Post: #1 Title: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 10:36 AM
السادة العواجيز المحترمين (دفعتنا وكدة) يلا نتذكر الأيام الخوالي أيام المطالعة والإنشاء وجرس الفطور والقنقليز بالشطة والتبش بالشطة وقصب السكر وتعالوا نتشارك زي زمان (كتاب المطالعة) و(سندوتش المربة مقطع مع سندوتش البيض والفول وسندوتش سلطة الأسود) ودرس العصر وحصة الرياضة و ورقة الألفة والهرجلة والدق على الأدراج نهاية اليوم وكلنا بنقول بيوووووووووووووووت..
ملحوظة:
ناس كنبة وراء الحاقدين ما معانا
اللهم أعطي الأستاذ حنفي أستاذ اللغة العربية بمدرسة الركابية الإبتدائية بقدر ما قدم لنا من علم وعلوم في حُب وتفاني وإخلاص.
Post: #2 Title: Re: كِتابِي الثانِي للصف الأول الإبتِدَائي. Author: omer osman Date: 03-03-2011, 10:40 AM Parent: #1
ياسامي يااااااخ ده فلاش باك عجيب جداً ......
اتخيل لمن شفت الصورة دي ضحكت ضحكة صافية من القلب وحسيت
بطعم الزمن السمح داك ........ سجلني معاك طالب نظامي في البوست ده
بجيك مرات ومرات ان شاء الله .......
Post: #3 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 10:44 AM Parent: #2
Quote: ياسامي يااااااخ ده فلاش باك عجيب جداً ......
اتخيل لمن شفت الصورة دي ضحكت ضحكة صافية من القلب وحسيت
بطعم الزمن السمح داك ........ سجلني معاك طالب نظامي في البوست ده
بجيك مرات ومرات ان شاء الله .......
حبابك يا عمر.
أسجلك شنو..إنت من يوم الليلة ألفتنا..
عليك الله لم باقي التلاميذالحايمين بره في الفَسَحة ديل، وخلي كل واحد يجي شايل كتابه وينزل لينا صورة صورتين.
الما حا يجيب كتاب يسمع الإخلاص ولا يكتب لينا موضوع عن البطيخ أو يسمع جدول 2
Post: #4 Title: Re: كِتابِي الثانِي للصف الأول الإبتِدَائي. Author: Saifelyazal Elmaki Date: 03-03-2011, 10:44 AM Parent: #2
سامي سلام ياخي ده مش فلاش باك ده برجع صبغة الشعر إلى لونها الطبيعي خليتنا نسرح عبر سنوات خلت من عمرنا الله إديك العافية العجائز بعملوا رايحين من البوست تحيات
Post: #5 Title: Re: كِتابِي الثانِي للصف الأول الإبتِدَائي. Author: omer osman Date: 03-03-2011, 10:45 AM Parent: #2
وهاك دي بطاقتي كطالب نظامي بالبوست :
Post: #6 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 10:49 AM Parent: #5
Quote: سامي سلام ياخي ده مش فلاش باك ده برجع صبغة الشعر إلى لونها الطبيعي خليتنا نسرح عبر سنوات خلت من عمرنا الله إديك العافية العجائز بعملوا رايحين من البوست تحيات
هههههههه
حا يعملو فيها كلهم حضرو زمن الأساس..
إنت ذاتك عليك الله اعمل رايح لمن الحصة تكون فاضية ما تتبرع تجيب لينا أستاذ خلي عادتك دي (خلي الحركات دي يا سيف احسن ليييييييييك)
Post: #7 Title: Re: كِتابِي الثانِي للصف الأول الإبتِدَائي. Author: Saifelyazal Elmaki Date: 03-03-2011, 10:51 AM Parent: #5
جنابو عمر تحياتي يا حبيب
Quote: وهاك دي بطاقتي كطالب نظامي بالبوست
بطاقتك دي من الابتدائي كنت مسلمها لحبوبة ياخي مبالغة محتفظ بيها للآن
Post: #8 Title: Re: كِتابِي الثانِي للصف الأول الإبتِدَائي. Author: khaleel Date: 03-03-2011, 10:58 AM Parent: #7
بدر ركب الفرس
وامل ما ركبت الفرس
والله يا سامي طلعت مخضرم
هههههههههههههههه
Post: #9 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 11:06 AM Parent: #8
Quote: بدر ركب الفرس
وامل ما ركبت الفرس
والله يا سامي طلعت مخضرم
هههههههههههههههه
يا حليلك يا خليل..إنت ما عارف المنهج إتغير وبقت..
أمل هتفت العِرِس العِرِس
بدر هتف الفلس الفلس
هههههههههه ثم ثانياً لإنت في أولى (ب) الجابك هنا شنو
Post: #10 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-03-2011, 11:16 AM Parent: #7
الزمان السبعينات المكان مدرسة السجانة المزدوجة الابتدائية بنين ( مدرسة النور )
انقى الذكريات واحلى رفقة ، اكاد يا سامى اذكر اسماء الفصل كنبة كنبة رغم ان العدد فى ذلك الزمن يقارب الـ 60 طالب فى الفصل
كانت مدرستنا ولا زالت من اكبر مدارس الخرطوم جنوب بها فرعان عمر / عثمان
الى الان ازور المدرسة باستمرا ر تأثرنى رائحة اشجار النيم وثمارها التى كنا نطلق عليها ( الزونيا )
استاذتى الاجلاء : الناظر النور حمد النور ، الوكيل استاذ حسين الحلة الجديدة استاذ مصطفى عابدون ، استاذ على ، استاذ بيومى ، استاذ طه ، استاذ محمد
كنت براعا" فى تلحين الاناشيد بل كنت استعين باختى التى تكبرنى بعامين فى مدرسة المايقوما جوار مدرستنا ( واشف ) اللحن منها واجى افكو فى المدرسة ....
ستات الفطور حاجة مستورة وحاجة مسكة والذ فطور من سندوتشات الطعمية وسلطة الاسود فول الحاجات التسالى ( ادينا حبة ) الله يدينا ويديك والشحاد يدى اللقاط الداردرما ايسكريم الاكياس ، ولى طرفة مع اسكريم روح الموز كانت فى بنت اسمها عفاف بتبيع الايسكريم ، كركدى ، فراولة وعرديب ومن ضمنهم ظهر اسكريم جديد البت كانت بتنطق الكلمة ( رحــــمـوز ) ونحن بصغر سننا شابكنها رحموز رحموز والله لحدى ما كبرت ووعيت حتى عرفت انو رحموز ياهو روح الموز
ما عاوز اطيل اكتر من كده لكن صدقنى حاكون من رواد البوست بعد اذنك واذن الالفة
Post: #11 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 11:33 AM Parent: #10
تعالو يا دفعة وروني...أنا ما دكيت حِصة إلا في الثانوي لكن مشيت سألت عمك قوقل عشان القط صور كتب الإبتدائي لقيت لي امل وبسبس وكلام غريب ...وروني الصفحة اتحت مرت علينا؟
غايتو أمل عرفتها لكن الود الممسح جنبها دا ما أظنه بدر زولي الزمان.
هههههههه
Post: #12 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 11:38 AM Parent: #11
Quote: الزمان السبعينات المكان مدرسة السجانة المزدوجة الابتدائية بنين ( مدرسة النور )
انقى الذكريات واحلى رفقة ، اكاد يا سامى اذكر اسماء الفصل كنبة كنبة رغم ان العدد فى ذلك الزمن يقارب الـ 60 طالب فى الفصل
كانت مدرستنا ولا زالت من اكبر مدارس الخرطوم جنوب بها فرعان عمر / عثمان
الى الان ازور المدرسة باستمرا ر تأثرنى رائحة اشجار النيم وثمارها التى كنا نطلق عليها ( الزونيا )
استاذتى الاجلاء : الناظر النور حمد النور ، الوكيل استاذ حسين الحلة الجديدة استاذ مصطفى عابدون ، استاذ على ، استاذ بيومى ، استاذ طه ، استاذ محمد
كنت براعا" فى تلحين الاناشيد بل كنت استعين باختى التى تكبرنى بعامين فى مدرسة المايقوما جوار مدرستنا ( واشف ) اللحن منها واجى افكو فى المدرسة ....
ستات الفطور حاجة مستورة وحاجة مسكة والذ فطور من سندوتشات الطعمية وسلطة الاسود فول الحاجات التسالى ( ادينا حبة ) الله يدينا ويديك والشحاد يدى اللقاط الداردرما ايسكريم الاكياس ، ولى طرفة مع اسكريم روح الموز كانت فى بنت اسمها عفاف بتبيع الايسكريم ، كركدى ، فراولة وعرديب ومن ضمنهم ظهر اسكريم جديد البت كانت بتنطق الكلمة ( رحــــمـوز ) ونحن بصغر سننا شابكنها رحموز رحموز والله لحدى ما كبرت ووعيت حتى عرفت انو رحموز ياهو روح الموز
ما عاوز اطيل اكتر من كده لكن صدقنى حاكون من رواد البوست بعد اذنك واذن الالفة
ذاكرتك خطيرة وشكلك كنت مقرم جدأَ
Post: #13 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-03-2011, 11:46 AM Parent: #12
الذاكرة كويسة لكن ما كنت مقرم لانو ناس الكنبة الوراء تصدق ونحن فى سنة رابعة كانو بيدكو الحصص ويدخلو سينما النيلين ، وسينما النيلين معروفة لانها بتقع فى المايقوما قرب السوق الشعبى والعشش ، يعنى اى عنكة عضلات تبش
تانى يوم فى طابور الصباح بيندهو على اسماء الطلبة ديل ويدقوهم والمشهد ده بيتكرر طبيعى ، اما يوم الخميس مجرد الجرس بضرب جرى على البيت خوفا" من العتاولة شفت البراءة دى
Post: #14 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 11:53 AM Parent: #13
Quote: الذاكرة كويسة لكن ما كنت مقرم لانو ناس الكنبة الوراء تصدق ونحن فى سنة رابعة كانو بيدكو الحصص ويدخلو سينما النيلين ، وسينما النيلين معروفة لانها بتقع فى المايقوما قرب السوق الشعبى والعشش ، يعنى اى عنكة عضلات تبش
تانى يوم فى طابور الصباح بيندهو على اسماء الطلبة ديل ويدقوهم والمشهد ده بيتكرر طبيعى ، اما يوم الخميس مجرد الجرس بضرب جرى على البيت خوفا" من العتاولة شفت البراءة دى
يا عبد الدائم بالله خليهم ناس كنبة وراء ديل يقوم يطلع واحد مشترك هنا تجيب لينا مشاكل معاهم
Post: #15 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-03-2011, 12:01 PM Parent: #14
ما اظن يكون فى واحد مشترك هنا لانهم كلهم كانو بليدين فى العربى والحساب والدين فما بالك بالتكنولوجيا
كان عندنا اتنين واحد اسمو خدر و التانى اسمو النجاشى قاعدين جمب بعض فرد واعداء فى نفس الوقت ، المهم استاذ العربى قال لخدر استهجه كلمة لــبنــى : خدر جاوب صاح قال لام نون با ويا معرجة الدور جاء للنجاشى قام قال لام ونون وبا ويا مع الرجاء
خدر قعد يضحك فى صاحبو جنس ضحك
Post: #17 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 12:11 PM Parent: #15
Quote: الدور جاء للنجاشى قام قال لام ونون وبا ويا مع الرجاء
أصبر أنا عندي جنس قصص لكن داير أتأكد أن المكان أمان..
كدي ادوني كشف بأسماء الأعضاء والزوار المحتملين..
Post: #18 Title: Re: كِتابِي الثانِي للصف الأول الإبتِدَائي. Author: محمد الامين محمد Date: 03-03-2011, 12:14 PM Parent: #15
مبااااااااااااااااالغة
Post: #25 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-04-2011, 05:13 PM Parent: #15
يا سامي سلامات بصراحة كدا انا اكتشفت اني ما عندي مستقبل بعد كدا عشان كدا ركزت على الذكريات القديمة وبقيت اصقع في جرتها وقد كتبت الكثير من قبل في هذا المنبر وما ظهرت ما عارف كنت وين كتبت الرجال العشرة البلهاء وكتبت دجاجتي الصغيرة الحمراء يا زول هوي انا جني وجن الذكريات دي والبوست دا انا شريك فيهو عديل واحسن حاجة انك محتفظ بصور تدعم هذا البوست الممتاز نحن ناس ضا ضرب ود دخل وخا خرج الفاتولة جاب الواحولة قم كشم كر كتبني الجملة اعلاه تصلح لان تكون عنوان بوست وقل من يفهمها الا الراسخين في العوضية
ما قلت ليك يا سامي البوست دا شريكك فيهو شرح اعلاه خلوا بالكن يا ناس سنة اولى الشافع جاي جديد من الخلوة كتبوه مهرجل فاعترض للاستاذ باسلوبه الخاص لا هرجل ولابرجل الفاتولة جاب الوحولة قم كشم كر كتبني يعني معناة المعنى انا لاهرجلت ولابرجلت الفة اولى ..... الفة سنة اولى جاب الواح اولى .... وهو جاي جديد من الخلوة بسمى الكراسات الواح يعني الفة سنة اولى جاب كراسات سنة اولى قم كشم يعني قمت كشمت اي ضحكت بدون صوت كر كتبني يعني اللفة كر كتبني مهرجل بدون سبب فهمتوا يا شطار وغدا درس طه القرشي مريض ودي كمان حكايتا حكاية
Post: #24 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-03-2011, 02:24 PM Parent: #22
Quote: يا سامي سلامات بصراحة كدا انا اكتشفت اني ما عندي مستقبل بعد كدا عشان كدا ركزت على الذكريات القديمة وبقيت اصقع في جرتها وقد كتبت الكثير من قبل في هذا المنبر وما ظهرت ما عارف كنت وين كتبت الرجال العشرة البلهاء وكتبت دجاجتي الصغيرة الحمراء يا زول هوي انا جني وجن الذكريات دي والبوست دا انا شريك فيهو عديل واحسن حاجة انك محتفظ بصور تدعم هذا البوست الممتاز نحن ناس ضا ضرب ود دخل وخا خرج الفاتولة جاب الواحولة قم كشم كر كتبني الجملة اعلاه تصلح لان تكون عنوان بوست وقل من يفهمها الا الراسخين في العوضية
مع إننا قلنا المهرجلين كلهم يمشو سنة أولى (ب) لكن قبلناك...
