |
معاوية ياخوى شكلك كدة داير ليك اى زول يجى حايم تدرع فيهو التهمة وخلاص.
الفساد موجود لكن كمان الاتهام يكون بدليل.
|
Post: #20
Title: Re: على كرتي يشترى فندق قصر الصداقة بـ (85) مليون دولار
Author: سعد مدني
Date: 04-05-2011, 04:07 PM
Parent: #18
جوكية المؤتمر الوطنى
أعتقد بأن من أشتري فندق قصر الصداقة هو المؤتمر الوطنى نفسه. فحجم الاموال المنهوبة من الوطن في العشرين سنة الماضية تعادل مليارات الدولارات، و لا يستثمر الحزب هذه الاموال المنهوبة بنفسه في السودان، و انما يوكلها لبعض اعضائه و يجعل منهم رجال اعمال مستثمرين في سوق الاستثمار الداخلى و الخارجى، و هؤلاء ما يمكن ان نطلق عليهم ( جوكية المؤتمر الوطنى):
يتبع المؤتمر الوطنى الكثير من الاساليب للسيطرة علي السوق و من ضمنها الدعوة الي التخلص من المرافق العامة ،و يقوم هؤلاء الجوكية بشرائها و استثمارها لصالح الحزب
يقوم هؤلاء الجوكية بالدخول في استثمارات داخلية و خارجية لصالح الحزب، و انشاء شركات خاصة تحمل أسم الجوكى ( رجل الاعمال) بينما المستفيد هو الحزب
و من أمثلة هؤلاء الجوكية الذين يستثمرون في الاموال المنهوبة عبدالباسط حمزة الذي يملك فندق روتانا ، ويملك واحد وخمسين في المائة من شركة ام تي ان و غيرها من الشركات التي تدار تحت اسم (رجل الاعمال السودانى كذا و كذا) بينما هي في الحقيقة مملوكة للمؤتمر الوطنى، و كذلك جمال الوالى الذي يملك قناة الشروق و شركات النقل البرى و الذى اشتري اخيرا جريدة السودانى و غيرها من االشركات.
و هنالك المئات بل الالاف من الجوكية الذين يتبعون للمؤتمر الوطنى و يديرون اعمالاً تجارية تحت اسمائهم الشخصية، و تحت طاقية مسمي ( رجل الأعمال السودانى)، بينما هم في الحقيقة يديرون استثمارات الحزب من اموال الشعب السودانى المنهوبة.
تحياتى معاوية
|
Post: #21
Title: Re: على كرتي يشترى فندق قصر الصداقة بـ (85) مليون دولار
Author: د.نجاة محمود
Date: 04-05-2011, 04:20 PM
Parent: #20
المشكلة الحقيقة هي الارقام التي تكتب هنا ارقام خرافية
ما عارفة ليه نحنا بنبهل في وضع الاصفار والارقام بدون تصور
مرة وداد شالت مليار دولار كاش الى قطر
فلان شال 7000 مليون كاش الى ماليزيا
دي عايزة كونتينار
بتعجب دائما من قصة الكونسبت بتاع الارقام وحلجته في الذهنية السودانية
لا بنعرف نقدر المسافات ولا بنعرف نقرأ الخرائط
وما عندنا تصور للارقام..
