لمة بورداب الرياض الأسرية (احتفائية خاصة بالعريس الأمين البشاري وحرمه) ..

Post: #1
Title: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-03-2011, 08:45 AM

يوم الجمعة الموافق 8 أبريل 2011م سيكون يوما حافلاً بإذن الله ..
سيلتئم الشمل بعد صلاة الجمعة ..
لمة أسرية شاملة لكل بورداب الرياض وأسرهم ..
نحتفي بالعريس و حرمه ..
يمتد اللقاء حتى المساء تواصلاً ..
لتمتد أواصر المحبة بين البورداب ..
وسنعمل على تكرار مثل هذا اللقاء على الأقل كل شهر ..
سنواصل هذا البوست حتى يوم اللقاء ..

المكان سنحدده هنا لاحقا ..

Post: #2
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-03-2011, 08:46 AM
Parent: #1

غياب لمات البورداب في الفترة الماضية تعود لظروف كثيرة مرت ..
منها وفيات وسفر البعض المتكرر وتباعد المناسبات التي كانت تحدث كثيراً في السابق ..
نتمنى أن يلتئم الشمل ويحضر كل الغائبين ..
وهذه دعوة ومناسبة تجمعنا في محبة ووئام ..
كذلك نرجو من كل أعضاء المنبر بالرياض بالتفاعل مع هذا البوست والتواصل عبل الردود والتلفونات ..
كما نرجو من أعضاء اللجنة التواصل عبر الهاتف ..

ولكم مني كل المحبة والسلام ..

Post: #3
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ismeil abbas
Date: 04-03-2011, 08:47 AM
Parent: #2

ده كلام جميل أخ/معتصم.وألأخ/ألأمين رجل يستاهل كل خير ومرحبآ به وزوجته ضيوفآ أعزاء بيننا .بورداب الرياض كثفوا الحضور جديد على قديم.

Post: #4
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ود الباوقة
Date: 04-03-2011, 08:48 AM
Parent: #1

تمام

Post: #5
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: manal eltahir
Date: 04-03-2011, 09:04 AM
Parent: #4

عندكم (البيك)...........ولا ساي؟؟

Post: #6
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: نادر النور آدم
Date: 04-03-2011, 09:09 AM
Parent: #5

حضور بإذن الله من أجل البشاري وحرمه المصون .. وكذلك لمة الأحباب
.
.
.
.
ويا منال الطاهر ياخ ما تقلبي علينا المواجع

Post: #7
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: سيف بخيت موسي
Date: 04-03-2011, 09:56 AM
Parent: #6

Quote:
حضور بإذن الله من أجل البشاري وحرمه المصون .. وكذلك لمة الأحباب

شرح أخونا نادر النور

تحياتي معتصم والجميع

Post: #8
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ABUHUSSEIN
Date: 04-03-2011, 10:02 AM
Parent: #7

Quote: يوم الجمعة الموافق 8 أبريل 2011م سيكون يوما حافلاً بإذن الله ..
سيلتئم الشمل بعد صلاة الجمعة ..
لمة أسرية شاملة لكل بورداب الرياض وأسرهم ..
نحتفي بالعريس و حرمه ..
يمتد اللقاء حتى المساء تواصلاً ..
لتمتد أواصر المحبة بين البورداب ..
وسنعمل على تكرار مثل هذا اللقاء على الأقل كل شهر ..
سنواصل هذا البوست حتى يوم اللقاء .

سلام يا معتصم

والله نحن منتظرين اللمة دي لينا فترة لكن الان توقيتها غير مناسب معانا للاسف

لظروف الكراع المجبصة وكده

نتمنى ليكم لمة سعيدة وجميلة وكان بودنا الحضور لكن الله غالب

والجايات اكتر إن شاء الله

Post: #9
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Khalid Saeed
Date: 04-03-2011, 10:26 AM
Parent: #8

حبيبنا مـــو

التحيات الطيبات لك ولكل البورداب ..
والتبارك أجملها لحبيبنا العريس الأمين البشاري ..
نتمنى أن نرى جميع الغياب ، وأن تتواصل اللمات الجميلة ..
تحياتي،
أخوك/ الأرباب

Post: #10
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: صديق الموج
Date: 04-03-2011, 10:44 AM
Parent: #9

كلام زى (الضهب)
حضور باذن واحد احد،،،

Post: #11
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: محمد إبراهيم علي
Date: 04-03-2011, 10:59 AM
Parent: #10

حضور باذن الله

ابو حسين ده لازم يجي حتى لو ناجر اسعاف

Quote: والله نحن منتظرين اللمة دي لينا فترة لكن الان توقيتها غير مناسب معانا للاسف

لظروف الكراع المجبصة وكده

Post: #12
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ismeil abbas
Date: 04-03-2011, 11:04 AM
Parent: #11

هناك شخصية جميلة سوف تكون حضور بأذن الله....

Post: #13
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ساميه حامد
Date: 04-03-2011, 11:06 AM
Parent: #11

معتصم كيف حالك
والله البشاري وعروسو إستاهلوا

وكان نفسنا نكون معاكم لكن انت عارف الوضع

Quote: والله نحن منتظرين اللمة دي لينا فترة لكن الان توقيتها غير مناسب معانا للاسف

لظروف الكراع المجبصة وكده

نتمنى ليكم لمة سعيدة وجميلة وكان بودنا الحضور لكن الله غالب

والجايات اكتر إن شاء الله

وإن شاء الله نكون معاكم في اقرب لمة

Post: #14
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: حمزاوي
Date: 04-03-2011, 11:15 AM
Parent: #10

Quote: كلام زى (الضهب)
حضور باذن واحد احد،،،
الزول دي بيعرف الرطانة

Post: #15
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: manal eltahir
Date: 04-03-2011, 11:46 AM
Parent: #14

انت يا نادر لكن بس طوالي تسجل حضور!!! ما لازم الاول تعرف ( البيك) والعليك. ....ووالله يا ساميه لكن زعلتيني .....يعني ما تقدري تتحركي شبر من غير المريخابي ده...ثم انا ما قادره اقتنع انه الزول البتفاصح في النت ده ما قادر يمشي!!!!!!ساميه هوووووووي ارجعي الدكتور قولي ليه فك الكراع وجبس لينا الخشم....

Post: #16
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: walid taha
Date: 04-03-2011, 12:09 PM
Parent: #1

Quote: هناك شخصية جميلة سوف تكون حضور بأذن الله....

