Post: #268
Title: Re: شوقي سليمان تعال علمنا ماسمتك النضال....!!
Author: بهاء بكري
Date: 03-12-2011, 09:52 PM
Parent: #267
Quote: وانتا يا زول ما عندك حق في السودان ده... ماعندك رغبة تعبر عن حاجاتك في بلدك...ماعندك احساس بالخراب الحاصل ده....لييه ياخي ما تفكر في حقوقك وحقوق الاخريين ولييه ما تفكر في الناس الفقراء الماصين حقوقهم... لييه ياخي ما تفكر في الناس البتتعذب في السجون عشان هي قالت رايها لييه ما تفكر في الناس البتضرب رصاص ويفقد الاب ابنه والابن ابوه وامه...!! وليييه تخلي خبز بلدك للاخريين يعوسو فيهو زي ما دايرين.... ممكن افهم لييييييه..؟؟ [/QUO
غايتو ياشوقي صاحبي كيكي حدثك
|
Post: #269
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-12-2011, 10:51 PM
Parent: #268
Quote: بعدين يا كيكي سبب التأخر في الاجابة السؤال كان موجه لك والاخت التي طرحت السؤال شكلها بطنها طامة مننا وعايزة تطرش فينا فقلنا نخلي ليك المايكرفون وطال ما حولتوا لينا حرم ما نرجعوا . |
السلام عليكم يا اخ شوقى اولا فى اول مداخلة لى فى البوست ده سلمت عليك مع كيكى لم اتجاهل شخصك ولم اتغاضى عن البوست مبذول للنقاش العام ولكنه معنون بأسمك لا يخفى عليك انو عادى بتلقى البوست مدور وبتحصل نقاشات جانبية بين اثنين تلاتة بى هنا و بهناك يعنى البوست ده فتح جبهة نقاش بينى واحمد التجانى و دالبشرى و اخيرا ود الصايم وما شفت سؤالك الموجه لى ولكيكى
تانى راك تحدثت عنكم و كأنك ارتضيت ان تكون مصنف من جماعة معارضة المعارضة وهذا شأنك فى نفسك اما انا فأسألنى عن ما اكتب وراجع ما كتبت لم اذكر اسم انسان واقول ده كده والا كده انا بتكلم بشكل عام وبناقش ظاهرة تيار معارضة المعارضة يا اخ شوقى طبيعى انا فى راسى اسماء بتشكل ومرتبطة بالتيار ده لكن طالما انى لم اذكر شخص يبقى ان ما كتب مقصود به ان يكون بعيد كل البعد عن اصدار اى احكام شخصية وان يتناول فقط ما هو عام
ثالثا حاجه حاشا لله انا ما بطرش لى فى زول لاختلاف الرأى
اتمنى ان ما كتب اعلاه كفيل بإزاحة اى سوء فهم واتمنى بالجد ان يتواصل النقاش فى الموضوع الاساسى وان نركن الى حسن الظن بالاخرين
وعشان فعلا ننصرف لما هو مفيد رجاء اعادة السؤال يا اخ شوقى لانى بالجد ما شفتو طالما انو كان موجه لى انا برضو بودى انا اساهم فى الاجابة المداخلات كتيرة رجاء مساعدتى فى كتابته مرة اخرى
تحياتى لك ولكيكى ولهذا النقاش الجاد المحترم
|
Post: #270
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 03-13-2011, 01:51 AM
Parent: #269
سلامات يا كيكي لو معارضة المعارضة شايفين الواقفات خلهن اضرب الجفلن عشان لما يجن تاني ما يبقن ذي الواقفات..
ذي ما كتبتا هنا من قبل الاكاذيب بتاعة المعارضة الشخصية نوع عندي عربية برادو ومتزوج بت فلان ولما كنت بتكلم مع نعوم جومسكي قالي انت عندك مستقبل كبير دي كلها اكاذيب مسكينة ولا تهم كثيرا وكن حين تكون الكذبة من حجم مصنع الشفار حق بن لادن وبصنع اسلحة بايولوجية وجي ينضرب مصتع الشفاء ويموت الغفبر وعائلته والعمال بعدها المصنع دا كان بيغطي حاجة السوق من المضادات الحيوية وادوية الملاريا باعار في متناول اليد تبقى بعداك الادوبة مستوردة وغالية والمواطن ما بقرد يشتريها وبيموت سمبلة ولا ناس القاعدة قاعدين في السودان عشان امريكا تجي تضرب السودان وتغير الحكومة الفشلت في j تغيرها المعارضة بكل الطرق. لما المعارضة ترفع نداء التغيير المسلح ويجوها اولاد الامهات الغبشاوات من هاوي لا لاوي وتنتهي بشكلة بين قائدين كل منهم وطن اولاده في جهة ممتازة تضمن لهم الحياة الكريمة لي جنا الجنا. واولاد الامهات ديل ينتهوا في الحفر ومناجم الذهب يعملون بنظام السخرة بينما تكذب كل جهة عن اين اولاد الامهات وماذا حدث لهم ( راجع رسالة مقاتل مريود و مقاتل امير) على اي مواطن ان يعارض مثل هذه معارضة واذا صمت بحجة الانقاذ العن يبقى فقط انتقائي وغير عادل.. العفن الذي يقتل اولاد الامهات واحد سواء ان كان في المعارضة او الحكومة فانتوا يا كيكي قاتلوا الانقاذ ونحن خلونا نقاتل الشق الاخر الذي لا يختلف عنها الا في الجهة..
وانا شخصيا اخترت موقفي هذا بعد قراءة ما كتبه مقاتل مريود مقاتل امبر وما كتبه رافت ميلاد عن اخيه الذي تمت تصفيته في الميدان. ولذلك الاكاذيب التي تضر بالشعب هذه مسؤولية كل انسان ليحاربها بدون مجاملات وافتئات واي انسان حر في موقفه الذي يتخذه وهو مسؤول عنه امام الله وامام الوطن.
وانتوا توقفوا عن قبقبة اي زول عنده وجهة نظر مختلفة منكم وتفتيش الضمائر
المناضل المضاد.. لعناية جارلس دينق
|
Post: #272
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 06:35 AM
Parent: #271
Quote: وانتوا توقفوا عن قبقبة اي زول عنده وجهة نظر مختلفة منكم وتفتيش الضمائر
|
هلا يابيان.. ومافي طريقة لتوقيف قبقبة من يويد الانقاذ لانو ده زول بويد الزول البقتل وبعذب وبعتقل وبشردالناس الجدلية في ظني ما المعارضة والحكومة.. بل هي حقوق المواطن والسلطة... وما المعارضة سوي منصة تقول بانها تقف ضد هذه السلطة ولها ادواتها وخطابها الذي قد نتفق معه فيه او نختلف.. ولكن لن اجعلها معركتي الاساسية واغض النظر عن (الفيل الحقيقي)... ومافي تفتيش ضمائر ولا ينبغي ولكن في تفتيش مواقف من القضايا بتاعة المظالم وسلطة فاسدة ومواطن مغلوب علي امره بالتاكيد المعارضة هي لست بحاكمه بل الانقاذ هي من تجلس علي رقبته..!!
وتحياتي
|
Post: #273
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 06:51 AM
Parent: #272
الفكرة وصلت يا سهام ووصلت معاها فكرة النقل المباشر من خانة الرمادية إلى معارضة المعارضة!!
بالنسبة لي يا سهام ما عندي شغلة بدا منو ودا منو البلاقيهو قادمي بديهو الفيها النجيضة وبمش .. عاوزه كوتات .. روابط .. أي حاجة نحن جاهزين!
أما بالنسبة للسؤال المشروع .. فإذا كان موجه لي ممكن أرد عليهو .. إذا كان عام ممكن أجليهو عادي!
|
Post: #274
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 07:11 AM
Parent: #273
بعدين ما ملاحظين التناقض في قصة أي زول مؤتمر وطني يحمّل تصرفات حكومة بأكملها وأي زول معارض يبقى تصرفات فردية؟
|
Post: #275
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 03-13-2011, 07:38 AM
Parent: #274
Quote: بعدين ما ملاحظين التناقض في قصة أي زول مؤتمر وطني يحمّل تصرفات حكومة بأكملها وأي زول معارض يبقى تصرفات فردية؟ |
آخخخخخخخخخخخ ضربة في الانكل
واي زول دا مرات ساي بس عشان زهجانين منه قالو كوز..
