هل سودانيزاونلاين محوّر حياتك (توجد استمارة خُم وصُر)

1) هل كلما قرأت او سمعت عبارة اعجبتك تمنيت انك تقشر بيها في سودانيزاونلاين

2) هل اذا رأيت قطة ضاربة منكير بتفكر تفتح بيها بوست

3) هل فكرت يوما ان تلتحق بكورس تقوية في السب العلني والضمني للحاق بركب فتوات المنبر

4)هل وانت بتشيل في الفاتحة في بكاء حاار جاء في خاطرك انه عبد الماجد الصايم عميل مستتر تقديره هو!

5)او في عز الاجتماع في العمل وبدون مناسبة اتذكرت طارق جبريل وقعدت تقرقر وفجأة اتذكرت فلان داك واتقلب لونك وطردوك من الاجتماع ونصحوك بمراجعة طبيب نفسي

6)هل كلما تشوف الصورة دي


بتتذكر دينا خالد

7)وهل كل ماتقول المهم بتقول" ياقول تبارك" مراعاة لحقوق النشر!

8)هل تعي جيدا ان مناضلي مضاف والكيبورد مضاف اليه ؟اذن اعرب جملة مجاهدي الكيبورد موضحا اجابتك بالرسم!

9)هل اذا سمعت ليك طرف خبر بتلفحه لنيل السبق الصحفي داعيا المولى انه ما يسبقك عليهو زول؟

) هل كلما قرأت او سمعت عبارة اعجبتك تمنيت انك تقشر بيها في سودانيزاونلاين

زنقه زنقه اى زول ماعندو موضوع لقى ليهو موضوع فى زنقه زنقه وبقت عناوين رسميه للبوستات

عالم عايزه تكتب وخلاص

تسلمى ياعرفه

10)هل تمنيت ان تكون في ال سي آي ايه او حتى الموساد عشان تقدر تجمع كل المعلومات عن خصمك في المنبر للاستعراض بعضلاتك في المنبر اذا استدع او لم يستدع الأمر!


11)هل تنتحل شخصية المحقق كونان وشايل عدسة ولو زول كتب السلام عليكم بتقول اممممممممممم اكيد مسروقة !


12) هل سودانيزاونلاين هي قناة الترفيه الوحيدة في حياتك ومابتعرفش قنوات تانية عليها ؟ على رأي المنبر يا مأمن الاعضاء يا مأمن المّية في الغربال؟

السلام عليكم

يا عرفة عزا البورض هيّن .. لما أمشي البكيات عديل
الجماعة بجازفوني سريع سريع عشان القصة ما تجوط!!!

Quote: الجماعة بجازفوني سريع سريع عشان القصة ما تجوط!!!

هي لكن
لو بتمشي بخلقتك الفي الصورة دي
الميت زاتو بدق جرس

مشتاقين يا شلاضيم

مازن الجمّال دا منو؟

Quote: مازن الجمّال دا منو؟

بري ,, يطرشني

ابو حسين

وعليكم السلام

حمدالله على السلامة

عزيزي القارئ اذا كانت اجابتك دستة كاااملة

فسودانيزاونلاين محور حياتك خُـــم وُصـــر





مازن

منال

حبابكم عشرة
جيبو مواعين وتعالوا

Quote: ابو حسين وعليكم السلام حمدالله على السلامة

الله إسلمك و إحفظك من كل شر

عرفة سلام ليك وألف تحية.

إستطلاع جيد...بس لابخم ولابصر.

هل بتنقل ما تقرأ فى نقاشاتك ألأجتماعية ألأخرى إذا لم تجد عضو يشاطرك النقاش؟؟..كده خم وصر والله يكون فى عونك.

سودانيزأونلاين مجتمع لذيذ يكفى أنه يضم أمثالك...تحياتى وأحترامى.

