صحيفة الرائد: الفنان عصام محمد نور في رحلة فنية لأمريكية بدعوة من السفارة السودانية بواشنطن

http://alraed-sd.com/portal/permalink/56250.html

حملة إنتخاب البشير

لا ولا مرحبا بعصام محمد نور فى نيويورك :عاصمة تمثال الحرية !!!!!

كوستاوي.

ومازال البعض يغالط ولا يريد أن يعرف الحقيقة.

ههههههههههههههه

عصام محمد نور سعيد بزيارة أمريكا

07 / 03 / 2011 04:47:00

الخرطوم: انتصار جعفر

توجه إلي الولايات المتحدة الأمريكية الفنان عصام محمد نور بدعوة من السفارة السودانية بواشنطن لإقامة عدّة حفلات غنائية برعاية مجموعة (أوتار النيل) الموسيقية التي تضم في عضويتها العديد من المطربين والموسيقيين بأمريكا منهم ميرغني الزين ومجدي العاقب وماهر تاج السر وفائز مليجي، ويقدم عصام محمد نور أكثر من حفل للجالية السودانية، وتستمر رحلته الفنية لمدة شهر. وتجئ زيارة نور متأخرة حيث كان من المؤمل أن يحي هذه الحفلات خلال يناير الماضي متزامنة مع احتفالات الجالية السودانية بأعياد الاستقلال إلاّ أن موجة الجليد التي ضربت أمريكا أجلت الزيارة.
وفي تصريح خصّ به (الرائد) قبل سفره بساعات قال عصام محمد نور: إن رحلته إلى الولايات المتحدة تعدّ الأولى، واعتبرها سانحة لتقديم الجديد للسودانيين المقيمين هناك.

على مهاجرى أمريكا مقاطعة جولة الفنان عصام وتلفزيون النظام

الأخ العزيز كوستاوى

أهل هنالك إرتباط بزيارة هبانى رئيس جالية دالاس وتنسيق مسبق قامت به السفارة فى واشنطن أو جهاز المغتربين لحفل عصام محمد نور هنالك فى الجمعة الماضية ؟؟؟

ولماذا لا ينفى الأخ عصام محمد نور هذا الحديث عن دعوته من قٍبل سفارة النظام بواشنطن ( إن كان يقدر معجبيه)؟؟؟؟

والله عال العال... دعوة رسمية ويلقطو قروش التذاكر ويملحوا الدايرينهم!!!
يا ربي القروش دي ماشية للمجهود الحربي في دارفور.. ولا لزاد الجنجنويد؟

أتمنى إنه يكونو دفعو منها ضرايب للحكومة الأمريكية وناس الـ IRS...

وفعلاً ذي ما قال ليكم مجرم قطيع الأوصال بتاعت ناس معسكر كلمة: الجايات أكتر من الرايحات!

عليه، سنعتبرها دعوة خسـيسة مالم ينفي عصام محمد نور ما جاء في الخبر أعلاه



أعدنا كتابة كلمة خســيسة البشتنا السنسر

ياكستاوى جــريدة الرائد دة مـش حقت الحــزب الحــاكم ؟؟

عشــان كده الفنـان عصــام ( خــصها ) بتصــريح قبــل ســاعات

من مغـــادرته لارض العم محمد احمد متجها لارض العم ســام ؟؟

فــرحان بدعــوة الســفارة ؟؟

وبعد ده يجى زول يكتب انو الدعوة شخصية من مصطفى الامين والتذاكر دافعها امير سنتر من حــر ماله

وتردفها الاخت احســان من (خِـشمهم ) لا اضــان (الكيبورد) انهم (اى عصام ومن معه ) ..دفعوها من حـر مالهم ؟؟

مشــفوعــة بالقــسم الغليظ ؟؟

ومعـروف من يقـدم الدعــوة بيدفع ولا شـــنو ؟؟

حـاولوا لمــوا الكيتة دى ؟؟

تقول يا محمد يســن .. يدفعوا ضــرائب ؟؟ولامنـو للعم ســام ؟؟ بتبالغ ؟؟

تقــول لى ينفى با محمد بســن ؟؟ ديل ناس شعارا زيف ..الرائد الذى لا يكــذب اهــله ؟؟

وفقـه الضـــروره ؟؟

ياكستاوى انت ما بتنــوم ياخـى؟؟

.