عشان كدا قصص الفساد مافي زول بصدقها
معقولة قصر الصداقة بيكون بهذا الملبغ المهول؟
|
Post: #22
Title: Re: على كرتي يشترى فندق قصر الصداقة بـ (85) مليون دولار
Author: د.نجاة محمود
Date: 04-05-2011, 04:37 PM
Parent: #21
Quote: YTL Corporation bought over the Kuala Lumpur JW Marriott hotel and two other prime properties in Kuala Lumpur through its subsidiary, YTL Land in 1999. The total purchase price was $85 million (RM323 million).[1]
[edit] |
| Quote: The JW Marriott, Kuala Lumpur is a 5-star flagship boutique hotel of the Marriott Hotel Group in Kuala Lumpur's central business district. It is 23 stories tall with 491 rooms, 20 meeting rooms- 32,927 sq ft of total meeting space. |
|
Post: #23
Title: Re: على كرتي يشترى فندق قصر الصداقة بـ (85) مليون دولار
Author: Mustafa Mahmoud
Date: 04-05-2011, 04:39 PM
Parent: #21
اني استعجب
لماذا يدافع ازيال الكيزان وسماسرة التعليم العالي عن الفساد في شركة عصابة مافيا الانقاذ؟؟؟؟؟
اسلوبهم في الدفاع عن هؤلاء يضحك ولا يقنع حتي السذج من حملة الدكتوراة في صلاة الجنازة او دكتوراة في
الحيض والنفاس او نواقض الوضوء
يا عالم اختشو و رافة بنا
فساد الكيزان يطفح ك بالوعة المجاري المقفولة لا يمكن شفطه او تغطيتة ويصلح فقط اجتثاثه من جزوره بالاقتلاع
الكامل لسبب القفل
|
Post: #24
Title: Re: على كرتي يشترى فندق قصر الصداقة بـ (85) مليون دولار
Author: معاوية عوض الكريم
Date: 04-05-2011, 05:10 PM
Parent: #23
عملت شنو في موضوع مزرعة ود الباوقة ؟!
انت مفروض تمسك واحدة واحدة ما تجوط الشغلانية ساي
|
Post: #26
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 07:55 PM
Parent: #24
Quote: عملت شنو في موضوع مزرعة ود الباوقة ؟!
انت مفروض تمسك واحدة واحدة ما تجوط الشغلانية ساي
|
انت ماتسال ود الباوقة زرع شنو؟
من يدافع عن الفساد يا افكاتو ...بيكون شنو؟
|
Post: #25
Title: Re: على كرتي يشترى فندق قصر الصداقة بـ (85) مليون دولار
Author: محمد حسن العمدة
Date: 04-05-2011, 05:10 PM
Parent: #23
دي بسيطة لوعاوز زيادة ما معاوية تعال شوف هنا
http://www.facebook.com/home.php?sk=group_1364219197575...136421919757599&ap=1
http://www.sudaneseonline.com/articles.php?action=show&id=6571
الخطة الموضوعة هي بيع مؤسسات الشعب السوداني لاجانب فاسدين عشان ما يسهل اعادتها بعد اكمال دورة الغسيل لجيوب الجبهة الاسلاموية وطبعا ناس كرتي وعلي عثمان ونافع هم الورثو الجبهة الاسلاموية وباعو ناس الترابي عشان كدا دا الغايظ ناس الترابي وبيطلعو في الفضائح والجرائم شوية شوية
بكرة ح ترجع كل الاموال دي من الاجانب لصالح الكيزان ح يجيك بنك الخرطوم والبنك العقاري والاسواق الحرة والسكة الحديد والنقل النهري والخطوط والخ الخ الخ بس شكلو لسع في مؤسسات الغسيل ما نشف
|
Post: #27
Title: Re: على كرتي يشترى فندق قصر الصداقة بـ (85) مليون دولار
Author: المكاشفي الخضر الطاهر
Date: 04-05-2011, 08:14 PM
Parent: #25
الحبيب معوية الصائم كيف الحال وطاب يومكم بكل الخير
جيت اسلم عليك واقول ليك اسعد الله اوقاتكم بكل الخير
قول على كرتي دا اشترى السودان كلو يمكن لقى ليهو جبل حق دهب في العبيدية انا اشك ان يكون هذا الكلام صحيح
|
Post: #29
Title: Re: على كرتي يشترى فندق قصر الصداقة بـ (85) مليون دولار
Author: الرفاعي عبدالعاطي حجر
Date: 04-05-2011, 08:23 PM
Parent: #25
اختلفت الرواية الان فمن المُشتري يا معاوية
ويقال مصطفى كرتي اشترى فمن هو مصطفى كرتي ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟حجر.
|
Post: #36
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 09:01 PM
Parent: #25
ود العمدة يجازى محنك وشكرا على حكمة البوست
Quote: بس شكلو لسع في مؤسسات الغسيل ما نشف
|
|
Post: #28
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 08:22 PM
Parent: #20
Quote: و هنالك المئات بل الالاف من الجوكية الذين يتبعون للمؤتمر الوطنى و يديرون اعمالاً تجارية تحت اسمائهم الشخصية، و تحت طاقية مسمي ( رجل الأعمال السودانى)، بينما هم في الحقيقة يديرون استثمارات الحزب من اموال الشعب السودانى المنهوبة.
|
|
Post: #30
Title: Re: على كرتي يشترى فندق قصر الصداقة بـ (85) مليون دولار
Author: ود الباوقة
Date: 04-05-2011, 08:27 PM
Parent: #28
يعني انت غير اللفحي
ما عندك شغل ..