Quote: 5)او في عز الاجتماع في العمل وبدون مناسبة اتذكرت طارق جبريل وقعدت تقرقر وفجأة اتذكرت فلان داك واتقلب لونك وطردوك من الاجتماع ونصحوك بمراجعة طبيب نفسي

اها جابت ليها شيل حال كمان





يا بتنا كيفنك ياخي

بر

Quote: هل فكرت يوما ان تلتحق بكورس تقوية في السب العلني والضمني للحاق بركب فتوات المنبر

انا بالزات مافكرت ياعرفه
لانو لو وصلت مرحلة السب العلنى مع فتوات المنبر ساعته على الدنيا السلام وما بكون المهرة بت صالح

رغم انو فى ناس بتبارينى من بوست لبوست منتظرين منى كلمة لكن بعد السماء من الارض
ادخل معاهم فى مهاترات وبعتبر ده نقص فى الانسان او غيرة او حسد
ماتعرفى الحاصل شنو غايتو

عرفه بوستيك جميل واصلى فيهو ,,,

Quote: 12) هل سودانيزاونلاين هي قناة الترفيه الوحيدة في حياتك ومابتعرفش قنوات تانية عليها ؟ على رأي المنبر يا مأمن الاعضاء يا مأمن المّية في الغربال؟

تعرفي في بلد المطرة دي بس ياهو سوداينزاولاين

انا عندى ربو وعادة ما بقدر اطلع ولا انوم بالايام لاني بستخدم ادوية عشان كدا

اها دي قناة الترفيه...


اما مآمنة الاعضاء دي كان زمان خالس خالس

سلام يا عرفة و عبرك لسيف و العيال ..

و يا عرفة سودانيز أون لاين دي ( وهمة ) كبيرة خلاس ..

زمااااانك لما كنت من ضمن ( كوكبة ) القراء الأعزاء .. كنت بشوف ليك الناس البتكتب هنا دة زي صفوة الصفوة وزيادة .. و الغريبة رغم إنو كان في كتابات شينة لكن الواحد برضه كان متابع و مستمتع و بتخيل ليهو الحكاية فيها تثقيف و كدة ..

لما دخلت سودانيز أون لاين عملت ليك تسخينة شوية و هبشت ليك في الحكومة و النظام حبة .. حبة الجماعة شبكوني ليك يا مناضل و يا دين حجر لآمن شعرت ليك إني جيفارا ذات نفسو .. و الغريبة رغم إني كنت متفلت في الكتابة حتى عن الرئيس شخصياً مافي زول من ناس الحكومة و اللا من مناصريها سمعني كلمة فارغة أو إساءة أو شتيمة أو كلام قلة أدب !!

حينما أعلنت إنضمامي للمؤتمر الوطني كخيار كنت أتوقع إحترامه من الذين تخندقت معهم ذات يوم سمعت من الإساءات و النعوت و الشتائم و قلة الأدب ما لا تتفوه به ( فاتية ) و ما تعف عن ترديده حتى ( شيخات الأنادي ) و للأسف كان ذلك ممن يحسبون أنفسهم ضمن دعاة الديمقراطية و إحترام الرأي المخالف !!

الناس في سودانيز أون لا ين تتخاصم و تتقاتل و هم لا يدرون أن سودانيز أون لاين هي وهمة كبيرة و حراق روح ساكت ..

صديقي المعارض الكبير الذي يكتب هنا و كان من الناشطين في الكتابة بدرجة ملحوظة .. عاد من السودان مؤخراً وهو في قمة الإحباط .. حينما سألته عن سبب ذلك أجابني بأنه كان يظن أن لسودانيز أون لاين وجودها في الشارع السوداني أو حتى في الشارع العاصمي و أن لكتاباته صدى .. لكنه أحبط تماماً حينما سأل و سال وسط فئات مختلفة من المتعلمين عن سودانيز أون لاين فكان الرد صادماً و محبطاً له أن الغالبية العظمى ممن سألهم لا يعرفون عن سودانيز أون لاين و ( موهوميها ) التكتح !! أحبط هذا الصديق و لم أعد أقرأ له سوى مداخلات ( بطنها طامة ) ..