رجل أمن النظام بواشنطن محمد سليمان عبد الله.

شايفك عملت نايم وخطيت نقطة فقط. هل هي بصمتك على البوست الخبر وموافقتكم عليه أم ماذا.

Quote: رجل أمن النظام بواشنطن محمد سليمان عبد الله. شايفك عملت نايم وخطيت نقطة فقط. هل هي بصمتك على البوست الخبر وموافقتكم عليه أم ماذا.

**

العميد كوستاوى سلامات

Quote: عليه، سنعتبرها دعوة خسـيسة مالم ينفي عصام محمد نور ما جاء في الخبر أعلاه

يالشريف انت عكست الآية وله رأيك شنو ؟

كيف تأتى بإتهام وتطالب الفنان بنفيه

أظن القانون بيقول البينة على من أدعى يالجبيب

والنظام يالشريف له جرائم فى كل أصقاع السودان وليس دارفور وحدها فلماذا التخصيص ؟

يا أبو علي سلامــات...

Quote: أظن القانون بيقول البينة على من أدعى يالجبيب

عن أي بينة إنتا بتتكلم؟
البوست ده فيهو كلام من صحيفة المؤتمر اللاوطني واضح وصريح
والمعروف إنو لامن جريدة بتكتب كلام ذي الفوق ده فيهو كلمة "أَخصَ" بتبقى متأكدة منه
وعشان كده أنا طالبتا عصام بتكذيب أو توضيح أو نفي...
وإن سكت، فده حقو... والسكوت علامة الرضى!

ولامن يجي كــلب من كــلاب الأمن هنا ويقول: الجايات أكتر
فده منتهي الوضــاعة واللعب على الدقون

تعرف يا حسن أنا في الموضوع ده كلو الماعاجبني فيهو الدسدسة والخـسة.. وعدم الوضوح
ووالله والله.. إنصدمتا لمن مشيت الحفلة في نيويورك ولقيتا مطعمة بجحافل إنتهـازية بحتة
وحشود رقيصاأشتر... ووجوه عابسة جات من برة نيويورك راكبة اللواري بالتعليمات

شوف يا حسن.. أنا بعرف ناس نيويورك كويس، وصدقني ما في زول بحب الفن زيهم
وطبعاً في البهجة ما بتلحقو... بس يشهد الله الأنا شفتو كان غير كده

لعنة الله على كل مؤتمرجي إنقاذي.. كان كان مدسي بلباس دبلوماسي ولا كان كان مجرد أرعن مشترينو
لعنة الله عليهم لإفسادهم وفسادهم... ولتلويثهم للفن السوداني والبهجة وإمتصاص الفرحة

أنا في إنتظار نفي عصام محمد نور لكلام الجريدة الفوق دي

عصام فنان متميذ وله جمهور وصاحب مقام صنعه بحهده وإبداعه الشخصي
وصدقني لو جاء هنا فسحة مدفوعة القيمة من البشير ولا كان دفعها ليهو أوباما
الناس حا تجي تسمع فنه وتطرب لإبداعه.. بس الامور تكون واضحة ومعلنة

وأكرر ليك.. دي دعوة خســيسة من زبانية نظام خســيس
والخســاسة هنا ريحتها فعلاً فائحة....

سلامات يا الكرمبا وكيف انك؟

ممكن الجريدة دي تكون لفحت الكلام ساي وما بعيدة من سوداينزاولاين
اصلا جرائد السودان ما يعول على دقتها في نقل الاخبار

مع التحية

Quote: سلامات يا الكرمبا وكيف انك؟ ممكن الجريدة دي تكون لفحت الكلام ساي وما بعيدة من سوداينزاولاين اصلا جرائد السودان ما يعول على دقتها في نقل الاخبار مع التحية

و ممكن تكون ما لفحتو!!!ليه إنتي دائما واقفة مع المجرمين ديل و دائما كفتك مايلة عليهم...شوفتي ليه الناس بقولوا عليك كوزة! عشان كلامك الفوق دا.

