موسيقى وجمهور من كوكب آخــر !

يا صديقي ..
هنالك يبحثون عن المتعة والإستمتاع ..
وهنا نحن نبحث عن لقمة العيش والجرئ وراء المعائش ..
حتى الفرحة عندنا هنا مقرونة بالدموع والبكاء ..
الفن عندهم له معنى آخر ..
وعندنا عبارة عن عدادات ..
لما بكى الباشكاتب وهو يغني دموعنا سبقت دموعه ..
ولكن زي ما قلت المخرج حرمنا حتى من هذه اللحظة المعبرة ..
نعم يوجد عندنا فن حقيقي ومعبر وموسيقى جميلة خاصة بنا وتشبهنا ..
لكن لا توجد عوامل مساعدة ..
أو تقدر تقول عندنا أعداء الفن والجمال يكبلونه بكل القيود ..
ياخي شوف كنبة الإحتياطي عندنا تلقاها مليانة ناس ساي غير الإحتياطي والجهاز الفني ..
وقد لا تكون لهم علاقة بكرة القدم ..
وشوف الملاعب العالمية قمة في الإنضباط والسلوك ..
ما نفتقده يا صديقي هو الإنضباط والسلوك ..
زيادة على ذلك التنظيم وقليل من الإهتمام ..

هذه المغنية ..
وهذه اللحظات نحتاجها بشدة يا عمران ..
جمل الله أيامك ..

قلت لي ش = ص ..
أو كما قلت

Quote: قلت لي ش = ص ..

هو كان (راجل) اليجي يقول آآآآآآآي عاجبـــاني

Quote: لولا المهندس زاهر على الفيس بوكـ لما سمعت عنها

يا عمران
تحياتي يا فنان.

Quote: Lara Fabian (born Lara Crokaert, January 9, 1970) is a Belgian-Italian international singer who also holds Canadian citizenship. Multilingual, she sings in French, Italian, Spanish and English, in all of which she is fluent.[citation needed] She has also sung in Portuguese, Russian (e.g., ЛЮБОВЬ ПОХОЖАЯ НА СОН, or "Love Is Like A Dream"), once in Hebrew on Israel's 60th Independence Day celebrations and in German in 1988 for a version of "Croire" (ger.: "glaub" eng.: "believe"), although she speaks neither language fluently. She also speaks a little Dutch (Flemish). She has sold over 18 million records worldwide so far. She is a lyric soprano with a four octave vocal range — from Eb (Eb3) below middle C (C4) to soprano high G# (G#6). She has belted up to high A (A5).[1][2]

http://en.wikipedia.org/wiki/Lara_Fabian

__
أتمني نقل البوست للربع القادم لو أمكن
عندنا فيه باقي كلام..ههههههه.

عمران إنت يوم شكرك ما يجي،
كلو كلو ما يجي،
سألتك بالمولى تشوف الأوقات دي في الفيديو
الدقيقه والثانية 2:09
الدقيقة والثانية 3:56
الدقيقة والثانية 4:15
الدقيقة والثانية 4:59
الدقيقة والثانية 5:10

عارف يا عمران،
تعرف يا عمران..

ياخ خليها ..
خليها ياخ.

ياخ Je t`aime

Quote: ياخ خليها .. خليها ياخ.

مولانا الأصلي
الشركـ وكت جابكـ ما بخليكـ ، ومناي عماد أب شنب ، الولد الشفيف يجي " ينجمّه "
الثواني الحددتها دي يا محمد المرتضى هي تعابير الإمتنان والحب
دي ما عندها كلمات توصفه
وصدقني هي أكثر شي لفت إنتباهي
دي تعابير بتتشاف وتتحسّ بس
وهي لا تحتاج إلى شاشات كبيرة يشوفوها الناس الغنو معاها ديل
بيكون " الألكتورحساس " وصّل ليهم فرحه بيهم ،
وفرحوا بيهو .
فرحي وفرحكـ بي صدق المشاعر الكاتلنه ده

