Post: #1
Title: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-01-2011, 06:59 PM
Parent: #0
نشر بتاريخ April 1, 2011
(حريات خاص ) اكدت مصادر موثوقة لـ (حريات) بان الابقار التي تبرع بها المشير عمر البشير لمصر اخذت من مزرعتى الدكتور عبد الحليم المتعافى – وزير الزراعة – (3 آلاف بقرة ) ومزرعة الدكتور عبد الرحمن الخضر- والي الخرطوم- (2 ألف بقرة ) . وبحسب القرار الرئاسي تسدد مبالغ شراء الابقار من ميزانية ولاية الخرطوم على أساس الاسعار التي يحددها البائعان ( المتعافي والخضر) واللذان أحدهما والي الولاية المشترية !! ولا يخفى على المشير البشير الفساد و( تضارب المصلحة) في هذه الصفقة ، ولكنه سبق وقدم وزير الزراعة المتعافي الذي يستثمر في الزراعة (!) كأنموذج للوزير المستثمر الناجح ! وتفسر مثل هذه الوقائع نفاق الحديث الجاري حالياً عن مكافحة الفساد ، والهادف اصلاً الى اسكات الاصوات الناقدة بالايهام بان هناك حملة لمكافحة الفساد في حين هدفها التغطية عليه ، لانه لا يمكن محاربة الفساد بدون الديمقراطية وما تتيحه من شفافية ومساءلة ومحاسبة ، عبر حرية وسائل الاعلام ، وحيدة أجهزة الدولة ، واستقلال القضاء ، ومحاسبة الحكام بواسطة برلمان منتخب انتخاباً حراً ونزيهاً . وكذلك تفسر مثل هذه الوقائع لماذا أعلنت (حملة) العلاقات العامة عن مكافحة الفساد من مسجد بني على الفساد .
|
Post: #3
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: ود الباوقة
Date: 04-01-2011, 07:05 PM
Parent: #2
يا اخ انت زول لذيذ شديد
ومضحك كمان ...........
|
Post: #4
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: حامد بدوي بشير
Date: 04-01-2011, 07:11 PM
Parent: #3
في الإنقاذ، كلما زاد حجم فسادك واتسعت زمتك، كلما تصعدت في سلم السلطة. والأمثلة تستعصي على الحصر.
|
Post: #5
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-01-2011, 07:16 PM
Parent: #4
Quote: يا اخ انت زول لذيذ شديد
|
سوى ليك شوية بقر فى المزرعة شان تبيع يا بق بق
|
Post: #6
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: ود الباوقة
Date: 04-01-2011, 07:21 PM
جنك يا كافي البلاء مقابل المزارع
يا اخ استحي على وجهك
حريات ليست مصدر لايراد الحقائق وانما صنعت خصيصا
لطمس الحقائق وفربكتها
وانت للاسف موصل رديء للاخبار ..
|
Post: #8
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-01-2011, 07:39 PM
Parent: #6
Quote: جنك يا كافي البلاء مقابل المزارع
|
|
Post: #9
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-01-2011, 08:33 PM
Parent: #6
Quote: وانت للاسف موصل رديء للاخبار ..
|
بترى كيف
|
Post: #7
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Nagat Sid Ahmed Elshiekh
Date: 04-01-2011, 07:24 PM
Parent: #4
| Quote: تسدد مبالغ شراء الابقار من ميزانية ولاية الخرطوم على أساس الاسعار التي يحددها البائعان ( المتعافي والخضر) واللذان أحدهما والي الولاية المشترية !! |
والله يا معاوية انا افتكرتة البقر ديل جابوها من حوش بانقا،،
هى ميزانية ولاية الخرطوم يا كافى البلآ يسددوا بها حق البقر ولا يعملوا بيها صدقة جارية للناس الله بسالهم منهم يوم القيامة،،
غايتو نقول سبحان الله ،،ودى من علامات يوم القيامة حقت السودان.
|
Post: #10
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: بدر الدين احمد موسى
Date: 04-01-2011, 09:20 PM
Parent: #7
معاوية الصايم
سلام
ياخ دي نعمة يمن الله بها على عبده المتعافي وعبيده في الولاية بما فيها
الوالي في شكل حوافز وغيره!
بطلوا حسادة يا ناس
مرة يا الصايم بسمع في الرادي في كاليفورنيا وكان البرنامج عن المعونات لدول العالم الثالث وجايبين واحد يهودي* عندو مزرعة ومصنع لانتاج وتعليب الاسماك.
اليهودي دش ليك كلام سمح خلاص عن ضرورة دعم الفقراء والجوعى في العالم الثالث ومسئولية الدول الغنية وانه واجب اخلاقي وانساني عليها تعمل ذلك,
وعرض كل منتجات مزرعته ومصنعه عشان تشتريها وزارة الزراعة الامريكية-المعروف انه وزارة الزراعة بتشتري باسعار مخفضة وبالتالي اليهودي ظهر بانه مستعد يضحي من اجل الفقراء.
المذيع برضو دق الطار وغنى نفس اللحن!
انا شالتني الهاشمية, وانبسطت, لغاية ما جاء سؤال المذيع عن اداء مزرعة ومصنع اليهودي و"مدى ربحيتها?"
اليهودي قال مزرعته ومصنعه ومنتجاته بايرة في السوق! وما لاقي البشتريها منه!
بعد داك بطل الكلام عن الانسانية واطعام جوعى العالم الثالث وقعد يهدد انه البزنس بتاعه سينهار لو لم يستلم اموال من الدعم الذي قدمته حكومة اوباما لوقف تدهور الراسمالية, وانه عماله مهددين بالفصل وفقدان العمل ودا حايزيد البطالة في البلد وقعد يهدد اوباما عديل كدة!
طبعا في نظري اليهودي سقط راسيا من السماء لباطن الارض
التجربة ديك خلتني افتش الاسباب الاساسية وراء اي كلام حلو!
اظن ابقار المتعافي دي فيها بروسيلا* وعايز يتخلص منها والشعب يعوضه بنعمة الهية من حكومة السودان
انا هنا احذر المصرين انهم ما يستلموا لحوم من دولة شعبها جيعان. لانه ممكن يكون فيها مشكلة او على الاقل عاملين ليهم فيها عمل ههههههه!!!!!*
----
* عرفت انه يهودي لانه المذيع عرفه للجمهور كدليل على نجاح ابناء الناجين من معسكرات هتلر والهولوكوست
* البروسيلا مرض التهاب الرحم ويسبب الاجهاض في الابقار وغالبا ما يكون وراء التخلص الجماعي من الابقار -خاصة من مزرعة واحدة- وفي الانسان يسبب الحمي المالطية.
