ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)

Post: #1
Title: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 05:52 PM

والله انا مدبرسة شديد وحبيت أخفف على نفسى معاكم

الدعوة عامة،،

لو عندك موقف طريف حصل ليك فى حياتك شارك معانا،

لو فى نكتة حلوة عاجباك خاصة الايامات دى الدبرسة عامة والنكات السياسية والغير بتخفف شوية،،

والبكا بحرروهوا اهلوا انا ح ابداء ليكم وبعد داك البيت بيتكم،،

Quote: وأسكت وبس

الفاتح جبرا

رغم الوعود التى وعدتك بها الجهات المسئولة بثبات (سعر السكر) إلا أن سلعة السكر فى إرتفاع وجوال السكر وصل سعره 185 جنيه وسيوالى سعره فى الإرتفاع وسيوالى (السكر والضغط) بتاعك فى الإرتفاع عشان كده ما تتهور وتحتج وتقع كاضم ..أطفالك فى إنتظارك .. أحسن حاجه تسكت وبس

!!

# إذا طالبك متحصل النفايات برسوم زائده قائلاً (الرسوم زادوها) فلا تسأله عن (الضمير) فى زادوها عائد لمنو؟ لأنو أساسا ديل ناس ماعندهم ضمير وبيزيدوا على كيفهم ولو ما دفعتا ح يودوك (نيابة التفايات) عشان كده .. أسكت وبس

!

# لما تشاهد برنامج حواري فى التلفزيون والمذيع قاعد يتكلم أكتر من الضيف ذاتو ويسأل الضيف ويجاوب على السؤال قبلو اقفل التلفزيون على طول بدل ما يجيك ضغط دم وتمشى الدكتور تلاقى قيمة الكشف مية جنيه وتسكت للأبد

# لما تلاقي الواحد شايل ليهو سبحة وعلامة الصلاة تتوسط جبهتو وكل ما تجى (مرا) ماشة يعاين ويدنقر فى الواطة .. تسكت إنتا خالص وبس .. الراجل مش بحب يعاين لوجوه الحريم .. (كرعين بس)

!

Post: #2
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 05:58 PM
Parent: #1

الدعاء الجديد للحكام العرب
بقلم/ أحمد غراب
الأحد 27 فبراير-شباط 2011 11:09 م

اللهم انا نعوذ بك من الخلع كله عاجله واجله
ونعوذ بك من الشعب الذي ينظر للأمام
والشعب الذي يكره الأصنام
والشعب الذي يريد اسقاط النظام
ونسألك اللهم رئاسة مدى الحياة
وشعبا " صفا انتباه "
اللهم ثبت كراسينا بالصمغ والشلك واللحام البارد
وباعد بين الشعب وبينها كما باعدت
بيننا وبين الشعب
واجعل لنا من امامنا كرسي ومن خلفنا كرسي
وعن يميننا كرسي وعن شمالنا كرسي
ومن فوقنا كرسي ومن تحتنا كرسي
واجعل ثأرنا على من خلعنا
ومتعنا بكروشنا ما اشبعتنا
ولاتجعل الشعب مبلغ همنا
ولا مصدر قلعنا
وقنا عربة البوعزيزي
اللهم ومن طالب برحيلنا
فاجعله عصير صلصة
او تونة غويزي
ربنا اصرف عنا يوم الجمعة
فقد ضاعت ليلة الخميس
وأصبحت غدرا طميس
اللهم اجعل ميدان التحرير لنا لاعلينا
ولاتسلط علينا عيال النيدو
واطفال الديجيتال
ولاتشمت المعارضة فينا
وقنا شر المتظاهرين والمتظاهرات
والمفسبكين والمفسبكات
الاحياء منهم والاموات
ربنا و لاتسلط علينا "الجزيرة"
كما سلطتها على الذين من قبلنا
اللهم اضعف ارسالها
وشوش تردداتها
وطهر "رسيفرات" شعوبنا منها
الهي الى من تكلنا
الى شعوب تخلعنا
ام الى معارضة تستضعفنا
ام الى شباب لايسمعنا
ام الى مجتمع دولي يندد بنا
ام الى سويسرا تجمد ارصدتنا
نشكو اليك ضعف شعبيتنا
وفساد حيلتنا
ونحس بطانتنا
وعجز قوتنا
اللهم لاتدع لنا شعبا الا ورحلته
ولاشبابا الا وخلعته
ولامعارضا الا وألجمته
ولامواليا الا وشجعته
ونسألك رصيدا لا ينفد
وثروة لاتجمد
و نعوذ بك اللهم من شعب يخلع ولايركع
ومن بطانة تاكل ولاتشبع
وساعة الجد لاتنفع ولاترقع
ونعوذ بك من شباب لايجزع
ومعارضة لاتقنع
ربنا اصرف عنا الديمقراطية
وأدم علينا البيروقراطية
واجعل الميزانية في جيوبنا
ودندل لنا كروشنا
اللهم هازم الاحزاب ومسكن الشباب
رد شعوبنا الينا ردا جميلا
ولاتجعل الكرسي علينا مستحيلا
ولاتجعل نهايتنا الرحيلا
اللهم بارك لنا في طائراتنا
لنقصف بها شعوبنا
وضاعف لنا مدافعنا
واجعل البازوكة بعشرة امثالها
وارزقنا في كل خطوة دبابة
ربي اجعلني زين الجالسين
لا زين الهاربين
وبارك لنا اكثر من مبارك
واعوذ بك ان يقول لي شعبي ارحل
فأقول له انا فهمتكم .
· اذا الشعب يوما اراد الحياة فلا بد ان تقصفه بالطائرات !!
· دخول الكرسي مش زي الخروج منه
· لاتحتقر عربة بائع الخضار فربما تطيح الكراسي من عربة البوعزيزي
· ما كل ما يتمنى الحاكم يركبه تأت الرياح بما لايشتهي "الموتر"
· رب كرسي ظلمت فيه فلما صرت في "جدة "بكيت عليه
· اذا وقعت يا فصيح لاتقول انا فهتمكم
· اذا حضر الكرسي بطلت الديمقراطية
· مساكين الحكام افسدت عليهم شعوبهم ليلة الجمعة
· بالعربي وبالانجليزي تحية للبوعزيزي

Post: #3
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 06:03 PM
Parent: #2

شكرا الفاتح جبرا
الكلام دا 100%

Quote: # إذا كانت لديك قضية تنظرها المحاكم ولاحظت أن القاضى يأتى إلى المحكمة متأخراً (بعد ما يفطر في بيتو) بينما المتخاصمون يأتون من (صباح الرحمن) فأسكت وبس .. فى زول كمان بيسال القاضى؟

# إذا توقفت أمام إشارة المرور وأمامك عربة (بدون لوحات) تجاوزها رجل المرور وجاء ليسألك عن (اوراق عربتك) فلا تتعجب وأسكت بس وما تودى روحك في داهية لأنو أكيد بيكون هو عارف العربية البدون لوحات دى تابعة لمنو

Post: #4
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-28-2011, 06:09 PM
Parent: #3

يعنى زول يجلى العالم الاول ويجى تانى المولد...خمى وصرى والله اكبر عليك
الليلة يحلك الحلة جاد الله
اريتك طيبة و الولاد يا بت سيد احمد

Post: #6
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 06:21 PM
Parent: #4

Quote: يعنى زول يجلى العالم الاول ويجى تانى المولد...خمى وصرى والله اكبر عليك

سلام يا معاوية والله كلامك فى الصميم

انا خميت وصريت بلاوى ح افضيها ليكم هنا ،،بس هم الله اكبر عليهم

تحياتى ليك وللجميع اها قلنا نكتب البوست دا قبل موسم الهجرة للعالم الاول بعد ما جهزنا البقجة الما خمج والاورام السرطانية

خليك قريب البيت بيتك يا معاوية وممكن تعزم ناسك القريبين منك للمشاركة،،

وبالله نكتة،او موقف مضحك مع العرب او السودانين؟؟

وما وريتنى انت مع المبسوطين ولا المدبرسين؟؟؟دا مهم قبل الدخول للبوست دا

Post: #7
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: منال
Date: 03-28-2011, 06:23 PM
Parent: #4

والله يانجاة الدبرسه حاصله واريت كان معروف ليها سبب

بوست جميل وبجيك صاده ,,,

Post: #5
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-28-2011, 06:14 PM
Parent: #3

سلام أخت نجاة

Quote: واجعل لنا من امامنا كرسي ومن خلفنا كرسي
وعن يميننا كرسي وعن شمالنا كرسي
ومن فوقنا كرسي ومن تحتنا كرسي

الولد بجي مسطول البيت كل يوم متأخر بلقى العشاء في المطبخ بتعشى و بنوم
اليوم داك جاء لقى أمه صاحية قال ليها العشاء قالت ليه أبوك بصلي خليه إنتهي
و إتعشوا سوا مشى قعد جنب أبوه لقى أبوه في الدعاء و طول شديد
قام وصل الحتة دي (( اللهم أجعل من أماني نوراً و من خلفي نوراً و من فوقي نوراً))
الولد قال لي أبوه:- يا أبوي إن شاء الله إقلبك جنريتر خلينا نتعشى.

.

Post: #8
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 06:28 PM
Parent: #5

Quote: يا أبوي إن شاء الله إقلبك جنريتر خلينا نتعشى.

تسلم يا ابوالحسن ، خليك قريب

Post: #9
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 06:30 PM
Parent: #8

Quote: والله يانجاة الدبرسه حاصله واريت كان معروف ليها سبب

بوست جميل وبجيك صاده ,,,

مرحب بيك يامنال بس ما تتأخرى شديد

Post: #12
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 06:42 PM
Parent: #9

اها يا معاوية عبيد القصة ومافيها ،،قرننا ترك العالم الاول لمافيه من ترف العيش والاستريس العالى جدآ بمقياس شنو داك ما عارفة

جينا لمكة تغنينا قامت قلعت طواقينا وادتنا خبطة بالعكاز بتاع جدك الصايم يلحقنا وينجدنا ويرجعنا لبلد الكفار تامين سالمين قول آممين

يلا بعد سنة وتسعة شهور بالتمام،، لقينا نفسنا بننفخ فى قربة مقدودة وما اظن تترقع،،

قمنا يا ود الصايم لمينا البقجة وكل الذكريات المرة وقبلنا على بلد الكفار القلوبهم بيضاء علينا واحن من اهلنا المسلمين

نقوم ندخل ليك فى بلد الكفار والمقارنة بيناتم وح تشوف العجب ،،،

المهم خليك قريب لحدى ما نركب الطيارة

Post: #16
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-28-2011, 06:55 PM
Parent: #12

Quote: المهم خليك قريب لحدى ما نركب الطيارة

اولا يانجاة نفيدكم انو جدى الصائم الدعوات حقتو بقت
محدودة فقط فى اطار ام الطيور..لحين اشعار اخر وذلك
بسبب عدم معرفة الى اى ولاية تتبع ام الطيور..طبعا فى ازمة
فى (الدعاة) اليومين ديل

بعدين الحقى الطيارة البلد ما مضمونة البوست ملحوق
شان ما تخمى وتصرى الخمة الاخيرة

وانشاء الله تكونى عملتى ليك دراسة ميدانية حول دور
العجزة فى السودان شات الزول يطمئن لامن يرجع
مع جيل الكاتشب والمرتدلا

بالمناسبة محمد زكريا الفوق ده صديق عزيز وجميل
حليل الزمن داك وابو الشباب الكان مضيقانى فى الجكس
هههههههههههه اوووووو ...... الله يرحمو ويحسن اليه

برجع ليك

نجاة يا ماعندك زوق ليه ما رسلتى لى بنظلون جينز (بلو احمر)

Post: #10
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-28-2011, 06:31 PM
Parent: #5

Quote: الولد قال لي أبوه:- يا أبوي إن شاء الله إقلبك جنريتر خلينا نتعشى.

كااااااااااااااااااااااااااااااااااااااااااااك ده شنو يا مؤمن..استغفر الله...

Post: #11
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: محمد زكريا
Date: 03-28-2011, 06:39 PM
Parent: #5

الاخت نجاة
بوست فى الوقت المناسب
احكى ليك موقف مضحك شويه
تعرفى لمن مررت علينا فى البوست ده دقون وسلاح و ده شنو ده؟ حدى يشرح من غير ضحك (فيديو عجيب)
Quote:

سلام اخى محمد زكريا

والله دا كلام الطير فى الباقير،،

انا ما فهمت اى حاجة بس الظاهر الزول الكان بصرخ دا يا أبكم يا أطرش شايف جماعتوا وبحمس فيهم والدليل السيوف والعصى والسلاح،،

يعنى طلعنا من الشريط دا بخلاصة الدقون + السلاح = ارهاب

وما عرفت ارد عليك ب اخت ولا اخ
وكنت اول مره اشوف اسمك وقلت اشوف البروفايل واعرفك لقيت مافى معلومات كافيه لكن النوع = ذكر

وبرضو لاوزت وقلت ارد عليك بمفردات لا تطرق الى النوع

ولامن جيت البوست ده عرفت النوع من ردود الزملاء
تعرفى ده معناه انك برلومه فى المنبر وماانتبهتى لخانه النوع فى البروفايل
المهم نرحب بك مره تانيه يا اخت نجاة وسامحينا على التنبيهه ههههه

===
تحياتى

Post: #13
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-28-2011, 06:47 PM
Parent: #11

رجعت من الشغل مدبرسة ( من المدبرسين ) بس قريت البوست وشوية فكت

خليها تفك كويس وأرجع ( هههههههههه )

محمد زكريا بااااااااااالغت لكن

Post: #14
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-28-2011, 06:51 PM
Parent: #13

محمد زكريا دا كان مختفي ليهو كم إسبوع حمداً لله علي سلامتك أولاً

نجاة دي برلومة بسنونها وهي شقيقة نجلاء سيد أحمد
نجاة إزيك وكيف عاملة راجعة بس لسه ما فكت ( هههههههههه )

Post: #18
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: محمد زكريا
Date: 03-28-2011, 07:04 PM
Parent: #14

Quote: مها عبد الله
محمد زكريا دا كان مختفي ليهو كم إسبوع حمداً لله علي سلامتك أولاً

نجاة دي برلومة بسنونها وهي شقيقة نجلاء سيد أحمد
نجاة إزيك وكيف عاملة راجعة بس لسه ما فكت ( هههههههههه )

الله يسلمك يا أ. مها عبدالله فعلاً اخدت (بريك) وجيت لقيت اسماء كتيره جديده فى المنبر
كلنا كنا برالمه ويوماً ما ستكون سنيير السناير كاختها
ويا نجاة اسمك ممكن يكون للنوعين , عندنا واحد عراقى اسمه نجات وخصوصاً انك كاتباه بالانجليزى بيصعب التحديد
يو بتعرفى ناس غاده مكى فى بيت المال معناته جيت بيتكم قبل كده
الف مرحب بك فى المنبر

Post: #15
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 06:51 PM
Parent: #11

سلام اخى محمد زكريا

والله انا ما ختيت اى نوع ذكر ولا انثى المهم دى ممكن تكون من محن سودانيز ودى براها نكتة،،

شكرآ للتنبيه وكان قلت ليك اصلحو كيف اكون كذبته عليك دى غلطة مطبعية وماعندى ليها اى تفسير

نشوف سيد الحوش بعمل لينا فيها شنو؟؟؟

نجاة دا اسم بنات وبس، تسلم

Post: #17
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-28-2011, 06:57 PM
Parent: #15

Quote: نجاة دا اسم بنات وبس،

نسيتي أحمدي نجات و لا شنو ...؟؟؟؟

النوع Male أو Female دي تغيريها إنتي ما سيد الحوش

Post: #19
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-28-2011, 07:06 PM
Parent: #17

Quote: نجاة دي برلومة بسنونها وهي شقيقة نجلاء سيد أحمد

معلومة غير سليمة يا مها
الصاح...نجلاء هى شقيقة نجاة وليس العكس
والدليل على ذلك انو بخارى هو زوج نجلاء
شقيقة نجاة بت سيد احمد

جرى التنويه وشكرا

مها يا تصفوية يا صفوة ركزى كويس...

انا لله من هكذا فهم

Post: #20
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-28-2011, 07:09 PM
Parent: #19

حاجة مهمة أرفعوا الزعل في البوست دا .... علشان الواحد إكون Free

يعني بالواضح كدا أي واحد إكتب ليه كلمة إتوقع فيها نكته أو ضحك عليه هو نفسه

تحياتي

.

Post: #27
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-28-2011, 07:27 PM
Parent: #20

Quote: معلومة غير سليمة يا مها
الصاح...نجلاء هى شقيقة نجاة وليس العكس
والدليل على ذلك انو بخارى هو زوج نجلاء
شقيقة نجاة بت سيد احمد

جرى التنويه وشكرا

مها يا تصفوية يا صفوة ركزى كويس...

انا لله من هكذا فهم

اللهم طولك يا روح الزول يلقاها من الإنجليز ولا معاوية لووووووول .

لسه ما فكت يا جماعة. أبو حسين نرفع الزعل أكتر من كدا ما شايف معاوية دا

Post: #21
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 07:14 PM
Parent: #15

العزيزة مها أضحك الله سنك

بعدين المعلومات كلها مزورة فى البرفايل

اولآ : انا ما سنقل متزوجة وأم لطفلين اولاد (عذابة البيت كلو ذكور عشان كدا الغلطة المطبعية واردة)

ثانيآ: نجاة سيد احمد الشيخ شابة ونص وخمسة هههههه

ثالثآ : انا اكبر من نجلاء

Post: #22
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 07:14 PM
Parent: #15

العزيزة مها أضحك الله سنك

بعدين المعلومات كلها مزورة فى البرفايل

اولآ : انا ما سنقل متزوجة وأم لطفلين اولاد (عذابة البيت كلو ذكور عشان كدا الغلطة المطبعية واردة)

ثانيآ: نجاة سيد احمد الشيخ شابة ونص وخمسة هههههه

ثالثآ : انا اكبر من نجلاء

Post: #23
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-28-2011, 07:17 PM
Parent: #22

Quote: ثانيآ: نجاة سيد احمد الشيخ شابة ونص وخمسة هههههه

المصدر ههههههههههههههههههه

Post: #24
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: محمد زكريا
Date: 03-28-2011, 07:21 PM
Parent: #23

Quote:
المصدر ههههههههههههههههههه

بالله نسألكم من الخير وين صاحبه (وهل انا من يسأل عن مصدر) او هكذا
هههه

Post: #25
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 07:22 PM
Parent: #22

سلام ليكم جميعآ بالله البوست عفوى جدآ من غير اى قيود والبت للجميع مفتوح

نديكم نكتة :

المدرس يسأل الطلاب :- حيوان بيزحف ببطء شديد !؟؟
أجاب محمد وقال :- السلحفاة .
قال المدرس:- أحسنت يا محمد وين يشتغل أبوك ؟
قال محمد:- أبوي دكتور .
قال المدرس:- شفتوا أولاد الدكاترة شو أذكياء .
سأل المدرس سؤال ثاني:- ماهو الطائر الذي يتكلم ؟
فأجاب عبدالله: - الببغاء .
فقال المدرس: - أحسنت يا عبدالله وين يشتغل أبوك ؟
قال عبدالله : - أبوي مهندس .
قال المدرس :- شفتوا أولاد المهندسين شو أذكياء .
وبعدين سأل المدرس : - ماهو الطائر الذي يبدأ بحرف الــ الباء ؟؟
فأجاب أحد الطلاب : - بقره .
قال له المدرس : - وقف وقف ياغبي أبوك وين يشتغل ؟؟
قال الطالب : - أبوي بيشتغل بالمخابرات !!
قال المدرس : - أحسنت !!! .. البقرة إذا شدت حيلها ممكن تطير ... بارك الله فيك يا ولدي .. سلم لي علي أبوك !!!؟

Post: #26
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-28-2011, 07:22 PM
Parent: #22

Quote: بعدين المعلومات كلها مزورة فى البرفايل

نجاة يا ختي المزورة إنتي لأنو المعلومات دي بتكتبيها إنتي ما سيد الحوش..!!!

في أيقونة ملفك أضغطي عليها بتلقى بياناتك كلها عدليها

و تحت في أيقونة في مستطيل Change Profile

أضغطي عليها

.

Post: #28
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 07:33 PM
Parent: #26

Quote: نجاة يا ختي المزورة إنتي لأنو المعلومات دي بتكتبيها إنتي ما سيد الحوش..!!!

يا ابو الحسن انا بقول ليك ما مشيت على البرفايل بتاعى دا يعنى المفروض يكون فاضى عشان انا اخت فيهو معلوماتى ولا مش كدا؟؟
المهم ح اعدلوا لكن منو الختة لى سنقل وذكر ولو بقت دى سابتة برضها ظلم،،

شفته العكلتة دى كيف،،

يعنى البرفايل اساسا مكتوب فية ذكر+سنقل وانت المفروض تعدلوا ولا المفروض يكون فاضى؟

Post: #29
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-28-2011, 07:42 PM
Parent: #28

Quote: يا ابو الحسن انا بقول ليك ما مشيت على البرفايل بتاعى دا يعنى المفروض يكون فاضى عشان انا اخت فيهو معلوماتى ولا مش كدا؟؟
المهم ح اعدلوا لكن منو الختة لى سنقل وذكر ولو بقت دى سابتة برضها ظلم،،

شفته العكلتة دى كيف،،

يعنى البرفايل اساسا مكتوب فية ذكر+سنقل وانت المفروض تعدلوا ولا المفروض يكون فاضى؟

ما مشيتي على البروفايل دا غلطك.... و أهي النتيجة إتهموك بالتزوير

المعلومات اللي فيه ختاها سيد الحوش و طبعاً هو حـُر مش الحوش حقو..؟؟؟ طيب..!!!

في بيانات لابد تكون موجودة يعني إجبارية و دي سيد الحوش عامل ليه ديفولت ذكر و سنقل

إنتي دي بياناتك المفروض تكتبيها إنتي.... و لا عايزه كمان سيد الحوش إبقى زي بتاعين التعداد

إقعد مع كل واحد و إسجل بياناته ... عندك كم ولد و عندك كم بت و شغال شنو..؟؟؟

أمشي عدلي بياناتك إمكن تفك ليك الزهجة دي و نرتاح نحن نمشي ننوم..

.

Post: #30
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 07:50 PM
Parent: #29

Quote: أمشي عدلي بياناتك إمكن تفك ليك الزهجة دي و نرتاح نحن نمشي ننوم..

هههه،، دى نكتة تانية،، لكن انت مدينى فرصة عشان امشى اعدل البروفايل بتاعى

امشى نوم وبكرة ح تلقى البرفايل تمام التمام

شكرآ ياخى

Post: #31
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 07:55 PM
Parent: #30

الدليل الكامل لحال السودان المايل

درة المباهج في إصلاح أوضاع المناهج
الأخطار الملموسة لانتشار العنوسة
تأثر البيئة من مستنقعات الخريف الرديئة
سر ارتفاع الوفيات في داخل المستشفيات
القول المبين في تحسين أوضاع المعلمات والمعلمين
المعالجات الفطيرة لأحياء مشروع الجزيرة
القول المأثور في المخارجة من كشات المرور
الحكمة السرية في غلاء السلع الاستهلاكية
لوامع الأفكار لمواجهه قطع التيار
الأدلة القطعية في رفض المؤسسات للمراجعة الداخلية
الرد العجول في تبرير رسوم الوصول
هداية الحيارى في تحريم أصوات السكارى
الرد المختار على المواطن المحتار
تخدير الأنام بمنتخب الكلام
طرق ابن آوى في كيفية استلام الرشاوى
الشرح الكارب لمعنى استراحة المحارب
القول الحصيف في سفر الفنانات إلى الشريف
الدعاء اللطيف لدرء كوارث الخريف
الدرر البهية في كيفية تعلم اللصوصية
سر البكاء عند اللجوء إلى ديوان الزكاة
إخفاء البصمات عند قبض الكومشنات
الأسرار البهية لسرقة أموال المحلية
الجواهر اللماعة في سر تقديم الساعة
الحكم والآيات في مشروعية الرسوم والجبايات
الحكم المأثورة في قولة خلوها مستورة
الأفكار الشيطانية في لهط أموال المحلية
الرد الشافي لمن يقول بأن المرتب غير كافي
الأسباب والدواعي لفشل العرس الجماعي
السيف البتار في محاربة ستات الشاي والخدار
السر الباطن في كيفية تنظيف جيوب المواطن
القول الفاصل في ظاهرة البنطلون الناصل
الخطط التامة في سرقة الأموال العامة
الأدلة المحجوبة لوجود الأدوية المضروبة
الأحاديث الضعيفة في قطع من يسرق رغيفه
أنوار الربيع لجلب الثراء السريع
الكامل في الجبايات
البيان والتبيين في غزو منتجات الصين
المستطرف في كل لغفٍ مستظرف
المنقذ من حملات المحليات
الواقع الأليم في مسائل التربية والتعليم
السلوك في معرفة تجاوزات البنوك
الإيضاح في علوم النهب المباح
النبراس في حماية الوازع الديني للاختلاس
تفصيل الكلام في حال المحالين للصالح العام
تاريخ المعتمدين والولاة
الإطالة في أخبار الخريجين العطالة
الإكليل في معرفة موقف خليل
المختصر في صرف المعاش
عقد الجمان في معرفة مستقبل السودان
النجوم العوالي في أخبار دجاج الوالي
عتاد الفارس في دفع رسوم المدارس
حيرة أولياء الأمور في دفع قروش الفطور..
معجم غسيل الأموال
الحكم والآيات في عدم زيادة المرتبات
بغية الطلاب في معرفة سر الكلاب
القول المبين في شركات الولاة والمسئولين
دليل المسلم الحزين إلى فقه التمكين
الكلام المباح في تجهيز قفة الملاح
الجامع في قطع الكهرباء عن الجوامع
التحريم والتحليل في أسباب التدبيل
الأدلة الشرعية في بيع الساحات الشعبية
رأى الدين في شراء أصوات الناخبين
الدرر السنية في تهميش أفراد الرعية
الطناش في صرف ملاليم المعاش
كشاف القناع عن عائدات البتاع
الروضتين في أخبار الشريكين

Post: #32
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-28-2011, 07:57 PM
Parent: #29

Quote: يعنى البرفايل اساسا مكتوب فية ذكر+سنقل وانت المفروض تعدلوا ولا المفروض يكون فاضى؟

المفروض يكون فاضي أمشي فضيهو وتعالي يا نجاة ما تشتغلي بأبو حسين ونقته الكتيرة دي

Post: #34
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-28-2011, 08:06 PM
Parent: #32

Quote: المفروض يكون فاضي أمشي فضيهو وتعالي يا نجاة ما تشتغلي بأبو حسين ونقته الكتيرة دي

غايتو يا مها ابوالحسين جبص الاصبع طلع فى راسو
كامل التضامن مع مرافق ابو الحسين لامن يفكو الجبص

نقة ابو الحسين نفة مرحلية ..مربوطة بحكة اثار الجبص
لانها حكة صعبة بتعمل حمة فى اللسان

كامل التضامن معاهو فى معتقله الصحى

انتوا البوست ده سيدو منو؟

Post: #33
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: محمد زكريا
Date: 03-28-2011, 07:58 PM
Parent: #29

هههه والله البوست احلوى
بس شكله بعد شويه نجاة ح تسب لى ولليوم الجابنى راجع للمنبر......هههههه
تقول لى كلو منك يا محمد زكريا الخليت ابوحسين يستعرض علينا
هههه
انت يا ابو حسين مش كنت عيان قبل ايام؟
ياخ حمدلله على سلامتك اولا
وياخ ما تقول لقيت ليك برلوم وتتفسح وتفك دبرستك فيها
ياخ والله كتر خيرها ببوستها ده خلتنا نفرفش شويه قبل الارشفه
امش نوم ياخ انت لسه فى فتره تقاهه هههه

ويا اخت نجاة والله مبروك عليك بدايه قويه وبوست موفق

تحياتى

Post: #35
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 08:16 PM
Parent: #33

Quote: امش نوم ياخ انت لسه فى فتره تقاهه هههه

ويا اخت نجاة والله مبروك عليك بدايه قويه وبوست موفق

تحياتى

تسلم يا اخ محمد ،،الحال دى الزول دا عيان

Post: #36
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 08:21 PM
Parent: #35

Quote: انتوا البوست ده سيدو منو؟

سلام يا معاوية
البوست دا
سيدو راح فى الزفة،،

دى فترة نقاهة كاربة،،بعدين الواحد لما يكون زهجان احسن يفتح ليهو بوست يفرق عليهو من النقة.