اهم حاجة الشعور والضمير الحي
|
Post: #276
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 08:30 AM
Parent: #275
Quote: بعدين ما ملاحظين التناقض في قصة أي زول مؤتمر وطني يحمّل تصرفات حكومة بأكملها وأي زول معارض يبقى تصرفات فردية؟ |
هلا ياعمك... المعارضة هنا انا موزع الكمونية بتاعتها كيمان كيمان.. 1- معارضة احزاب سياسية 2- معارضة افراد..!! ومعارضة احزاب سياسية دي زاااتها فيها نقة... لانو انا لو كنت شيوعي مثلا ما كل تصرف اعملو يجب ان يسقط علي الحزب الشيوعي..(لانو الحزب هو جزء من اشياء الانسان وليس كلها) يعني مثلا لو جاء شيوعي اتكلم عن (البنفسج في شعر حسن طلب)... ما طوالي ح اقول ده راي الحزب الشيوعي في شعر حسن طلب...!! وفي الراي الحزبي وده خط الحزب والفيهو كل العضوية بدورو في الدفاع عنه وساعتها ممكن اقول ده راي الحزب الشيوعي... واما الفرد الكيري الزي وزيك كده فده بالتاكيد الراي بتاعو مسئولية فردية... ---------- نجي لبني كوز.. وما يقع عليهم يقع هو نفس حكاية (حسن طلب)... فالموتمر الوطني بالتاكيد هو ليس مالك حصري لكل اشيائهم ولكن عندما يكون الامر مربوط بالسياسة وكل الاراء التي تاتي تحت مظلية تنظيمية فان هذا الامر يجب ان يحسب كتصرفات خصما علي الموتمر مثله ومثل الشيوعي ومثل الحزب امةومثل انصار السنة...!! ------------------------- وعشان كده فرز الكيمان مهم.. مثلا قولو معارضة الحزب الكيت كيت كضابة والمعارض الكيت كيت كضاب.. ولانو ليس من العدل ان تقولو المعارضة كلها كضابة ولاشنووووووو..؟؟؟
|
Post: #277
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 08:40 AM
Parent: #276
الحزب الشيوعي دا بالذات خليهو يا عمكـ! أي زول هنا قاشر لينا بالحزب الشيوعي وفي أول ملف وأي مشكلة يجوكـ الجماعة: هذا الشخص لا ينتمي رسميا للحزب الشيوعي!!
طيب من قيل كنت وين؟
|
Post: #279
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 08:52 AM
Parent: #277
Quote: وعشان كده فرز الكيمان مهم.. مثلا قولو معارضة الحزب الكيت كيت كضابة والمعارض الكيت كيت كضاب.. ولانو ليس من العدل ان تقولو المعارضة كلها كضابة ولاشنووووووو..؟؟؟ |
يلا يا عمكـ كمان نمش قدام .. وزي ما اتصديت ـ بصفتكـ الشخصية ـ لتفتيش دواخل المنتمين للمؤتمر الوطني .. أبدا أدرش لينا ناس المعارضة ديل كان حزب حزب كان أفراد أفراد! عشان تكون منصف برضو .. ولّ شنو يا عمكـ السطر الأخير دا بنجليهو حاليا!
|
Post: #281
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 08:54 AM
Parent: #277
Quote: الحزب الشيوعي دا بالذات خليهو يا عمكـ! أي زول هنا قاشر لينا بالحزب الشيوعي وفي أول ملف وأي مشكلة يجوكـ الجماعة: هذا الشخص لا ينتمي رسميا للحزب الشيوعي!!
طيب من قيل كنت وين؟ |
ياعمك الحزب الشيوعي مثير للجدل وله معارك وعداوات كثيرة مع احزاب وافراد لانو علي مستوي الفكر بتاعو بتحرك في (خط ستة) وهي منطقة خطرة وفيها محاذير كثيرة واقل كركبة فيها ممكن تعمل بلنتي.. خاصة ونحن في محيط لسع الوعي بالقضايا فيهو استقطاب شديد كالدين والاجتماع ونقة معبكة ومشبكة كده.. عشان كده لو سبيت ليك دين الليلة بكرة ممكن يقولو الزول ده شيوعي..!!
|
Post: #282
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 08:58 AM
Parent: #281
Quote: عشان كده لو سبيت ليك دين الليلة بكرة ممكن يقولو الزول ده شيوعي..!! |
غايتو يا عمكـ .. أعمل حسابكـ شوية كـدا بتفوتنا رمادية زاتو!!
|
Post: #278
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 03-13-2011, 08:43 AM
Parent: #276
يا كيكي في حاجة اسمها تربية حزبية صاح؟ بتهتم بكل التفاصيل حتى مظهر الزول وعلاقاته
اها اسع سيوعي ذي بكور دا ( تم نكره من الحزب حطب) بيتسخدم مفرات مثل ست انداية وشنو كلامو الفارق و الفارق
وكل قلة الادب دي عاملها من اجل الحزب الشيوعي لانه فقط زعلان لاني بنتقد الحزب الشيوعي وطريقته في النضال او شخصية ممثل وائل طه او شخصية مثل هنادي ديل كلهم بتكلمو باسم الحزب الشيوعي وبيشتمو ويكذبو اسع اجي اقول جو من اهلهم كدا الكلام دا ما عنده دخل بالحزب؟
شوف الجمهورين مثل ااي واحد بغلط طوالي بحث من ناسه على الاعتذار لكن ناس الحزب الشيوعي بشجعوهم لدرجة يجيك شيوعي ناطي يقول لقليل الادب الكضاب بتذكرني ببوخارين
عشان كدا يا كيكي اي زول حزبه المفروض يقوليه عوج وعيب ونظم نفسك ولما يعمل عملة وائل طه دي يتحاسب ويفصل. حتى لا يتحمل الحزب عيبه لكن حزب اصلا سياساته في دحر الاخرين قايمة على اغتيال الشخصية والاكاذيب ناس ذي ديل بيكونوا ثروة ليهم.
اي زول مربوط بحزبه مهما كان خاصة انه المكان دا مكان حوار
|
Post: #280
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-13-2011, 08:52 AM
Parent: #275
سلامات يا ود الصايم و تحايا انا متابعة معركة ذات الرمادية دى وكل كركباتها وعارفه تماما انك من الناس الاصابكم رشاشها لكن يا اخى الكريم (على قول ناس الجزيرة) انا ما قلت فلان ده معارضة معارضة وكلنا بناقش فى العام و انت وانا دخلنا النقاش نعرض وجهات نظرنا يا ود الصايم حقيقا انا احترم الناس و خياراتهم لكن ما تساوى لى المعارض مع الكوز فهذا لا يستقيم المعارض ده بنتعامل معاهو كشخص لانو زى ما اتفقنا قبيل ما فى حاجة اسمها معارضه موحدة وعندها قيادة عليا و كوود اخلاقى موحدين حتى المعارضين الحزبيين اذا فى موقف معين و الزول ده عبر عن رأى وقال والله ده رائيى انا الشخصى ما رأى الحزب طاولى يجيك اخوك كيكى ده يقبقبه فيهو (ولو رأى الحزب برضو بتقبقب بس بطريقة مختلفة)
اما الكوز يا سيدى الفاضل ده شخص منظم عندو قيادة عليا وجهه بتوجهو و يعمل فى خدمة الحكومة القدام عينا هسه دى (وانا ما بفسر وانت ما تقصر) كل كلمة بطلعها الكوز كل فعل يقوم بيهو لحماية النظام و اطالة عمرو هو عمل ضد البلد دى ده الفرق يا عمك ده فرق كبير الموقف هسه يا معارضة يا نظام
وتانى بقول ليك اى كلام انا قلتو هنا رغم انو ممكن يكون رد على زول لكن بالله عليك يا ود الصايم هو مفتوح لكل زول ممكن يرد ما تحمل اى كلام على محمل شخصى انا بعتبر انك مناقش فى البوست ده وما بكتب اى تصنيفات
يا ود امى الما برضاهو لنفسى ما برضاهو للاخرين
|
Post: #283
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 09:07 AM
Parent: #280
أبدا يا سهام ماف محمل شخصي .. دا بالنسبة لي أنا وإنتي لكن كيكي سيد البوست دا زاتو ما بضمنو ليكـ شوف عيني ليهو قاعد يقول شوف سهام دارشة ود الصايم كيف
كدي خليهو يجي يقول كضاب
|
Post: #284
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 09:15 AM
Parent: #283
Quote: شوف الجمهورين مثل ااي واحد بغلط طوالي بحث من ناسه على الاعتذار لكن ناس الحزب الشيوعي بشجعوهم لدرجة يجيك شيوعي ناطي يقول لقليل الادب الكضاب بتذكرني ببوخارين
|
هلا يا بيان وكده احنا بدينا نضيق الحلقة وده تقدم ملحوظ من النقاش.. كويس طلعنا كوم من المعارضين كالجمهوريين مثلا بره الهيلمانة بتاعة كضابين كضابين دي وصفينا الصراع مع الحزب الشيوعي وبعض عضويته...!! اذن فليكون الصراع مع الحزب الشيوعي وبعض عضويته ولا يسقط هذا الامر علي كل ومجمل العمل المعارض لانو العمل المعارض ما كلو مثلا الحزب الشيوعي واعضائه ديل...!! اناقادرافهم ممكن تتشكل صراعات حتي ما بين الاحزاب المعارضة في زات نفسها ولكن الصراع ده ما بوقف الكركبة صوب قبقبة الكيزان.. وما بخلي حقوقي الاساسية يسرقوها بني كوز وبحرد ليهم العمل المعارض عشان شيوعي او شيوعيين او عشان كل الحزب الشيوعي حتي لو اتشاكلت مع عمك لينين في قبرو..