تبا لك ...........
|
Post: #31
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 08:33 PM
Parent: #30
جيت يا بق بق
ناس فنادق
ناس شوراع
والصغار مزراع
وناس فى حق العيش تقابض
|
Post: #32
Title: Re: على كرتي يشترى فندق قصر الصداقة بـ (85) مليون دولار
Author: ود الباوقة
Date: 04-05-2011, 08:38 PM
Parent: #31
| Quote: وناس فى حق العيش تقابض |
بربار الماركسي
بالتاكيد عايشت فترة انعدام
الرغيف في السودان
وقومة بعد الفجر للظفر بي رغيفة لكل فرد
المقابضة تراها زي حقتك دي
تقبض دا وتفك دا
وفي النهاية ستتطلع ( ملوص )
كما طلعت من موريتانيا ...........
|
Post: #34
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 08:50 PM
Parent: #32
Quote: وفي النهاية ستتطلع ( ملوص )
|
ود الباوقة انت زعلان من حجم الهبر صاح؟
لانو بكون عمل ليك وترة شديدة
انت بعد ده طموحك شنو.. خليك واضح مع روحك
|
Post: #35
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-05-2011, 08:50 PM
Parent: #32
Quote: وفي النهاية ستتطلع ( ملوص )
|
ود الباوقة انت زعلان من حجم الهبر صاح؟
لانو بكون عمل ليك وترة شديدة
انت بعد ده طموحك شنو.. خليك واضح مع روحك
|
Post: #33
Title: Re: على كرتي يشترى فندق قصر الصداقة بـ (85) مليون دولار
Author: محمد حسن العمدة
Date: 04-05-2011, 08:47 PM
Parent: #31
ما فرقت ابداابدا
علي كرتي
مصطفى كرتي
ود الباوقة
عبد الباسط حمزة رجل المخابرات
البشير
المهم كلهم ملة واحده
باعوها لجمعة الجمعة وباعو لخرباش الجابو شقيق البشير
لفة طويلة و هم انفسهم يقسمو التركة الاغتصبوها من الشعب السوداني باسم الخصخصة
بكرة يقول اشتريناها من السوق من الجمعة وخرباش
ما ح نخلي حقنا واهو جمال وابوهو وليلى ومجنون ليلى بن علي والقذافي سنين وسنين وحق الشعب راجع راجع
|
Post: #37
Title: Re: على كرتي يشترى فندق قصر الصداقة بـ (85) مليون دولار
Author: القلب النابض
Date: 04-05-2011, 09:10 PM
Parent: #33
Quote: الريس شيخ العوض سلامات
ما فرقت كتير هم احمد وحاج احمد
عبد الباسط مقدم سابق ....من وين عمل قرشو دى؟ |
لا بتفرق كثير ..
بيفرق بالنسبة لي انا المتلقي العايز يعرف الحقيقية
عايز اعرف الحرامي منو بالضبط ..
هذا استهوان بعقول الناس البتفتح البوست عشان تقرأ معلومة موثقة وصحيحة..
هذا استهتار بقيمة الصدق والحقيقة...
ايراد اي خبر مسؤولية
كاذا فعلتم حينما قالت ميادة ان الوزير لم يستقيل ( ولم تقل سرق)
طاردتكوها في كل البوستات التي تكتبها بهذا الامر
ولا زلتم
لاترون عواراتكم
تستبيحون الكذب
وبرضو تقولوا مافارقة
كيف مافارقة؟
عشان استهتاركم بالقارئ اصيح القارئ لا يعبأ بما تكتبون
يلا خموا وصروا
I am very happy you do so,
|
Post: #38
Title: Re: على كرتي يشترى فندق قصر الصداقة بـ (85) مليون دولار
Author: ود الباوقة
Date: 04-05-2011, 09:20 PM
Parent: #37
Quote: هذا استهوان بعقول الناس البتفتح البوست عشان تقرأ معلومة موثقة وصحيحة..