Post: #37
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-28-2011, 08:43 PM
Parent: #36

الاخت نجاة سلام وشكرا على البوست الظريف

Quote: ،،الحال دى الزول دا عيان

الزول ده كراعو مجبصة وها اقعد شهر كامل في اجازة اها الله إعينك

وإعين ناس تانين غيرك

Quote: كامل التضامن مع مرافق ابو الحسين لامن يفكو الجبص

تضامنك وصل يا معاوية بس كتروا لينا من البوستات البحبها ابو حسين عشان ................

انت عارف الباقي

Post: #38
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-28-2011, 08:50 PM
Parent: #37

Quote: تضامنك وصل يا معاوية بس كتروا لينا من البوستات البحبها ابو حسين عشان ................

نرحب ترحيب 16 طن ترمس بالمرافق الشخصى (لاصبع) ابو الحسين
سامية حامد...
كما نرحب بمساهمة الاصدفاء فى دعم ابو الحسين

يعنى كتب قديمة وترمس وبلح وطنى وتجارب جبصية سابقة ..
وعكاز و وتربيزة لسندة الكراع واى تفاصيل تفيد فى ذلك
للتضامن مع ابو الحسين يمكن ارسال 5 ريال لمعاوية عبيد
شان تجديد اقامتى.ههههههههههههههههههه

Post: #39
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: اسماء الجنيد
Date: 03-28-2011, 08:58 PM
Parent: #38

Quote:
# إذا طالبك متحصل النفايات برسوم زائده قائلاً (الرسوم زادوها) فلا تسأله عن (الضمير) فى زادوها عائد لمنو؟ لأنو أساسا ديل ناس ماعندهم ضمير وبيزيدوا على كيفهم ولو ما دفعتا ح يودوك (نيابة التفايات) عشان كده .. أسكت وبس

!

# لما تشاهد برنامج حواري فى التلفزيون والمذيع قاعد يتكلم أكتر من الضيف ذاتو ويسأل الضيف ويجاوب على السؤال قبلو اقفل التلفزيون على طول بدل ما يجيك ضغط دم وتمشى الدكتور تلاقى قيمة الكشف مية جنيه وتسكت للأبد

مرحب بالحبيبة نجاة والله يكفيك شر الدبرسة يا خية

الفاتح جبرة ده زول تحـــــــــــفة بس والله
الله يطراه بالخير ويمتعه بالصحة والعافية يا رب ,,, كتلنا فيهو في حوش بكري والله
يا ريت يجينا صادي تاني

شكرا يا نجاة للبوست الدمو شربات زيك
وهلا بيك وبي ضيوفك السمحين وطاعمين وحنينين ربنا يعمر القلوب

Post: #40
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 08:59 PM
Parent: #38

Quote: الزول ده كراعو مجبصة وها اقعد شهر كامل في اجازة اها الله إعينك

وإعين ناس تانين غيرك

سلام يا استاذة سامية وكفارة ليكم

شرفنا حضوركم

وكمان الله اعينك عليهو،

تسلمى يا ستى

Post: #41
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 09:11 PM
Parent: #40

دى صنعت خصيصآ لمعاوية عشان الخليج وكدا

سودانى شغال ميكانيكى فى الخليج، يوم راجع البيت من الشغل
لقى ليهو خليجى بيأشر بعربيتو وكانت عطلانة.
السودانى وقف وسألو: مالك؟
الخليجى: سير المروحة انقطع.
السودانى شال العقال بتاع الخليجى وركبو ليهو مكان سير المروحة
والعربية اشتغلت، الخليجى شكر السودانى ودور عربيتو ومشى.
بعد فترة السودانى لاقى الخليجى وسألو: العربية كيف؟
الخليجى: تمام والله، بس كل يوم بتاكل عقال.

Post: #44
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-28-2011, 09:24 PM
Parent: #41

Quote: غايتو يا مها ابوالحسين جبص الاصبع طلع فى راسو
كامل التضامن مع مرافق ابو الحسين لامن يفكو الجبص

يعني هسه البيتقطق في الكومبيوتر سامية ولا أبو حسين
كامل التضامن مع الكي بورد

Quote: الله نسألكم من الخير وين صاحبه (وهل انا من يسأل عن مصدر) او هكذا
هههه

محمد زكريا البوست دا قالوا ليك لفك الدبرسة

Post: #42
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 09:14 PM
Parent: #40

Quote: شكرا يا نجاة للبوست الدمو شربات زيك
وهلا بيك وبي ضيوفك السمحين وطاعمين وحنينين ربنا يعمر القلوب

تسلمى يابت الجنيد ،خليك قريبة

كلامك دا ذاتو طاعم،
وبفرح معاوية شديد

Post: #43
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-28-2011, 09:21 PM
Parent: #42

يا اهلنا احرسوا لينا البيت دا عشان الساعة واحدة ونص صباحآ

شوية المصيبة خفت بوجودكم ومشكورين شديد للقفشات الحلوة،

ح نواصل أكيد ومازال البوست طفلآ يحبو،

نديكم نكتة لحدى الصباح:

جعلى صاحبو عزمو لى عيد ميلادو
لما خلص الاحتفال الجعلى قال ليهو:
عيد ميلادك عندى بكرة.

Post: #45
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: manal eltahir
Date: 03-28-2011, 09:45 PM
Parent: #43

هااااااااااااا....هااااااااا...والله دي احلي نكته اسمعها من زمن....تسلمي نجاة.

Post: #46
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: khaleel
Date: 03-28-2011, 09:58 PM
Parent: #45

نجاة ممكن اشارك

باغنية

Post: #47
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 04:18 AM
Parent: #46

أبو حسين تطير عيشتو...

إجي إساعد البرلومة إتحول البوست للضحك علي أنا...

هو البوست من ما دخل فيه معاوية أنا قنعت من خيراً فيه

إن شاء الله يا نجاة تصحي من النوم أكثر دبرسة ...

و برجع للحاقدين واحد واحد .....

.

Post: #48
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: صديق الموج
Date: 03-29-2011, 04:41 AM
Parent: #47

غايتو قدر ما قلت اعرف البوست
ده عن كسر ابوحسين؟
والا عن ايهن اكبر نجلاء والا نجاة؟
والا عن دبرسة محمد زكريا؟
والا حق ود الصايم وشراكه مع ساميه حامد؟
والا مها بت خالتى دى الدخله هنا شنو؟
عشان اكتب لى مداخله مافهمت شى!!
غايتو النسوان ديل زى ما قال زول زمان
يدخلن فى الاتحاد النسائى ده يخربنوا..
لووووووووووووووووووووووول،،،

Post: #52
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Shaker Hamid
Date: 03-29-2011, 05:20 AM
Parent: #48

الاستاذة نجاة سلامات

بوست فى وقتو

صديق الموج انت خليك بعيد شوية بعد النكتة دى ممكن تجى
واحد مسكوه ناس الأمن بالغلط مع إرهابين
سألوه شنو آخر عملية سويتها
قال ليهم : بواسير

Post: #49
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 04:51 AM
Parent: #47

بعد النقه دي كلها لا زالت صاحبة البوست Male و Single كمان

Post: #50
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-29-2011, 04:58 AM
Parent: #49

Quote: هو البوست من ما دخل فيه معاوية أنا قنعت من خيراً فيه

حكة حكة الجبص نحتو حكة حكة الجبص كرهتو بلح ترمس شوال قرضتو

كامل التضامن مع المذكور...اسعار الترمس فى الرياض وصلت كم..

Post: #51
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 05:15 AM
Parent: #50

Quote: المفروض يكون فاضي أمشي فضيهو وتعالي يا نجاة ما تشتغلي بأبو حسين ونقته الكتيرة دي

الشئ البغيظ إنو واحدة مواليد 2008 تغالط ليها واحد مواليد 2002

تفضيه هو شنو ....؟؟؟ كيس زبالة..؟؟؟

في بيانات لازم تتكتب لو ما إتكتبت السيستم ما بعمل Save للبروفايل علشان كدا سيد الحوش مثبت فيها
Male و Single لأنهم الأكثرية في الحتتين ديل و إنتي بعدين تعدليها

رجاءاً يا مها قبل ما تغالطي ليك واحد شوفيه مواليد كم...

.

Post: #53
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-29-2011, 05:23 AM
Parent: #51

Quote:
.و برجع للحاقدين واحد واحد .....

اللهم فك اسر اصبع الزميل ابو الحسين اميييييييييييين من الجبص اللعين
اللهم دمر الحاقدين اتنين اتنين امييييييييييييييين..اللهم اشغل مها بالانجليز
اللهم ضيع اقامة معاوية عبيد لينشغل فى روحه ..اميييين
اللهم كتر الترمس ورخص التمر....... وصبر مرافق كل مجبص فى العالم
اميييييييييييييييييييييييييييييين.اللهم نقص اليوم ليصبح 5 ساعات شان الشهر
ينتهى امييييييييييييييييييييييييين وليل الجبص ينجلى..وابو حسين يقوم (ينقلع)

Post: #54
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 05:26 AM
Parent: #51

Quote: أبو حسين نرفع الزعل أكتر من كدا ما شايف معاوية دا

أيوا يا مها علشان زي معاوية دا ترمي ليه درابة كبيرة في راسو الكبير دا ..

و لو زعل تقولي ليهم يا جماعة قلنا مافي زعل و الناس كلها حا تعذرك

اها تقومي تشلتيهو لم تتفشي و تفكي غبينتك و ست البوست الـMale دي تفك دربستها

في راس المسكين دا....

.

Post: #55
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 05:34 AM
Parent: #54

Quote: لكن انت مدينى فرصة عشان امشى اعدل البروفايل بتاعى

من أول دخول ليك للبورد مفروض تمشي طوالي على البروفايل و تعدليه

لكن شكلك ما صدقتي فرحانة بالباسوورد و عايز تظهري علشان الناس إشوفوك في سودانيز أون لاين

أها خُمي و صُري لي أسي Male و Single

.

Post: #56
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 05:50 AM
Parent: #55

Quote: غايتو يا مها ابوالحسين جبص الاصبع طلع فى راسو
كامل التضامن مع مرافق ابو الحسين لامن يفكو الجبص

نقة ابو الحسين نفة مرحلية ..مربوطة بحكة اثار الجبص
لانها حكة صعبة بتعمل حمة فى اللسان

كامل التضامن معاهو فى معتقله الصحى

انتوا البوست ده سيدو منو؟

يا نجاة الناس ديل لسه بخاطبوك على إنك Male

يا معاوية أنا نقتي بي سبب الجبص.... إنت نقتك دي سببها شنو ..؟؟

.

Post: #57
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 06:05 AM
Parent: #56

Quote: انت يا ابو حسين مش كنت عيان قبل ايام؟
ياخ حمدلله على سلامتك اولا
وياخ ما تقول لقيت ليك برلوم وتتفسح وتفك دبرستك فيها
ياخ والله كتر خيرها ببوستها ده خلتنا نفرفش شويه قبل الارشفه
امش نوم ياخ انت لسه فى فتره تقاهه هههه

دي زي الواحد لم إمشي بيت عرس و الناس فرحانين و إغنوا

و إجيك واحد إشيل معاك الفاتحة في ود جيرانك المات ليه سنة..!!

الله إسلمك و إحفظك من كل شر

محمد زكريا معليش إنت فهمت الموضوع غلط يا خوي

نجاة فاتحة البوست علشان مدربسة مُش العكس

ليه الناس دي كلها قبلت علي أنا ..........؟؟؟

.

Post: #58
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 06:40 AM
Parent: #57

Quote: في بيانات لازم تتكتب لو ما إتكتبت السيستم ما بعمل Save للبروفايل علشان كدا سيد الحوش مثبت فيها
Male و Single لأنهم الأكثرية في الحتتين ديل و إنتي بعدين تعدليها

صباح الخير يا اهلنا مشكورين حرستوا لى البوست لحدى ما نمت وكيتنا فى ابو جبص الدبرسة فكت شوية

والله المناكفة بتاعتكم دى اروع من النكات ذاته تسلموا لينا اها يا أبو جبص خلينا من البروفايل الجبص بفكوهو متين عشان نرتاح النقة هههه

والله يا معاوية انا ح ارسل شوال ترمس وخمسة الف بقرة من البشير عشان أبو جبص دا يمشى شغلو

ودا اقتراح منى للجميع

يلا نكتة صغيرة بمناسبة جبص أبو الحسن:

قال ليك واحد شايقى شاحن لورى نبق ماشى يتاجر، وفجأة
أثناء السفر لاقوه ناس النهب المسلح، وبعد ما هنضبوه قرروا
يفلقوه بالنبق واحدة واحدة، وأثناء الفليق بدا الشايقى يضحك بصورة متواصلة
سألوه ناس النهب المسلح:
البضحكك شنو ونحنا بنفلق فيك بالنبق؟
وهو لسع بيضحك قال ليهم:
أنا هين بتفلقونى بالنبق، الكلام فى الجعلى الجاى وراى
وشاحن ليهو دوم.

غايتو يا شباب أبو جبص دا لو بقى جعلى او شايقى بكون تعب معاى شديد

الله يكون فى عون اختنا سامية لحدى ما الجبص يفكوهو

Post: #59
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 06:57 AM
Parent: #58

Quote: غايتو يا شباب أبو جبص دا لو بقى جعلى او شايقى بكون تعب معاى شديد

الله يكون فى عون اختنا سامية لحدى ما الجبص يفكوهو

أبو جبص جعلي و ساميه حامد شايقية

Quote: الدبرسة فكت شوية

دبرسة دي و لا حاجة تانية.. جربي أم فتفت و قهوة سادة

.

Post: #61
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-29-2011, 07:07 AM
Parent: #59

Quote:
أبو جبص جعلي و ساميه حامد شايقية

واحد جعلي ضخم الجثة؛ راكب في واحد من بصات أم درمان، وراكب جنبو واحد شايقي قصيِّر وقليِّل. بس الجعلي دايرلو سبه مع الشايقي ده يفتح خشمه يمسكو يطقطقه كل مرة الجعلي يلكد الشايقي في راسو،حقاااره ساكت ويقول ليهو: (ماك عارفنا نحن الجعليين، جنى المك نمر، النار دي ناكلها مولِّعة)، والشايقي محتار في المصيبة العملاقة دي يعمل معاها شنو. شويتين كده، ويلكدو تاني: ( إتَّ أظنِّك ماك خابرنا، نحن الجعليين، جنى عبد الله ود سعد، النار دي ناكلها مووقدة؟؟!)، والشايقي الغلبان مستسلم ساكت بقم ماقله وقاعد.يرجف وبينو وبين نفسو هاجماعه المصيبه ده يتحلو منو كيف بس قام فجأة الكمساري كورك: (أيوه الدَّايات، حدي نازل؟؟!)، الجعلي قال ليهو: (أيوه وقـِّف أنا نازل هنا)، لما نزل وبقى في الواطة، الشايقي تاوق ليهو بالشباك، وقال ليهو: (أمانةً في ذِمَّتك دي محطة ينزل فيها راجل؟؟؟!!).

Post: #64
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-29-2011, 07:11 AM
Parent: #59

Quote: غايتو قدر ما قلت اعرف البوست
ده عن كسر ابوحسين؟
والا عن ايهن اكبر نجلاء والا نجاة؟
والا عن دبرسة محمد زكريا؟
والا حق ود الصايم وشراكه مع ساميه حامد؟
والا مها بت خالتى دى الدخله هنا شنو؟
عشان اكتب لى مداخله مافهمت شى!!
غايتو النسوان ديل زى ما قال زول زمان
يدخلن فى الاتحاد النسائى ده يخربنوا..
لووووووووووووووووووووووول،،،

وهات واحد وااااااك لصديق الموج إبن خالتي وصلحه . وهذه ( الواااااااك ) هي شقيقة كاااااااك ( البنت الكبري لمحمد الصايم بالتبني ) وبنت عم ( لوووووول ) و ( لوووووولز ) و أخواتهنَ . قريبة كل من ( قوم لف ) و صهرة ( فتأمل ) و المهم

Post: #60
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-29-2011, 07:00 AM
Parent: #58

صاحبة البوست والمتداخليين سلام جاكم .
---------------------------------------------------------

واحد جاء مع أصحابوا بيت عزاء قاموا دخلوا وقالوا ليهوا ديك زوجه المتوفي قام عاين ليها كده بطرف عينوا لقاها ليك شينه شنه مره.عمل ليكم رايحه منها ، أتلفت كده شاف ليهوا أمراءه جميله جمال مبالغ فيهواوحنكوشة قام قال تبارك الله في ما خلق ومشي ليك عليها وقلدا ليك وهاك ياجوعير وأصحابوا يجروا فيهو من قميصوا وشابكنوا ليك يا اللخو دي ما زوجه المرحوم وصاحبنا ولا هنا ولاهناك كأنهم بيتكلموا مع الحيطه لمن زهجوا منو شالوهوا شيل وطلعوهوا بره شبكم ليك بي زعل يأخي مالكم ؟ قالوا ليهوا يأخي قلنا ليك دي ما زوجه الميت. قال ليهم يعني دي الماتوا ليها شويه ؟

Post: #62
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 07:07 AM
Parent: #60

Quote: واحد جاء مع أصحابوا بيت عزاء قاموا دخلوا وقالوا ليهوا ديك زوجه المتوفي قام عاين ليها كده بطرف عينوا لقاها ليك شينه شنه مره.عمل ليكم رايحه منها ، أتلفت كده شاف ليهوا أمراءه جميله جمال مبالغ فيهواوحنكوشة قام قال تبارك الله في ما خلق ومشي ليك عليها وقلدا ليك وهاك ياجوعير وأصحابوا يجروا فيهو من قميصوا وشابكنوا ليك يا اللخو دي ما زوجه المرحوم وصاحبنا ولا هنا ولاهناك كأنهم بيتكلموا مع الحيطه لمن زهجوا منو شالوهوا شيل وطلعوهوا بره شبكم ليك بي زعل يأخي مالكم ؟ قالوا ليهوا يأخي قلنا ليك دي ما زوجه الميت. قال ليهم يعني دي الماتوا ليها شويه ؟

يا عادل ياخي لو كنت جيت أمبارح نكتتك دي كان ريحتنا و إتفكينا من نجاة الـMale دي

بالمناسبة يا نجاة عادل الباهي دا جعلي و شايل سوطو معاه في أي حته... شيلي شيلتك

.

Post: #63
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 07:10 AM
Parent: #60

Quote: قال ليهم يعني دي الماتوا ليها شويه ؟

هههههه تسلم يا عادل دى قوية خالص، خليك قريب

عشان الدبرسة قربت تفك.

Post: #65
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 07:19 AM
Parent: #63

Quote: عادل ياخي لو كنت جيت أمبارح نكتتك دي كان ريحتنا و إتفكينا من نجاة الـMale دي

بالمناسبة يا نجاة عادل الباهي دا جعلي و شايل سوطو معاه في أي حته... شيلي شيلتك

هههه يا أبو جبص والله انت الفكيت لى الدبرسة دى وح ادعليك جبصك دا يقعد شهر تانى

بعدين البروفايل ح اخليهو كدا لحدى ما البوست دا يمشى الخور دا كلوا عشان انت تطل علينا

وبرضو الله يكون فى عون اختنا سامية وكامل التعاطف معاها

Post: #66
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 07:19 AM
Parent: #63

Quote: يعني هسه البيتقطق في الكومبيوتر سامية ولا أبو حسين
كامل التضامن مع الكي بورد

يا مها كنا في موسم الحج بنشتغل في مكة
إدخال بيانات الحجاج كان معاي واحد يماني
بمسك الجواز بي يدو الشمال و بدنقر في الكي بورد و بي أصبع واحد إطبظ الكي بورد
إطبظ حرف و إقعد إفتش للتاني إتخيلي منظرو و هو مدنقر في الكي بورد و بفتش للحرف بي أصبع واحد..
صاحبي جا و شاف المنظر دا عاين لي كدا و عاين للراجل و قال لي
دا بنضف في بنقو..؟؟؟؟؟؟؟؟

عارفه البنقو بنضفوه زي ما بنضفوا العدس أو الرز

.

Post: #67
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-29-2011, 07:29 AM
Parent: #66

أبوحسين ونجاة يديكم الف عافية

---------------------------------------------------

واحد سنجك، راكب ليهو فوق حمار، وهو واضح جداً إنو شايقي؛ لأنو كان مشلَّخ شايقي، والشلوخ واضحة جداً. وفي واحد جعلي متابعو من ورا، ويسأل فيهو: الأخو إنت جنسك شنو في الأهل؟! الأخو إنت جنسك شنو في الأهل؟؟! والشايقي ضارب طناش! لأنو مادايرلو سبه مع الجعلي... أخيراً لمن السنجك زهَّجو كترة الأسئلة، اتلفت عليهو وقال ليهو: (أنا شايقي لكن حماري الراكب فوقو دا جعلي!)...طوالي الجعلي رد عليهو: (حرَّمْ حمارك أحرَّ مِنَّك)

تخريمة :-
في البوست دا عصرت علي الشوايقة لانهم أولاد عمنا وحبايبنا
عشان مايجوني ناس طارق جبريل والمطرطش دافرين

Post: #68
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-29-2011, 10:07 AM
Parent: #67

انا كان انطلقت في البوست دة بجيب ليكم ضقلو

Post: #69
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 11:45 AM
Parent: #68

Quote: انا كان انطلقت في البوست دة بجيب ليكم ضقلو

ههههههه دى براها تحفة تسلم يا ود جبريل

والبركة فى اخونا عادل الجابك لينا جارى

وشكرا يا عادل للنكات الظريفة والاظرف من كدا اعتراف أبو جبص هو والعزيزة سامية جعلى وشايقية،يعنى اى نكتة فى الاتنين ح تكون فى صميم البوست،

بالله كتروا لينا من نكات الجماعة ديل عشان الشماتة ليها يوم

Post: #71
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نجلاء قرافي
Date: 03-29-2011, 12:06 PM
Parent: #69

ياخي البوست اللذيذ زي ستو ده فاتني كيف؟
هههههههه
وتاني
هههههههه

واديكم دي
ادروب سألوهو اها السنة دي رمضان كيف برنامجو قال ليهم انا السنة دي ما نسوم في السودان لي يا ادروب قال ليهم الا جمال الوالي يقفل قنات الشروق قالو ليهو السبب شنو شابكننا شمس السودان التي لا تغيب دي يسومو مآها كيف .

Post: #70
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-29-2011, 11:55 AM
Parent: #68

Quote: انا كان انطلقت في البوست دة بجيب ليكم ضقلو

كده يانجاة اقدر اقول بوستيك راح فى حق الله
دخول المسخوط ود جبريل موشر غير طيب البتة

ود جبريل نجاة دى صديقة مشتركة لى وعود الجوز
دحين ارع بقيدك سمح يابتاع كوشة الجبل
ياخ افتح جوالك وشكرا

Post: #72
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 12:53 PM
Parent: #70

Quote: وشكرا يا عادل للنكات الظريفة والاظرف من كدا اعتراف أبو جبص هو والعزيزة سامية جعلى وشايقية،يعنى اى نكتة فى الاتنين ح تكون فى صميم البوست،

يعني صميم البوست بقى التنكيت في أبو جبص و ساميه حامد...؟؟؟؟

و الله لو ما كراعي مجبصة كان زماااااااااااااان دخلتك في غيبوبة مش دبرسـة....

إنتي برلومة و ما عارفة ناس البورد كويس لكن الزييك دي مداخلة واحدة و تجيك نفسيات عدييل كدا

الله في

.

Post: #73
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-29-2011, 01:26 PM
Parent: #72

راجل بخيل وماقاعد يشارك في أي مجاملات في الحي لا فرح ولاترح و ساكنا معاهوا نسيبتوا في البيت يشوف

العمي ولا يشوفا . قام نسيبتوا ماتت زوجتوا قالت ليهوا طبعا نحنا ماقاعدين نجامل حد في الحي دا ومافي شخص

حيجيء يشاركك في دفن أمي دي فسوف تقوم بالعملية براك . المراءة كفنت أمها وختتا في الحمار وقالت لزوجها

أمشي أدفنا ، صاحبنا ساق الحمار وفوقوا جثمان نسيبتوا ومشي المقابر لمن وصل المقابر شاف ليهوا شجرة نبق

نسي نسيبتوا ونسي حنانا زاتوا يحت في النبق يملاء عبوا ويقعد تحت الشجرة يأكل لمن عبوا يخلص يقوم تاني

علي الشجرة يحت . الحمار أنتظر وعمل خلف دور رجع البيت ، الحمار دفر باب البيت المراءة جات فتحت

الباب شافت ليك لسع جثمان أمها فوق الحمار دخلت الحمار ونزلت جثمان أمها وأنتظرت . صاحبنا هناك لمن

شبع نبق جاء راجع البيت . قامت زوجتوا سألتوا ، أمي دفنتها ؟؟ قال ليها والله دفنتها ليك جنس دفنة تاني لمن

الرسول يقوم أمك ماتقوم ، جرت ليك زوجها من أضانوا لداخل الغرفة الموجود فيها الجثمان وقالت ليهوا طيب

دي منو ؟؟ صاحبنا أتذكر أنوا نسي يدفن الولية قام قال لزوجتوا هي بلاهي جاءات راجعا ؟؟ والله أمك دي من

الشافتوا وضاقتوا في بيتي دا ما بتمشي كل ما ندفنا بتجي راجعا تاني .

Post: #74
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 01:33 PM
Parent: #73

الراجل قالو بتونس مع المره
و المره في نص كلامها جابت سيرة الشيطان
الراجل قال ليها بي مناسبة الشيطان دي أمك أخبارها شنو ...

Post: #75
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 03:01 PM
Parent: #74

Post: #76
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 04:18 PM
Parent: #75

Quote: و الله لو ما كراعي مجبصة كان زماااااااااااااان دخلتك في غيبوبة مش دبرسـة....