|
Post: #285
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 09:18 AM
Parent: #284
هلا يا سهام واحييك واحي الدرش لهذا الضحكونجي الرعديد وما ترفعي الابنصات عنو ابدا بلااااااش رمدنة معاه لوووووووووووول
|
Post: #286
Title: Re: شوقي سليمان تعال علمنا ماسمتك النضال....!!
Author: معاوية محمد الحسن
Date: 03-13-2011, 10:00 AM
Parent: #285
Quote: الاخ معاوية لك تحياتي وجمعة سعيدة معنى كده ننتظر الشعب السوداني ليقول كلمته في التغيير . وذي ما قلت وائل عنيم حرك الشباب هل انت شايف نحن عندنا وائل غنيم ؟؟؟ |
الاستاذالزميل شوقي تحياتي ايه رايك ..انابتوقع انو اخونا كيكي يكون هو وائل غنيم السودان التحية لك صديقي كيكي
|
Post: #287
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 10:09 AM
Parent: #285
Quote: يلا يا عمكـ كمان نمش قدام .. وزي ما اتصديت ـ بصفتكـ الشخصية ـ لتفتيش دواخل المنتمين للمؤتمر الوطني .. أبدا أدرش لينا ناس المعارضة ديل كان حزب حزب كان أفراد أفراد! عشان تكون منصف برضو .. ولّ شنو يا عمكـ السطر الأخير دا بنجليهو حاليا! |
هلا ياعمك والمداخلة دي يا دوبك كحلتها... ياعمك المعارضة دي وبي كضبها البتقولو عليهو ده ماشة معانا في سكة ولكنا ماشين (نكسر ونهردم الكضاب الكبير الذي هو الموتمر الوطني) ولو المعارضة وناسها واحزابها الماشين مع الناس الدايرين التغيير قعدوا في السكة يعملو للدرب كليوات من الضروري القبقبة تحصل وتتفاهم وتتدشمن معاهم.. ولكن الدشمنة دي ما بخليها الهم الاول وكل يوم كرو كرو المعارضة سوت والمعارضة فعلت والمعارضة تركت... لا المعارضة العاملة كركبة تديها هووك بالشمال واليد اليمني ام دلدوم في الكيزان ومعاها روسية كمان..وترمي لقدام
|
Post: #288
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 10:17 AM
Parent: #287
Quote: ايه رايك ..انابتوقع انو اخونا كيكي يكون هو وائل غنيم السودان التحية لك صديقي كيكي |
يااا معاوية يا صديقي ياخ وكيكي يااخ زول كنابو وكراكير وكل همنا انت وانا وشوقي ده زاااتو نعيش في وطن يحترم كل ابنائه وفي ديمقراطية وسلام عشان نبنيهو سوي..
وشكرا علي العشم وفلنقتدي كلنا بوائل غنيم وتجربته التي اسقطت اعتي الطغاة في العالم انطلاقا من (ماوس وكلك)وبمعاونة الشعب المصري الجميل
وتحياتي
|
Post: #289
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 10:29 AM
Parent: #288
Quote: ياعمك المعارضة دي وبي كضبها البتقولو عليهو ده ماشة معانا في سكة ولكنا ماشين (نكسر ونهردم الكضاب الكبير الذي هو الموتمر الوطني) |
ح نرجع تااااني لحجوة أم البيضة ولّ الجدادة!! يعني يا عمكـ ممكن تتغاضى عن أي حاجة عشان تناضل!!
|
Post: #291
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 10:48 AM
Parent: #289
Quote: ح نرجع تااااني لحجوة أم البيضة ولّ الجدادة!! يعني يا عمكـ ممكن تتغاضى عن أي حاجة عشان تناضل!! |
لا ياعمك مافي تغاضي ويلا ينبغي ولكن الزول ما يخلي شغلتو بس كفيت ناس المعارضة ويخت سفة ويفرتق بعد داااك.. ومخلي بني كوز بهناك كاتلين البيضة والجدادة الاثنين..!!
|
Post: #292
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 10:57 AM
Parent: #291
Quote: لا ياعمك مافي تغاضي ويلا ينبغي ولكن الزول ما يخلي شغلتو بس كفيت ناس المعارضة ويخت سفة ويفرتق بعد داااك.. ومخلي بني كوز بهناك كاتلين البيضة والجدادة الاثنين..!! |
يا زول .. القال ليكـ الكلام دا منو؟ بس كمان خليكـ متسق شوية .. خت سفّتكـ وكفّت البجيكـ ماشي بالغلط .. كان كوز كان معارض كان رمادي!! دس إذ ذا بوينت!!
|
Post: #290
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-13-2011, 10:36 AM
Parent: #283
Quote: اليتك وضمانك شنو انو برحليهم طوااالي البشير حيرحل... قدم رويتك واطروحتك التي تجعل من رحيل البشير ممكنا وقدم ايضا الضمانات بتاعة خطتك دي |
شوف الاسئلة التعسفية دى !!!! يا كيكى والله اكثر حاجة حفزتنى ادخل البوست دة هو اللهجة التعسفية المتعاظمة لديك والمتضخمة بفعل النشوة التى تحدثها قبقبة احد الرماديين او حسب الترقية للرتب الجديدة (معارضى المعارضة) البتعمل فيه دة يا كيكى ابتزاز وارهاب فكرى عديل وبيضعك فى مرتبة واحدة مع غلاة المتطرفين لما يتهموا الناس بالكفر والذندقة لمجرد الدعوة للحداثة او حرية المراة ومساواتها مع الرجل فى محاولة لتكميم افواه الناس ومصادرة حرياتهم وذريعتك لذلك ان هؤلاء يدعمون الكيزان وبالتالى هذا جواز وفتوى منك بان تحل دماؤهم والغريبة وعجيبة فعلا هو السهولة والاريحية التى تطلق بها احكامك وتصنيفاتك للبشر (ينتقد المعارضة + لم نراه من قبل يعارض الكيزان = داعم للكيزان ) , هل المفروض على الانسان ان تاتى افعاله وخياراته بناء على ما تتركه هذه الافعال والخيارات فى مقياس رضا الكيزان او معارضيهم وهل مطلوب منى كفرد ان ادق طار لمعارضتى للكيزان سواء فى المنبر او خارجه حتى انال البراءة من قبلكم , وطيب لو دة ما كان ارهاب وتخويف للمجتمع كيف بيكون؟؟ كنت قد طلبت منك يا كيكى ان تدلو بدلوك فى حوار لا يبعد كثيرا عن مدلول هذا البوست وغرضى من ذلك ان تبرهن لنا عن مبدائتك المطروحة بكثافة فى هذا البوست والمطلوبة بحدها الادنى فى البوست المشار اليه وارجو ان لايفهم من ذلك مجرد ارغام باقتحام نقاش بين عضويين محسوبين على نفس الكوم بقدر ما هو تاكيد على تفاهة السياسة وسذاجة بعض المنظمين سياسيا , تفاهة السياسة تجدها فى تهافت معارضى الامس للفوز بمناصب المؤتمر الوطنى ودولاراتهم المزغللة للعيون وليس بعيد عن الاذهان ناس فتحى شيلا والزهاوى ابراهيم مالك ومسار وغيرهم وكمان سكسكة وردى مع البشير متناسيا تاريخ النضال وما اقترفه نظام البشير بحق الشعب السودانى عامة ورفاق النضال خاصة. كما اشرت لك من قبل البوست بيدور فى نقاط محددة , الافضل ان يصل المتحاورين فيها لفهم مشترك لكى لا نخرج من هذا البوست برتب اكبر من معارضى المعارضة , والنقاط الخصها فى 1- ارفض تماما لقب معارضى المعارضة لمجرد ان انتقد تصرف اراه مشينا لشخص ما 2- ارفض تكميم الافواه ومصادرة الحريات 3- ارفض محاولات الارغام على ال (show and publicity) لكل فعل امارسه ضد نفاق الكيزان والباسهم للحق بالباطل حتى انال رضا المناضلين
رأي خطأ يحتمل الصواب و رأي الاخرين صواب يحتمل الخطأ
تحياتى يا سهام واعتذر لعدم مواصلة الحوار بسبب المشاغل (القراية وكدة) الا احيانا بتستفزنى بعض الكسرات للود كيكى دة وبتحفزنى ان ادخل واواسيه
|
Post: #293
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 11:16 AM
Parent: #290
Quote: - ارفض تماما لقب معارضى المعارضة لمجرد ان انتقد تصرف اراه مشينا لشخص ما 2-ارفض تكميم الافواه ومصادرة الحريات
|
هلا يا صلعة وتعرف يا احمد تجاني مافي حاجة ضارنا في الفضاء الاسفيري ده وفي كل فضاءات الامر السوداني الا الحنق والزهج ومحاولة توطين الانطباعات المقطوعة من راس لا يري الا ما يتخيله هو...!!