هذا استهتار بقيمة الصدق والحقيقة |
القلب النابض
هذا المعتوه
لا شغل لديه
سوى اطلاق التهم على خلق الله
دون دليل او مستندات
ليهو يوم ..
باذن الله
|
Post: #39
Title: Re: على كرتي يشترى فندق قصر الصداقة بـ (85) مليون دولار
Author: jini
Date: 04-05-2011, 09:36 PM
Parent: #38
Quote: الفساد موجوووووووووود دي حقيقة لكن الإتهام بدون دليل نتيجته عكسية
و الشعب المسكين بدفع الثمن |
مادام موجود وحقيقة ليه بتسأل عن دليل!
جنى
|
Post: #40
Title: Re: على كرتي يشترى فندق قصر الصداقة بـ (85) مليون دولار
Author: حذيفه ابراهيم الكباشي
Date: 04-05-2011, 09:42 PM
Parent: #38
ههههه
هناك حالة من الاستهوان بالارقام في السودان
عارف يا معاوية 85 مليون دولار دي قدر شنو؟؟!!!
دا رقم فلكي في الاقتصاد السوداني
ومافي اي عقار في الخرطوم ممكن يساوي ربع المبلغ دا!!!
ياخي برج الاتصالات اضخم واكبر مبنى في الخرطوم لا يساوي ربع هذا المبلغ
ـــــــــــــــــــــــــــــــــــــــــــــــــــــــــــــــــــــــــــ
وجود الفساد حقيقة لا ينكرها الا مكابر
.....
|
Post: #41
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-05-2011, 09:51 PM
Parent: #40
Quote: مادام موجود وحقيقة ليه بتسأل عن دليل!
جنى |
ياجني سألت سؤال إجابتو في الكوت اللي إنت جبتو يا جني
|
Post: #42
Title: Re: على كرتي يشترى فندق قصر الصداقة بـ (85) مليون دولار
Author: jini
Date: 04-05-2011, 10:13 PM
Parent: #41
| Quote: ياجني سألت سؤال إجابتو في الكوت اللي إنت جبتو يا جني |
معناهو انت عندك الدليل طالما الفساد حقيقة لماذا لا تكتب عنه وتفضحه ولماذا تنتظر الدلائل عن فساد تقر وتعترف بحقيقته لماذا لا تدافع عن هذا الشعب المسكين بدلا عن الدفاع عن جلاديه والتشكييك فى منافحيهم!
ولك احترامى وتحياتى
جنى
|
Post: #43
Title: Re: على كرتي يشترى فندق قصر الصداقة بـ (85) مليون دولار
Author: Mannan
Date: 04-05-2011, 10:54 PM
Parent: #42
ربما يكون مصدر الأموال من غسيل الأموال من افيون وخشخاش افغانستان وطالبان!!!!
منان
|
Post: #46
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-06-2011, 04:35 AM
Parent: #40
Quote:
وجود الفساد حقيقة لا ينكرها الا مكابر
|
|
Post: #49
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-06-2011, 06:49 AM
Parent: #40
Quote:
وجود الفساد حقيقة لا ينكرها الا مكابر
|
|
Post: #45
Title: Re: على كرتي يشترى فندق قصر الصداقة بـ (85) مليون دولار
Author: محمد حسن العمدة
Date: 04-06-2011, 01:30 AM
Parent: #37
| Quote: عايز اعرف الحرامي منو بالضبط |
الحرامي منو بالضبط ولا الممكن يكون شريف منو ؟!!