هههههه والله يا أبو جبص كلامك دا اكتر من مضحك ويسلم الجبص وتسلم الاستاذة سامية،

وبالمناسبة دى استاذة سامية قاعدة تنجض فى الترمس وانت تنجض فى خلق الله ،،الله يديكم العافية

والشكر لكم جميعا ،،

شكرا يا خليل هدية منك مقبولة،

تسلموا لينا والبيت بيتكم ما فى داعى اسلم عليكم واحد واحد

Post: #77
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-29-2011, 04:25 PM
Parent: #76

انت يا نجاة ابو الحسين ده اشترى البوست ده ولا شنو

مجرد سعال

Post: #78
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-29-2011, 04:30 PM
Parent: #76

Quote: يا مها كنا في موسم الحج بنشتغل في مكة
إدخال بيانات الحجاج كان معاي واحد يماني
بمسك الجواز بي يدو الشمال و بدنقر في الكي بورد و بي أصبع واحد إطبظ الكي بورد
إطبظ حرف و إقعد إفتش للتاني إتخيلي منظرو و هو مدنقر في الكي بورد و بفتش للحرف بي أصبع واحد..
صاحبي جا و شاف المنظر دا عاين لي كدا و عاين للراجل و قال لي
دا بنضف في بنقو..؟؟؟؟؟؟؟؟

عارفه البنقو بنضفوه زي ما بنضفوا العدس أو الرز

ياخي الله يفك ليك كل دبرسة زي ما فكيت دبرستي
الراجل البيتلولو من الضحك داااااك بيعملوا كيف !

طارق جبريل عليك الله إنطلق أصلك ( مطلوق )

Post: #79
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-29-2011, 04:56 PM
Parent: #78

حكمو البوست يا مها

Quote: طارق جبريل عليك الله إنطلق أصلك ( مطلوق )

فعلا منطلق ومطلوف وقاطع حبلو و مسخوط

Post: #80
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 04:58 PM
Parent: #78

Quote: انت يا نجاة ابو الحسين ده اشترى البوست ده ولا شنو

مجرد سعال

والله يا معاوية دى مشكلة الزول لما يكون كراعوا مكسورة وخاتى الكمبيوتر جنب السرير غايتو ربنا يلزمنا الصبر

شكرآ ليكم جميعآ ،

وعاجزين ع شكركم فردآ فردآ

والنكتة دى ليكم جميعآ،،

رباطابى شايل ليهو ديك وراكب القطر، واحد سألو:
الديك ده ماشى تبيعو؟
قال ليهو: لا ماشى أغيّر ليهو نغمتو!!

ـ رباطابى مرتو قالت ليهو:
إشترى لى قميص نوم.
قال ليها: واللابساهو ده مساهر بيكى؟؟

ـ مسطول دخل الإجزخانة وقال للصيدلى:
أدّينى سندوتش طعمية!
الصيدلى زعل وقال ليهو: ياخى دى صيدلية ما مطعم.
فى نفس اللحظة، دخل مسطول تانى، وبقى يستفسر من المشكلة.
الصيدلى شرح ليهو الحاصل.
المسطول التانى: ياخى ده الظاهر عليهو مجنون لأنّو بيطلب سندوتش
طعمية من الصيدلية، سيبك منّو لو سمحت وأدّينى سندوتش شاورما!!!!!!

Post: #81
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 05:18 PM
Parent: #80

Quote: وهات واحد وااااااك لصديق الموج إبن خالتي وصلحه . وهذه ( الواااااااك ) هي شقيقة كاااااااك ( البنت الكبري لمحمد الصايم بالتبني ) وبنت عم ( لوووووول ) و ( لوووووولز ) و أخواتهنَ . قريبة كل من ( قوم لف ) و صهرة ( فتأمل ) و المهم

ههههههههه

يجازى محنك يا مها والعزيز ود الموج تسلموا وخليكم جنب البوست

Post: #82
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 06:36 PM
Parent: #81

عايز أفتح بيها بوست لكن نسوي شنو :-

.

Post: #83
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-29-2011, 06:49 PM
Parent: #82

قُرابة المائة مداخلة و الألف مشاهد ( زحفوا ) لهذا البوست لفك دبرسة متداخل متداخل فرداً فرداً مدبرس مدبرس زهجان زهجان
بارك الله فيكم

Post: #84
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-29-2011, 07:10 PM
Parent: #83

Quote: طارق جبريل عليك الله إنطلق أصلك ( مطلوق )

Post: #85
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 07:28 PM
Parent: #84

Quote: طارق جبريل عليك الله إنطلق أصلك ( مطلوق )

إقولو ليك مطلوق و بتضحك....؟؟؟؟

Post: #86
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-29-2011, 07:39 PM
Parent: #85

Quote: إقولو ليك مطلوق و بتضحك....؟؟؟؟

نسوي شنو عاد يا الحبيب
يبقن علي الاتنين انطلاقي وشيل حال

Post: #87
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-29-2011, 07:45 PM
Parent: #86

حبوبتي نفيسي الله يرحمها جات عندنا في الخرطوم من البركل
يوم جمعة البيت مليان نسوان ورجال
قامت اخدتلها غمدي (نومة) وسط الناس
انا كنت قاعد جنب رجليها
عندي بت عمي جاها وجع الولادة وبقت تكورك
حبوبتي قامت مخلوعة: طارق الفي شنو
- دي فلانة جاها الوجع دايري تلد
- الله ينعلها خلعتني.. هي وكتين ماها قادري علي الولادي الـ(.....) العليها شنو
وحات ربي خلق الله دي كلها قامت جارية

قلتلكم انا البوست دة ان قبلت عليه بجيب ضقلو

Post: #88
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-29-2011, 07:51 PM
Parent: #87

Quote: قلتلكم انا البوست دة ان قبلت عليه بجيب ضقلو

يا زول جيب ضقلو ست البوست طفشت خلتو لينا

جيب لينا واحدة من أم نقط دي خلينا نخلص منو

Post: #89
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-29-2011, 07:51 PM
Parent: #87

Quote: قلتلكم انا البوست دة ان قبلت عليه بجيب ضقلو

كلمتك يا نجاة وشكرا

Post: #90
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-29-2011, 07:55 PM
Parent: #87

Quote:
قلتلكم انا البوست دة ان قبلت عليه بجيب ضقلو

طارق جبريل

حياك الله والله شكلي كدة أنازاتي بعد قدومكم الميمون

دا حأبني في البوست دا أوضة وبرندة معكوسات

Post: #91
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-29-2011, 08:04 PM
Parent: #90

واحد اسمه بلة شين شنه شديدة جاوا رباطابي يبارك ليهو مولوده الجديد شاف المولود شين زي ابوه قال ليهو حقو تسميه زاد الطين بله.............

____________________________________________________________________________________________________________

كان هناك ثلاث أشقاء تؤام ( أبراهيم ، موسي ، عيسي) عنقالة مرعبين ليكم الحلة رعب ماعادي مارقين للربا والتلاف قاموا مشوا يوم المسجد صلاة العشاء ، قام الامام قراء سورة الاعلي الي أن وصل ( في صحف

أبراهيم وموسي ) قام عيسي زعل زعل لمن عيونوا حمرت كيف الامام دا مايجيب أسموا مع أخوانوا . بلاهي قولة السلام عليكم فرتبت نط وخرج من المسجد قام لبت ليهوا في زقاق عارف الامام سوف يتخذ هذا

الطريق الي البيت . الامام المسكين بس دخل أول الزقاق يقوم عيسي يقبض ليكم الامام كربون فرتق ليكم فهم الامام ، والامام شابكوا ليكم في شنو يا عيسي ياولدي سيحت ركبي ، عيسي قال ليهوا يعني عامل فيها

حقارة . الامام الحقارة في شنو ياولدي . عيسي ليه ماجبت أسمي في الصلاة مع أخواني . الامام هاياولدي دي سورة قرآن ماشعر نزلت كدة أعمل ليك شنو . عيسي زول أمي يازول هوي مابعرف أسع أنا بفكك لكن

أبقي راجل صلاة الصبح ماتجيب أسمي . الامام عاوز يتخارج منو . سمح ياولدي بقول أسمك في صلاة الصبح . عيسي فكا الامام ومشي البيت . بلاهي النباه الاول فرتبت قام من نوموا والجامع جاك زول وقعد

في اول برش وخلف الامام طوالي . صاحبنا الامام جاء للصلاة كشف كدة لقي ليكم عيسي وراهوا طوالي التقول ثيرباك . المهم في أول ركعه قراء الحمدوا وطوالي سورة الاعلي لمن جاء في الاية مصدر الخلاف

قام قال ( في صحف أبراهيم وموسي وأخذ ليهوا مسافه وقال وعيسي ) بعد نهاية الصلاة المأموم قال ليهوا يامولانا الصاح في صحف أبراهيم وموسي . عيسي دي نزلت وين ؟ الامام قال ليهوا نزلت بي عند الزقاق ياخوي .

Post: #93
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-29-2011, 08:07 PM
Parent: #90

Quote: وحات ربي خلق الله دي كلها قامت جارية

وحاة الله أنا زاااااااااتي جارية من البوست دا
ودعتكم الله يا أبو حسين ومعاوية ونجاة إذا جات هنا تاني لوووووووول
العفو والعافية
طارق نوع ( الإنطلاقة ) دي بتجيب خبر البوست

Post: #94
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 08:09 PM
Parent: #90

Quote: قُرابة المائة مداخلة و الألف مشاهد ( زحفوا ) لهذا البوست لفك دبرسة متداخل متداخل فرداً فرداً مدبرس مدبرس زهجان زهجان
بارك الله فيكم

سلام يا مها انتى عارفة الجماعة ديل كلهم ممكونين وصابرين عشان كدا جبناليهم بوست يتفسحوا فيهوا

الاخ طارق جبريل اخد راحتك خالص يا شايقى وليس على الشايقى حرج

بعدين الحسادة ليك شنو يا طارق عاوز تودى البوست دا الخور،،

الاعزاء معاوية ،عادل، أبو جبص شايفكم حرستوا البوست دا حرس الدهن

ساعدونا بالمواقف الطريفة والنكات وهاكم واحدة

مسطول عزم صاحبو غدا، أها أثناء مابياكلو، المسطول شابك
ليك مرتو:
ياحياتى عاوزين زيادة عيش، ياروحى شوية ملح لو سمحتى، يازهرة حياتى
دايرين موية، ياسنتر قلبى ختى الشاى فى النار، يا، يا.....
المهم صاحبو إتكيف منّو شديد وقال ليهو:
ما شاء الله حاجة جميلة والله، أكتر من 18 سنة زواج ولسع بتدلّع زوجتك
ياروحى ويا حياتى وما عارف إيه؟
المسطول: يا زول ها، أنا بس ناسى إسمها!!!

Post: #92
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Amani Al Ajab
Date: 03-29-2011, 08:04 PM
Parent: #86

شكراً الحبيبة نجاة على البوست الظريف..
تحياتي لك ولجميع المتداخلين /ات..
أضحك الله لكم سناً دائماً ..
Quote: الشعب ...يريد .....علاج الرئيس

من أشهر أقوال القذافي :

1- للمرأة حق الترشح سواء كانت ذكر أو أنثى !!

2- أيها الشعب .. لولا الكهرباء لجلسنا نشاهد التلفاز فى الظلام !!

3- أنا لست ديكتاتورا لأغلق الفيس بوك .. لكنى سأعتقل من يدخل عليه !!

4- تظاهروا كما تشاؤن ولكن لا تخرجوا إلى الشوارع والميادين !!

5- ساظل فى ليبيا إلى أن أموت أو يوافينى الأجل !!

6- بر الوالدين أهم من طاعة أمك و أبوك

7- الديموقراطية تعنى ديمو الكراسى

Post: #95
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 08:44 PM
Parent: #92

شرفتى البوست يا استاذة امانى ،
نديك واحدة عن المخلوع حسنى مبارك

Quote: نَص المكالمة التى دارت بين حسني مبارك و زين العابدين بن علي من طائرة الأخير

ترررن برررن.. "الو.. حسنى؟" ..

"ايوه يا زفت
!" ..

"شوفت عملو فيا ايه؟" ..

"اخرس يا خُرنج" ..

"طب ينفع اجى ابات عندكو النهاردة ؟" ..

"تبات هنا ايه ونيلة ايه، اطلع على عبدالله فى السعودية.. الله يخرب بيتك، هيجت الدنيا علينا
!" ..

"هتوحشنى يا حسنى" ..

وحشك حنَش.. بقولك، ابقى سلملى على عبد الله، وقولُه حسنى يمكن يجى يحج بدرى السنادى

Post: #96
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 08:57 PM
Parent: #95

Quote: الاستاذة نجاة سلامات

بوست فى وقتو

تسلم يا شاكر،وشكرآ للمشاركة

Post: #97
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 09:02 PM
Parent: #95

Quote: ياخي البوست اللذيذ زي ستو ده فاتني كيف؟
هههههههه
وتاني
هههههههه

نجولة سلام وكيفك شكرآ للنكتة الحلوة عارفاك بتحبى بوستات الخستكة دى خليك قريبة بعد ما تعشى امنا ولمو اقعدى فرد قعدة البيت بيتك،

تحياتى لحيدورة وح انزل لية النكتة دى هدية:

ـ جماعة عندهم عرس، ودايرين يجيبو العروس يسيّروها لاكين ما لقو دلّوكة
قامو سألو جارهم السكران:
مابنلقى عندك باغة نجيب بيها العروس؟
قال ليهم: ما تجيبوها فى كيس.!!

Post: #98
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: محمد زكريا
Date: 03-29-2011, 09:03 PM
Parent: #95

بوثت عثل بث
عبداع عديل
شكراً نجاة

يا طارق كترت الشطه ياخ لامن االدموع سالن مخاخيت
طفشت الجكس يا المثخوط هههه

Post: #99
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-29-2011, 09:14 PM
Parent: #98

Quote: بوثت عثل بث
عبداع عديل
شكراً نجاة

تسلم يا محمد ،بس اقرع لينا ود جبريل دا من البوست،

قول ليه كان بكرى خلاهو بعد الارشفة انت ما بتخليه،،ياخى الشايقية ديل بقو لينا فى روحنا العزيزة دى نتفك من واحد يقبل علينا واحد،

الله يكفينا شرهم

والنكتة بتاعة الشايقية دى هدية للاخ طارق مخصوص لزوم رشوة وكدا

شايقية ولدها جابها من البلد للخرطوم.... ركبوا الأسانسير
فى عمارة عالية..... الشايقية سألت ولدها:
ده شنو ده يا ولدى؟
ولدها شرح ليها انو ده صندوق بيوصل الناس للأماكن العالية وينزلهم.
قالت ليهو:
مابلقى لي واحد زى ده لى حش التمر؟.

Post: #100
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-29-2011, 10:37 PM
Parent: #99

سلام ياالكنتوا مدبرسين

بارك الله في ابو حسين شايفة فك ليكم دبرستكم

Quote: ادروب سألوهو اها السنة دي رمضان كيف برنامجو قال ليهم انا السنة دي ما نسوم في السودان لي يا ادروب قال ليهم الا جمال الوالي يقفل قنات الشروق قالو ليهو السبب شنو شابكننا شمس السودان التي لا تغيب دي يسومو مآها كيف

والله يا نجلاء صدقا لكلامك ده امنية بتي عمرها 7سنين مشينا السودان قبل سنتين تقريبا وطبعا الدنيا سخانة شديدة

وهي بتحضر يوم في قناة الشروق بعد ما جينا راجعين سمعت الكلام ده ( شمس السودان التي لا تغيب ) قالت لي عشان كده يا ماما الحر عندهم بالليل والنهار

Post: #101
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: omar arbab
Date: 03-29-2011, 11:04 PM
Parent: #100

سلام
يا المدبرسين

عسكرى مرورعندو ولدين تؤام وزعوا ليهم اوراق امتحان الاتنين جايبين نفس الدرجه الاول ابوه لمن شاف الدرجات طلع عينو من الدق والتاني لمن شاف درجاتو قال لي درجاتك كعبه بس اجتهد اكتر المره الجايه . الاول سأل التاني انت ليه ابوي مادقاك ذي قال لي انا ختيت لي عشره جنيه في نص الورقه

Post: #102
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: خالد العبيد
Date: 03-29-2011, 11:55 PM
Parent: #101

نجاة سيد احمد؟
نجاة سيد احمد؟
نجاة سيد احمد؟

اتخيل لي الاسم ده سمعت بيه

لكن وين؟
لكن وين؟
لكن وين؟

Post: #103
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 04:40 AM
Parent: #102

Quote: ركبوا الأسانسير

الراجل ولدو في أمريكا إسمو جبريل و روق شديد عندو شركات كبيرة
مكتبه في واحدة من ناطحات السحاب الوالد جاء من السودان زيارة لي ولدو
الولد مشغول رسل ليه صديقه شغال معاه الصديق جاب الوالد من المطار على
الولد في الشركة دخلو العمارة ركبو الأسانسير الراجل لمن قلق الأسانسير لسه ماشي
الراجل إتلفت لي صاحب ولدو و قال ليه:-
يا ولدي إنت موديني لي جبريل ياتو ..؟؟؟

.

Post: #105
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 06:38 AM
Parent: #103

Quote: سلام
يا المدبرسين

تسلم يا عمر ،ومشكور على المساهمة، ماتمشى بعيد نشوفك بعد الارشفة

Post: #104
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 06:36 AM
Parent: #100

Quote: سلام ياالكنتوا مدبرسين

بارك الله في ابو حسين شايفة فك ليكم دبرستكم

العزيزة سامية والله الحق يقال أبو جبص كان ليه يد فى فك الدبرسة،،

وبعدين نكتة عم جبريل دى اتخيل لى ح تجيب لينا الشايقى طارق جارى، ودى عوجة يا أبو حسين ، تسلموا

Post: #106
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 06:49 AM
Parent: #104

نجاة سيد احمد؟
نجاة سيد احمد؟
نجاة سيد احمد؟

اتخيل لي الاسم ده سمعت بيه

لكن وين؟
لكن وين؟
لكن وين؟

سلام يا خالد

كيف الدنيا معاك،،لو انت نسيت انا ما نسيت،،

امتداد ناصر
يا عجوز،
الخرف جاء مبكر ولا شنو؟ كيف اخبار عزابتك وامهم المناضلة

الله يصبر اختنا رقية عشان بقدرة قادر لقت روحه اقلية فى البيت ذى وكدا ليها التحية والصبر الجميل

هدى شايفاها اتفكت من الاقلية وجابت ليها بنية تربى فى عزكم

تحياتنا الما ليها حدود

Post: #108
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-30-2011, 07:00 AM
Parent: #106

Quote: اتخيل لي الاسم ده سمعت بيه

زمان يا نجاة انا معاوية عبيد وخالد عبيد ورقية عبيد
ايام جريدة الشبيبة فى زول بتاع طباعة معانا اسمو
مكى دائما خالد شابكو قدم طلب للحزب قدم طلبك
فى النهاية لامن زهج من خالد قال ليهو وبعدين ياخالد
يكونى اسمى مكى عبيد مش

لغير الناطقين بها ال عبيد الفوق ديل بالاضافة للاستاذ
محمد عبيد اخوان فى (الله) والوطن

نجاة اقعدى حومى لامن يصلكم حظر جووووى شان
تخمى وتصرى سمح

البوست اصبح مشبوه بوجود المسخوط طارق جبريل
وابو جبص....

تحذير ...مها عبدالله بتشجع المريخ...

Post: #107
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 06:58 AM
Parent: #104

بالله يا أبو جبص وسامية عشان انا برلومة بسنونا عاوزة منكم طلب بسيط،

تجيبوا البوست دا بعد الارشفة عشان انتو اسرة خطيرة حتى ولدكم الوجيه قاعد فى الكمبيوتر،

بعدين نديكم رشوة نكتتين واحدة قبل الارشفة والتانية بعد الارشفة سمح،

واحد سكران فى بص
قاعدة جنبو واحدة شينة، عاينت ليهو وقالت:
بس ده شنو السكران ده.
قال ليها:
أنا سكرتى بتتفك لكن الكلام انتى،
الله يفك شناتك دى.

اها يا أبو جبص انا دبرستى بتفك انت البفك ليك الجبص شنو؟؟؟؟

Post: #109
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-30-2011, 07:04 AM
Parent: #107

خالد العبيد سنة 2025...حسب المعطيات

Post: #110
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-30-2011, 07:16 AM
Parent: #109

دى للوليدات يانجاة بت ابو الشباب...

لكن شفتى خالد العبيد اصبح كيف

Post: #111
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 07:17 AM
Parent: #109

معاوية الشتارة دي لسه ما خليتها...؟؟؟

الله إسألك دي شنه تجيبها في بوست جميل زي دا.......؟؟؟؟

Post: #112
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: خالد العبيد
Date: 03-30-2011, 07:29 AM
Parent: #111

Quote: هدى شايفاها اتفكت من الاقلية وجابت ليها بنية تربى فى عزكم

خبر المواسم

برجع ليك بكرة عشان اذكرك حاجات ومواقف طريفة لن تبارح الذاكرة ابدا

قالت نسيت !!

Post: #113
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 07:30 AM
Parent: #111

Quote: نجاة اقعدى حومى لامن يصلكم حظر جووووى شان
تخمى وتصرى سمح

البوست اصبح مشبوه بوجود المسخوط طارق جبريل
وابو جبص....

والله يا معاوية ح اعمل بوصيتك دى وبينى وبينك الحظر قريب،

بعدين انا ما عندى حاجة تأخرنى البوقجة جاهزة،،

بس عاوزة اشترى لى شوية طايوق وقرقريبات عشان شايفة اخونا عثمان قال الناس قاعدين يعوسوا با فيزا كارد

قلنا نلم لينا شوية قريشات لحدى ما ننزل شغلنا القديم ههههه

والرقشة واقفة جنب الباب ،،والمطار ما بعيد من بيت ناس خالد عبيد القديم،،

Post: #114
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 07:33 AM
Parent: #111

Quote: دى للوليدات يانجاة بت ابو الشباب...

لكن شفتى خالد العبيد اصبح كيف

شكرى للهدية يا معاوية،، بس لكن صورة خالد دى ياخى حرام عليك الراجل لسة شاب ووجيه كمان،

تسلم

Post: #115
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 07:41 AM
Parent: #114

Quote: خبر المواسم

برجع ليك بكرة عشان اذكرك حاجات ومواقف طريفة لن تبارح الذاكرة ابدا

قالت نسيت !!

فى انتظارك يا خالد البيت بيتك،

تحياتنا للعيال وامهم

Post: #116
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 07:50 AM
Parent: #115

Quote: بالله يا أبو جبص وسامية عشان انا برلومة بسنونا عاوزة منكم طلب بسيط،

تجيبوا البوست دا بعد الارشفة عشان انتو اسرة خطيرة حتى ولدكم الوجيه قاعد فى الكمبيوتر،

بعدين نديكم رشوة نكتتين واحدة قبل الارشفة والتانية بعد الارشفة سمح،

خلاص طلبنا نقل البوست للربع القادم

الرشوة إحتفظي بيها لي نفسك علشان لم تدبرسي بتحتاجي ليهم

نحن ما عندنا دبرسة نحن ناس فرفشة و ضحك ما عندنا تكشيرة

.

Post: #117
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 08:07 AM
Parent: #115

شايفة البوست مليان رجالة يغطوا عين الشمس حارسنوا تمام التمام

عشان كدا انا عندى حكمة نشوف رأيكم فيها شنو؟؟

حكمة اليوم

إذا رأيت رجلا يفتح باب السيارة لزوجته
فاعلم أن أحدهما جديد
إما السيارة أو الزوجة !!!

افو منوا فيكم بعمل بالحكمة دى غايتوا انا والحمد لله بره الكلام دا هههههه

Post: #118
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نجلاء قرافي
Date: 03-30-2011, 09:22 AM
Parent: #117

صباحاتكم سكر

ازيك ياتوته

شكلي كده متكله في البوست ده ومامارقه نهائي

هاكم دي

قالو البشير وقوش ماشين فى الصحراء لقو ليهم تمثال البشير قال ليهم امشو اعرف التمثال ده الجابو هنا منو وختاهو لشنو بعد شوية جاهو قوش قاليهو يا سعادتك ده ختوهو الفراعنة لانو كان عندهم مملكة هنا البشير قال ليهو وانت عرفت كيف قاليهو التمثال اعترف

نجيب ليك الهواء شويه يانجاة ههههههه

Post: #119
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 09:23 AM
Parent: #117

Quote: أخونا ود الحلفاية سلام

البوست دا لي واحدة برلومة طلبت نقله للربع الثاني

ياسلام يا أبو الحسين ربنا يفك ليك الجبص بالسلامة،،

دى هدية ليك قبل الارشفة اتمنى ان تعجبكم انت وسامية والولد الوجيه ود أبو الحسن،

ـ سكران رجع البيت متأخّر، زوجتو سألتو: وين كنت لى هسّى؟
قال ليها: كنت بلعب شطرنج.
قالت ليهو: شطرنج شنو وريحتك كلها عرقى؟
قال ليها: يعنى عايزة ريحتى تكون شطرنج؟؟

Post: #120
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 09:29 AM
Parent: #119

Quote: صباحاتكم سكر

نجلاء بالله شكليها الكلمة اللي بالأحمر دي ......

البوست دا بقى صعب الفهم فيه.....

.

Post: #121
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: محمد زكريا
Date: 03-30-2011, 09:40 AM
Parent: #120

Quote:
وهات واحد وااااااك لصديق الموج إبن خالتي وصلحه . وهذه ( الواااااااك ) هي شقيقة كاااااااك ( البنت الكبري لمحمد الصايم بالتبني ) وبنت عم ( لوووووول ) و ( لوووووولز ) و أخواتهنَ . قريبة كل من ( قوم لف ) و صهرة ( فتأمل ) و المهم

ههههههههههههههههههه
هسى عليكم الله ده كلام زول نصيح
والله دى اقوى مداخله فى البوست ده

Post: #122
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 09:44 AM
Parent: #121

و الله لكن ما هينة البرلومة .....

مبروك الصفحة التانية و تتربى في عزكم....

