ياللعجب حسام البدرى حسم ألأمر من بدرى.

فريق المريخ خسارته خسارة للسودان كما نيل الحصاحيصا.تمثيل الوطن واللعب بأسمه يجب على الجميع أن يقفوا خلف من يمثلهم بدون عصبية لفريق ما .

هلاليتى لم تمنعنى من الحزن على المريخ ولكن المريخ فى هذه ألأيام ما بشد الحيل.

الحضرى وحده لا يصنع المستحيل ولا يستطيع أن يحمى عرينه إذا لم يكن أمامه دفاع يساعده.

التشكيلة لم تكن مقنعة رغم تقدم فريق المريخ بهدفين فى السودان .

وسط الفريق هو روحه وهو مؤشر نجاحه وكان مفقودآ فى هذه المباراة.

أتمنى ان نغير من ثقافة تشجيعنا بالذات إذا كنا نلعب بأسم الوطن.

هاردلك يا مريخ وهاردلك لكل مريخاب المنبر وكل المريخاب من القراء.

سلامات صديقى إسماعين

والله عايشت ضربات الجزاء واعصابى مشدودة وكنت من كل قلبى اتمنى فوز المريخ

لعدت اسباب منها على الاقل قروشهم الكتييييييرة الصرفوها فى التسجيلات

دى ما تروح سدى

وكمان ما بليق بحارس افريقياالاول ..يقضى باقى حياتو الكروية بين كادوقلى وشندى وبورسودان



هارد لك يامريخاب

سلام الأخ إسماعيل
ألف ألف مبروك لهلالنا العظيم
وهاردلك للمريخ
حاجة تزعل والله
والله العظيم كنت بتمنى الفريقين يتأهلوا ويرفعوا غسم السودان فووووووووق
الله غالب

أخى معتصم الجبلابى الزول الجميل.

فرقنا غير مطمنة وماعندنا كورة وقدر العندنا دى من غير فكرة...لاعب يعيدو ليه ضربة الجزاء مرتين يضيعه!!! ده إسمو لاعب دولى.....شاكر ليك مرورك.

Quote: سلام الأخ إسماعيل ألف ألف مبروك لهلالنا العظيم وهاردلك للمريخ حاجة تزعل والله والله العظيم كنت بتمنى الفريقين يتأهلوا ويرفعوا غسم السودان فووووووووق الله غالب

اختنا الغالية......أسماء....ده شعور متوقع منك لآن دواخلك جميلة وحسك قومى .إسم السودان ده يرفعو الله..بقينا ملطشة وكل شىء عندنا غير مدروس

والحمدالله على سلامتك وعودتك.......