Quote: أتمني نقل البوست للربع القادم لو أمكن

DONE
بس ما تغيب أنا غيابي كتير لامن أمور دنيتي تستقر

يا عمران،
قبل بضع سنوات زار مارسيل خليفه مسقط وكان الحفل في مسرح كبير مفتوح خارج مدينة بركاء
في قلعة عمانية مجهزة بمدرج كالذي في الأكروبوليس أو جرش ، كان المدرج ممتلئا
حتى البحر والسماء ، غنى لقهوة أمه فكان صمت توقفت معه الرياح الشرقية وبحر العرب
واتسع مضيق هرمز، لم يكن ثمة صوت سوى صوت الدموع تنساب على الخدود فقط .
بعدها بدأ بالمقدمة الموسيقية ل (يا بحريه هيلا هيلا ) ، فغناها الجمهور بدلا عنه،
وضع العود على حجره وكان يلتفت بين الفينة والأخرى إلى أميمة الخليل دهِشا ،
بدورها بادلته أميمة نظرات التعجب والإعجاب وصدى العمل الكورالي غير المعد له بسبق إصرار وتفنن ،
تقول لي رِهيرسال يا عمران؟
وقف على رجليه يصفق للجمهور الفنان حتى أنهى الجمهور مناجاة السماء وانسحب الجن خشية
أن يتلقى شهابا رصدا.. فصفق مارسيل وأميمة تضحك ..
تضحك في نشوة لا يُلَقَّاها إلا ذو قلب سليم...

Quote: الدقيقه والثانية 2:09 الدقيقة والثانية 3:56 الدقيقة والثانية 4:15 الدقيقة والثانية 4:59 الدقيقة والثانية 5:10

بتقبض لحظات عجيبة يا مولانا
عجيبة ياخ.


-
تحياتي وإحترامي

Quote: بتقبض لحظات عجيبة يا مولانا عجيبة ياخ.

بل هي التي تقبضني يا هواري،
مواقيت غريبة وكان على عمران تنبيه المشاهدين للترانيم مراعاة فروق النبض،
سبحان الله ، رغم أن الأداء يحبس الأنفاس إلا أن أكسجين الرئات في ازدياد،

قادر الله..

يا عمران ..
ياخي كل ما أسمع العمل دا وأعمل مقارنة ..
ألقى الكلام دا بعيد خالص ..
تخيل أمس وأنا (أقلّب) في القنوات مشيت على قوون الفضائية ..
لقيت شكرالله بغني (أولاد قلبا ما عارف شنو كده ولا نقلبّه ) ..
إتذكرتك وضحكت من الحزن ..





مولانا محمد المرتضى تحياتي ..
ياخي توقيتك في الـ (تنك) ..
دقة وإحساس عالي ..
تسلم يا حبيب ..

Quote: مواقيت غريبة وكان على عمران تنبيه المشاهدين للترانيم مراعاة فروق النبض

الله يهديكـ يا مولانا ومن نبهني بأن قوة الفولت ستكون بكل هذه الكم ؟؟
هذه من مخلوقات الله التي تدعوكـ إلى مزيد من الإيمان
نحن نملكـ فقط ( الحوقلة ) والتسبيح حين نرى الجمال اكتمل إبداعاً
فنردد لا حول ولا قوة إلا بالله وسبحان الخالق
تلكـ مخلوقة ندعو لها بالجنة فقد أدخلت الفرح إلى من حولها
خصوصاً كائنات كوكب الأرض الزينا ديل
ا
وشووووووووووووف المشاعر






____________
المهندس زاهر : أشكيكـ لمنو ؟

لست مسئولاً وبأي حال من الأحوال عن أي ردة فعل قد تؤثر على قوى محمد المرتضى العقلية حال رؤيته لدمعة هذه الفابيان وهي تنزل مع تصوير " هاي ريزليوشن "

سمحه،
والله سمحه،
سمحه،
سمحة إذا راعت ..
إذا أدمعت ..
إذا التاعت ..
إذا اشترت أنفاسنا..
سماحة الصِح..