Post: #123
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 09:44 AM
Parent: #120

نجيب ليك الهواء شويه يانجاة ههههههه

نديك كتاحة وشوفى الخايف من الكتاحة من؟؟

دعاء الجبهجية لبداية الانتخابات الجاية
اللهم ثبتنا على كراسينا !
وبارك لنا فيها !
واجعلها الوارث منا !
واجعل ثأرنا على شعبنا !
وانصرنا على من عارضنا !
ولا تجعل مصيبتنا في حُكمنا!
ولا تجعل راحة الشعب أكبر همنا ولا مبلغ عِلمنا !
ولا الانقلاب العسكري مصيرنا!
واجعل القصر الرئاسي هو دارنا ومستقرنا !
------------ --------
اللهم إنا نسألك فترة ممتدة !
وهجمة مُرتدة !
والصبر على المعارضة !
والنصر على الشعب !
ونسألك الحُسن لكن لا نسألك الخاتمة أبداً !
اللهم ارزقنا معونة لا نسرق بعدها أبدا !
اللهم لا تفتح أبواب خزائننا لغيرنا !
اللهم أعطنا كلمة السر لحسابات الحكام السابقين لنا في بنوك سويسرا!
------------ ---------
اللهم وفق أمريكا لما فيه خيرنا !
اللهم اغفر لـ (أوباما) فإنه لا يعلم أننا لا نعلم !
اللهم وفقه لما فيه 99% من أصوات الناخبين !
اللهم نجهِ من أي إعصار أو كارثة طبيعية لأننا سنلوص مع شعوبنا من غيره !
اللهم عليك بشعبي، أما أعدائي فأنا سأتفاوض معهم !
------------ ---------
اللهم ارزقنا حب أمريكا !
وحب من يُحب أمريكا !
وحب ما يُقربنا إلى حب أمريكا !
------------ ------
اللهم أمركني ولا تأفغني !
اللهم برطني ولا تصوملني !
اللهم فرنسني ولا تسودني !
اللهم ألمني ولا تؤلبني !
------------ ------
اللهم أني أبرأ إليك من الاستعانة في حكم شعبي بأحد !
ولا حتى بصديق، ولا برأي الجمهور !
اللهم أني أعوذ بك من كرسي يُخلع !
ومن شعب لا يُقمع !
ومن صحيفة لا تُمنع !
ومن خطاب لا يُسمع !
ومن مواطن لا يُخدع !
وأعوذ بك من أن أجلس على الكرسي ثم أقوم أو أ ُقام عنه!
------------ --------- ----
اللهم ثبتني على الكرسي تثبيتا !
و شتت المعارضة تشتيتا !
من كان منهم اتحاديا او شيوعيا !
ومن غيرهم من الامة او بعثيا
ولا تبق غيرنا شيطاناً او عفريتا !
اللهم آآآآآآآآمييييييييين

________________________________________

تقول آميييين ولا تسكتى يا نجلاء

أبو جبص والله نجلاء دى عندها المحن شافت البوس كلوا مساطيل قالت احسن تحى من الاخر كدا

Post: #124
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 09:53 AM
Parent: #123

Quote: أبو جبص والله نجلاء دى عندها المحن

أبو جبص حساس جداً مع الأخطاء المطبعية

و مداخلتك دي بقت زي كلام المصري في قناة الجزيرة مع منى سليمان

Post: #125
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-30-2011, 10:19 AM
Parent: #124

اها نجيب ضقلو ولا لليلي محتاجلو

Post: #126
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 10:20 AM
Parent: #124

Quote:
و الله لكن ما هينة البرلومة .....

مبروك الصفحة التانية و تتربى في عزكم....

سلام يا أبو جبص ،لما قالوا ليك برلومة مولودة بسنونه ما صدقتة

بمناسب البرلومة مشت الصفحة التانية نديك نكت بتاعة مساطيل عشان شايفك شابكنا فكيها بقهوة وشكلى لينا دى يا نجلاء،،

ـ مسطول عاملين معاهو لقاء تلفزيونى سألوه:
تفتكر أسباب السخانة الفى البلد دى شنو؟
قال ليهم: ده كلو من مشجعين الكورة، شابكننا فوق، فوق لمن تكلونا مع الشمس.
**********

مسطول سألوه:
أضانك دى الحرقها ليك شنو؟
قال ليهم:
كنت بكوى فى الملابس والتلفون ضرب
بدل ماأشيل السماعة شلت المكوة.
قالو ليهو:
طيب أضانك التانية الحرقها ليك شنو؟
قال ليهم:
ما الحيوان ده اتصل تانى.

Post: #128
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 10:33 AM
Parent: #126

Quote: اها نجيب ضقلو ولا لليلي محتاجلو

ود جبريل ياخى خلى يمشى للصفحة 4 بعدين جيب ضقلو ،،

انا عندى تار مع الشايقيا خلينى نتفشا شوية كدا هههههه

يلا نديك نكتة بتاعة جنى شايقية

ـ واحد مسافر لأبوحمد، وأول مانزل من القطر لقى شافع
بيبيع فى ليمون، قام سألو:
ياولد ليمونك ده فيهو موية؟
الشافع ردّ عليهو بسرعة: نان قالولك ساقنّو بالتيمم

والله جنس مساخى عليكم يا طارق حتى الشفع راضعنها هههههه

Post: #127
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 03-30-2011, 10:24 AM
Parent: #120

مسطول متعود يشرب السجاره وبعد تخلص يجدعا بالشباك ويتغطي بالبطانية وينوم
اليوم داك السجاره كانت قويه .. بعد انتهت قام غطاها بالطانيه ونط هو من الشباك

Post: #129
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-30-2011, 11:19 AM
Parent: #127

رباطابية بتبيع زلابية وطعمية للركاب في محطة ابوحمد و الايام ديك شغلو القطر الاكسبرس وكان ما بيقيف في اي محطة .. المهم القطر جا ماشي فيها فووووو وماباعت اي حاجة وقامت رجعت البيت، قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي

Post: #130
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 02:30 PM
Parent: #129

Quote: مسطول متعود يشرب السجاره وبعد تخلص يجدعا بالشباك ويتغطي بالبطانية وينوم
اليوم داك السجاره كانت قويه .. بعد انتهت قام غطاها بالطانيه ونط هو من الشباك

هههههه

سلام يا نوفل شرفت البوست،،

وحدة بتاعت مساطيل

ـ عريس مسطول شديد، يوم عرسو وبعد الحفلة والناس مشو، دخل البيت
لقى العروس قاااااااعدة منتظراهو. عاين ليها بإستغراب وقال:
والله أنا كنت عارف بى جوطتهم دى، حينسو ليهم زول!!!

Post: #131
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 02:38 PM
Parent: #129

Quote: ابيع كيف والقطر جا ماشي فيني زي ترجمة الفلم الاجنبي

هههههه

ود جبريل المسخوت،،،

انت دحين الرباطابى مو ود عم الشايقى فى المساخة والرد الجاهز؟؟؟

دى صنعت خصيصآ ليك يا ود جبريل،،

ـ رباطابى بيبيع خرفان، جاهو واحد إشترى منّو خروف، وبعد ما رفعو
فى العربية، رجع للرباطابى وقال ليهو:
وين القش بتاع الخروف؟
الرباطابى: أنا بعتو ليك مكيّف؟!!

Post: #132
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: omar arbab
Date: 03-30-2011, 03:02 PM
Parent: #131

Quote: دعاء الجبهجية لبداية الانتخابات الجاية
اللهم ثبتنا على كراسينا !
وبارك لنا فيها !
واجعلها الوارث منا !
واجعل ثأرنا على شعبنا !
وانصرنا على من عارضنا !
ولا تجعل مصيبتنا في حُكمنا!
ولا تجعل راحة الشعب أكبر همنا ولا مبلغ عِلمنا !
ولا الانقلاب العسكري مصيرنا!
واجعل القصر الرئاسي هو دارنا ومستقرنا !

Post: #133
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 03:25 PM
Parent: #132

المساطيل على الطبيعة أجمل

و نحن في الثانوي معانا واحد جرس فسحة الفطور إضرب إركب عجلتو و على البيت
إفطر و إضرب سجارتو و إرجع على المدرسة
الحصة الثالثة جغرافيا و كانت الجغرافيا الفلكية
أستاذ الجغرافيا عاااارف الزول دا كويس و بضاير لم إرفع يدو
الحصة كانت عن دوران الأرض حول الشمس و دوارنها حول نفسها
الأستاذ خلص الحصة و قال في زول ما فاهم حاجة..؟؟؟
مافي زول رفع يدو إرتاح و شال الدفتر بتاعو في يدو
قام قال في زول عندو سؤال...؟؟؟
قام صاحبنا رفع يدو...
الأستاذ إتجهجه و خت الدفتر من يدو
قام صاحبنا قال ليه:-
يا أستاذ إنت قلت الأرض بتدور حول نفسها
الأستاذ قال ليه نعم
يا أستاذ إنت قلت الأرض بتدور حول الشمس
الأستاذ قال ليه نعم
طيب يا أستاذ مياه البحار و الأنهار دي ما بتدفق ليه..؟؟
الأستاذ شال دفترو و طلع.

Post: #134
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: خالد عبد الحليم سعيد
Date: 03-30-2011, 03:48 PM
Parent: #131

Quote: وحدة بتاعت مساطيل

مسطول عندو وليه شينه شنا بطاله
جاى من الشغل تعبااااااان.....
فتح باب البيت لقى المرا وششششش فى وشو
قالت ليو الليله دايراك تفسحنى .....
اها ، صاحبك عاين كداااا و قال ليها
خلاص نمشى جنينه الحيوانات
المرا بى خشم ملوى قالت ليو ليه بس
قال ليها منها فسحه ومنها صله ارحام

Post: #135
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 03:57 PM
Parent: #134

Quote: مسطول عندو وليه شينه شنا بطاله
جاى من الشغل تعبااااااان.....
فتح باب البيت لقى المرا وششششش فى وشو
قالت ليو الليله دايراك تفسحنى .....
اها ، صاحبك عاين كداااا و قال ليها
خلاص نمشى جنينه الحيوانات
المرا بى خشم ملوى قالت ليو ليه بس
قال ليها منها فسحه ومنها صله ارحام

دي في الصميم يا خالد

لأنو كدا حا نضرب أكتر من طيرة بي نُكتة واااااحدة

.

Post: #136
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 05:11 PM
Parent: #135

Quote: قال ليها منها فسحه ومنها صله ارحام

ههههههههههه

مشكور ونديك واحدة قريبة من دى

ـ مسطول زوجتو قالت ليهو: ساعتين وانت بتقرا عقد زواجنا بتفتش فى شنو؟
قال ليها: بفتش فى تاريخ انتهاء العقد.

Post: #137
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 05:23 PM
Parent: #135

الاعزاء عمر ارباب وأبو جبص تسلموا ،،

حلفاوي امام زاوية وكل ناس الحي بيصلون معه فجأء ظهر واحد مغترب شيد مسجد طابقين ومكيف كل الناس مشت تصلي معه ,الحلفاوي اتضايق شديد عمل اعلان كاتب فيه لدينا تخفيضات هائلة الصبح والظهر ركعتين والمفاجاة الكبرى الصبح الساعة 8.

Post: #138
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-30-2011, 05:50 PM
Parent: #137

Quote: حلفاوي امام زاوية وكل ناس الحي بيصلون معه فجأء ظهر واحد مغترب شيد مسجد طابقين ومكيف كل الناس مشت تصلي معه ,الحلفاوي اتضايق شديد عمل اعلان كاتب فيه لدينا تخفيضات هائلة الصبح والظهر ركعتين والمفاجاة الكبرى الصبح الساعة 8.

رسالة من الحاكم العربي الى شعبه

بسم الله الرحمن الرحيم
السلام عليكم ورحمة الله وبركاته
...
ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان ماتش كوره اوفيلم اومقال

واحبك تأيد تعضد تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعملي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمااااال

.

Post: #139
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-30-2011, 06:21 PM
Parent: #138

شايقية بتعوس جات صاحبتها قالت ليها راجلك عقد الليلة على واحدة من الخرطوم
الشايقية جنبها جدادة شالت الجدادة مسحت بيها الصاج الجدادة قالت كاااااااااااااااااااك
الشايقية قالت ليها تكاكي ما تكاكي ياكي المعراكي..

__________________________________________________________________________________________________

3 شوايقة بعوموا فى البحر قالوا نشوق اكتر زول نفسو طويل
نغطس جوه الموية مع بعض
أول زول يطلع يكون الغداء عليهو
لغاية هسة مافيهم زول طلع.
__________________________________________________________________________________________________

قال ليك واحد حالته صعبة شديد فلسان وفقران يومه بعديه خنق المهم يوم جاب ليه كسرة وموية وملح وعجنهم
وقال بسم الله ,,,, الشيطان قال ليه هه اكل اكلك هو الجاييك منو .
__________________________________________________________________________________________________
المسطول قال زمان قبل الانقاذ الناس لمن يختوا الصفرة بيقولوا بسم الله وبعد أنتهاء الاكل بتقول الحمدالله
قال بلاهي أسع يختوا الصفرة الناس تقول الحمدالله الفي أكل وبعد الانتهاء بتقول بسم الله هو خلص متين .

Post: #140
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 06:27 PM
Parent: #138

تسلمى يا استاذة سامية،،

شوفى الكلام دا كيف نحن ذاتنا ذى باقة الناس عندنا أبراج صنعت للسودانين

بالله أهم شئ تورينا برج أبو جبص وينو فى ديل،،
أبوكم دا الله يحلو منى انا ذاتى عكليتة واكتر هههه

الابراج السودانية

برج القعونجة: من 25 ديسمبر الي 24 يناير
الاسبوع دا زي الزفت معاك.. يتسرق موبيالك.. وناس الحلة يجيبو حاج التوم عيان والبيت يتملي وتجي اخر الليل ماتلاقي سرير فاضي تنوم فيه
حبيبك بفكر انو يديك شاكوش لكن كضاب ما بيقدر عشان داخل في أضافرو من كبابي الشربات السقيتن ليهو...
برج العتود: من 25 يناير الي 24 فبراير
البتجي من السما تحملا الواطا الحرامي يسرق هديماتك كلهن....يخلي وشك واطا..
علي صعيد القلب احدهم يفكر في ان يحبك لكنو مستني لحدي ما الملاريا تخليهو .. اصبر وتصبر وأديهو فرصة..
برج أبو الجندب: من 25 فبراير الي 24 مارس
حسادك كتار في نعلاتك الجديدة الجبتهن من سوق اللفة.. مشكلة في طريقها اليك سببها الباقي الذي يحاول ان يزوغ بيهو كمساري الحافلة..
القلب: من تحب عندو فتاق في الصُرة داسيهو منك ...يحتاج الي تعاطفك... خليك حنين وبطل سغالتك دي...
برج العجل: من 25 مارس الي 24 أبريل
لا تحزن كونو بنطلونك الوحيد العاجبك يحرقو ليك المكوجي...
القلب: بالرغم من حرصك الشديد حبيب القلب يكتشف انك بتسف صعوط... نوصيك بالتبرير إنو ضرسك كان واجعك...
برج القرنتية: من 25 أبريل الي 25 مايو
بوليس الحركة يقطعّك تلاتة ايصالات مخالفات بالرغم من انو انت ماعندك عربية! خليك صبور والمؤمن مصاب..
القلب: حدد بتريد منو؟ .. امك واللا مرتك.... واللا فلانة ديك؟... راجع فلم انف وثلاثة عيون....
برج البعشوم: من 25 مايو الي 24 يونيو
ما تنوم تحت الحيطة الجمب المخزن في بيتكم لانها ممكن تقع في أي لحظة....
القلب..حبوبة جيرانكم المخرفة تنشبك فيك وتفتكرك راجلا .. تعامل مع الموقف بحكمة واتوكل علي الله واعقد عليها!
برج الجرو: من 25 يونيو الى 24يوليو
الجاتك في مالك سامحتك... هوي ما تصدق.. لا سامحتك ولا حاجة وانت مفلس كدي....فنانك المفضل ياخد علقة في حي شعبي....
القلب زوجتك تكتشف علاقتك بست الشاي..... لتلافي الحرج ارفع شعار الشاي مضر بالصحة..
برج ام سيسي: من 25 يوليو الي 24أغسطس
أبعد الببسي الحجم العائلي من متناول إيد جدك عشان نفسو صغيرة وشرفان .. قد يتنفخ وربما يتلحس ليكم..
القلب: حتاخد علقة من أحدهم لأنك تشبه الخالق الناطق من ينافسه في الجكس حقو..... أقبل إعتذارو و أعلم ان الدق قسمة ونصيب..
برج الضب: من 25 أغسطس الي 24 سبتمبر
رئيسك في العمل مكجنك وشاميك....حتزيد كجينتو ليك هذا الاسبوع...
القلب.... شكلة بينك وبين من تحب سببها صرفة الختّة..... خليك تفتيحة أخد الختة واعمل أرنب نط بلا حب موظفات بلا هم.. شوف ليك زولة مقرشة خليها تربيك كويس
برج القرموط: من 25 سبتمبر الي 24 أكتوبر
هذا الأسبوع يتاورك الحنين مرة اخرى.... لا تكترث لنضم الناس امشي بالطريقة البتريحك..
القلب كن وفيا لمن تحب لأنو ح تنقطع أضانو اليمين في حادث حركة .. وأعلم ان الحب في القلب وليس في الإضنين..
برج الفاتح: من 25 أكتوبر الي 24 نوفمبر
######تكم تلد ستة جريوات تفقدو اتنين منهن.... ركز علي جيرانكم في اليمين الخشم بابهم اخدر.. جارتكم كاتباك عند فكي أبكر ودافنة العمل تحت الزير القدام بيتكم
القلب : صدق حبيبك لأنو فعلا سهر الليالي.. جندبة دخلت اضانو بالغلط ساهرت بيهو .... احمد ربك انها دخلت الاضان....

برج ود أبرق: من 25 نوفمبر الي 24 ديسمبر
الخبر الحلو انك حتقبض قروش.. الخبر الما حلو انو نصها حيمشي لسيد البيت الطالبك، وربعا لبتاع الدكان والباقي تقلعو منك مرتك حمرة عين كدة وابقى راجل قول بغم.. ياخوي المال تلتو ولا كتلتو..... لكن كتلتو أريتا كتلة السودا والرماد....استعوض الله ساي..
القلب: جارتكم المكسراك حتجيها حمى أم برد وحتفك الهضربة ومرتك حتكون جاية تكفر ليها.. غايتو لما تحكي كل البينك وبينا وبعد ماتشيل شيلتك مع مرتك أم جضوم دي بوصيك تخلي حنكك سنين وتتخن جلدك

Post: #141
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-30-2011, 06:47 PM
Parent: #140

تعديل

Post: #142
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 08:46 PM
Parent: #141

Quote: تعديل

(عدل بواسطة Nagat Sid Ahmed Elshiekh on 30-03-2011, 07:51 م)

دا شنو يا برلومة ....؟؟؟؟

Post: #143
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 08:50 PM
Parent: #142

Quote: أبوكم دا الله يحلو منى انا ذاتى عكليتة واكتر هههه

بالله واحد من الناس القدام إكلم البرلومة دي.....

يعني علشان إتونست معاك و ضحكنا رفعتي الكُلفة للدرجة دي..؟؟؟

بالله واحد إقول ليها أبو حسين دا شنو ...؟؟؟

إنتي لي أسي في البروفايل Male و Single دي نسيتيها و لا شنو ..؟؟؟

.

Post: #144
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-30-2011, 09:17 PM
Parent: #143

Quote: ههههههههههههههههههه
هسى عليكم الله ده كلام زول نصيح
والله دى اقوى مداخله فى البوست ده

وبرضو ( واااااك ) لود زكريا من النوع الحجم العائلي

البوست بقي توما هووك بس
لقد فهمت ، الآن فهمت فهمت الجميع المُدبرس والزهجان ، المهموم والنعسان ، ( المطلوق ) و العيان أنا فهمت !!

Post: #145
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-30-2011, 09:22 PM
Parent: #144

Quote: البوست بقي توما هووك بس
لقد فهمت ، الآن فهمت فهمت الجميع المُدبرس والزهجان ، المهموم والنعسان ، ( المطلوق ) و العيان أنا فهمت !!

مها بن (على ) اريتك طيبة....الحمد الفهمتى الجماهير يا بت بن على

Post: #146
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 03-30-2011, 09:26 PM
Parent: #144

Quote: إنتي لي أسي في البروفايل Male دي نسيتيها و لا شنو ..؟؟؟

أبو حسين ما تحكها كدا ياخي نجاة دي بتكون تابعة لكتائب القذافي ، قول لي كيف ؟ طيب قلت لي كيف !

شوف كلامي القذافي و أحكم ( واااااااااك )
Quote: من أشهر أقوال القذافي :

1- للمرأة حق الترشح سواء كانت ذكر أو أنثى !!

( نفس الراجل البيتلولو دااااااك )

Post: #147
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 09:29 PM
Parent: #146

Quote: قول لي كيف ؟

ما بقول...

Post: #148
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-30-2011, 09:32 PM
Parent: #147

Quote: بالله واحد إقول ليها أبو حسين دا شنو ...؟؟؟

ابو الحسين عضو قديم يا نجاة
بالاضافة لذلك اصبعو مكسور ومجبص

Post: #149
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-30-2011, 09:37 PM
Parent: #148

Quote: ابو الحسين عضو قديم يا نجاة
بالاضافة لذلك اصبعو مكسور ومجبص

الزول دا ذكي شديد يا جماعة

معاوية أنا بفتش لي شكلة نجاة دردقتها لكن شايفه طفشت

جات مها برضو دردقتها شايفة برضو طفشت

إنت باقي عمر مداخلتين و بتروح فيها... يعني حا تكون جريمة

أبعد مني لغاية الصباح بس...

.

Post: #150
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-30-2011, 09:40 PM
Parent: #149

Quote: أبعد مني لغاية الصباح بس...

هادى مرفة فتك عافية تب

Post: #151
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-30-2011, 10:04 PM
Parent: #150

سلام يا استاذة نجاة

Quote: برج القرموط: من 25 سبتمبر الي 24 أكتوبر
هذا الأسبوع يتاورك الحنين مرة اخرى.... لا تكترث لنضم الناس امشي بالطريقة البتريحك..
القلب كن وفيا لمن تحب لأنو ح تنقطع أضانو اليمين في حادث حركة .. وأعلم ان الحب في القلب وليس في الإضنين..

ياهو ده برجنا زاتوووو

هي إمشي كيف وهو كراعو مجبصة

الليلة وووووووووووووووووب وسجم خشمي مالك جبتي لي قطع اضان

Post: #152
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-30-2011, 10:20 PM
Parent: #151

عادل الباهي سلام

يا اخي كده كترت المحلبية على الشوايقة

Quote: وراكب جنبو واحد شايقي قصيِّر وقليِّل

قول واحد

Quote: شايقية

كده 2

Quote: 3 شوايقة

3

Quote: واحد سنجك،

كده كم 4

Quote: في البوست دا عصرت علي الشوايقة لانهم أولاد عمنا وحبايبنا
عشان مايجوني ناس طارق جبريل والمطرطش دافرين

نان هو عصر نصاح ؟والله باقي لي كان اخيرلك إجيك طارق ولا المطرطش لكن جيتك انا شايقية وراجلي جعلي

Post: #153
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-30-2011, 10:25 PM
Parent: #152

Quote: نان هو عصر نصاح ؟والله باقي لي كان اخيرلك إجيك طارق ولا المطرطش لكن جيتك انا شايقية وراجلي جعلي

راجلك جعلى والطرف التانى فى النكت جعلى

اها يا ابو الحسين موقفك شنو...

جعلى معاش

Post: #154
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: خالد العبيد
Date: 03-31-2011, 01:13 AM
Parent: #153

سلام يا نجلاء
اولا بالتبادي انت دخلت هنا زي الضل
دخل القش ما قال كش
امس فقط وجدت انو بخاري فاتح بوست برحب بيك
ما شفتو الا امس
مرحب بيك مراحب قدر بيتكم الفي ناصر !

تقولي لي نسيت يا نساية انتي
انسى بيت ابوالسيد الاصفر الواسع الماهل؟؟
معقول ؟
بيت كان دار الشباب والحزب والقوى الاشتراكية معا
اول مرة دخلتو مع عمنا الراحل مصطفى الشيخ
جينا كداري .. قال لي الليلة بعرفك بي زول جميل
قعدت احلى قعدة معاهم محفورة في الذاكرة
بخصوص تكريب التنظيم .. والانتخابات !!
بعد داك بقيت اواظب الحضور للبيت
ـ والدتك الكريمة الصبرت علينا وعلى دوشتنا .. سلمي لي عليها
ـ سامي فردتي كم ساهرنا .. وبينا اسرار !
ـ حيدر زول ظريف
ـ نجلاء لسه ما فتحت كويس
ـ هاجر شلتها في رقبتي وحمت بيها البيت ..
وكسرت ليها سنون اللبن بي يدي !!
ـ راشد انا لحدي الليلة ما شفتو وكم تمنيت
ـ شكري زول رايق
ـ فنان اتحاد الشباب كوم براهو شايفو في كندا

برجع تاني ومعاي احمد راشد وسامية قسم وعاولة و..و..

Post: #155
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: خالد العبيد
Date: 03-31-2011, 01:30 AM
Parent: #154

بالنسبة لي حبيبنا معاوية عبيد
بعد الانتفاضة مشيت اركويت عشان اقدم دراسة عن تاريخ اتحاد الشباب
لقيت معاوية مع محمد عبدالمنعم " فوكس"
فوكس قال لي : يا خالد الدراسة دي للشباب
معاوية ده دفعتي خليهو يحضر معاهم.. لقيناهو "بايت" كم سنة
بالله اخد فيهو الاجر ولحقو الدفعة
عاينت لي معاوية
اشوف ليك زول طويل بي شنبات تربط الاسد
اخدت فوكس بي جنبة لمزيد من الايضاح
قال لي في اضاني :
اهلو نسوه في ام الطيور .. مشي الموضوع !!

Post: #156
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-31-2011, 05:54 AM
Parent: #155

Quote: إنتي لي أسي في البروفايل Male و Single دي نسيتيها و لا شنو ..؟؟؟

صباح الخير يا أبو جبص،

انت وقع عليك المثل البقول القلبتو مرتو مش لحماتو،

شفت سامية اختارت شنو؟؟؟؟

برج شنو كدا،

انا عارفة الشايقية دى ما بتقدر عليها،

ومن الليلة كامل التعاطف مع أبو جبص

لحدى ما يختار برجو بنفسو،،،

Post: #157
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-31-2011, 06:04 AM
Parent: #156

Quote: سلام يا نجلاء
اولا بالتبادي انت دخلت هنا زي الضل
دخل القش ما قال كش
امس فقط وجدت انو بخاري فاتح بوست برحب بيك
ما شفتو الا امس
مرحب بيك مراحب قدر بيتكم الفي ناصر !

سلام يا ود العبيد،

انا عارفاك متذكر تمامآ امتداد ناصر وكل التفاصيل القلتها دى،

وانت كمان ما كنت زول هين ودار ابو السيد ما بدخله اى زول، تسلم ويسلموا الناس الدخلوا لدارنا فى ذلك الزمن الجميل،

والله لسة بيت أبو السيد مفتوح للجميع بس فاقدين سيدو فى عضمو رحمة الله تخشاهو وربنا يصبرنا على فراقو المر

خليك قريب من هنا،

Post: #158
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-31-2011, 06:20 AM
Parent: #157

Quote: معاوية أنا بفتش لي شكلة نجاة دردقتها لكن شايفه طفشت

جات مها برضو دردقتها شايفة برضو طفشت

يا أبو جبص انا القاعدة ادردق الناس ومولودة بسنونى ،

انا ما طفشتة اى مكان بالله احسب الزمن انت فى اى مكان فى الكرة الارضية،،

بعدين انت زول قاعد ومجبص

هسع الطفش منو؟؟

نديك نكات تصبر بيها لحدى مانجيك راجعين

ـ رباطابى دخل المستشفى سألوه: زيارة؟
رد: لا عمرة.
**********
ـ مسطول مشى يخطب ليهو بت قدموا ليهو كباية شاى فيها (كيس ليبتون) قال لى صاحبو:
أها من قولة تيت ساوين لينا عمل.
**********
ـ مسطول سألوه: ماهو أصعب موقف مر بك؟
قال: موقف الكلاكلات.