* المصرين زي السودانيين بيؤمنوا بالعمل والحكومة السودانية ممكن تكون عايزة تسترجع حلايب وعملت عمل لدي فكي في مايرنو عشان يكمم الحكومة المصرية الجديدة ويخليها تكره حلايب وتسحب جيشها من حلايب!
|
Post: #11
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: أسامة عبد الجليل
Date: 04-01-2011, 09:44 PM
Parent: #10
فساد يزكم الأنوف يا معاوية.
لن تحاربه هذه السلطة التي تفننت فيه.
سيحاسبهم الشعب عندما يسقطهم
|
Post: #12
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Ahmed musa
Date: 04-02-2011, 05:42 AM
Parent: #11
والله يا معاوية ياخوي بعيد عن حريات دي
لأني ما بثق فيها
وصدقني هي مافارقة من المتعافي ولا الخضر
السؤال الحقيقي قصة ولاية الخرطوم تدفع حوالي 35.000.000 نيه دي !!!!
ولاية الخرطوم مازالت مدراسها مهشمة
ومليانة فقراء
وبعدين هل يملك الرئيس حق التبرع من مال الولاية .؟؟؟
وهل يملك حق التبرع بمبلغ 35.000.000 جنيه ؟؟!
وهل القرار طالع من مجلس الوزراء ولا من الرئيس براه ؟؟1
ولو طالع من مجلس الوزراء أو حتى من الرئيس براه ليه ما تتحمله وزارة المالية الإتحادية ؟؟
تعرف يامعاوية بقرة واحدة ممكن تعين أُسرة ؟؟!
يعني 5000 بقرة ممكن تعين 5000 أسرة
عليك الله ده ما حرام ؟؟!
عليكم الله ياناس ده ماحرام ؟؟!
بجد ..بجد ...بجد ..بعد ده مفروض (ربنا) يتدخل بشكل مباشر ..!!!
|
Post: #13
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Mutafa Gasim
Date: 04-02-2011, 05:56 AM
Parent: #12
| Quote: (ربنا) يتدخل بشكل مباشر |
ما هو عمر البقول له الملك يوم القيامة: يا عمر احيييييييي انا منك.
|
Post: #14
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: ABUHUSSEIN
Date: 04-02-2011, 06:15 AM
Parent: #13
| Quote: (حريات خاص ) اكدت مصادر موثوقة لـ (حريات) |
عندما يصبح المناضل مصدره حريات فتأكد أن المناضل عشوائي
|
Post: #15
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: قاسم المهداوى
Date: 04-02-2011, 06:30 AM
Parent: #14
| Quote: وبحسب القرار الرئاسي تسدد مبالغ شراء الابقار من ميزانية ولاية الخرطوم |
ذكرت تسريبات ويكيليكس ان التسديد من ال 9 مليار
قاسم المهداوى
|
Post: #16
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: doma
Date: 04-02-2011, 06:47 AM
Parent: #15
Quote: والله يا معاوية ياخوي بعيد عن حريات دي
لأني ما بثق فيها
وصدقني هي مافارقة من المتعافي ولا الخضر
السؤال الحقيقي قصة ولاية الخرطوم تدفع حوالي 35.000.000 نيه دي !!!!
ولاية الخرطوم مازالت مدراسها مهشمة
ومليانة فقراء
وبعدين هل يملك الرئيس حق التبرع من مال الولاية .؟؟؟
وهل يملك حق التبرع بمبلغ 35.000.000 جنيه ؟؟!
وهل القرار طالع من مجلس الوزراء ولا من الرئيس براه ؟؟1
ولو طالع من مجلس الوزراء أو حتى من الرئيس براه ليه ما تتحمله وزارة المالية الإتحادية ؟؟
تعرف يامعاوية بقرة واحدة ممكن تعين أُسرة ؟؟!
يعني 5000 بقرة ممكن تعين 5000 أسرة
عليك الله ده ما حرام ؟؟!
عليكم الله ياناس ده ماحرام ؟؟!
بجد ..بجد ...بجد ..بعد ده مفروض (ربنا) يتدخل بشكل مباشر ..!!! |
شكرا الابن احمد موسي
|
Post: #17
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: نور الدين عثمان
Date: 04-02-2011, 10:46 AM
Parent: #16
واكيد طبعا البشير قبض عمولة السمسرة وقسمها قسمة حلالا بلالا مع سفيرنا الهمام فى مصر المحروسة
ودقى يامزيقا وود الباوقة المسكبن ده لو عارف الموضوع ده ماكان طلع ليه يى مسرة كويسة ,,,
|
Post: #18
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Dr. Ahmed Amin
Date: 04-02-2011, 09:41 PM
Parent: #17
شوف يا معاوية ما كتبته الأستاذة حرم شداد في صحيفة الوطن عن هدية الأبقار Quote: وقفــات آســـــية
ما هذا الهوان لمصر يا حكومة السودان..؟!
لماذا تهدونهم آلاف الماشية.. وبعضنا نسي طعم اللحمة..؟!
أهانوا الأزهري.. واعتبرونا «بوابين» واحتلوا حلايب وأغرقوا حلفا..!