و مع ذلك يا عرفة فهناك من يجعل سودانيز أون لاين تحكم مسار حياته كما الشيطان ..

الله يشفينا و يشفيهم ..

الاجابة: لا









(ملحوظة: نعم كان زمان)

انا اجابتي زي اجابة اختي تماضر دي.

البوست ده يبشر بمستقبل واعد..أمسكى فيهو قوى أخت عرفة..وبالله وأطلبى نقله عشان ألأرشفة..فى ناس ممكن تجى تتنفس هنا وترتاح.

هذا المنبر بالنسبة لى وسيلة تواصل إجتماعى أحيانآ وأعبر فيهو عن رأى بحرية.

أجد فيه ما لم أجده فى غيره من المنابر.

ما بتقريف ليهو زى بعض الناس..والواحد يصل مرحلة ألأدمان عديل كده..

بلقى فيه الصالح والطالح ويدخل أضحك على بعض الناس وأستفيد من البعض ألأخر..فى ناس بتغاظ وأرد عليهم بحرقة وبمسح ما أكتب آخر لحظة حتى لا أعرض نفسى لآساءة من أحد مارق نفسه للربا والتلف.

إحترامى وتقديرى.

Quote: محمد عبد الماجد الصايم

Quote: يا عرفة عزا البورض هيّن .. لما أمشي البكيات عديل الجماعة بجازفوني سريع سريع عشان القصة ما تجوط!!!

انا قصدت يااا خالك
انه في احلك الظروف" بيت البكاء مثالاً" هل ممكن تتطرأ على بال بورضابي لا علاقة لك به فجاءة بدون سبب ؟
باعتبارك شخصية شبه محورية في البورض واسمك من النوع المألوف واذا قسمنا البورضجية لمجموعات:

سياسية

ثقافية

أادبية فنية

تجارية

منظراتية

تراجيدية نكدية

كوميدية

متشردين

فتوّات

أمنجية

زئبقية مائية او سحالي " من سحلية تتلون حسب الارضية"

براعم

مُسنين

نسوية

انت حتتصدر المجموعةالكوميدية بلا منازع
والدليل اهو الناس لو شافوك في بيت بكاء بيختلط عليها الفرح من الترح

يازول قرقر محدش واخد منها حاجة


نوّرت البوست

ismeil abbas


عرفة سلام ليك وألف تحية
إستطلاع جيد...بس لابخم ولابصر

الكلام الفوق ده مفروض انه اقتباس حلف باغلظ الايمان ما يُقتبس


تحياتي اخي اسماعيل

الخم والصر هنا للآتي ذكرهم :

طالب/طالبة علم : ده اذا عنده ماستر او بحث او ساعي لشهادة علمية مع ادمان سودانيزاون لاين مااا ظنيت ح يقدر يوفق بينهم الاتنين يعني كل ما ح يكتب بوست او مداخلة ح يقعد حارسه صباح ومساء وبالتالي لا وقت لأي اجندة اخرى وكمان لو البوست فيهو مُلاكمة ح يكرس باقي حياته في ارض المعركة يا قاتل يا مقتول

ربة منزل وام : وقتها لايكفي لاكثر من مُربية وخادمة ومدرس خصوصي وزوجة موووتفانية لو ادمنت سودانيز اونلاين ياهو الاولاد مستواهم اتأخر في المدارس والبيت جاط والزوج تململ

موظف /موظفة: (السواد الأعظم) وهناك وظائف ومهن لو اصبح الموظف مدمن سودانيزاونلاين مستقبله العملي مهدد بال..شنو كدة ما عارفة

عاطل /عاطلة عن العمل : عمره ما ح يحس انه عاطل وحتسرقه السكينة

مدسوس / ة سياسي: وده بقى ح يخم كتير منصب في وزارة او حتة ارض في كافوري فرع بانقا او منحة حكومية او شاكوش مُعتبر