وكدي خلينا اولا نشكرك علي توطين انطباعتك ونتجازوها ونتكلم عن الاشياء الاساسية في صلب البوست 1-Quote: ارفض تماما لقب معارضى المعارضة لمجرد ان انتقد تصرف اراه مشينا لشخص ما
|
وانا كمان ارفض اطلاق معارضة المعارضة لمجرد ان انتقد ما اراه مشينا من معارض.. ولكن اويد اطلاق وصفة معارضي المعارضة علي كل من ينتقد المعارضة ونجده في الصفوف الداعمة للكيزان وعندما تقبقبه يقول انه ما كوز 2--ارفض تكميم الافواه ومصادرة الحريات وانا ايضا ارفض تكميم الافواه ومصادرة الحريات في ارض الواقع وفي هذا المنبر.. وارفض ايضا ابتزال معاني الحريات واستخدامها كنفاج لكي يقمع الحريات في ارض الواقع ويويد من السلطة التي تقوم بذلك... 3- ارفض محاولات الارغام على ال (show and publicity) لكل فعل امارسه ضد نفاق الكيزان والباسهم للحق بالباطل حتى انال رضا المناضلين... ولعلك تقصد بالكيزان التي وردت المعارضين وساعتها انا برضو بتفق معاك.... مع الاشارة علي رضا المناضلين ده شنو وليييه والدايرو منو.. واعتقد بان الاهم هو ارضاء الذات والقناعات....
------------------------------------- وكلامك الباقي الفوووق ده كلو يا احمد التجاني في مجمله عبارة عن (بندق في بحر ) انطباعي وده رايك بس و لو اترويت وتعمقت في جزئيات البوست وشلت نظارة الانطباع حتلقي احنا ما مختلفين وساعتها ما حنسمع اراء انطباعية علي شاكلة عنطسة وعسف وكلامات كبار كبار لا تساوي ثمن الكيبورد الذي كتبت به.. وهابي قراية يا صلعة كن بالف خير ولداحة
|
Post: #294
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 11:23 AM
Parent: #293
Quote: يا زول .. القال ليكـ الكلام دا منو؟ بس كمان خليكـ متسق شوية .. خت سفّتكـ وكفّت البجيكـ ماشي بالغلط .. كان كوز كان معارض كان رمادي!! دس إذ ذا بوينت!! |
ايوووه ياعمك كده احنا في التراااك.. كفت الكوز كفت المعارض كفت الرمادي..
واها رايك شنو في الزول البلم مع الكوز وبجكك معاهو في نفس الراكوبة وبرشششششششش المعارضة بيدا من حديد من نفس الذخيرة والكلاشنكوف بتاع الكوز ..؟؟
|
Post: #296
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 11:32 AM
Parent: #294
راينا كان واضح جـدا في الكلام دا .. أنا ما باخد موقفي من اتجاه الزول السياسي .. المبدأ هل الكلام دا غلط ولّ صاح .. وزي ما إنتو بترفضوا تحميل المعارض كشخص مسؤولية الفشل أو التصرفات (المنفردة)، أنا برضو برفض تحميل الكوز (كشخص) مسؤولية تصرفات الحكومة إلا إذا كان جبت لي حاجة ثابتة إنو الشخص دا ليهو يد مباشرة في أي قرار أو تصرف تتخذوا الحكومة!
_ إنتو بتدوا نفسكم الحق في حاجات إنتو رافضنها لغيركم ليه؟!
هسي البوست دا مش تفتيش نوايا لأخونا أو عمنا شوقي؟؟
إنت رايكـ شنو بالضبط في مسألة التفتيش والتجريم والكلام دا؟
|
Post: #295
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 11:25 AM
Parent: #290
Quote: وبتحفزنى ان ادخل واواسيه |
واسيني الأعرج؟
|
Post: #297
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 11:32 AM
Parent: #295
شفت مداخلة احمد تجاني ابو صلعة دي ياااها واسيني الاعرج زاااتو
اسال شوقي عن رويته وعن الضمانات يقوم لافح كيبوردو ويشبكني تهم كبيرة خلاص ويرش رش السنين ويطلعني متعنظس..!!
يا ود التجاني بدل تتهمني وتتفاصح فيني تعال قدم الاطروحات والروية السالت انا منها شوقي دي واقهمني بيها... يا متقتح
|
Post: #298
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 11:42 AM
Parent: #297
Quote: راينا كان واضح جـدا في الكلام دا .. أنا ما باخد موقفي من اتجاه الزول السياسي .. المبدأ هل الكلام دا غلط ولّ صاح .. وزي ما إنتو بترفضوا تحميل المعارض كشخص مسؤولية الفشل أو التصرفات (المنفردة)، أنا برضو برفض تحميل الكوز (كشخص) مسؤولية تصرفات الحكومة إلا إذا كان جبت لي حاجة ثابتة إنو الشخص دا ليهو يد مباشرة في أي قرار أو تصرف تتخذوا الحكومة!
_ إنتو بتدوا نفسكم الحق في حاجات إنتو رافضنها لغيركم ليه؟!
هسي البوست دا مش تفتيش نوايا لأخونا أو عمنا شوقي؟؟
إنت رايكـ شنو بالضبط في مسألة التفتيش والتجريم والكلام دا؟ |
ياعمك... قلنا الكلام في السياسة لمويد الكيزان يحسب علي الكيزان.. حاجاتو الثانية بطريقتو.. الكلام في السياسة عند الشيوعي احسبوها للشيوعي... عند حزب امة احسبوها للامة عند العدل والمساواة احسبوها لعوج الدرب.... هكذا.. وده موقف سياسي وفي عضو حزب جزء من مسئوليته هنا ان يدافع عن هذا الامر ويتحمل كل تبعات خطابه الحزبي...!! وبمناسبة البوست ده وتفتيش نوايا شوقي... فده كلام ما سليم بل هو مناقشة الاراء بتاعة شوقي وهو بالمناسبة محفز جدا وانا لو لقيت زمن لقدام بعمل لي لسستة بتاعة رمادين ولك فترة اناقش لي وااحد منهم (مان تو مان) ولانو الرمادية بكون مدسي ما بين الصفوف وعامل فيها (ميت) ولكن لمن تجيبو للاضواء وتناقشو في حاجات كثيرة واسئلة ممكن توضح ليهو وتخليهو يراجع اموره في القضايا التي تهمه هو كمواطن في المقام الاول..