حرم شداد
لا شك أن مصر هي الدولة الحدودية التي تعتبر لبعض السودانيين منفذاً للترفيه وقضاء العطلات... وقد نقل السودانيون بعض الثقافات الأدبية والعلمية جراء الترحال بين مصر والسودان... وبالرغم من الحديث الممجوج الذي لم ولن يخرج من دائرة السمع إلى أرض الواقع عن العلاقات الأزلية بين البلدين، فالمتأمل للتاريخ والناظر إليه بعين الوطني الغيور على أرضه وعرضه وكرامته، لا يجد ما يجعله راضياً عن العلاقات المصرية السودانية أبداً، منذ الاستقلال الذي كانت ترفضه مصر للسودان أن يصبح دولة مستقلة عنها.. فأولاً رفضت مصر استقبال الأزهري عندما رفع علم السودان في مؤتمر باندونغ، واعتبرته متمرداً خارجاً عن الطوع المصري، فأهانته الحكومة المصرية عند مروره بمطار القاهرة قادماً إلى السودان، مما جعله يعلن الاستقلال فور وصوله من داخل البرلمان... وثانياً عملت مصر على إسقاط حكومة عبدالله خليل الذي قال: «طالما أنا على هذا الكرسي، لن يقوم السد العالي على حساب السودان». فلم تمر أيام حتى تدخلت مصر ودعمت عبود الذي انقلب على الحكومة الديمقراطية، ووافق على بناء السد العالي على حساب أبناء شعبه، ودثرت تحته أهم مدينة تاريخية حملت عبق الماضي بآثاره التاريخية الممتدة لآلاف السنين، وضاعت تحت المياه أهم ثرواتنا التاريخية والحضارية والكنوز والآثار.. وهُجِّر المواطنون برغم الدم والدموع، تاركين أرض الأجداد العظماء، يغرقها النيل ويطمس حضارتنا، وترك الأهالي بيوتهم وأشجار النخيل والمانجو، ليلتهمها النيل من أجل عيون مصر.. ولايزالون حتى الآن تخنقهم العبرات والأحزان... وثالثاً ورابعاً إلى ما لا نهاية... حتى ظلمهم لنا في نصيبنا من مياه النيل.. فمصر بالرغم من قلة أراضيها تأخذ 55 مليار متر مكعب من مياه النيل، ويأخذ السودان برغم مساحته الأكبر 18 مليار متر مكعب.. فلنتأمل تلك القسمة الضيزى ممن نناديهم بالأشقاء الذين لا يروننا إلا عبيداً، يقومون على خدمتهم متمثلين في عم عثمان البواب وعم عبدو الطباخ.. تناسينا ما حدث لأبناء دارفور في ميدان مصطفى محمود من قتل وضرب وسحل.. نسينا ما كتبه وما صوره الإعلام المصري عنا يوم المباراة المصرية الجزائرية.. وبالرغم من ذلك تنسى حكوماتنا ذلك، وتنسى واجبها نحو شعبها الذي نسي الكثير منه طعم اللحمة، فتهديهم آلاف الرؤوس من الماشية.. ومن قبلها تتنازل عن حلايب، الأرض السودانية.. وتهدي لعيبتهم العربات الفارهة.
|
:
|
Post: #19
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Nagat Sid Ahmed Elshiekh
Date: 04-02-2011, 10:03 PM
Parent: #18
Quote: وبالرغم من ذلك تنسى حكوماتنا ذلك، وتنسى واجبها نحو شعبها الذي نسي الكثير منه طعم اللحمة، فتهديهم آلاف الرؤوس من الماشية.. ومن قبلها تتنازل عن حلايب، الأرض السودانية.. وتهدي لعيبتهم العربات الفارهة.
|
|
Post: #20
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: abdelrahim abayazid
Date: 04-02-2011, 10:13 PM
Parent: #19
يا جماعةا فترض انها من اي مكان هل له الحق في الاهداء والشعب جعان
|
Post: #21
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: القلب النابض
Date: 04-02-2011, 10:47 PM
Parent: #18
لا أدري كيف يفكر الناس بالحسابات البسيطة دي ..
بالطريقة دي يجب ام نسأل الاسئلة التالية:
* ماذا يستفيد الاتحاد السوفيتي (السابق) حينما يصرف ملايين الدولارات لتدريب جنود الدول التي تتبع لمنظومته.
* منح للطلاب ..تدريب ... أدوية وكراريس.. دعم الجامعات ..أدوات
* اغاثات واغذية ... ادوات معامل مستشفيات .. مباني كباري محطات كهرباء .. الخ
* هل ليس هناك فقراء في الاتحاد السوفيتي السابق.
* ماذا تستفيد الولايات المتحدة من:
* دفع دم قلبها.. في دعم حركات التحرر أو التمرد حسبما يروق لها ( دون ان نسمع بغم)..
* دفع دم قلبها في ارسال سفن القمح والادوية والاعذية .....الخ
* دفع دم قلبها في في المنح الدراسية لطلاب العالم ..
وهكذا المانيا .. فرنسا......اوربا كلها استراليا، قطر الكويت السعودية .... الخ حتى بعض الدول التي تعتبر فقيرة ..
حتى على مستوى الزعامات المحلية .. العادية شيخ الحلة .. ناظر القبيلة ...
على مستوى الشركات الخاصة .ز من الشركات العالمية حتى نصل الى شركة فلان لتاجير الركشات ... كلها تتبرع وتعطي ..
كل هذه الدول والمؤسسات والافراد يبحثون هن شئ اسمه "المكانة" والمكانة هذه وضع اعتباري يزيد من نفوذك ويؤثر على وضعك في نظر المحيط الذي تتعامل معه .. فكلما دفعت اكثر كلما زادت مكانتك واصبحت كلمك مسموعة وتأثيرك أقوى .. وهذا بالضبط ما فعلته قطر ذات امساحة الصغيرة وعدد السكان ربما كانو اقل من سكان امبدة او الدروشاب ...إن لم تعطي لن تكون لك مكانة في المجتمع الدولي ..وعادة تعطي مما عندك وما تتميز به فأمريكا قد تعطي قمح والسعودية قد تعطي بترول وفلوس ...والبعض يعطي تدريب .. والبعض يعطي سلاح .. البعض يعطي اطباء .. والبعض يعطي تعليم .. تبادل ثقافي ..الخ..
هذه الاشياء في حساب العلاقات الدولية كبيرة جداً ..
وحتى بحسابات السوق كبيرة ..
في نظري هي خطوة ذكية نحسبها للحكومة السودانية ان تعطي مما عندها ..لاسباب
تعزيز مكانتها بين جيرانها.... واتقاء شر الجيران لا يقدر بثمن .. فثمن هذه البقرات لا يساوي قليل مما يمكن أن يحدثه لك جار لا تأمنه...( اعني ان حاربك كلفك بشر وهذا لوحده لا يقدر بثمن وسلاح ودربكة وتقاطعات دولية قد تفقدك البريق الدولي الذي يفقدك منافع أضعاف مضاعفة).. وعلاقة جيدة مه جيرانك تعني انت في اتجاه ال(+) وليس (-) وفي حسابات السياسة اي (+) تشكل رصيد للدولة ..
ولاحظت ايضاً ان هذا الامر كان له الاثر الايجابي في الدعاية لابقار السودان والتي ان شاء الله سينفتح.. وقد بدأت بوادره .. واعني البعد الاعلامي للماشية السودانية. دي بي حسابات السوق ساي ...