-
شوف ياعمران ..
هذه الفابيان أنا ما حصل شفتها قبل هذا وكنت نسيا منسيا،
لكن يا عمران الزوله دي لا أشك أنها :
مهذبه ،
فاها ما هَرَّاج..
حقل للتسامح ..
معين ونبع ونهر و (سَرَف) مسرف وشلال أشجان فادح العطاء ،
مَرَبيه ومؤدبه،
ما بجي منها شين،
ولا بتعرفو،
تفي بحق ذوي القربى وأهل الفجيعة واليتامى والمؤلفة أكبادهم،
وإبن السبيل ..
وفئات أخرى لاتعلمها .. يعلمها الله،

السمحه دي ...

يا عمران..

أقفل الموضوع دا بالله،


أقفلو..

أنجدوا أخاكم محمد المرتضى ، أخرج كل ذخيرة وزاد (التصوٌّف )

Quote: فاها ما هَرَّاج..

Quote: تفي بحق ذوي القربى وأهل الفجيعة واليتامى والمؤلفة أكبادهم، وإبن السبيل .. وفئات أخرى لاتعلمها .. يعلمها الله،

ياخي البوست ده غنية حلوة وناس بيغنوا معاها وانتهى الموضوع
لكن !!
شكلي حا امطووووووووا
عاجبني بكا ود المرتضى ده
وعاجبني أكتر بكا زاهر في الفيس والخاص

بتاعين النِقَة " موديل التسعينات " بكون عندهم رأي راسمالو كلمة ( إستلاب )
ظنِي لو " تيرمومتر " السمع والشوف عندهم إرتفع حا يشيلو كلمتم دي ويدوها لناس السياسة
أو أيِ حاجة تانية ما ليها علاقة بالسمع والشوف
غُنانا لحنو وكلماتو ما بقدر عليها إلاَ الفنَان في "السمع البحت "
وما مشكلتو سلم خماسي ولا غيرو
السمع داير ليهو إخراج برضو
زيو وزي الشوف
الشوف داير التعابير المفروض تمشي مع الكلام
عشان يصل الغُنا سمعاً ( وشوفاً )



___________________________________
الساوند سيستم عندنا عبارة عن جهاز لتكبير حجم الصوت
ومرات مداهو
والأستديو " أو المسرح " حيطة مدهونة وراصين قدامه كراسي

ولسه راجنكـ يا الديامي

أخونا زاهر االكان السبب في المتعة دي حالف إلا يا ود المرتضى تشوف الرابط ده



وده كلامو بي ضبانتو :
الرابط ده يا عمران وديهو لي صحبك محمد المرتضى
عايزين نشوف اوجاعو السمحة وكلامو
باقى لي اللنك دا بطلع حنان حنانو الباقى
ياخ لارا دي تغنى تبكى الحوالينا
يغنو ليها تبكى هى
بس شوف الشافعة دي
قبل ما لارا تجى
الدموع زف زف زف
هطلت

ياخ انعل ابو الاحساس والشعور الما بنعرفو نحنا
وما قادرين نعرف دا مننا ولا من العلينا
شوف جنس بكاء الشافعة ديه
وشوف احساسها دا
وشوف الناس الحوالينا
وشوف البتمسح ليها فى دموعها
وشوف المصور
وشوف المخرج
وشوف لارا زااااتا
وحضنها للبنية ديه
ايييييييييييييييييك

ملاحظة اخيرة :
الناس ديل كووولهم وقفوا يصفقوا لي لارا فابيان وهى داخلة المسرح
الا الشافعة دي قاعدة و العوينات مليانه دموع و العبرة ماسكاها

____________
الوشوش الخدرا مني

حوش لارا هنــا

كان تاجوج بِقَت بالرُتبه مشهوره ....إنتي فوق تاجوج زادوكِ دَبُّوره
كان يغنيها الشايقي صديق أحمد..

