خزعبلات الموتمر الوطني حول معارضي الفيس بووووك...!!!

ديل ناس سجمانين ورمدانين


وفجاة..!!

ديل فلول شيوعية وماركسية مندحرة

ديل مناضلي ضل بارد وغرف مكندشة

ديل سكرجية وبتاعين ويسكي وفودكا

ديل افيونين (او كما قال شيخي المكاشفي)

انا ماعارف ماقال (بنقويين لييه)..؟؟؟

عزيري القاري (تامل) في الاوصاف اعلاه التي طلت من حملة الموتمر الوطني ضد المنادين بالتغيير في السودان وانت تتامل خت لي امر القذافي وحكاية حبوب الهلوسة في بالك وخلينا نشوف

وعشان نجيب من جوووه من الضروري التامل في (الوعي ) والعقل الاقصائي الذي هو وعي (الموتمر الوطني)
الجانح لاغتيال المناهضين له بكل السبل بما فيها القتل الحقيقي والقتل المعنوي.. لذا تفرج عزيزي المتفرج في (الاسلوب) وفلسفته وهذا السلاح (المضحك) حقا في وعي كل انسان يومن باشيائه

وكم تاملنا في (الوعي) علينا ان نتامل في الاسلوب ..!! وهو اسلوب الشتم فالحكومة تشتم مواطنيها وليس لديها ما تقدمه لهم في جدلية الراي والراي الاخر الا الشتم والنبذ وساقط القول... وهي لكل انسان لديه المام قليل بعلم النفس يدري بانها اساليب من لا حيلة او لاقدرة له...!!

الوعي وقلنا وعي اقصائي شفنا لايف مثله في امر المجرم القذافي وفي امر حسني مبارك..
الاسلوب والاستايل وقلنا ده اسلوب واستايل من ليس لديه حلول اخري سوي الشتم والنبذ وفرفرة مذبوح..
ولو ادينا (اللغة ) طلة فهي في كل مفرداتها عبارة عن لغة سوقية (وليق) تقدمها السلطة السجم كوظائف لجموع العطالةوكخبر لللجوعي وومستقبل للمحبطين...
داير ديل فلك ان تشيل شوالات من لغة (نافع) ومندور ومن لف لفهم من الرجرجة والدهماء والشغيلة في الفضاء الصحفي بكل انواعه..

يا ابكرونا كيزان شتمونا...!!
ما يستفاد من هذه اللغة وهذا الخطاب الانقاذي الذي اصبح هو ديدنها وخطابها الرسمي الموجهة الي نواحي الفيس والتيوتر والاسافير السودانية عموما... هو مربوط تماما بما يسمي بمكانيزم الثورة والتغيير
ودي محطة مهمة في محطات العدو ابو دقن ... فالانقاذ فقدت (المنطق) تماما وايقن سادتها في عقلها الباطني والخارجي بان الكعة جاية جاية برضاهم او بدونه...

هذا وقد جهزو لهم كتيبه للقضاء الفيزيائي عليهم:
الوطني» يتوعد بسحق المعارضة وشباب «الفيس بوك»