Post: #159
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-31-2011, 06:22 AM
Parent: #152

العزيزة سامية حامد

طابت أوقاتكم بكل خير

Quote:
نان هو عصر نصاح ؟والله باقي لي كان اخيرلك إجيك طارق ولا المطرطش لكن جيتك انا شايقية وراجلي جعلي

خلاص عاوزا تقنطريني لطارق جبريل والمطرطش يعرفوك شايقية غتيتة كيف
________________________________________________________________________________________________

أبو حسين ياأبن عمي ماعندك نية عرسا تاني والله عندي صوت عنج ليهوا زمن راجي بيهوا حفلة .

( عشان أوريك الغتاتة الصحي صحي )

Post: #160
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-31-2011, 06:43 AM
Parent: #159

Quote: أبو حسين ياأبن عمي ماعندك نية عرسا تاني والله عندي صوت عنج ليهوا زمن راجي بيهوا حفلة .

( عشان أوريك الغتاتة الصحي صحي )

سلام يا عادل

أبن عمك دا فك الجبص عشان كمان يعرس،،ما تخلى سامية تعمل ليهو الترمس عشان العروس الجديدة ما بتدخل المطبخ الا بعد شهرين من العرس هههه

كامل التضامن مع الشايقية سامية العاوزين تعرسوا فيها انت و ودعمك ،،

Post: #161
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-31-2011, 06:51 AM
Parent: #160

صباح الخيرات نجاة

Quote:
أبن عمك دا فك الجبص عشان كمان يعرس،،ما تخلى سامية تعمل ليهو الترمس عشان العروس الجديدة ما بتدخل المطبخ الا بعد شهرين من العرس هههه

كامل التضامن مع الشايقية سامية العاوزين تعرسوا فيها انت و ودعمك ،،

ترمس سامية زاتوا ماعاوزنوا خليها هي تعمل تسليم وتسلم كدة والعروس الجديدة يدها

فيها الشفاء بأذن الله . والله يرجع عمروا عشرين سنة تاني

Post: #226
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-04-2011, 06:34 AM
Parent: #161

يا أخوانا الحاصل شنو؟؟؟؟؟؟؟؟؟؟؟؟؟؟؟

فتحت اخر مداخلة لقيت البوست فيه مصيبة صفراء بتخص اخونا أبو جبص وكم مداخلة كدا مافى ؟؟؟؟؟؟؟؟؟؟؟؟؟

Post: #162
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-31-2011, 06:53 AM
Parent: #160

Quote: نديك نكات تصبر بيها لحدى مانجيك راجعين

نكات دي و لا شاورمة...؟؟؟

قالو الراجل جاب التلفزيون و الدش و الولية بتنوم بدري
الولية المسكينة تقوم كل يوم تلقى وشها وسـخــاااااااان
إستغربت و ما عرفت الحاصل شنو ..
اها يوم جاتها صحية لقت ليك الراجل مساهر في الدش
إعاين في التلفزيون تجي واحدة شرط إقوم إعاين للولية
و إرجع إعاين للتلفزيون و إرجع إعاين تااني للولية
إشوف الفرق إتصدم إقوم أخخخخخخخخخخخخ تووووف في وش الولية.

.

Post: #163
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-31-2011, 07:03 AM
Parent: #162

واحد مسطول قاعد مع صاحبوا في الشارع فكل ماتجيء

بنت سمحة ماشا صاحب المسطول يقول للمسطول بلاهي شوف

الجمال دا المسطول يكشف ليها كدة ويقول أتفوا ، تجيء

واحدة تانية صاحبوا يقول ليهوا عاين للقمر دا المسطول

يكشف يقول أتفوا ، صاحبوا قال ليهوا شنو يا اللخو أي

بنت بتجي مارة أقول ليك شوفا تعاين لهيا وتشبكني أتفوا

يعني زوجتك أجمل من الفاتن بهنا ديل كلهن ؟ المسطول قال ليهوا

أنا لمن بقول أتفوا ما للبنات المرن بهنا أنا بقول أتفوا علي المنتظراني

في البيت وبقول أتفوا علي حظي الخلاني أعرسا .

Post: #164
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-31-2011, 09:41 AM
Parent: #163

Quote: خلاص عاوزا تقنطريني لطارق جبريل والمطرطش يعرفوك شايقية غتيتة كيف

الدنيا قبايل ارشفة
ان ما كدي وحات قريبتي سامية دي كان خليتك علي ((البزديق))

Post: #165
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 03-31-2011, 10:06 AM
Parent: #164

Quote:
الدنيا قبايل ارشفة
ان ما كدي وحات قريبتي سامية دي كان خليتك علي ((البزديق))

ياود جبريل سلام

يأخي الزول لمن يعصر بيعصر علي أولاد عمو يعني حأعصر وين

أسع الواحد كان جاب ليهوا نكتة لاي قبيلة تاني متلقيين الحجج كتار هنا بلاهي تجي داخل تلاقي ليك خمسين بوست بأسمك

العنصري البغيض و ماعارف شنو عشان كدة أستحملونا ساكت

Post: #166
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-31-2011, 10:49 AM
Parent: #165

Quote: أبو حسين ياأبن عمي ماعندك نية عرسا تاني والله عندي صوت عنج ليهوا زمن راجي بيهوا حفلة .

إعرس ركبينك قول آميييييييييييييييييييين

Post: #167
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-31-2011, 10:58 AM
Parent: #166

Quote: إعرس ركبينك قول آميييييييييييييييييييين

كامل التضامن مع زوجة اب جبصة الاولى
ولانامت اعين المجبصين

يعرس ركبين اى زول يقترح لابو جبص مقترحات
مش ( عملية) سامية شوتى الجبص كبادرة عين
حمرة....

هى العروس المقترحة عمرها كم ...سااااى

Post: #168
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 03-31-2011, 11:55 AM
Parent: #166

Quote: إعرس ركبينك قول آميييييييييييييييييييين

Post: #169
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-31-2011, 01:28 PM
Parent: #168

غايتو البرلومة محظوظة ..

دي وصلتني بالإميل قبل دقائق من أخ عزيز

كوز قال فى لقاء صحفى

البشير ده ابو السودانين كلهم

طلع ليهو واحد قال ليهو اخرتا يالكيزان دايرين تطلعونا اولاد حرام....؟؟؟؟

.

Post: #170
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-31-2011, 01:40 PM
Parent: #169

و دي واحدة كمان

واحده بايرة شافت الشاحنات في طريق بورتسودان مليانه تيوس

قامت سالت ديل مودينهم وين التيوس دي قالوا ليها مودينهم السعوديه ....

قالت شكيتك علي الله يالبشير الرجال وديتهم الجنوب والتيوس وديتهم السعوديه

نحن والغنم نقبل وين

Post: #171
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Balla Musa
Date: 03-31-2011, 01:45 PM
Parent: #170

Quote: كوز قال فى لقاء صحفى

البشير ده ابو السودانين كلهم

طلع ليهو واحد قال ليهو اخرتا يالكيزان دايرين تطلعونا اولاد حرام....؟؟؟؟

والله ياABUHUSSEINالبنعرفو القفوسة بتنتج بيض
أول مرة أعرف أنها بتنتج سودانيين!!

Post: #172
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-31-2011, 01:49 PM
Parent: #170

عندي عما لي قال الا ياخد ليهو كبة ألت طلح
قام دخل وراء مرتو..
شويتين الطلح بقا فيهو وتشتشو..
وبقى يكورك: يا فاطنة شوفيلي كوز ولا ستيان انا انشويت وخميسي راح..

بلحقو ليكم امات طه

Post: #173
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-31-2011, 01:53 PM
Parent: #172

Quote: عندي عما لي قال الا ياخد ليهو كبة ألت طلح
قام دخل وراء مرتو..
شويتين الطلح بقا فيهو وتشتشو..
وبقى يكورك: يا فاطنة شوفيلي كوز ولا ستيان انا انشويت وخميسي راح..

و الله بي طريقتك دي نحن ذااااااااااااتنا بتلحقنا أمات طه..

.

Post: #174
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-31-2011, 01:56 PM
Parent: #173

Quote: بلحقو ليكم امات طه

دي حسادة منك ساااااااااااااااااااااااااي....

غنت يا ود جبريل أهلك ديل كلهم زيك كدا...؟؟؟

حبوبتك و عمك و إنت ...؟؟؟؟

Post: #175
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: طارق جبريل
Date: 03-31-2011, 02:06 PM
Parent: #174

Quote: غنت يا ود جبريل أهلك ديل كلهم زيك كدا...؟؟؟

حبوبتك و عمك و إنت ...؟؟؟؟

يا حبيب العيلي كلها لسانها فالت
مافي زول في البركل قاعد يقدر علينا

Post: #176
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-31-2011, 08:41 PM
Parent: #175

Quote: ترمس سامية زاتوا ماعاوزنوا خليها هي تعمل تسليم وتسلم كدة والعروس الجديدة يدها

فيها الشفاء بأذن الله . والله يرجع عمروا عشرين سنة تاني

سلام يا أهلنا أسفين للتأخير ،

الاخ عادل والله ح ناخد راحتنا والتسليم امكن يا خد كم سنة ذى ما حكومتنا بتعمل،،

تضامنا مع اختى سامية،،

لازم تكتبوا طلب عشان التسليم والتسلم،،

بعد داك ح نكون لجنة منبثقة من اللجنة الاصل لدراسة الموضوع،،

تم اختيار معاوية عبيد كاممثل للجنة

والاخ المسخوت ود جبريل مشرف على اللجنة وعشان ح يتعاطف مع الشايقية،،انت وأبو جبص شوفوا ليكم بلد

Post: #177
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 03-31-2011, 08:43 PM
Parent: #175

رباطابى مشى يزور أولاد أهلو فى المستشفى أيام الملاريا الشديدة
لقى واحد مركبين ليهو درب لابيتحرك ولابيتكلم، التانى لقاهو محموم
حمى شديدة لمن يرجف من برد الحمى.
المهم قعد شوية ورجع البيت، ناس البيت سألوه:
لقيت الأولاد كيف؟
قال ليهم:
غايتو واحد خاتينو فى الشاحن و التانى شغال هزاز.
***********

Post: #178
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نجلاء قرافي
Date: 03-31-2011, 09:22 PM
Parent: #177

البشير صحى مرعوب من النوم وداد قالت ليهو قول بسم الله مالك الحاصل عليك شنو قال ليها حلمت بى واحد رافع لى لوحة بيقول لى فيها ابتسم ... قالت ليهو طيب ما كويس قال ليها كاتب ابتسم فانت الان فى جدة

Post: #179
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: معاوية عبيد الصائم
Date: 03-31-2011, 09:25 PM
Parent: #178

نرحع شوية يا بت ابو الشباب

Post: #180
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نجلاء قرافي
Date: 03-31-2011, 09:30 PM
Parent: #179

توته هاكي دي
بس امسكي اعصابك

البشير مشى للحلاق الحلاق شابكو الجنائية الجنائية البشير قال ليهو يازول مالك الحلاق قال ليهو مافى حاجة بس لمن اقول كدة شعر راسك بقيف وحلاقتو بتبقى ساهلة

Post: #181
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Farahat Sayed
Date: 03-31-2011, 09:47 PM
Parent: #180

ابو حسين

كامل التحايا والتضامن

ادي البرلومه في حنانا

وكمان انت وود عمك شوفو لي معاكم عروسه مادام البرلومه

مصاقره النت 24 ساعه

Post: #182
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 03-31-2011, 09:55 PM
Parent: #181

أخونا Farahat سلام

Quote: ابو حسين

كامل التحايا والتضامن

ادي البرلومه في حنانا

وكمان انت وود عمك شوفو لي معاكم عروسه مادام البرلومه

مصاقره النت 24 ساعه

جاهزيييييييييييييييييييييييييييييين أخليها ليك تكمل البوست دا وهي بتلعب في دوري الدرجة التانية

و الله إنت كــــــــــدا

تحياتي

.

Post: #183
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Farahat Sayed
Date: 03-31-2011, 10:29 PM
Parent: #182

ابو حسين

تحياتي

عليك بعد تنتهي من البرلومه

قبل لي علي الثيرد باك معاويه عبيد

نحن من خلفكم نشد من ازركم

واضرب البرلومه ومناصرينها بيد من حديد

Post: #184
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-31-2011, 10:45 PM
Parent: #183

الاخت نجاة سلام

Quote: كامل التضامن مع الشايقية سامية العاوزين تعرسوا فيها انت و ودعمك ،،

شكرا ليك للتضامن لكن شكلك انت زاتك محتاجة للتضامن

Quote: ادي البرلومه في حنانا

وكمان انت وود عمك شوفو لي معاكم عروسه مادام البرلومه

مصاقره النت 24 ساعه

لازم نعمل حزب ونتحد عشان ندي الجماعة في حنان حنانهم

Quote: جاهزيييييييييييييييييييييييييييييين أخليها ليك تكمل البوست دا وهي بتلعب في دوري الدرجة التانية

و الله إنت كــــــــــدا

تحياتي

شفتي الغتاتة العلى اصولها

Post: #185
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Farahat Sayed
Date: 03-31-2011, 10:58 PM
Parent: #184

الاخ ابو حسين والاخت ساميه

تحياتي

ازم نعمل حزب ونتحد عشان ندي الجماعة في حنان حنانهم

موافق والله جهجهوا باكاتهم

عليكم الله نجلاء قرافي ادها في حنانا

Post: #186
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 03-31-2011, 11:02 PM
Parent: #184

واحد شاف ليه جماعه قاعدين
يسطلو قالهم :حرام عليكم
قالو ليه : وعليكم الحراااام

مسطول .. كل ما ينوم .. يحلم بمباراة بين الدجاج

قام مشى للدكتور .. عشان يعالجو

الدكتور قال ليهو .. راح أديك حقنة .. تطير ليك

الحلم دا .. مره واحده .. وتاني ما تشوفو

المسطول قال للدكتور .. معليش .. ممكن تخلي

الحقنة لبكره .. عشان الليلة المباراة النهائية

مسطول سأل صاحبو عن نشرة الأخبار

صاحبو : في انقلاب عسكري

المسطول : إن شاء الله ما جاتو عوجه

جماعة مساطيل .. قاعدين في خيمة ليها بابين

قالوا لواحد منهم .. أمش جيب لينا كبريته

طلع من الباب الأول .. ودخل عليهم من الباب التاني

قال ليهم السلام عليكم .. عندكم كبريت يا جماعة

قالو ليهو .. عليكم السلام .. أقعد استريح شوية

رسلنا واحد للكبريت .. هسع يجي .. ونديك منو

Post: #187
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: حواء سليمان ابراهيم
Date: 03-31-2011, 11:56 PM
Parent: #186

مرحبتين بصاحبة البوست وضيوفها الكرام

هاكم دى :
مسطول السألوه بالفرق بين اسي وزمان
قال زمان الناس لمن يجيبو الاكل بيقولو بسم الله ولمن ينتهو بيقولو الحمد الله
لكن اسي الاكل لمن يجي بيقولو الحمد الله الاكل جاء ولمن ينتهي بيقولو بسم الله متين انتهي
الاكل

Post: #188
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: حواء سليمان ابراهيم
Date: 04-01-2011, 00:51 AM
Parent: #187

محششين قاعدين واحد نط وقال: كبسه في صوت بوليس انتو سامعين؟

... قالو: سامعين... تمنين... تسعين... صرخ وقال:

اعملو حاجه دول زنقونا

قالو: زنقونا... زناتانيه... زناتالته اخدتهم الشرطه وقال للشله: اوعي حد فيكم يجيب سيرتي قالو:

سيرتي... فورتي... فيفتي

Post: #189
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: حواء سليمان ابراهيم
Date: 04-01-2011, 01:00 AM
Parent: #188

محشش مصدوم عاطفياً قال:”لن أعشق سوى شيشتي فهي الوحيدة التي تحرق نفسها من أجلي”

----------------------
محشش واقف قدام القاضي ،فقاله القاضي لو قلت 10 أشياء تبدأ بحرف الألف أعطيك براءه

المحشش:أجيبها، أسخنها، أفردها، أفركها، ألفها، أولعها، أشربها، أمخمخ، أنصطل ،أناااام

Post: #190
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 04:52 AM
Parent: #189

أخونا Farahat Sayed سلام

Quote: عليكم الله نجلاء قرافي ادها في حنانا

ياخي دي بتكتب ليها نكتة و تطلع ماخدة الموضوع بي جدية ما عادية

تصدق أنا لم أقرأ ليها بتخيلها ليك صارة لينا وشها و معاها حدرة كمان...

كدي نشوف لي قدام كان لقينا فيها أي فرصة ما بنقصر معاها و الله.

Quote: قبل لي علي الثيرد باك معاويه عبيد

ثيردباك شنو يا زول...؟؟؟

دا بذكرني الشُفع البجيبو الكورة من وراء القون... البوست دا كلو ما قال ليه نكته

بجي إشاكس بس يعني وجوده زي عدمو .........

تحياتي

.

Post: #191
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Farahat Sayed
Date: 04-01-2011, 05:30 AM
Parent: #190

يا ابو حسين

صباخ الخير

ويييييين البرلومه

وييييييين الثيرد باك

Post: #192
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 05:37 AM
Parent: #191

سلام

Quote: يا ابو حسين

صباخ الخير

ويييييين البرلومه

وييييييين الثيرد باك

البرلومة دي إتخارجت مع دخولك لأنو إنت دخلت و شايت ضفاري...

الثيردباك دا بقى راجل عجوز و مع المداخلات الكتيرة دي بتكون يدو مورمة

أو بفتش للنضارة ما لاقيها.......

Post: #193
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 06:59 AM
Parent: #192

محمد موسى و الرباطاب

Post: #194
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 07:11 AM
Parent: #193

أحمد عادل و القذافي ( خصيصاً لهذا البوست)

Post: #195
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عادل الباهي عبدالرازق
Date: 04-01-2011, 07:28 AM
Parent: #194

واحد مسطول قعد في المقابر يتسطل لمن بقي زي الككو شاف ليهوا قبر جديد ورويان موية
عمل ليك القبر وسادة وأنتكي مرة ينوم ومرة يصحي شويتين كدة جاء واحد سكران مليان فل عرقي
وشاقي المقابر وبيغني ( أنا الفي الدنيا مامرتاح وما مرتاح ومامرتاح ) المسطول راقد عاين
ليهو كدة وقام قاليهوا يأخينا تبدل ؟؟ السكران أفتكروا زول ميت السكره فكت من الخلعة قال ليهوا نحنا
فوق التراب ما أرتحنا كمان عاوز توديني تحتا و مسك جلابيتوا فوق خشموا وسور المقابر جاءك زول .

Post: #196
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 07:40 AM
Parent: #195

مسطول و مقابر..؟؟؟

قالو الراجل ما بحب الإزعاج متعود إمشي في نُص المقابر الجو بكون هاااااادئ ... إلف سجارتو و إتسطل و إتخارج
اليوم لف السيجارة و ولعها نفسين بـس.... سمع ليك إتنين بتغالطو جنبو... و الله أهودا ...لا ..لا.. و الله دا ما هو أهو دا
الراجل خلاص مزاجو إتلخبط .. قام مشى على الجماعة .. مالكم يا جماعة ..؟؟ ياخي نحن جايين لي أبوي نديهو الفاتحة
و دا قبرو لكن أخوي دا بقول دا ماياهو.. بقول داك ثبرو..
المسطول قال ليهم... ياخ إنتو عايزين تدوهو فاتحة و لا عايزين تدوهو مصاريف..؟؟؟؟؟

Post: #197
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 08:47 AM
Parent: #196

المحشش:أجيبها، أسخنها، أفردها، أفركها، ألفها، أولعها، أشربها، أمخمخ، أنصطل ،أناااام

ههههه

سلام يا استاذة حواء،تسلمى والبيت بيتك،

Post: #198
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 08:59 AM
Parent: #197

Quote: أخليها ليك تكمل البوست دا وهي بتلعب في دوري الدرجة التانية

و الله إنت كــــــــــدا

ههههه الشماتة ليها يوم يا أبو جبص،،،

والله انا والشايقية الا نجبص الما اتجبص والعندو جبص فى اصبعو نلف ليهو باقى كراعو،

غايتو شيلوا شيلتكم مع دورى الدرجة الأولى ،،

بعدين يا سامية زول دا بتفاصح ساكت هو فى بلد وانا فى بلد ما تفرحى ساكت انتى اقعدى نجضى فى الترمس لما وطاتك تصبح هههههه

بمناسبة الكلام دا نديكم واحدة كاربة كدا هدية للعرسان البتفاصحوا وما بعرفوا يتكلموا مع الجديدة ههههه

واحد مغترب عرّس، أهلو رسلو ليهو العروس طرد.
بعد وصول العروس أصحابو عملو ليهو حفلة صغيرة كده.
العريس قاعد جنب العروس خجلان شديد ما عارف يقول ليها شنو.
فجأة كده إتلفت عليها وقال ليها:
إن شاء الله التياب طلعن قدرك!!

دى كيف يا سامية طبعآ أبو جبص واخونا التانى ما ح يكون عندهم موضع يحكوهوا بسألوا جنس الاسئلة دى

Post: #199
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 09:04 AM
Parent: #197

الاخت العزيزة الشايقية زوجة أبو جبص ،،تم اختيار البرج دا ونهديهو لماما وبابا وأبو جبص ومعاهو فرحات عشان يحلو

من سماناطالما مبيتين النية والبادى أظلم والله أكبر هههه

برج ود أبرق: من 25 نوفمبر الي 24 ديسمبر
الخبر الحلو انك حتقبض قروش.. الخبر الما حلو انو نصها حيمشي لسيد البيت الطالبك، وربعا لبتاع الدكان والباقي تقلعو منك مرتك حمرة عين كدة وابقى راجل قول بغم.. ياخوي المال تلتو ولا كتلتو..... لكن كتلتو أريتا كتلة السودا والرماد....استعوض الله ساي..
القلب: جارتكم المكسراك حتجيها حمى أم برد وحتفك الهضربة ومرتك حتكون جاية تكفر ليها.. غايتو لما تحكي كل البينك وبينا وبعد ماتشيل شيلتك مع مرتك أم جضوم دي بوصيك تخلي حنكك سنين وتتخن جلدك

Post: #200
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 09:35 AM
Parent: #199

Quote: البشير مشى للحلاق الحلاق شابكو الجنائية الجنائية البشير قال ليهو يازول مالك الحلاق قال ليهو مافى حاجة بس لمن اقول كدة شعر راسك بقيف وحلاقتو بتبقى ساهلة

ههههه تسلمى يا نجلاء وانا بهديها لماما وبابا وجدو هناى داك البدافع لعمر البشير مع الشكر الجزيل

Post: #201
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 10:28 AM
Parent: #200

Quote: واحد مغترب عرّس،

واحدة عوييييييييييييييييييييييييييييييييييييرة....

قاعد معاها في الكوشة قال ليها ما تقولي حاجة حلوة...

قالت ليه طـحـنـيـة......

Post: #202
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 11:00 AM
Parent: #201

Quote: واحدة عوييييييييييييييييييييييييييييييييييييرة....

قاعد معاها في الكوشة قال ليها ما تقولي حاجة حلوة...

قالت ليه طـحـنـيـة......

هههههها،، شفت يا أبو جبص وفرحات العريس دا بكون عرس فى مرتو النجيضة الكلامة ذى صاحبتى الشايقية،،

غايتو سبحان الله أول مرة فى حياتى اقيف فى صف الشايقية نقول شنو المعايش جبارة يا ود جبريل ههههه

يلا خموا وصوروا عشان بدل طحنية تقول حاجات تانية حاميانى،،

Post: #203
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 11:18 AM
Parent: #202

تعال يا أبو جبص الحق أمانة ما وقع راجل وانا البجينى مدردق الله معاه ، مشيت اتشالق فتحت بوست طارق جبريل (ضامر قوامك) قامت اختنا منال شكرت ليهو الاغنية قام الشايقى الخفيف رد لها بالكلام التحت دا يعنى جيتك بالنجيضة يلا شوف الرد بتا الشايقى-

Quote: والله يا منال انا الكلام الغُلاد غُلاد دة قاعد يرقدني

يلا انصفونا بالله الزول دا فى البوست بتاعى عمل لى فيهاأفوووو اجيب دقلو،، اوديهو ليك الخور،، اتارى زولك الكلام السمح برقدو سلطة امانة ما جيتنى مدردق ياود الجبريل والكلام الغلاد عندنا بالكوم بدل البوست حقى يمشى الخور انت ح نوديك المستشفى بالكلام الغلاد هههههه

Post: #204
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 12:45 PM
Parent: #203

اها يا أهلنا عشان ماتجوا تقولوا ست البوست طفشت وما أدراك ما طفشت النكتة دى للمفلسين الما عندهم قروش السماية

والبستعملوا الله بفرجا كتتتتتتتتتتير ،،،

قالو فى واحد زوجتو وضعت جابت ولد وعاوز يعمل السماية لاكين ظروفو صعبة شديد.
مشى لى واحد جارو قال يستلف منو حق السماية، جارو قال ليهو:
واالله أنا برضو ظروفى صعبة شديد لاكين أقول ليك حاجة؟ إنت ما لازم
تعمل السماية بعد إسبوع، ممكن تعملها بعد إسبوعين يمكن ربنا يفرجها عليك.
أخونا سمع كلامو وقال خلاص يعمل السماية بعد إسبوعين.
يعد عشرة أيام جارو لاقاهو وسألو:
كيف الأخبار إن شاء الله الأمور ماشّة تمام؟
أخونا قال ليهو: تعيش إنت الولد مات.
قام جارو قال ليهو: أنا ماقلت ليك ربنا حيفرجها.

Post: #205
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 03:07 PM
Parent: #204

السماية .......!!!!!!!

صاحبنا كان شغال معانا و لسانو طوووووووووووووووووويل
جابو ليه ولد و هو عندو ولدين ناس الشركة باركو ليه و فاتحين خشمهم
منتظرين السماية أسبوع... أسبوعين..... ثلاثة.. الزول ما جاب سيرة سماية
الجماعة سألوه يا محمد السماية وين....؟؟؟؟؟
قال ليهم... و الله يا جماعة الولادة دي جاتنا فجأة و ما قدرنا نعمل سماية...

Post: #206
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 03:28 PM
Parent: #205

Post: #207
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 03:28 PM
Parent: #205

Quote: قال ليهم... و الله يا جماعة الولادة دي جاتنا فجأة و ما قدرنا نعمل سماية...

شفت يا أبو جبص انا ما جبت النكتة دى من فراغ،،

شفت جنس زولك دا كتار خالص،،

بمناسبة زولك دا نديكم واحدة قريبة شديد من الموضوع دا

واحد بخيل شديييد، مشى خطب لى ولدو ولمن رجعو البيت
قال ليهو:
أسمع يا ولد، دى ما ليك براك.. ليك ولى أخوانك!

Post: #208
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-01-2011, 03:53 PM
Parent: #207

المهددة باللعب في دوري الدرجة التانية

الأخوان قاعدين في البيت بوزعو في الكوتشينة مع بعض
جا أبوهم داخل من عرس الجيران
شافهم بلعبو في الكشتينة قام إكورك فيهم
أولاد ما منكم فايدة ..أولاد الحلة كلهم إتزوجو و إنتو قاعدين لي كدا مرض
أسي لو مشيتو العرس دا شفتو ليكم بنات تعرسوهم مش أحسن من كتشينتكم دي؟؟؟؟
الولد :- يا أبوي كدي روق المنقة
الوالد:- منقة شنو .....بلاش كلام فارغ معاك
الولد :- يا أبوي نحن بنلعب كشتينة في بت الإتنين عايزنها.. قلنا نلعب فيها Game البغلب إتزوجها..
الوالد:- ياتو بت دي الإنتو الإتنين عايزنها دي..؟؟؟
الولد:- بت حاج حسن...
الوالد:- ياتي فيهم...؟؟
الولد:- الطويييييييييييلة السمممممممممممممحة ديك..
الوالد:- دي ياتي فيهم العيونه كباااااااااااااار ديك...؟
الولد :- ياها زاتا.....