أها ، الكولونيل سيلين ديون جاها بريقدير،

يا (زاهر) أنا أدري أنك تدري أن المسألة لاعلاقة لها ب (البكاء) من عيار طارق جبرين،

الموضوع دا موضوع له صلة بالتفَكُّر في إبداع الخالق،

زول يغني يبكي ، يغنوا ليهو يبكي ، يُعجبوا لغنائه يبكي ، يحضنوهو يبكي،

هذه اللارا الفابيان شجن ودموع يرتدي ثيابا أنيقة،

وأنا عارف إنها هالة وليست جسدا ماديا،

سمعت ليك بي زول بيغني بدون ما يغني؟



غايتو..

لا إله إلا الله ..
شفت ربنا ده سمح كيف يا عمران ؟؟ ..
يفرحك و لا عليك . و لاك محتاج تفهم .. يفرحك كده بس , من جودو و كرمو بأي الجمال ..
يديك من نعمائه .. و لا تعيقك حواجز لون و لا لغة و لا ارض و لا و لا ولا .. يديك و بس , يا أيها الإنس ..
فيظبط حالك .. و تفرح ياخي .

....
شكراً يا رب .

Quote: المسألة لاعلاقة لها ب (البكاء) من عيار طارق جبرين

أكيد أعمق يا ريس
وأكيد زاهر عايشة بتفاصيلكـ الإنت واقف فيها






_________________
عِلا طارق جبرين ما بضمنو

يا قريبي كيفنك
دة ما ياهو النخجي ذاتووووو أليلي علي بالفرنسي


تعرف يا حبيب الفرنسيين ديل عندهم حاجات تحت تحت كدة ما انزل الله بها من سلطان
من ضمن ثقافتهم الشارنها في غرب أفريقيا حاجة كدة مسمنها (التفاعلية الجماهيرية)
اها يا حبيب التفاعلية الجماهيرية دي زي الشي الحاصل في اليوتيوب دة
هنا في مهرجان اسمه موازين بيكون في الصيف
اها يا حبيب موازين السرور دي الدولة بتقوم تجيب مغنيين وفرق عالمية على حساب وزارة الثقافة والشركات الكبرى
وبيقوموا يعملوا ليك مسارح في الهواد الطلق لي خلق الله دي
الصيف دة من من ضمن الفنانين الجايين هنا (شاكيرا)
تخيل من ستة مساء لي ستة صباحا يفكوا ليك الفنانين ديل في خلق الله دي
وخلق الله دي حافظة غناهم دة صم وتلقاهو دون اي اخطاء في الاداء بيأدوا معاهم
الصيف الفات جابوا إلتون جون وتعال شوف لمن بدأ يغني بالبيانو
يمين محنوهوا المغاربة في راسو
بدأ يعزف والمغاربة يغنوا
يمين يا عمران منظر كدة يقوم شعر الجلد
الزول دة لمن انتهت الاغنية قعد في الواطة وقعد يبكي
وقال: لم اكن اعلم ان هناك شعوب بهذه العظة في هذه المنطقة

نحن ناسنا يا حبيب حتى كلمة الله اكبر بدأوا يغيروا ايقاعها داخل نفسيات الناس
لانه بيسرقوا ويقولوا الله اكبر
يذبحوا في امة النيل دي ويقولوا الله اكبر

التفاعلية الجماهيرية دي كانت موجودة يا عمران مع الكثير من الفنانين
آخرهم عقد الجلاد
لكن للأسف زول زي طارق جويلي ممكن يفعل اي شئ في سبيل ابعاد مبدع زي عثمان النو
استعمل كل طرق قتل الشخصية الممكنة لكي يبعد عثمان النو
والنتيجة كانت شنو: فقدنا عقد الجلاد بزخمها ونبضها الحلو داك

يا حبيب الواحد عايش على ذكرى دولة كانت جميلة ومليانة نخجي وجوعير
هسة الدولة كلها بقت (حبوبتي بتقول ليكم)
ان شاء الله الحبة التقوم ليهم (قُوبة) في نص الراس