أُؤمِّـن على كلام إسماعيل

Post: #17
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: عبدالله ود البوش
Date: 04-03-2011, 12:20 PM
Parent: #16

حضور باذن الله

Post: #18
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Shaker Hamid
Date: 04-03-2011, 12:27 PM
Parent: #16

شكرا اخ معتصم وسلامى الى جميع بورداب الرياض
كنا نود ان نكون بينكم حضور
انا لا زلت بارض السودان الوطن المابقى واحد

Post: #62
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: صالح عبده
Date: 04-05-2011, 05:24 AM
Parent: #16

التهنئة الحارة للعريس الأمين البشاري

Post: #19
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: احمد العمار
Date: 04-03-2011, 01:30 PM
Parent: #1

الف مرحب بالعريس الامين البشارى و حرمه بالرياض
و نتمنى لهم حياة زوجية سعيدة وبيت مال و عيال

ونتمنى ان نرى جميع الاخوة يوم الجمعة

أحمد العمار

Post: #20
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: الامين موسى البشاري
Date: 04-03-2011, 01:41 PM
Parent: #19

برغم عدم التجانس الحواري في سودانيز اونلاين
الا ان فيه وبصراحة عالم جميل من التواصل والمحبة بين الاعضاء
وخصوصاً اخوتي بورداب الرياض
فحينما نجتمع ننسى كل البورد وتتجسد فينا سودانيتنا فقط
حضور بإذن الله
..
..

كع
__
ابو حسين وسامية

كدا ما تجوا يوم الجمعة عشان (نشيف) الموضوع كيف!!

Post: #21
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: أيمن دياب
Date: 04-03-2011, 03:16 PM
Parent: #20

جمعني اتصال قبل قليل بالعضو الفخري وصديق البورداب مصطفى عثمان (شحرفان)..
ويغريكم السلام جميعاً وقد بلغته بـ(اللمة) المرتقبة..وقد أبدى رغبته في المشاركة في لقاء الجمعة..
نأمل تحديد موقع الاستراحة.. وحضور بإذن الله وفي رفقتي صديقكم شحرفان..

Post: #22
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-03-2011, 04:56 PM
Parent: #21

إسماعيل عباس .. التنسيق بالتلفون مهم كثفوا الجهود ..

ودالباوقة .. تمام مع التنسيق ..

منال الطاهر .. دا حضور مشروط ؟ بس إنتِ قولي يا البيك تلقيهو بين يديك ..

نادر النور .. كيفك يا صديق لو حداك أي بوردابي أديهو خبر بالله عليك ..

سيف بخيت .. المره دي مشركين ليك يعني رحلة خارجية مافي

أبوحسين .. ياخي العذر معاك وربنا يكتب ليك الشفاء .. لو بتقدر على (الصنقير) بنجي ناخدك في طريقنا ..

الأرباب خالد سعيد .. الساوند تم التسنيق مع أيهاب نميري والإستراحة على يوسف السماني يبقى الموية على وزير الري

صديق الموج .. حضورك مهم .. بيني وبينك كان تكتب زي صلاح غريبة صديق الموج الرياض الخبر الدمام

محمد إبراهيم .. وينك يا صاحب خلاص أبوحسين دا خليناهو عليك ..

سامية حامد .. عذركم معاكم ومقدرين الظروف نشوفكم قريب إن شاء الله ..

الخال حمزاوي .. الموج دا يمكن يكون إتفرمت ..

وليد طه .. الشخصية مهمة شديد وتستحق الجلوس معها ..

عبدالله ودالبوش .. حضورك يسعدنا ..

شاكر حامد .. كيفك يا حبيب شنو لقيت البلد سمحة وقعدت أمنياتنا لك بالتوفيق وأكيد ح نتلاقي من جديد ..

أحمد العمار .. خلي إتصالك مع ناس اللجنة هنالك الكثير من التنسيق ..

الأمين البشاري .. أبشر يا عريس ..

أيمن بشير وصديقه شحرفان اللهو العضو الفخري لبورداب الرياض .. حضوركم يشرفنا ..

دعوة للجميع بالتنسيق مع اللجنة يا ريت بالإتصال ..
وأتمنى الاتصال بكل الأعضاء الغائبين لأن حضورهم يهمنا ..

Post: #23
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق عبد اللطيف نقد
Date: 04-03-2011, 05:40 PM
Parent: #22

Quote: دعوة للجميع بالتنسيق مع اللجنة يا ريت بالإتصال ..
وأتمنى الاتصال بكل الأعضاء الغائبين لأن حضورهم يهمنا ..

حاضرين يا ابو عمر (الشفيف سابقا)

نجيب معانا غدانا ولا نجي خفاف
انا بقترح العوائل يجيبوا غداهم العادي
ما تيسر زي زمان وانشاء الله بطلع برنامج ممتاز
واهم حتاجه الاستراحه لازم يكون فيها مسبح
لزوم الكرشة بعد الغداء وكده

Post: #24
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ادريس خليفة علم الهدي
Date: 04-03-2011, 06:10 PM
Parent: #23

نسبة لظروف قاهرة نعتذر عن الحضور

نجيب زيادة

Post: #25
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Osman Musa
Date: 04-03-2011, 07:19 PM
Parent: #24

عزيزنا معتصم
سلامات
مبروك للعريس

وياخ أنت يازول الدينمو المحرك لقاطرة التواصل .
منتظرين اللمة الأسرية . وحاول أجدع تلفون لدكتور حيدر بدوي
في الخبر عشان يتعرف عليكم .
وبعدين ياخ وين الشباب ديل ناس محمد عبدالجليل وصلاح شتات . في زول
قال لي محمد عبدالجليل ده عمل مصنع طوب في قرية الشيخ الطيب شمال
امدرمان . ده خبر سمح .
تحياتي وبالتوفيق .

Post: #26
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: نادية عثمان
Date: 04-03-2011, 08:22 PM
Parent: #25

سمعة كتب
((هناك شخصية جميلة سوف تكون حضور بأذن الله.))

موش قلت ليك خلي الموضوع سر بينا وكدا ( وش منفوخ)

مو

مشتاقين ياشقيقي الغالي كيفك والأحباب ؟!

تسلم يارب

Post: #27
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: صلاح غريبة
Date: 04-03-2011, 09:28 PM
Parent: #26

الف مرحب بالعريس الامين البشارى و حرمه بالرياض

و نتمنى لهم حياة زوجية سعيدة وبيت مال و عيال

وحبوبتي تسلم عليكم وتقول ليكم لو هي بعافية ستجي معاي ......