الصور نكتها واحد صديقنا أسمه أمجد وكتب بوست مشابه في منتدى محبي المريخ..وما تسمع أمجد تقول صغير ياها امجد ألتو زي سامي اليلتي (خادعة)
من زمان شامي فيك ريحه امدرمان لكن وقت جبت مدرسه الركابيه قطع شك بتكون دفعه احد اخواني (الكبار)
درسنا هذا الكتاب استاذ عماد الطاهر والمربيه ام الحسن محمد عبد الرحيم رحمها الله وغفر لها فقد كانت امنا طيله ايام الدراسه وبعدها
في الحي وداخل المدرسه
اما الاستاذ حنفي فلم اتشرف بالتتلمذ عليه وسمعت عنه من اخي الاكبر محمد ميرغني
Quote: الشخصية الأولي في الذاكرة التي لن أنساها أبدآ أستاذ حنفي الإمام .... كان معلمآ ومربيآ فاضلآ .... له مني التجلة والتقدير ... كان أبو فصلنا عندما كنت في سنة أولي بمدرسة الركابية الإبتدائية سنة 1977 ... ورغم مرور 30 سنة علي ذلك التاريخ فلا أزال أذكر كثيرآ من تفاصيل تلك السن الغضة ... ويأخذني الحنين لأنشد خلف أستاذ حنفي .. أشرقت شمس الضحي في السماء في السما .... أشرقت شمس الضحي في السماء الصافية ثم نتحلق حوله في حوش المدرسة الصغير ليحكي لنا حجوة نسرح بخيالاتنا معها خلف الأفق الواسع فلا يرجعنا سوي جرس الفسحة الكبيرة التي دائمآ ما كانت تأتي بعد الحصة التانية الثابتة مع أستاذنا المحبوب أستاذ حنفي ... منذ ذلك التاريخ لم أقابل أستاذي الفاضل إلا بعد ما يقارب 15 سنة ... وجدته يقرع جرسآ آخر غير جرس المدرسة في أمدرمان المنطقة الصناعية جوار اللاسلكي .... وبصوته المألوف ينادي ... علينا جاي ... علينا جاي ... علينا جاي ... وأمامه كومة من الهتش والكرور ... فأدنو منه فإذا بابتسامته التي لا تفارق ثغره ما زالت كما هي ... وملامح وجهه لم تؤثر عليها خمسة عشر عامآ مرت .... أستاذ حنفي ... سلام عليك ... فيحدق نحوي ويعتصر ذاكرته عصرآ ليتذكرني ولكن هيهات ... فهو عهده بي طفلا ذو 7 سنوات في فصل يحوي 95 طفلآ غيري ... ولكن كلمة أستاذ حنفي التي قلتها جعلته متأكدآ إنه درسني في يوم ما .... وأنا شحط أفوقه طولآ وعرضآ أقف أمامه بكل إحترام وخشوع .. فيقول لي .... يا راااااجل أنا درستك مش كدة ?? فأجيبه .. أيوة يا استاذ حنفي .... إنت درستني ... كنت أبو فصلنا في أولي إبتدائي فيصعق من هول المفاجأة ويضع راحتيه علي رأسه ... معقولة أنا درستك ? وفي أولي ابتدائي كمان ??? لا تقل لي لقد ضعت ولكن قل لي لقد ضعنا ... نعم لقد أضعناك يا استاذي الفاضل وأنت تترك مهنة الأنبياء برسالتها السامية في تربية الأجيال لتشتغل دلالآ في ساحة الدلالة -التي لا يعمل فيها إلا الفاقد التربوي - سعيآ وراء لقمة عيش لم تتكفل الحكومة بتوفيرها لمعلمي الأجيال وحملة مشاعل العلم ...
Post: #27 Title: Re: كِتابِي الثانِي للصف الأول الإبتِدَائي. Author: أيمن مبارك أبو الحسن Date: 03-04-2011, 05:34 PM Parent: #24
الأخ سامي وبقية الدفعة في البوست ... مشكور ياخي على البوست اللذيذ والله يا سامي دا أحلى بوست الأيام دي خاصة مع ظروف المنبر الملتهبة .... رجعتونا 35 سنة ... سجلوني معاكم في الكنبات الأوائل ... وعيكم الله شوفو لينا معاكم بدر وأمل .. وزيدان الكسلان وطه القرشي وهلم جرا....
Post: #28 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-04-2011, 06:28 PM Parent: #27
يا ود الخليفة أول حاجة أنت حبوبتك قدم الطاهر وجيرانك ناس الوسيلة و ناس عبد الرحمن الانصاري رحمه الله والد وليد واشرف اولاد عشة بت احمد ياسين (عمتي) و بي ورا كان ناس كوم شطة و اقرب دكان ليك من ناحية الشرق دكان يوسف عليه رحمة الله ومن الجنوب دكان الصادق عليه رحمة الله وطبعا دكان الوسيلة ما بتتذكرو ولا بتذكر مطيرة حيث الذ قنقليز بالشطة و لا الدافوري مع اولاد زريبة الكاشف ولا دكان منولي الاقريقي و هو برضو كان بيتو اقرب ليكم
الخلاصة نحن قرابتنا بيكم الركابية دكتور مختار عبد الله عربي (عمي) وأنت بتذكرك صغير جدا!
تحياتي للزول الشاطر وافضل من رتل القران في المدرسة
واما ناس العسيلات ديل قصة تانية
Post: #125 Title: Re: كِتابِي الثانِي للصف الأول الإبتِدَائي. Author: محمد ميرغني خليفة Date: 03-12-2011, 03:05 AM Parent: #28
سلام يا ابن عمي حيّاك الله وابقاك ...
ما انضرها من ذكريات تلك النابعة من نشأتنا الاولي زمن جهالتنا زمن الطفولة ..
تتخيّا يا سامي يا اخوي انا بتذكر اول يوم لي في مدرسة الركابية حيث أضعت قروش
الفطور وهي كانت عبارة عن شلن كامل كان كفيلا بشراء سندوينش فول من احمد العوض
وحلاوة كرملّة او حلاوة كسلا او الاثنان معا من طبلية سليمان وحفظ المبلغ المتبقّي
لشراء داندرمة من زينب الحمراء أو نبق وقنقليس من التويمة ..
عمار اخوي دا زول صغير وانت عارفو دا من زمن الشفّع البدّوهم القروش الكبار ناس
الطرادة والحمسين قرش...
Post: #29 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-04-2011, 06:44 PM Parent: #27
يا وليد دي انت مسجل مع المتأخرين تقول سجلوني دا كلام دا!
كنا فى رابعة ابتدائى وجات البلد اسرة من منطقة اخرى عندهم ولدين توأمين واخر اصغر منهم بسنه وكم شهر والتلاته ما تفرزهم الا امهم وكلهم جابوهم لينا فى الفصل يوم واحد فيهم شاكل الالفة وشتمه ب ( انعل ابوك ) الالفة جرى للمدير قال ليهو الولد الجديد شتمنى المدير جاء شايل سوطه وساله منو فيهم الود بقى يطلع واحد واحد لما رصاهم الثلاثة قدام المدير وصاح قائلا (الشتمنى واحد من ديل )
وهنا تحولت العقوبه للشاكى وجلد شر جلدة كانت مصدر تندرنا عليه
سامى رافدنى من هناك ليه ؟
Post: #31 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-04-2011, 07:29 PM Parent: #30
اوسلي ما دام اخترتها أسم معناها من اولاد اوسلي ولو من اولاد اوسلي مفروض تعرف اكرم ناس واظرف ناس (الدحوماب)
المهم خش تاني لو إتاخرت الله قال بي قولك.
التعديل عشان احذف لي همزة لكن ابت تتحذف
Post: #32 Title: Re: كِتابِي الثانِي للصف الأول الإبتِدَائي. Author: محمد يوسف الزين Date: 03-04-2011, 07:38 PM Parent: #30
عصفورتان في الحجاز حلتا علي فنن في خامل من الرياض لاندي ولا حسن مر علي اْيكيهما ريح سري من اليمن حيا وقال درتان في وعاء ممتهن لقد راْيت حول صنعاء وفي ظل عدن حدائق كاْنها بقية من ذي يزن الحب فيها سكر والماء شهد ولبن لم يكد يرها الطير اْو يسمع بها حتي افتتن هيا اْركبان ناْتها في ساعة من الزمن قالت له احداهما والطير منهن الفطن ياريح اْنت ابن السبيل ما عرفت ما السكن هب جنة الخلد اليمن لا شيْ يعدل الوطن
**************** اْنا لن اْعيش مشردا اْنا لن اْظل مقيدا اْنا نازح داري هناك وكرمتي والمنتدي وطني هناك ولن اْعيش بغيره متمردا متشردا ساْعيده واْعيده وطننا عزيزا سيدا ساْزلزل الدنيا غدا واْصير جيشا اْوحدا
************** برز الثعلب يوما في ثياب الواعظينا ومشى في الارض يهدي ويسب الماكرينا ويقول الحمد لله اله العالمينا يا عباد الله توبوا فهو كهف التائبينا وازهدوا في العيش ان العيش عيش الزاهدينا واطلبوا الديك يؤذن لصلاة الصبح فينا فلما بلغ الديك رسول من امام الناسكينا عرض الامر عليه وهو يرجو ان يلينا فاجاب الديك عذرا يا اضل المهتدينا بلغ الثعلب عني عن جدودي الصالحينا من ذوي التيجان ممن دخلوا البطن اللعينا انهم قالوا وخير القول قول العارفينا مخطئ من ظن يوما إن للثعب دينا
**************
كن بلسماً إن صار دهرك أرقما وحلاوة إن صار غيرك علقما إن الحياة حبتك كلَّ كنوزها لا تبخلنَّ على الحياة ببعض ما.. أحسنْ وإن لم تجزَ حـتى بالثنا أيَّ الجزاء الغيثُ يبغي إن همى؟ مَــنْ ذا يكافـئُ زهرةً فواحةً؟ أو مـن يثيبُ البلبل المترنما؟ ياصاحِ خُذ علم المحبة عنهما إني وجـدتُ الحبَّ علما قيما لو لم تَفُـحْ هذي، وهذا ما شدا عاشـتْ مذممةً وعاش مذمـما أيقظ شعورك بالمحبة إن غفا لولا الشعور الناس كانوا كالدمى أحبب فيغدو الكوخ كونا نيرا وابغض فيمسي الكون سجنا مظلما لا تطلبن محبة من جاهل المرء ليس يحب حتى يفهما __________________ لو جاتك اختنا سمرية الا تخلي البوست، عندها 2 قيقا من الكلام دا
Post: #33 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-04-2011, 09:56 PM Parent: #32
يا محمد يوسف إنت شكلك كنت حفيظ شديد وإضافاتك ثمينة جدا لكن هل تفتكر سمرية حا تعترف إنها (دفعة)
ههههه
سنرى.
إحتمال تجي تقول ما هو المنهج دا إستمر بعدكم سنوات.
البوست دا لانه بخص جيل معين و الجيل دا كله تقريبا فات (سن النبوة) ما أفتكر في (واحدة) حا تخش هنا.
ههههههههههههه
Post: #34 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-05-2011, 07:47 AM Parent: #33
جرس الفظور ضرب
Post: #35 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-05-2011, 08:12 AM Parent: #34
سنة اولى تاكل فولة ، سنة تانية تاكل بامية
اولى تمسك السلاح وتانية تفرك الملاح
اولى بريه وتانية بريه ، تالتة ورابعة فى العملية
الاول عند الله مصور والتانى ياكل باسطة بالصوانى والطيش يدقو بالبراطيش
حلوققك ابو الدنان قطع روقك ( ساعة يتلمو جمب الزير وكل واحد عايز يشرب قبل التانى )
دمى سبق دمك ( لما اتنين يتصادمو بالراس ) تف ... يتف فى الارض قبل صاحبو
البخاصمنى يخاصم ربو ، سبعة سكانين فى قلبو
الشماها فســ ...هــا
السمين يقع والضعيف يقيف
حمار للبيع
احب الله ..... ( يمشو يشتكوهو للاستاذ فلان ده قليل ادب قال احب الله )
تعرف تكتب اسمع براسك فى الهواء ... ايوا بعرف ... اها اكتب ... ابشر ابشر يا عروس
الهلال يهزم المريخ خمسة صفر
Post: #37 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-05-2011, 08:24 AM Parent: #35
ههههههه0
يا عبد الدائم غايتو (حليفة حجز الكوز عند الزير دي) باقي لي كانت (حلوفك قطع رقوبك) ولا انا كالعادة اكون ماسك لي حاجة بالقلبا و معلق فيها (لان الكتبتها إنت شكلها أصح)
كويس كنا بنقول الأول يا كل شنو?
والعند الله بعيش ياتو?
الليله تسميع
Post: #36 Title: Re: كِتابِي الثانِي للصف الأول الإبتِدَائي. Author: ود الخليفه Date: 03-05-2011, 08:21 AM Parent: #34
الاخ سامي
السلام عليكم
لكن جبت ضقلي يكركب
اكيد بتكون دفعه محمد وهو عضو معنا بهذا المنبر ولكن لم يطب له المقام
فهو شحيح بالمشاركه واتمنى ان يكون هذا البوست بدايه للتداعي وقد ارسلت له الرابط
وصفك للركابيه وبيتنا وما جاورها اصبح الان اثرا بعد عين
الدكاكين الوصفتها دي بتذكرا لانو مراسيل البيت كانت علي انا اصغر زول
دكان منولي والوسيله ديل بتذكرهم رهاب رهاب
اما الصادق طه فمرتبط عندي بدراجته القديمه وساعه الجيب
قابلت قبل فتره عمك الدكتور مختار ربنا يديه العافيه
تحياتي وسلامي
Post: #38 Title: Re: كِتابِي الثانِي للصف الأول الإبتِدَائي. Author: khaleel Date: 03-05-2011, 08:31 AM Parent: #36
صباح الخير سامي والحضور
قصائد من الذاكرة
دجاجي يلقط الحب ويجري وهو فرحان
كان عيونه خرز له في الشمس الوان
ولي ديك لي صوت جميل اللحن رنان
لي قطة صغيرة سميتها سميرة
بشعرها القصير وذيلها الطويل
ودائما تغني ولا تخاف مني
تنام في الليل معي وتلعب باصابعي
لانني احبها ولا اخاف ضربها
Post: #39 Title: Re: كِتابِي الثانِي للصف الأول الإبتِدَائي. Author: khaleel Date: 03-05-2011, 08:36 AM Parent: #38
يا سلام علي الغراب النبيه
ومريم الشجاعة
وزيدان الكسلان
طبعا يا سامي الناس كلها
حا تقول كنت بجي الاول في الابتدائي
والطيش منكورة
ههههههههههههههه
Post: #40 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-05-2011, 08:40 AM Parent: #38
صباح الخير قريبي ود الخليفة وتحياتي للزول الشاظر وقول ليه عليك ادينا طلة عشان نتذكر اعظم حي و اجمل ناس وادفأ بيوت.