الوالد :- طـيـب وزعـوا لـي مــعـــاكــم

.

Post: #209
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 04:14 PM
Parent: #208

Quote: الولد:- الطويييييييييييلة السمممممممممممممحة ديك..
الوالد:- دي ياتي فيهم العيونه كباااااااااااااار ديك...؟
الولد :- ياها زاتا.....

الوالد :- طـيـب وزعـوا لـي مــعـــاكــم

ههههههههه

كان كدى انتو ليكم الحق طالما جدو دا عاوز ينافس،

واحد صحى من نومو نص الليل على صوت الجيران بيصرخو، طلع
عشان يشوف الحاصل شنو، قالو ليهو فى تسمم فى خزّانات الموية.
الراجل رجع بيتو، زوجتو سألتو: الحاصل شنو؟
قال ليها: مافى حاجة، أشربى ليكي موية ونومى.!!!!

أعملى حسابك يا سامية ياختى انا غايتو من النكتة دى بقيت لو أبو العيال جاب ليه سمك بخليه ياكل فى الاول ههههه

Post: #210
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 04-01-2011, 06:31 PM
Parent: #209

ههههههههههه والله ناس البوست دا طلعوا كلهم ما نُصاح يا محمد زكريا
ود جبريل دا طلع أخطر من القذافي ، نجلاء قرافي وحواء فاطين ليهم كم سطر كدا أما أبوحسين وحرمة المصون بقيت شايلة همَ أولادهم
عادل الباهي غايتو أخير منو ود جبريل
عزيزي القارئ /ة عليكم الله ديل ما جنريترات
صاحبة البوست مُسحلبة سحلبة أصلية
هههههههههههههههههههه كتلتونا بالضحك والله الدبرسة ( فكت ) لما فكت مننا جد جد

Post: #211
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 06:50 PM
Parent: #210

Quote: عزيزي القارئ /ة عليكم الله ديل ما جنريترات
صاحبة البوست مُسحلبة سحلبة أصلية
هههههههههههههههههههه كتلتونا بالضحك والله الدبرسة ( فكت ) لما فكت مننا جد جد

وين انتى يامها، طال غيابك عشان كدا فاتك زواج جماعى فى البوست حقى دا يا كافى البلا ،،

غايتو كلام ود جبريل وقع لى يا دوبك ، البوست ضقلو يكركب،،

اعملى حسابك ،،دى وصية منى ليك يا مرقتى براجل مرة،، يا راجلك عرس فيك، يا جبصوا ليك كرعك، يا شديتى حلة ترمس للمكسورين،يا ...........................

غايتو من دخل البوست دا فهو غير محمى،،عشان كدا ادخلوا بكراعكم اليمين وقولوا بسم الله ههههه

Post: #212
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: مها عبد الله
Date: 04-01-2011, 07:05 PM
Parent: #211

Quote: وين انتى يامها، طال غيابك عشان كدا فاتك زواج جماعى فى البوست حقى دا يا كافى البلا ،،

يا نجاة قريتي الفتوي بتاعة شيخ صديق الموج قدس الله سره والتي جاء فيها المقتبس أدناه :

Quote: ولننظر فى فتاوى الشيوخ العارفين بامور الانتساب..
هذه من الحالات التى توجب الطلاق البائن كما افتى
شيخنا هارون دياب قدس الله سره..
اما شيخنا طارق جبريل فقد جاء فى فحوى فتواه..
يجب ان تستاب مثل هولاء النسوة العاقات فان ثبت
عنادهن فلا جناح عليكم ان طلقتموهن..
ويقول الشيخ ود الموج يستوجب ذلك الضرب المبرح..
وقد جاء فى فتوى مولانا سامى عبد الوهاب مكى يجب
على من تزوج هلالابيه غير متعمد اوسهوا ان يدبل بمريخابيهخصوصا اذا كانت بايرلندا وزوجها باحدى السلطنات لوووول..
وقد جاء فى صحيح الشيخ كيقه 2000 فان زواج المريخابى
من الهلالابيه هو كزواج المسلم من الكتابيه يجوز ولكن
بشرط ان يتبع الابناء ملة ابيهم ..
وقد حرم الشيخ القرضابى زواج المريخابى من الهلالابيه وقال
انه مندوب عند الفتنه فلا يجوز ان يذهبا للملعب وتجلس
الرجل فى المساطب الجنوبيه وتجلس المراة فى المساطب
الشماليه اذ يعتبر ذلك مثل سفر الزوجه بدون محرم..
واذا رجعنا لفتوى الشيخ جنابو عمر عثمان فقال اذا كانت
الزوجه الهلالابيه من الاقاليم فيجب ان يراعى الزوج مسافة القصر
وهى 84 كيلو يعنى الجنيد وود السيد بره المسافه ففى
هذه الحالة لابد من وقوع الطلاق للضرر..
وقد جوز اخرون ذلك مع الكراهة...
من كتاب فقه الضرورات فى الزواج من هلالابيات

الجماعة شكلهم عملوا بفتوي شيخ الموج

طارق ود جبريل مريخابي ، المدام أعتقد بتشجع كازابلانكا

Post: #213
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-01-2011, 08:21 PM
Parent: #212

Quote: فان زواج المريخابى
من الهلالابيه هو كزواج المسلم من الكتابيه يجوز ولكن
بشرط ان يتبع الابناء ملة ابيهم ..

دا مريخابى حاقد نحن غايتو قسمنا اولادنا واحدة ملتى انا هلالابى والتانى ملت سيد الفتوة دى واتخيل لى دا العدل بين الاولاد هههه

شكرآ يامها على الفتوة،،ما تطولى الغياب

دى خلى سامية وطارق يتصبروا بيها شوية لحدى الصباح

شايقي اشترى خروف و جاب ليه ضباح

وقال ليه ..
شوف دايرك تسوي لي نص اللحم كباب
واالنص التاني شية بالجمر وشية طوة

والراس اسلخه ونضفو عايز اعملو نيفا
والرجلين نظفها بنساويها كوارع"

والجلد لاتاخذه عاوز اسويه سجاده للصلاه
والكرش والمصارين بسويها سجقات ومئانيء وحفاتي
والبعر خليه لي عاوزو سماد للزراعة

واي باقي لحم بيطلع معك من التكسير خليه.....عندنا كديسة
و اهم شي العضام

الحجة عاوزه تسوي بيهن شوربة

قام الخروف عاين ليه

وقال ليه :
ماعايز تسجل صوتي عشان تسويه رنة لموبايلك كمان!!

Post: #214
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-02-2011, 01:13 PM
Parent: #213

سلام يخشاكم يا أهل الدار المسجلين غياب،

بعد التحية والاجلال لشخوصكم الغالية

أما بعد،

شكلكم كدا الدبرسة فكت حمد لله الف على السلامة،

شنو يا شباب النكات كملت ولا شنو؟؟

والله انا عندى شوال كدا بس ما تطولوا الغيبة،

وسعالى الخاص من أخونا أبو جبص واتمنى ان يصله مكتوبى هذا وهو خالى من القيود الجبصية المكبلة للحرية الشخصية،،

وبعدين انا كنت بتوقع ظهور أختنا سامية لان الترمس وقفوا الطبيب المعالج للاخ أبو جبص،،

وسألى عن الاخ عادل شكلوا موضوع الزواج اصبح حقيقة،

كما اختفاء الاخوان معاوية،خالد عبيد،عمر و جميع المشاركين وكل من ساهم بنكتة او نقطة،

مها شكلها خافت من البوست بتاع عرس الكورة،،
ود جبريل أوع يكون الكلام الغلاد وداك المستشفى لاقدر الله،

نجلاء قرافى والاخت حواء اوع تكونوا لاوزتوا من راجل المرة ،،

المهم مازالا البوست طفل يحبو،

نديكم حاجة تصبروا بيها شوية

حلفاوى صايم والشمس مسخنة شديد
وهو عطشان قام اتصل بى ناس الاذاعة المذيعة قالت ليهو:
مرحبا بك أخى الصائم فى برنامج منتصف الظهيرة الرمضانى
بالله عاوز تسمع شنو وتهديها لى منو؟
الحلفاوى:
ممكن لو سمهتى(سمحتى)
مقطع من أذان المغرب ونهديهو لجميع الأهل بوادى هلفا!!!
**************

Post: #215
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-02-2011, 02:17 PM
Parent: #214

يا جماعة فرحات مشى وين ...؟؟؟؟

الزول دا أوع إكون ورطني و زاغ....؟؟؟؟

Post: #216
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ismeil abbas
Date: 04-02-2011, 02:57 PM
Parent: #215

أخت /نجاة بوست موفق..أنا زهجتى فكت الله يفكليك زهجتك يارب.

Quote: اللهم أجعل من أماني نوراً و من خلفي نوراً و من فوقي نوراً

أبو جبص كما بتقول أختنا نجاة.........خلينا فى امانى دى وللا أكلم ليك سامية.

تحياتى

Post: #217
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-02-2011, 03:01 PM
Parent: #215

مسطول وصل الكهرباء براهو بالسرقة ،اللمبات بقت تشتغل دقيقة والمروحة تشتغل دقيقة والتلفزيون يشتغل دقيقة ،
ماعرف يتصرف كيف ! قام جاب كهربجي، بعد الكهربجي فحص التوصيلات المسطول قال ليهو: ايه رايك في التوصيل ياباش مهندس !
الكهربائي قال ليهو : مية المية والله ... بس ماكان في داعي تجر السلك من الاستوب بتاع الشارع !!!!

Post: #218
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-02-2011, 04:15 PM
Parent: #217

Quote: أبو جبص كما بتقول أختنا نجاة.........خلينا فى امانى دى وللا أكلم ليك سامية.

أخونا سمعة أهلا بيك في حوش نجاة العامر

ما سمعت بي الأماني العذبه تتراقص حيالي يا عجووووووز

ـــــــــــــــــــــــــــــــــــ
أحكي ليهم واحدة من نكات فاروق ود التومة؟؟؟؟ بنتظرك لغاية ما تجاوب

Post: #219
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-02-2011, 04:43 PM
Parent: #218

Quote: جماعة فرحات مشى وين ...؟؟؟؟

الزول دا أوع إكون ورطني و زاغ....؟؟؟؟

هههه شفت كيف يا أبو جبص انا قلت ليك الببارى المريخاب بمشى التونج،

عشان كدا اخير ليك الزول البسأل من الجبص بتاعك وحلة الترمس،،

بعدين فرحات دا رسلنا ليهو ولدوا الكبير عشان يشغلو شوية من افكار ود عمك عادل،،هسع مشغول باالولد الموصى من أمو النجيضة شابكو ليك ودينى البارك وشترى لى تلفون،،وانا طبعآ هبوب الله ضاربانى مع وليدى الصغير، شفت الكلام دا اوعك تكلم بيهو سامية خليه سر بينى وبينك،

ومن هذا المنبر بنحى الضيف العزيز اسماعيل وبنقول ليهو أتخيل لى شرحنا ليك دخول البوست ما ذى خروجوا وبنكرر ليك تانى لو كنت عازب عادل الباهى جاهز ليك ولو كنت متزوج قول للمرة الجاتك فى اسماعيل سامحتك عشان برضو الشرك قبض،،

وكذلك للاخ نوفل اتخيل لى مداخلتك الفاتت ما كان عندنا القوانين دى وبرضو الله معاك الشرك قبض، ههههه

نديكم نكات بخصوص أهداف البوست دا

ـ مسطول راكب فى حافلة، جاتو بت بالشباك قالت ليهو وين؟ قاليها: والله قاعدييين انتى الماظاهرة.
....................................
ـ واحد عرس مرة شينة فى مرتو السمحة... الجماعة سألوه: ليه يازول؟ قاليهم: الشينة دى لى حليفة الطلاق.
....................................
ـ ام العروس سألت أم العريس: ولدك ده بيشرب سجاير؟ قالت ليها: برى يا يمة غايتو الا يكون سكران.

Post: #220
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-02-2011, 07:49 PM
Parent: #219

Quote: هههه شفت كيف يا أبو جبص انا قلت ليك الببارى المريخاب بمشى التونج،

في غرب الأطلنطي وصلتكم التونج....؟؟؟؟

تصدقي و تآمني طلعت من عندنا التوج.... حكمة الله في الطريق إتشعبطت فيها النون دي...!!!

Quote: ـ واحد عرس مرة شينة فى مرتو السمحة... الجماعة سألوه: ليه يازول؟ قاليهم: الشينة دى لى حليفة الطلاق.

دي حلوة و ملعوبة....

يا جماعة فرحات مشى وين ...؟؟؟؟

.

Post: #221
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-02-2011, 08:56 PM
Parent: #220

Quote: يا جماعة فرحات مشى وين ...؟؟؟؟

يا زول الزول دا عندو صدمة كروية وح تفك بعد يومين مع قهوة تقيلة وموية ثلج باااااااااااااااردة

ياخى انتو عندكم التوج وانحنا عندنا التونج شن جاب لى جاب بعدين التونج القاصداها انا فرحات املريخابى المهزوم دا بعرفه تماما،
انت خليك فى شوت الطرابيز واكسر الاصبع التانى مع الاخبار الما حلوة دى،

مبرررررررررررروك يا شايقية واعملى حسابك الليلة وبكرة ما تحرقى الترمس عشان الجماعة ديل شوية حالتهم صعبة،

Post: #222
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-03-2011, 08:02 PM
Parent: #221

عوووووووووووووووووووووووك الكترابة البوست والمتداخلين كلهم طلعوا بطيخاب عشان كدا اعلنوا الحداد ورفع العلم الاسود،،

وين الهلا لى هلالوا ظهر بان لى الليلة،،،

غايتوا انا شمتانة شماتة على الحضرى، أبو جبص، فرحات ومن لف لفهم،،

نكتة تخفف شوية عليكم يا مريخاب

# لما حظك العاثر يخليك تشاهد مباراة (غمة كروية) وتلاقيها كووولها (شلاليت) وكور (مصرجة) فى السماء واللاعبين يشوتو فى أى حته (إلا القون) وما في أى لمسات جمالية ما تستغرب وما تسال (ملايين الدولارات مجهولة المصدر) البتنصرف على الكورة دى ما عملت حاجه ليه ؟؟ هى القروش (معلومة المصدر) ذاااتا بقت مافيها بركة .. ما توجع دماغك .. أسكت وبس

Post: #223
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 04-03-2011, 11:13 PM
Parent: #222

Quote: مبرررررررررررروك يا شايقية واعملى حسابك الليلة وبكرة ما تحرقى الترمس عشان الجماعة ديل شوية حالتهم صعبة،

الله إبارك فيك يا نجوتة يا عسل وانا اقول الحلا والظرافة دي شنو اتاريك هلالابية اصيلة

ترمس شنو يا فردة ديل العشا حردو وباتو القوا خشمهم ملح ملح

دي للناس البتفكر في العرس

واحد قاعد في أمان الله يقرا في الجريدة ، وفجأة جات مرتو

وضربتو بغطا الحلة فوق دماغو.. طررااااخ!!!

الراجل : "فيه شنو يا بت الحلال؟ ليه كدا؟؟؟"

المرا : "الورقة الفي جيب قمصيك ومكتوب عليها "جميلة" ديك شنو؟؟"

الراجل : "يا بت الحلال، ده اسم الفرسة اللى بنشجعها في السباق!"

المرا صدقتو ومشت لشغلها... بعد اسبوع، الراجل قاعد في أمان الله

وبرضو يقرا في الجريدة ، وفجأة جات مرتو وضربتو بغطا الحلة على راسو طررااااخ!!

الراجل: "خير يا بت الحلال .. في شنو تاني؟؟"

المرا : "الفرسة عاوزاك على التليفون"

Post: #224
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 04-03-2011, 11:17 PM
Parent: #223

للاخوة الجعليين

جعلي ركب الطيارة حلف على بناته بالطلاق يساعدن المضيفات....

جعلى الدكتور جاء طالع من غرفة الولاده قال ليهو أبشر بالخير مرتك جابت تومتين الجعلى قال للدكتور على الطلاق تشيل واحده

Post: #225
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 04-03-2011, 11:25 PM
Parent: #224

واحد هدندوي جاء السوق في بورتسودان لقى دفار بتاع البوليس فيه مجموعة من الطالبات قام سأل أحد أصحاب المحلات:
إيها .... بنات هلوين ديل مالو... الراجل قال ليه كان في مظاهرة بتاعة شيوعيين وقبضوهن
الهدندوي مشى جنب الدفار والعسكري الحارسو كان شايقي
صاحبك الهدندوي عاين للعسكري كدا وقال: آاش ندال التبقة الآملة .... العسكري طنشو
: آاش الحزب الشيوئي السوداني .... العسكري ما اشتغل بيهو شغلة
: يئيش عبد الخالق محجوب... العسكري عاين ليهو وقال ليهو والله الليلي إنكان بقيت لينين ما بتركب في الدفار دا

Post: #227
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-04-2011, 06:56 AM
Parent: #225

Quote: الراجل: "خير يا بت الحلال .. في شنو تاني؟؟"

المرا : "الفرسة عاوزاك على التليفون"

هههههه ،

سلام يا سامية ياهلال يا قمر 14،

وين البطيخاب ما فى اى واحد طلع راسوا من يوم التوووووووووووووووف،

اها يختى أوع يكون جبصوكم تانى من الشوت عشان نحنا اخبار جماعتنا مقطوعة احتمال يكونوا مشوا على المستشفى،

كدى ننكت شوية عشان نخفف عليهم شوية مش الله بسألنا منهم

رباطاب عندهم وفاة بيحفروا فى قبر
مر بيهم واحد سألهم:
يا شباب انشاء الله ماعندكم عوجة؟
قالو ليهو: لا لا بنفتش لينا فى صارقيل.
*********
*********
ولد بيسأل أبوه المسطول:
شنو برج ايفل؟
الأبو قال ليهو: ماعارف.
الولد: طيب شنو الايميل؟
الأبو: ماعارف.
الولد: شنو العولمة؟
الأبو: ماعارف.
الأم: ياولد ماتزهج أبوك، أمشى ألعب بعيد.
الأب: لا لا خلى الولد يستفيد.

Post: #228
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-04-2011, 07:30 AM
Parent: #227

سمعتو بي بغلة على الله...؟؟؟؟
كان ما سمعتو بيها أسمعوها و كان سمعتو بيها نذكركم بيها..

على الله عندو بغلة كحيانة و بقول عليها نجيييييضة
ناس الحتة قال عاملين سباق
الجماعة جايين بي حميرهم و واحدين حصين
عمكم على الله قال مشارك بي بغلتو
الجماعة عملوه ضحكة
السباق بدأ
بغلى على الله من البداية هي في المقدمة
البغلة فاتت الحمير و فاتت الحصين
و بغلة على الله جاااااااااااارية في المقدمة
لا الحمير قادرة تحصلها و لا الحصين قادرة تحصلها
الجماعة خاتين يدهم في روسينهم من الخُلعة
أها باقي أمتر على النهاية و البغلة في المقدمة و الناس ما مصدقة
فجأة بغلة على الله وقفت...... تـبـول
جات الحصين ماااااااااااااااااااشة
و جات الحمير ماااااااااااااااااشة
و بغلة على الله لسه بتبول

القصة شبيهه بي ناس أخوانا إتعودو الوقوف قبل خط النهاية دائماً

.

Post: #229
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-04-2011, 07:50 AM
Parent: #228

Quote: أها باقي أمتر على النهاية و البغلة في المقدمة و الناس ما مصدقة
فجأة بغلة على الله وقفت...... تـبـول
جات الحصين ماااااااااااااااااااشة
و جات الحمير ماااااااااااااااااشة
و بغلة على الله لسه بتبول

هلا ومبروك الطلا،

وين يا جماعة والله يا أبو جبص انت زول حكيم خلاص من كلامك الفوق دا والحق يقال،

لكن صاحبك يعلم الله شدت ما زعلان ما ضرب عشان نعرف اخبارو واخبار الولد المشى ليهو،،، الحمد لله ولدى هلا لى هلالو طالع لامو والقاعد معاى بطيخابى كبير،،

ودى واحدة تانية:
رباطاب معزومين عشا و السمك ريحتو ضاربة، بى شفقتهم
كلهم السمك شوكو طعنهم، أبوهم قال لى سيد البيت:
انت عازمنا عشا ولا فحص ملاريا؟؟

مسطول أبوهو قال ليهو:
ما دام خلاص إنت ماعاوز تخطب، أنا حأخطب ليك على ذوقى.
قال ليهو:
لا لا شكرا، ذوقك شفتو فى أمى!!

Post: #230
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Farahat Sayed
Date: 04-04-2011, 09:35 PM
Parent: #229

يا جماعة فرحات مشى وين

والله يا ابو حسين فيك الخير

لكن اخوك حالو يغني عن سؤالو

المريخ وابو جريشه خليناهم لي الله

انا مشغول شويه عليك الله البرلومه الرشاشه اديها في حنان حنانا زاتو

وسلم لي علي ود عمك وقول ليهو عملت لينا شنو في الموضوع

Post: #231
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-04-2011, 09:51 PM
Parent: #230

Quote: انا مشغول شويه عليك الله البرلومه الرشاشه اديها في حنان حنانا زاتو

وسلم لي علي ود عمك وقول ليهو عملت لينا شنو في الموضوع

والله الموضوع جاهز بس انت حضر الشيلة،،

وانا بحضر موية النار ههههه

وسامية تحضر الترمس والكبكبى،

وأبو جبص يحضر ليهو دكتور عشان يجبص كراعك الكسرتها يوم التووووووووووووووووووف

اما أخونا عادل الباهى يحضر خرف السماية عشان شكلكم دا ما أظن ح تسموا للاولاد

Post: #232
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 04-05-2011, 03:08 AM
Parent: #231

تحية لي الأخت/ نجاة وضيوفها الكرام
رسمتم الابتسامة والمسرة في الوجوه والقلوب
.. متعكم الله بالصحة والعافية..

Post: #233
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-05-2011, 07:12 AM
Parent: #232

Quote: تحية لي الأخت/ نجاة وضيوفها الكرام
رسمتم الابتسامة والمسرة في الوجوه والقلوب
.. متعكم الله بالصحة والعافية..

ياسلاااااااااام يا عبد العزيز ورودك دى من الصباح ادخلت المسرة فى نفسى ،وربنا يمتعك بالصحة والعافية

تسلم ،

والنكتة دى هدية منى ليك عشان الكلام السمح دا والورود الحلوة دى

واحد مرتو شينة شديد، جيراهم عزّابة، قالت ليهو:
لازم تعلّى الحيطة دى من العزابة.
قال ليها: شافوك؟
قالت ليهو: لا لا.
قال ليها: خلاص لما يشوفوك براهم بيعلوها.

Post: #234
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-05-2011, 12:36 PM
Parent: #233

Quote: واحد مرتو شينة شديد، جيراهم عزّابة، قالت ليهو:
لازم تعلّى الحيطة دى من العزابة.
قال ليها: شافوك؟
قالت ليهو: لا لا.
قال ليها: خلاص لما يشوفوك براهم بيعلوها.

غايتو شايلين حال المساطيل ساكت

غايتو البتعملي فيه دا عمل مساطيل ..... بتلفيها و لا شنو ...؟؟؟؟

Post: #235
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-05-2011, 07:41 PM
Parent: #234

Quote: غايتو البتعملي فيه دا عمل مساطيل ..... بتلفيها و لا شنو ...؟؟؟؟

امال ايه؟؟؟مساطيل وبنلفها بالضرا هههههه

وين انت خلاص ايام الحداد انتهت،،

عشان الطلا البهية نديك نكتتين شفت الكرم دا كيف:

مسطول إتقدم لى واحدة يخطبها، أهل البت سألوهو:
شغال شنو؟
قال ليهم: الصباح مع أخوى وبالمساء مركلس.
سألوهو: طيب أخوك شغال شنو؟
قال: بالصباح مركلس وبالمساء معاى!!

ـ مسطول جارى فى الشارع مخلوع شديد، سألوه:
يازول جارى مالك؟ فى شنو؟
قال: كنت ماشى فى ال######، عفصت لىّ شارع فى جلابيتو، مسكنى من ضنبى!!!

Post: #236
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-06-2011, 07:59 AM
Parent: #235

أخونا فرحات الزائغ سلام

Quote: والله يا ابو حسين فيك الخير

لكن اخوك حالو يغني عن سؤالو

المريخ وابو جريشه خليناهم لي الله

يازول الموضوع دا ما تشتغل بيه كتير كدا بتصبح هدف سهل للرشاشات

Quote: انا مشغول شويه عليك الله البرلومه الرشاشه اديها في حنان حنانا زاتو

البرلومة ساااااااااااااااااهلة بس إنت مديها فرصة و حجم أكتر مما تستحق
الوالد الله إديه العافية مريخابي و أخواني الكبار الإتنين رشاشات
لو المريخ غالب الرشاشات بنتظرو أبوي لم إنوم حتى إدخلو البيت قبل كدا صعبة شديد
و لو الهلال غالب لم إجو البيت بلقو الوالد نائم
أها يوم الهلال غالب ...تاني يوم الصباح صحى من النوم أول حاجة بدخل يدو تحت المخدة
علشان إطلع الساعة و إشوف الساعة كم...!! لقى في ورقة مع الساعة رفع الورقة لقاها آس الهارت
الهلال كان غالب واحد....

Quote: وسلم لي علي ود عمك وقول ليهو عملت لينا شنو في الموضوع

و الله ود عمي رمى الكلام و زاغ لكن بجيبو ليك(شكلك كدا محتاج ليه شديد)

تحياتي

.

Post: #237
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-06-2011, 08:32 PM
Parent: #236

Quote: و الله ود عمي رمى الكلام و زاغ لكن بجيبو ليك(شكلك كدا محتاج ليه شديد)
;;

ههههه يا أبو جبص،
والله محتاجين ليهو كلنا،
بالله يا عادل وين انت طولت الغيبة،

كل ما تطل يا أبو جبص ليك هدية وطبعآ اختك ماسكة فى الوصية بتاعتك شديد بس ما تكلم زول.

واحد بيسأل فى ولدو: أها إن شاء الله نجحت فى إمتحان السواقة؟
الولد: والله ما عارف يا أبوى، لأنّو الزول الإمتحنّى لسع فى العناية المركّزة.

مسطول مشى يعزّى صاحبو فى أخوهو الميّت، وكان متأثر شديد، وبعد
العزاء وهو طالع قال لى صاحبو:
يعنى خلاص مافى أمل؟

ـ مسطول راكب حمار بالقلبة، ومستغرب راس الحمار مشى وين؟
المهم لمن وصل البيت إنتبه للراس، قعد يضحك وقال للحمار:
أتاريك إنت مكنتك فى الضهريّة!!