وهنا احكي حكاية حدثت لي وصديقتي .. كنا نمر في احد المراكز التجارية في لندن ووجدنا شركتين شركة زبادي وشركة عصير توزع منتجاتها مجاناً للمارين بالسوق فأخذت من كل منهما واحدة انا وصديقتي وشربناها .. فالتفتت الي صديقتي هل سيوزعون كل هذه الكراتين بهذا السخاء فقلت لها إنها سياسة التسويق وهذا ثمن الدعاية الذي لا نعرفه في بلادنا... فن الدعاية الذي لا نتقنه.... وبعد اسبوع مشينا نتسوق سوا فقالت لي عايزة الزبادي بتاع يوم داك بتتذكريه قلت ليها بالحيل ماضقتو! .. وبحثنا عنه في رفوف المتجر حتى وجدناه .. وبعدها قلت لها اصبحت زبونة بفضل زجاجة واحدة اهديت اليك فكم ربحو منك الان .. اكيد اكثر من تلك.. بهذا الفهم لايمكن ان الومهم على توزيع كمية الكراتين التي وزعوها ...فضحكت .. قلت ليها طبعاً انت مهندسة ما بتفهمي الكلام بتاع ناس التنظير ديل (لانها بتقول لي انتو بتاعين تنظير يا ناس السوشل سينس، هاها طبعا لقيتها فرصة اتسدا فيها، لكن ما ريحتني)
أها نرجع لي ناس العلاقات الدولية والمكانة الدولية... بقر ،غنم ،عربات ،طيارات ،قمح وكلام سمح كلو بيدخل في القصة دي ... اها المكانة الدولية دي حتى في المنظمات الدولية والاقليمية لما يكون عندك وزن بيفرق كتير ( طعم الحلو لو بيقى مر) والناس بتنسق معاك وبتشاورك (نسوط) لمنو وندي منو ونقول شنو في خطابنا وما نقول شنو .. وكمان في واحدين يجو يقولوا ليك خلينا نحن نرد ليك على الجماعة ديل ..وخلينا نقترح نحن الحاجة دي لمصلحة بلدكم...الخ عشان كدة ماتشوفو البقيرات ديل كتار.....
كفاكم تنظير ..(كترت عليكم الكلام)
سلام
|
Post: #22
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: doma
Date: 04-03-2011, 03:26 AM
Parent: #21
سلام يا قلبنا النابض يا بتي
كدي اسمعيني مره
الاتحاد السوفيتي وامريكا كانوا بعملوا كدا واسبابهم معروفه الحرب بين المعكسرين الشيوعي والراسمالي
اها البشير عمل كدا لشنو ؟؟؟
حركه الاخوان المسلمين دي نحن ذاتنا استوردناها منهم وكالعاده ناسنا الحوار الغلب شيخو جربوها فينا عن طريق الدبابه ما كانت خيار الشعب السوداني .
الدول الصناعيه الغربيه واليابان بتعمل كدا لانه عندها مصالح اقتصاديه وكله محسوب وهي دول غنيه يعني عندهم الرزق وافر .
اها نحن بنصنع شنو ؟؟؟
الدول العربيه النفطيه برضو موضوع المكانه دا ممكن يتفهم .وعندهم مطامع استثماريه في البلدان البمدوا ليها يد العون ما في شئ لله اضافه لانهم ما خاتفنها من افواه الغلابا كما عندنا في السودان
اها ممكن تورينا مصالحنا الاقتصاديه شنو مع مصر واستثماراتنا شنو الممكن نعملها في مصر؟؟؟؟
من وين يا القلب النابض ونحن الان نتسول قطر 200 مليون دولار لفك ضايقه ماليه او عجز يا بتي دا بيع المويه في حاره السقايين البقولوه المصريين.
عمر البشير او المتعافي او والي الخرطوم كان حريا بهم ان يدفعوا الهدايا من حر مالهم لخلق المكانه التي يريدون
لكين ما من دم الغلابا وافواه الجياع والمرضي من ميزانيه ولايه الخرطوم .
لا اري سببا واحدا وجيها لهذه الرشوه التي قدمت لمصر .
.
|
Post: #23
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: القلب النابض
Date: 04-03-2011, 04:14 AM
Parent: #22
ما ما دومة حبيبتي ..
زي ماقال فليب غبوش الله يرحمو " انا بلعب بولتيكا"
لو عايز تنافس في لعبة السياسة لازم تتقن قواعدها ورغم اني مقتنعة انو حكومتنا الرشيدة ما قاعدة تلعب بي ورقها صاح في الوقت المناسب لكن انا شايفة الموضوع دا بالذات ايجابي جداً في المرحلة دي لانك بترمم في علاقة مع دولة محورية ولاعب اساسي في المحيط العربي والافريقي ومذلك على المستوى العالمي ، مصر لها وزن لا يمكن لسياسي عاقل ان يتجاهله. القائمين على امر مصر الان يضعون حجر الاساس " من الصفر" لعلاقات مصر الخارجية وسياساتها والمبادرة وتوقيتها أدهشني حقيقة كزول مراقب للموقف وكانت في الزمن الصاح، لانك تريد ان تكون فاعل حقيقي في خارطة السياية الخارجية لهذه الدولة المعينة.. وهي مصر ..
اها التضرب ليك مثل ..
عليك الله الغتاتات الكان بيعملها لينا وزير الخارجية المصري المخلوع على مستوى الجيران وعلى مستوى المنظمات الدولية ساهمت مساهمة فعالة في تأخير قضايا كثيرة منها السلام .. وتصريحاتهم الاخيرة بخصوص سلام دارفور افضل نموذح .. عليك الله ياماما دومة السلام دا عندو تمن " بقر كمان" ...
اها الشئ المهم التاني: دور مصر في المنظمات الدولية مصر تلعب دور مهم في المنظمات الدولية من حيث تنسيق المواقف مع الدول ودعم مرشحي الدول لمناصب أو ادوار في هذه المنطمات وهذا يعزز المكانة الدولية لاي دولة ان يكون ممثليها يلعبون دوراً قيادياً في مثل هذه المنظمات " ياخ الفيفا دايرة تنسيف ، لووول يجوني ناس الكورة يقولوا حقرت بيهم كمان". مثل هذا الدور لا تستطيع ان توثر فيه بي علوق الشدة لازم تكون من بدري فارش ارضية الرضا وادوات التفاهم الدولي " اها ياها دي ادوات التفاهم الدولي" " الانسانية والبطيخ دا بعد الشبع لو تصدقي"
إذا اردت ان تبني علاقة مع جار ند او اقل او اكبر واقوى منك على الاقل تشعره انت عندك ما تقدمه له ولابد ان تشعر انت في ذات نفسك عزيز تستطيع ان تعطي وتأخذ.