Post: #41 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-05-2011, 08:46 AM Parent: #40
خليل صباح الخير
قلت لي حكمة ربنا بعد نكبر بنبقى كلنا الأول
ههههههههه
Post: #42 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-05-2011, 09:18 AM Parent: #41
ارجع ليك للثنائى خدر و النقاشى والكنبة الوراء تانى
الاستاذ بحكم خبرتو بكون عارف لما يسأل سؤال منو البجواب صاح يقومو ناس خدر لما الاستاذ يسأل سؤال يرفعو اصبعهم مع الناس الشطار لكيين بخجل كده
الاستاذ قام سأل خدر منو شاعر قصيدة ... ( ما مذكر اسمها ) الاجابة كانت معروف الرصافى خدر وقف كده ... قام النقاشى الجماعة الجمبو قالو ليهو الشاعر بريمة تاور ( بريمة ده كان ببيع التسالى فى ميدان الليق )
النقاشى رفع يدو ... استاذ .... استاذ .. استاذ ايوا يا نقاشى .. الشاعر بريمة تاور الاستاذ اداهو سوط فى ظهرو ... قام قال للاستاذ والله ده كمال مريم قال لي كده الاستاذ يا كمال منو القال ليك كده ... قال ده امير ود الحاجة يا امير منو القال ليك كده .. قال قريتا فى مجلة ميكى
Post: #43 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-05-2011, 09:44 AM Parent: #42
النكتة التانية حصلت فى التمنينات عندنا واحد من اولاد الجيران ملقب بــ ( مكوك ) سألنا زملانو ليه ملقبنو بكده .. قالو هم برضو من ناس كنبة وراء ، واول ما ظهرت لغة ( الراندوق ) كانو بستعملوها مع بعض فى المدرسة ومكوك ده زول بليد شديد ، الاستاذ سألو ماهى المدينة التى يطلق عليها اسم ام القرى
اصاحبو بتحت تحت وبصوت خافت قالو ليهو مكوك .. مكوك
زولنا طوالى قال للاستاذ ... مكوك يا استاذ
Post: #44 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-05-2011, 12:32 PM Parent: #43
و الله لقيت لي صورة من سنة ثالثة تقريبا.
Post: #45 Title: Re: كِتابِي الثانِي للصف الأول الإبتِدَائي. Author: saif massad ali Date: 03-05-2011, 12:52 PM Parent: #44
سامي
سلام ليك لكل الحناكيش المعاك
انتو قريتو كتابي الاول و الثاني
يعني دخل الجمل وخرج الجمل ماقريتوه
وجرة طلحة وال###### الامين وال###### العقور
انظر اخي للنهر فيه المياه تجري
تجري علي استمرار بالليل ووالنهاري
وكلما امر اسمعها تخرو كانها تغني بنغم ولحن
يااولاد ياصغار العبو بره
طبعا ياسامي الكتب والمقرارات الجديدة كانت دائما تجربتها بتبدا في النيل
الابيض عشان يشوف مدي نجاح المنهج
وفي الختام
سوداننا سوداننا ارض الجدود والاب
فيه وجد ملعب فيه ماكلي فيه وجدت مشرب سماؤه من فضة وارضه من ذهب
ونيله مبارك يجري بماء طيب
مؤدتي
Post: #46 Title: Re: كِتابِي الثانِي للصف الأول الإبتِدَائي. Author: عزام حسن فرح Date: 03-05-2011, 01:11 PM Parent: #45
أُمْك
إنتو مِن الزمن دااااك، حَول لا قُوة.. سمِح ما تحدِثونا شوية عن الإسْتقلال وكِده
يا سامي .. ياخي مالك تاني مرجعني المدرسة .. السنة الفاتت وتقريباً زي الوقت دا ... انا كنت في حوش مدرستي .. واسترجعت كل ذكرياتي الاناشيدية من خلال البوم كامل وضعته على صفحتي بالفيسبوكــ
واليكــ ما تذكرت ...
بلادي جنة الدنيا و روض ربيعها الاخضر
تعالى الله باركها و اجرى تحتها الكوثر
***
ان الكريم لكالربيع تحبه للحسن فيه وتهش عند لقاؤه ويغيب عنك فتشتهيه لا يرتضي ابدا لصاحبه الذي لا يرتضيه واذا تآمر حاسديه بكي ورق لحاسديه كالورق ينفح بالشذي حتى انوف السارقيه
***
برز الثعلب يوما في ثياب الواعظينا ومشى في الارض يهدي ويسب الماكرينا ويقول الحمد لله اله العالمينا يا عباد الله توبوا فهو كهف التائبينا وازهدوا في العيش ان العيش عيش الزاهدينا واطلبوا الديك يؤذن لصلاة الصبح فينا فاجاب الديك عذرا يا اضل المهتدينا بلغ الثعلب عني عن جدودي الصالحينا من ذوي التيجان ممن دخلوا البطن اللعينا انهم قالوا وخير القول قول العارفينا مخطئ من ظن يوما إن للثعب دينا
بيض الحمائم حسبهن أنى اردد سجعهن رمز السلامة و الوداع منذ بدء الخلق هن في كل روض فوق دانية القطوف لهن أن يملن و الأغصان ما خطر النسيم بروضهن فاذا صلاهن الهجير هببن فوق غدير هن يهبطن بعد العوم مثل الوحي لا ندري بهن و يطرن بعد ألابتراء إلى الغصون مهودهن تنبيك أجنحة تصفق كيف كان سرورهن المحسنات الى المريض غدون اشباها لهن الروض كالمستشفيات دوائها اينا سهن يشفي الغليل غنائهن و خطفهن و لطفهن مر الدواء بفيك حلو من عذوبة نطقهن مهلا فعندي فارق بين الحمائم و بينهن فلربما انقطع الحمائم في الدجى عن شدوهن اما جميل المحسنات ففي النهار و في الدجن
***
يا سامي ، هوي انا لا دفعة ود الزين دا حاجة ، لو بتصدقني انا كنت طفلة معجزة .. جد جد ( وش غامز )
رحلة الى اربعات للشاعر يوسف مصطفى التني تطوى بنا السيارة البطحاء فى عدو رشيــــق ما بين سفحٍ في الذرى عال واخدود سحيق قامت تظلله الجبال الشم تظليل الشفيق وتصون منه سلسلا ينساب فى خطوٍ طليق فاذا تحدر والتوى فى خفة عند المضيق غنى حداء الظاعنات وشع بسام البريق يا اربعات رجعتى لى انشودة الحب العميق هذا الجمال انالنى السراء حانت بعد ضيق
فى القطار للشاعر كامل كيلاني
هيهات هيهات لا جنا ولا سحرة بقادرين على ان يلحقوا اثرة هذى المناظرقد مرت على عجل كأنها ومضة للبرق مختصرة هذا قطيع من الاغنام المحه وذا صفيرٌ يدوي مذ راى خطرا هذى المحطة قد لاحت لاعيننا اعلامها ووفود السفر منتظره يحل فيها قليلا ثم يتركها لغيرها ماضيا مستانفا سفره كالسهم منصلتا والسيل مندفعا يثير فى عدوه الحصباء والغبره و هذى دوحة فى ظلها بقرة و هذا غلام اراه صاعدا حذرا على النخيل يرجى فوقه تمرة و هذه ترعة فى اثرها ظهرت و هضبة و حقول بعدها نضرة مرت و ليس لها من عودة ابدا كالطيف ولى فمن ذا يقتفى اثره
شكيتك على الله يا ود الزين هسي في داعي تجيب سيرتي ، ويقوم واحد تاني شكيتو برضو على الله ، يكلمني بسيرتي المجيوبة ..
انا ذمبي شنو ياخ ؟
ان الكريم لكالربيع تحبه للحسن فيه وتهش عند لقاؤه ويغيب عنك فتشتهيه لا يرتضي ابدا لصاحبه الذي لا يرتضيه واذا تآمر حاسديه بكي ورق لحاسديه كالورق ينفح بالشذي حتى انوف السارقيه
***
قد كان عندي طائر في قفص من ذهب جميل شكل ريشه حلو طويل الذنب ولم أكن أمنعه من مأكل ومشرب ففر مني ومضى بدون أدنى سببي وقال لي حريتي لا تشترى بالذهب
***
برز الثعلب يوما في ثياب الواعظينا ومشى في الارض يهدي ويسب الماكرينا ويقول الحمد لله اله العالمينا يا عباد الله توبوا فهو كهف التائبينا وازهدوا في العيش ان العيش عيش الزاهدينا واطلبوا الديك يؤذن لصلاة الصبح فينا فاجاب الديك عذرا يا اضل المهتدينا بلغ الثعلب عني عن جدودي الصالحينا من ذوي التيجان ممن دخلوا البطن اللعينا انهم قالوا وخير القول قول العارفينا مخطئ من ظن يوما إن للثعلب دينا
***
نحن ان أصبح صبح نترك النوم ونصحو ونحى والدينا ثم نمضى فنصلى إن تقوى الله ربح ونحيي أبوينا فرضا الآباء فتح ولدار العلم نسعى وإلى العلياء ننحو ولنا كل صباح أمل في الله سمح
صباح الخير مدرستي صباح الخير والنور إليك اشتقت في أمسي وزاد اليوم تفكيري
سمعت رنين اجراسك فجئت اليك فرحان
***
Post: #59 Title: Re: كِتابِي الثانِي للصف الأول الإبتِدَائي. Author: عاطف عمر Date: 03-05-2011, 08:22 PM Parent: #1
فى القولد التقيت بالصديـق أنعم به من فاضل ، صديقى خرجت أمشى معه للساقية ويا لها من ذكريات باقيــة فكم أكلت معــه الكابيدا وكــم سمعت اورو والودا *** ودعته والأهل والعشيرة ثم قصدت من هناك ريره نزلتها والقرشى مضيفى وكان ذاك فى أوان الصيف وجدته يسقى جموع الإبل من ماء بئر جره بالعجـل *** ومن هناك قمت للجفيـل ذات الهشاب النضر الجميل وكان سفري وقت الحصاد فســرت مع رفيقى للبــلاد ومر بي فيها سليمان على مختلف المحصول بالحب إمتلا ومرةً بارحت دار اهـلى لكي أزور صاحبى ابن الفضل ألفيته وأهله قد رحلـوا من كيلك وفى الفضـاء نزلوا فى بقعة تسمى بابنوسـة حيث اتقوا ذبابة تعيســــة *** ما زلت فى رحلاتى السعيدة حتى وصلت يا مبيو البعيدة منطقة غزيرة الاشجــار لما بها من كثرة الأمطــار قدم لى منقو طعــم البفره وهو لذيذ كطعام الكســـره *** وبعدها استمــر بى رحيلى حتى نزلت فى محمد قـــول وجدت فيها صاحبي حاج طاهر وهو فتى بفن الصيد ماهـــر ذهبت معه مرةً للبحـــــر وذقت ماء لا كماء النهــــر **** رحلــت من قول لودْ سلفاب لألتقى بسابع الأصحــــاب وصلته والقطن فى الحقل نضر يروى من الخزان لا من المطر أعجبنى من أحمد التفكيـــر فى كــــل ما يقوله الخبيرُ *** ولست أنسى بلدة أم درمــان وما بها من كثرة السكـــان إذا مرّ بي إدريس فى المدينة ويا لها من فرصـــة ثمينة شاهدت أكداساً من البضائــع وزمراً من مشتر وبــــائعْ *** وآخر الرحلات كانت أتبره حيث ركبت من هناك القاطره سرت بها فى سفر سعيد وكان سائقى عبد الحميـــد أُعجبت من تنفيذه الأوامر بدقة ليسلم المســـــافر *** كل له فى عيشه طريقـة ما كنت عنها أعرف الحقيقـة ولا أشك أن فى بــلادى ما يستحق الدرس باجتهـــاد فإبشر إذن يا وطني المفدي بالسعي مني كــي تنال المجدا
________________
سلام لجيل الستينات والسبعينات
Post: #61 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 08:25 AM Parent: #59
مرحب بالتلاميذ الجدد عاطف وسمرية.
انا غائب يوين عشان عندي ابعيديلات.( دا كان أشهر مرض أيامنا) والفتنا سمعت عندو حصبة..
Post: #62 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-06-2011, 08:39 AM Parent: #61
سمرية دى عايدة فى سنة تالتة وسنة ســـــاتــــة
مش فى ناس تلقاهم شطار فى الاناشيد بس ديل ناس عاطف
اول مرة اسمع ابعيديلات ده شنو ....
فى واحد كان معانا فى الفصل طهروهو فى سنة رابعة وكان ساكن جمب المدرسة نمشى نتفرج فيهو ونضحك ونقوم جاريين ، يجى ساكينا بصوت العنج عريان ماسك عراقيهو جابو للاستاذة يوم الطهور صينية فطور كاربة ، على حسها الولد ده السنة كلها الاستاذة عاملين ليهو حماية ما تدفرهو وما تلزوهو وسط الزحمة ، وما يدقوهو لو مهرجل
اريتو حالك ...
Post: #63 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 08:46 AM Parent: #62
Quote: سمرية دى عايدة فى سنة تالتة وسنة ســـــاتــــة
مش فى ناس تلقاهم شطار فى الاناشيد بس ديل ناس عاطف
اول مرة اسمع ابعيديلات ده شنو ....
فى واحد كان معانا فى الفصل طهروهو فى سنة رابعة وكان ساكن جمب المدرسة نمشى نتفرج فيهو ونضحك ونقوم جاريين ، يجى ساكينا بصوت العنج عريان ماسك عراقيهو جابو للاستاذة يوم الطهور صينية فطور كاربة ، على حسها الولد ده السنة كلها الاستاذة عاملين ليهو حماية ما تدفرهو وما تلزوهو وسط الزحمة ، وما يدقوهو لو مهرجل
اريتو حالك ...
ما بتعرف أبعيديلات..
غايتو ابشرك في الفصل دا حايجيك
Post: #65 Title: Re: كِتابِي الثانِي للصف الأول الإبتِدَائي. Author: سمرية Date: 03-06-2011, 09:00 AM Parent: #62
انا لو كنت عارفة ان المدرسة بهذة الروعة لكنت ظللت عايدة فيها اتناشر سنة تاني ..