وطبعا المفاجاة ... حضور بوردابية لاول مرة تتقابل مع بورداب الرياض .........

وحضورها علشان الحضور اسري ...... ولازم تكون معاي اسرة او امنع من الدخول .........

صلاح غريبة - السيحضر المناسبة ومعاهو مفاجاة ........ الخ

Post: #28
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: د.محمد حسن
Date: 04-03-2011, 10:34 PM
Parent: #27

Quote: ولازم تكون معاي اسرة او امنع من الدخول .........

ايوة
لانو عوائــــــــــــــــل

صلاح غريبة عليك بمطعم النخيل

محمد حسن والاسرة
حضور باذن الواحد الاحد

اها بي شربوت والا سفن اب

خالد الارباب
ابعد المدام مننا

Post: #29
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ياسر السر
Date: 04-04-2011, 05:41 AM
Parent: #28

ألف مبروك للأخ الأمين موسى وحرمه وتمنياتي بحياة زوجية سعيدة ،،

وبإذن الله حضور ,,

وإن شاء الله لمه حا تكون جميلة بوجود كل بورداب الرياض الجميلين ,,
ياسر العيلفون

Post: #30
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: محمد عبد الماجد الصايم
Date: 04-04-2011, 06:15 AM
Parent: #29

Quote: ارجعي الدكتور قولي ليه فك الكراع وجبس لينا الخشم....

أمسكي في النجيضة دي يا أم حسين!!

_
ربنا يسهّل
تحياتي يا شفيف

Post: #31
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ABUHUSSEIN
Date: 04-04-2011, 07:11 AM
Parent: #30

Quote: أمسكي في النجيضة دي يا أم حسين!!

تضحك يا كبير.......

Post: #32
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: داليا الكباشى
Date: 04-04-2011, 11:00 AM
Parent: #31

الواحد لا متعود على حركه (حضـور) بدون مشاركه فعاله دي :)
ولا متعود على جمله (حضور والعائله) دي :) الاتنين جداد ^_^

انشالله كان ربنا مد في العمر ..
ابو حسين دا ما يجي , ممنوع من اللمات بأمر الطبيب ,
نحن غايتو بنغشى ساميه والاولاد نجيبهم معانا ^_^

الامين البشاري الف الف مبروك ومرحبا بي المدام في ربوع نجد وأي حاجه :)

Post: #33
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ادريس خليفة علم الهدي
Date: 04-04-2011, 12:05 PM
Parent: #32

Post: #34
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Khalid Saeed
Date: 04-04-2011, 12:17 PM
Parent: #33

إهداء لحبيبنا العريس البشاري

ولكل البورداب ..

ونتمنى أن نراهم جميعاً ..

Post: #35
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: نادر النور آدم
Date: 04-04-2011, 01:49 PM
Parent: #34

اقترح اتنين عتاولة يمشو يعتلو ابو حسين يجيبوه .. وكذلك يرجعوه نهاية اليوم

Post: #36
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: خالد عبد الله محمود
Date: 04-04-2011, 02:12 PM
Parent: #35

ألف مبروك الأمين البشاري و بيت مال و عيال

الجمعة النهار عندي أرتباط مسبق لكن المساء إن شاء الله حضور لو الله سهل

Post: #37
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: عادل جبارة
Date: 04-04-2011, 02:30 PM
Parent: #36

يعني تفوتونا لمة تمبس
وتاني برضو لمة الأمين البشاري ؟؟

الف مبروك للعرسان وبيت مال وعبال
وحاضرين معكم بكل مشاعرنا

وتسلم أخي معتصم على تواصلك الإجتماعي المتميز
ومعك أعضاء اللجنة الموقرين
أمنياتنا لكم بالتوفيق

Post: #38
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معاذ حسن
Date: 04-04-2011, 02:31 PM
Parent: #36

مرحب بالعروسين
الف مبروك
بيت مال وعيال

Post: #39
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق ميرغني
Date: 04-04-2011, 02:42 PM
Parent: #38

مشكور اخي معتصم للاتصال والاهتمام كما عودتنا دائما

الف مبروك اخي الامين البشاري

معقوله بس اجتماع وزاري يكون بدون وزير الري ؟؟؟؟

.................

حبوبتي بتسلم عليكم وقالت ليكم الجماعه ديل جاينكم بدون باسطه !!!!!!!

هههههههههههههههههههههه

Post: #40
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ايهاب نميري
Date: 04-04-2011, 03:30 PM
Parent: #39

الساوند تحت الخدمه عشان خاطر العرسان

Post: #41
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: بله محمد الفاضل
Date: 04-04-2011, 03:35 PM
Parent: #39

مِنلمين في الخير دائماً يا رب

ود البشاري
نجدد التباريك
وعقبال البكاري واللواري

وهاكم
محبتي

Post: #42
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Khalid Saeed
Date: 04-04-2011, 04:52 PM
Parent: #41

حبوبتي بتسلم عليكم ..

وبتقول ليكم النبي فوقكم الضيف الجميل منو ؟؟؟؟؟؟؟؟؟؟؟؟؟؟؟؟؟

Post: #43
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ود الباوقة
Date: 04-04-2011, 04:55 PM
Parent: #42

حبوبتي بتسلم عليكم بتقول ليكم

كنت داير ارمي ليكم الطعمية

لكن ظهري قايم علي

Post: #44
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ود الباوقة
Date: 04-04-2011, 04:57 PM
Parent: #43

طعمية شنو كمان

هي العزومة مش غداء

اجي يا حبوبتي

Post: #45
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-04-2011, 05:06 PM
Parent: #41

طارق نقد .. مالك عايز تصادر ألقابنا () نجيب معانا غدانا ونجيب زيادة ..

إدريس وزير الري .. بلاك ولا بتبقى جيب معاك زيادة في الموية

عثمان موسى .. كيفك يا حبيب طولنا منك بحاول أتصل على دكتور حيدر ومحمد عبدالجليل وشتات موجودين وبسلموا عليك كتير ..

نادية عثمان .. إزيك يا حبيبة والله الشوق مطر وين الحي بيك يا ريت تطلينا تاني وتالت ..

صلاح غريبة .. سلم على حبوبتك وقول ليها منانا شوفتك ..

دكتور محمد حسن .. الإستراحة الإستراحة يا حبيب ..