Quote: التفاعلية الجماهيرية

قصدك الحميمية الشعبيه؟
عندي إعتقاد يا ودجبرين إنو الفنان لما يسمع الآلاف يؤدوا أغانيه وبصوت واحد في حضرته
يغمره شعور أروع مما لو غناها بنفسه، لأنه في تلك اللحظة يعرف يقينا إنو حِصصو وانفعالات
حنجرته ودواخله لم تذهب أدراج الصياح ، الناس سمعوا وحفظوا ما قدمه لهم ..
عمل الدايرو فيهم..
هو إحساس يقارب نشوة من نوع معين نسأل الله ألا يحرم منها حبيب.

قول آمين يا ودجبرين..

يا ود المرتضى كيفنك
الحميمية دي يا حبيب لمن الفنان يقدر يوصلها للشعب دة وتلقى الصغير قبل الكبير حافظ الاغاني صم
دة معناهو نجاح منقطع النظير لي فكرة وهوية الاغنية في حد ذاتها
تخيل يفكوا لينا عثمان مصطفى في مسرح على الهواء الطلق ويقعد يغني لينا: الخدود الشاربة من لون الشفق عند المغارب
يمين خلق الله تتنخج وتجوعير معاهو للطيش

هسي يغنوا ليك ((قنبلة)) ويقولوا ليك الشعب عايز كدة
ياخي منو الوصاهم على سماع الشعب دة

في نهاية الثمانينيات شارك الراحل الجميل سيد خليفة في مهرجان للأغنية بدمشق،
كان المسرح يحتشد بالمشاعر ولم يبق مقعد واحد خال من الشجن بل كان كثير منه
يقف على رجليه على جنبات المسرح والسقف.. شارك من لبنان جوليا بطرس التي
أدت أغنيتين أعدت بهما الفحم في المنقَد وأعقبها لطفي بوشناق وكان في يده
عود أو صهريجا لمادة سريعة الإلتهاب لا أذكر ، وجاء سيد خليفة ومن خلفه
الأوركسترا السورية عالية التجويد وغنى (زهرة الليلاك) وأشعل نيرانا
في المسرح أتت على المقاعد المخملية ووقف الجمهور يغني ويصفق
بأسلوب أدهش الشام ومن معي من المشاهدين عبر التلفزة ولا أدري
لِم لَم يتواجد أفراد الدفاع المدني هناك ، لكن عندما وصل إلى
( والروشا كادت أن تسكر) توقف المسرح كله وسكِر (بَرَدى) وترنحت
الأضواء ( كالأقمار في نهر يرجها المجذاف وهناً ساعة السَحَر) ..

يا زهرة الليلاك..

جمكسين يا ودجبرين..

يا ود المرتضى دة ما ياهو الجمكسين ذاتوووووووووووووو

.

ودجبرين ،
مشيت قريت شويه عن مصدر كلمة (جمكسين) ويبدو أنها معني بها مادة الدي دي تي
المعروفة :
Dichlorodiphenyltrichloroethane (إسم يقوِّم النَفَس) وهي مادة عالية الفاعلية في قتل
الحشرات ومناهضة الحركات الجماعية للبعوض ، تحديدا قطاع الأنوفليس والفيفاكس ،
ودحر التايفوس أجارك الله ، تلك المادة رغم نجاحها في محاربة الحشرات إلا أنها لها مضارها
على البشر والطيور والحيوانات والجرجير والأمريكان قالوا إنها سبب رئيس للسرطان وأوقفوا
استعمالها عام 1972 أما عندنا في السودان الوطن الواحد ما زالوا يرشونها على الجوالات
والخيش وأشياء أخرى ( محاربة لتسوس التمور على سبيل المثال).. وبعضهم يسمي المادة (الجبكسين) ..

