يا موسي الزومة بالنسبة لركلة الجزاء التانية قالوا ليك دايرين ليها إعادة مثلا?

خروج المريخ غير المتوقع من بطولة الاندية الافريقية
اثار غضب جماهير المريخ التي كانت تتوقع
أن يستمر المريخ في البطولة ويصل لأدوار متقدمة فيها
هذا الغضب انصب جزء منه على المدرب حسام البدري
والجزء الأكبر يتحمله اللاعبون باخطائهم القاتله
مهما كانت أخطاء حسام في التشكيل وإدارة المباراة
فقد أوصل الفريق لركلات الترجيح التي هي مسؤولية اللاعبيين 100%
البدري لم يقل لسفاري تباطأ في الكرة حتى يقطعها المهاجم
ثم ارتكب معه ركلة جزاء يسجل منها انتركلوب هدف الثاني
العجب وموسى الزومة ومصعب عمر اضاعوا ركلات الترجيح
بطريقة ساذجة وغريبة
هذا الحنق ولد بعض الغضب سوف ارصد بعضا من ردات الفعل هذه

العنوان أعلاه كتبه احدهم في منتدى كورة
وقد بدا عليه الغضب مما فعله موسى الزومة
فلنرى ماذا كتب

Quote: يا جماعة انا متحير في موسي الزومة دا والله بس لكن بكون ما فهم الحكم طلب منو شنو بي الضبط.. الزول دا بكون فهم انو الحكم قال ليهو تعال عيد ضربة الجزاء بس تكون بي نفس الطريقة و الحارس يصدها نفس الصدة عشان الناس ما شافوها في الاعادة و الحضري زاتو بالغ علي الاقل كان يترجم ليهو انو الركلة الاولي اتلغت و الركلة التانية دي بدل الاولي ما الاعادة بتاعتا.. والله الناس ديل عندهم جنس محن

وهذه بعض الردود على الكلام اعلاه:

Quote: وعامل فيها شليق عاويز يشوت 3 مرات الحكم قال ليهو اتخارج ********** ياناس انتو بتتكلمو عن موسى الزومه ؟ الاسطوره الكروية الحيه ؟ لا لا ياخ ما صح منكم الكلام ده <<< ممغوص لمن قلبت معاهو ******** هههههههههههههههههههههههههههههههههه انا الكيفني هو قالو ليو عيدة ماشي ما جايب خبر لمن الحضري ناداو خخخخخخخخخخخخ عرفنا ما بعرف بشوت تقل الاضان شنو *********** البدري زاتو بالغ بلنتي شنو كمان البلعبو موسي الزومة دا هو عمك العجب ضيع معقول موسي يجيبها

الاخ البشاري .. سلام


اللاعب السوداني بشكل عام ضعيف في تنفيذ ركلات الجزاء علي الاقل في السنوات الحديثه حتي لا نظلم قدام اللعيبه ..

لقد رايت كيف خرج الهلال من الكونفدراليه للعالم 2010 وكانت البطوله قاب قوسين او ادني وكانت فرقة الهلال جاهزه لتحقيق هذا الحلم ولكن اضاعوه بكل استخفاف وايضا الفريق الوطني مع انغولا كاس افريقيا للمحلين..

اللاعب السوداني يحتاج لتدريب وثقه لتنفيذ ركلات الجزاء هنالك ..

اما بخصوص موسي الزومه والعجب فديل خلاص مرحليا انتهوا علي المريخ ان يستغني عنهم اضافة لبدرالدين قلق يا اخي دا اروش بشكل لا يوصف وقد حالفه الحظ كثيرا في احراز اهداف ..

هنالك اشياء كثيره اخي البشاري محتاجه لمراجعه ووقفه قويه وحاسمه دون المجامله ...

تقديري..


تعديل حرف..

Quote: اللاعب السوداني بشكل عام ضعيف في تنفيذ ركلات الجزاء علي الاقل في السنوات الحديثه حتي لا نظلم قدام اللعيبه

اسامة خليفة

وعليكم والسلام ،،،،،
حتى ولو كان ضعيف فركلات الترجيح هي مهارة مكتسبه
وينبغي التدرب عليها لأنها اصبحت وسيلة لحسم المباريات احيانا
يعني انا متأكد البدري دا ما درب الجماعة ديل على تنفيذ الركلات
ولا حتى حدد مين حينفذ الركلات بدليل كان بتشاور مع فاروق جبره
يعني يكون اتفاجأ بحكاية الركلات دي
اسي انت لو كنت مدرب كنت حتختار موسى الزومة دا لتنفيذ ركلة؟

الشكية لله غايتو

الخروج ليس نهاية الدنيا
المهم التعلم من الاخطاء ادارة وجهاز فني واداري ولاعبين
وهنا اقول أن الوالي وإدارته لم تستفد من الدروس السابقة
بسماحها للمدرب حسام البدري بالسفر الى مصر
وترك الفريق لفاروق جبره
وهو نفس الخطأ الذي وقعت فيه حينما منحت كروجر اجازة
والمريخ يستعد لمباراة الرد مع الوحدات الاردني
وحينها ايضا حدثت كارثة كبرى للمريخ