ياسر العيلفون .. كيفك يا صديق جيب معاك العود عليك الله ..

ودالصائم .. مالك يا زول لابد كده ما تنسى الشيشة ..

كتورة داليا .. كيفك يا غالية بالله لو لقيتو فرصو أغشوهم معاكم ..

خالد عبدالله محمود .. لازم تجي يومنا طويل يبدأ من بعد صلاة الجمعة إلى آخر الليل ..

عادل جبارة .. كيفك يا صديق أمنياتنا لك بإجازة سعيدة في أرض الوطن ..

معاذ حسن .. شنو لبدت كده مع علي بابا دا

طارق ميرغني .. قول لحبوتك الباسطة دي أهم زول ..

أيهاب نميري .. يديك العافية يا حبيب ما بتقصر والله دائماً حاضر ..

بلة محمد الفاضل .. ياخي ما تختف رجلك وتزورنا في الرياض القريبة دي ..

يا شباب ..

نكرر الإتصالات الإتصالات ..
والتنسيق مع بعض ..

Post: #46
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ود الباوقة
Date: 04-04-2011, 05:13 PM
Parent: #45

طارق

عليكم بالباسطة

عليكم بالباسطة

عليكم بالباسطة

ضروري بالله

والشيرة تقلوها بالله

اصلنا داخلين على بيات صيفي

Post: #47
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: صبري طه
Date: 04-04-2011, 05:39 PM
Parent: #46

مبروك للعروسين ... وحضور إن شاء الله ...

Post: #48
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: أيمن دياب
Date: 04-04-2011, 05:55 PM
Parent: #47

Quote: طارق
عليكم بالباسطة
عليكم بالباسطة
عليكم بالباسطة
ضروري بالله

Post: #49
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ismeil abbas
Date: 04-04-2011, 06:33 PM
Parent: #48

تم حجز إستراحة دانة الشرق مخرج 18 يمين مع كبرى الصناعية الجديد

وبأذن الله أبوعركى البخيت ود/عفاف الصادق على موعد معنا بالحضور فى هذا اليوم ضيوفآ أعزاء وكرام

يا معتصم الكروكى الله يرحم والدينا ووالديك.

Post: #50
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ABUHUSSEIN
Date: 04-04-2011, 06:57 PM
Parent: #49

أتمنى من الإخوة الأعضاء و العضوات التحدث عن المناسبة و ليس أصبع أبو حسين

فلا يُعقل أن تشوه هذه المناسبة بالتحدث عن أصبع.....

Post: #51
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: manal eltahir
Date: 04-04-2011, 08:25 PM
Parent: #50

انا اَسفه يا استاذ عادل حسين...امسحها لي في وشي.....

Post: #52
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ABUHUSSEIN
Date: 04-04-2011, 08:31 PM
Parent: #51

Quote: انا اَسفه يا استاذ عادل حسين...امسحها لي في وشي.....

هوي أنا ما قاصدك إنتي.........

Post: #53
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Zomrawi Alweli
Date: 04-04-2011, 09:26 PM
Parent: #52

Quote: كلام زى (الضهب)
حضور باذن واحد احد،،،

يا خال حمزاوي سلام

الولد سديق الموج دي حفيف حفة
لسع ما عرفوا المكان قال حضور باذن الواحد الاحد

عالم
قايتو جنس قايتو

Post: #54
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق ميرغني
Date: 04-04-2011, 09:33 PM
Parent: #53

حبوبتي قالت ليكم الباسطه مشروطه بجية

وزير الري

وابو حسين

_______________---

طارق

الحبوبتو واضعه شروط

طارق والاسره الرياض وبحري

Post: #55
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: خالد المحرب
Date: 04-04-2011, 09:44 PM
Parent: #54

بعد التفاوض مع وزير الداخليه وعضو بورداب الرياض
والبوردابيه حفصه وبقيه اعضاء الكونقرس قررنا ان نكون حضور
بصبة حفيدنا منة ..... تصبحوا على خير

Post: #56
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: خالد المحرب
Date: 04-04-2011, 09:45 PM
Parent: #54

بعد التفاوض مع وزير الداخليه وعضو بورداب الرياض
والبوردابيه حفصه وبقيه اعضاء الكونقرس قررنا ان نكون حضور
بصحبة حفيدنا منة ..... تصبحوا على خير

Post: #57
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: waleed dawash
Date: 04-04-2011, 10:03 PM
Parent: #56

Quote: ارجعي الدكتور قولي ليه فك الكراع وجبس لينا الخشم..

Quote: أمسكي في النجيضة دي يا أم حسين!!

Quote: ابو حسين دا ما يجي , ممنوع من اللمات بأمر الطبيب ,
نحن غايتو بنغشى ساميه والاولاد نجيبهم معانا ^_

ولا يهمك يابن عمي اصلو القمم دائما مستهدفه.

Post: #58
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ساميه حامد
Date: 04-04-2011, 10:18 PM
Parent: #57

Quote: طارق

عليكم بالباسطة

عليكم بالباسطة

عليكم بالباسطة

بالله الباسطة دي ما تفوتونا ليها لازم تصلنا في حي الخليج

ودالصايم وتمبس عارفين البيت(مع انهم جونا الساعة الواحدة صباحا )

Post: #59
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ساميه حامد
Date: 04-04-2011, 10:21 PM
Parent: #58

Quote:
ولا يهمك يابن عمي اصلو القمم دائما مستهدفه.

مش كده بالله يا وليد

ده بدل ما إقولوا ناجلها لحدي ما ابوحسين إفك الجبص لانو عنصر هام وفعال

والله انا كنت ناوية اجيب الكنافة لكن ماااااااااااااااااااااااافي ليهم

Post: #60
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: أيمن دياب
Date: 04-05-2011, 05:17 AM
Parent: #59

Quote: بالله الباسطة دي ما تفوتونا ليها لازم تصلنا في حي الخليج
ودالصايم وتمبس عارفين البيت(مع انهم جونا الساعة الواحدة صباحا )

بالله نطلع جيران يا أبوحسين..
والله كان كده اللوم علينا (مدبل)..

Post: #61
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Yousif A Abusinina
Date: 04-05-2011, 05:22 AM
Parent: #59

بورداب الرياض

انشاء الله دائما ملمومين فى الخير وبالصحة والعافية ودائما كاملين ويبعد عنكم العين والحسد

والله الحضور حتى اليوم 50% ، الشغلة فيها مشوار خارج الرياض

ولكن قول اخونا ناس ود الصائم البضحكوووا علينا بالكلام الحلووو المعسول اذا غبنا عنكم فحضورنا

بقلوبنا.

