هاردلك للاخوة في المريخ....لكنها صراحة ...ميتة وخراب ديار

؟؟؟؟

والله ما رضيناها ليك

اللهم لا شماته

أخونا ياسر

لك التحايا

يا خوى الجماعة ديل فقط قاموا بطى صفحة الابطال للتفرغ الى الممتاز

يعنى ناس الحضرى ديل جابوهم أصلآ لهزيمة دينمو نارتى و الحصول على الممتاز

تجى تقول خراب ديار

=
حيدر و اسامة

دقائق نشوف الانتر دا بيعمل في شنو وراجع اموال الوالي ملحوقة

Quote: خوى الجماعة ديل فقط قاموا بطى صفحة الابطال للتفرغ الى الممتاز يعنى ناس الحضرى ديل جابوهم أصلآ لهزيمة دينمو نارتى و الحصول على الممتاز

أخونا حيدر

طوي الصفحة دا هين...ليهم تمانية سنين بيطوو البرش بتاعهم


المشكلة السنة دي تكاليف الفراش بالدورار..وموزعه علي جميع الاتجاهات شي شرق وشي شمال

بس والله عافي منهم اولاد بمبا...قلعو دولاراتهم وخلو خشم الوالي ملح ملح


تاني تقولو لي ابناء النيل ...واحنا اخوات

يعني يا جمال الوالي المليون دولار الدفعتها قبل ساعات دي غراااامة ساكت للحضري





مش كان أحسن تتبرع بيها لي مستشفي الذرة


علي الاقل المرضي ديل كلهم لو دعوا انو المريخ يفوز...يمكن ربنا يستجيب لي واحد منهم




لكن نعمل شنو .....الله غالب

الحبيب فتوحلي


نعم....اللهم لا شماته

الاخ ياسر .. سلام

لقد تداخلت مع الاخ موسي البشاري في بوست عن مباراة المريخ بعد خروجه وعذرا ساكتب نفس المداخله متمنيا ان تدلي برايك بكل وضوح عن مسالة تمويل المريخ..

Quote: لاخ البشاري .. سلام هاردلك لخروج المريخ المبكر رغما عن العواجيز التي اهدر فيها الغالي والنفيث.. الا تتفق معي اخي موسي ان هنالك سوء نحس يلازم المريخ .. لقد صرفت الملاين في شراء اللاعبين والفنيين ولكن اخي البشاري اتوقع ان مصدر تلك الملاين غير مشروعه فقد قيل انها فلوس الحزب الحاكم والتي هي فلوس الشعب دون علمه فلذلك هي سبب النحس الذي يلازم تلك الفرقه .. علي ادارة هذا النادي العريق ان يبحثوا لجهه مشروعه لتمويل النادي .. خالص الشكر وتمنياتنا لسيد البلد وبقية الفرق في مواصل المشوار الافريقي وللمريخ حظ اوفر في المرات القادمه ..

مع الشكر...

حبابك اخوي اسامة خليفة

Quote: الا تتفق معي اخي موسي ان هنالك سوء نحس يلازم المريخ

دا ما نحس ولا حاجة......دي عشوائية وتخبط....أول حاجة جمال الوالي دا ما عندو أي علاقة بي كرة القدم...ووقع ضحية لي نصابين...ولانو ماسورتو محلوجة...فكل سنة يجوهو بي اعذار...والراجل طيبتو فايتة حد العوارة

Quote: .. لقد صرفت الملاين في شراء اللاعبين والفنيين ولكن اخي البشاري اتوقع ان مصدر تلك الملاين غير مشروعه فقد قيل انها فلوس الحزب الحاكم والتي هي فلوس الشعب دون علمه فلذلك هي سبب النحس الذي يلازم تلك الفرقه ..

الناس دي ما غشيمة...ومعروف مصدر الاموال دي من وين....بس الغريب إنو الاصرار علي انو الاموال دي ما تدخل نادي المريخ الا من بوابة الوالي فقط....الوالي اثبت انو اداري فاشل جدا...والقروش الصرفها في التمانية سنوات دي لو جمعها براحة بتجيب ليهو مورينو كمدرب وايتو كلاعب.....

Quote: علي ادارة هذا النادي العريق ان يبحثوا لجهه مشروعه لتمويل الناد

ي

تفتش كيف والمال السايب دا موجود

تحياتي

من ناحية فنية منظر المريخ في مبارياته الاعدادية قبل المباراة دي كان بيوحي انو في كارثة حتحصل


وجاء مازدا تم الناقصة وكشف المستور في مباراة المنتخب...يعني لو ما بشة ومهند,,,المنتخب كان لحق المريخ

=