الخرطوم: حمد الطاهر: توعد المؤتمر الوطني، بسحق القوى السياسية المعارضة وشباب «الفيس بوك» الذين وصفهم بـ»بأذيال الشيوعي والشعبي»، وتحدى المعارضة ووصفها بالميتة التي تستقوي بالاخرين على اسقاط النظام، وقطع بأنها لن تهز فيه «رمشة عين» ولن تحرك مواقفه «قيد انملة».
وقال نائب رئيس المؤتمر الوطني نافع علي نافع لدى مخاطبتة «كتيبة استراتيجية» بايعت حزبه امس ان الانقاذ «ذهب لا تزيدها النار الا بريقا ولمعانا».
من جانبه، وجه نائب رئيس المؤتمر الوطني بولاية الخرطوم محمد مندور المهدي، تحذيرات للمعارضة وشباب الفيس بوك، وقال «باسم هذه الكتيبة الصامدة نقول للمعارضة لن تأتوا هذه البلاد، وفينا أعين ترمش، وبيننا هذه العصبة المختارة»، وأضاف نقول لشباب الفيس بوك هذه الكتابات التي تكتب على صفحات الأنترنت لن تستطيع أن تغير أمراً أو تحرك مواقفنا قيد أنملة».
وقال مندور للكتيبة «القوى السياسية الميتة التي شاهدتموها أنتم في ولاية الخرطوم شيعتم جثامينها عندما أرادات مقاتلتكم في الإنتخابات» واضاف ان المعارضة تريد أن تعيد الكرة على الحكومة وتستقوي بالاخرين والقوى المنكسرة على أهل هذه البلاد.
وطالب مندور «المجاهدين» بالدفاع عن البلاد، وقال لهم «أنتم مجاهدون، ولن تستطيع قوة في الأرض أن تقف أمامنا»، وزاد «من يقف أمامنا سنسحقه سحقاً وننتهي منه في هذه الارض» واضاف «من يريد ان يواجهنا فليواجهنا وصدورنا خارجة من ملابسنا».
من جانبها، أكدت رئاسة قوات الشرطة هدوء واستقرار الاحوال الامنية بكافة ولايات البلاد، وافادت بأن الولايات لم تشهد أية تظاهرات أو اشتباكات بين قواتها ومجموعات متظاهرة، ولم تسجل سجلات الشرطة بلاغات بسبب احداث شغب ولم يتم القبض علي أي مواطن عدا مدينة ودمدني التي سجلت بلاغات لثلاثة متهمين ارادوا اثارة الشغب داخل سوق المدينة وابلغ عنهم المواطنون واطلق سراحهم بتعهد شخصي. وحول احداث فداسي، أكدت الشرطة أن السبب الرئيسي في اغلاق الطريق لفترة مؤقتة كان هو الحادث الذي وقع علي طريق الخرطوم مدني والذي اسفر عن وفاة احد المواطنين بالمنطقة ولم تكن وراء التجمهر أية اسباب سياسية.
وفي الخرطوم لم يتم القبض علي أي طالب أو مواطن ولم تحدث إشتباكات مع الشرطة، إضافة الي أن مدن ربك ودنقلا وسنار لم تشهد أي شكل من أشكال التظاهر

جريدة الصحافه :عدد اليوم

وما يستفاد ايضا من هذه الشتائم والردحي الذي سارت به الركبان..
هو انعدام البدائل والحلول وقوف حمار الانقاذ في العقبة... فالشاهد في ثورات مجاورة وفي لحظات كتلك الحكومت لوحت بوظائف ولوحت بحوار مع هذه المجموعات ولكن الانقاذ مراحلها تمشي سريعا وتطوي المسافات
صوب محطتها النهائية وخواتمها التي تسير بمكيانيزم سرعة الضوء...!!
وظائف
حوار
شتم
انهيار
كانت هذه هي دورة حياة (بني علي) وجزء من دورة حياة (حسني مبارك) والان علي بن صالح يمشي في نفس المنوال...

Quote: من جانبه، وجه نائب رئيس المؤتمر الوطني بولاية الخرطوم محمد مندور المهدي، تحذيرات للمعارضة وشباب الفيس بوك، وقال «باسم هذه الكتيبة الصامدة نقول للمعارضة لن تأتوا هذه البلاد، وفينا أعين ترمش، وبيننا هذه العصبة المختارة»، وأضاف نقول لشباب الفيس بوك هذه الكتابات التي تكتب على صفحات الأنترنت لن تستطيع أن تغير أمراً أو تحرك مواقفنا قيد أنملة». وقال مندور للكتيبة «القوى السياسية الميتة التي شاهدتموها أنتم في ولاية الخرطوم شيعتم جثامينها عندما أرادات مقاتلتكم في الإنتخابات» واضاف ان المعارضة تريد أن تعيد الكرة على الحكومة وتستقوي بالاخرين والقوى المنكسرة على أهل هذه البلاد. وطالب مندور «المجاهدين» بالدفاع عن البلاد، وقال لهم «أنتم مجاهدون، ولن تستطيع قوة في الأرض أن تقف أمامنا»، وزاد «من يقف أمامنا سنسحقه سحقاً وننتهي منه في هذه الارض» واضاف «من يريد ان يواجهنا فليواجهنا وصدورنا خارجة من ملابسنا».