التحية دائما وابدا لكم جميعا مع المودة الخاصة لاحلى بورداب

Post: #63
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق ميرغني
Date: 04-05-2011, 05:41 AM
Parent: #61

Quote:
ودالصايم وتمبس عارفين البيت(مع انهم جونا الساعة الواحدة صباحا )

ديل جو حضروا تحلية العشاء ولا شنو؟؟

Post: #64
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: محمد عبد الماجد الصايم
Date: 04-05-2011, 06:26 AM
Parent: #63

Quote: ديل جو حضروا تحلية العشاء ولا شنو؟؟

إنتو قاعدين تحلّو بعد العشا كمان!
بالله شوفو رفاهية طارق وحبوبتو دي!!

Post: #65
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: الامين موسى البشاري
Date: 04-05-2011, 06:34 AM
Parent: #52

Quote: هوي أنا ما قاصدك إنتي.........

تزوغ يا كبير يا ابو اصبع مكسور

Post: #66
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ادريس خليفة علم الهدي
Date: 04-05-2011, 06:53 AM
Parent: #65

Quote: إنتو قاعدين تحلّو بعد العشا كمان!

يا عمك .. الماعارف يقول عدس

حاشية :
ورد في كتاب اشجان الانادي لفضيلة الشيخ ادريس الهادي .. صفحة 330 طبعة 1982م الاتي:
سأل الشيخ ادريس الهادي الدكتور نجيب زيادة عن أفضل أنواع التحلية بعد العشاء فقال (الايس كريم وظل يرددها حتي قلنا ليته سكت)

Post: #67
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: عبدالمجيد الكونت
Date: 04-05-2011, 08:09 AM
Parent: #66

حاااضرين انشا الله

Post: #68
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: عمر عبد الله فضل المولى
Date: 04-05-2011, 08:16 AM
Parent: #67

حضور ان شاء الله

Post: #69
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: محمد عبد الماجد الصايم
Date: 04-05-2011, 08:45 AM
Parent: #68

Quote: (الايس كريم وظل يرددها حتي قلنا ليته سكت)

يا أخا العرب .. ألم يوضح إذا كانت
النكهة لها تأثير .. مثلا هل يُفضّل الفانيلا أم الاستراوبري!!

Post: #70
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق ميرغني
Date: 04-05-2011, 08:54 AM
Parent: #69

Quote: إنتو قاعدين تحلّو بعد العشا كمان!
بالله شوفو رفاهية طارق وحبوبتو دي!!

امال التستا بتاعة الباسطه دي انت قايل بنعملا بتين ؟؟؟؟

Post: #71
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ادريس خليفة علم الهدي
Date: 04-05-2011, 09:53 AM
Parent: #70

Quote: يا أخا العرب .. ألم يوضح إذا كانت
النكهة لها تأثير .. مثلا هل يُفضّل الفانيلا أم الاستراوبري!!

يا عمك
ورد في تفسير الشيخ راشد القطاني لكتاب اشجان الانادي في هذه الجزءية (النفس وما تشتهي)

Post: #72
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Kamal Karrar
Date: 04-05-2011, 10:04 AM
Parent: #71

طارق أيه رأيك تعملوا لينا واحدة أنا والمدام
عييييييييييييييك

Post: #73
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ابو جهينة
Date: 04-05-2011, 10:19 AM
Parent: #71

بسم الله الرحمن الرحيم

ما شاء الله الحوش عامر

أها يا جماعة : الواضح ما فاضح

كل زول يجينا بغداه يوم الجمعة
و في الجزلان جنب الإقامة و رخصة السواقة تأكد من وجود

و شرطا تكون ورقة واحدة ( يعني خمسينين ما عاوزين )

تنويه : بصراحة يا جماعة ، اللجنة لديها أكثر من مشروع لبرامج عديدة و متنوعة و لكن ضيق ذات اليد و إنعدام مورد ثابت و تحرجنا من القيام بلملمة المال عند كل مناسبة و نقصان المطلوب دائما عند كل مناسبة و إرتفاع مديونيتنا عند البعض بعد كل مناسبة و تناقص عدد كبير من الأعضاء في حضور المناسبات : كل هذا يجعلنا ( نقدم رجِل و نأخر رجل ).
و لكننا رغم ذلك نقدم البرامج حسب أولوياتها و حسب التساهيل.

تخريمة : كان من المفترض أن يكون برنامج المساء هو لقاء مع الكاتب محمد زين الشفيع ، و لكن نظرا لإرتباطه مع جمعية الحلاوين فقد إعتذر.

Post: #74
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Khalid Saeed
Date: 04-05-2011, 10:21 AM
Parent: #71

حبيبنا وزير الري ..

برجوعي إلى كتاب أشجان الأنادي ( صفحة 436 ) باب ( المحلـــون يتبعهم الغاوون ) ..
افاد بأن أكبر خطأ يقع فيه أتباع نجيب زيادة بالسودان .. بأنهم يحرمون التحلية ،
مما جعل الغاوووون يتبعونهم حافر بحافر .. لكي يظفروا بما لز وطاب من تحليات ترافق د. نجيب زيادة ..

بالمناسبة : مازلت أذكر يوم أن أمطرنا الأرباب المحرب .. بموجة أيسركيم مشوبة بالمكسرات ،
ففرحت حتى تفرجت أساريري .. لأنني كنت من أتباع النظرية السودانية التي تحرم الإيس كريم على نجيب زيادة وأتباعه الخلص،
فإذا بي أفاجأ بأن المؤمن حلوي ..
وأن القوم قد إنكبوا على الإيس كريم إنكباب الدراويش على الفتة أم توم ..
فأطلقت زفرة حرة .. ثم قلت أن في الأيس كريم لفتنــــة ...

Post: #75
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معاوية المدير
Date: 04-05-2011, 10:33 AM
Parent: #74

يا ود البشاري انا اعذرني ما فيّ طريقة جيّة تب،
لكن يومي الللِم فيك بغمتلك الـ في النصيب ...