يا عبد الدائم أخير انا العايدة ، العجب انت الكنت ... كل يوم بتجي مردف !
اناشيد غير مدرسية :
جدادي يلقط الحبة ويجري وهو فرحان .. كانه عيونو خرز .. له في الشمس الوانا ..
روضاتى يا روضاتى روضاتى تفتح بدرى أشيل فطورى واجرى أجرى تحت الكبرى الكبرى دق دق بيا بابا حنا عليا ودانى بى العربية
واحد اتنين سرجي مرجي انت حكيم ولاتمارجي انا حكيم الصحية العيانة أديها حقنة والمسكين أديله لقمة نفسي أزورك يانبي ياللي بلادك بعيدة فيها أحمد وحميدة حميدة ولدت ولد سميته عبد الصمد مشيته ع المشاية انت ولد ولا بنت انا ولد وانا بنت
غنمي .. غنمي غنمي ترعى طول اليوم وانا اسعي طول اليوم وسط المرعي طول اليوم
ام برمة جابت ولد سمتو عبد الصمد ... ام برمة جابت كديس سمتو عبد السميع ام برمة جابت فأر سمتو عبد الغفار
سلوى ياسلوى مالك بتبكى عايزة ايه عايزة صديقتى
Post: #69 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 09:29 AM Parent: #65
Quote: سلوى ياسلوى مالك بتبكى عايزة ايه عايزة صديقتى
صديــــــــقتك مين؟
أما بالنسبة لأم برمة كنت أخصائي أمبرمة معتمد في الحي ههههههه
Post: #64 Title: Re: كِتابِي الثانِي للصف الأول الإبتِدَائي. Author: محمد يوسف الزين Date: 03-06-2011, 08:55 AM Parent: #61
ما قلت ليك؟ سمرية دي عندها داتا بيز كدا بتعرفو براها، ايقى عليها عشرة بتكمل ليك البوست دا طابور طابور وحصة حصة (طبعن دا كلو زايغ من كلمة زنقة زنقة)
يا "شفت" انا ما حصلت سن النبوة، لكن ياهو نفس الجيل. ناس دكتور تروتا غايتو لو انت حضرت كابتن ماجد وانت في الثانوي معناتا لا دفعتي لا بعرفك نحن كابتن ماجد جانا في المتوسطة، ساعت كنا بنتلب بالحيطة بعد الحصة الاولى في درس العصر،
مرة حضرنا ليك كابتن ماجد عن ناس عماد البيتوم جمب المدرسة، اها واليوم داك كان في تفتيش بتاع كراسات في درس العصر، ونسيت ليك الكراس هناك. اها يازول مشيت فصل تانية عثمان استلفت ليك ترديفة وكرساقة من "........" طيش الفصل وعوير المدرسة كلها (الله يطراهو بالخير هسي عندو مغلق 6 دكاكين) المهم..يازول وكنت أول مرة أردف، ومافي أي طريقة غير اني ادق دق العيش، اها جمعو الكراسات، ربع ساعة و..محمد يوسف كراسك وينو؟! والله يا استاذ مشينا ناس عماد كانت أمو عيانة وقلنا نشوفها معاهو وبعدين الكراس والدريبـّات والملاريا وقمنا وبعدين واها بكرة بجيبو ليك! قوم يا عماد فوق، الكلام البقولو الحيوان دا صاح؟ لأ ما صاح يا استاذ، كنا قعد نحضر كابتن ماجد كابتن ماجد؟ ارجع يا محمد، ارقد يا عماد تحت، ايدينك قدام، قلت لي بتودي الناس يحضرو في بيتكم؟
____________ كان عندكم الزول اللمن يقولو جيبو الصوت بقوم بجري بجيبو بفرح كدا سريع؟
Post: #66 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 09:04 AM Parent: #64
يا محمد يوسف سمرية نكرتنا وقالت هي دخلت المدرسة صغيرة...وبي تضريبة صغيرونة لو قلنا دخلت عمرها تلات سنوات يبقى برضو هي الأن على مشارف سن النبوة لكن النصيحة شكلها كانت شاطرة وحافظة أي كتاب من الغلاف للغلاف..
Quote: كان عندكم الزول اللمن يقولو جيبو الصوت بقوم بجري بجيبو بفرح كدا سريع؟
الحقيقة كان عندنا وفرة في النوع دا لحدي نهاية السنة بيكونوا معطوا نيم المدرسة كله!!
Post: #67 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 09:10 AM Parent: #64
بكرة البيجي الفصل كراساته ولا كتبه ما مجلدات الله قال بي قولو..
ومافي واحد يجيني عاصر السندوتش مع الكراسات ولا يجيني بي كتاب ملان زيت.
مفهوم..
Post: #68 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-06-2011, 09:23 AM Parent: #67
يا سمرة النشيد ده كنا ملحننو باغنية الوحيد خلانى وحيد والفراقو حار شيد لالالالا .... لالالا .. هوووى .. لالالالالا هووى
يــلا قــولــو معـاى .. ودقو يديكم فى الدرج
يا الهي يا الهي يا مجيب الدعوات
اجعل اليوم سعيدا وكثير الباركات
واعني في دروسي واداء الواجبات
وانر قلبي وعقلي بالعلوم النافعات
واجعل التوفيق حظي ونصيب في الحياة
يا الهي يا الهي واستجب كل صلاتي
Post: #70 Title: Re: كِتابِي الثانِي للصف الأول الإبتِدَائي. Author: خالد حامد الجزولي Date: 03-06-2011, 10:15 AM Parent: #68
أخي سامي عبد الوهاب مكي ود أم درمان ياخي سلامات بوست في السلك مدرسة الرشاد الابتدائية المذدوجة للبنين ودي وإنت جايي من الخرطوم على ام درمان بي شارع الموردة بعد قصر الشباب والأطفال موقعها هناك ولا زالت تحمل نفس اللافتة ياخي مدرسة إبداع اساتذة فطاحلة لم ولن يجود الزمن بمثلهم هاك الذكريات دي
تسير في نظام تدق في نظام في النور والظلام تسهر لا تنام لاتأكل الطعام في بطنها أقدامها دقاتها كلامها تقول رن رن رن هل عرفتها
منذ ذلك الزمن البعيد أحفظ هذه الإنشودة وأتذكر لمن قرأتها الاستاذ/ قال صفقوا ليه وطبعاً الفصل كوووولووووط هاك يا تصفيق ومن ذاك اليوم حتى الآن ما في زول صفق لي غير آخر مرة كانت في الصف السادس الابتدائي وأتذكر أنني يومها كنت كتبت موضوع إنشائي عن الغروب ومنحني فيه استاذ اللغة العربية وقتها واسمه عبد الله الحاج وكان يسكن الثورة الحارة الخامسة منحني الدرجة الكاملة في ذلك الموضوع وفي طابور الصباح تاني يوم طلعوني قلت يا ربي أنا عملت لي عملة ولا شنو وبعد داك جو الاساتذة كلهم وتحدثوا وتكلموا وقالوا كلام كتير وفي النهاية المدرسة كلها صفقت لي ..ز ودا كان شرف كبييييييير جددددددددداً جداً ولا شنو.... يا سلاااااااااااااااااااام ذكريات بجيكم صادي سلامي للجميع أها بنفع اتسجل معاكم في الفصل دا ولا لأأأ؟؟؟ باي
Post: #71 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 10:27 AM Parent: #70
Quote: أها بنفع اتسجل معاكم في الفصل دا ولا لأأأ؟؟؟ باي
خلو بالكم معاي هنا يا أولاد...هوي يالبتعاين بالشباك إنت ..بفك فيك الطبشيرة دي..أنتبه..أعرفكم بتلميذ جديد جانا منقول من مدرسة الرشاد..أخوكم خالد حامد الجزولي...
خالد أمشي أقعد في الكنبة التالتة..
أسكتو ساكت ما عاوز اسمع صوت لحدي أستاذ الدين يجيكم..
Post: #73 Title: Re: كِتابِي الثانِي للصف الأول الإبتِدَائي. Author: Ishraga Mustafa Date: 03-06-2011, 10:42 AM Parent: #71
Post: #72 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-06-2011, 10:36 AM Parent: #70
يا خالد انت قدر ناس سامى جمعة زمن الابتدائى 4 سنة كان اسمو الكتاب بضم الكاف
نرجع لخدر تانى
فى اختبار العربى فى سؤال اضع الكلمات الاتية فى جمل مفيدة
ضرب ،، ركب ،، غرد
خدر كتب بعد ما شف من جارو الجمليتين والتالتة جابوها من راسو - ضرب الولد البنت - ركب حسن الحمار - غــرد ال ك ل ب ( هو قاصد القراد )
،،،،،
فى زمنا المجموع الكامل فى امتحان الشهادة كان 250 والنجاح من 125 اها فى ناس بتسقط ، عشان يبيض وشو لو سألتو جبت كم يقول ليك 124 فضل لى نمرة واحدة بس وانجح ، تقوم تحن عليهو وتتعاطف معاهو ... شفت البراءة دى ..
Post: #74 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 10:43 AM Parent: #72
Quote: غــرد ال ك ل ب ( هو قاصد القراد )
والله يا عبد الدائم غايتو خدر دا نجهتو نجيهة.
Post: #75 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 10:55 AM Parent: #74
المنهج أتغير وأمل ماشاء الله كبرت و(حقها را)ح وبدر (عاطل في أمان الله..)
قولي معاي
أمل هتفت العرس العرس العرس
بدر هتف الفلس الفلس الفلس..
ثم مسحت أمل الكريمات(قدر ظروفك) وعملت مس كول لبدر فوضع بدر الجِل (الشاحدو) من يده ورد على أمل بمس كول..
ههههههههه
Post: #76 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-06-2011, 11:17 AM Parent: #75
تعرف السكرالديس يا سامى
Post: #77 Title: Re: كِتابِي الثانِي للصف الأول الإبتِدَائي. Author: منتصر الامين Date: 03-06-2011, 11:56 AM Parent: #76
سلام يا سامى وكل ناس الفصل اجمل مافى البوست دا تنشيط الذاكره وانتزاع ذكريات جميله فى ذلك الوقت ايام مريم الشجاعه ومحمد الولد الطيب وامل كتبت وبدر قرأ... يا الله يا سامى
انا غايتو ما قدركم عشان كدا مكانى الكنبه الاماميه
ولى قداااااااااااام
Post: #83 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 01:53 PM Parent: #77
Quote: سلام يا سامى وكل ناس الفصل اجمل مافى البوست دا تنشيط الذاكره وانتزاع ذكريات جميله فى ذلك الوقت ايام مريم الشجاعه ومحمد الولد الطيب وامل كتبت وبدر قرأ... يا الله يا سامى
انا غايتو ما قدركم عشان كدا مكانى الكنبه الاماميه
ولى قداااااااااااام
غايتو يا منتصر بي بدلتك دي ما أظنك تكون بعدنا بس شكلك ناكرنا ساي يا دفعةدي بدلة زولاً عجيـــــــــــز.
ونقعدك قدام دي يا شاطر يا قصير ياود الاستاذة..
Post: #78 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 12:11 PM Parent: #76
يا نور الدائم اليوتيوب دا ولا شنو دا إلا ارجع البيت لانه في الشركة ممنوع..
Post: #79 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-06-2011, 12:27 PM Parent: #78
انتا مالك زى خدر اسمو youtube
حتى فى الشركة عندكم الفـــة باين عليك مهرجل كبير
Post: #80 Title: Re: كِتابِي الثانِي للصف الأول الإبتِدَائي. Author: محمد ميرغني عبد الحميد Date: 03-06-2011, 01:02 PM Parent: #79
والله نعم البوست الله يديك العافية كم أحببنا هذا المنهج وكم أحببنا مدرسيه لك الشكر الجزيل
Post: #82 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 01:36 PM Parent: #80
Quote: والله نعم البوست الله يديك العافية كم أحببنا هذا المنهج وكم أحببنا مدرسيه لك الشكر الجزيل
فعلاً يا محمد ميرغني حب المنهج ومعلم المنهج هو سر النجاح..
Post: #81 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-06-2011, 01:19 PM Parent: #79
يا عبد الدائم تصدق أنا الألفة ذاااااااااتي..
وحكمة الله مسئول من التدريب ود عم التدريس..
لكن الـ youtube قافلنو الفوات الـ IT
Post: #84 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-07-2011, 06:28 AM Parent: #81
أُمَتِي يا أُمة الأمجادِ والماضِي العريقِ
Post: #85 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-07-2011, 07:37 AM Parent: #84
Post: #86 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-07-2011, 08:17 AM Parent: #85
يا دفعة لقيت لي صورة و أنا في سنة ثالثة بعد فشلي في إيجاد أي صورة فردية أو جماعية (مدرسية) توثق لسنة أولى إبتدائي سنة كم كدا ق.م.
ههههههههه
Post: #87 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-07-2011, 11:37 AM Parent: #86
مالك مغبش كدا ... ما عندكم جلسرين ولا زيت كركار
برضك ما بتحصلنى فى الوجاهه لما كنا صغار
الصورة دى انت لابس لبس طلائع مايو شكلك قميص ابيض وبنطلون اخضر وشرايط على الكتف
تتذكر النشيد ده
قبل مايحول علينا الحول وجيناك وعاهدناك بتتذكر
انحنا الليلة جاينك نعاهدك من صغار هسع قبل نكبر
عشان تهدينا زي مشعل عشان تبقالنا مستقبل
جايين من بطون النيل بيوت الريف مع البندر
جايين من ضراء كدباس ابونا الجعلي الماقصر
جايين من حمي الميدوب
يثبت لخطاك تظفر
ولمن جينا في القبة قلنا المولي فوق جعفر
الله عليك يابلدي يحفظك ربي يام رابحة وام الفارس الاسمر
Post: #88 Title: Re: كِتابِي الثانِي للصف الأول الإبتِدَائي. Author: عمر الفاروق Date: 03-07-2011, 11:50 AM Parent: #87
غايتو نحن مرة الأستاذ قال تسمعو قصيدة الغارب والجبنة .. اها واحد من ناس كنبة ورا ديل لمن جا دودو في التسميع قال ليهو يا أستاذ انا ما حااظا إلا بي اللحن ..اها أسمعا ليك بي اللحن ؟ الأستاذ قال ليهو بي اللحن بي الجبنة بي اي شي المهم سمممممع .. اها زولنا بدا التسميع وهو ملحناً .. راى الغراب جبنةً في دااااري ..ترم ترم ترارارارم تراااارام ترم ترم تراااارارام ترااام ..ترم ترم تررراارراام ترااااارم ..
