Post: #1
Title: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 08:18 PM
Parent: #0
نحن يا كافى البلاء
لاكورة
لاسياسة
لا اقتصاد
لا ثورة
لقد هرمنا - هرمنا فى انتظار اللحظة التى نعانق فيها كأس الأندية الأبطال
وناس خليل وودالبشرى هرما فى انتظار أى كاس برّانى
وأشرف الباقر فى الطريق الى الهرم
|
Post: #2
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 08:31 PM
Parent: #1
سفارى وموسى الزومة ديل عمرى ما اقتنعت انهم لعيبة كورة
بس مزمل ساوى ليهم قومة وقعدة ساكت - نظام شكّارتا دلاّكتا.
|
Post: #4
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 08:35 PM
Parent: #3
ايتو ضيّع قون موسى الزومة مايضيّعو
|
Post: #6
Title: Re: الحضرى بدون دفاع حبال بلابقر
Author: طارق الكوتش
Date: 04-02-2011, 08:38 PM
Parent: #3
غااااغ لمعركة ذات العواميد وقصة الاتنين وتلاتيناب
والعجب حبيبى وارص يا حضرى على الواحده ونص
...
الفاضلابى سلامات يا رجل و كيفنك عساك بخير
|
Post: #5
Title: Re: الحضرى بدون دفاع حبال بلابقر
Author: عبدالله ابوشوارب
Date: 04-02-2011, 08:36 PM
Parent: #1
Quote: لقد هرمنا - هرمنا فى انتظار اللحظة التى نعانق فيها كأس الأندية الأبطال
وناس خليل وودالبشرى هرما فى انتظار أى كاس برّانى |
دي علي طريقة اخوي الكاشف ولا شنو ؟
|
Post: #7
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 08:40 PM
Parent: #5
| Quote: دي علي طريقة اخوي الكاشف ولا شنو ؟ |
سلامات أبوشوارب
وكان لى أخونا الكاشف طارق الكوتش ده لحق هرم بن سنان زاتو
قالوا الباروكة اللى لابسها ذاتها هرمت وقام فيها الشيب
|
Post: #8
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 08:45 PM
Parent: #7
مرحبتين ياكوتش
والله محبطين من أى حاجة
من الواسوق ابت تطلع
من العجب طلع خازوق
|
Post: #9
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 08:52 PM
Parent: #8
موسي الزومة بعد ما عادوا ليهو البنلتى
قال للحكام : فًهمتكم
وراح راحل ومرحلّنا معاهو
والله وماطالبنّى حليفة
وكت شفت الزومة ماشى يشوت البنلتى
قمت من الكرسي وختيت ايدى فوق راسى
وقنعت منها بنسبة 99 فى المائة
ياخى موسى الزومة ده يوم واحد ما عكس ليهو كورة صح
معقولة يدوهو بنلتى؟ البدرى ده كان غريب ما معاهو زول يدلّو؟
|
Post: #11
Title: Re: الحضرى بدون دفاع حبال بلابقر
Author: طلحة عبدالله
Date: 04-02-2011, 09:36 PM
Parent: #9
Quote: وكت شفت الزومة ماشى يشوت البنلتى
قمت من الكرسي وختيت ايدى فوق راسى
وقنعت منها بنسبة 99 فى المائة
|
والله يا فضلابي أهنئك على كمية التفاؤل الشايلا جواك دي
لكن في نفس الوقت أشفق عليك وعلى كل مريخابي محب من الإحباطات المتتابعة التى ظلت تجثم على أنفاسكم
كلما تنفستم صعداء الأماني ..
نسبة التسع وتسعين بتاعتك دي أنا خاتيها لعدم تقدم المريخ في أي بطولة خارجية منذأكثر من ثلاث سنوات
عشان كدا كنت ح أتفاجأ إذا المريخ مشي خطوة لي قدم ..
مافي أي سبب بخلي المريخ يحقق نتائج إيجابية في الميدان طالما ظل يدار بعقلية العصور الوسطي بواسطة
مجلس إدارة ضعيف الشخصية لا يفكر ولا يقدر بقدر ما هو فاتح عقله وقلبه لما تكتبه صحافة المدرجات والعواطف
الساذجة ينفذ ترهاتها وإدعاءاتها قبل حتى ان يجف مدادها الباهت، فيما يحلق حوله جوقة من المنتفعين
وأصحاب الأجندة الذين إغتنوا من خيرات المريخ وإستفادوا من عثراته المتكررة جراء الفوضي التى يملونها
على مجلس الإدارة الأضينةوالدليل عنوان البوست بتاعك دا :Quote: الحضرى بدون دفاع حبال بلابقر
|
إذا كان المريخ بلا دفاع فلماذا أحرق مجلس الإدارة الملايين في صفقة هذا الحارس العجوز المطرود
من ناديه وجماهير فريقه ؟
وما فائدة حارس محترف ولديه الإمكانات والمقدرات التى تجعل مجلس جمال الوالي يفتح له خزائنه على مصراعية
إذا كان لا يتحمل بعض هفوات وغلطات خط دفاعه يا فاضلابي..