شاكرة مرورك

سلامات ياعرفة
والتحايا كما تجب

للأمانة سودانيز دي كانت بتشكل حاجة كبيرة جداً لي في الغربة وده طبعاً شئ طبيعي خالص خصوصاً في غربة زي غربتي ديك
والواحد كان بخش المنبر فرض عين عديل لكن بعد عودتي الموضوع ده بقي عادي وممكن ما أدخل المنبر لأيام كتيرة
لأنو جد زحمة اليومي هنا والإنشغال بتفاصيل التفاصيل بتمرق الزول من أيتها (كماليات) النت طبعاً هنا كماليات وكدة
تحياتي ياعرفة

Quote: Tumadir

استاذتنا القديرة

القومة ليك وتعظيم سلام

مبروك...
طالما افتكيتي من قبضة سودانيزاولاين ده انجاز ما ساهل اكيد وفرتي الكتير من الوقت والجهد الذهني وعايشة حياة عادية ..

"ها جابت ليها شيل حال كمان"

جبريلا

سلام مُربع
نحنا نشيل هم.. نشيل حمل.. نشيل شيلتنا.. الا الحال ده ما بنشيله

وبعدين لما تجي سيرتك على بال اي بوردابي ويبتسم او يضحك في مكان غير البورد معناها انك شخصية مؤثرة ولك مساحة في القلب والخاطر

وبما انك ذرفت دموع على ساحل هذا البورد وكان البورد كله او معظمه اعين صاغية للجوعير والنخجي تبعيتك (باللبناني) بالتالي هو قطب اساسي في حياتك

تشكراتي يا اخي

Quote: منال

Quote: رغم انو فى ناس بتبارينى من بوست لبوست منتظرين منى كلمة لكن بعد السماء من الارض ادخل معاهم فى مهاترات وبعتبر ده نقص فى الانسان او غيرة او حسد ماتعرفى الحاصل شنو غايتو

اهلاً منال مرة اخرى
احسن حاجة انه الواحد ما ينجرف وراء المهاترات لانه في النهاية بلقى نفسة انجرف في مستنقع ضحل صعب الفكاك منه والاحسن كمان انه يتجنب الاتيان بكلام حمال اوجه ولا يعطي لقراء ما بين السطور فرصة للتهاتر او الانتقاد ومن ثم الترصد ....
لمرأة يا منال كل تصرفاها تحت مجهر المُجتمع داخل قالب مُغلق شفاف اي نعم مسموح لها بالتعبير عن نفسها في نطاق محدود على ان لا تخرج عن سيناريو موضوع لها بعنوان الحياء وما شابه ذلك واللي هو خشم بيوت وامر نسبي وتظل مشاعرها بين مطرقة بثها وسندان كتمانها وكلما بخلت بذلك كلما استحسن المجتمع ذلك وصفق لها ومهما ادعينا التمدن يا منال فهذا هو تفكير الاب والاخ والزوج،
قالت الدكتورة نوال السعداوي ..

Quote: "ان نجم الرجال اكثر سطوعا في مجال الادب لأنهم تخطوا مراحل كثيرة حياتية كانت مُتاحة لهم قبل النساء اللاتي كن في حاجة الى وقت اطول ونضال اكبر للسماح لهن بالتعبير عن انفسهن "

ولو اني قاعدة اعكس في شارع البوست الا اني قرأت موضوع مؤلم في هذا الرابط عن المرأة والمنتديات [ URL]http://alagidah.com/vb/showthread.php?t=5958[/URL]

وشوفي نحن المساحة المفرودة لينا في هذا المنبر قدر كيف على الاقل متاح لنا ب هههههههههههههههههه او قرقرقرقر ولو علمانية خالص ممكن تتمردي وتكتبي كاااااك فاكتبي عزيزتي ماشئت وتجنبي كل ما قد يصيبك برزاز التربص ولا اعتقد ان التربص سببه الغيرة منك بقدر ما هو غيرة عليك
احييك على صفاء سريرتك