زولنا غير البيت الأول ما قال شي الباقي كلللو تماهو ترم ترم ترااارم .. (الترمترمات دي كان بيقولا بي الجد جد كده )..
تخريمة : يا سامي يا اخوي انت من تلاتة ابتدائي بتلبس البنطلون ؟؟ والله نحن البنطلون ده ماشوفناهو الا في الثانوي :)
Post: #90 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-07-2011, 12:20 PM Parent: #88
Quote: غايتو نحن مرة الأستاذ قال تسمعو قصيدة الغارب والجبنة .. اها واحد من ناس كنبة ورا ديل لمن جا دودو في التسميع قال ليهو يا أستاذ انا ما حااظا إلا بي اللحن ..اها أسمعا ليك بي اللحن ؟ الأستاذ قال ليهو بي اللحن بي الجبنة بي اي شي المهم سمممممع .. اها زولنا بدا التسميع وهو ملحناً .. راى الغراب جبنةً في دااااري ..ترم ترم ترارارارم تراااارام ترم ترم تراااارارام ترااام ..ترم ترم تررراارراام ترااااارم ..
زولنا غير البيت الأول ما قال شي الباقي كلللو تماهو ترم ترم ترااارم .. (الترمترمات دي كان بيقولا بي الجد جد كده )..
تخريمة : يا سامي يا اخوي انت من تلاتة ابتدائي بتلبس البنطلون ؟؟ والله نحن البنطلون ده ماشوفناهو الا في الثانوي :)
عمر الفاروق أناما قلت ليك ما تقعد مع الأكبر منك؟
يا عمر لو باريتنا بتجيب السمعة لي اولاد دفعتك أبو الجوخ وغاندي وحسن صلاح
Post: #89 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-07-2011, 12:14 PM Parent: #87
Quote: مالك مغبش كدا ... ما عندكم جلسرين ولا زيت كركار
برضك ما بتحصلنى فى الوجاهه لما كنا صغار
الصورة دى انت لابس لبس طلائع مايو شكلك قميص ابيض وبنطلون اخضر وشرايط على الكتف
تتذكر النشيد ده
قبل مايحول علينا الحول وجيناك وعاهدناك بتتذكر
انحنا الليلة جاينك نعاهدك من صغار هسع قبل نكبر
عشان تهدينا زي مشعل عشان تبقالنا مستقبل
جايين من بطون النيل بيوت الريف مع البندر
جايين من ضراء كدباس ابونا الجعلي الماقصر
جايين من حمي الميدوب
يثبت لخطاك تظفر
ولمن جينا في القبة قلنا المولي فوق جعفر
الله عليك يابلدي يحفظك ربي يام رابحة وام الفارس الاسمر
سلامات مرة اخري ياسامي اها انا علي حسب وعدي لقيت بعض المداخلا ت في بوست قديم تحكي بعض الزكريات في امكي برايمري اسكول
Quote: مدرسة امكي الابتدائية بنين تاسست في العام 1956 وتخرج منها الكثير من ابناء القرية والقري المجاورة ومنهم الدكاترة والبروفات منهم الاطباء والصيادلة والمهندسين والسفراء والوزراء وغيرهم
عند التحاقي بها كان الزي المدرسي هو الجلابية والشال أو العمة في ايام الشتاء وكنا نحمل الفطور ( في البستلة ) وعادة مايكون عبارة عن ( كسرة بي شاي) أو( كسرة بي لبن ) وبعد مرات بيكون قراصة ودمعة
الا فطور محمد تاج السر كان دائما شعيرية او عيش وطحنية وكنا نضع ( البستلات جميعها ) في الركن الشمالي الشرقي للمدرسة
وعادة ما نتسلل ان وعبد الماجد قسم السيد ( مجودة ) بين الحصة الاولي الثانية ونمشي ناكل فطور محمد تاج السر وفي فسحة الفطور يمشي يشتكينا لي ست عيشةاها طبعا ست عيشه دي الله يطراها بالخير كانت زولة صعبة خالص والمشكلة الحقيقية انها ما بتضحك كلو كلو مع انو في معلمين كتار صعبين وجلدم حاااااااااااار لكن ما مشكلة لانهم ممكن يضحكوا
المهم نخنا يوميا ناكل فطور محمد تاج السر وهو يمشي يشتكينا لي ست عيشة ناكل جلدتنا زي العجب
اها برضو في استاذ عيدالروس ابوالقاسم ودا العلمني جداول الضرب لي يوم الليلة ما بنساها
كان بيكت رقم في السبورة ويجينا بالدور مثلا كتب سبعة يجي للواحد ويقول ليهو تمانية لو قلته ب56 بتاخد جلدة ويقول لي انا ما داير بي بس تقول الرقم طوالي
بالطريقة دي انا من الخوف هسه حافظ لغاية جدول 24
واستاذ بدر علي حسين ودا برضو كان صعب شديد
وطبعا الناظر كان عمنا احمد محمد بيناوي ودا طبعا براهو مع انو عمنا وطوالي معانا لكن اول يوم في سنة اولي لقيت زول مختلف اول حاجة جانا صاري وشو وقال : انا الهاويه في اللحظة دي انا من الخوف قربت اقوم جاري ) وانا طبعا كنت شيطان شديد وطوالي في البحر اها طوالي عاين لي وقال : قوم يا ود بيناوي البحر طالع وللا نازل قلته ليهو طالع قام مسكني جلدني جلد شديد
اها من اليوم داك انا بقيت امشي للجبابيد بالدس وطبعا كنا بنمشي للمدرسة بالجلاليب والشالات ولمن نجي راجعين بنجي مشرعين
طبعا بنجي عكس الهواء والواحد بيربط طرف الشال في نصو ويمسك الطرف التاني
وبرضو بنحوم بين الاشجار بحثا عن الشقيقيلات
والواحد لمن يجي راجع البيت بيكون مالي البستلة بالشقيقيلات
Post: #93 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-08-2011, 06:19 AM Parent: #92
Quote: عند التحاقي بها كان الزي المدرسي هو الجلابية والشال أو العمة في ايام الشتاء وكنا نحمل الفطور ( في البستلة ) وعادة مايكون عبارة عن ( كسرة بي شاي) أو( كسرة بي لبن ) وبعد مرات بيكون قراصة ودمعة
الا فطور محمد تاج السر كان دائما شعيرية او عيش وطحنية وكنا نضع ( البستلات جميعها ) في الركن الشمالي الشرقي للمدرسة
والله يا ياسر الكِسرة المسكينة دي لو فتحتو ليها قوس الشاي مع قوس اللبن يكون أحسن..
كِسرة بي شاي أحمر
Post: #94 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-08-2011, 10:14 AM Parent: #93
الركابية الإبتدائية
أعظم مدارس أمدرمان مع نزاع مستمر في درجة العظمة مع مدرسة عريقة أخرى وهي مدرسة الهِجرة الإبتدائية التي يقال أنها بدأت في المكان الذي وجدنا فيه الركابية ولا زالت فيه إلى الأن مجاورة لجامع الأمين عبد الرحمن من جهتها الشمالية وعلى جهتها الشرقية يمر شارع الخليفة (جزء من شارع الوادي)
كان معظم تلامذتها من الأحياء المجاورة (الركابية ، القلعة ، ودارو ، حي العمدة ، المسالمة ، مكي ، ود نوباوي وقليل من أحياء أخرى بعيدة كان من أبعدها تلميذ واحد كنت كلما أسمع أنه من الحتانة) أقول في نفسي (حولااااااااااا)
كانت المسافة ما بين بيتنا والمدرسة لا تتجاوز الثلاثمائة خطوة بمقياس صغر خطواتنا في ذلك الوقت..لكن..هذه الخطوات القليلة كانت بالنسبة لي هي حدود العالم من الجهة الشرقية وكنت وأقراني نمارس فيها كمية من اللعب والصخب والمعاكسات من الصعب تخيلها اليوم.
من يصدق أن في هذه المسافة الصغيرة كنا نتجمع في بدايتها لنتغالط مع أول خطواتنا فيها ثم يمكن أن نتوعد بعضنا البعض إما بالهزيمة في الدافوري أو (الدق) ساكت لوجه الله أو نطارد كل الكلاب المسكينة التي يضعها حظها العاثر أمام منازل أصحابها لحظة مرورنا.
أما بعد وصول المدرسة تبدأ فصول أخرى للحياة داخل مكان كان أنظف من الخيال وأخضر من كل الجمال ..
Post: #95 Title: Re: كِتابِي الثانِي للصف الأول الإبتِدَائي. Author: ياسر بيناوي Date: 03-08-2011, 10:27 AM Parent: #93
Quote: والله يا ياسر الكِسرة المسكينة دي لو فتحتو ليها قوس الشاي مع قوس اللبن يكون أحسن..
كِسرة بي شاي أحمر
ههههههههههههههههههههههههههه والله ياسامي هي فعلا كسرة بي شاي لبن
خالص الود
Post: #96 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-08-2011, 10:50 AM Parent: #95
Quote: ههههههههههههههههههههههههههه والله ياسامي هي فعلا كسرة بي شاي لبن
خالص الود
يا ياسر أمي رباطابية من أرتُل وهي قريشابية من ألـ قريش..
كنت في أرتل قبل سنتين تقريباً...مع إني لفت كتير في اسيا وشفت كل الجمال الممكن تتخيله في الهند والفلبين من ناحية الطبيعة الخلابة لكن أجمل من هذه الجزيرة لم ترى قط عيني..
لكن بيني وبينك حا أشيل حالها بحكاية الكسرة بالشاي دي..
Post: #97 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-08-2011, 11:14 AM Parent: #96
طارق جبريل قال كان بيحشى ( الروب ) فى الكسرة يقوم الروب يسيل بكوعو يملا هدوم المدرسة كلها
تخيل زول يكون قاعد جمبك ريحتو روب روب
Post: #98 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-08-2011, 11:50 AM Parent: #97
Quote: طارق جبريل قال كان بيحشى ( الروب ) فى الكسرة يقوم الروب يسيل بكوعو يملا هدوم المدرسة كلها
Quote: يا ياسر أمي رباطابية من أرتُل وهي قريشابية من ألـ قريش..
كنت في أرتل قبل سنتين تقريباً...مع إني لفت كتير في اسيا وشفت كل الجمال الممكن تتخيله في الهند والفلبين من ناحية الطبيعة الخلابة لكن أجمل من هذه الجزيرة لم ترى قط عيني..
لكن بيني وبينك حا أشيل حالها بحكاية الكسرة بالشاي دي..
ياخي ناس ارتل ديل اهلنا وفعلا مناطنا فيها مناظر خلابة لكن للاسف منسية
خالص الود
Post: #100 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-09-2011, 06:25 AM Parent: #99
دق الجرس والحصة الأولى تسميع وشايف في ناس مردفة ولو صرفو نصف الزمن القضوه في الرديف في الحفظ كان أحسن ليهم.
