Post: #2
Title: Re: حكومة السودان تهدي جهاز الأمن بأفريقيا الوسطى "4" سيارات دفع رباعي ودراجات بخارية
Author: البحيراوي
Date: 04-05-2011, 09:11 AM
Parent: #1
حكومة السودان تهدي جهاز الأمن بأفريقيا الوسطى "4" سيارات دفع رباعي ودراجات بخارية
الخرطوم - (سونا): قدمت حكومة السودان مساعدات لوجستية الى جمهورية افريقيا الوسطى شملت عدد(3) سيارات دفع رباعي، ودراجات بخارية للخدمة التشريفية، بجانب عدد من أجهزة الاتصال والحواسيب ووعدد كبير من الزي الشرطي.
من جانبه عبر وزير الامن العام بجمهورية افريقيا الوسطى عن كامل تقديره وامتنانه لحكومة السودان بمناسبة المساعدات المقدمة من الحكومة السودانية مشيراً إلى أن السودان درج على تقديم المساعدات لافريقيا الوسطى في عدة مجالات منها التدريبية واللوجستية.
يذكر أن السودان سلم المساعدات للسيد وزير الأمن العام في احتفال برئاسة وزارة الأمن العام بالعاصمة بانقي والذى شرفه جمع كبير من قيادات وزارة الأمن العام والشرطة الافرووسطية، و أكد وزير الأمن العام في كلمته التي تلت كلمة سفير السودان على بالغ شكره للحكومة السودانية التي ظلت تقدم الدعم باستمرار لافريقيا الوسطى واعداً باستمرار التعاون ما بين البلدين حفاظاً على امن البلدين الشقيقين.
تاريخ النشر : 5 أبريل 2011
|
Post: #3
Title: Re: حكومة السودان تهدي جهاز الأمن بأفريقيا الوسطى "4" سيارات دفع رباعي ودراجات بخارية
Author: البحيراوي
Date: 04-05-2011, 09:18 AM
Parent: #2
الأخ عماد البليك
تحياتي - يا زول زيتنا دا بقى كتير بالحيل
يعني 40 ألف طن ذرة لأثيوبيا - وخمسة ألف رأس بقرة لمصر
ومعدات بقيمة 2 مليار بالقديم للجارة تشاد ومعاها إنارة للقرى الحدودية
وأربعة سيارات دفع رباعي ودرجات بخارية وأجهزة إتصال وحواسيب وزي شرطة
والله ما فضل لينا إلا نعمل جسر جوي لمساعدة اليابان - ماشاء الله تبارك الله
يعني زيتنا زاد علينا وأصبح حلال علي الجيران
بحيراوي
|
Post: #4
Title: Re: حكومة السودان تهدي جهاز الأمن بأفريقيا الوسطى "4" سيارات دفع رباعي ودراجات بخارية
Author: Saifelyazal Elmaki
Date: 04-05-2011, 09:32 AM
Parent: #3
الكرام الاستاذ عماد والبحيراوي
تحياتي
السودان على طول العام اهداءات مرة فلسطين وخمسة آلاف بقرة لمصر
ومرة افريقيا الوسطي
سؤالي : ما هي الفائدة المرجوة من الفشخير وشتيت القروش ونحن في أمس الحاجة إليها ؟؟؟
ثانيا من الله ما خلقني ما سمعت في زول هداء للسودان حاجة
|
Post: #5
Title: Re: حكومة السودان تهدي جهاز الأمن بأفريقيا الوسطى "4" سيارات دفع رباعي ودراجات بخارية
Author: osman righeem
Date: 04-05-2011, 10:07 AM
Parent: #4
هل للموضوع علاقة بوصول خليل ابراهيم
من ليبيا الي افريقيا الوسطي ؟؟؟
|
Post: #6
Title: Re: حكومة السودان تهدي جهاز الأمن بأفريقيا الوسطى "4" سيارات دفع رباعي ودراجات بخارية
Author: أحمد الشايقي
Date: 04-05-2011, 10:57 AM
Parent: #5
Quote: يعني 40 ألف طن ذرة لأثيوبيا - وخمسة ألف رأس بقرة لمصر
ومعدات بقيمة 2 مليار بالقديم للجارة تشاد ومعاها إنارة للقرى الحدودية
وأربعة سيارات دفع رباعي ودرجات بخارية وأجهزة إتصال وحواسيب وزي شرطة
والله ما فضل لينا إلا نعمل جسر جوي لمساعدة اليابان - ماشاء الله تبارك الله
|
جيـد لينـا ... السودان أصبح من الدول المانحـة .... بينما شرق السودان يدعمه الكويتيون ودارفور يدعمها القطريون وعودة السودانيين من ليبيا يدعمها القطريون وإعاشة وعلاج النازحين في المعسكرات على المنظمات (العميلة .. والأمم المتحدة..)
هذا يقيد يا عزيزي في حساب استبقاء السلطة للحزب الحاكم ... واتقاء (شرور الدول المجاورة)
أحمد الشايقي
|
Post: #7
Title: Re: حكومة السودان تهدي جهاز الأمن بأفريقيا الوسطى "4" سيارات دفع رباعي ودراجات بخارية
Author: Abdullah Idrees
Date: 04-05-2011, 03:38 PM
Parent: #6
يا خوانا بالراحة مش ممكن نكون مريشين ومنغنغين وقروشنا النار ما تاكلا وناسين الحتة دي ولا ناس تيراب فقر و بنحب التعاسة وبس ؟؟
والله الكيزان ديل حيرونا عديل كده جوعونا وبهدلونا وفي نفس الوقت بقونا دولة مانحة .
شاب تنزاني في النص الاول من التسعينات قبلوهو في جامعة الخرطوم ، بتونس معاهو يوم قال لي والله انا كنت قايل السودان ده دولة غنية واني حا القى شغل مع الدراسة وووو قلتليهو اها خم وصر ..
تحياتي
|
|