هلا يا الامين وتحياتي..
وشكرا علي هذا النقل...
وهو تقرير عن واقع الموتمر الوطني المرتعد ويفضح حال واحوال بني كوز وهم في خواتيم ايامهم التعيسة
تهديد اجوف وابو دنانات ضكرية فنكوشية وقمة الاستهبال والخوف ورجف الطغاة.
ولاحظ سطوة العقل الاقصائي المتوتر..
تحالف ما بين شيوعيين وموتمر شعبي
مدعومة من جهات اجنبية..
والدرب رايح ليهم تماما وانفلتت عنهم الامور فتركتهم لعقلهم المريض الذي يحدد لهم العدو الذي يتمثل لهم مرة في شكل شيوعيين ومرة في شكل موتمر وطني ومرة في شكل قوي جاية من خارج الحدود

وهذا التقرير هو اكبر خدمة تقدمها الانقاذ للمراقبين لميكانيزم التغيير الاتي بلا ريب بلا شك

وتحياتي

Quote: من يقف أمامنا سنسحقه سحقاً وننتهي منه في هذه الارض»

الجزئية دي من حديث المدعو مندور المهدي او( اي كان اسمه) دايرة ليها شوية فلفلة
وده العقل الاقصائي الدكتاتوري عندما تسقط عنه كل مساحيق التجميل ويجلس (ميطي) ما بينه وبين وعيه الباطني الذي يهرب الي الوعي الخارجي ويرسل (لغة مدمرة) ومشحونة بوعي (شمسون الجبار..)
نسحقه سحقا
ونتتهي منه
من علي هذه الارض..
حولااااااا
مندور المهدي ذلك الكوز يخط علي قارعة (العالم عموما) وليس السودان اقبح العبارات التي يمكن ان يقولها رجلا علي سدة الحكم ومبروك ايها الكيزان
والوحش يقتل ثائرا
والارض تنبت الف ثائر..
ويا كبرياء الجرح لو متنا لحاربت عنا المقابر...

مسكين وفيرررررري مسكين مندور المهدي هذا واخروين من جوقته

يا كيكي

سلام.

عارف الجماعة البنفخوا ديل قبل المظاهرات ما تبداأ قالوا البشير ما حيترشّح للولاية القادمة.
دي حسني مبارك قالا بعد الملايين نزلت الشارع بمدة
وعلي عبد الله صالح كذلك

ناسك ديل من قولة تيت جابو آخرهم.
فعلا نمور من ورق.

يعني مظاهرتين تلاتة تلقى البشير في تشاد ونافع في مطار مروي.

سيتهاون بسرعة البرق. الخطاب البائس الرعديد يدل على ذلك.

كلما كان النظام شاتما بذيئا كلما كان عوده هشا ضعيفا. أتنبأ يومين من المظاهرات ويفر جمع الطاغية...

تحياتي باشمهندس ولا تبتئس فأنتم الأعلون...

Quote: سيتهاون بسرعة البرق. الخطاب البائس الرعديد يدل على ذلك. كلما كان النظام شاتما بذيئا كلما كان عوده هشا ضعيفا. أتنبأ يومين من المظاهرات ويفر جمع الطاغية...