Post: #76
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق ميرغني
Date: 04-05-2011, 10:50 AM
Parent: #75

Quote: طارق أيه رأيك تعملوا لينا واحدة أنا والمدام

يا كمال تقصد لمه ولا باسطه؟؟؟

____________

يا ريس ابو جهينه

يعني جري وطيران ؟؟

غداء وابو ميه وباسطه كمان

انت قايلني شحرفان ولا ود الصايم؟؟؟؟

وما عايز اقول وزير الري حيعمل شنو مع زياده ساتي ؟؟؟

التعديل لاضافة ود الصايم

Post: #77
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ابو جهينة
Date: 04-05-2011, 10:56 AM
Parent: #76

سلام معاوية المدير

جيتك تزيد اللمة بهجة

لو ما جيت ، رسل لينا نص ال في الصورة ، بنوصل ال بنوصلو للعريس و الباقي ضريبة و دمغات

Post: #78
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ابو جهينة
Date: 04-05-2011, 11:07 AM
Parent: #77

يحز في النفس غياب أعزاء من بورداب الرياض
في الغربة لا ألوم أحدا ، فهذه الغربة تمسك بتلابيب الوقت و تخنق أي إرتباط و تفسد كل تخطيط
الكل معذور
و لكن نعشم في التواصل على الأقل هنا
فإلى كل هؤلاء أقول : تواصلوا فإن في التواصل تبريد لحرارة المهجر

Post: #79
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ادريس خليفة علم الهدي
Date: 04-05-2011, 11:26 AM
Parent: #78

Quote: برجوعي إلى كتاب أشجان الأنادي ( صفحة 436 ) باب ( المحلـــون يتبعهم الغاوون ) ..
افاد بأن أكبر خطأ يقع فيه أتباع نجيب زيادة بالسودان .. بأنهم يحرمون التحلية ،
مما جعل الغاوووون يتبعونهم حافر بحافر .. لكي يظفروا بما لز وطاب من تحليات ترافق د. نجيب زيادة ..

ابو سعيد

هذا ورد فيما بعده اما فيما بعد صبيحته عليك بمراجعة كتاب الشيخ محمد حسن الامدرماني (المحاكر في البنابر)
او كتاب الشيخ جلال الدين الجهني (يا زين عصايركم يا السودانيين)

Post: #80
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: موسي عيسي
Date: 04-05-2011, 11:34 AM
Parent: #76

الف مبروك لاخينا الشفيف الامين البشاري وبالرفات والبنين

و تشكر اخي معتصم دوما سباقين و الي الامام انشاء الله .

حضور انشاء الله و سوف يكون معي ياالعريس ممثلين من برام الطيبة

بقيادة الاستاذة حاتم التجاني هنون .

و لكم التحية .

Post: #81
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: عبدالقادر علي عبدالرحيم
Date: 04-05-2011, 12:02 PM
Parent: #80

بعد التفاوض مع وزير الداخليه وعضو بورداب الرياض
والبوردابيه حفصه وبقيه اعضاء الكونقرس قررنا ان نكون حضور
بصحبة حفيدنا منة ..... تصبحوا على خير

هي لمات شبابية فقط

Post: #82
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: امير طمبل
Date: 04-05-2011, 12:14 PM
Parent: #81

Quote: [B]والتبارك أجملها لحبيبنا العريس الأمين البشاري ..

الاخ معتصم و جميع الاخوة الاعزاء بالرياض
تحياتي
يظهر ما لينا في الطيب نصيب
يعني لو اخرتوها اسبوع بس كنا تشرفنا
بوجود اخوة اعزاء ..عموما ان شاء الله
دائما تامين ولامين و سالمين
بطرفكم 17 ابريل في مهمة رياضية
مرافقا لفريق السد القطري لملاقاة النصر السعودي
مبروك للعريس الامين تسلم اخي معتصم
تحياتي للجميع

Post: #85
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-05-2011, 02:57 PM
Parent: #82

أمير إزيك ..
وكل الأحباب في قطر طرفك ..
معليش البرنامج كان مخطط له سلفاً ..
ونحن في إنتظار جيتك في التاريخ المحدد ..
تلفوني 0507909071 ح أنتظر تلفون منك مجرد وصولك للرياض ..

تحياتي وودي ..

Post: #83
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: محمد عيسي محمد
Date: 04-05-2011, 12:27 PM
Parent: #81

التحية للعريس وحرمة المصون وأمنياتي لكم بقضاء يوم بهيج

Quote: وبأذن الله أبوعركى البخيت ود/عفاف الصادق على موعد معنا بالحضور فى هذا اليوم ضيوفآ أعزاء وكرام

تحياتي للأنسان المرهف عركي وزوجتةالمبدعة عفاف فهما بحق عزاز وكرام حيثما حلو

Post: #84
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: نور الدين عثمان
Date: 04-05-2011, 01:16 PM
Parent: #83

مبروك والف مبروك للعريس البشارى وتحياتى لكم جميعا بورداب الرياض .... حاضرين باذن الله ,

Post: #86
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-05-2011, 03:20 PM
Parent: #84

صالح عبده .. حبابك ألف ..

صبري طه .. في انتظار جيتك يا حبيب ..

زمراوي الولي .. سلام ..

خالد المحرب .. حضوركم جميل وفي انتظاركم ..

وليد دواش .. مووش كده عليك الله ..

أبوسنينة .. يا ريت تكمله 100% ونشوفكم يوم الجمعة ..

عبدالمجيد الكونت .. ياخي إنت زول أساسي ..

عمر عبدالله فضل المولى .. يسعدنا حضورك ..

كمال كرار .. زي ما قال طارق ميرغني لمة ولا بااااسطة ..

الريس أبوجهينة .. جيت وجبت المفيد ..

معاوية المدير .. المصيبة دي ما لونه متغير ..

موسى عيسى .. مرحب بيك وبضيوفك ..

عبدالقادر علي عبدالرحيم .. شبابية وعجايز الإتنين ..

محمد عيسى محمد .. ولك مثلها من التحايا ..

نورالدين عثمان .. والله دي فرصة طيبة نلاقيك يا حبيب ..

أبقوا على إتصال يا شباب ..

Post: #87
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: waleed dawash
Date: 04-05-2011, 03:27 PM
Parent: #84

Quote: ده بدل ما إقولوا ناجلها لحدي ما ابوحسين إفك الجبص لانو عنصر هام وفعال

والله انا كنت ناوية اجيب الكنافة لكن ماااااااااااااااااااااااافي ليهم[/QUOTE

ياخي انا ظاااااااتي شاكي في انو الناس ديل انتهزو فرصة ابوحسين مابقدر يجي دي
وبدرو بالموضوع ده ....