حكى لي أحدهم أن فرقة فنيه زارت إحدى مدن الأقاليم ورقص الحضور مع أداء الفنانين
ولما جاء دور شرحبيل وتم تركيب (عِدة الجاز) قال أحد الأعراب لصاحبه : أُمحُمَّد اخوي ،
يلاَّكا ناس الجبكسين جو..
بالله ديل لوكان جاتم لارا فابيان مش كان إتمسحو من درب التبانه زاتو..
حقيقة الواحد مرات يسأل روحو لو كان الجاغريو شاف لارا ودموعا دي كان موقفنا
يكون شنو من حلف وارسو..

Quote: حقيقة الواحد مرات يسأل روحو لو كان الجاغريو شاف لارا ودموعا دي كان موقفنا يكون شنو

يعني يا مولانا ناسنا (الجهجهو ناس الجاغريو ديل ) كانو مالم ؟
حالتو كمان شوف ناس الجاغريو كان محدود !
بس لمح طرف التوب واتدفق منو الكلام الما خمج
يعني نانسنا ديل لو كانوا شافوا المنظر (الداسنو ) كلو كان بُكاهم زاد






_________________
غايتو حسب مدى شوف الجاغريو الزمان لو أدوهو فرصة يرجع يوم يحضر لارا دي ، وتاني يموت ، كان خلَد ذكرى لارا زيادة
ويمكن في العالم كلو كان اللغة وصلت بيي دارجيته

لو تدري لارا فابيان بأن أفريقياً سودانياً قُح يتقن العربية فقط تمايل مع ما تفعل لتعجبت أكثر
ودمعَت أكتر
( يتفق صديقي محمد ، الكلامو سِمِح دايماً معي في اللارا دي )
أريته يا صديقي كمان تعرف انها كانت سبب مكالمات ذات ونسة طاعمة )







_________________________________________
عماد الديامي : كلو مرة بجي راجع لتعليقكـ المكيفني في حناني زاتو

حرَكـ فينا عركي بخميس الرياض الماضي مشاعر الفرح الجماعي
كما فعلت لارا بمن حولها
.
.
.
.

.
.
.

يا عمران

ياخي البوست دا انا نزلت منه الاغنية الاولي قبل ما نتلاقي في الحفل

لكن ...

كما قال الفنان زيدان

ابداع في شكل فيونكه ...!!!

طارق مرغني الزول الأضانو نضيفة
واحد صاحبي (متطرِف) شوية في تعاطيه لبعض أمور الدين
بيصر على أن الموسيقى ( مزمار الشيطان )
ودايماً بردَ ليه أن الشيطان يكرهه الله سبحانه وتعالى
لم يمتلكـ إلا " أدوات الدمار الشامل الخاصة به " بتفويض رباني إلى ضِعاف النفوس
والموسيقى عالم جمال لم يخلقها ربي ليجعلها للشيطان مزماراً
فقط عليكـ أن تسمعها بعد أداء العبادة
وأن لا تكون شاغلاً لكـ عنها
ذلكـ هو مدخل الشيطان فقط .
ويا لها من فيونكـــة

عمران..
أنا مش قلت ليك البوست دا تاني ما ترفعو ؟
ياخ ال (لارا) نائمة .. من أيقظها.

مولانـــا الجميل
إذا بطَلت " تسمع " الأنين فلا بد للجفاف أن يصيبكـ
حتى ولو باللغة الفرنسية

Quote: عمران.. أنا مش قلت ليك البوست دا تاني ما ترفعو ؟ ياخ ال (لارا) نائمة .. من أيقظها.

يا مولانــــا
خليها صاحية ياخي :)
تزيل القُبح ( الحوالينا ) " ان شاء ما يبقى علينا بس "

وتاني جبناهــا
خاطر صديقي الباشمهندس زاهر ، أهداني اللحن ويمتطي الفارهة أدناه في طريقه للسودان
ويلا يا بورداب الخرطوم ( المرطبين ) جهزوا قروشكم الزول بايع لمن يدفع أكثر
بالمناسبة دي مرضة ناس السودان اليومين ديل عشان كده سعره هنا طاااااااار



hyundai tucson 2011