هلا يا زمراوي وتحياتي يااخ..
وهذه النظام فعلا قاعدة علي الهبشة 0و(ام فكو) وهم في دواخلهم عارفين القصة دي
لذا نجدهم يعملون علي تقفيل هذا الخلل بتلك التهديدات الجوفاء التي لا تقتل باعوضة
اليس هو ذلك النظام الذي اخترقت عاصمته لاندكروزات لم تدوس فراملها الا في كباري منتصف الخرطوم
(والبسمع الزيطة والزمبيطة العاملنها نافع ومندور دي بقول حكاية اللاندكروزرات ديك حصلت في فولتا العليا)

Quote: عارف الجماعة البنفخوا ديل قبل المظاهرات ما تبداأ قالوا البشير ما حيترشّح للولاية القادمة. دي حسني مبارك قالا بعد الملايين نزلت الشارع بمدة وعلي عبد الله صالح كذلك ناسك ديل من قولة تيت جابو آخرهم. فعلا نمور من ورق. يعني مظاهرتين تلاتة تلقى البشير في تشاد ونافع في مطار مروي.

هلا يا شماسي
وصدقني انا من ما الله خلقني ما شفت لي ناس خوافين وكضابين زي الكيزان ديل..!!
والناس ديل كانو لاخمين الشعب الفضل ده لمن شافو (القوم قد جمعو لهم) قرروا ان يمثلو دور (ابو دنان الضكر) عسي ولعل ان تاتي لهم بمريسة تام زينو وتنجيهم ببدنهم...!!
ولكن (نووووووو ووووووي اوووووت)

انهم يا شماشي يهرولون بسرعة صوب الهاوية ... وخرمجو لينا زاااتو قراية مراحل نهايتهم التي قاب قوسين ونيف
وتحياتي

هنالك فيديو ظهر ابان الثورة المصرية فيهو موتمر صحفي لجمال حسني مبارك يسخر فيه سخرية لاذعة من ناس الفيس بوووك...
يا تري هل تفرج فيه المدعو مندور المهدي ام لا..
عشان يعرف وووين جمال مبارك ...وووين ناس الفيس بووووك..
ويعرف بان دوام الحال من المحال

أهم عوامل ضعف النظام أن معظم منتسبيه أرزقية. يعني دخلوا التنظيم لا عن قناعة إنما بحثا عن منصب أومال.
زي ديل ما عندهم ولاء. من أول موجة بيتلبوا برة.
وحنشوف.

Quote: أهم عوامل ضعف النظام أن معظم منتسبيه أرزقية. يعني دخلوا التنظيم لا عن قناعة إنما بحثا عن منصب أومال. زي ديل ما عندهم ولاء. من أول موجة بيتلبوا برة. وحنشوف

نعم يا شماشي
ده نظام (لحم راس) ما بين المنفعجية وناس تاكل عيش ومحبي الحكحكة في المال العام ومحاولة تشييد كروش منه
والترابي زاااتو شيخهم العاجنهم وخابزهم قال في مفاصلتهم الشهيرة (لقد اختارو السلطان واخترنا القران)
يعني عارف ناسو المشو للوطني ديل عجبتهم وسال لعابهم لقروش الميري والخمج في قروش الشعب المسكين ده
وهاااك يا لبع وهااك يا كروش...
انه نظام يبدو كما يبدو كسيجارة ملفوفة بايادي سطلجي كيشششة من اول نفس تتطرشق هذه السيجارة وتنهار بما فيها من حشيش وبرنجي

وناس الفيس بوووك كمان منجضين البشير ورهطه نجاض قبورة

واحد من الرهط يحاول الهروب من بين أيادي الباسلات

Quote: واحد من الرهط يحاول الهروب من بين أيادي الباسلات

بس ياااهو نموذج منهم... تلقاهو اكبر خواف ويشيل ليهو سيخة او عكاز ويعمل فيها (ابو دنان ضكر)
وفي اول كربون زي ده يفك البيرق

التحية للكندكات الباسلات الموضبات المرجف الرعديد ده

المدعو مندور المهدي يبدو بانه الطاووس الكيزاني الجديد الذي يحاول ان ينفش ريشه ويتلادح علي جموع هذا الشعب الفضل

وسنتابع

جاكم

كع ...