بمفهومك دا فمحمد كمال وحافظ وحتى بهاء الدين الزمان داك لا ذنب لهم في الأهداف التى ولجت مرماهم وتسببت
في هزائم المريخ السابقة لأنهم بدون دفاع كحبال بلا بقر كما قلت ..
كما ظللت أردد للحبيب هرون لا تحلموا بعالم سعيد مع مريخ المجلس الحالي طالما إستمر في نهجه العشوائي وسياسته العرجاء .
لك التحية والتقدير يا حبيب .
|
Post: #10
Title: Re: الحضرى بدون دفاع حبال بلابقر
Author: حسن حماد محمد
Date: 04-02-2011, 09:25 PM
Parent: #1
Quote: والله محبطين من أى حاجة
من الواسوق ابت تطلع
من العجب طلع خازوق |
الفاضلابى والله ياخوى تتابع الكورة فى السودان يجيك ضغط
وينك يا غالى
|
Post: #12
Title: Re: الحضرى بدون دفاع حبال بلابقر
Author: نادية عثمان
Date: 04-02-2011, 09:48 PM
Parent: #10
| Quote: وأشرف الباقر فى الطريق الى الهرم |
والله أنا هسي جاية من الهرم .. السياحة مضروبة شديد ياخ !!
ود الفاضلابي علاقتك شنو بدكتور علي الفاضلابي ؟!
إزيك كدا
|
Post: #13
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 10:06 PM
Parent: #10
ولد العم طلحة
سلام
طبعا ياطلحة انا زول هاوى وانت زول متخصص وحدثك الرياضى والصحفى لاندانيه عشان كدى فى حضرت ردودك تطيب لنا القراءة
وبالتأكيد ما حاندخل معاك فى جرجرة زى صاحبك جرجرة .
Quote: ذا كان المريخ بلا دفاع فلماذا أحرق مجلس الإدارة الملايين في صفقة هذا الحارس العجوز المطرود
من ناديه وجماهير فريقه ؟ |
الأجابة هى قولك:
Quote: المريخ يحقق نتائج إيجابية في الميدان طالما ظل يدار بعقلية العصور الوسطي بواسطة
مجلس إدارة ضعيف الشخصية لا يفكر ولا يقدر بقدر ما هو فاتح عقله وقلبه لما تكتبه صحافة المدرجات والعواطف
الساذجة ينفذ ترهاتها وإدعاءاتها قبل حتى ان يجف مدادها الباهت، فيما يحلق حوله جوقة من المنتفعين
وأصحاب الأجندة الذين إغتنوا من خيرات المريخ وإستفادوا من عثراته المتكررة جراء الفوضي التى يملونها
على مجلس الإدارة الأضينةوالدليل عنوان البوست بتاعك دا : |
اضافة لما ظل قلمك يخطه منذ ثلاثة سنين كما قلت - لكن ياطلحة مين يقول البغلة فى الأبريق؟
Quote: ما فائدة حارس محترف ولديه الإمكانات والمقدرات التى تجعل مجلس جمال الوالي يفتح له خزائنه على مصراعية
إذا كان لا يتحمل بعض هفوات وغلطات خط دفاعه يا فاضلابي.. |
لكن ياطلحة غلطات دفاعنا ماهفوات دى غلطات حدّية تجهجه بوفون ذات نفسه.
Quote: بمفهومك دا فمحمد كمال وحافظ وحتى بهاء الدين الزمان داك لا ذنب لهم في الأهداف التى ولجت مرماهم وتسببت
في هزائم المريخ السابقة لأنهم بدون دفاع كحبال بلا بقر كما قلت .. |
فى الحالة دى يمكن نقول اتلمّ المتعوس على خايب الرجا.
Quote: كما ظللت أردد للحبيب هرون لا تحلموا بعالم سعيد مع مريخ المجلس الحالي طالما إستمر في نهجه العشوائي وسياسته العرجاء .
لك التحية والتقدير يا حبيب |
الحلم ده الله يدينا ليهو نوم ياطلحة ,, غايتو اصحابى بنى زرقان أحلامهم أحلام يقظة. :لام زول محروق مش؟
|
Post: #14
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 10:11 PM
Parent: #13
Quote: الفاضلابى والله ياخوى تتابع الكورة فى السودان يجيك ضغط
وينك يا غالى |
الحبيب حسن حماد
يا أبو على هى كان وقفت على الدغت براهو البطن مافيها سكرى
مشتاغوون والله ,,
|
Post: #15
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-02-2011, 10:23 PM
Parent: #14
| Quote: السياحة مضروبة شديد ياخ !! |
ندوية ... سلام ياغالية
هى السياحة براها المضروبة المريخ مضروب ضرب العجب والزومة ومصعب
د. على الفاضلابى هو والد زميل البورد محمد [Fadlabi]
القرابة غير مباشرة لكن فى الحسبة نحن أبناء عمومة
هذا الأسم [الفاضلابى] نسبة لقرية الفاضلاب والتى سميت
بهذا الأسم نسبة لجد الفاضلاب (فضل) وهو جدى الثانى عشر
وكل من انتهى نسبه الى فضل فهو فاضلابى
تسلمى
|
Post: #16
Title: Re: الحضرى بدون دفاع حبال بلابقر
Author: طلحة عبدالله
Date: 04-02-2011, 10:58 PM
Parent: #15
الحبيب الفاضلابي
تحياتي لك وتقديري العظيم لردك
قول معاي الله يكضب الشينة بس .