ياخي ناس الرياض ديل عليهم جنس غتاته.

مني منك ياساميه استنى يوم اللمه وبعد ما الناس تطمئن .. وتداهميهم وانتي
متكله جون سيلفر بيدك اليمين.

Post: #88
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: نادر النور آدم
Date: 04-05-2011, 03:51 PM
Parent: #87

ياخ هسي انا كنت داير اهدي للعرسان اغنيتين ... تقولو لي جاي ابو عركي ؟؟؟
اخير اسكت ساي كان كدي

Post: #113
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: الامين موسى البشاري
Date: 04-07-2011, 01:48 PM
Parent: #88

Quote: ياخ هسي انا كنت داير اهدي للعرسان اغنيتين ... تقولو لي جاي ابو عركي ؟؟؟

نادر النور ادم

شوفتك اكبر هدية يااااخ
مشكور على الشعور الجميل دا

Post: #89
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-05-2011, 04:13 PM
Parent: #87

أها يا جماعة ..

بقيتو على شنو ..
أصبع أبوحسين ..
ولا باسطة طارق ميرغني ..

ولا نجيب زيادة

Post: #90
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-05-2011, 04:30 PM
Parent: #89

للاتصال والتنسيق ..
الرجاء الاتصال بالإخوة ..

طارق نقد 0551415258
إدريس خليفة 0503469510
د محمد الحسن 0565122959
يوسف السماني 0502129715
خالد سعيد 0504174755
علاء تمبس 0500791374
معتصم دفع الله 0507909071
حميدة 0500130433

Post: #99
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ادريس خليفة علم الهدي
Date: 04-05-2011, 06:40 PM
Parent: #90

Quote: إدريس خليفة 0503469510

نرجو تصحيح الرقم 0594208438

Post: #91
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: عبد الباقي الجيلي
Date: 04-05-2011, 04:35 PM
Parent: #89

الغالي مو والريس وكل الجوقة

تحياتنا نديات

غبنا كثيراً لظروف خارج الإرادة ...

حضور إن شاء الله ومعنا المعلوم يا ريس!!!

Post: #92
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: أيمن دياب
Date: 04-05-2011, 04:41 PM
Parent: #91

Quote: حميدة 0500130433

الراجل ده معانا في الرياض ولا رجع السودان؟؟
سنين ما شفناهو..

Post: #93
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ABUHUSSEIN
Date: 04-05-2011, 04:47 PM
Parent: #92

Quote: طارق نقد 0551415258
إدريس خليفة 0503469510
د محمد الحسن 0565122959
يوسف السماني 0502129715
خالد سعيد 0504174755
علاء تمبس 0500791374
معتصم دفع الله 0507909071
حميدة 0500130433

ديشااااااااااااااااااااااااااااااااااك

ديل المنظمين........؟؟؟؟؟؟ و الباقين حا إكونو واقفين.......

.

Post: #94
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ABUHUSSEIN
Date: 04-05-2011, 04:50 PM
Parent: #93

أيمن دياب سلام

Quote: بالله نطلع جيران يا أبوحسين..
والله كان كده اللوم علينا (مدبل)..

أنا في تقاطع الأمير بندر مع شارع الجبيل

أها إنت وين من الحتة دي..؟؟؟

.

Post: #95
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ABUHUSSEIN
Date: 04-05-2011, 04:55 PM
Parent: #94

Quote: يحز في النفس غياب أعزاء من بورداب الرياض

شنو يا ريس يحز في النفس......

رسل العشاء للمكسرين علشان ما يحز في نفسك....

Post: #96
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: أيمن دياب
Date: 04-05-2011, 05:06 PM
Parent: #95

Quote: أنا في تقاطع الأمير بندر مع شارع الجبيل

أها إنت وين من الحتة دي..؟؟؟

ما بعيد منك..
أنا في أشبيلية.. طريق الملك عبدالله..
فاتح على كلية الفارابي..
اعمل لينا مسكول على الرقم 0554009252

Post: #97
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ناصر النعمان البدوي
Date: 04-05-2011, 05:40 PM
Parent: #96

العزيز..معتصم

العزيز ..إسماعيل عباس

كم كنا نتمني مشاركتكم الإحتفاء بالعريس الوجيه البشاري

ولكن لظروف أسرية موضوعية تحول دون المشاركة..

أتمني للجميع قضاء وقتا ممتعا ...مع تحياتي للجميع

Post: #98
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق ميرغني
Date: 04-05-2011, 05:51 PM
Parent: #97

الاخ امير طمبل

بالله ما تمشي من الرياض دون ما اشوفك

ولا حاكلم ليك خالك كمال كرار

يا اخوانا مسئولين من الخير

وين صديقنا تمبس ؟؟؟

واين محمد ود الشيخ
واين حميده

واحمد صديق

وفتحي

ومحمد ابراهيم

ومحمد عبد الجليل

وناس كتار ما ظاهرين

Post: #100
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ismeil abbas
Date: 04-05-2011, 06:52 PM
Parent: #98

سامية عليك الله كدى أصرى على الراجل ده يجى والله بفرق شوية من الحبسة.....

Quote: الفانيلا أم الاستراوبري!!

الداخلية...

ودالصايم عاجباهو كلمة إستروبارى وعايز يحشرة لينا هنا....إنعل أبوالثقافة...زمان عزمت لى جماعة فى بمبو فى عمارة الشيخ مصطفى ألأمين وجا الجرسون قا فى ميلك شيك..وعصير إستروبارى..وكابتشينو ..وسلاطة فروت وايس كريم...

الجماعة المعاى فيهم واحد قال أدونا أيس كريم والله ده العرفناهو..

بورداب الرياض دائمآ حلوين ومتلمين على الخير يارب.

Post: #101
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ismeil abbas
Date: 04-05-2011, 06:53 PM
Parent: #98

سامية عليك الله كدى أصرى على الراجل ده يجى والله بفرق شوية من الحبسة.....

Quote: الفانيلا أم الاستراوبري!!

الداخلية...

ودالصايم عاجباهو كلمة إستروبارى وعايز يحشرة لينا هنا....إنعل أبوالثقافة...زمان عزمت لى جماعة فى بمبو فى عمارة الشيخ مصطفى ألأمين وجا الجرسون قا فى ميلك شيك..وعصير إستروبارى..وكابتشينو ..وسلاطة فروت وايس كريم...