وبدعو كل زول انو يجر ليهو (رمادي) علي جنبة ويناقشو باحترام وتقدير وبدون عنطسة او كما يدعي ابو صلعة الزول العجيب ياااخ
|
Post: #299
Title: Re: شوقي سليمان تعال علمنا ماسمتك النضال....!!
Author: lana mahdi
Date: 03-13-2011, 11:55 AM
Parent: #298
Quote: وهو بالمناسبة محفز جدا وانا لو لقيت زمن لقدام بعمل لي لسستة بتاعة رمادين ولك فترة اناقش لي وااحد منهم (مان تو مان) ولانو الرمادية بكون مدسي ما بين الصفوف وعامل فيها (ميت) ولكن لمن تجيبو للاضواء وتناقشو في حاجات كثيرة واسئلة ممكن توضح ليهو وتخليهو يراجع اموره في القضايا التي تهمه هو كمواطن في المقام الاول.. |
الحبيب كيكي سلام وتقدير الكلام دة ينطبق على الذين يوصفون بمواقفهم الرمادية نتيجة عدم علم من قبلهم وعدم إحاطة بكل الراهن السياسي السوداني...لكن كثيرين هنا يبدون رماديي المواقف ولكنهم في حقيقة الأمر ينفذون مخططات معينة وهي عدم الكشف عن هوياتهم السياسية الحقيقية حتى لا يجابهوا بحواجز نفسية من قبل عضوية المنبر وحتى يصنفوا على انهم رماديوا الموقف عن عدم معرفة بالصح النسبي...
|
Post: #300
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 12:03 PM
Parent: #299
أها .. شوف طاقية أم الوليد دي!!
|
Post: #301
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-13-2011, 12:10 PM
Parent: #300
Quote: ياعمك... قلنا الكلام في السياسة لمويد الكيزان يحسب علي الكيزان.. حاجاتو الثانية بطريقتو.. الكلام في السياسة عند الشيوعي احسبوها للشيوعي... عند حزب امة احسبوها للامة عند العدل والمساواة احسبوها لعوج الدرب.... هكذا.. وده موقف سياسي وفي عضو حزب جزء من مسئوليته هنا ان يدافع عن هذا الامر ويتحمل كل تبعات خطابه الحزبي...!! |
أه .. كلام نظري ساي!!
|
Post: #302
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-13-2011, 03:17 PM
Parent: #301
Quote: يا ود التجاني بدل تتهمني وتتفاصح فيني تعال قدم الاطروحات والروية السالت انا منها شوقي دي واقهمني بيها... يا متقتح |
يا ود هووووى انت قايلنى ببيع عنكوليب فى خزان سنار قال تتهمنى قال شابك الزول دة من بداية البوست , تعال ورينى وجيب لى وارفع لى ودقق لى العيش منو الاداك الحق فى التحقيقات والتفتيش دة لا وكمان بتفتش ناس وناس لأ انا قدمت كلامى دة لكيكى زميل (المسافات) وليس لكيكى البورد القايم سدارى ,لمجرد ان رايته فى اتجاه يتعدى حريات الاخرين كمان لحقت تقول لى انا قدم الاطروحات !!! متين يازول انا شلت منك اطروحات عشان تجى تسالنى منها قوم لف
|
Post: #305
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 04:12 PM
Parent: #302
Quote: ود هووووى انت قايلنى ببيع عنكوليب فى خزان سنار قال تتهمنى قال شابك الزول دة من بداية البوست , تعال ورينى وجيب لى وارفع لى ودقق لى العيش منو الاداك الحق فى التحقيقات والتفتيش دة لا وكمان بتفتش ناس وناس لأ انا قدمت كلامى دة لكيكى زميل (المسافات) وليس لكيكى البورد القايم سدارى ,لمجرد ان رايته فى اتجاه يتعدى حريات الاخرين كمان لحقت تقول لى انا قدم الاطروحات !!! متين يازول انا شلت منك اطروحات عشان تجى تسالنى منها قوم لف |
هلا يا صلعة الاداني حق المطالبة بالدقيق في طاحونة سودانيز (هو حق النقاش) اولا وثانيا هو حق القضايا الما بتحمل القسمة علي اثنين.... وبعدين يا صلعة متين (قمع الحريات...وتكميم الافواه) غيرووه فده اسمو الجدل...الجدل وطالما زولك ده بقدر بوصل الراي بتاعو ويدافع عنوالتكميم وووووين....؟؟؟ والا اكون مشيت وقلعت كيبوردو او قلعت الباصوريد بتاعو... ولكن طالما الجدل مستمر والنقاش راي وراي اخر فاي كلام عن تكميم افووواه فده (خطل وكلام فاضي ساااكت) ومحاولة تشتيت للكورة لن تجدي معي سبيلا...!!!
|
Post: #304
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 04:01 PM
Parent: #301
Quote: أه .. كلام نظري ساي!! |
برضو شكرا علي مرورك الرمادي يا عمك
|
Post: #303
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 03:57 PM
Parent: #299
Quote: الكلام دة ينطبق على الذين يوصفون بمواقفهم الرمادية نتيجة عدم علم من قبلهم وعدم إحاطة بكل الراهن السياسي السوداني...لكن كثيرين هنا يبدون رماديي المواقف ولكنهم في حقيقة الأمر ينفذون مخططات معينة وهي عدم الكشف عن هوياتهم السياسية الحقيقية حتى لا يجابهوا بحواجز نفسية من قبل عضوية المنبر وحتى يصنفوا على انهم رماديوا الموقف عن عدم معرفة بالصح النسبي... |
هلا يا لنا وحبابك وفعلا الشينة دائما منكورة وقد نجد بعض الرمادينين شافو الكبع والزرد وقررو ان يكتفو بالرمادية ...ورمادية مجهجهة ولا كوزنة واضحة لانو كلو بثمنو وتضحياتهو.. لاني لو انت رمادي ممكن تلقي صحبك او قريبك او شلتك يجي يدافع عنك ويعمل لدرب القبقبة كليوات ولكن لو انت كوز فمافي زول بقدر بجييك الا الكيزان..