|
Post: #17
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-03-2011, 00:26 AM
Parent: #16
وممكن برضو نقول عطفا على كلام الأستاذ طلحة:
حضرى بلا ادارة حلق بدون اًذنين
|
Post: #18
Title: Re: الحضرى بدون دفاع حبال بلابقر
Author: طلحة عبدالله
Date: 04-03-2011, 10:05 AM
Parent: #17
يا فاضلابي سلامات
بالنسبة لي فالصحيح :
حضري + إستمرار هرجلة مجلس المريخ = عايرة وأدوها سوط .
|
Post: #19
Title: Re: الحضرى بدون دفاع حبال بلابقر
Author: سيف الدولة كامل
Date: 04-03-2011, 02:11 PM
Parent: #18
ههههههههههههههههههههههههه
ازيك يا ابن عمي,,,طالقين بقركم في السهلة؟
الحبل عندنا ما تخاف ,,بنجيبه ليكم ,,الصبر.
|
Post: #20
Title: Re: الحضرى بدون دفاع حبال بلابقر
Author: عبدالعزيز الفاضلابى
Date: 04-03-2011, 06:30 PM
ود عمى الكامل الماك هامل
تحية طيبة
قلت لى غلبتو كالا ؟ سمح
الكوكة بتبات عند المخادة
نحن وانتو ياكامل
احمد وحاج احمد
SSDD
شفت ياطلحة
اليوم صاحبك مزمل قام ينظّر
انت ياطلحة مش احسن ناس المريخ ديل
يعملوا مزمّل ده مدرّب وكت بعرف كووول حاجة؟
|
Post: #21
Title: Re: الحضرى بدون دفاع حبال بلابقر
Author: khaleel
Date: 04-04-2011, 08:35 PM
Parent: #20
ابن عمي هاردلك
وفي المواسم الجاية حاول
يدور في ذهني سوال
هل هناك حاجة غلط في المريخ
ايداهور يرحل
كليتشي يصاب ولا يعود كما كان
طمبل يصاب ويهرم
راجي يصاب
ساكواها يصاب
وارغو يفشل
هل عين ام لعنة
|
Post: #22
Title: Re: الحضرى بدون دفاع حبال بلابقر
Author: أشرف محمد الباقر
Date: 04-05-2011, 00:06 AM
Parent: #21
.
العزيز جداً الفاضلابى
طبعاً يأستاذنا نحن الهلالاب الوحيدين الشيلنا معاك الفاتحة. والله صحى حاجة توجع.. هو بتين الموسم بدا وناسكم طشوا ولحقوا أمات طه.. والله الغلب حار ومبندار.. غايتوا شوفو ليكم إعارة سريعة لى ناس سفارى والزومة إنشاء الله للشاطى عطبرة .. وعطبرة لازم تكون فيها إنت حلقة الوصل أصلو أهلك ديل يكرهون اللون الأحمر وبشدة..
النصيحة التانية الريس ينظم ليكم دورة ودية مليونية زى سيكافا لكن الفرق المنافسة تكون من الهند و نيبال وكدة والله يستر دى زاته تطير منكم.غايتو الوالى فتر والله يستر عليكم من الجاى....
النصيحة التالتة: أعملوا الحضرى مدرب حراس أصلوا بعد دة يلعب معاكم يسوى شنو بعد الرماد كال حماد.. وخلوه ياكل خيار بالجبنة أحسن وأسهل للهضم... أصلوا الراجل بطنو طامة من فعايل سفارى والزومة وبلة وبقية العقد الفريد فى الملعب..
تخريمة:
الأخ خليل قال هل الهزائم بتاعت المريخ عين أم لعنة ؟ أنا بقول ليهو دة شراب مركز ما بتفك باخوى وأخوك... أصلو الجماعة ديل ياخليل فيهم ناس تديهم شاى بى لبن يشربوا الشاى ويخلوا اللبن! شى عجيب والله...
أشرف الباقر
.
|
Post: #23
Title: Re: الحضرى بدون دفاع حبال بلابقر
Author: khaleel
Date: 04-06-2011, 04:44 AM
Parent: #22
المريخ ينظم سيكافا
|
|