Post: #101 Title: Re: كِتابِي الثانِي للصف الأول الإبتِدَائي. Author: مصطفى بابكر حامد Date: 03-09-2011, 07:48 AM Parent: #100
تحياتي الى الاخ سامي : بوست رائع روعة المنهج الذي درسناه سابقا وذكريات محفورة في العقول وبن الكنز في الجغرافيا ... اجمل ما فيه ان كان يحكي تقاليدنا وارثنا بمصداقية وتجرد ... بوست اعاد ذكريات الابتدائية بالزي الجميل... الذي يمثل وحدة التعليم لان الجميع زيهم واحد اما الان فلكل مدرسة زيها الخاص زمن جميل تعرف طالب الابتدائي من المتوسط من الثانوي وكذلك الطالبة ... شكرا وشكرا لطه القرشي وشكرا لزيدان الكسلان .. وشكرا للرجل المتسرع .. وشكرا للفار الاكول ... وغيرها التحية لكل معلم درسني حرفا الابتدائيةالحارة 12 الثورة : استاذ الامين العوض ومحمد وست عفاف يونس وست عفاف عبد الله والمدير الرائع الاستاذ جعفر والمتوسطة: المدير فضل الله ( رحمه الله ) استاذ سمير واستاذابو القاسم وخالد وعبد الله وعبد الرحمن واسامة احمد خلف الله وعصام احمد بمدرسة الوفاق المتوسطة طبعا كان زمن جميل وكان لازم تجيب مجموع كبير عشان تدخل المدراس الحكومية الجيدة وهي بكار والوفاق والاهلية والاميرية ... والثانوية الاهلية : الحارس الامين ربنا يرحمه عم رمضان والصول عبد الحميد والمدير الذي لم نحس بانه مدير يوما لان كان والدالجميع الاستاذ الامين والاستاذ كمال المحينة ... ويوسف عدلان .. وعثمان وسيداحمد والنور والاستاذ ... والله نسيته لكنني قابلته كثيرا هؤلاء الاجلاء ممن درسوني في المدارس اما الجامعة في عالم آخر واشيد بالكل من غير تفصيل ذكريات وذكريات جميلة
Post: #102 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-09-2011, 08:10 AM Parent: #101
تسميع جداول ضرب ولا محفوظات
الحصة الاولى دايما بتكون حساب
كان عندنا استاذ اسمو حسين لما يسألك 3 فى اربعة كم
ما تقول بــــ 12
تقول 12 بسرعة والا السوط فى ضهرك
،،،،،،
ترت ترت ياسر القرد توت توت ياسر العتود
ياسر ده كان زول قصير ( بعيوو ) وجراى
البعيو ولدى حك لى شنبى
Post: #104 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-09-2011, 08:48 AM Parent: #102
Quote: تسميع جداول ضرب ولا محفوظات
الحصة الاولى دايما بتكون حساب
كان عندنا استاذ اسمو حسين لما يسألك 3 فى اربعة كم
ما تقول بــــ 12
تقول 12 بسرعة والا السوط فى ضهرك
عليك الله ما ياها اليوسي ماس القاشرين بيها الناس الأيام دي؟؟
،،،،،،
Quote: ترت ترت ياسر القرد توت توت ياسر العتود
ياسر ده كان زول قصير ( بعيوو ) وجراى
البعيو ولدى حك لى شنبى
نفس النظرية مع إختلاف المشبهين بالعتوت والقرد والبعيو
Post: #103 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-09-2011, 08:26 AM Parent: #101
Quote: تحياتي الى الاخ سامي : بوست رائع روعة المنهج الذي درسناه سابقا وذكريات محفورة في العقول وبن الكنز في الجغرافيا ... اجمل ما فيه ان كان يحكي تقاليدنا وارثنا بمصداقية وتجرد ... بوست اعاد ذكريات الابتدائية بالزي الجميل... الذي يمثل وحدة التعليم لان الجميع زيهم واحد اما الان فلكل مدرسة زيها الخاص زمن جميل تعرف طالب الابتدائي من المتوسط من الثانوي وكذلك الطالبة ... شكرا وشكرا لطه القرشي وشكرا لزيدان الكسلان .. وشكرا للرجل المتسرع .. وشكرا للفار الاكول ... وغيرها التحية لكل معلم درسني حرفا الابتدائيةالحارة 12 الثورة : استاذ الامين العوض ومحمد وست عفاف يونس وست عفاف عبد الله والمدير الرائع الاستاذ جعفر والمتوسطة: المدير فضل الله ( رحمه الله ) استاذ سمير واستاذابو القاسم وخالد وعبد الله وعبد الرحمن واسامة احمد خلف الله وعصام احمد بمدرسة الوفاق المتوسطة طبعا كان زمن جميل وكان لازم تجيب مجموع كبير عشان تدخل المدراس الحكومية الجيدة وهي بكار والوفاق والاهلية والاميرية ... والثانوية الاهلية : الحارس الامين ربنا يرحمه عم رمضان والصول عبد الحميد والمدير الذي لم نحس بانه مدير يوما لان كان والدالجميع الاستاذ الامين والاستاذ كمال المحينة ... ويوسف عدلان .. وعثمان وسيداحمد والنور والاستاذ ... والله نسيته لكنني قابلته كثيرا هؤلاء الاجلاء ممن درسوني في المدارس اما الجامعة في عالم آخر واشيد بالكل من غير تفصيل ذكريات وذكريات جميلة
شكرا يا مصطفى على المرور وياريت يا دفعة لو تكب لينا حبة ذكريات
Post: #105 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-09-2011, 09:01 AM Parent: #101
بوست الزمن الجميل وتحية للجميع
يوم السبت هو اصعب يوم لأنه بيكون فى تفتيش فى الطابور اى واحد لابس سفنجة يطلع بره اى واحد ما حالق شعره يطلع بره ويبدا الاستاذ فى تفتيش الاظافر : مد يدينك لقدام وطبعا شايل ليهو عصاية من شجرة النيم او بسطونة ولو اضافرينك ما مقصوصة طبعا الضربف ى ضهر اليد ولو زوغت يدك يعيد الجلد من تانى اما الما حلقو شعرهم واللابسين سفنجات يقيفوا فى نص الطابور وياخدو علقة بقعر صوت شجرة النيم طبعا اغلب الجماعة بيجوا مردفين الملابس طبعا فى اساتذة بتفننوا فى الجلد يعنى تقيف عديل وما تجيب ايدك ورا والا اعاد الجلد مرة تانية او يجيبو كرسى وتمسك فى الكرسى ولو رفعت يدك برضه تضرب على ضهرك
اجمل حاجة فى حصة المحفوظات يوم تحلين النشيد كل واحد يحاول يلحن بطريقة جميلة بقدر الامكان وطبعا اللحن الاجمل هو البيفوز ويمكن ان يبقى هذا اللحن يمر على كل الاجيال ولا يتغير
Post: #106 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-09-2011, 09:15 AM Parent: #105
Quote: بوست الزمن الجميل وتحية للجميع
يوم السبت هو اصعب يوم لأنه بيكون فى تفتيش فى الطابور اى واحد لابس سفنجة يطلع بره اى واحد ما حالق شعره يطلع بره ويبدا الاستاذ فى تفتيش الاظافر : مد يدينك لقدام وطبعا شايل ليهو عصاية من شجرة النيم او بسطونة ولو اضافرينك ما مقصوصة طبعا الضربف ى ضهر اليد ولو زوغت يدك يعيد الجلد من تانى اما الما حلقو شعرهم واللابسين سفنجات يقيفوا فى نص الطابور وياخدو علقة بقعر صوت شجرة النيم طبعا اغلب الجماعة بيجوا مردفين الملابس طبعا فى اساتذة بتفننوا فى الجلد يعنى تقيف عديل وما تجيب ايدك ورا والا اعاد الجلد مرة تانية او يجيبو كرسى وتمسك فى الكرسى ولو رفعت يدك برضه تضرب على ضهرك
اجمل حاجة فى حصة المحفوظات يوم تحلين النشيد كل واحد يحاول يلحن بطريقة جميلة بقدر الامكان وطبعا اللحن الاجمل هو البيفوز ويمكن ان يبقى هذا اللحن يمر على كل الاجيال ولا يتغير
سلامات يا مصطفى توفيق..
وشكرأً على تذكيرنا بالجلِد النضيف ..
غايتو جلِد الشتاء ما يحليلو كلو كلو
Post: #107 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-09-2011, 09:27 AM Parent: #106
ايوا والله يا مصطفى اللحن بيكون لاصق باذهان كل الاجيال
مثلا" نشيد يا وردة كنا ملحننو باغنية حمد الريح يا حليلو كان ناوى السفر .. يا حليلو
يا وردة نبتت على غصن جميل ناضر ... يا وردة
ما انت الا بهجة ومسرة للناظر ... يا وردة
فيك الندى يلمع فى الضياء الباهر .... يا وردة
من ذلك النهر اشربى ومن الغمام الماطر ... يا وردة
فى الصدر انت جميلة مثل الوسام الفاخر ... يا وردة
النشيد ده مذكر لحنو زميلنا وليد محمد على اب رأس ( السجانة ) شفت الذاكرة دى حديد كيف
Post: #110 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-09-2011, 09:56 AM Parent: #107
Quote: ايوا والله يا مصطفى اللحن بيكون لاصق باذهان كل الاجيال
مثلا" نشيد يا وردة كنا ملحننو باغنية حمد الريح يا حليلو كان ناوى السفر .. يا حليلو
يا وردة نبتت على غصن جميل ناضر ... يا وردة
ما انت الا بهجة ومسرة للناظر ... يا وردة
فيك الندى يلمع فى الضياء الباهر .... يا وردة
من ذلك النهر اشربى ومن الغمام الماطر ... يا وردة
فى الصدر انت جميلة مثل الوسام الفاخر ... يا وردة
النشيد ده مذكر لحنو زميلنا وليد محمد على اب رأس ( السجانة ) شفت الذاكرة دى حديد كيف
يا عبد الدائم يا دفعة أنا من أول مداخلة ليك قلت ليك شكلك زول حفيظ شديد لأنك مع كل مداخلة بتحيرني وانا عامل فيها شفت وحافظ.
بالمناسبة نحن خطبنا بتك الفي الصورة دي لولدنا أحمد الفي الصورة دا وهو زول كويس ولعاب في الكورة وشاطر جداً لكن كلامه مقلبن وأخر إبداعاته أمبارح قال قالو ليهم أحفظو سورة (الناجِعات)
Post: #108 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-09-2011, 09:44 AM Parent: #106
كان عندنا استاذ اسمه عبد الحفيظ وملقبنه ب( التقيل ) استاذ صعب جدا جدا المدرسة كلها تخاف منه وهو بيدرس رياضيات وتاريخ وجغرفيا طبعا فى حصته الطلبة بكونوا ساكتين كصمت القبور ولمن يدينا واجب لازم تعملوا وتجمع الكراس ويا ويلك لو ما جمعت الكراس او كتب ليك فى الكراس ( قابلنى ) ده بقى يوم يفر المرْء من نفسه اول حاجة يجى داخل الالفة شايل الكراسات طبعا قبل الحصة تمسكك لواية فى بطنك وتشعر بمغص شديد واعصابك تكون باظت اول ما يجيى الاستاذ داخل الفصل كله قيام ثم يامر بالجلوس ويبدا الاستاذ فى السؤال ( الماجمع الكراس يطلع بره يقيف جنب السبورة ) ويبداء الانهيار اكبر للذين ما جمعوا الكراس بعد كده يبدا يسلم كل طالب كراسه واى طالب كاتب ليهو قابلنى يطلع بره طبعا كل الجماعة ديل يكونوا واقفين جنب السبور لحد الما حصة تقرب تخلص بعد كده يبدا الحساب ويناديهم بالدور ومافى عذر اما طريقة الجدل بتاعته يمسك البسطونة من النص وتقيف ثابت زى العسكرى اى ترنح او لو جبته يدك ورا يعد ليك من الاول ( اقيف كويس يا جنس ال###### يا خنزير ) دى المقولة الشهيرة بتاعته اثناء العقوبة طبعا فى ذلك اليوم اى طالب بيكون لعن اليوم الدخل فيهو المدرسة وبالرغم من انه كان استاذ صعب الا انه كاتن رياضى جدا ففى حصة الرياضة الطلبة كانوا بيتكيفوا منه لانه كان بيهتم بفريق المدرسة وكان بيكون حكم ودائما هو كان سبب فوز المدرسة فى الدورة المدرسية لكرة القدم واصله ما ننساه الاستاذ عبد الحفيظ محمد سعيد من ابناء دنقلا الله يمتعه بالصحة والعافية
Post: #109 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-09-2011, 09:50 AM Parent: #108
Quote: كان عندنا استاذ اسمه عبد الحفيظ وملقبنه ب( التقيل ) استاذ صعب جدا جدا المدرسة كلها تخاف منه وهو بيدرس رياضيات وتاريخ وجغرفيا طبعا فى حصته الطلبة بكونوا ساكتين كصمت القبور ولمن يدينا واجب لازم تعملوا وتجمع الكراس ويا ويلك لو ما جمعت الكراس او كتب ليك فى الكراس ( قابلنى ) ده بقى يوم يفر المرْء من نفسه اول حاجة يجى داخل الالفة شايل الكراسات طبعا قبل الحصة تمسكك لواية فى بطنك وتشعر بمغص شديد واعصابك تكون باظت اول ما يجيى الاستاذ داخل الفصل كله قيام ثم يامر بالجلوس ويبدا الاستاذ فى السؤال ( الماجمع الكراس يطلع بره يقيف جنب السبورة ) ويبداء الانهيار اكبر للذين ما جمعوا الكراس بعد كده يبدا يسلم كل طالب كراسه واى طالب كاتب ليهو قابلنى يطلع بره طبعا كل الجماعة ديل يكونوا واقفين جنب السبور لحد الما حصة تقرب تخلص بعد كده يبدا الحساب ويناديهم بالدور ومافى عذر اما طريقة الجدل بتاعته يمسك البسطونة من النص وتقيف ثابت زى العسكرى اى ترنح او لو جبته يدك ورا يعد ليك من الاول ( اقيف كويس يا جنس ال###### يا خنزير ) دى المقولة الشهيرة بتاعته اثناء العقوبة طبعا فى ذلك اليوم اى طالب بيكون لعن اليوم الدخل فيهو المدرسة وبالرغم من انه كان استاذ صعب الا انه كاتن رياضى جدا ففى حصة الرياضة الطلبة كانوا بيتكيفوا منه لانه كان بيهتم بفريق المدرسة وكان بيكون حكم ودائما هو كان سبب فوز المدرسة فى الدورة المدرسية لكرة القدم واصله ما ننساه الاستاذ عبد الحفيظ محمد سعيد من ابناء دنقلا الله يمتعه بالصحة والعافية
يا مصطفى توفيق بالله لاحظ عظمة الجيل البنتكلم عنه وقد تجلت في شكرك لأستاذ عددت فيه كل صفات القسوة لكن حين قارنتها بما قدم لك من علوم وإسهام في تربيتك لم تجد غير أن تشكره في نهاية حديثك...والله الواحد فخور لأنه من هذا الجيل الوفي.
Quote: طارق جبريل قال كان بيحشى ( الروب ) فى الكسرة يقوم الروب يسيل بكوعو يملا هدوم المدرسة كلها
تخيل زول يكون قاعد جمبك ريحتو روب روب
الواحد اصلو ما يديكم سره
Post: #112 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-09-2011, 12:21 PM Parent: #111
Quote: طارق جبريل قال كان بيحشى ( الروب ) فى الكسرة يقوم الروب يسيل بكوعو يملا هدوم المدرسة كلها
تخيل زول يكون قاعد جمبك ريحتو روب روب
الواحد اصلو ما يديكم سره
غايتو يا طارق لو الكان بيقعد جنبك بتاع كسرة بي شاي وما بتاع روب يكون قال الرووووووووب وسلطة الروب في رمضان مابيقربها.
Post: #113 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-09-2011, 12:24 PM Parent: #111
يا طارق جابو لينا واحد من جماعتكم ديل من البلد فى سنة تانية انت عارف السجانة كلها شوايقة
كان بقول للبصطونة ( العــصــى )
حاول يصاحب ويبارى اولاد الخرتوم شوية شوية عندنا زميلنا حاتم قام جدع المقشاشة فى المروحة ، المقشاشة اتفكفكت وملأت الفصل اولاد الفصل قعدو يقولو .. الليلة يا حاتم انا ملى ياحاتم .. الليلة يا حاتم انا ملى يا حاتم
هو عاوز يقلدهم طبعا بكلام البلد حقو .... الليلى يا حاتم انا مالى يا حاتم ...
لو عايز يكلمك فى اضانك يقول ليك تعال اخـــاليــك ....
Post: #114 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-10-2011, 07:19 AM Parent: #113
درس اليوم عن..
Post: #115 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-10-2011, 09:22 AM Parent: #114
اليوم نلقي نظرة سريعة على مدرسة الركابية الإبتدائية من الداخل..
مساحة المدرسة ليست بالكبيرة ولا أعتقد أنها تتجاوز الثمانمائة متر مربع على أقصى تقدير..
تتكون من نهر واحد أو فصل واحد لكل مستوى عدى الصف السادس فقد قُسِم لـ (أ) و (ب) وحتى هذه تمت لحصر المتفوقين وإعطاءهم الجرعة المناسبة وكذلك الأمر للأقل مستوى وكانت النتائج على قدر المرجو من هذا التقسيم.
كان بالمدرسة مسرح صغير في غاية الأناقة يتم عرض كل الأنشطة على خشبتة..
بينها وبين جامع الامين يقع البوفي الأشهر وكان يديره على ما أذكر عم جبريل وفي المساء يدير مطعم فاتح على شارع الخليفة..وكان الفطور كالمعتاد في المدارس وقتها لا يخرج من شيئين (فول وطعمية)
المدرسة مشجرة بطريقة منظمة جداً وأشجارها تجد العناية اللازمة من خفير المدرسة الذي لا زلت القاه من وقت لأخر ماري بجوار بيتي من سوق امدرمان وهو عم سليمان وكان له مكان مخصص لسكنه داخل المدرسة.