الجريدة دي مش فيها صاحبك الظلامي ود جمعة
أمشي أسأليو من مصداقيتها

Quote: نتي دائما واقفة مع المجرمين ديل و دائما كفتك مايلة عليهم...شوفتي ليه الناس بقولوا عليك كوزة!

يا الكرمبا اسع لو ابصم واختم واقول ىمين الناس ما حتقل لي كوزة؟

انا ما واقفة مع الجماعة انا واقفة مع الحق لانه قريت انهم جو على دعوة شخصية
والناس مذكورين الدعوهم وقريت رسالة كبلو ومافي سبب اكذبه

الجرائد بتلفح معلوماتها من سوداينزاونلاين دائما

مع التحية

الأخ كوستاوى تانى سلامات

Quote: عن أي بينة إنتا بتتكلم؟ البوست ده فيهو كلام من صحيفة المؤتمر اللاوطني واضح وصريح

يعنى يالشريف يا خوى الحكاية زى ما بقولوا كلام جرائد ساى !!!!!

بعدين على افتراض انو الدعوة جات من السفارة هل :

يعنى هذا أن عصام محمد نور عضو فى المؤتمر اللاوطنى وأيضاً مسئول عن جرائم الانقاذ ؟

معليش يا أبو علي... خلينا نسمع من عصام كان عاوز يفتي

يا أخي الرائد دي ما عاجباك؟
وموش مديرها زول معانا هنا في البورد ده؟

يعني يا أبوعلي بقيت ذي الجماعة...
يقولو ليهم تور.. يقولو أحلبوه!

أقرأ كلامي مرة تانية بالله عليك
قبل ما تسالني تاني: [فيها شنو لو؟]

عشان الخســة دي فيها كتير

مصدر في الصحيفة ذكر ان المعلومة اخذت من الفنان شخصيا
وأعتذر عن استخدام مفردة "يلفح" واتمنى ارى كل صحف السودان بروفشنال
مع التحية للكرمبا وللاستاذ الذي ارسل لي الرسالةز
مع المودة

*

إنتو ماقلتو الرائد والإنتباهة لايمكن تصديقن وأنهم كاذبات!!

Quote: مصدر في الصحيفة ذكر ان المعلومة اخذت من الفنان شخصيا وأعتذر عن استخدام مفردة "يلفح" واتمنى ارى كل صحف السودان بروفشنال مع التحية للكرمبا وللاستاذ الذي ارسل لي الرسالةز مع المودة

شكرا الأخت نجاة و شكرا لصاحب الرسالة
و مافي حقيقة (بتدسا)

زيارة عصام محمد نور و الوفد المرافق لأمريكا كانت بدعوة من السفارة السودانية بواشنطون. و هناك زيارات أخرى في الشهور القادمة لفنانين و بدعوة من نفس الجهة.

أخى كوستاوى للمرة الأخيرة سلاممممممممممممممممممممممات ياخى



على كل حال

الأمر لا يعدو أن يكون مجرد حوار حتى نستفيد ويستفيد القراء

ولا حاجة لنا لتحميل الكلام أكثر مما يستحق

نسألك انت عشان الشريف أخوى ما يزعل منى

على افتراض انو السفارة هى من قدمت الدعوة وقبلها الفنان عصام

وباعتبار انه غنى للكاشفى "بلد الخير" فى حضور البشير أو الوزير

وبافتراض انو البشير شال عكازو ورقص لمن عرق

هل يعنى هذا أن الفنان عصام عضو فى المؤتمر اللاوطنى ؟

و










وهل يتحمل وذر كل ما تفعله الانقاذ من جرائم ضد الشعب السودانى لدرجة تدعو لمقاطعة حفلاته؟

الأخ حسن حماد
سلام الله عليك و سلم

سألتني:

Quote: هل يعنى هذا أن الفنان عصام عضو فى المؤتمر اللاوطنى ؟

و إجابتي هي:
Absolutely not
إطلاقا لا, كوزنتو و عدم كوزنتو لا تعنيني
البيعنيني هو المخطط و البرنامج الضخم الرسمتو الإنقاذ للتعامل مع الجاليات السودانية في المهجر (البالغ عددهم حوالي 6 مليون تقريبا يعني 1/8 من تعداد السودان) و نحن بنحاول نكشف فيه, دا كل الموضوع.

