مجروحة وجوة الجوف غُصّة مظلومة وأقوى من الظالمين يا الدايرة سفينة الحق ترسى شان الحاجات تبقى كويسة .............. البت الشايلة هدير العالم في جُوَّاك ومتيمنة صوتك وكاسرة القيد يا بت يا نور وكتين العالم ضَلمة شديد مسكونة شديد بي بكرة العيد والجايي من الأفراح أسة يا الدايرة سفينة الحق ترسى شان الحاجات تبقى كويسة .............. بتشوفي الضوْ من وين والدنيا ضلام بتلاقي البسمة متين وحولك ظُُلام تتنفسي كيف والكتمة بتملا العتمة، السَهَلة، الأرض التحت، الأفق الفوق ضايق انا صدري ومخنوق ولقيتو يقينك لافيني بي انه الحق لازم يرسى شان الحاجات تبقى كويسة وآه يا بنيّة
Post: #4 Title: Re: ضايق انا صدري و مخنوق .. Author: محمد عبدالرحمن محمد Date: 03-31-2011, 10:07 PM Parent: #3
Quote: ضايق انا صدري ومخنوق ولقيتو يقينك لافيني بي انه الحق لازم يرسى شان الحاجات تبقى كويسة وآه يا بنيّة
فيصل وطارق؛ تسلموا ويسلم كل من حس بالبنيه صفيه.. وباكر يمين الحاجات حا تبقى كويسه..
Post: #5 Title: Re: ضايق انا صدري و مخنوق .. Author: ادريس خليفة علم الهدي Date: 03-31-2011, 10:11 PM Parent: #3
Quote: بتشوفي الضوْ من وين والدنيا ضلام بتلاقي البسمة متين وحولك ظُُلام تتنفسي كيف والكتمة بتملا العتمة، السَهَلة، الأرض التحت، الأفق الفوق ضايق انا صدري ومخنوق ولقيتو يقينك لافيني بي انه الحق لازم يرسى شان الحاجات تبقى كويسة وآه يا بنيّة
ما عاش من يضيق صدرك يا فنان يا راقي
يسلم الاستاذ فيصل على الكلمات وتسلم انت على هذا الصوت الحنون الجميل
وبكرة احلى إن شاء الله
Post: #13 Title: Re: ضايق انا صدري و مخنوق .. Author: خدر Date: 04-01-2011, 09:00 AM Parent: #7
امجد محمد عبدالرحمن ادريس خليفة سامية حامد
شكرا يا رفاق , سعيد انو الاغنية عجبتكم و صفية تستحق ان نتفاعل معها و ندعمها
Post: #6 Title: Re: ضايق انا صدري و مخنوق .. Author: Adil Osman Date: 03-31-2011, 10:21 PM Parent: #1
Post: #8 Title: Re: ضايق انا صدري و مخنوق .. Author: خضر حسين خليل Date: 03-31-2011, 11:53 PM Parent: #6
يا سلام عليك ياسلام
Post: #9 Title: Re: ضايق انا صدري و مخنوق .. Author: متوكل بحر Date: 04-01-2011, 00:02 AM Parent: #8
Quote: بتشوفي الضوْ من وين والدنيا ضلام بتلاقي البسمة متين وحولك ظُُلام تتنفسي كيف والكتمة بتملا العتمة، السَهَلة
سلام خدر عمل متكامل كلمات ولحن واداء لك التحية متوكل بحر
Post: #10 Title: Re: ضايق انا صدري و مخنوق .. Author: رؤوف جميل Date: 04-01-2011, 06:18 AM Parent: #9
سلام خدر عمل متكامل كلمات ولحن واداء لك التحية
Post: #11 Title: Re: ضايق انا صدري و مخنوق .. Author: عادل الباهي عبدالرازق Date: 04-01-2011, 06:59 AM Parent: #10
أبداع وأقناع
نسأل الله أن ينصف صفية علي من ظلموها .
لكما التحايا القلبية الصادقة خدر وفيصل .
Post: #12 Title: Re: عشان الحاجات تبقى كويسة .. Author: Hadeer Alzain Date: 04-01-2011, 07:44 AM Parent: #11
Quote: مجروحة وجوة الجوف غُصّة مظلومة وأقوى من الظالمين يا الدايرة سفينة الحق ترسى شان الحاجات تبقى كويسة
..............
البت الشايلة هدير العالم في جُوَّاك ومتيمنة صوتك وكاسرة القيد يا بت يا نور وكتين العالم ضَلمة شديد مسكونة شديد بي بكرة العيد والجايي من الأفراح أسة يا الدايرة سفينة الحق ترسى شان الحاجات تبقى كويسة
..............
بتشوفي الضوْ من وين والدنيا ضلام بتلاقي البسمة متين وحولك ظُُلام تتنفسي كيف والكتمة بتملا العتمة، السَهَلة، الأرض التحت، الأفق الفوق ضايق انا صدري ومخنوق ولقيتو يقينك لافيني بي انه الحق لازم يرسى شان الحاجات تبقى كويسة وآه يا بنيّة
يا سلاااام يا خدر .. يا فنان يا متفرد يا لجمالك ويا لروعتك ياخ! يو ميد ماي داي والله
شكرآ لك ولفيصل على الشغل الجميل
و يا سماء الحزن مهلآ الحاجات حا تبقى كويسة ..!
_
Post: #16 Title: Re: عشان الحاجات تبقى كويسة .. Author: خدر Date: 04-01-2011, 09:08 AM Parent: #12
هدير الزين الاغتصاب كالقتل تماما, فقط الفرق ان من قُتل لن يعود ليحكي كلنا صفية و قطعا الحاجات حا تبقي كويسة
Post: #15 Title: Re: ضايق انا صدري و مخنوق .. Author: خدر Date: 04-01-2011, 09:06 AM Parent: #11
خضروف متوكل رؤوف عادل
شكرا يا رفاق و قطع شك حا تبقي كويسة بتفاعلنا معاها .. الحاجات و صفية معا.
Post: #14 Title: Re: ضايق انا صدري و مخنوق .. Author: خدر Date: 04-01-2011, 09:03 AM Parent: #6
شكرا يا عادل علي الصور
____ الرجاء تعديلها
Post: #17 Title: Re: ضايق انا صدري و مخنوق .. Author: أحمد الشايقي Date: 04-01-2011, 09:30 AM Parent: #14
شكرا يا فناننا العزيز خدر على هذا الإشراقـة
قضية الأخت صفية اسحق محفورة في وجدان كل سوداني حر
أحمد الشايقي
Post: #18 Title: Re: ضايق انا صدري و مخنوق .. Author: طارق جبريل Date: 04-01-2011, 09:32 AM Parent: #17
يا طروووووق.. شوف النور دة جايي جايي.. والظلام سيندحر
Post: #19 Title: Re: ضايق انا صدري و مخنوق .. Author: ناصر احمد الامين Date: 04-01-2011, 09:37 AM Parent: #18
كلمات و لحن و اداء .. روعة يا طارق و الله يزيد خدارك