جدران المدرسة كانت مزينة برسوم تعليمية يقف على رسمها وخطها مدير المدرسة بنفسه وقد كان في غاية البراعة وإن لم تخني الذاكرة كان له ولد معنا توفي في حادث حركة وهو يهم بقطع شارع الخليفة.
الطريف أن أحد أساتذتي أصبح زميلي في العمل.
Post: #116 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-10-2011, 09:42 AM Parent: #115
فعلا ما يميز جدار المدرسة فى تلك الحقبة تلك الرسومات التعليمية التى تجدها حائط المدرسة واذكر كان ليدنا استاذاسمه بدر الدين رسام جدا فهو كان يقوم بعمل تلك الرسومات الجميلة والتى مازالت حتى اليوم موجودة فى حائط المدرسة وتحت كل رسمة توقيعه ( بدرالدين ) وقد كان هذا الاستاذ مسؤل من حصص الفنون والرسم والفلاحة المدرسية تلك الحصص التى كان يجد فيها الفرد نفسه ويتعلم كيف يرسم او كيف يزرع حديقة حيث كنا نقوم بزارعة الشتول وسقيها بالماء وعمل سور صغير بالطوب الاحمر حول الشتلة او الشجرة وكنا مقسومين فى شكل مجموعات كل مجموعة لديها يوم لسقاية تلك الاشجار اما نظافة الفصل فكل مجموعة فى كنبة عليها نظافة الفصل وكنسه قبل الطابور ويا ويل المجموعة الى لا تنظف فمصيرها الجلد وبالتالى كنا نتكب اسماء كل من يقوم برمى شىء داخل الفصل وخصوصا قشر التسالى ونعطى الورقة الى ابو الفصل هذا غير النظافة التى كان يقوم بها كل فصل او اشتراك الفصول فى تنظيف المدرسة اسبوعيا اما بالنسبة للفطور فكان الناس البيتهم قريب من المدرسة يخرجون بتصريح مكتوب من ابو الفصل او من الناظر وفى اولاد مسؤلين من حراسة الباب مهمتم السماح لك بالدخول او الخروج بذلك التصريح وقت الفطور حتى لا يأكل الطلبة خارج المدرسة وبالرغم من ذلك كان هناك بعض الطلب يقومون بالزوغان ونط الحائط الذى خلف الفصول طبعا حيطة المدرسة قصيرة انا البوفيه فيه فول وطعمية وبعض السلطات التى تضاف للساندوتش نهاية اليوم الدارسى تلقى الحاجات مرصوصين جنب المدرسة العندها ( داندرمة ) والقنوقليز بالشطة ودقة القنوقليز والعرديب وحلاوة حلى وحلاوة شعيرية وقراصة النبق غير الفول والتسالى والذى منه
Post: #117 Title: Re: كِتابِي الثانِي للصف الأول الإبتِدَائي. Author: Ishraga Mustafa Date: 03-10-2011, 09:49 AM Parent: #116
سلام يا ناس يادفعة
فى درس المطالعة فى درس بعنوان البنت الشجاعة بتحكى عن بنت نمساوية حمت شعبها اثناء هجوم لبلدها من دولة مجاورة مقروضة فى الدرس ده ياجماعة
هبة يدك معانا
Post: #118 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-10-2011, 10:59 AM Parent: #117
Quote: فعلا ما يميز جدار المدرسة فى تلك الحقبة تلك الرسومات التعليمية التى تجدها حائط المدرسة واذكر كان ليدنا استاذاسمه بدر الدين رسام جدا فهو كان يقوم بعمل تلك الرسومات الجميلة والتى مازالت حتى اليوم موجودة فى حائط المدرسة وتحت كل رسمة توقيعه ( بدرالدين ) وقد كان هذا الاستاذ مسؤل من حصص الفنون والرسم والفلاحة المدرسية تلك الحصص التى كان يجد فيها الفرد نفسه ويتعلم كيف يرسم او كيف يزرع حديقة حيث كنا نقوم بزارعة الشتول وسقيها بالماء وعمل سور صغير بالطوب الاحمر حول الشتلة او الشجرة وكنا مقسومين فى شكل مجموعات كل مجموعة لديها يوم لسقاية تلك الاشجار اما نظافة الفصل فكل مجموعة فى كنبة عليها نظافة الفصل وكنسه قبل الطابور ويا ويل المجموعة الى لا تنظف فمصيرها الجلد وبالتالى كنا نتكب اسماء كل من يقوم برمى شىء داخل الفصل وخصوصا قشر التسالى ونعطى الورقة الى ابو الفصل هذا غير النظافة التى كان يقوم بها كل فصل او اشتراك الفصول فى تنظيف المدرسة اسبوعيا اما بالنسبة للفطور فكان الناس البيتهم قريب من المدرسة يخرجون بتصريح مكتوب من ابو الفصل او من الناظر وفى اولاد مسؤلين من حراسة الباب مهمتم السماح لك بالدخول او الخروج بذلك التصريح وقت الفطور حتى لا يأكل الطلبة خارج المدرسة وبالرغم من ذلك كان هناك بعض الطلب يقومون بالزوغان ونط الحائط الذى خلف الفصول طبعا حيطة المدرسة قصيرة انا البوفيه فيه فول وطعمية وبعض السلطات التى تضاف للساندوتش نهاية اليوم الدارسى تلقى الحاجات مرصوصين جنب المدرسة العندها ( داندرمة ) والقنوقليز بالشطة ودقة القنوقليز والعرديب وحلاوة حلى وحلاوة شعيرية وقراصة النبق غير الفول والتسالى والذى منه
نسخة مكررة في كل مدرسة بالكربون تقريباً يا مصطفى.
Post: #119 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-10-2011, 11:01 AM Parent: #117
Quote: سلام يا ناس يادفعة
فى درس المطالعة فى درس بعنوان البنت الشجاعة بتحكى عن بنت نمساوية حمت شعبها اثناء هجوم لبلدها من دولة مجاورة مقروضة فى الدرس ده ياجماعة
هبة يدك معانا
غايتو الدرس دا انا اكون تلبت ارمرم في البيت وأجي..كدي أسألي أول الفصل
Post: #120 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-10-2011, 11:29 AM Parent: #119
يا اشراقة الا تجى هبه لانها قدامنا وكانت بتعيد كتير
والله انا مذكر الدرس ده لكن تفاصيلو وصفحة كم نسيتها كان عندى تطعيم الجدرى اليوم داك ، البشكوك بالابرة فى الكتف كم شكة الى الان محلو واقف ...
يا سامى الناظر بتاعنا كان براقب السلك الشايك بتاع السور وهو قاعد فى مكتبو لو السلك اتــهــز معناها فى زول تلب ، طوالى يجرى على الزقاق الوراء الفصول فعلا" يقبض ليهو واحد
تقول كان شغال فى الامن
عندكم كان فى ناس بســــفو ؟
Post: #121 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-10-2011, 11:48 AM Parent: #120
Quote: عندكم كان فى ناس بســــفو ؟
الوحيد الكان بسف في المدرسة اخوي الأكبر مني ومرة طلعوه في الطابور والاستاذ قال ليه ...هل تعلم إن البسفو في المدرسة دي إتنين..إنت وغفير المدرسة ..
بعدين يا عبد الدائم عملت لينا شنو في موضوع الخطوبة الفوق دا؟؟
لو ما قبلانين ما تقولو لي زول جيناكم
Post: #122 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-10-2011, 01:37 PM Parent: #121
والله يوم التطعيم الصحى ده خصوصا ايام تطعيم السحائى او الجدرى يمين بالله الواحد اول ما يسمع بجيتهم تمسكك لاوية فى بنطك من الخوف ماىتعرف تقبل وين وتعال شوف الكواريك اول ما يبدا تطعيم السحائى بالمسدس يمسكك الممرض ويكون معاها طبيب منظر صعب ومرعب فى ذلك الوقت
Post: #123 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-10-2011, 02:58 PM Parent: #122
يا مصطفى البوست أمانة في رقبتك الجمعة والسبت باقي عندنا كورة وإسهال شديد لحدي ما تنتهي.
ههههههه
Post: #124 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-11-2011, 03:26 PM Parent: #121
تجو مضفرين و البجي ضفورو طوال حا يتجلد.
Post: #126 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-12-2011, 09:24 AM Parent: #124
Quote: بعدين يا عبد الدائم عملت لينا شنو في موضوع الخطوبة الفوق دا؟؟
اولــن" نسأل ما يكون بتاع صعوت زى عمو ولا بساسك الجيروات زى ابوه
بناتى ديل انا صارف عليهن KGــــهات بس قطعن قلبى
كنت بذاكر لعناب قبل كم يوم بأشر ليها على الصورة وهى تقول الحرف اها يا عناب تقول CAT C DOOR D FISH F
لما وصلت لصورة ال###### الاسم راح ليها قالت لى D هوووو هووووو
تقول لى ياء مع الرجا
Post: #127 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-13-2011, 05:46 AM Parent: #126
Post: #128 Title: Re: كِتابِي الثانِي للصف الأول الإبتِدَائي. Author: محمد سنى دفع الله Date: 03-13-2011, 06:03 AM Parent: #127
[B] اخوي سامي التحيات والاماني النضرة طبعا لمن تكون محبط من كمية البوستات العنا بتفوتك متل بوستيك ده معذرة للتأخير لكن جاييك بالباب الف تحية ندية لهذا البوست العجيب مودتي[/B]
Post: #129 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-13-2011, 11:24 AM Parent: #128
من الطرائف الكانت بتحصل داخل الفصل اثناء الحصة يختو ليك نملة فى قمصيك طبعا نمل زمان كان نمل رويان وشبعان ولمن يديك قرصة زى الضربوك برصاصة بالرغم من انها حركة ما لذيذة لكن الاولاد كانوا بيستمتعوا لمن يختوا نملة لواحد مرة فى واحد مشى اشتكى للاستاذ وقال ليهو الاولاد بيختو نمل فى القميص المهم جاء الاستاذ وبقى يهرش فى الفصل انه اى واحد يعمل الحركة دى حياخد 10 جلدات بصوت العنج بتاع الناظر وفى اثناء كلامه وقعت الطامة وللحظ السىء ختوا نملة لواحد من الاولاد النوع البيشتكى طوالى بس تعال شوف الولد بقى يفرفر ويحك فى العضة ورفع يده يا استاذ ختو لى نملة وفعلا طلع الولد بره ورفع القميص ضهره ده تقول خريطة العالم من قرصة النملة الاستاذ ما كضب رسل الولد قال ليه امشى مكتب الناظر جيب صوت العنج ونادى استاذ فلان معاك وتعال بقى عينك ما تشوف الا النور الاستاذين مسكوا الفصل كله جلد وكل طالب اخد 10 حتى الولد الاشتكى اول اواحد جلدوه
Post: #130 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-13-2011, 11:47 AM Parent: #129
سرقة الاقلام والسندوتشات
كان معانا واحد اسمه ( م . ز ) مشهور بسرقة الاقلام واكل سندوتشات الحناكيش الصباح بدرى اثناء ما الناس بيقيفو طابور هو بيدخل الفصل بسرعة يعمل عملتو ويحلق الطابور نظام جاى متأخر من البيت ابوى لما مشى الحج وانا فى سنة سادسة جاب لى قلم باركر ذهبى كان حديث الفصل والمدرسة والمدرسين القلم بعد يومين اتسرق ، كل اصابع الاتهام كانت تشير الى ( م . ز ) الا انو نكر ورفض يحترف بالسرقة واصر انو الفصل كلو يتفتش ( شفت قوة الرأس كيف ) لما الناظر تعب من التفتيش قال الفصل يتجلد كلو وبالفعل اتعاقب الفصل اشد عقاب
وانا فى الثانوى قابلنى ( م . ز ) فى شارع الصحافة زلط قال لى تذكر قلمك الدهبى الاتسرق ودقو فيهو الفصل كلو
Post: #134 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-13-2011, 02:53 PM Parent: #130
Quote: سرقة الاقلام والسندوتشات
كان معانا واحد اسمه ( م . ز ) مشهور بسرقة الاقلام واكل سندوتشات الحناكيش الصباح بدرى اثناء ما الناس بيقيفو طابور هو بيدخل الفصل بسرعة يعمل عملتو ويحلق الطابور نظام جاى متأخر من البيت ابوى لما مشى الحج وانا فى سنة سادسة جاب لى قلم باركر ذهبى كان حديث الفصل والمدرسة والمدرسين القلم بعد يومين اتسرق ، كل اصابع الاتهام كانت تشير الى ( م . ز ) الا انو نكر ورفض يحترف بالسرقة واصر انو الفصل كلو يتفتش ( شفت قوة الرأس كيف ) لما الناظر تعب من التفتيش قال الفصل يتجلد كلو وبالفعل اتعاقب الفصل اشد عقاب
وانا فى الثانوى قابلنى ( م . ز ) فى شارع الصحافة زلط قال لى تذكر قلمك الدهبى الاتسرق ودقو فيهو الفصل كلو
لو منك اخنقو في الشارع أقول ليك حاجة خليه ذاتا مروة زي زمان مافي اي حاجة بقينا ممشنها الله يسامحك.
Post: #133 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-13-2011, 02:49 PM Parent: #129
Quote: من الطرائف الكانت بتحصل داخل الفصل اثناء الحصة يختو ليك نملة فى قمصيك طبعا نمل زمان كان نمل رويان وشبعان ولمن يديك قرصة زى الضربوك برصاصة بالرغم من انها حركة ما لذيذة لكن الاولاد كانوا بيستمتعوا لمن يختوا نملة لواحد مرة فى واحد مشى اشتكى للاستاذ وقال ليهو الاولاد بيختو نمل فى القميص المهم جاء الاستاذ وبقى يهرش فى الفصل انه اى واحد يعمل الحركة دى حياخد 10 جلدات بصوت العنج بتاع الناظر وفى اثناء كلامه وقعت الطامة وللحظ السىء ختوا نملة لواحد من الاولاد النوع البيشتكى طوالى بس تعال شوف الولد بقى يفرفر ويحك فى العضة ورفع يده يا استاذ ختو لى نملة وفعلا طلع الولد بره ورفع القميص ضهره ده تقول خريطة العالم من قرصة النملة الاستاذ ما كضب رسل الولد قال ليه امشى مكتب الناظر جيب صوت العنج ونادى استاذ فلان معاك وتعال بقى عينك ما تشوف الا النور الاستاذين مسكوا الفصل كله جلد وكل طالب اخد 10 حتى الولد الاشتكى اول اواحد جلدوه
والعجب لو الدنيا خريف والنمل (اب ريش) دي ما حلاوة الجندية ذاااااااااتا..