يا أبوعلي الله لا جاب الزعل... يا زول يا جميل

وبس عشان ما تتحسس، أنا اليوم إتكلمتا من دس سي مع الفنان عاصم محمد نور
وبصراحة إتكلمنا لأكتر من ساعة في التلفون، وأنا إتمتعتا بالحديث معاهو

عصام قال ليا بالحرف الواحد:

"أنا يا محمد ما عندي مع السياسة درب..ولا بعرفها!
وماني مؤتمر وطني (بيقصد لاوطني) وزيارتي دي ماليها أي علاقة بالسياسة
وصحيح إتكلمتا مع ناس الرائد وقلتا ليهم إنو أنا سعيد بهذة الزيارة
وهي طبعاً لزيارة الجالية السودانية في أمريكا الشمالية. وأنا السفارات
في كل الدول بالنسبة لي أراضي سودانية وما عندي مانع أزورها موش لأنو
أنا لي علاقة بالنظام.. ده لأنهم سودانيين ذيي ذيهم بعيد من السياسة.

أما موضوع إنها زيارة مدفوعة القيمة، فدي ما صاح... وصحيح قروش التذاكر
إندفعت بالكريديت، بس نحنا دفعنا قيمتها كاملة بعد الحفلة التانية.
وحسع نحنا قاعدين مع أخوان لينا وفي ضيافتهم في بيوتهم (كان بيكلمني من نيويورك)
ودفعنا رسوم تجديد فيزنا من جيوبنا عبر الأخ ماهر تاج السر الدفع لي ولأخوهو ناجي

يا محمد أنا ما مع النظام ولا ضده.. أنا بغني في غناي (الشي الوحيد البعرفو في الدنيا)
الفن يا محمد كل حياتي.. عشان كده حا أغني من أجل الفن وتطريب أهلي جوة وبرة السودان

وياريت الناس تعرف إني جيت للبلد دي بدعوة من صلاح اللمين
وهو كان جاي معانا بس عنده ظروف إنسانية منعته يجي معانا
وممكن يصلنا في اليومين الجايات.. وبصراحة الفضل بيرجع ليهو أولاً وأخيراً
لأنه قابلني في وفاة عمنا تاج السر ووجه لي دعوة للحضور مع ناجي.

وأنا فرحتا بالدعوة دي ولبيتها بكل ممنونية". إنتهى

أنا إعترفتا لعصام بأني من عشاق فنه... وغناه فيهو طرب حقيقي
وقلتا ليهو: يا عصام الناس هنا بتشوف السفارة هنا عبارة عن إمتداد
لبطش الأنقاذ، وناسها بيمثلو المؤتمر اللاوطني... وطبعا هم شغالين لمصلحتهم
وهم بيشترو في الناس بالقروش (بأعترافهم) وهمهم الأوحد مطارة العالمين
وإختراق الجاليات بطرق خسـيسة عشان كده نحنا وجهنا بمقاطعتم
لأنهم ونظامهم البيمثلوهو ما جو لخير وياريت لو كان عندنا سفارة نفتخر بيها
ذي بقية الدول البتحتفل بسفارتها وبتقدر دورهم في تحسين العلاقات مع أمريكا

وقلتا ليهو التعامل مع السفارة السودانية هنا شبهة وقوانين البلد دي
بتحرم التعامل معهم مالياً للمقاطعة المفروضة على الحكومة السودانية
والبيشيل منهم قرش واحد بيدخل السجن (في حتى أمريكان دخلو السجن عشان كده)
وكل الحديت عن زيارتك دي لأنو الناس دي داعية لمقاطعة أي فعالية ليها علاقة
بحكومة المؤتمر اللاوطني لخسـاستهم وأدوارهم القــذرة البمارسوها في البلد دي

وإتمنيت ليهو جولة فنية طيبة وإقامة طيبة
ودعيته لمواصلة رسالنه الفنية وإبداعه الفطري