قطر ياها برضو دعمت دارفور بمشروع القرى النموذجية ودهما الآخر ..قطر بدعمها للدول المهتلفة عربية وغير عربية حققت مكانة دولية كبيرة ... اهي حتصتديف كاس العالم سنة كم كدة ما عارفة الله يحيينا شوفيها دولة قدر شنو ووظفت اموالها لتحظى بالمكانة دي ولها دور كبير في المنظمات الدولية وقدرتها عالية في تنسيق المواقف ودعم القرارات التي ترى صوابها وانها في مصلحتها...يا امي بقيرات شنو ...حقهن بيجي مواقف .. ودعم السودان الان يحتاج لدعم مواقفه في قضايا كثيرة وقطر تدينا وتدعمنا ونحن ندي تانيين ويدعمونا وندعمهم في المواقف البتحقق مصالح البلاد.
لكن اشتروها من منو وباعوها لي منو انا ما خشيت فيها لانو دا غلاط ساي لما يثبتو نجي ندين ونشجب زي العجب.. انا بتكلم على مبدأ ان تقدم دولة الى اخرى معونة في ظرف زي دا...
تحياتي ودعواتك الايامات دي انا محتاجة لي دعوات كتيرة ...ما تنسيني مع بقر الجماعة ديل قبضو قبيضم وخمدو سيدهم وانا وانت قاعدين فاتحين خشمنا .. اها الدعوات تاني ما تنسي
|
Post: #24
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: doma
Date: 04-03-2011, 05:25 AM
Parent: #23
| Quote: إذا اردت ان تبني علاقة مع جار ند او اقل او اكبر واقوى منك على الاقل تشعره انت عندك ما تقدمه له ولابد ان تشعر انت في ذات نفسك عزيز تستطيع ان تعطي وتأخذ. |
غرقوا ليهم حلفا وهجروا اهلها اجباريا .
عملوا لينا شنو في المقابل ؟؟؟
مصر تلعب لصالح ورقها وبس وتكتح لينا الرماده .
فائده ترجى من مصر بس ياها عشم الكلــــــــــــب في مويه الابريق .
احتلوا حلايب ناس البشير ما قالوا بغم .
اها لو الرشوه دي لو عشان يرجعوا ليهم حلايب نحي ونشوف .
حصه السودان من مياه النيل another sticking point ومصر لن تقبل فيها اي كلام .
يا بتي المصري لو سلم عليك عدي اصابع يديك .
ودعواتنا معاك علي الدوام بالتوفيق باذن الله .
|
Post: #25
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: القلب النابض
Date: 04-03-2011, 05:50 AM
Parent: #24
Quote: غرقوا ليهم حلفا وهجروا اهلها اجباريا .
عملوا لينا شنو في المقابل ؟؟؟
مصر تلعب لصالح ورقها وبس وتكتح لينا الرماده .
فائده ترجى من مصر بس ياها عشم الكلــــــــــــب في مويه الابريق .
احتلوا حلايب ناس البشير ما قالوا بغم .
اها لو الرشوه دي لو عشان يرجعوا ليهم حلايب نحي ونشوف .
حصه السودان من مياه النيل another sticking point ومصر لن تقبل فيها اي كلام .
يا بتي المصري لو سلم عليك عدي اصابع يديك .
ودعواتنا معاك علي الدوام بالتوفيق باذن الله . |
عزيزتي ماما دومة
انتفق دي مارشوة .. دا شغل سياسة عديل وبالاعلام.. قلت ليك المرة دي قراية الخبر دا عندي كانت مختلفة .. يعني الحكومة ادتهم عديل وقاصدة وفهمها كلاتي والله نحن بنساعدكم تتحرروا شوية وتحلحلو مشاكلم ونحن جيران ناكل من مراح واحد ونشرب من نيل واحد وممكن ناكل من حوض واحد، لكن لما نمشي الملعب تباصي لي واباصي ليك لما نجيب قون في المنافس انا وانت وباقي التيم (توحيد سياسة خارجية... لاننا بنعلب في ميدان واحد وهدفنا واحد، غطي لي ضهري وسد الفرقة) المصريين دايرين لاعب حريف .. لكن اللعب الحريف داير نفس طويل وايادي بيضاء...والجماعة ديل فهموها وبدو الباصات...وشغلهم ماشي...
مياه النيل نحن حصتنا كلها ما قاعدين نستخدمها لكن بعد التوسع الزراعي اكيد بيكون في مزيد من الاستخدام..لكن برضو حيكون اقل من حصتنا ... لكم ما عندي قراءات كتيرة في المجال بتاع المياه.. رغم اهميته.. بنجي ليه قدام كان الله مد في العمر ..
لووول لكن ماقلتي لي ماعندك ثقة فيهم البتة ...بصراحة لو نسقوا معاك (كدولة) في الشغل الخارجي وضامنين مصلحة مشتركة بيظبطوا الشغل ...واللعب على المكشوف في السياية الخارجية دي احسن بالواضح والضغط المافاضح ...
ربنا يستجيب دعواتك يارب ...آمين
وتسليملي
|
Post: #31
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: doma
Date: 04-03-2011, 06:20 AM
Parent: #25
| Quote: انتفق دي مارشوة .. |
لوووول عاد اتفق معاك كيفن ؟؟!!
ما سمعتي المابدورك في الظلام يحدر ليك( عدم الدوره والحدره دي لناس البشير ما ليك انت يا حبيبه )
غايتوا الله يجيب العواقب سليمه
وما تبقي عليهم حكايه مشي يتفولح جابوا يتلولح
اي نصيبه يعملوها الجماعه ديل عواقبها ما بتكون في صالحنا .
بس ربنا يستر ما تبقى عليهم ميته وخراب ديار متل نيفاشا
|
Post: #43
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 06:44 PM
Parent: #22
Quote: ولاحظت ايضاً ان هذا الامر كان له الاثر الايجابي في الدعاية لابقار السودان والتي ان شاء الله سينفتح.. وقد بدأت بوادره .. واعني البعد الاعلامي للماشية السودانية. دي بي حسابات السوق ساي ...
|
الاخت القلب النابض ....بقر السودان ماتصنيع يعنى من زمان بيتم تصديرها ومعروفة مش
بعدين حالة الفقر تضع مليون استفهام للوضع المعيشى لغالبية الشعب السودانى
وعربات جياد للفريق القومى برضو تعنى بعد اعلامى..