|
Post: #306
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-13-2011, 07:05 PM
Parent: #303
سلامات يا ود الصايم حمدالله على السلامة مرقنا منها وواصلنا فى ما هو مفيد اها انت قلت
Quote: إنتو بتدوا نفسكم الحق في حاجات إنتو رافضنها لغيركم ليه؟! هسي البوست دا مش تفتيش نوايا لأخونا أو عمنا شوقي؟؟ إنت رايكـ شنو بالضبط في مسألة التفتيش والتجريم والكلام دا؟ |
احمد التجانى وهو غارق فى شعر ما عندو ليهو راس وهو قراية الكبر وجعو كلام كيكى التالى وزهجو ليك و طلعو من اضابيرو ... التحية لاحمد وهو يكابس فى هكذا حالة قام اقتبس من كلام كيكى الاتى
Quote: اليتك وضمانك شنو انو برحليهم طوااالي البشير حيرحل... قدم رويتك واطروحتك التي تجعل من رحيل البشير ممكنا وقدم ايضا الضمانات بتاعة خطتك دي |
وعلق عليهو لكن انا بقتبس منو
Quote: شوف الاسئلة التعسفية دى !!!! يا كيكى والله اكثر حاجة حفزتنى ادخل البوست دة هو اللهجة التعسفية المتعاظمة لديك والمتضخمة بفعل النشوة التى تحدثها قبقبة احد الرماديين او حسب الترقية للرتب الجديدة (معارضى المعارضة) البتعمل فيه دة يا كيكى ابتزاز وارهاب فكرى عديل وبيضعك فى مرتبة واحدة مع غلاة المتطرفين لما يتهموا الناس بالكفر والذندقة لمجرد الدعوة للحداثة او حرية المراة ومساواتها مع الرجل فى محاولة لتكميم افواه الناس ومصادرة حرياتهم وذريعتك لذلك ان هؤلاء يدعمون الكيزان وبالتالى هذا جواز وفتوى منك بان تحل دماؤهم والغريبة وعجيبة فعلا هو السهولة والاريحية التى تطلق بها احكامك وتصنيفاتك للبشر (ينتقد المعارضة + لم نراه من قبل يعارض الكيزان = داعم للكيزان ) , هل المفروض على الانسان ان تاتى افعاله وخياراته بناء على ما تتركه هذه الافعال والخيارات فى مقياس رضا الكيزان او معارضيهم وهل مطلوب منى كفرد ان ادق طار لمعارضتى للكيزان سواء فى المنبر او خارجه حتى انال البراءة من قبلكم , وطيب لو دة ما كان ارهاب وتخويف للمجتمع كيف بيكون؟؟ |
يلا الاقتباسين ديل فى وجهة نظرى بحملو نفس الفكرة
انو مافى فرق عندكم يا اولاد امى بين قبقة النقاش و حجر ابداء الرأى
هسه البوست ده من اول لاخره ما فيهو حجر لرأى زول ولا تفتيش ضمائر ولو حاصل الكلام ده على زول نلقى حصل لينا انا و كيكى ديل لكن اصلو ما مشكلة يا جماعة الخير لو هسه لو فى عرس فى بيتكم وقام واحد من ناس البيت قال ما دايرين العروس دى ... وانتو شايفين العروس دى وكويسه ومافيها كلام ما بتقبقبوه عشان تعرفو رأيو ده مبنى على اى اساس ولو قال اى حاجة ما ممكن تقولو ليهو دليلك شنو وانت شفت شنو؟ ولو قال ليكم فى زول قال لى ح تقولو ليهو الزول ده منو عشان تقيمو صدق الرواية؟؟ ياخى اى زول بعبر عن رأى فى اى حالة بتقبق يا اقنع الناس يا اقتنع هو يا كل زول اتمسك بى رأيه
مافى محاكم لتفتيش الضمائر هنا (فى البوست ده تحديدا) كلام كلو مبذول للنقاش حول موقف سياسى ونحن كما اتناقشنا فى السياسة بنموت :) الكلام على طول النفس وقبول الرأى الاخر هسه لو دايرين كلامى فى ضيق شديد بالنقاش من جانبكم واحساس غير مبرر بأنكم متهمين بشكل شخصى وانا عاوزه اقول كلام بديهى شديد يا احمد لو سمحت لى انو اول ما القصة تبقى شخصية ما ح نصل لى حاجة ليه؟؟؟ لانو دى أفتنا نحن السودانيين بنفتكر انو مذمة لو الزول اكتشف انو رأئيو غلط وح نقعد كلنا نلف صينية بس عشان ما نثبت نقاط ونتفق عليها كدى هسه ادونى فرقه معاكم (اتمنى يا احمد تلقى ليك بريك و تعمل لينا الهوم ورك ده) 1.هل صحيح انو ما يتم هنا هو نقاش لتمحيص الرأى والا هو قبقبة و حجر لرأى الاخر؟ تعالو نراجع البوست ده بشكل عام و نرجع بالاجابة 2. فى تبار لمعارضة المعارضة فى سودانيزاولاين دى والا مافى؟؟ (معارضة المعارضة هى الفعل الذى يقوم على ترصد أخطاء بعض المعارضين و اسقاطها على كل المعارضة)- حسب تعريفى ده (لو سمحتو لى) 3. واذا وضعنا فى الاعتبار الحالة الفيها البلد الان (من عسف وظلم وافقار) ما الاولوية السياسية الان (اذا نحن ضد النظام القائم ده)؟ 4. . على حسب التعريف أعلاه ما الخدمة التى تقدمها معارضة المعارضة فى الوقت الخدمة الاولوية دى؟؟؟ 5.وسؤال مهم من وجهة نظرى ما حجم المعاضة المنبوذه دى حتى يسكب فيها ما سكب من مداد و ما اثرها على الشارع السودانى؟؟؟
وأى اسئلة اخرى تخطر على بالكم تشكل محاور اساسية للنقاش وعشان ما نكون لافين صينية وكيكى ده يجدع الكربون ده بعيد ويريح احمد التجانى
والله انا ببالغ غايتو لو باريتونى فى كلامى ده زول فيكم بخش فى اى بوست تانى مافى لغاية اخر السنة
تحياتى
|
Post: #307
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-13-2011, 08:03 PM
Parent: #306
سلامات يا بت المجمر ماشاء الله محاور النقاش كترت و تشعبت , انا غايتو ح اواصل في محور الإتفاق خطوة خطوة البديتو مع كيكي ومعاك ونشوف الدبارة كيف ؟ فأسمحوا لي اواصل من محل ما كنت واقف واعذروني على المشي البراحة براحة - البوست انا شايفه مفيد وعايز مزاج رائق وبال فاضي الإتفاق للآن على تلاتة نقاط و الرابعة تقريبا ح نتفق عليها: 1- لايوجد جسم موحد بإسم المعارضة 2- النقاش هنا يدور حول سودانيزاونلاين فقط 3- اتفقنا على أن من يعرف نفسه كمعارض - يعارض فيما يعارض : الكذب و التدليس و الظلم و الإقصاء ... إلخ ويرفضها على إطلاقها إيًا كان صاحبها أو كان موقفه السياسي
(بت المجمر لو عندك تحفظ على النقاط أعلاه نبهيني بالله)
النقطة الرابعة عن تصور كيفية محاسبة المتهمين بالفساد و الجرائم المختلفة كيكي كتب : Quote: في ظني بان كل من اجرم في حق هذا السودان ومواطنيه وثبت بالدلائل والوثائق ذلك الجرم فان يجب ان يحاسب في ظل قضاء حر ونزيه ويحفظ لهذا المتهم كل الحقوق الاساسية التي يحققها له القانون...!! والجريمة دي قد تكون واقتصادية واجتماعية وغيره من الجرائم التي يتوقع ان ينبري من وسط هذا الشعب مظاليم يرفعون دعاوي فيها...!! |
نكتفي بالجزء دا من حديث كيكي و الباقي عن الحساب السياسي لكيان الإنقاذيين نخليه لقدام
بالنسبة للنقطة الأولى و التانية سهام كتبت Quote: فى نفس الوقت ما بنطالب اى زول يجيب اى صحيفة سوابق انا ما بتعجبنى الا قبقبة الافكار والمواقف و تمحيصها زى الفى البوست ده انا عن نفسى (وما اظنى ماشه بعيد من استهداف كيكى) بتكلم و بستهدف ناس معارضة المعارضة كما اراها فى سوادانيزاون لاين تعريفهم ببساطة هم الناس المتخصصة فقط فى مبارات المعارضين الكذابين او الايوقيين والا السفهاء ديل بخلونى اتسأل ما الحكمة المرجوة وما الهدف؟؟؟ هسه كدى يا ود البشرى تابع بوست زى البوستات دى ولولا الملامة كان جبت ليك دستة تلقى نفس الناس و الكيزان بقولو فى نفس الكلام!!!!! يعنى شن الفايدة لى انا كمعارض حقيقى واسعى لتغيير الحكومه ادخل اعمل لى كيتة فى بوست محلو دلجة المنبر لا والادهى والامر اكون بتبادل دق الطبول و عزف المزامير مع الكيزان ومرات بجدع ليهم الايقاع و مرات كمان اعزف ليهم على اوتارهم كيف يستقيم ؟؟؟؟؟
يا ود البشرى انا بتكلم عن صف الاولويات وضرب الايقاع صاح... راجع مداخلتى لاحمد التجانى |
انتي يا سهام عرّفتي جماعة حسب قرايتك ليهم و اخدتي موقفك على هذا الأساس رغم تحفظي على النوع دا من الحكم لكن في النهاية دا تقييمك للأشياء وحكمك عليها ولا أحد يملك تغييره عداك لكن لي أن أسأل وبافتراض صحة تقييمك ووجود ما يعرف بمعارضة المعارضة المتفرغين فقط لمتابعة سقطات المعارضين ويتعامون عن مثيلاتها من الموالاة هل إذا حدثت سقطة من معارض ما و تتبعها احد هؤلاء معارضي المعارضة و زرزره بها بالنسبة ليك هل ستتغاضين عن هذه السقطة كونها حدثت ممن يقاربك الموقف السياسي هل كون هناك من لم يرتب أولوياته بصورة صحيحة -حسب وجهة نظرك - وقام بوضع هذه السقطة على قمة اولوياته ينفي حدوثها بالنسبة لك؟ هل وقوع نفس السقطة - أو اسوأ - من جانب الحكومة وأنصارها مبرر كافي لاعتبارها هامشية لا تستحق التركيز عليها حين وقوعها من أحد المعارضين ؟
نسمع منك ونواصل كان الله هوّن
|
Post: #308
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 08:14 PM
Parent: #306
Quote: .هل صحيح انو ما يتم هنا هو نقاش لتمحيص الرأى والا هو قبقبة و حجر لرأى الاخر؟ تعالو نراجع البوست ده بشكل عام و نرجع بالاجابة 2. فى تبار لمعارضة المعارضة فى سودانيزاولاين دى والا مافى؟؟ (معارضة المعارضة هى الفعل الذى يقوم على ترصد أخطاء بعض المعارضين و اسقاطها على كل المعارضة)- حسب تعريفى ده (لو سمحتو لى) 3. واذا وضعنا فى الاعتبار الحالة الفيها البلد الان (من عسف وظلم وافقار) ما الاولوية السياسية الان (اذا نحن ضد النظام القائم ده)؟ 4. . على حسب التعريف أعلاه ما الخدمة التى تقدمها معارضة المعارضة فى الوقت الخدمة الاولوية دى؟؟؟ 5.وسؤال مهم من وجهة نظرى ما حجم المعاضة المنبوذه دى حتى يسكب فيها ما سكب من مداد و ما اثرها على الشارع السودانى؟؟؟
|
هلا يا سهام ودي اسئلة في السلك وتفتح مدارك ونفاجات للحوار نتمني من احمد تجاني ان يساهم معانا في النقاش بعيدا عن الاطروحات (البري كااااست)... وياريت ود البشري وودالصايم وكل زول مهتم بالملف ده يجي يدينا جكتو وخلونا نتناقش برواقة.....