Quote: يا محمد أنا ما مع النظام ولا ضده.. أنا بغني في غناي (الشي الوحيد البعرفو في الدنيا) الفن يا محمد كل حياتي.. عشان كده حا أغني من أجل الفن وتطريب أهلي جوة وبرة السودان

أعتقد هذه التجربة ستفيد وتبصر عدد كبير من الغنايين ، الذين يعتقدون أن التطريب للجماهير هو
الغاية والهدف ، ويفتكرون أن الفن هو ترديد للقيمة التراثية دون التمعن في إحيائها لذلك أنصح
أن تطبع كتابة محسن خالد عن "الليركس" وتوزع على الفنانين ..حتى لا يكون الفنان لاعبا أساسيا
لدور المهرج ، نعم الفنان ليست له علاقة بالسياسة في إطارها الضيق، ولكن من المفترض أنه يمتلك
حس إنساني مرهف وعالي، وهو الذي دوما من يبادر على التمرد ضد القيم التي تحط من قدر الإنسان
ومن كرامته وهذه القيم السالبة في السودان يكرس لها نظام المؤتمر الوطني عبر الحشد للمطبلاتية والمخمومين
والمنتفعين والإنتهازية. وحينما يتم جمع الفنانين وإغرائهم لدعم حملة رئيس يعمل ضد إحساس
شعبه ، يصبح الفنان في موضع واحد مع المهرج . ليس المشكلة في غناء الكاشف أو أي من الأعمال
التي نعتبرها وطنية وخالدة . ولكن حينما نحشد تلك الأعمال في مثل ذلك الموضع دعما للبشير
المجرم الهارب من العدالة هذا يعني إن الفنان يختزل الوطن في شخص المرشح بإستدعاء
التراث القيمي للوطن والوطنية ..لا أحد يطالب عصام محمد نور الزول الخلوق كشخص ، والمهذب
وصاحب الصوت المميز من تحديد إتجاهه السياسي فهذا خياره الشخصي الذي يحترمه الجميع
ولكن لا يحق لأي شخص آخر أن يمنعنا من الموقف الأخلاقي المعارض لمقاطعة أي فنان
حينما يختار وقوفه الي جانب مجرم يدعمه ضد شعبه . نفي عصام محمد نور إنتمائه للمؤتمر
الوطني شئ جيد ولكن علي المطبلين والمسعسعين أن يحترموا رغبتنا في عدم الرقص والسعسعة
عندما نحس أن الفنان حتى دون أن يدري صار أداة في يد ممثل السلطة الباطشة وكما تفعلون
الآن لضرب وحدة المهاجرين والجاليات.

Quote: وماني مؤتمر وطني (بيقصد لاوطني) وزيارتي دي ماليها أي علاقة بالسياسة وصحيح إتكلمتا مع ناس الرائد وقلتا ليهم إنو أنا سعيد بهذة الزيارة وهي طبعاً لزيارة الجالية السودانية في أمريكا الشمالية. وأنا السفارات في كل الدول بالنسبة لي أراضي سودانية وما عندي مانع أزورها موش لأنو أنا لي علاقة بالنظام.. ده لأنهم سودانيين ذيي ذيهم بعيد من السياسة.

سلامات
دا كلام متلف مما كتبته الرائد


مع التحية

Quote: سلامات دا كلام متلف مما كتبته الرائد مع التحية

Thanks alot ya Doc

Here we ought to say and then ask

نقول للأخ عصام محمد نور based عن الكلام النقلو عنه الأخ محمد ياسين خليفة أعلاه (assuming is 100% correct)....
فسؤالنا تحديدا هو: يا عصام محمد نور: هل ما نشر في صحيفة الرائد صحيح أم خطأ? و الإجابة لا تستحمل غير: نعم أو لا -- yes or no

and we can go from there

مع تحياتي

Kostawi

القارئ الكريم
تحية طيبة
دا كلام جريدة الصحافة الصادرة بالتاريخ ادناه
نفس كلام انتصار جعفر وبالضبانة بس باضافة السفارة السودانية بواشنطن
الصاح منو ونصدق منو
لا هذا ولا ذاك بل الاستاذ المهذب عصام( محد) نور