لك احترامى لمرورك الجميل دوما فى البوستات المختلفة
تخريمة...اللحمة اصبحت امنية لمعظم الشعب السودانى..بالذات مع اختفاء كمونية وكوراع ال 5000 بقرة دى هههههههههه
|
Post: #46
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 05-02-2011, 10:24 PM
Parent: #21
Quote:
ولاحظت ايضاً ان هذا الامر كان له الاثر الايجابي في الدعاية لابقار السودان والتي ان شاء الله سينفتح.. وقد بدأت بوادره .. واعني البعد الاعلامي للماشية السودانية. دي بي حسابات السوق ساي ...
|
|
Post: #42
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 06:26 PM
Parent: #14
Quote: عندما يصبح المناضل مصدره حريات فتأكد أن المناضل عشوائي
|
عندك لى مقترحات يا اب جبص الطلع الراس
|
Post: #39
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 10:02 AM
Parent: #12
Quote: يعني 5000 بقرة ممكن تعين 5000 أسرة
عليك الله ده ما حرام ؟؟!
عليكم الله ياناس ده ماحرام ؟؟!
بجد ..بجد ...بجد ..بعد ده مفروض (ربنا) يتدخل بشكل مباشر ..!!!
|
والله فعلا حاجة تحير لكن شن الراى
فساد ازكم سكان المقااااابر
بس الله فى
|
Post: #28
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 06:10 AM
Parent: #11
Quote: فساد يزكم الأنوف يا معاوية.
|
حتى سكان المقابر طالتهم تلك الكريهة...يا اسامة
اريتك طيب والولاد
|
Post: #27
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 06:05 AM
Parent: #10
Quote: ياخ دي نعمة يمن الله بها على عبده المتعافي وعبيده في الولاية بما فيها
الوالي في شكل حوافز وغيره!
بطلوا حسادة يا ناس
|
حاضر يابدر نبطل حسادة ونلوك الصبر والشعب المصرى الشقيق يضرب
العجالى..والشعب السودانى يموت بالانيميا والدرن
الله فى
الله غالب
|
Post: #26
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 06:01 AM
Parent: #7
Quote: والله يا معاوية انا افتكرتة البقر ديل جابوها من حوش بانقا،،
|
والله يا نجاة انتى زولة قديمة خلاس...البقر من حوش كافورى
اقعدى حومى فى السودان لامن الطيارة بح بح
اريتك طيبة والولاد العزابة....
|
Post: #29
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: فيصل محمد خليل
Date: 04-03-2011, 06:14 AM
Parent: #26
الزاد كان ماكفي ناس البيت حرم علي الجيران
|
Post: #33
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Nagat Sid Ahmed Elshiekh
Date: 04-03-2011, 06:59 AM
Parent: #26
Quote: ماذا يستفيد الاتحاد السوفيتي (السابق) حينما يصرف ملايين الدولارات لتدريب جنود الدول التي تتبع لمنظومته.
* منح للطلاب ..تدريب ... أدوية وكراريس.. دعم الجامعات ..أدوات
* اغاثات واغذية ... ادوات معامل مستشفيات .. مباني كباري محطات كهرباء .. الخ
* هل ليس هناك فقراء في الاتحاد السوفيتي السابق.
|
سلام يا استاذة، انا اتخرجت من روسيا واعلم تمامآ مافى اى مقارنة بين روسيا والسودان يعن فى كل الحاجات الذكرتيها فوق دى ،
بعدين وجود الفقراء خشم بيوت واتخيل لى انتى تدرى تماما نحن من أفقر تانى ولا تالت دولة فى العالم يعنى مش وجود فقراء وبس الدولة كلها فقيرة بالتالى ليس علينا حرج عشان كدا مافى داعى للهدايا طالما محسوبين من افقر الدول الكلام بتاع الهدايا دا ح بخلينا مضحكة امام العالم ،
فى الاتحاد السوفيتى السابق التعليم مجانآ للكل كما الصحة عشان كدا المقارنة مافى داعى ليها اساسآ،
| Quote: كل هذه الدول والمؤسسات والافراد يبحثون هن شئ اسمه "المكانة" والمكانة هذه وضع اعتباري يزيد من نفوذك ويؤثر على وضعك في نظر المحيط الذي تتعامل معه .. فكلما دفعت اكثر كلما زادت مكانتك واصبحت كلمك مسموعة وتأثيرك أقوى |
بس الكلام دا شوية مضحك انحنا لو دفعنا بقر ولا دهب مكانتنا بقت فى الواطة وما عندنا اى وضع اعتبارى ولا نفوذ انحنا فى نظر العالم مجرمين حرب ومطلوب القبض على حكومتنا،،
بعدين بتفتكرى دفع البقر دا بزيد من مكانتنا وتصبح لينا كلمة مسموعة وتأثير اقوى،والله انا شايفة عزة النفس واسترجاع الارض المغتصبة دى ممكن تثبت رجالة حكومتنا وتزيد من نفوذة وكرامتة و.................
Quote: وهذا بالضبط ما فعلته قطر ذات امساحة الصغيرة وعدد السكان ربما كانو اقل من سكان امبدة او الدروشاب ...إن لم تعطي لن تكون لك مكانة في المجتمع الدولي ..وعادة تعطي مما عندك وما تتميز به فأمريكا قد تعطي قمح والسعودية قد تعطي بترول وفلوس ...والبعض يعطي تدريب .. والبعض يعطي سلاح .. البعض يعطي اطباء .. والبعض يعطي تعليم .. تبادل ثقافي ..الخ..
|
قطر المساحتة وسكانة اقل من الدروشاب متعلمين على حساب الدولة متعالجين على حساب الدولة، يحمدوا الله مكتفين وعينهم مليانة والباقى ماببخلوا بيه،
نحن مافى اى شى عندنا مجانى او رخيص غير الانسان وبس عشان كدا الفشخرة الفاضية من البشير مافى داعى ليها ونحن عاوزين البقر دى راجعة ونوديها اى حتة فى السودان حتى لو حلايب عشان نحلب اللبن بتاعة ونديهوا للاطفال بتاعين طوكر الشفت صورهم فى البورد دا وعضامهم مارقة برا الجلد من الجوع والفقر وعدم البقر واللحم واللبن ودا كلوا مشى مصر ام الدنيا ياخى دى مهازل ما بعدها مهازل ارحمونا بالله بالسكات،،،،،،،،،،،،،،،،،،،،،،
Quote: والناس بتنسق معاك وبتشاورك (نسوط) لمنو وندي منو ونقول شنو في خطابنا وما نقول شنو .. وكمان في واحدين يجو يقولوا ليك خلينا نحن نرد ليك على الجماعة ديل ..وخلينا نقترح نحن الحاجة دي لمصلحة بلدكم...الخ عشان كدة ماتشوفو البقيرات ديل كتار.....