السلام عليكم يا عرفة

Quote: طالب/طالبة علم : ده اذا عنده ماستر او بحث او ساعي لشهادة علمية مع ادمان سودانيزاون لاين مااا ظنيت ح يقدر يوفق بينهم الاتنين يعني كل ما ح يكتب بوست او مداخلة ح يقعد حارسه صباح ومساء وبالتالي لا وقت لأي اجندة اخرى وكمان لو البوست فيهو مُلاكمة ح يكرس باقي حياته في ارض المعركة يا قاتل يا مقتول ربة منزل وام : وقتها لايكفي لاكثر من مُربية وخادمة ومدرس خصوصي وزوجة موووتفانية لو ادمنت سودانيز اونلاين ياهو الاولاد مستواهم اتأخر في المدارس والبيت جاط والزوج تململ موظف /موظفة: (السواد الأعظم) وهناك وظائف ومهن لو اصبح الموظف مدمن سودانيزاونلاين مستقبله العملي مهدد بال..شنو كدة ما عارفة عاطل /عاطلة عن العمل : عمره ما ح يحس انه عاطل وحتسرقه السكينة مدسوس / ة سياسي: وده بقى ح يخم كتير منصب في وزارة او حتة ارض في كافوري فرع بانقا او منحة حكومية او شاكوش مُعتبر

الخم هنا حاصل بشكل وبآخر
على رغم اشتراكي في العديد من المنتديات ذات التخصصات المختلفة
إلا أنني اهتم بسودانيز أون لاين اهتمام خاص
واعتقد أنه الأعلى قدحا في المنتديات السودانية في تشكيل الوعي السياسي والاجتماعي للناس
وهذا بالطبع لا ينفي السلبيات الكثيرة الموجودة فيه
والتي من أهمها غياب آداب الحوار

تحية ياعرفة ياخ

Quote: عزيزي القارئ اذا كانت اجابتك دستة كاااملة فسودانيزاونلاين محور حياتك خُـــم وُصـــر

والله شغلك ده ضرب تحت الحزام عديل

غايتو ما تتوقفي حبل السوط وصل ولا زم توصلي البوست ده دستة

شكرا للفنتازيا النقدية

*

Quote: د.نجاة محمود

Quote: تعرفي في بلد المطرة دي بس ياهو سوداينزاولاين انا عندى ربو وعادة ما بقدر اطلع ولا انوم بالايام لاني بستخدم ادوية عشان كدا اها دي قناة الترفيه...

اولاُ الف سلامة ليك من الربو عافاك الله

سودانيزاونلاين ممكن تكون قناة منوعات شبه شاملة وممكن تكون بديل افضل عن للميديا لأنه الشخص بيتفاعل مع الغير وليهو دور على عكس قنوات الترفيه اللي بيكون فيها مُتلقي فقط...

لكن احيانا في بعض البوستات التفاعل فيها بيتحول لمفاعل و بتحاصر الواحد وتخليهوا مرابض لفترات طويلة يطلع بعدها بحصيلة لا بأس بها من التوتر

و بالتالي تتحول من قناة ترفيه الى قناة تنكيد ...... ويبحث عن مخرج ويلف ويرجع لسودانيز

سرها باتع

تشرفت بزيارتك يادكتورة

Quote: عصام دهب

Quote: الناس في سودانيز أون لا ين تتخاصم و تتقاتل و هم لا يدرون أن سودانيز أون لاين هي وهمة كبيرة و حراق روح ساكت

سلام يا دهب


والناس في الدنيا بتتقاتل وتتخاصم متجاهلين انه الدنيا اكبر وهمة وآخرتها كوم تراب لكن بتعيش الحياه بكل صراعاتها ووهماتها لحدي آخر نفس