كان معانا واحد بيقول للنملة الشحموطة...
Post: #132 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-13-2011, 02:47 PM Parent: #128
Quote: اخوي سامي التحيات والاماني النضرة طبعا لمن تكون محبط من كمية البوستات العنا بتفوتك متل بوستيك ده معذرة للتأخير لكن جاييك بالباب الف تحية ندية لهذا البوست العجيب
طولت الغيبة يا أستااااااااااااذ
Post: #131 Title: Re: كِتابِي الثانِي للصف الأول الإبتِدَائي. Author: خالد العبيد Date: 03-13-2011, 11:50 AM Parent: #119
الحصة مكتبة
راجع ليكم
Post: #135 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-13-2011, 02:56 PM Parent: #131
Quote: الحصة مكتبة
راجع ليكم
للمرة التانية تقول جاي وتدُك المرة الجاية بتترفد...
سامي ازيك ياخي مشتاقين كتير طبعا جيت الاسبوع الفات لكن ما لميت فيك اظنك طولت ما جيت الحلة طبعا عبد الجليل يسال منك سؤال الضهبان قال دايرك تشركو في نادي المريخ في السباحة وكذلك البنات المهم رسل تلفونك عشان ارسلوا ليهم
اما موضوع البوست مبالغة بالله انت قديم قدر دة ومعاك عبد الدايم وسمرية طلعتو عواجيز اما جنابو قديم قدم الكسرة بقرا في المدرسة قبال يلدونا اما سيف مساعد يبقى جدو عدييييييل كدة دي يا دوبو القريتو بتم الباقي وبجي صادة
غايتو اظن نحن قرينا الاساس هههههههههههههههههه عبد الدايم ما قي داعي للفضايح
صفية حاف من غير غمتو
تحياتي للشباب وامهم
Post: #137 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-14-2011, 05:44 AM Parent: #136
Quote: سامي ازيك ياخي مشتاقين كتير طبعا جيت الاسبوع الفات لكن ما لميت فيك اظنك طولت ما جيت الحلة
والله يا صفية طولت من الحلة شديد وبقيت بضايق جداً لمن أجي وما ألقى زول وخصوصا بعد ما أخر العظماء رحل الثورة (حسين مساعد)
Quote: طبعا عبد الجليل يسال منك سؤال الضهبان قال دايرك تشركو في نادي المريخ في السباحة وكذلك البنات المهم رسل تلفونك عشان ارسلوا ليهم
من غير ما يقول كنت مفكر امشي ليهم مجرد ما تبدأ الإجازة الصيفية عشان يتلمو على أحمد وأسيل (الشركوهم في الحوض ناس المدرسة) ومن أول يوم أسيل قالت لي لميت البنات وقلت ليهم طبعاً إنتو عارفين دا حوض سباحة في نادي المريخ وأي واحدة حا تجيب سيرة الهلال حا يطردوها برة ههههههههه
Quote: اما موضوع البوست مبالغة بالله انت قديم قدر دة ومعاك عبد الدايم وسمرية طلعتو عواجيز اما جنابو قديم قدم الكسرة بقرا في المدرسة قبال يلدونا اما سيف مساعد يبقى جدو عدييييييل كدة دي يا دوبو القريتو بتم الباقي وبجي صادة
صفيــــــــــــــــة
Quote: غايتو اظن نحن قرينا الاساس هههههههههههههههههه عبد الدايم ما قي داعي للفضايح
ههههههه الأساس بالتوب الأبيض والشعر مسرح مساير
صفية حاف من غير غمتو
تحياتي للشباب وامهم
Post: #138 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-14-2011, 07:01 AM Parent: #137
اليوم إجازة وأنا ما عارف ولا شنو؟
Post: #139 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-14-2011, 07:21 AM Parent: #138
لما مشينا الزقازيق لقينا صفية سيمى فاينل بيطرة وكانت بتدينا حصص فى دار الاتحاد
الدرس القادم : ###### عبدالجليل
Post: #140 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-14-2011, 12:43 PM Parent: #139
Quote: لما مشينا الزقازيق لقينا صفية سيمى فاينل بيطرة وكانت بتدينا حصص فى دار الاتحاد
الدرس القادم : ###### عبدالجليل
لا كان كدي يا خوي انت اكبر من ناس الفصل دا
Post: #141 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-15-2011, 05:50 AM Parent: #140
من اقلام الحبر الشهيرة التى اذكرها فى تلك الفترة قلم التروبكر والباركر وقلم بيجو وفى قلم حبر من نوع الانبوبة بتتغير بس ما متذكر اسمه اما اقلام الرصاص وخصوصا فى حصة الهندسة فهو قلم 3H الشهير ولا منافس له كان فى علبة هندسة من نوع صينى لونها احمر من بره ولمن قلم الحبر يقطع منك تمشى مكتب الاساتذة تملاه او نتشترى من غفير المدرسة عنده محبرة خاتيها جنب السكن حقه فى طربيزة اما الاحذية فاشهرها الكبك بتاع باتا ثم لاركو وكان فى شدةَ البلاستيك وطبعا البيجى لابس فردة سفنجة فى رجله لازم يجيب عذر من المركز الصحى والا يا ويله من العقاب ولبس السفنجة ممنوع بقرار من مدير المدرسة
Post: #142 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-15-2011, 08:30 AM Parent: #141
Quote: من اقلام الحبر الشهيرة التى اذكرها فى تلك الفترة قلم التروبكر والباركر وقلم بيجو وفى قلم حبر من نوع الانبوبة بتتغير بس ما متذكر اسمه اما اقلام الرصاص وخصوصا فى حصة الهندسة فهو قلم 3H الشهير ولا منافس له كان فى علبة هندسة من نوع صينى لونها احمر من بره ولمن قلم الحبر يقطع منك تمشى مكتب الاساتذة تملاه او نتشترى من غفير المدرسة عنده محبرة خاتيها جنب السكن حقه فى طربيزة اما الاحذية فاشهرها الكبك بتاع باتا ثم لاركو وكان فى شدةَ البلاستيك وطبعا البيجى لابس فردة سفنجة فى رجله لازم يجيب عذر من المركز الصحى والا يا ويله من العقاب ولبس السفنجة ممنوع بقرار من مدير المدرسة
سلام يا دفعة..
قلم الحبر الحقنة دا كرهنا القراية أولاً ي###### القمصان تلقى القميص لبني وبقعة الحبر في ركن الجيب التحت منظر قبيح..وسن القلم غالباً بتتشقا..
لكن البتذكره تمام إننا كنا بنلقى المحابر موزعة في برندات المدرسة (مِلِح) لكن برضو غفير المدرسة عنده حبر للبيع.
Post: #143 Title: Re: كِتابِي الثانِي للصف الأول الإبتِدَائي. Author: الرفاعي عبدالعاطي حجر Date: 03-15-2011, 09:28 AM Parent: #142
اول مرة تقع عيني على البوست دا
لكن بحق استراحة مع اجمل الذكريات
نحن ناس الزمن الجميل دا .
.................................حجر.
Post: #144 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-15-2011, 10:06 AM Parent: #143
الشرامة وصلووووو
الرفاعى مدرستكم كان فيها حوش ؟
Post: #145 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-15-2011, 11:46 AM Parent: #144
كان فى نوع بتاع قلم حبر الا نكسر جزء من السن عشان خط القلم يبقى جميل بتذكر اول ما دخلت اولى ابتدائى من ضمن الكتب يوزعوا ليك كراس رسم وعاه الون فى علبة زى الطبشير طبعا حصة الفنون كانت اجمل حصة عندى وفعلا اتعلمت منها الرسم وبقيت رسام وما زلت احتفظ ببعض الرسومات الى اليوم فى سنة تالتة كان فى حصة الجغرفيا لمن اتعلمنا رسم الخريطة الون ليك الخريطة بالوان وزخرفة خطيرة بتذكر كان فى حصة فيها انه كل مجموعة الاستاذ يديهم خريطة مرسوم فيهاالمدرسة وفى مكان ما يوجد كنز مدفون طبعا نبدا فى البحث عن هذا الكنز احيانا يكون داخل حوش المدرسة واحيانا يكون خارج السور والمتعة فى المجموعة البتلقى الكنز اول
Post: #146 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-15-2011, 02:54 PM Parent: #143
Quote:
اول مرة تقع عيني على البوست دا
لكن بحق استراحة مع اجمل الذكريات
نحن ناس الزمن الجميل دا .
.................................حجر.
تشرف في أي وقت وهاك الوردة دي عشان قالو الشرامة وصلو (خوفة ساااااااكت..
Post: #147 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-16-2011, 06:41 AM Parent: #146
اصحو الخميس قرب.
Post: #148 Title: Re: كِتابِي الثانِي للصف الأول الإبتِدَائي. Author: مصطفى توفيق Date: 03-16-2011, 01:26 PM Parent: #147
فى ايام الشتاء مع السقط البارد كنا نجى ممسحين بالفازلين او الجرسلين طبعا تلقى الواحد شكله بيلمع من المسيح ومع اللعب وعدم الحمام من البرد تتكون طبقات حجرية بمرور الزمن فى اطراف يدك وكوعك وقدم الرجل لمن تبقى زى ضهر ابو القدح وتشقق لمن تطلع دم بالمسامات الحجرية طبعا لمن ترجع البيت ويمسكوك عشان تحك اطرافك بالحكاكة ام حجر لمن عينك تطلع، وطبعا الجلد فى السقط صعب عشان كده كان موسم الرديف بالقمصان والاردية وعشان تتدفى من البرد تلقى الطلبة قاعدين فى الشمس تحت الحيطة زى غنم الحلة والرجلين واليدين من القشف زى الدروع الواقية
Post: #149 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-17-2011, 06:25 AM Parent: #148
Quote: فى ايام الشتاء مع السقط البارد كنا نجى ممسحين بالفازلين او الجرسلين طبعا تلقى الواحد شكله بيلمع من المسيح ومع اللعب وعدم الحمام من البرد تتكون طبقات حجرية بمرور الزمن فى اطراف يدك وكوعك وقدم الرجل لمن تبقى زى ضهر ابو القدح وتشقق لمن تطلع دم بالمسامات الحجرية طبعا لمن ترجع البيت ويمسكوك عشان تحك اطرافك بالحكاكة ام حجر لمن عينك تطلع، وطبعا الجلد فى السقط صعب عشان كده كان موسم الرديف بالقمصان والاردية وعشان تتدفى من البرد تلقى الطلبة قاعدين فى الشمس تحت الحيطة زى غنم الحلة والرجلين واليدين من القشف زى الدروع الواقية
أيام لها حراشف
Post: #150 Title: Re: كِتابِي الثانِي للصف الأول الإبتِدَائي. Author: عبد الدائم سيد أحمد Date: 03-17-2011, 06:52 AM Parent: #149
ههههاى يا مصطفى ديل ناس الاقاليم والاطراف
نحن كان بصرفو لينا بيــبى لوشـــــــــــــن ولابـلـــــو
،،،
رغوة الصابون برضو بتلمع الرجلين
Post: #151 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 03-20-2011, 11:53 AM Parent: #150
خلاص إمتحان اللجنة بدأ وإنتو قبلتو على النِبلّ والبلي والكلام الفاضي...بالله ناس البيت لو عاوزين شافع يرسلوه ما يلقو
Post: #152 Title: Re: كِتابِي الثانِي للصف الأول الإبتِدَائي. Author: سامى عبد الوهاب مكى Date: 04-24-2011, 08:51 AM Parent: #151
في إيام زي دي والدنيا إجازة والسخانة عاملة عمايل ما في شي كان بيوقفنا من الكورة والتحديات وصبغ الفنايل بالوان الفرق الكنا ناجرنها من راسنا ..
غايتو نحن فريقنا كنا مسمنو الترسانة..اخيراً جداً عرفت إننا كنا بنلعب في الأرسنال شخصياً والارسنال دا او الترسانة فريق مجنرمت والكابتن بتاعنا كان كل يوم يقول لينا تبرعات ويمشي يا يشتري بالقروش سفنجة يا تبش ويجي يبيعو لينا..
والفنايل تطمم بطنك من الكورة حمالات شي فتحات كبار وشي فنيايل ممطوطة ومعظم الفريق شايل فنايل ابواتهم والفنيلة حدها الركب وحتى الصبغة بت الكلـــب عمرها ما ظبطت معانا مع اننا كنا بنشتغل حسب الطريقة العلمية يعني الموية ونسخنها والملح بنكبو والفنايل بنسوطها سواطة الويكة بي عمود نيم غالباً لحدي ما تتلايق..
اما بقية الالعاب بالله من أم الحفر تلقى الشوارع التقول محفرها فار (حفرة لكل ستة امتار) ...
النبل دي كان احرف واحد فيها صاحبنا الطائف عوض لانه احسن واحد بيصنعها وينيش بيها كمل قمري امدرمان كله..
ومن الذ نوادر وقصص النبل ونيش الطير إننا كنا ماعندنا مكان بيقبل بي جنس الفطايس البنجيبن ديل إلا قريبتنا رحمها الله مرة كبيرة وكان عقلها شوية كدا...نجي ونشوي القمري وحبة الفكة ناس ود ابرك وحرمة المصون الست عشوشة وناكل اللغاويس دي ونمشي حامدين شاكرين...ومرت الايام وفي مناسبة كبيرة ومحضورة والبيت ملان والوقت دا انا خلصت الجامعة وبقيت من صغار الموظفين جيت خاشي وبدون مناسبة قريبتنا ربنا يرحمها في نص الجمهور دا قالت لي تتذكر يا سامي لمن كنتو زمان تجيبو (الفيران) تنجضوهم في بيتي..علي الايمان والرحمن انا الفيني كملت اللحظة ديك لا قصدك الطيور وهي تشيل وتغالط والجمهور المعظمه نسوان شمشارات بعد ماكانو معجبات بالشاب المتخرج جديد والاشتغل قربن يستفرغن..انا متأكد جزء منهن يكون فعلاً صدق..غايتو الله يرحمها عملت لي سمعة
من اهم سمات المرحلة ديك التشرد طوال فترة الإجازة حبة لعب وحبة شكل وحبة صرمحة في سوق امدرمان (شبه شماشة) وكرعين ######ـــانات ###### شديد...والله قال بقولك لو لمو فيك ناس البيت ودخلوك (الرج) الحمام وسلخوك بالليفة وحجر البحر داك ...دي ما عذاب الجندية ذاااااااااااتو..