وابو الاشواق والله غيابو طال وشغل البال نتمني ان يكون بالف خير وبركة
|
Post: #309
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-13-2011, 09:04 PM
Parent: #308
حاضرين يا كيكي نناضم سهام في كلامها و نرجع لكلامي بعدين :
Quote: .هل صحيح انو ما يتم هنا هو نقاش لتمحيص الرأى والا هو قبقبة و حجر لرأى الاخر؟ |
تعتمد وعلى حسب , في بداية البوست عدد من الأخوان جايين بفهم انو الليلة كيكي ح يطقطق شوقي قلبة وعدلة لكن للامانة طولة بال شوقي و سعة صدره ومفهوم كيكي للحوار افتكر خذل فكرة القبقبة المتوقعة و شجع البعض - انا مثلا - على الدخول في بعض محاور الحوار التي رأيت فيها فائدة ما
Quote: 2. فى تبار لمعارضة المعارضة فى سودانيزاولاين دى والا مافى؟؟ |
من وجهة نظري من يتابع سقطات المعارضة ويتغاضى - ختي لي خط تحت يتغاضى - عن مثيلاتها لدى الحكومة ليس محايدا أو كما اطلق عليه معارض معارضة , دا زول حكومة وموالاة راسو عديل وبخشم الباب و إن قال بغير ذلك أما حسب تعريفك Quote: (معارضة المعارضة هى الفعل الذى يقوم على ترصد أخطاء بعض المعارضين و اسقاطها على كل المعارضة)- حسب تعريفى ده (لو سمحتو لى) |
فبرضو نعم لكن تعريفك في نظري غير دقيق وغير مكتمل ولا يناسب التسمية
Quote: 3. واذا وضعنا فى الاعتبار الحالة الفيها البلد الان (من عسف وظلم وافقار) ما الاولوية السياسية الان (اذا نحن ضد النظام القائم ده)؟ |
الإجابة على السؤال دا تعتمد على نظرتك لسودانيز اونلاين ودوره وفعاليته في موضوع اسقاط - أو تغيير نهج - النظام عشان كدا أنا سألتكم هل النقاش دا عن ما إذا كان حول ما يدور في سودانيزاونلاين ولا ارض الواقع ؟ بالنسبة لي ولتقييمي لدور البورد خاصة و السايبر عامة في مسألة التغيير فعليا على أرض الواقع ارى ان كشف الكذب ومحاربة البذاءة و البهتان و الإفتراء و الخوض في الأعراض و الخصوصيات - أيا كان اتجاه صاحب هذه النقائص - على حد سواء و له نفس الأولوية التي لكشف مفاسد النظام و محاربه مظالمه
Quote: 4. . على حسب التعريف أعلاه ما الخدمة التى تقدمها معارضة المعارضة فى الوقت الخدمة الاولوية دى؟؟؟ |
ولأني لا أتفق مع التعريف ولا مع الأولية فبالنسبة للسؤال دا باااص
Quote: 5.وسؤال مهم من وجهة نظرى ما حجم المعاضة المنبوذه دى حتى يسكب فيها ما سكب من مداد و ما اثرها على الشارع السودانى؟؟؟ |
كان قصدك حجمها نسبة للشارع و الواقع فليس فقط المعارضة المنبوذة بل كل المعارضة وكل الموالاة بل و المنبر في رقبتو بل الموقع بي زر ابوه بي صفحة مقالاتو و منبر الانجليزي و منبر الزقازيق و ... إلخ كله قليل ومحدود التاثير في الشارع و الواقع السوداني بل النت عموما تأثيرها محدود في السودان اما كان قصدك حجمها واثرها في المنبر هنا - وحديثي ليس قاصر على المعارضة بل عن السلوك المنبوذ و الكذب و الشتيمة على إطلاقها وغض النظر عن مصدرها - فتأثيرها عظيم و حجمها كبير لدرجة مزعجة جدا , تفرض على كل متضرر منها الوقوف عليها ورفضها
اها ياخوانا دي جكتي معاكم
|
Post: #310
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-13-2011, 09:10 PM
Parent: #308
مرحب يا ود البشرى قلت لى البال الفاضى؟؟؟ لا اذيع عليك سرا اول ما تلقى مداخلاتى كترت فى المنبر ده تعرف طوالى حالتى صعبة :)
اولا اتفق معاك فى النقاط التلاته تماما التى طرحتها
نجى لكلامك
Quote: انتي يا سهام عرّفتي جماعة حسب قرايتك ليهم و اخدتي موقفك على هذا الأساس رغم تحفظي على النوع دا من الحكم لكن في النهاية دا تقييمك للأشياء وحكمك عليها ولا أحد يملك تغييره عداك لكن لي أن أسأل وبافتراض صحة تقييمك ووجود ما يعرف بمعارضة المعارضة المتفرغين فقط لمتابعة سقطات المعارضين ويتعامون عن مثيلاتها من الموالاة هل إذا حدثت سقطة من معارض ما و تتبعها احد هؤلاء معارضي المعارضة و زرزره بها بالنسبة ليك هل ستتغاضين عن هذه السقطة كونها حدثت ممن يقاربك الموقف السياسي هل كون هناك من لم يرتب أولوياته بصورة صحيحة -حسب وجهة نظرك - وقام بوضع هذه السقطة على قمة اولوياته ينفي حدوثها بالنسبة لك؟ هل وقوع نفس السقطة - أو اسوأ - من جانب الحكومة وأنصارها مبرر كافي لاعتبارها هامشية لا تستحق التركيز عليها حين وقوعها من أحد المعارضين ؟ نسمع منك ونواصل كان الله هوّن |
طيب يا ود البشرى انا قلت مداخلة لاحقة عن تعريفى لمعارضة المعارصة هم
Quote: معارضة المعارضة هى الفعل الذى يقوم على ترصد أخطاء بعض المعارضين و اسقاطها على كل المعارضة |
وده لتوضيح فكرتى عن المجموعة دى كبنى ادم عادى من الضرورى ان اطلق بعض الاحكام على ما هو عام اما ما هو حكم شخصى ترانى اتجنبة بقدر ما اقدر وان حدث فى ذهنى فانا لا اعلن عنه بسهوله فى الحدود دى لاأجد ان احكم على شىء مذمة يعنى مثلا ما ممكن يكون قدامى زول قاعد حايم يتجدث بما هو ليس عليه وشايل ليهو طار يدق فيهو وعامل فيها ابو الوسطية و ناقش كل حاجة وانو هو مقدده وانه سابق عصرو وجرىء فى طرحه ومافى ما يردعه عن ان يصدح بما يراه حق ويصرف فى الالقاب يمين وشمال وفى نفس الوقت الظاهر لى انا ان هذا لهو النفاق بعينو لانو السبب الحقيقى لهكذا تطبيل شخصى بحت وما يكون عندى حكم عليهو؟؟؟ الا اكون زول ما بقدر يعرف وين الحق ووين الباطل عشان يحكم ومن ثم يتخذ موقف.
