أجمل من فوز الهلال هزيمة المريخ

لأن مالهم حرام مقطوع من لحم السوداني المعوز

لأن لاعبيه كلهم من المجنسيين الذين جاءوا بحثا عن مال سائب
حارس أجنبي مدافع أجنبي مهاجم أجنبي وعماد النحاس دا برضو أجنبي

هزيمة المريخ تعني هزيمة المؤتمر الوطني عدو الشعب السوداني الأول ..عشان كده نحن فرحانيين شدييييييد

ياسيد اسحب شوية الكلام الفاضى الانت كاتبو ده لانك واضح انك مابتفهم انه كرة القدم اخلاق قبل الهزيمة والانتصار وكونك هلالابى ده مايديك الحق باى حال من الاحوال انك تشتم كيان اسمه المريخ العظيم وايه حكاية انقاذ وما انقاذ ياخى بالله احترم نفسك ماتطرش ايى كلام هنا وتفتكر انك بتشجع فريق اسمه الهلال
الانتصر امس فى مباراة من ملاين المباريات معناها انك تقول ما يحلو لك وبطل سخف .

البسوه ناس الحكومة مع المريخ دا ما أسمو كورة وأخلاق رياضية دا نهب عدييل كده من خزينة الدولة ..معقولة واحد يدفع من جيبو أكثر من مليون ونصف المليون دولار في لاعب في سن المعاش ولا أسمو غسيل اموال رسمي .. المريخ ليس فريقا رياضيا بل مصحلة معاشات وووكر لغسل أموال المؤتمر الوطني لو ما عاجبك أشرب من البحر وأغرق فيه زي فريقك المشبوه دا

والله خسارة بعد الصرف والبعزقه دي كالها

يبقوا برضوا محليين !!!!!!!

قروش ما ليها حد انصرفت في الحضري وباقي المصريين

والمحصلة صفر

أخي عبدالله السفاح لك التحية ...
المال لايخرج من كف الفتي الا من الباب الذي منه أتي )
دا مال حرام والله مال حرام ...
وبعدين معقول يكون النصاب الأسمو جمال الوالي دا جاب الحضري ودفعوا ليه حتي الغرامة عشان يشيل كاس الدوري الهلال شال الكأس دا بناس أحمد عادل وكاشان وكرنقو ناس سجلهم الهلال ساي بدون غرامات ومال منهوب من جيب الشعب السوداني ..أنت عارف أنو المريخ ينتصر علي الهلال بس في بداية الموسم وفي معركة التسجيلات وبعد داك يلحسوا كوعهم تياجانا طلع ماسورة والولد بتاع التاكسي داك طلع فتة كلاتشي الخائن طلع بتاع فلوس والحضري طلع بتع رقيص بس وكان( بدري )عليك تودعني وأنا مشتاق ليك ...

وبعدين المريخ دا حقو يسموه مصلحة المعاشات السودانية ..
العجب دا فات سن المعاش ..
والأعجب من العجب الحضري دا المعاشو بالعملة الصعبة
والتسوي كريت .......

ماشاءالله عليك ياشعبان اهو انت فاهم كورة وسياسة وقدرت تحدد انو اموال الوالى الصارفها على المريخ من دم الشعب السودانى .. يالله بنفس الشجاعة والفهم الحاد ده ورينى اموال صلاح ادريس والكاردينال واخو الرئيس الصرفوها على الهلا ل جابوها من وييين ؟؟؟؟؟ واوعك تلف وتدور

الفرق بين مال الوالي ومال صلاح أدريس بأن الأول نهبها نهبا من الداخل ويصدرها للخارج بينما الثاني أتي بها من الخارج ويستثمرها في الداخل وماينطبق علي صلاح أدريس ينطبق ايضا علي الكادرينال ... صلاح أدريس يعتبر ماقدمه للهلال دينا مستحق الدفع لأنه مال حلال بينما يصرف الوالي شمالا ويمينا غارفا من الخزينة العامة ولايعتبرها دينا مستحق الدفع بل هي عطية ( غسيل أموال ) ....رجلا يدفع الملايين سنويا في بلد يموت فيها الناس جوعا ومرضا ينبغي أن يكون محل تساؤل أنه مال سائب لايريد حتي أسترجاعه ثم أن الرجل أثري علي حين غفلة لأنه عضو فاعل في المؤتمر الوطني بينما صلاح ادريس في عداء دائم مع هذا المؤتمر وعدأؤه لهم هو الذي يجعله مقصودا حتي من الأتحاد العام ... أسال نفسك بروية هل جمال الوالي هذا رجل (وارث) أو أنه من أسرة ثرية ببساطة تابع مصدر ثروته وعلاقاته مع المؤتمر الوطني عندها ستجد الأجابة المسالة لاتحتاج إلي فهلوة سياسية او قراءة إقتصادية مجرد حدس ومتابعة ... ولأن ماله حرام مقطوع من قوت الشعب السوداني فهو لن يثمر حتي وأن جاء بميسي أو روني فهو بالفعل قادر علي أحضارهما لأن الخزينة العامة مشرعة أمامه ...لن يفوز المريخ بأي كاس في وجود مال مشبوه لأنه دفع قبلها مليون دولار لاستضافة سيكافا وخسرها بجدارة كما خسر كل المنافسات التي ولجها ...