Post: #238
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 04-07-2011, 00:06 AM
Parent: #237

سلام يا نجاة

مسطول خطب خطبة الجمعة بعدما انتهي سال صاحبو رايك شنو في خطبتي ؟؟؟
؟ قال ليه كويس بس عندك عشرة اخطاء
أولا : المنبر عندو سلم مافي داعي تتلب .
ثانيا : حكاية السجارة بين الخطبتين دي شنو .
ثالثا : ماحصل سمعنا بصحابي اسمو تامر.
رابعا : ابو جهل صاح كافر بس ود الحرام دي مافي داعي ليها.
خامسا : الملك فهد ما شارك في صلح الحديبية ..
سادسا : غزوة بدر الكبرى ما كانت بالطيارات ..
سابعا : غزوة الخندق ما استعملوا فيها الاسلحة الكيماوية ..
ثامنا : السفة فى نص الخطبة ما صح ..
تاسعا : امية بن خلف صحيح باع بلال بن رباح لكن ما لناس برشلونة
عاشرا : ايد على ايد تجدع بعيد ده مثل ما حديث شريف

دي للصهاينة والجعليين

قال ليك واحد جعلي احمق مخاصم اخوه زمن

فكر يمشي الحج جاء لي اخوه وقف جنب الباب

قال ليهو أُمحمد اخوي انا ماشي الحج اكان مته العفو في العافية

واكان جيت راجع الحال في حاله

Post: #239
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 04-07-2011, 00:24 AM
Parent: #238

مسطول قالوا ليو عادل امام مات

قال ليهم حلالي على نكير تلقاهو ميت من الضحك

ــــــــــــــــــــــــــــــــــــــ

مسطول بشنقو فيهو اشر بيدو قاموا نزلوه قال ليهم احي قربت اموت

ــــــــــــــــــــــــــــــــــــــ

مسطول طالع من الدكتور بيتكلم مع روحه
ضب في صحن؟ .. لا لا
سحليه فى جك؟ .. لا لا
قعوي فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنت يا دكتور قلت عندي شنو؟؟
قاليهو : عندك سرطان فى الحوض

Post: #240
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-07-2011, 06:22 AM
Parent: #239

Post: #241
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 04-07-2011, 06:46 AM
Parent: #239

Quote: ياسلاااااااااام يا عبد العزيز ورودك دى من الصباح ادخلت المسرة فى نفسى ،وربنا يمتعك بالصحة والعافية

تسلم ،

والنكتة دى هدية منى ليك عشان الكلام السمح دا والورود الحلوة دى

واحد مرتو شينة شديد، جيراهم عزّابة، قالت ليهو:
لازم تعلّى الحيطة دى من العزابة.
قال ليها: شافوك؟
قالت ليهو: لا لا.
قال ليها: خلاص لما يشوفوك براهم بيعلوها.

العزيزة/ نجاة

سلامات

يا سلام.. نكتة حلوة شديد.. ترجمتها لجاري ضحك, في اللحظة دي زوجته جات مارة.. راح معلق وخشمه فاتح.. قالت ليهو مالك؟ قال ليها عزيز ده هسي قال لي زوجتك حلوة شديد!!

يا أبو حسين وسامية.. المرة الجاية لو جيت المملكة لازم اغشاكم.. بس النكات تكون ليها ترجمة على الشريط زي القطر الاكسبرس عشان العجم ديل يفهموا..

ود جبريل... المحلبية زايدة لمن حلوة!!!.....

تحياتي

Post: #242
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-07-2011, 07:36 AM
Parent: #241

طلعتوا كلكم هلالاب رشاشات وامنجيه ... قوموا لفوا بالله ما عايز معاكم
الحمدلله نحن مريخاب وعزابه لوووووول يكا

رباطابي في شرطة المرور ... حصل حادث في شارع مداني .. ودوهو يرسم الحادث
لقي كل الناس الفي الحادث ماتو ... الا واحد بس
قال ليهو : أها يا الصندوق الاسود .. الحادث دا حصل كيف ؟

Post: #243
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عبدالله كع
Date: 04-07-2011, 07:50 AM
Parent: #242

اه قعدتا بالرغم لا مع المدبرسين ولا المبسوطين !! ...
بوستيكم لذيذ

التعديل .. نسيت اسلم !! ازيكم

Post: #244
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-07-2011, 08:31 AM
Parent: #243

"Congratulations my boy!" said the groom's uncle.
"I'm sure you'll look back and remember today as the happiest day of your life."

"But I'm not getting married until tomorrow," protested his nephew.

"I know," replied the uncle. "That's exactly what I mean."

Post: #245
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 08:34 AM
Parent: #243

Quote: يا سلام.. نكتة حلوة شديد.. ترجمتها لجاري ضحك, في اللحظة دي زوجته جات مارة.. راح معلق وخشمه فاتح.. قالت ليهو مالك؟ قال ليها عزيز ده هسي قال لي زوجتك حلوة شديد!!

تسلم يا عبد العزيز بس ما تطول الغيبة،،

لسة مازال البوست طفل يحبو وعين الحسود فيها عود ،،

Post: #246
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 08:42 AM
Parent: #245

Quote: طلعتوا كلكم هلالاب رشاشات وامنجيه ... قوموا لفوا بالله ما عايز معاكم
الحمدلله نحن مريخاب وعزابه لوووووول يكا

ههههه سلام يا نوفل،

انت عارف ليه بقيتوا عزابة دا كلو عشان مريخاب ،

Post: #247
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 08:46 AM
Parent: #246

Quote: اه قعدتا بالرغم لا مع المدبرسين ولا المبسوطين !! ...
بوستيكم لذيذ

تسلم يا عبدالله البيت بيتك ،لكن لن توجد منطقة وسطى بين المدبرسين والمبسوطين هههه

Post: #248
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 09:00 AM
Parent: #247

Quote: "Congratulations my boy!" said the groom's uncle.
"I'm sure you'll look back and remember today as the happiest day of your life."

"But I'm not getting married until tomorrow," protested his nephew.

"I know," replied the uncle. "That's exactly what I mean

هههههه،

أمك الخواجة أبو جبص يلحقنا وينجدنا اها يا عبد العزيز جاتك جاهزة ومترجمة،

الحمد لله البوست بتاعى دا ممكن يقروهوا أجانب نا طقين بالغة الانجليزية،

يعنى المستوى بقى هاى ودا بفضل المريخابى العظيم زوج الشايقية الغايبى هههه

ـ مسطول ولدو عيّان شديد، ودّاهو الدكتور. بعد التحاليل والفحوصات
الدكتور قال ليهو: ولدك ده متسمم بى حليب مدّتو منتهية.
المسطول: كلامك صاح يا دكتور، رضعتو حبوبتو.!!

ممكن تترجم دى يا أبو جبص عشان حبوبات الخواجة برضعوا أحفادهم شوف عينى ،

وانا بطلب من بكرى ادخال برنامج شريط ترجمة خاص بالبوست دا ههههه

Post: #249
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عبدالله كع
Date: 04-07-2011, 09:16 AM
Parent: #248

Quote: تسلم يا عبدالله البيت بيتك ،لكن لن توجد منطقة وسطى بين المدبرسين والمبسوطين هههه

لا في يا ستي
منطقة القرنتيه .. اكيد ما مرة عليك !
وهي المنطقة التي نضحك في علي بعضنا البعض لدرجة البكاء والجمود !

Post: #250
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 09:27 AM
Parent: #249

Quote: لا في يا ستي
منطقة القرنتيه .. اكيد ما مرة عليك !
وهي المنطقة التي نضحك في علي بعضنا البعض لدرجة البكاء والجمود !

طبعآ دى أول مرة اسمع بالمنطقة دى،،

الله يكفينا شرها،

المهم البوست دا فقط للترفيه عشان نطلع من المواضيع المكررة الخلت الناس تبعد من الدخول ،،

بعدين الجمود والضغط بعمل انفجار فى الدماغ،

Post: #252
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: عبدالله كع
Date: 04-07-2011, 10:28 AM
Parent: #250

فعلا منطقة القرنتيه دي ..
Quote: الله يكفينا شرها،

قال ليك واحد مسطول سطلة السنين وبتاع تجارب :
بيعمل تجربه فى ضبانه مسكا وقال ليها طيرى
قامت فرررررررر طارت .
قطع ليها جناحينا قال ليها طيرى
ما طارت كتب !!
اذن ...
اثبتت التجربه ان الذبابه لمن تقطع جناحيها تفـقـد السمع نهائي !!

دي عشا ن نتخارج من منطقة الفرنتـــــــــــيه

Post: #251
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Mohammed Bahari
Date: 04-07-2011, 09:50 AM
Parent: #50

سلام يا شباب; معاوية سربعة لذيذة ودة الغرض من البوست.

عندي ليك صورة رافع فيها إقامتك و جمبك المدام, أرسلها ليك يمكن تكون اسرع من جمع الريالات.

سلام للعيال و للعزيزة المدام.

Post: #253
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 04-07-2011, 10:40 AM
Parent: #251

سلام يا نجاة والله صحي برلومة ما صدقتي لقيتي الصفحة التالتة وجريتي عليها
Quote:

07-04-2011, 01:24 ص

ساميه حامد

تاريخ التسجيل: 24-07-2010
مجموع المشاركات: 481

Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين) (Re: ساميه حامد)

مسطول قالوا ليو عادل امام مات

قال ليهم حلالي على نكير تلقاهو ميت من الضحك

ــــــــــــــــــــــــــــــــــــــ

مسطول بشنقو فيهو اشر بيدو قاموا نزلوه قال ليهم احي قربت اموت

ــــــــــــــــــــــــــــــــــــــ

مسطول طالع من الدكتور بيتكلم مع روحه
ضب في صحن؟ .. لا لا
سحليه فى جك؟ .. لا لا
قعوي فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنت يا دكتور قلت عندي شنو؟؟
قاليهو : عندك سرطان فى الحوض

Quote: الشايقية الغايبى

قلتي غايبة وانا داخلة بعد الساعة تلاتة صباحا (ده الوقت الوحيد البلقى فيو فرصة لانو ابو جبص والعيال بكونوا نايمين)

Post: #254
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 04-07-2011, 10:59 AM
Parent: #253

Quote: يا أبو حسين وسامية.. المرة الجاية لو جيت المملكة لازم اغشاكم..

حبابك الف يا عبد العزيز تشرف وتنور

وهاك دي رشوة عشان تتشجع تجينا

مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة

مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري

مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه

Post: #255
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 11:15 AM
Parent: #253

Quote: اثبتت التجربه ان الذبابه لمن تقطع جناحيها تفـقـد السمع نهائي !!

دي عشا ن نتخارج من منطقة الفرنتـــــــــــيه

بمناسبة منطقة الفرنتية العاوزة ليها دكشنرى دى نديك نكتتين

ـ مسطول قال لى صديقو:
أخد ليك إجازة شهر وأنا باخد إجازة شهر عشان نسافر فرنسا شهرين.!!

قالوا واحد مصرى كل يوم يشترى جريدة ويعاين الصفحة الاولى ويرميها قام فى واحد سألو بتعمل كدا ليه؟
رد عليه أصلى بأقرأ الوفيات
قال ليه صاحبو لكن الوفيات فى الصفحة الاخيرة،ردا عليه صاحب الجريدة اللى بدور عليه لو مات ح يطلع خبرو فى الصفحة الأولى

Post: #256
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 11:28 AM
Parent: #255

Quote: قلتي غايبة وانا داخلة بعد الساعة تلاتة صباحا (ده الوقت الوحيد البلقى فيو فرصة لانو ابو جبص والعيال بكونوا نايمين)

وين يا اختنا مشتاقين والله،،

العيال معليش أبو جبص دا قاعدة تكبى ليه شنو فى اللبن عشان ينوم مع العيال ورينا الوصفة سريع،،عشان ناخد راحتنا فى الكمبيوتر هههه

Quote: سلام يا نجاة والله صحي برلومة ما صدقتي لقيتي الصفحة التالتة وجريتي عليها

زمان قلنا ليكم البرالمة نوعين:

1) مولود بسنونوا ودا ممكن ياكل لحم من اول اسبوع بعد الولادة

2) برلوم ما عندوا طايوق دا بياخد عضوية وبختها تحت المخدة عند اللزوم اها انا برلوم نمرة واحد بس بكرى ما كان عارف الموضوع دا

نديك واحد من العلبة

ـ مسطول مشى بيت صاحبو، دقّ الباب جات أخت صاحبو
سألها: حسن موجود؟
قالت ليهو: لا مافيش، طلع مشوار.
المسطول وقف مساااافة سرحان.
قالت ليهو: خلاص لمن يجى يكلّمو.
قال ليها: كلّميهو، إنتى قايلانى خايف منّو؟!!

Post: #257
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 11:29 AM
Parent: #253

سلام يا محمد بحرى وشكر للمرور

Post: #258
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-07-2011, 06:29 PM
Parent: #257

والله الليله انا مدبرس عديل كده ... قلت اجي عليكم بي جاي

مساطيل راكبين شاحنة مليانة بطيخ عملو حادث ، واحد شال بطيخة وقال ياجماعة ده راس منو ؟؟
التاني قال ليهو : لو فيهو سفة ده راسي انا

Post: #259
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 07:16 PM
Parent: #258

Quote: والله الليله انا مدبرس عديل كده ... قلت اجي عليكم بي جاي

بعد الشر عليك يا نوفل والله البيت بيتك،

خليك قريب من البوست والدبرسة بتمشى بعيد ،تسلم

Post: #260
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-07-2011, 07:47 PM
Parent: #259

دى خاصة بالاخ نوفل عشان مدبرس ،،

فار سكران، نام جنب كديسة ميتة فى الشارع، لما صحى
عاين للكديسة بى استغراب وقال:
كنت عارف انّى حارتكب جريمة!

واحد غبى شديييد، قرا فى الجريدة انو فى الصين كل دقيقة بيتولد مولود
قال: ديل والله متطورين شديد، نحنا كل تسعة شهور!!

Post: #261
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-07-2011, 10:14 PM
Parent: #260

Quote: كنت عارف انّى حارتكب جريمة!

ههههههههه

مسطول وزنو زايد .. الدكتور قال ليهو كل يوم تمشي تلاته كيلو
بعد اسبوع ضرب للدكتور قال ليهو انا هسي في القضارف اواصل المشي ولا اجي راجع ؟

ياخي تسلمي كتير

Post: #262
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-08-2011, 04:38 AM
Parent: #261

واحد كذاب شديد أستاذ التاريخ سألو : أذكر أحداث غزوة أحد
الكذاب قال : والله ماشفته حاجة من الغبار

Post: #263
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-08-2011, 05:06 AM
Parent: #262

The Power of Woman

There were 11 people - ten men and one woman - hanging onto a rope
that came down from a helicopter.

They all decided that one person should get off, because if they didn't,
the rope would break and everyone would die.

No one could decide who should go, so finally,
the woman gave a really touching speech saying how she would give up her life
to save the others,
because women were used to giving up things for their husbands and children,
giving in to men, and not receiving anything in return.

When she finished speaking, all the men started clapping

Post: #264
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-08-2011, 05:24 AM
Parent: #263

A husband was trying to prove to his wife that women talk more than men.
He showed her a study which indicated that men use about 10,000 words per day,
where as women use 20,000 words per day.
His wife thought about this for a while.
She then told her husband that women use twice as many words as men
because they have to repeat everything they say.
Her husband looked stunned.
He said
What?

Post: #265
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-08-2011, 02:02 PM
Parent: #264

Quote: Her husband looked stunned.
He said
What?

بختك يا عبد العزيز أبو جبص ماقصر معاك تب نكات مترجمة من النوع ابو كديس تسلم ياأبو جبص،

دى واحدة على شاكلة نكتة أبو جبص الا بالعربى

كان في أحد المستشفيات مريضاً

وكانت عائلته مجتمعةً في صالة الإنتظار حين وصل الطبيب متعباً

قائلاً: سأنقل إليكم خبراً غير سار: الأمل الوحيد لنجاته هو أن يتبرع أحداً له بالدماغ وهذه عملية خطيرة جداً
وإجرائها سيكون على مسؤوليتكم. فاندهشت العائلة

وبقي أفرادها صامتون.
فتقدم أحدهم سائلاً الطبيب:"كم يبلغ ثمن الدماغ؟" فأجابه الطبيب:"هذا يختلف فقيمته 5000$ إذا كان دماغ رجل
و200$ إذا كان دماغ إمرأة.

فساد الهدوء الصالة ولكن الرجال أخذوا يضحكون
بإستهزاء

وتجنبوا النظر إلى النساء اللواتي اندهشن.

ولكن أحد الرجال كثير الفضول
(وحشري)

سأل الطبيب عن سبب الإختلاف؟

أجابه الطبيب: دماغ المرأة أقل كلفة لأنه تم إستعماله بينما عقول الرجال غير مستعملة

تحياتي إلى الرجال الذين ضحكوا في منتصف الرسالة
وأحلى تحية إلى النساء اللواتي ضحكن في النهاية

Post: #266
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-10-2011, 05:34 AM
Parent: #265

Quote: دماغ المرأة أقل كلفة لأنه تم إستعماله بينما عقول الرجال غير مستعملة

A woman went to a Florida lemon grove to apply for a job,
but the foreman thought she seemed way too qualified for the position.
"Do you even have any actual experience picking lemons?" he asked.

"Well, I think I do." she replied. "I've been divorced three times."

Post: #267
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-10-2011, 06:49 AM
Parent: #266

إتنين مساطيل بيتشاكلو في اجدادهم ياتو الاقدم ؟ الاول: قال انا جدي عايش من زمن قوس قزح كان ابيض واسود
التاني: قال انا جدي عايش من زمن البحر الميت كان عيان

Post: #268
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-10-2011, 08:36 AM
Parent: #267

Quote: واحد كذاب شديد أستاذ التاريخ سألو : أذكر أحداث غزوة أحد
الكذاب قال : والله ماشفته حاجة من الغبار

ههههه سلام يا ابو جبص دا كذاب درجة اولى تسلم،

ياخى ورينا فكيت الجبص ولا لا عشان غير الاسم دا،،

نديك نكتة حافز لزوم الانجليزى،

فى واحد من زمن المشاغلة بتاعت البنات ...قام تابع ليه بت شايفه من الخلف ديك يامشاغلة من نوع وين ياجمال روحى ...والبت ماشه تانى عمك يقول ليها وين ياجمال تاجوج...قامت البت اتلفتت عليهو لمن الباروكة وقعت من فوق راسة وديك ياالصلعة الماخمج قام زولك شاف الصلعة وقال ليها ويييييييييين يا جمال فرفور ههههه

Post: #269
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-10-2011, 10:50 AM
Parent: #268

Quote: فى واحد من زمن المشاغلة بتاعت البنات

واحد بشاغل في واحده شييييييييينه شديد
قال ليها وين يا عسل ؟ قالت ليهو انت أهبل ؟ قال ليها وين يا قمر ؟ قالت ليهو انت اهبل ؟
قال ليها تتزوجني ؟ قالت ليهو انت جااااااااااااادي ؟ قال ليها انت هبله ؟

مغترب من سنة 80 .. جاء راجع السودان .. لقي بت شغالها .. قال ليها سنه يا أنا ؟
قالت ووووووب علي سجمي ... دا كان مسجون وين ؟

Post: #270
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-10-2011, 02:19 PM
Parent: #269

Quote: قال ليها تتزوجني ؟ قالت ليهو انت جااااااااااااادي ؟ قال ليها انت هبله ؟

ههههه دى بالغتة فيها يا نوفل يديك العافية،

دى بت عمة نكتتك يا نوفل

واحدة بايرة مشت لى ودّاعية قالت ليها:
أبشّرك جاييكى عريس مغترب.
البايرة قعدت تبكى بكا شديد حيّرت ليك الوداعية.
الوداعية قالت ليها: سجمى...أقول ليكى جاييكى عريس تقومى تبكى؟ مالك؟
البايرة: خايفة من نفاس الغربة!

Post: #271
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-10-2011, 02:25 PM
Parent: #270

صاحبنا طلع من بيتهم لقى واحدة مرت من قدام البيت وقف شوية و وراها
الجكساية مشاية ... ماشي وراها لم نفسو إنقطع
قرب منها
أسمعي يا
يا عسل
يا جميلة
و هي مااااااااااااااااشة
لم حصلها....
و شاف وشها
لقاها بعاتي بـس
زعل و قال ليها
إنعل ميتينك تغشيني...؟؟

Post: #272
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-10-2011, 05:42 PM
Parent: #271

ـ إتنين جعليين مشوا العمرة، وبعد العمرة زاغوا ونزلو عند واحد قريبهم
مقيم فى السعوديّة. قريبهم قام أكرمهم كرم شديد جدا وما قصّر معاهم، المهم
بعد فترة كشفوهم ورجّعوهم السودان.
قريبهم بتاع السعودية جا يقضّى أجازة فى السودان ويرجع، أصحابنا قامو عملو
ليهو عزومة، لاكين كانو محرجين شديد لأنو مستوى الأكل ما كان زى أكل السعوديّة. واحد من الجعليين الإتنين قال ليهو:
نحنا ما قدرنا نكرمك زى ما أكرمتنا فى السعوديّة، لاكين علىّ الطلاق عشان
نكرمك كويّس، بكرة الصباح تخشّ السوق، وتعمل ليك شكلة مع أى شايقى
من طرف، وتزح لينا منّها!!!!!!

Post: #273
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-10-2011, 08:07 PM
Parent: #272

Quote: ـ إتنين جعليين مشوا العمرة، وبعد العمرة زاغوا ونزلو عند واحد قريبهم
مقيم فى السعوديّة. قريبهم قام أكرمهم كرم شديد جدا وما قصّر معاهم، المهم
بعد فترة كشفوهم ورجّعوهم السودان.
قريبهم بتاع السعودية جا يقضّى أجازة فى السودان ويرجع، أصحابنا قامو عملو
ليهو عزومة، لاكين كانو محرجين شديد لأنو مستوى الأكل ما كان زى أكل السعوديّة. واحد من الجعليين الإتنين قال ليهو:
نحنا ما قدرنا نكرمك زى ما أكرمتنا فى السعوديّة، لاكين علىّ الطلاق عشان
نكرمك كويّس، بكرة الصباح تخشّ السوق، وتعمل ليك شكلة مع أى شايقى
من طرف، وتزح لينا منّها!!!!!!

أخونا طارق جبريل بالله لو جيت ماري بي جاي عايز منك خدمة......

واحدة كدا من النوع اللي بتجيب خبر البوست دا و السبب أهو كوتو ليك علشان ما تمشي ست البوست تسحبو

إنت عليك بي واحدة و أنا واحدة و نجيب أجل البوست دا

Post: #274
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-10-2011, 08:18 PM
Parent: #273

Quote: واحدة كدا من النوع اللي بتجيب خبر البوست دا و السبب أهو كوتو ليك علشان ما تمشي ست البوست تسحبو

إنت عليك بي واحدة و أنا واحدة و نجيب أجل البوست دا

انا كمان نديكم واحدة ومحل الرهيفة تتقدا

قالو الجعلى عرس ليهو بت شايقية، أهلو زعلو منو شديد، سألوه:
مالك يالجعلى بتعرس الشايقية، بنات شندى ديل ماعجبوك؟
قال ليهم: لا لا والله بس قروشى نقصت.
**
افوووووووووووووووو ود جبريل تعال بجاى اصلو انا قنعتة من البوست وبدور اشوف لى حاجة تانى،،،،،،،،،،،،

Post: #275
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-10-2011, 09:16 PM
Parent: #274

Quote: افوووووووووووووووو ود جبريل تعال بجاى اصلو انا قنعتة من البوست وبدور اشوف لى حاجة تانى

المسخوت دا من غير عزومه بجي بغطس حجرو
لكن نحن مشينا وين كع ... حدنا معاهو المغرب بوست بوست سطر سطر منبر منبر

Post: #276
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-10-2011, 10:04 PM
Parent: #275

Quote: المسخوت دا من غير عزومه بجي بغطس حجرو
لكن نحن مشينا وين كع ... حدنا معاهو المغرب بوست بوست سطر سطر منبر منبر

تسلم يانوفل ،الجاية غايتو البوست دا ح يمشى الخور لانها شايقية تب كدى نشوف دى نسخن بيها المرمى لود جبريل

إتنين مساطيل صدمو ليهم واحد بى عربية، السايق سأل التانى:
مات؟
المسطول التانى نزل وقال للسايق:
أرجع ورا شوية.. أكسر شمال.. كمان شوية.. بس.. كده مات!!

ن

Post: #277
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-14-2011, 11:50 AM
Parent: #276

وين مشيتوا يا أهلنا والله الدبرسة قربت خليكم قريبين قربنا نحقق هدف البوست يدك معانا يا أبوجبص اى حاجة عربى انجليزى كلو بمش،

نديكم شوية نكات

ـ مسطول جا من الخلوة سألوه أدوكم شنو؟
قال: الشيخ زاتو ما متأكد مرة يقول القارعة مرة يقول ما القارعة.
....................................
ـ ضب كضاب شديد بيتونس مع خطيبتو قال ليها: أنا كنت تمساح كبير لكن الحب هلكنى.
....................................
ـ مسطول فال لصاحبو: والله يا أبو الشباب أنا الليلة متلخبط. صاحبو قال ليهو مالك؟ رد عليه:
والله ماعارف، أنا مواعد لى اتنين الساعة واحدة ولا واحد الساعة اتنين.
........................................................................
ـ رباطابى الدكتور سألو: أحشى ليك ضرسك؟ قاليهو: لا لا ختو لى فى صحن.
....................................
ـ عريس ملخوم أصحابو قالو ليهو ماشين نجيب تلج...قاليهم خلاص عزلوا البارد.

Post: #278
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: omar arbab
Date: 04-14-2011, 12:54 PM
Parent: #277

سلام

مسطول قال لي مروتو انتي مرت جيرانا دي بتجيب القروش الكتيره دي من وين قالت ليهو مرت جيرانا دي بتلعب قال ليها انتي راجاني اجيب ليكي كداره

وحدة راجلا مسطول قالتليو السواق دة لازم يتغير سواقتو كعبة دا كان حيقتلني مرتين قاليها ما مشكلة نديهو فرصة تالتة

......

Post: #279
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-14-2011, 01:03 PM
Parent: #278

Quote: إتنين مساطيل صدمو ليهم واحد بى عربية، السايق سأل التانى:
مات؟
المسطول التانى نزل وقال للسايق:
أرجع ورا شوية.. أكسر شمال.. كمان شوية.. بس.. كده مات!!

و الله مسطول غيرك مافي....

Post: #280
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: اشرف السر
Date: 04-14-2011, 04:04 PM
Parent: #279

سلام ناس الضحك والنوم والمدبرسين والمبسوطين

بوست شحمان ولذيذ..
وما زال يحبو
اجادعكم بشوية نكات عجبتني..

واحد قروشو شالة الهواء سكاها ... جا جارى جنب إتنين مساطيل .. واحد قال للتانى الزول دة شغال وين؟؟ ... التانى قال ليه فى سك العملة..