Quote: صديقي المعارض الكبير الذي يكتب هنا و كان من الناشطين في الكتابة بدرجة ملحوظة .. عاد من السودان مؤخراً وهو في قمة الإحباط .. حينما سألته عن سبب ذلك أجابني بأنه كان يظن أن لسودانيز أون لاين وجودها في الشارع السوداني أو حتى في الشارع العاصمي و أن لكتاباته صدى .. لكنه أحبط تماماً حينما سأل و سال وسط فئات مختلفة من المتعلمين عن سودانيز أون لاين فكان الرد صادماً و محبطاً له أن الغالبية العظمى ممن سألهم لا يعرفون عن سودانيز أون لاين وموهوميها التكتح !! أحبط هذا الصديق و لم أعد أقرأ له سوى مداخلات (بطنها طامة)

صديقك المعارض يا عصام كان يكتب من الضفة الثانية.. بعــــــــيد من الشارع السوداني ،

وما اسهل الكتابة في مناخ مُترف مُترع بالكماليات

صديقك بيكتب لفئات تحاصرها طبول اعلام النظام : مجموعة طبول تقرع ايقاعات عالية تسد آذانهم عن سماع اي اصوات اخرى لا تتماشى مع ايقاع النظام ولاتخدم مصالحه في البقاء
تخيل طبول تقرع في الروضة و المدارس الابتدائية وكل المراحل التعليمية وبيوت الله واللجان الشعبية وناس الخدمة الالزامية والزاويات وحلقات التحفيظ وكل المؤسسات الحكومية والاعلامية .....
بيكتب لفئات مطحونة لا حول لها سوى الانين سرا خوفا من ترويع كلاب النظام وما ادراك ما كلاب لنظام


صديقك المغترب ومهما كان غيور وغيري اهو اسمه غريب او بعيد ومجهول من الشارع السوداني المشغول في نفسه

ودي طبعا ما تُعتبر دعوة للطيور المهاجرة للعودة للوطن والنضال من الداخل لاشباع بطون بيوت الاشباح التي لا تشبع ، ولا لمواجهة مصير كل معارضين الداخل المارقين بقد القفة ..
وبرضو ما دعوة لصديقك بالتوقف نهائيا عن الكتابة قد يجي يوم وصوته واصوات مثله تفوق اصوات الطبول ..


في رائي انه سودانيزاونلاين لو سيد الحوش فتح الباب ضلفتين واستقبل ا عدد اكبر من الاقلام حتما حيكون صداها اكبر وكيانها ملموس وحقيقة ليست وهمة


لسان حالك بيتساءل (هو البيه في الاتحاد الاشتراكي؟؟)

تحياتي للفارس دهب الصغير اخواته والمدام ولك

Quote: 1) هل كلما قرأت او سمعت عبارة اعجبتك تمنيت انك تقشر بيها في سودانيزاونلاين

السلام عليكم
هذه تنطبق علي تماما

____________________________
بس انا زعلان لانو في صاحبنا كده قاعد يعتل في البوست ده ليهو كم يوم و ما في زول عبرو نهائي.

Quote: بس انا زعلان لانو في صاحبنا كده قاعد يعتل في البوست ده ليهو كم يوم و ما في زول عبرو نهائي.

Quote: Mahjob Abdalla

بالرغم من انه المداخلة دي كانت ماشة بوست المُطاعنه اياه وضلت طريقها لكن ح نمشيها

شرفت البوست

لا يا عزيزة
اخوك مشاتر لكن ابدا ليس بطعان
المشاترة في انها اول مداخلة لي معك و لكن قلنا نمزح مع الهبيب سيف

Quote: سلامات ياعرفة والتحايا كما تجب للأمانة سودانيز دي كانت بتشكل حاجة كبيرة جداً لي في الغربة وده طبعاً شئ طبيعي خالص خصوصاً في غربة زي غربتي ديك والواحد كان بخش المنبر فرض عين عديل لكن بعد عودتي الموضوع ده بقي عادي وممكن ما أدخل المنبر لأيام كتيرة لأنو جد زحمة اليومي هنا والإنشغال بتفاصيل التفاصيل بتمرق الزول من أيتها (كماليات) النت طبعاً هنا كماليات وكدة تحياتي ياعرفة