هلا ياكيكي

ياخ شغل الفيس بوك دا من شدة ما محير الجماعة ديل ختو قصاد كل زول خمسة متابعين
وألذ حاجة عندما لا يجدون بوصلة تدلهم على مآربهم يبدؤون في إرسال روابط الهكر
لذلك ننصح كل مستخدمي الفيس من الشرفاء بعدم أي فتح رابط حتى لو كان من صديق
بدون موعد مسبق... فللفيس دروب أخرى ومزايا ..يلا للمزيد من التنظيم والتنسيق والخدعة
التي هي حرب المرحلة، وكل خروج هو مسمار في طرف النعش حتى يكون المسمار الأخير
المباغت الذي يأتيهم كالصاعقة حيث لا مجال للهروب والتدبر ...
هههههه الفيس يرهق قوى الظام هو شعار المرحلة .

Quote: ياخ شغل الفيس بوك دا من شدة ما محير الجماعة ديل ختو قصاد كل زول خمسة متابعين وألذ حاجة عندما لا يجدون بوصلة تدلهم على مآربهم يبدؤون في إرسال روابط الهكر لذلك ننصح كل مستخدمي الفيس من الشرفاء بعدم أي فتح رابط حتى لو كان من صديق بدون موعد مسبق... فللفيس دروب أخرى ومزايا ..يلا للمزيد من التنظيم والتنسيق والخدعة التي هي حرب المرحلة، وكل خروج هو مسمار في طرف النعش حتى يكون المسمار الأخير المباغت الذي يأتيهم كالصاعقة حيث لا مجال للهروب والتدبر ... هههههه الفيس يرهق قوى الظام هو شعار المرحلة .

هلا يا منعم
والفيس بووك خلااص شال منام الحرامية ديل...
وتابعنا هنا تحرك الفيس بووك في الوعي بتاعهم بداء بخطاب البشير في ام روابة
وقبلها كان نافع رشاهم بواحد (خيبة وسجم رماد) والان عندما بلغت الارواح الحلاقيم انبري مندور المهدي
واعلن الجهاد المقدس ضد هذا الفيس بوووك الشيوعي الشعبي اللعين...
ونعم هي حرب وفضاء مفتوح للحقيقة ولذا اكبر الخسائرين هم الخفافيش ولصوص الشعب
علي ارض الواقع وعلي ساحات الفيس بووك والاسفير عموما

Quote: جاكم كع ...

هلا يا بقبق
طبعا بعجيك وبسر بالك كلامات ناسك الراجفين رجفي السنين ديل..
وانجو بجلدك يا عمرو واني لك من الناصحين فالمعبد في طريقه الي الانهيار

Quote: جاكم كع ...

المعلم كيكى اخصائى الجقلبة سلامات

الجقلاب ود الباوقة نموذج للجقلبة العميقة وتظهر جقلبته يوميا من خلال رصده وقد تحول اخير (لسنترال ) وقام باكثر من عشرة اتصالات
يوم 21 مارس واتصل بكل مناطق التظاهر فى السودان وذلك بعد ورود اشاعة حرق مزراع جنوب الخرطوم ...
فشعار المناضلين (جقلبة ود الباوقة جابت فايدة .)..فود الباوقة اليومين ديل ..تحول من راس حربة فى تيم الكيزان الى استوبر مدافعا عن ..الهجمات المباغتة
من عدة مهاجمين..وتعرض لاصابات عديدة حسب الخبير كيكى اهمها موية مزمنة فى الركب..وقد يذهب لكنبة الاحتياطى حسب توصية (الكوتش) فلان

ونعود

ديل.....

ثم ديل

ثم ديل

ثم ديل


انت فى نظرك سيدى العزيز يمكنك ان تطلق عليهم اى مسميات
وهم يحتمون بالفشل المتكرر والتخبط ولفح اخبار مفبركه بعيده كل
البعد عن الواقع........

Quote: وهم يحتمون بالفشل المتكرر والتخبط ولفح اخبار مفبركه بعيده كل البعد عن الواقع........