|
نسوط لى منوا دى نحن جوة السودان ما عندنا تصويت كل حاجة فيها تزوير وبيع زمم ،،والبقيرات ديل كتار عشان المثل بقول ان ما كفا العين حرام على الحاجب،
تسلمى وبجيك راجعة
|
Post: #41
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: القلب النابض
Date: 04-03-2011, 06:20 PM
Parent: #33
العزيزة ما ما دومة
أؤكد لك انني قبل التعديل فهمتها كما عدلتيها ..ثقة ثقة انت ثقة يا ماما
الاخت بت سيداحمد سلام واحترام
| Quote: سلام يا استاذة، انا اتخرجت من روسيا واعلم تمامآ مافى اى مقارنة بين روسيا والسودان يعن فى كل الحاجات الذكرتيها فوق دى ، |
روسيا دولة عظمى لذلك انا تكلمت عن انها تعطي لتحقيق المكانة الدولية رغم عظمتها وانها تملك السلاح للحرب، لكنها كانت تلجأ لدعم الدول طمعا في دعمها لها وتكبير معسكرها فيما عرف بالإستقطاب بين القطبين ... انه من الكلام المعروف يعني بتصرف دم قلبها لاجل تثبيت هذه المكانة الدولية.لا تحتاج لشرح
| Quote: بعدين وجود الفقراء خشم بيوت واتخيل لى انتى تدرى تماما نحن من أفقر تانى ولا تالت دولة فى العالم يعنى مش وجود فقراء وبس الدولة كلها فقيرة بالتالى ليس علينا حرج عشان كدا مافى داعى للهدايا طالما محسوبين من افقر الدول الكلام بتاع الهدايا دا ح بخلينا مضحكة امام العالم ، |
الفقراء في كل مكان .. هذه مشكلة عالمية المنظمات الدولية لم تستطع محاربة الففر ... الهند الدولة التي بها اكبر نسبة فقراء في العالم دولة عظيمة وهندها دور عالمي .. كلنا نسعى أن لا يكون هنالك فقراء بيننا .. لكن النقظة التي اركز عليها حتى ولو كنا دولة فقيرة يجب ان نسعى حثيثاً لان تكون لنا مكانة بين الدول ، وقد حبانا الله بميزات اهو لنا من الانعام مايمكن ان نحولها الى سلعة تساعدنا في ادارة سياستنا الخارجية، ولكي اقرب لك الفهم القمح الآن سلعة سياسية ، البترول سلعة سياسية، لكل دولة سلعة تفضيلية يمكنه أن يلعب لها دور سياسي.
| Quote: بس الكلام دا شوية مضحك انحنا لو دفعنا بقر ولا دهب مكانتنا بقت فى الواطة وما عندنا اى وضع اعتبارى ولا نفوذ انحنا فى نظر العالم مجرمين حرب ومطلوب القبض على حكومتنا،، |
لا ادري ما هو المضحك، وانا لا اعتبر هنالك مجال للضحك حول اي شكل من اشكال التحليل لاي من نظريات العلاقات الدولية التي تعزز مكانة اي دولة من الدول ..اللهم إلا اذا كنت شايفة مسألة الابقار دي مسألة لا تستحق وانا في نظري تستحق بل ويمكن تغزيز الامر ببرتكول يساهم في تصدير اللحوم السودانية لمحيطنا العربي والافريقي وبهذه الطريقة نشجع على تطبيق ما قاله علماؤنا الاجلاء منذ عقود حول تطبيق الدورة الزراعية والحيوانية، وتشغيل عدد اكبر من خريجي البيطرة والزراعة ( على المدر القصير والطويل ) وتحول الرعاة الى رعاة مستثمرين بدلاً من الرؤية التقليدية لعدد المواشي التي يمتلكها الراعي، ودفع المستثمرين للاسثمار في مجال الانتاج الحيواني بكل مراحلها من التربية الى المسالخ حتى التصدير مما يساهم في رفعنا من الفقر عن فئات كبيرة اضافة الى زيادة موارد الدولة من العملة الصعبة حتى تزيل من دولتنا الفقر ( يعني البخل عمرة ما بيخلي الزول غني وكذلك الدول) والله لو عندي وقت كنت كتبت عن اشياء متعلقة بهذا الموضوع ...)
* بالمناسبة بدات الحرب السياسية حول تصدير اللحوم الى مصر بمحاولات رفع اسعار الترحيل (مصر للطيران) حتى يسحب اي ميزة تفصيلية للحوم السودانية التي يمكن ان تكون اقل سعراً اضافة الى الابعاد السياسية، ويبدو ان بلطجية وسماسرة اسواق اللحوم في مصر لم يعجبهم هذا التحول نحو السوق السودانية إضافة الى أنه سيسحب البساط من اسواق اخرى بدات تتململ ..( هل قرات حكاية الزبادي الفوق في المداخلة الفوق)
* البعد السياسي لهذا الامر كبير والعوائد فيه ليست انية ولا متعجلة وان كنا نرى ارهاصاتها وردود الافعال من المنافسين.مشوار الالف ميل يبدأ بخطوة.
* محاربة الفقر لا يمكن ان تكون إلا بالتعامل المباشر مع امكااتنا الحقيقية وهي ثروتنا الحيوانية وارضنا، ولا زلنا محتاجين لشغل آخر في مسألة نظرة المزارع التجارية للابقار كسلعة وليس وضعاً احتماعياً وهذا الامر لايتم بالمحاضرات والتنظير بل بالمحكات العملية والمراعي التي تتحول الى كاش ثم تدور وتدور الخ..
| Quote: بعدين بتفتكرى دفع البقر دا بزيد من مكانتنا وتصبح لينا كلمة مسموعة وتأثير اقوى،والله انا شايفة عزة النفس واسترجاع الارض المغتصبة دى ممكن تثبت رجالة حكومتنا وتزيد من نفوذة وكرامتة |
* طبعاً لونظرت ليها بي سطحية انو بقر اديناهو للمصريين وعندما ناس في بلدما ما اكلو لحمة في هذا اليوم أو أو الخ اكيد بنقول كلام فطير ما فيهو اي بعد نظر .. تحقيق المكانة الدولية مشوار طويل يبدأ بخطوة كهذه ثم تليها خطوات اخرى حتى تثبت انك قدرتك على مساعدة الاخر والوقوف معه في الأزمات ونحن لا تنقصنا الادوات التي نفعل بها هذا.