سلام يا خضر

المنتدى ممكن يكون وسيلة فعالة التأثير للهروب من واقع ما ، حاجة لسد فراغ الغربة ، مرحلة وبتعدي اثناء هذه المرحلة بتتكون علاقات اجتماعية وبتتخلق ارضية مشتركة بينك وبعض الاعضاء تحب انك تتابعهم وحتلقى نفسك تلقائيا متواجد حيث تواجدهم بالمنتدى .. لذلك صدقت لما قلت انك بتغيب وترجع ليهو يعني عندك فيهو طوبة
لكن البقول ليك طلقت المنتدى بالتلاتة وما عندي فيهو طوبة قاعد يدخل مُتخفي وبيكابر
يازول كمية الناس العايزين باسوورد وواقفين خلف اسواق بكري بالآلاف والمنبر هو البوابة الاسفيرية الأساسية بالنسبة ليهم وراجين المدد






شايف مادين ايديهم كيفن شفقة شديدة

سودانيز عالم جميل

خالص تقديري ليك يا خضر

Quote: هل سودانيزاونلاين محوّر حياتك

Hell Noooooooooooooo

Quote: Hell Noooooooooooooo

3362 مشاركة ليك في اربعة سنوات يعني
سنويا 84 مشاركة
وشهريا سبعة مشاركات
واسبوعياً نقول مشاركتين

شوية والله ليك حق تقول
no مرفوعة للقوة اربعتاشر

جعفر محي الدين

Quote: اهتم بسودانيز أون لاين اهتمام خاص واعتقد أنه الأعلى قدحا في المنتديات السودانية في تشكيل الوعي السياسي والاجتماعي للناس

الاخ جعفر
لك التحية


...هو الاعلى قدحا لأنه جامع لعدة فئات

فئة سهل سقوطها بين براثن المنبر.... اجتماعية .. شغوفة بكل ما هو جديد كل يوم معلومة .. وخبر جديد ومصطلح جديد ..ووجوه جديدة.. مشاكل.. وترفيه ...الخ

فئة المسغفاتية و الباحثين عن الاثارة العقلية (وفي ناس المنبر ده بالنسبة ليهم زي قناة الجزيرة اخبار فقط )


وفي البيمتلك طاقات ادبية كامنة لازم يشارك بيها ويتوقع النقد والثناء

ولا ننسى مندوبي توزيع الاجندات الفكرية

مجتمع متعدد




شاكرة مرورك

عرفة أم نضاره

كيفك تعرفي أنابكون ساكن عديل في المنبر من الصباح لحدي النوم

Quote: 3362 مشاركة ليك في اربعة سنوات يعني سنويا 84 مشاركة وشهريا سبعة مشاركات واسبوعياً نقول مشاركتين شوية والله ليك حق تقول no مرفوعة للقوة اربعتاشر

عرفه ازييييك

ياخ والله خجلتيني بحساباتك دي اتاريني ساكن فيها وما داريها.

الحالة دي اخدت لي حردة زي سنة كده.(وجه اخدر خجلاان)


لكن بالجد ما شغال بيها الشغلة.

Quote: عرفة أم نضاره كيفك تعرفي أنابكون ساكن عديل في المنبر من الصباح لحدي النوم

زهير ابو كرافتة
حبابك يا اخوي

بالله انت البتتكلم عنه الصورة دي




يازول مبروك الاعتراف سيد الادلة

وسودانيزاون لاين غير ما ح تضيف ليك ما حتنقص منك

شاكرة مرورك

سلام عرفه...