مسطوول وقفو بوليس الحركة قاليهو لوحاتك دي ما ظاهرة نهائي

واحد تمتام قدم لوظيفة مندوب مبيعات في دار نشر
أها الزول أوراقو كولها مية مية وأموره كلها تمام ..
علا المقابلة الشخصية المهم المدير قال ليهو .. يازول والله ما بكضب عليك إنت بتمتمتك دي ما بتنفع معانا
التمتام قال ليهو : بببببببـ بيان بالعمل..
أدوني (خو خو خو) خومسمية كتاب وشوفو

أها صاحبنا.. جا تاني يوم وورّد النقدية ..
ؤقال للمديرأديني (خو خو خو) خومسمية كتاب (تتتتتت تا) تاني
....واليوم التالت نفس الشي

أها المدير مسكو من يدو ؤقال ليهو تعال يااللخو ورينا السر شنو؟؟
التمتام قال ليهو ولا (سي سي سي) سر ولا حاجة (بش بش بش) بشيل الكتاب و(أم أمممم) أمشي للزووووووووو زول أقولي ليهو
أقراهو ليك ولا (تش تش تش تش) تشتري؟؟
قاليهو ما يهمك انا حافظ الرقم صم ..........

Post: #281
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: اشرف السر
Date: 04-14-2011, 04:09 PM
Parent: #280

مسطول شغال عجان في مخبز ، كل ما يجي يعجن يقوم يملص الساعة . قالو ليهو ليه بتعمل كدا . قال: عشان الدقيق ما يشاغل الدقيقة..

واحد عمل ليهو مشكله مع مسطول ،بعد كم يوم المسطول رسل ليهو مسطره طويله ومسطره قصيره و استيكه ،مشي لمسطول تاني حكي ليهو الحكايه المسطول طوالي قال ليهو :الزول دا بقول ليك ان طال الزمن وان قصر ..بمسحك ..بمسحك

مسطول شايقى جا ليك فى خواجة فى شارع النيل قام سال الخواجة قال ليه عندك سيجارة خدرا ؟الخواجة قال ليه لا والله ما بتعاطى !!!قام مشا وجاهو قال ليه طيب عندك بيرة ؟الخواجة قال ليه لا والله ما بشرب !!!قام مشا تانى وجاهو قال ليه طيب ياخى ما عندك سيجارة حمرا ؟ قال ليه لا والله ما بسجر !!!!المسطول مسكو ليك من تلابيبو وقال ليه ناااااااااااااااااااااااااان الكافر ليها شنو؟؟

حلفاوين قاعدين يحضرو مسلسل

والزمن داك ماكان في كهرباء في حلفا
بشغلو االتلفزيون بي بطارية العربيه

المهم المسلسل شغال
والجماعه مندمجين للنهاية

فجأة قطعوا المسلسل للاذان

وانتو عارفين الاذان بجر
واحد فيهم قام بحرقه وقال:

ياهو دا الحيطلع %$#$@% البطاريه

Post: #282
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: اشرف السر
Date: 04-14-2011, 04:18 PM
Parent: #281

واحد بتمتم طالع جبل مع اصحابه
وهو طالع بيقول ليهم: ن ن ن ن ن
لمن وصلوا نطق
قال:ن ن نسينا الفحم
قاموا نزلوا
وهم نازلين بيقول: ب ب ب ب ب ب
لمن نزلوا.
نطق قال: ب ب

.
.
.

ب ب بهظر معاكم

مسطول قال لصاحبو: صحي الحكومة حتسلم البشير للمحكمة الجنائية الدولية؟
صاحبو قاليهو : ما ظنيت .. سامعهم بيقولو ما حيسلموه لأنهم ما مشتركين في المحكمة الجنائية
المسطول رد: طيب هسع نحن كل يوم مطقطقننا في النظام العام دا .. نحن مشاركين فوقو !!

Post: #283
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: اشرف السر
Date: 04-14-2011, 04:23 PM
Parent: #282

مساطيل راكبين عربية
واحد قال للتانى : حاسب يا زول قدامك شجرة ...
التانى ما رد عليهو ابنوب
رفع صوتو شوية : يا زول قربت منها شديد
برضو ما رد عليهو
قام صاحبنا يكورك: حاسب قدامك شجــ.... طراخ خبطوا فى الشجرة
زولنا طلع من العربية هايج قاليهو: ما قلت ليك يا مرض ... قدامك شجرة ؟؟؟

التانى رد عليهو : و أنا أعمل ليك شنو
مش إنت السايق !!!

مسطول.. بتاع الحركة قال ليهو: ما رابط الحزام ليه؟ قال ليهو: 'هو أنا بالله لابس بنطلون؟؟'

مسطول جاء داخل بيتهم بالليل....

ابوهو صحي بيه ...

وعمل معاهو مشكلة

وطردو من البيت....وقفل الباب....

قام المسطول كتب علي الباب بي فحمة...
منزل الدكتور خليل ابراهيم

مسطول شايل طبق بيض وماشي .. شاف ليهو قشرة موز
قدامو . قال : أوووف .. كدا طبق البيض اتلحس

مسطول طلق مرتو قامت تلم هدوما قال ليها: زعلتى؟؟؟؟‬

مسطول زعلان من خطيبتوا ,, رسل ليها مسج كتب فيهو ( أنا عملتا حادث ،،،ولا اقول ليك اتوفيت عديييييل,, ارتحتي كدا)

واحد قال لصحبو المسطول: المويه خشت اضاني
المسطول قال ليهو مبروك عقبال الكهربا

مسطول عربيتو وحلت . جا واحد قال ليهو : معاك حبل . رد المسطول : عاشت الاسامي

مسطول دخل الاستاد و الجماهير متحمسة يقولوا : اسي ح يجي القون الاول (جاء القون الاول) شوية قالوا ان شاء الله يجي القون التاني (جاء القون التاني) . المسطول وقف و قال ليهم : يا أخوانا الحضر الكورة دي قبل كدا يا ريت ما يتكلم..

Post: #284
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-16-2011, 07:57 PM
Parent: #283

Quote: بوست شحمان ولذيذ..
وما زال يحبو
اجادعكم بشوية نكات عجبتني..

مرحب اخى أشرف وشكرآ لنكات المساطيل الحلوة،

ـ مسطول سمع المعلق يقول: فاول لصالح رونالدو، قال:اول مرة أسمع انو رونالدو عندو ولد اسمو صالح.
**********
ـ مسطول شديد مشى سلاح المظلات قال ليهم:
داير أعمل مظلة للمرحوم الوالد وكدة.

Post: #285
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-16-2011, 08:09 PM
Parent: #284

Quote: وحدة راجلا مسطول قالتليو السواق دة لازم يتغير سواقتو كعبة دا كان حيقتلني مرتين قاليها ما مشكلة نديهو فرصة تالتة

شكرآ يا عمر،

Quote: فى واحدة حوامة شديد وماحصل كلمت زوجها هى ماشة وين قامت الحاجة ماتت والناس شايلين الجنازة اتلفتوا لقوا ليك زوجها ميت من الضحك قاموا ختوا العنقريب مفتكرين الحاج فكت منو سألوهو بسم الله يا حاج مالك قول بسم الله بتضحك مالك قام الحاج قال اول مره فى حياتى اعرف المرة دى ماشة وين

Post: #286
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-16-2011, 08:12 PM
Parent: #284

Quote: و الله مسطول غيرك مافي....

شكرآ يا أبو جبص،

بس ان كترت عليك الهموم ابقى مسطول.

Post: #287
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-17-2011, 10:34 AM
Parent: #286

Quote: يا أبو حسين وسامية.. المرة الجاية لو جيت المملكة لازم اغشاكم.. بس النكات تكون ليها ترجمة على الشريط زي القطر الاكسبرس عشان العجم ديل يفهموا..

سلام يا عبد العزيز ياخى أبو جبص خاتى ليك كم نكتة بالانجليزى وجاهزة لصاحبك وانت ما عبرتو ،

Post: #288
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-17-2011, 09:52 PM
Parent: #287

سلام ليكم يا الطولتوا الغياب الظاهر عليكم مبسوطين شديد.

أخونا أبو جبص والنكات المترجمة لعل المانع خير،

الاخت سامية حرقتى الترمس ولا لسة،

Post: #289
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: صبري طه
Date: 04-17-2011, 09:57 PM
Parent: #288

سلام يا نجاة ...

وبأهديك أكتر نكتة ضحكتني واحتمال تكون مرّت عليك قبل كدة وهي:-

واحد لقى حبوبتو بتأكل ليها في كاستر قام قال ليها:-
يا حبوبة إنتي ترجفي والكاستر يرجف جهجهتو المعلقة

Post: #290
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-17-2011, 10:28 PM
Parent: #289

Quote: واحد لقى حبوبتو بتأكل ليها في كاستر قام قال ليها:-
يا حبوبة إنتي ترجفي والكاستر يرجف جهجهتو المعلقة

ههههه تسلم يا صبرى،

نهديك نكتة

تاجر بنقو إتقدم لى بنت، أهل البنت سألوهو:
شغال شنو؟
قال ليهم: شغال فنّى تكييف!

Post: #291
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: صبري طه
Date: 04-18-2011, 08:29 AM
Parent: #290

Quote: تاجر بنقو إتقدم لى بنت، أهل البنت سألوهو:
شغال شنو؟
قال ليهم: شغال فنّى تكييف!

تسلمي ...

وهاك دي:
واحد قال لواحد مسطول أدّيني دليل علي إنو الجزرمفيد للنظر ...

المسطول ردّ عليهو: عمرك شفت ليك أرنب لابس ليهو نظارة نظر

Post: #292
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-18-2011, 09:27 AM
Parent: #291

Quote: واحد قال لواحد مسطول أدّيني دليل علي إنو الجزرمفيد للنظر ...

المسطول ردّ عليهو: عمرك شفت ليك أرنب لابس ليهو نظارة نظر

تسلم يا صبرى،

ـ مسطول شايل لوح تلج بنقط...قال والله أموت وأعرف التلج ده مقدود من وين.

Post: #293
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-19-2011, 04:59 AM
Parent: #292

Post: #294
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: نوفل عبد الرحيم حسن
Date: 04-19-2011, 06:26 PM
Parent: #293

شايقي مشى يزور صاحبو في المستشفى لقى مكتوب في الباب (ادفع) قال: ربنا يشفيهو خلاص بشوفو لما يرجع البيت

Post: #295
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-19-2011, 08:35 PM
Parent: #294

تسلم يا نوفل،

وين يا أهلنا الغائيبين ،طولتوا الغياب وحمد لله ألفين علىالسلامة،

وبمناسبة السلامة نديكم نكات،

ـ بت بلدياتنا خطيبها رسل ليها خطاب عاطفى وبين كل فقرة وتانية كتب ليها آه آه، ردت ليهو:
كلامك حلو لكن واحد وخمسين دى ما عرفتها مصاريف ولا شنو؟.
**********
ـ رباطابى يبيع فى حنة، جاهو واحد سألو: دى حنة؟
قال ليهو: ده سد مال.
**********
ـ اتنين مساطيل قاعدين قدام مرايا، الأول قال لى صاحبو:
مش واجب برضو نقوم نسلم على الجماعة القاعدين ديل؟
قال ليهو: واجب برضو.
ولسع حيقوموا راح التانى قال ليهو:
أقعد يا عم أهم جايين علينا أهم.

Post: #296
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-20-2011, 04:36 AM
Parent: #295

سلام لكل الناس الكانت مدبرسة

دي حكمة إن إنقلش
Marriage is a relationship in which one person is always right, and the other is a husband.

مع تحيات المعذبون في الأرض

يا جماعة فرحات وين...؟؟؟؟؟؟

Post: #297
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-20-2011, 07:26 AM
Parent: #296

Quote: سلام لكل الناس الكانت مدبرسة

دي حكمة إن إنقلش
Marriage is a relationship in which one person is always right, and the other is a husband.

مع تحيات المعذبون في الأرض

يا جماعة فرحات وين...؟؟؟؟؟؟

أبو جبص مفكوك ليك وحشة والله بعدين فرحات دا أصلو بتاوق ويمشى أنا عارفة كدا عشان كدا قال ليك المرة دى مصاقرة الكمبيوتر 24 ساعة

أخير ليك جنن تعرفو، الحكمة لكن ما عندك ههههه

بعدين انا أعترف انو ليك نصيب الاسد فى فك الدبرسة .

تسلم، وسلم لينا على الشايقية الارتاحت من شد الترمس وقول ليها تانى مافى عزر ورينا وشك بالله.

Post: #298
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-23-2011, 09:50 PM
Parent: #297

Quote: شايقي مشى يزور صاحبو في المستشفى لقى مكتوب في الباب (ادفع) قال: ربنا يشفيهو خلاص بشوفو لما يرجع البيت

والله قلبك قوى يا نوفل، تجيك سامية شايلة الكنش وتديك طقة جامدة ههههه

رباطاب عندهم وفاة بيحفرو فى القبر، مر بيهم واحد مسطول
قال ليهم:
البكا ده هنا ولا خبر من البلد؟
قالوا ليهو:
خبر الا جينا ندفن التلغراف!!.

Post: #299
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 04-25-2011, 03:59 AM
Parent: #298

وحده سعودية تروي قصتها وكيف كان كيدها:

بدأت الإجازة وقررنا أقضيها أنا وزوجي وأبنائي في سوريا..
سافرنا إلى هناك ... واستأجرنا منزل من إحدى العائلات السورية حيث أنهم يقومون في الإجازة بتفريغ منزلهم إن كان يتكون من أكثر من طابق ويسكنون في طابق ويأجرون الطابق الآخر على السياح .. (من باب الرزق)
مرت الأيام وكانت جميلة وراااائعة ..

كانت العائلة السورية (أصحاب المنزل) عندهم ((فتاة)) جميلة وحلوووووة .. وكانت بين فترة وأخرى تطق علينا الباب وتقول أبي بعض الأغراض من المنزل وتأخذ اللي تبي وتخرج .. المشكلة هنا
بدأت عيون زوجي تلاحقها .. !!!!!!!!!!!!! والفتاة تبتسم له تلك الإبتسامة الساحرة ثم تخرج!!!!!!!!!أأأاخ يا القهر!!!
تطورت الحالة ... وصارت تقابله كل ما خرج ودخل .. وإبتسامة منها وآخرى منه ... ثم كلمة .... إلى أن تعلــــــــــــــــــق ( قلبه ) بها وقرر أن .............................................
(( يتزوجهــــــــــــــا)):
وأتى وأخبرني برغبته في الزواج من تلك الفتاة...!!
صعقت... وصرخت ... وانتقدته...!!!!!!!!!!!!!!!!
ولكنه أصر!!!

قلت: إذن رجعني إلى السعودية .. ثم ارجع وتزوجها .. أما إنك تتزوجها وتاخذها معنا .. فمستحييييييييييل .. علشان الناس تقول : راحت تتمشى .. فتزوج عليها ورجعت !!!((يا شينها تمشيه)))
ويقولون :راح بوحدة .. رجع بثنتين!!!!!!!!!!!!!
قال: خلاص أرجعك السعودية وأرجع..
اتفقنا على كذا..
المهم اليوم اللي قبل ما نسافر فيه .. خرج زوجي من البيت ..
قمت وأخذت عصاااااايه كبيرة(خشبة) وكسرت التحف اللي في بيتهم ودخلت على غرفة يخزنون فيها المخللات .. كسرت كل العلب وكانت كثيرة(يبدو إنهم يبيعون منها) علشان بنتهم الخايسة هذي اللي تبي تاخذ مني زوجي وأنا أتفرج!!
المهم جاء زوجي وشاف الأغراض مكسرة والبيت محووس ..
قال: وش ذا ؟؟ من سوا كذا؟؟
قلت له: هذولي عيالك الله يصلحهم .. طلعت أتمشى شوي .. رجعت لقيتهم حايسين الدنيا .. أحرجونا الله يهديهم مع أصحاب المنزل .. ما أدري شنقول لهم ألحين!!!!
قال: الله يهديهم بس .. خلاص خذي هذي العشرة آلاف ريال وأعطيهم إياها وأعتذري منهم..!! (( عشرة آلاف.. والله ما هي كرم !! بس لأجل عيون البنت))!!!!!
قلت له طيب أبشر.. وقمت حطيت بجيبي تسعة آلاف ..(اللي عمري ما قد حلمت يعطيني إياها) وطلعت لأصحاب المنزل ب1000 وناديت الأم ونزلت معاي على بيتهم بعد الحوسة .. وقامت : تصرخ .. شو هيدا؟؟

قمت أعطيتها الـ1000 وقلت لها : معليش يا حبيبتي سامحيني والله اللي سوا كذا ببيتكم زوجي مسكين عنده حالة نفسية..وعنده صررررع .. ما تركت مستشفى ولا دكتور إلارحت بزوجي عنده علشان يتعالج بس ما فيه فايدة .. وسافرت به كل ديرة قلت : عسى تتحسن حالته النفسية بس ما فيه فايدة كمان .. وأنا جايبته ألحين لسوريا قلت عسى يستانس ويروح عنه المرض بس مثل ما شفتي تصيبه هذي الحالات من فترة لفترة .. ولا يترك شي في حاله حتى أنا يضربني ويضرب عياله.........! وهذي الألف خذيها بدل اللي تكسر في بيتكم ولا يدري إني أعطيتكم شي علشان ما يصارخ ويا خذها منكم لأن كل شي عنده إلا الفلوس ....!!((علشان ما تروح تشكره على الفلوس وينفضح أمري))
قالت: لا عادي يا ألبي الله يعينك عليه ويشفيه ياااارب ..
واليوم الثاني أشيل عفشي وعلى طووووول ع السعودية وأنا مرتااااحة!!!
ولا يمر أسبوع إلا وهو يقول ياللا بأسافر لسوريا..((على باله رايح علشان يتزوجها)
قلت: الله يحفظك.(وأنا متطمنه)

ويروح لسوريا ويروح لأم البنت ويطلب يد بنتها.. قالت: معليش سامحنا والله خطبها ولد عمها وما نقدر نرده..((لأنه كان متفق معاهم إنه بس يرجعني السعودية ويرجع ياخذها وكانوا موافقين بس بعد اللي قلت لهم ارفضوا))
ورجع للسعودية من وقتها.. ونسيها .. ورجعت حياتنا مثل أول وأحسن وكل شي تماااااااااااااااام والحمد لله..

ملاحظة : أذاعندك مصيبة أعطيها إمرأة. إبليس يأخذ دورات عندها لووووووووووووووول J

Post: #300
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ABUHUSSEIN
Date: 04-25-2011, 04:33 AM
Parent: #299

سلام

Post: #301
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-25-2011, 07:53 AM
Parent: #300

Quote: ورجع للسعودية من وقتها.. ونسيها .. ورجعت حياتنا مثل أول وأحسن وكل شي تماااااااااااااااام والحمد لله..

ملاحظة : أذاعندك مصيبة أعطيها إمرأة. إبليس يأخذ دورات عندها لووووووووووووووول J

سلام يا عبد العزيز انا كيدهن لعظيم هههههه

لكن صاحبك يستاهل وعينو طايره فى السما،والحاجة ذكية جدآ ، تسلم

ـ مسطول مشى الحج، قالو ليهو:
قوم طوف وأسعى.
قال ليهم: إنتو مش قلتو كل شئ على البعثة؟!!

Post: #302
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 04-25-2011, 08:18 AM
Parent: #301

سلام
Quote: سلام

واحد مسطول مشى مع جدّو المستشفى، الدكتور سألو:
عمرو كم؟
قال ليهو: والله ما عارف لاكين من زماااان معانا.

تلاتة فيران مساطيل شديد
واحد قال:أنا أشجع واحد فيكم، سمّ الفار بشربو مع الشاى.
التانى قال: وأنا الجبنة باكلها من الشرك.
التالت قال ليهم: عن إذنكم يا جماعة،أن مجكّس لى كديسة!!

Post: #303
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: جمال الباقر
Date: 05-01-2011, 08:05 AM
Parent: #302

نعود مجددا بعد زمن طويل وعودة الباسورد
طبعا البداية من هنا
تراحيب كتيرات بيك يا نجاة
زولة من الزمن الجميل
وطبعا سوري شديد للتاخير نسبة للغيبة وضياع الباسوورد (غايتو ما عارف مني انا ولا منو )لاني غيرت الباسوورد وما حفظتها وبعدها ما قدرت ادخل لحدي ما جاتني الجديدة من بكري ....
ارجو ان يطيب لك المقام هنا
..............

جمال الباقر

Post: #304
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 05-01-2011, 08:45 AM
Parent: #303

Post: #305
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 05-01-2011, 08:50 AM
Parent: #304

Post: #306
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 05-01-2011, 08:59 AM
Parent: #305

Quote: نعود مجددا بعد زمن طويل وعودة الباسورد
طبعا البداية من هنا
تراحيب كتيرات بيك يا نجاة
زولة من الزمن الجميل

سلام يا جمال الباقر شرفتة البوست وشكرآ للترحيب ، وين اراضيك ؟؟

تسلم والبيت بيتك، كفارة سلامة الباسورد حقك والبركة فى العودة.

Post: #307
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 05-01-2011, 09:09 AM
Parent: #306

مراحب يا ود عيسى ، تسلم ومشكور للاضافة الحلوة ، تسلم.

Post: #308
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 05-01-2011, 09:32 AM
Parent: #307

Quote: مراحب يا ود عيسى ، تسلم ومشكور للاضافة الحلوة ، تسلم

تسلمي وضيوفك

الله يخليك

Post: #309
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: جمال الباقر
Date: 05-01-2011, 09:49 AM
Parent: #308

مسطول1 ... انت صحي هيثم مصطفى اخو فيصل العجب ؟؟ !!

مسطول 2 .... لا ياخ ..تشابه اسماء ساكت

Post: #310
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 05-01-2011, 04:25 PM
Parent: #307

Quote: مراحب يا ود عيسى ، تسلم ومشكور للاضافة الحلوة ، تسلم

تسلمي وضيوفك

الله يخليك

Post: #311
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 05-01-2011, 06:21 PM
Parent: #310

تبدأ القصة عندما كان رئيس صندوق النقد فى زيارة للسودان
واثناء مروره في احد شوارع الخرطوم وقف رجل بائس “رث الثياب وراح ينادي بأعلي صوته : امريكا لله لله ....
وبالطبع كان الرجل شحاتا ويطلب الإحسان مر الموكب بسلام وعاد الرئيس الي واشنطن وجلس مع مساعديه يقيم نتائج الزيارة ثم شرد بذهنه لوهله
سأله احد مساعديه : سيادة الرئيس هل انت بخير
سكت لبرهة ثم قال : اثناء مروري في الخرطوم كان هناك رجل ينادي باسمي ثم يقول امريكا هل فهم احد ما كان يقول
اجاب مساعد آخر : نعم سيدي انه فقط كان يريد منك مساعده مالية
قال حسنا نحن نعتبر هؤلاء اصدقاء لنا ودائما مؤيدين لنا فلم لا نساعده
وامر بإرسال مبلغ 100 الف دولار مساعدة شخصية منه للمواطن المذكور
بعده بأيام وصل المبلغ مع مندوب الي رئاسة الجمهورية بالسودان مع توضيح الغرض بأن هذه قيمة المساعده من رئيس صندوق النقد لذلك المواطن السودانى
وعلي الفور قامت رئاسة الجمهوريه بالتحري لمعرفة المحافظه والمدينة التابع لها المواطن المذكور
وبمجرد التأكد قامت بإرسال مبلغ 25 مليون جنيه سودانى بالقديم (من أصل 100 الف دولار) الي المحافظه التابع لها المواطن المذكور
بدورها قامت المحافظه بإرسال مبلغ 10مليون جنيه الي المدينه التابع لها المواطن المذكور
ومباشرة ارسل رئيس المحلية مبلغ مليون جنيه الي مأمور قسم الشرطه التابع له الموظف المذكور
فقام المأمور ونادي علي ضابط برتبة ملازم أول واعطاه مئة الف جنيه هي قيمة المساعده التي قررها الرئيس للمواطن المذكور
خرج الضابط ونادي علي العسكري وقال له : هل تعرف بيت فلان
قال : نعم اعرفه
قال حسنا هذه عشرين جنيها اعطه اياها هي قيمة المساعدة التي قررها رئيس الصندوق الدولى للمواطن
ذهب العسكري الي منزل الرجل مهرولا ودق الباب
خرج الرجل بثيابه الرثه المعتاده وشعره المنكوش وعيناه الجاحظتان وقال :مين
قال العسكري انت فلان الذي كنت واقفا يوم كذا وطلبت مساعده من رئيس صندوق النقد
رد الرجل : ايوه بتسأل ليه.. قام العسكرى ضرب المواطن كف
قال: فضحتونا مع الضيوف الاجانب ... عموما رئيس الصندوق بيقولك ( الله كريم )

Post: #312
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: ساميه حامد
Date: 05-01-2011, 09:42 PM
Parent: #311

سلام يا نجاة

قلنا نسلم لحدي ما نروق ونرجع ليكم

إستعد يا نوفل الكنش في اليد

Post: #313
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 05-02-2011, 09:00 PM
Parent: #312

Quote: إستعد يا نوفل الكنش في اليد

ههههه يا سامية رجعتة أفتش فى مداخلة نوفل ، وبينى وبين نفسى بقول ياربى نوفل دا عمل شنو لسامية لحدى ما ترفع ليهو الكنش بعد داك ضحكتة تانى على النكتة بتاعة نوفل، تسلموا انتى ونوفل .

شايفاكم كترتوا الغياب اها الجبص وفكوهو تانى الشاغلك شنو؟؟؟؟؟؟؟؟؟؟

كدى أصبروا بديل لحدى ما نجيكم تانى:

ـ واحد بنى بيتو فى شكل دائرى لمن سألوه عن السبب قال عشان مرتى ما تقول لى حابسنى بين أربعة حيطان.

**********
ـ مسطول قال لى صاحبو:
أنا حلمان اننا بقينا فنانين، انت فنان تشكيلى وأنا فنان أشكيلك.

Post: #314
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Nagat Sid Ahmed Elshiekh
Date: 05-03-2011, 07:32 AM
Parent: #313

الاستاذة سامية اوعك من الكنش جايك نكات مشلخة شايقى،

كدى فى الأول نيك نكتة عربية بعد داك نجيك للشايقية

ندّيكم شويّة طرائف عربيّة:
ـ وقف أعرابى معوجّ الفم أمام أحد الولاة فألقى عليه قصيدة فى الثناء عليه
إلتماسا لمكافأة، ولكن الوالى لم يعطه شيئا وسأله:
ما بال فمك معوجّا؟
فردّ الأعرابى:
لعله عقوبة من الله لكثرة الثناء بالباطل على بعض الناس

Post: #315
Title: Re: ان كترت عليك الهموم أضحك ونوم ..دعوة للترفيه ( مطلوب مشاركة المدبرسين والمبسوطين)
Author: Abdlaziz Eisa
Date: 05-03-2011, 12:11 PM
Parent: #314

Quote: شايقي مشى يزور صاحبو في المستشفى لقى مكتوب في الباب (ادفع) قال: ربنا يشفيهو خلاص بشوفو لما يرجع البيت

Quote: كدى فى الأول نيك نكتة عربية بعد داك نجيك للشايقية

عزيزتي نجاة وضيوفها

سلام
شايقي, رباطاب و.. و... في عصر شديد على الناس ديل
ياريت لو تتغير لي: واحد جلدة.. واحد مسيخ.. واحد..

جنبي زول شايقي الكلام ده حارقوا شديد واقنعني برأيو ده..

لكم مودتي