Quote: التاريخ: 12-مارس-2011 العدد:6339 فنون(الأرشيف) تاريخ اليوم: 02-أبريل-2011  الرئيسيةالأخبارأقتصادفنونالرياضةسياسةتحقيققضايامع الناسدهاليــزأبــواب -------------------------------------------------------------------------------- الأرشيف -إختر سنة- 2011 2010 -إختر شهر- -إختر يوم- -------------------------------------------------------------------------------- -------------------------------------------------------------------------------- فنون(الأرشيف) عصام محمد نور يغني في ولاية فرجينيا يواصل الفنان عصام محمد نور جولته الفنية التى يحيي خلالها عدّة حفلات غنائية بالولايات المتحدة الامريكية برعاية مجموعة «أوتار النيل» الموسيقية التي تضم في عضويتها العديد من المطربين والموسيقيين بأمريكا، منهم ميرغني الزين ومجدي العاقب وماهر تاج السر وفائز مليجي. ويقدم عصام محمد نور أكثر من حفل للجالية السودانية، وتستمر رحلته الفنية لمدة شهر. ويرافقه الاعلامى طارق كبلو وتجيء زيارة نور متأخرة، حيث كان من المؤمل أن يحيي هذه الحفلات خلال يناير الماضي، متزامنةً مع احتفالات الجالية السودانية بأعياد الاستقلال، إلاّ أن موجة الجليد التي ضربت أمريكا أجلت الزيارة. ويحيي عصام حفل يوم السبت المقبل بولاية فرجينيا.

http://www.alsahafa.sd/details.php?articleid=23859

كلام عصام محمد نور يحتوي على لغة خادعة جدا. ونحن نفهم مثل هذه اللغة جيدا.

إذا كان فعلا لا علاقة لزيارته بالسفارة لكان نفى تصريحات صحيفة الرائد.

ولكن يدبوا أنه فعلا قد خصهم بذلك التصريح.

كوستاوى سيد البيت سلامات

الحبيب محمد يسن الشريف

Quote: عصام قال ليا بالحرف الواحد: "أنا يا محمد ما عندي مع السياسة درب..ولا بعرفها! وماني مؤتمر وطني (بيقصد لاوطني) وزيارتي دي ماليها أي علاقة بالسياسة وصحيح إتكلمتا مع ناس الرائد وقلتا ليهم إنو أنا سعيد بهذة الزيارة وهي طبعاً لزيارة الجالية السودانية في أمريكا الشمالية. وأنا السفارات في كل الدول بالنسبة لي أراضي سودانية وما عندي مانع أزورها موش لأنو أنا لي علاقة بالنظام.. ده لأنهم سودانيين ذيي ذيهم بعيد من السياسة.

يالله يالله

انت فعلاً يالشريف انسان رائع فوق العادة

وكعهدى بك حقانى وقلبك كبير

الذهاب للمصدر مباشرة (وهو الأخ الفنان عصام) أوضح كل الحقيقة

وبهذا الادلاء لا مجال للمساومة على الأخ الرائع عصام وفنه

فقد أوضح بما لا يدع مجال للشك الهدف من زيارته وكيف تمت

ولكن ما زال هنا من يحاول التلفيق ولى عنق الحقيقة ولا أدرى لماذا؟

معارضة النظام أحياناً تجعل البعض يغض الطرف ويوصد اذنيه أمام الرأى الآخر

ويصر على الاساءة للآخرين ويدخل فى نواياهم

الأخ كوستاوى

محاولات النظام لتحسين صورته للمهاجرين السودانيين شئ والقدح فى وطنية

ومصداقية الناس ووصفهم بالعمالة والارتزاق من أموال الشعب شئ آخر كما يحاول البعض

هنا تصوير الأخ عصام

أشكر لك ردك وأرجو ان يكون كلام الأخ عصام قد أوضح ولو القليل مما كان يخفى على الجميع

تحياتى واحترامى

Quote: العصب السابع إلى أهل الفن، احذروا قائمة العار..!