غايتو الا نجيب ليك لسته بعضوية الحزب كلها ديل نبيهم ابليس و كافرهم الشيطان
|
Post: #47
Title: Re: على كرتي يشترى فندق قصر الصداقة بـ (85) مليون دولار
Author: خالد العبيد
Date: 04-06-2011, 05:04 AM
Parent: #45
القوي الامين
دخلوكم الجوامع
ودخلو السوق
|
Post: #48
Title: Re: على كرتي يشترى فندق قصر الصداقة بـ (85) مليون دولار
Author: Adil Bashier
Date: 04-06-2011, 05:42 AM
Parent: #47
شوفوا يا ساده الكلام الماعندو دليل ذليل....ورينا خطاب... مبايعه.....اقرار...اي حاجه تدل علي صحه كلامك.....وما تديني انشاء وبس...عاوزني اصدق...كلامك دا في لغه السودانيين اسمو ونسه.....زي كلام ست الودع....في بيت ناس الراضه.....بعد وقت الضحي...الكل يضحك...وبعدين يتفضوا لي بيوتهم....حتي اسأل ود الباوقه...عن موضوع ناس الراضه...ياخي خاف ربك....ترمو الناس بالباطل...وما معناه انو انا ضد الدوله...يحق لي تجريم الناس...لكسب مصالح منها...والله العظيم تلقاها في اولادك وأهلك...يا اخ اتق الله واذا ماعندك دليل دامغ....وكمان ما يكون تلفيق... وتزوير..طلعوا.... واتحداك...للسنه الجايه ما حا تلقاه...الواحد بقي يكره المنبر ده...عشان الاشيا الذي دي....
|
Post: #50
Title: Re: على كرتي يشترى فندق قصر الصداقة بـ (85) مليون دولار
Author: هشام المجمر
Date: 04-06-2011, 07:56 AM
Parent: #48
السؤال الحقيقى بكم اشترى المحتال جمعة الجمعة الفندق من حكومة السودان؟
من الذى باع قيم الفندق قبل بيعه لجمعة الجمعة؟
هل كان هناك عطاء لبيع الفندق تنافس عليه الناس ام تم بيعه مباشرة لجمعه الجمعة؟
هنا يكمن الفساد الحكومى
تبخيس قيمة الفندق ومن ثم بيعه دون عطاء لشخص محتال اتى به محتال حكومى متنفذ باع له و قبض العمولة الضخمة
هكذا ضاعت اغلب ممتلكات الدولة من شركات و بنوك و اصول ثابتة و منقولة
هكذا نهبت اموال الشعب
اشخاص محتالون مثل جمعة الجمعة و خرباش وصقر قريش يثبتون أن عصابة الحكومة تتعامل مع من يماثلها من رجال العصابات و المجرمين و المشبوهين.
الطيور على اشكالها تقع
|
Post: #51
Title: Re: على كرتي يشترى فندق قصر الصداقة بـ (85) مليون دولار
Author: Mohamed E. Seliaman
Date: 04-06-2011, 08:19 AM
Parent: #50
Quote: الريس شيخ العوض سلامات
ما فرقت كتير هم احمد وحاج احمد
عبد الباسط مقدم سابق ....من وين عمل قرشو دى؟
|
دي شريعة نضال وللا شنو ؟
أنت كتبت:
| Quote: على كرتي يشترى فندق قصر الصداقة بـ (85) مليون دولار |
جاء الأخ العوض قال اشتراه عبد الباسط !
تقول هم أحمد وحاج أحمد؟
--------------
أنا لا أعرف من هو علي كرتي ولا من هو عبد الباسط !
لكني أعرف أن صاحب هذا البوست مفتر وله سوابق في اتهام الناس بالباطل !!
ما هكذا تكون المعارضة !
|
Post: #52
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-06-2011, 08:36 AM
Parent: #51
Quote: معناهو انت عندك الدليل طالما الفساد حقيقة لماذا لا تكتب عنه وتفضحه ولماذا تنتظر الدلائل عن فساد تقر وتعترف بحقيقته لماذا لا تدافع عن هذا الشعب المسكين بدلا عن الدفاع عن جلاديه والتشكييك فى منافحيهم!