في مره مشيت المستشفى في واشنطن دي سي.....وسلمت ورقي للممرضه وقعدت منتظره...بعد شويه جات الدكتوره مقدمه المريض الكان معاها ومن كلامها معاه عرفت انه عنده (بواسير) بس انا اتفقعت بالضحك الهستيري المستمر........ طبعاً اتذكرت بوست طارق جبريل ولمن فتحت عيوني من الضحك داك ..لقيت الممرضه تبحلق فيني........ وقالت لي بي صوت خافض ....انتي متأكده انك في المكان الصاح؟ ......تصدقو .....!!!! اَخرتها دايرين يطلعونا مجانيين ولا مدمنيين........ ومن اليوم داك بلاوز من بوستات الزول ده.... 

سلام يا عرفة..

تعرفي كل الأسئلة الفوق دي إجابتها عندي لا.. و كنت عارفة انو لا من العنوان حتى.. لأنو عادي ممكن أبعد من هنا شهور طويلة و ما أحس انو فايتني شيء..

لكن بالرغم من كدا أشعر بالامتنان للمكان دا.. لأنه عرفت فيهو صداقات حقيقية و بعتبرو زي أي مجتمع.. فيهو الصالح و الطالح.. الصديق و غير الصديق..

و كمان لأنو بيخليني مواكبة شوية لمجتمعنا و تعقيداته.. و حتى لأخباره و تطورات الأحداث فيهو

لكن محور؟ لا و لا حتى أحد المحاور!


مودتي و احترامي

Quote: في مره مشيت المستشفى في واشنطن دي سي.....وسلمت ورقي للممرضه وقعدت منتظره...بعد شويه جات الدكتوره مقدمه المريض الكان معاها ومن كلامها معاه عرفت انه عنده (بواسير) بس انا اتفقعت بالضحك الهستيري المستمر........ طبعاً اتذكرت بوست طارق جبريل ولمن فتحت عيوني من الضحك داك ..لقيت الممرضه تبحلق فيني........ وقالت لي بي صوت خافض ....انتي متأكده انك في المكان الصاح؟ ......تصدقو .....!!!! اَخرتها دايرين يطلعونا مجانيين ولا مدمنيين........ ومن اليوم داك بلاوز من بوستات الزول ده....

منال

ازيك
اتهام بالجنون

اها ده ياهو الخم والصر البنقول عليهو ذااتوا
ولِسة

نورتي البوست يا منال

Quote: والله شغلك ده ضرب تحت الحزام عديل غايتو ما تتوقفي حبل السوط وصل ولا زم توصلي البوست ده دستة شكرا للفنتازيا النقدية

الاستاذ/ القدير

آدم صيام

تحية واحترام

ما ضرب تحت الحزام بقدر ما هو استطلاع رأي او انتزاع اعترافات

انا شخصياً في فترة من الفترات كل ما انتبه لقضية ما كنت بفكر في طرحها للنقاش في المنبر وبعد شويه تتلاشى الفكرة من الاساس بسبب المشغوليات والآن المشغوليات فقط هي الحائل دون السكن داخل سودانيزاونلاين ولن ادعي انها لا تعنيني لأنه فيها اقلام تستحق ان نتقفاها وفيها وفيها ...
حاولت اكتب بلغة تجاري كلمة " فنتازيا"

بالمناسبة هي يعني شنو فنتازيا !! نقدية هينة

شرفني وجودك هنا

Quote: تحية ياعرفة ياخ

رايوة العزيزة

سعيدة بهذه الغشوة السريعة

Quote: انا بالزات مافكرت ياعرفه لانو لو وصلت مرحلة السب العلنى مع فتوات المنبر ساعته على الدنيا السلام وما بكون المهرة بت صالح رغم انو فى ناس بتبارينى من بوست لبوست منتظرين منى كلمة لكن بعد السماء من الارض ادخل معاهم فى مهاترات وبعتبر ده نقص فى الانسان او غيرة او حسد

من التعليقات التى وقفت عندها، ..

.. منطق عقل .. ووعى وإدراك عميق وفاحص فى كيفية التعامل
وإحترام للذات ..
لك تحيتى على هذا البوست ..