شمائل النور
الحركة الدؤوبة للفنون في مصر استطاعت أن ترسخ مصر في ذهن كل عربي وفي بيت كل عربي، واستطاعت أيضاً أن تضع مصر في الصدارة، والمتابع اللصيق للحركة الفنية هناك لا تفوته حقيقة أنّ القبضة المحكمة على قطاع الفنون في مصر بواسطة جهاز أمن الدولة جعلت من الفنون وسيلة ناجعة لتنفيذ سياسات النظام المتنحي رئيسه، وأكبر هدف تحقق هو إلهاء المواطنين وصرف أنظارهم عن قضاياهم الحياتية، وما كان لنا أن نقول ذلك إلا بعد انهيار جهاز أمن دولة مبارك وتكشف الحقائق المذهلة، وقبل أيام نقلت بعض الأنباء أنّ إنتشار(الحشيش) في مصر هو بأمر جهازها حتى يعيش الشعب جملةً في حالة من غياب الوعي، والذي فعلته الفنون في مصر ما هو إلا نوع آخر من الحشيش يدخنه الناس عبر الشاشات. عندما اشتعل ميدان التحرير ثورةً، كان لابد لأهل الفن من موقف واضح باعتبار أنّ الفن هو رئة المجتمع التي يتنفس بها وهو لسان حاله أو هكذا ينبغي، بل كان المتوقع هو أن ينزل جميع الفنانين إلى الشارع جنباً إلى جنب مع الثوار، لكن الذي حدث غير ذلك، فقد تصدر الزعيم عادل إمام قائمة العار وتلته النجمة غادة عبد الرازق ثمّ المغني تامر حسني الذي بكى من هوانه في ميدان التحرير، في حين أنّ الممثل الشاب خالد الصاوي وأحمد حلمي وعمرو واكد ظلّوا بميدان التحرير إلى أن تحقق مطلب الشعب، وأغلب من شملتهم قائمة العار هم الذين أقل احتراماً على مستوى الأدوار التي يجسدونها ما يؤكد تماماً العلاقات المشبوهة بين جهاز أمن الدولة وبعض أهل الفن، الآن الممثلة غادة عبد الرازق تخشى نزول الشارع فجميع أعمالها معلقة، الزعيم عادل إمام هناك اتجاه عريض لمقاطعة جميع أعماله فهو أول من دافع عن النظام المتنحي بل وصف المتظاهرين بقليلي الأدب. الآن الذي تمّ كشفه هو تورط نظام مبارك في عدد من الاغتيالات.. صفوت الشريف تورّط في اغتيال الممثلة الراحلة سعاد حسني التي أُشيع أنّها انتحرت بلندن، ابن رئيس الوزراء السابق أحمد نظيف يتورّط في قضية اغتيال ابنة المغنية ليلى غفران، محبو الفنانة ذكرى يعيدون فتح ملف اغتيالها، بعد أن اتضح أنّ ما قاله النائب العام كان مجرد معلومات مغلوطة حول اغتيالها.. وهكذا ينفضح نظام أمن الدولة يوماً بعد يوم. نعم نجح جهاز أمن الدولة في أن يرسخ صورة مصر في كل ذهن عربي لكن بطريقته هو والثمن يدفعه الفنانون.. الذي نوجهه اليوم هو رسالة خاصة جداً إلى أهل الفن، أن يستفيدوا من عبر ودروس الثورة المصرية، وأن يدركوا تماماً أنّ الأنظمة إلى زوال وإن طالت؛ وأنّ الشعب هو الباقي، وتجنبوا أن تكونوا ضمن قائمة عار أخرى، وتفقدوا تاريخكم، وتفقدوا مهنتكم.. الفن أرفع من أن يُسيّس أو يديره جهاز أمن.. الفن للجميع ما بقي حراً، إحذروا النموذج المصري.
التيار
نشر بتاريخ 02-04-2011

يا بابا كوستا ...والله ده كوع عدم الموضوع
جايبه السفارة ولا الوزارة دي مابتهمنا كثير يابابا إحنا عايزين نستمتع بغناءه ونطرب لصوته الجميل