ولك احترامى وتحياتى
جنى |
يا جني يا أخوي أنا ما أنكرت أي شئ لكن كمان ما ممكن أصدق أي كلام و الخبر منقول من جريدة حريات
و أنا بعرف جريدة حريات كويس
و إذا الحكاية بقت إتهامات بدون أي دليل برضو ناس الحكومة عندهم إتهامات بالكوم لي كتيرين في المعارضة
و قدامك أهو طلع الإتهام الورد في الخبر ما صحيح و سبحان الله لسه الناس مُصرة عليه
و إذا جاء واحد قال لأ الإشترى الفندق شخص ثالث برضو حا إستمر الإتهام زي ما هو أحمد و حاج أحمد و شيخ أحمد كمان
تحياتي
.
|
Post: #55
Title: Re: على كرتي يشترى فندق قصر الصداقة بـ (85) مليون دولار
Author: rummana
Date: 04-06-2011, 02:42 PM
Parent: #52
شقة من ضمن عشرات الشقق في عمارة بالخرطوم بمساحة 150 متر مربع تكلف 250 ألف دولار.. تقديريا كده فندق قصر الصداقة ممكن تكون قيمته كم؟
تحياتي للجميع
|
Post: #56
Title: Re: على كرتي يشترى فندق قصر الصداقة بـ (85) مليون دولار
Author: القلب النابض
Date: 04-06-2011, 06:02 PM
Parent: #55
?
|
Post: #57
Title: Re: على كرتي يشترى فندق قصر الصداقة بـ (85) مليون دولار
Author: الطيب رحمه قريمان
Date: 04-06-2011, 06:14 PM
Parent: #56
Quote:
سلام يا اخ معاوية ..
في معلومة عندي ان الذي اشتري الفندق هو رجل الاعمال السوداني عبدالباسط حمزة الذي يملك فندق روتانا ..
ويملك واحد وخمسين في المائة من شركة ام تي ان ... |
يا المسلمى
عبدالباسط حمزة و لا على كرتى و لا اى سجم رما د آحر كلهم لصوص و مستلحين للمال العام
لعنة الله عليهم و على كل كوز فاسد
و لعنة الله على كل من دافع عنهم و عن فسادهم
|
Post: #58
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-07-2011, 08:08 AM
Parent: #57
خلاصة البوست دا:-
| Quote: ما فرقت كتير هم احمد وحاج احمد |
|
Post: #59
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-07-2011, 08:21 AM
Parent: #58
Quote: هل كان هناك عطاء لبيع الفندق تنافس عليه الناس ام تم بيعه مباشرة لجمعه الجمعة؟
|
سلام يا المجمر
المالك جمعة الجمعة
البائع البنك العقارى
البنك العقارى حق جمعة الجمعة
كل املاك جمعة الجمعة يشرف عليها
البنك العقارى بتاع الجمعة...
فزورة مش؟
|
Post: #60
Title: Re: على كرتي يشترى فندق قصر الصداقة بـ (85) مليون دولار
Author: هشام المجمر
Date: 04-07-2011, 12:10 PM
Parent: #59
اذن من باع البنك العقارى لجمعة الجمعة؟ وهل كان هناك تقييم صحيح للبنك واصوله و موجوداته؟ وهل طرح البنك فى عطاء على المشترين للحصول على اعلى سعر ؟م بيع بى تحت تحت لجمعه الجمعة؟
يقال ان جمعة الجمعة مديون للبنك العقارى.
هل استخدم جمعه الجمعة فلوس البنك العقارى لشراء الفندق؟ يعنى من دقنو وفتلوا!!!
اذا كانت ال 85 مليون دولار ستذهب للبنك العقارى الذى هو ملك جمعة الجمعة
معناهو انو السيد جمعة الجمعة اشترى الفندق من بنكه بثمن بخس ( غالبا) و بفلوس البنك و باع بسعر عالى
محتال كبير
|
Post: #61
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-07-2011, 03:28 PM
Parent: #60
*
|
Post: #62
Title: Re: على كرتي يشترى فندق قصر الصداقة بـ (85) مليون دولار
Author: ABUHUSSEIN
Date: 04-08-2011, 05:49 AM
Parent: #61
شايف توأم البوست دا مشى الخور دا لسه قاعد...؟؟؟؟
|
Post: #63
Title: Re: على كرتي يشترى فندق قصر الصداقة بـ (85) مليون دولار
Author: معاوية عبيد الصائم
Date: 04-11-2011, 10:15 PM
Parent: #51
كتب الحبشى..
Quote: ما هكذا تكون المعارضة !
|
وما هكذا يكون الدفاع عن النظام الفاسد والا ؟؟؟؟
كما تم رفع البوست بناء على رغبة ابو الحسين
|
|
