|
|
 الحب من الجوابات الي الماسنجر والايميل
|
كانت تلك الايام نديه ومُترعه لا اظن انها نوستالجيا ولكن اميل الي انها الحقيقه ويدفعني الي تصديق هذا الشئ
الصدق الذي يداعب حواسي كلما تذكرت تلك الايام,كُنا صادقين حتي في شقاوتنا البرئيه,أتذكر ايام حبنا الاول
ونحن نداعب كلمات من شاكله حبيتي الغاليه ونحتنا لاغاني هاشم ميرغني في ثنايا خطاباتنا العاطفيه واستدعائنا لمفردات نزار قباني
لنزين بها اوراقنا المعطره ببعض عطر,هكذا كان حبنا مُرهقا ومكلفا ونحن في اليات بحثنا عن سبل ايصال الخطاب والذي ربما ياحذ اياما او اسابيع حتي
تتلقفه انامل المحبوبه وهي ترتجف خوفا ورهبه,وربما انتظرت حتي هجيع الليل حتي تلوذ بالليل كاتما لسرها العاطفي المتين.
الان
اصبح الحب من خلال الفيسبوك والشات والايميل متاحاً ويسيرا لاتحفه مخاطر ولا يقاربه وجل او رجفه ولكنه في تقديري ماسخ وغير مستساغ
او هكذا تصورته عند محاولتي التخيل كيف يكون الحب هذا الزمان,أما انها تكنولوجيا العاطفه واني مازلت رجعي المشاعر,لم أجاوب ولكني ابتسمت.............
|
|
 
|
|
|
|
|
|
|
|
Re: الحب من الجوابات الي الماسنجر والايميل (Re: Amira Elsheikh)
|
تعرفي يا أميره الحب ده زاتو كان مافيه تلتله وتعب ما جايب حقو
ياح زمان الجواب ده يعملو ليه كونسلتو من الحبيبين تلقيهم اتلمو وقعدو ينقو في العبارات والجمل
وبعد داك تبدأ المساسقه في توصيلو,مره واحد صاحبنا كتب جواب ونحنا في الثانوي وبقي في طريقة توصيلو
لحدي ما الزوله عرسوها بعد سنه ونص ما قدر يوصلو
| |
|
|
|
|
|
|
|
|
|
Re: الحب من الجوابات الي الماسنجر والايميل (Re: فاروق عثمان)
|
Quote: مره واحد صاحبنا كتب جواب ونحنا في الثانوي وبقي في طريقة توصيلو
لحدي ما الزوله عرسوها بعد سنه ونص ما قدر يوصلو |
في الحالة دي كان يجي يبارك ليها في الكوشة ويغمتو ليها في إيدها 
ـــــــ
ويمشي يمسك المايك من الفنان ويغني أقدار يا نور عيني أنا كُنت فاكرك لي
| |
|
|
|
|
|
|
|
|
Re: الحب من الجوابات الي الماسنجر والايميل (Re: صبري طه)
|
الحب بالجوابات ليهو نكهه خاصة يعني هسه في أغنية للمسنجر ولا الإيميل
في أغنية للحروف والجوابات
بالله بمناسبة الجوابات نزلوا لينا غالي الحروف بصوت سرور بابكر
داخل ظرف جواب
جنس حساده ما تخلوا الناس تحب بالمسنجر ولا الإيميل ، عواجيز حاقدييين 
| |
|
|
|
|
|
|
|
|
|
Re: الحب من الجوابات الي الماسنجر والايميل (Re: Amira Elsheikh)
|
سلام يا فاروق ومها وصبرى .......
التواصل عبر الوسائط الحديثة عموما حتى مع الاهل والاصدقاء فى احايين كتيرة لايفى بالغرض ...
الزو ل لو ما كان قدامك كدا وشفت تعابير وجهو وحركات ايدينو ما اظن تكون مقتنع واذا النوع دا من التواصل المباشر تعذر
للجوابات وقعها الجميل على النفس وممكن تحس فيها بنبض الزول وممكن تشوفو من خلال السطور وكمان ممكن تشيلها
معاك محل ماشى وتقراها وقت داير ..
المسنجر دا كلام الليل البسمحو النهار ياقول حبوبة لاطعم لا نغم .....
واظن ساهم فى زيادة النفاق والكذب باسم الحب وكثرة الحبايب والحبييات.........
مع التأمين التام على اهمية هذه الوسائط فى الوقت الحاضر وضرورة التعامل معاها ولكن* ..
______________________-
لكن دى تحتها خطين
| |
|
|
|
|
|
|
|
|
|
Re: الحب من الجوابات الي الماسنجر والايميل (Re: Amira Elsheikh)
|
اميره كيفك
معليش شغلتنا الطياره شويه
قلتي لي شقيتي المقابر والله شقتك شقة محترمه لكن
انت عارفه العبد لله كان المرجعيه بتاعت الرفاق في حنك الجوابات ده اي واحده فاره قايم في الحب جديد بجي للمعلم ده يجضم ليه خطاب من النوع ابو ورده
تاني يوم طوالي تلقي القصه فصلت وبقت تكشف لي صاحبنا وهي ماشه المدرسه,شفتي كيف
| |
|
|
|
|
|
|
|
|
 Re: الحب من الجوابات الي الماسنجر والايميل (Re: فاروق عثمان)
|
Quote: كانت تلك الايام نديه ومُترعه لا اظن انها نوستالجيا ولكن اميل الي انها الحقيقه ويدفعني الي تصديق هذا الشئ
الصدق الذي يداعب حواسي كلما تذكرت تلك الايام,كُنا صادقين حتي في شقاوتنا البرئيه,أتذكر ايام حبنا الاول
ونحن نداعب كلمات من شاكله حبيتي الغاليه ونحتنا لاغاني هاشم ميرغني في ثنايا خطاباتنا العاطفيه واستدعائنا لمفردات نزار قباني
لنزين بها اوراقنا المعطره ببعض عطر,هكذا كان حبنا مُرهقا ومكلفا ونحن في اليات بحثنا عن سبل ايصال الخطاب والذي ربما ياحذ اياما او اسابيع حتي
تتلقفه انامل المحبوبه وهي ترتجف خوفا ورهبه,وربما انتظرت حتي هجيع الليل حتي تلوذ بالليل كاتما لسرها العاطفي المتين |
اجمل ابام واحل زكريات ياليتها تعود
| |
|
|
|
|
|
|
|
|
|
Re: الحب من الجوابات الي الماسنجر والايميل (Re: Huda AbdelMoniem)
|
معليش يا جماعة مشغولين شوية بشوية إيميلات ( ههههههههه )
صبري طه يا زول دفعتك بي وين لوووووووووووول
أميرة يا أميرة تسلمي يا ستنا وبتنا. بس ما تخليك بريئة كدا مع الشباب الهنا ديل لوووووووووول
د. فاروق مجلدات شنو يا زول مكتبة عديييييييل ، قايلها كمان زي مكتبات بكري دا ، هسه عليك الله أنا لو بتاعت ماسنجرات كنت أكون ( شاراك ) الشرة دي في الإسكاي بس خليني أرجع من السفر و أوريك بقية ( الشمارات )
عنوان البوست ذكرني رواية ( الحب في زمن الكوليرا )
| |
|
|
|
|
|
|
| |
فاروق عثمان
مها عبد الله
فيس بوك
تويتر
انستقرام
يوتيوب
بنتيريست