الجماعة المعاى فيهم واحد قال أدونا أيس كريم والله ده العرفناهو..

بورداب الرياض دائمآ حلوين ومتلمين على الخير يارب.

Post: #102
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ابو جهينة
Date: 04-06-2011, 06:45 AM
Parent: #101

الأهل بحلة شلعوها البرادبة يهدون الأغنية لكل الأحباب بحلة قوز الصالحية و فريق الصحفيين و كل الخلان رفقات البرادبة و خسوسا الروسي مصطفى شحرفان

Post: #103
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: أيمن دياب
Date: 04-06-2011, 07:12 AM
Parent: #102

up

Post: #104
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-06-2011, 08:27 AM
Parent: #103

Post: #105
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: طارق ميرغني
Date: 04-06-2011, 11:27 AM
Parent: #104

Quote: باسطة طارق ميرغني ..

ولا نجيب زيادة

يا معتصم

ناس الزياده ما بتنفع معاهم الباسطات بتزيد ليهم السكري

اختنا ساميه بعلك ده زول ترمس ساكت الباسطه ما بتنفع معاهو ؟؟
_____________________

يا سمعه بالله اتكلم مع الناس ديل بالعربي

شنو بمبو وايسكريم وخلطاتو العجيبه دي !!!

Post: #106
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Khalid Saeed
Date: 04-06-2011, 12:29 PM
Parent: #105

الدعــــوة موجهــــة خصــــوصـــاً .. لي قداما البـــورداب ..

فكثير ما شفنه بوستات بتقول ياحليل بورداب الرياض زمان ..
كانو .. وكانو .. وكانو ..

نتمنى كل بورداب زمان يجونا يوم الجمعة دايرين نشوفهم عشان يحكوا لينه عن سودانيز أون لاين زمان .
وبورداب زمان ( زمن أجتمعوا في بيت صلاح غريبة ) ...

Post: #107
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ismeil abbas
Date: 04-06-2011, 04:53 PM
Parent: #106

Quote: يا سمعه بالله اتكلم مع الناس ديل بالعربي

شنو بمبو وايسكريم وخلطاتو العجيبه دي !!!

أخوى طارق طبعآ إنت من ناس الزمن الجميل..

ناصر النعمان تسلم وبرضو حاول وجودك بسعدنا.

خالد سعيد..قدامى بورداب الرياض ونغنى ليهم حقيبة الفن يقدمها صديق الموج وآخر إبداع.

إحترامى.

Post: #108
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ساميه حامد
Date: 04-06-2011, 11:05 PM
Parent: #107

Quote:
اختنا ساميه بعلك ده زول ترمس ساكت الباسطه ما بتنفع معاهو ؟؟

القال ليك الباسطة لبعلي منو ؟؟

الباسطة لي انا لانو الايام دي عندي حالة إنخفاض في السكر بسبب شد الترمس وغسيل حلة الضغط

Post: #114
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: الامين موسى البشاري
Date: 04-07-2011, 01:52 PM
Parent: #75

Quote: يا ود البشاري انا اعذرني ما فيّ طريقة جيّة تب،

لكن يومي الللِم فيك بغمتلك الـ في النصيب ...

ههههههههههه معاوية المدير

جيت وبيته تب يا زول
بس رسل المعلوم على رقم الحساب دا
101-000000000000000000001

Post: #109
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: walid taha
Date: 04-07-2011, 06:51 AM
Parent: #22

QUOTEوليد طه ..الشخصية مهمة شديد وتستحق الجلوس معها ..QUOTE

يعنى "التأمين" جا في محلو D:

أُؤمِّن برضو على كلامك يا مو

C U

Post: #110
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: أيمن دياب
Date: 04-07-2011, 09:25 AM
Parent: #109

نتمنى حضور كل الأحباب بدون فرز..
أتعشم في ملاقاة عبداللطيف بكري وعمر الفاروق وحميدة..
وأتمنى تأكيد الحضور من عمران ومعاذ حسن

Post: #111
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معتصم دفع الله
Date: 04-07-2011, 09:40 AM
Parent: #110

مولانا شيخ عبدالباقي . ياخي حبابك 1000 ..

ناصر النعمان .. كيفك يا حبيب إن شاء الله الموانع تزول ونشوفك قريب ..

طارق ميرغني .. إذاً لا باسطة مع نجيب زيادة ..

وليد طه .. خليب قريب لقاء الأحباب ممتع ..

Post: #112
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: معاوية المدير
Date: 04-07-2011, 10:13 AM
Parent: #111

Quote: سلام معاوية المدير
جيتك تزيد اللمة بهجة
لو ما جيت ، رسل لينا نص ال في الصورة ، بنوصل ال بنوصلو للعريس و الباقي ضريبة و دمغات

ســلآمات يا ريّس.
بالله الوآحد من يشوف ليك موضوع أو مُدآخلة طوالي يشتم رائحة
الفلنكة والأُصطُبّة، اشواقي.
عارف، إتنين أصحاب، وآحد حبوبتو ماتت، والتاني ما راح للعزاء.
أها، صاحبنا القطع البِكا ده يوم لآفي في السوق، وش لقاليك صاحبو
قدامو. الراجل إتخلع وطوالي دخّل إيدو في جيبو وراح غامت لصاحبو
100 جنيه، وقال ليهو والله العظيم إنشغلت وما قدرت اجيكم.
الراجل عآين للورقة لقاها 100 جنيه، قال ليهو: يا زول حرّم جيت وبيّتَ
كمان...

الوآحد كان بودو يحضر معاكم، لكن ما باليد حيلة.
عموماً المرسال بيصلكم، رغم إنكم بقيتو زي الحكومة
جنكم ضرايب ودمغات...

Post: #115
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: ismeil abbas
Date: 04-07-2011, 06:53 PM
Parent: #112

أمنياتنا ان تكون لمة حلوة إن شاء الله...

طارق ميرغنى بتصل بيك ما بترد عشان تكلم أخونا هاشم..

Post: #116
Title: Re: لمة بورداب الرياض الأسرية (احتفائية خاصة بالعريس الأمين البشاري وحرمه) ..
Author: Mahassin Ibrahim
Date: 04-10-2011, 07:01 AM
Parent: #115

سلامات معتصم .

ولينا زمن من خبرك .

عساك بخير والاسره .

تنشاء الله دائما ملومين علي الخير وللخير .

تحياتي للعرسان .