هلا يا وليد وتحياتي..
ورغم فشلهم المتكرر والتخبط الا انهم سنتصرون فحتمية التغيير وسيادة القضايا التي ينادون بها علي كل (الضمير العالمي) سيجعلهم سنتصرون وما الامر الا مدة قليلة وستتحول الحرية التي في الاسفير الي حرية علي الارض وفي داخل الخرطوم وكل فيافي السودان..(وده امر حتمي يا وليد ومفروغ منه) ومهما تفرفر او تجيش ناسك ديل وتسلحو بالرصاص والشتائم والتهكير وكل ادوات البلطجة التي رايناها في مصر وتونس واليمن
وليبيا..

حبيب العادلي في أول يوم للمظاهرات المصرية قال لحسني
دول شوية أولاد صيع حانتهي لك منهم في دأأيْء (دقايق).
وهاهم لا يستفيدون من دروس التاريخ وعبره ويكررون نفس العنتريات التي ما قتلت ذبابة.

Quote: وهم يحتمون بالفشل المتكرر والتخبط ولفح اخبار مفبركه بعيده كل البعد عن الواقع........

وليد . أخونا الذي لديه مخيخ علوي!
من أين لك هذا؟؟

خليني أفضى واقوقلا عشان نعرف على أي موقع سطوت.

تحياتي وسلامي كيكي التفكيكي
عارف يا كيكي أول هذه الخزعبلات بدأها سيئ الذكر المجرم البشير لأهالي الدبة ( علي ما أعتقد ) قال ليهم خشوا الإنترنت وخشوا الكومبيوتر وخشوا الفيس بووك علشان تردوا للناس دي . العوير البشير دا ح يمرضنا مرض عند سقوطه ، شي حليفة طلاق وتاني تحت جزمتي و ممكن حسب معلوماته عن الفيس بووك يقعد ( يجوعر زي جوعيرو في المسجد داااااك ) لما عرف بالفساد في دولته الميمونه ، غايتو أطلب من الفنان عمر دفع الله يتحفنا بريشته الجميلة ويرسم لينا كاريكاتير للبشير العوير وهو يبكي ويقول : الفيس بووك عذَبنا شال الحكم وجنَنا

المحيرني لغاية الآن هو كيفية دخول الإنترنت أولاً ومن ثم دخول الكومبيوتر ولا دا شغل ياباني يا سعادة المشير العوير

Quote: يوم 21 مارس واتصل بكل مناطق التظاهر فى السودان

هلا يا معاوية
بلغني بانه اتصل علي عثمان فتة او اي كان اسمه واتصل ايضا علي (عبدالله كمونية)
ومتصل علي مطاعم (ماعارف دي اخبار انتفاضة) ولا عاوز يطلب هوووم دليفري بتاع فتة وكمونية...
ود الباوقة يا معاوية مقياس رسم حقيقي للحال والاحوال التي صابت بني كوز
جقلبة وام سلعة وفنجطة تاريخية
ثم خلعة جعلته يهدر الكثير من البنكوت حتي يطمئن قلبه علي مستقبل سيده عمر البشير الذي اري فيما اري ايامه الاخيرة...وياسبحان الله

Quote: حبيب العادلي في أول يوم للمظاهرات المصرية قال لحسني دول شوية أولاد صيع حانتهي لك منهم في دأأيْء (دقايق). وهاهم لا يستفيدون من دروس التاريخ وعبره ويكررون نفس العنتريات التي ما قتلت ذبابة.