* نثبت رجالة حكومتنا؟ العبارة دي حيرتني نحن بننتقد الحكومة لاستخدامها هذا المصطلح احياناً، وعليه ليس في السياسة مسألة رجالة وبلطجة هنالك حكمة وعلم، ممارسة السياسة اصبحت علم حسابات 1،2،3، تعمل واحد تحصل على كيت تعمل 2 تحصل على كيت ... حتى الحروب ما عادت تكسب بالرجالة بس.
* المكانة الدولية هذه واحدة من من الاجات البتساعد على محاربة الفقر.... وجذب الاستثمارات ورؤوس الاموال والقروض الدولية، والدعم الدولي معنويا ومادياً. الحكاية دي كلها مربوظة ببعضها البعض .
لا اود اللجؤ للكلام الاكاديمي الجاف ..لهذا اردت ان تكون كلماتي بهذه الطريقة.
فترتيني يازولة تعبت
تحياتي
|
Post: #34
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Nagat Sid Ahmed Elshiekh
Date: 04-03-2011, 07:01 AM
Parent: #26
Quote: غرقوا ليهم حلفا وهجروا اهلها اجباريا .
عملوا لينا شنو في المقابل ؟؟؟
مصر تلعب لصالح ورقها وبس وتكتح لينا الرماده .
فائده ترجى من مصر بس ياها عشم الكلــــــــــــب في مويه الابريق .
احتلوا حلايب ناس البشير ما قالوا بغم .
اها لو الرشوه دي لو عشان يرجعوا ليهم حلايب نحي ونشوف .
حصه السودان من مياه النيل another sticking point ومصر لن تقبل فيها اي كلام .
يا بتي المصري لو سلم عليك عدي اصابع يديك .
ودعواتنا معاك علي الدوام بالتوفيق باذن الله .
|
تسلمى يازولة يا رائعة،،
|
Post: #35
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Nagat Sid Ahmed Elshiekh
Date: 04-03-2011, 07:01 AM
Parent: #26
Quote: غرقوا ليهم حلفا وهجروا اهلها اجباريا .
عملوا لينا شنو في المقابل ؟؟؟
مصر تلعب لصالح ورقها وبس وتكتح لينا الرماده .
فائده ترجى من مصر بس ياها عشم الكلــــــــــــب في مويه الابريق .
احتلوا حلايب ناس البشير ما قالوا بغم .
اها لو الرشوه دي لو عشان يرجعوا ليهم حلايب نحي ونشوف .
حصه السودان من مياه النيل another sticking point ومصر لن تقبل فيها اي كلام .
يا بتي المصري لو سلم عليك عدي اصابع يديك .
ودعواتنا معاك علي الدوام بالتوفيق باذن الله .
|
تسلمى يازولة يا رائعة،،
|
Post: #30
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 06:15 AM
Parent: #4
Quote: في الإنقاذ، كلما زاد حجم فسادك واتسعت زمتك، كلما تصعدت في سلم السلطة. والأمثلة تستعصي على الحصر.
|
شكرا العزيز حامد على مرورك الانيق يا صاحب اريتك طيب
|
Post: #32
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: خالد العبيد
Date: 04-03-2011, 06:30 AM
Parent: #30
فساد يزكم الأنوف يا معاوية .
|
Post: #36
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 07:58 AM
Parent: #1
اصحاب المزراع
|
Post: #37
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: أحمد ابن عوف
Date: 04-03-2011, 08:13 AM
Parent: #36
معاوية يا صديقي
ياخي عندي سؤال:
هي هدية ام نوع جديد من الضرائب والاتاوات لباشوات مصر الجدد من عرق جبين المواطن السوداني؟؟
دي تركية جديدة
|
Post: #38
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: عبدالأله زمراوي
Date: 04-03-2011, 08:33 AM
Parent: #37
صورة جلبها الزميل أحمد محمد بشير في بوست مجاور عن معاناة أهلنا في الشرق...
بهذه الصورة وحدها يا بشير ستُحشر في جهنم أسفل سافلين
ومعك فلول الفاسدين والمطبلين...
سيريكم الله عجائب قدرته...
تحياتي الصائم..
|
Post: #40
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 05:13 PM
Parent: #38
Quote: ما هو عمر البقول له الملك يوم القيامة: يا عمر احيييييييي انا منك.
|
الزول ده بكون وضعو مختلف بعدين
|
Post: #44
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: معاوية عبيد الصائم
Date: 04-03-2011, 06:58 PM
Parent: #40
Quote: عمر البشير او المتعافي او والي الخرطوم كان حريا بهم ان يدفعوا الهدايا من حر مالهم لخلق المكانه التي يريدون
لكين ما من دم الغلابا وافواه الجياع والمرضي من ميزانيه ولايه الخرطوم .
لا اري سببا واحدا وجيها لهذه الرشوه التي قدمت لمصر .
.
|
شكرا ماما دوما الدخرية شكرا دوما ...والله كريم
|
Post: #45
Title: Re: ابقار التبرع لمصر من مزرعتي المتعافي والخضر باسعار يحددها البائعان
Author: Nagat Sid Ahmed Elshiekh
Date: 04-03-2011, 08:55 PM
Parent: #44
Quote: وعليه ليس في السياسة مسألة رجالة وبلطجة هنالك حكمة وعلم، ممارسة السياسة اصبحت علم حسابات 1،2،3، تعمل واحد تحصل على كيت تعمل 2 تحصل على كيت ... حتى الحروب ما عادت تكسب بالرجالة بس.
|
سلام يا القلب النابض،،،،
فى سياسة السودان فى مسألة رجالة، وحليفة طلاق فى كل المواقف البتحتاج لى حنكة وتفكير ، بعدين البلطجة عندنافى خطابات ناسنا ديل،،اكتر من استعمال الالفاظ بتاعة ،تحت جزمتى ،وعلى بالطلاق، بتفتكرى دى حكمة وعلم لممارسة السياسة والخطاب الجازب ولا بلطجة،،
انا معاك فى العالم كلوا الحروب ما عادت تكسب بالرجالة لكن هنا فى سودانا دا اى شئى بالرجالة،
|
|