هلا يا شماسي
المجرم حبيب العدلي رايته قبل كم يوم كده محلوق الراس ومجدوع في احدي الحراسات زيو زي اي ورل..
والناس ديل ما بتعملو من التاريخ ...والبشوف نفخات حبيب العدلي وسطوته مين يقول الزول ده يتكردن ويدق الدلجة...
والمرجف مندور المهدي حيحلق ليه الشعب ده (دقنو) ان وجدت بقزازة كمان

Quote: عارف يا كيكي أول هذه الخزعبلات بدأها سيئ الذكر المجرم البشير لأهالي الدبة ( علي ما أعتقد ) قال ليهم خشوا الإنترنت وخشوا الكومبيوتر وخشوا الفيس بووك علشان تردوا للناس دي . العوير البشير دا ح يمرضنا مرض عند سقوطه ، شي حليفة طلاق وتاني تحت جزمتي و ممكن حسب معلوماته عن الفيس بووك يقعد ( يجوعر زي جوعيرو في المسجد داااااك ) لما عرف بالفساد في دولته الميمونه ، غايتو أطلب من الفنان عمر دفع الله يتحفنا بريشته الجميلة ويرسم لينا كاريكاتير للبشير العوير وهو يبكي ويقول : الفيس بووك عذَبنا شال الحكم وجنَنا المحيرني لغاية الآن هو كيفية دخول الإنترنت أولاً ومن ثم دخول الكومبيوتر ولا دا شغل ياباني يا سعادة المشير العوير

هلا يا مها وحبابك..
والجهلول عمر البشير فعلا حصل ليهو الاستلاب (الفيس بووووكي) بعدما انتصرت ثورة مصر او كادت
وفي اقرب ملف وجد فيهو مايكرفون فتح نيران تقيلة علي الفيس بوووك (في الدبة وام روابة) وحرش المواطنين ضد هذا العدو الرعديد بدون ما يعرف الفيس بوووك ده منوووو ولا شنووووو (بس بكون قالو ليهو ده السقط حسني مبارك)
لذا نجده ارتجف كونه يعلم تمام العلم بانه وحسني مبارك وبن علي والقذافي سيم سيم بالكربون...
هذه السلطة وفي كل اضابيرها هذه الايام العدو الاول هو الفيس بوووك ده
ولا استبعد ان خرجت مسيرات كيزانية تهتف (راس الفيس بوووك مطلب شعبي)

حتي زوال حكومة السجم عاوزيين البوست دا في الربع التاني يا كيكي
خزعبلات خزعبلات خزعبلات !
فوق فوق فوق !

عبد الكريم.......سلام
يا اخوى ما تلخبت علينا الاختستسات
نحن ناس السعوديه ديل مع منو فى الكيمان الذكرتها دى؟؟
ورينا راسنا من كرعينا ما تبقى زى الناس ديل تدغمسنا ساكت
هسه كلام زى ده ما بيرمى الزول فى حد القذف؟؟؟؟
لوووووووووووول،،،،،،

Quote: نحن ناس السعوديه ديل مع منو فى الكيمان الذكرتها دى؟؟ ورينا راسنا من كرعينا ما تبقى زى الناس ديل تدغمسنا ساكت هسه كلام زى ده ما بيرمى الزول فى حد القذف؟؟؟؟

هلا يا خال
وانتو ناس السعودية ناس (اكلي المكبوس) وضاربي البان المراعي والهاربين من الكفلة
وينظر لكم الموتمر الوطني في نضالكم هذا علي اعتباره (بندق في بحر) ساااكت لووووووول

وسنتابع

Quote: حتي زوال حكومة السجم عاوزيين البوست دا في الربع التاني يا كيكي خزعبلات خزعبلات خزعبلات ! فوق فوق فوق !

هلا يا مها وحبابك
وايووه حنشيل (خزعبلات الموتمر الوطني) للربع الجاي ايضا حتي نرصد بعيون صقر كل الخزعبلات التي حتنا سياتي بها اولئك اللصوص ويعملون علي تغبيش الوعي في معركة التغيير وكنس اثار الانقاذ الجاية بقطار سريع

لاحقا سنرصد ايضا خزعبلات (كلاب السرة) والسلعلع الذي الاحظ علو صوتهم هذه الايام في حملتهم التبخيسية الكابة في (مترة) الكيزان في تحالفهم الامبيي مع هذه القوي الفطير ذات الوعي الكرور من القضايا الاساسية للمواطن السوداني..