طيب انا ابدا لااتغاضى عن سقطات بعض المعارضين وممارستهم للكذب او لسوء الحوار مع الاخرين ولكن بتعامل معاهم بشكل مختلف
انو ما اساهم فى بوستاتهم او اتكلم معاهم بشكل مباشر او اوصى ناس اقرب ليهم ليه؟ بحسبها بحساب الربح والخسارة و قصادى ما اعتقده اولوية منو الح يستفيد اكتر رفع بوستات هؤلاء المعارضين؟ منو البستفيد من تركيز الضوء على مساوىء هؤلاء القله الذين لا يمثلون المعارضة ولا يعبرون الا عن انفسهم؟ منو الح يستفيد من تشوية كل المعارضة بسبب هؤلاء النفر القليل؟؟
هؤلاء المعارضين الكاذبين او السفهاء ما المرجو منهم لقدام ؟ هل كلهم نافعين؟؟؟ والا كلهم ح يكونو حكام؟؟؟
ما عاوزه اعيد مداخلات سابقه لكن بقول ليك يا ود البشرى نحن لو اقتنعنا انو النى للنار زول بدخل بوستات الجماعة ديل والا يديهم حجم اكبر منهم ماااافى ولما الناس تغربلهم ويلقو بوستاتهم واطه يمكن يستعدلو غير كده مباراتهم بحجة كشفهم واصلاحهم ما ح تجيب الا نتيجة عكسية وهى المكااابرة والاصرار على نفس النهج يا ود البشرى فى ناس هنا من الطرفين المعارضة ومعارضة المعارضة بكتبو شهرة بس اها انا موقفى من ديل طالما انهم بفرحو لى الكيزان و بشتتو لى الكورة ما بصرف معاهم زمن عشان ادخل فوون فى شباكى
بالمناسبة اساليبى الذكرتها ليك فوق دى فى ناس كده ما بكلف نفسى زاتى اخاول معاهم
اقول ليك حاجة غريبة يا ود البشرى والله انا الكيزان زاتهم نادر ما ادخل معاهم ما عارفه زاتو المقعدنى فى سودانيز دى شنو
|
Post: #311
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-13-2011, 09:36 PM
Parent: #310
يا بت المجمر القصة ما وقف على بعض الناس اتخذوا الكذب و الإثارة و البذاءة ديدنا و اسلوب حسب تعريفك لمعارضة المعارضة اها الجماعة ديل زاتهم ما بمشوا عليهم أو يحاولوا يبينوا كذبهم القصة اكبر من كدا , عارفك ما عايزة الأمثلة عشان البوست ما يطلع برة موضوعو لكن في نماذج لكذبات وافتراءات وبهتان جات ممن يراهم الناس هنا نماذج يجب ان تحتذى في دروب النضال و المعارضة لكن تم التغاضي عنها بمختلف الحجج بل ومهاجمة من وقف عليها و افتراض ان له غرض من ذلك الامثلة كتيرة لكن اديك بتاع جريدة حريات على سبيل المثال - ههههههه انا معلق مع الموضوع دا حريات طرحت نفسها كجريدة معارضة ذات مصداقية حين خانت مصداقيتها الناس كلها غفرت ليها وعملت رايحة لأسباب اضطرارية :) اها زيد تقولي عليه شنو؟ ولا موضوع الشهيد المضروب الطلع عندو جامعة واصدقاء ودفعة عديل كدة , الخبر مضروب ممكن يكون اشاعة ممكن يكون من الأمن ما فرقت اها التبعات بتاعة المشرحة و زملانو ودفعتو وباقي الخزعبلات دي تبرريها كيف؟ مش كذب صريح لا يختلف عليه اثنان؟ لما الطارح نفسه موضوعي وصادق يروح مفتري ومطلع اشاعات بطالة في اعراض زملانه ويقدح في سلوكهم الشخصي في اطار تصفية حسابات اها هل زي دا موضوع يتسكت عليه تحت شعار ترتيب الأولويات لأن المفتري طلع معارض؟ لما و لما ولما ... لو بديت اعد ليك لي بكرة ما بنخلص يا سهام المسالة من وجهة نظري بسيطة الغلطان يتقال ليه انت غلطان وبس غض النظر عن هو واقف وين و شايت كيف كونو الناس تقراك بطريقة مبتسرة وتفسر مواقفك كأنها استهداف لفلان و محاباة لعلان دي مشكلتهم هم افتكر
|
Post: #312
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-13-2011, 09:50 PM
Parent: #311
انا متابع والنقاش ده ماشي لحتات كويسة شديد وواصلو وبنلحق بيكم
|
Post: #313
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-13-2011, 11:14 PM
Parent: #312
Quote: المسالة من وجهة نظري بسيطة الغلطان يتقال ليه انت غلطان وبس غض النظر عن هو واقف وين و شايت كيف كونو الناس تقراك بطريقة مبتسرة وتفسر مواقفك كأنها استهداف لفلان و محاباة لعلان دي مشكلتهم هم افتكر
|
يا سلام عليك يا ود البشرى ياخ ظنى فيك ما وقع واطه اوع تجى تقول لى حكمتى على لوووووووووول
ياخ كلامك الاخير ده ريحنى راحه ببقى نحن متفقين تماما حكومة معارضة محايديين رماديييين الغلطان يتقال ليهو غلطان ... كده متفقين تماما بس خلافنا ياخد على راسو كيف على حسب الحالة
كمان الناس تقراك كيف دى مشكلتها هى برضووو متفقين لكن مختلفين فى انو الناس من حقها تعبر و توضح قرايتها لموقفك من غير ما تتهم بأنها عاوزه تسيرك والا تفرض رأيها وكلو برضو على حسب الحالة
اها على حسب الحالة دى انا بتعنى لى التقدير الشخصى لحساب الربح والخسارة فى دفتر الاولوية بالبساطة دى زاتها
بعدين لو راجعت السائد هنا بتلقى فى تعميم مخل واحكام مطلقة غير مفيدة من كل الاتجاهات ...يعنى هسه فى مجموعة هنا مارست نفس ما تضررت منه وتراه سالب فى صمة خشمك يقولو ليك ما تعمم و ما تطلق احكام علينا و يجو يجمعوك و يطرحوك و يحكمو عليك بالمؤبد المخرج الواحد لينا كلنا والله هو حسن الانصات بمعناه التام نسمع و نعقل كلام بعض ثم نستعد للتفاهمات ____________________________________ والله يا اخوى انا الايام دى جادة جدا بفكر انو لازم تكون عندنا دراسات عن الشخصية السودانية وثصتها مع الانتصارات الشخصية لانو مخرجنا الاساسى من كل أذماتنا هو ان نتسامى فوق الذاتى والشخصى فى القضايا الو طنية العامة والانا عندنا مرتفعة بشكل قاعد يصيبنا فى مقاتل انا احسن ما اواصل فى النقطة دى كتير لانو عالم كان بسكت تانى
|
Post: #314
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-14-2011, 05:04 PM
Parent: #313
بتخيل لي دا وكت مناسب عشان نرفع البوست دا فوق!!
_ سهام .. ياخ كوت ود البشرى الفرحانه بيهو دا أنا قلتو فوق!!
|
Post: #315
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-14-2011, 06:15 PM
Parent: #314
Quote: بتخيل لي دا وكت مناسب عشان نرفع البوست دا فوق!! |
والله ياعمك الكركبة بتاعة محمد عادل وامجد فريد دي ضربتنا في الانكل وشمتت علينا السادة الرماديين لووووووووول... وده سلوك اسفيري موسف وكركبة لاتليق بعضوية في احزاب نحريرية مفروض عضويتها يكونو ضبط وربط وكورتهم الاسفيرية دائما في الصدر.. ولكن لعن الله الوعي ياااخ وعي المرحلة...
|
Post: #316
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-14-2011, 06:27 PM
Parent: #315
صدق يا كيكي بل شعرت بالأسف للحصل لكن طريقة المعالجة و الغتغتة خلتني - ما بقول شمت - لكن زادت يقيني بما أؤمن به قولة يا أمنجي دي لو اتقالت - وبتتقال فعلا - لزول غير منتمي او من ناس الضفة الأخرى كانت الأمم دي مرت عليها مر الكرام لو ما كان ادوها كوز موية كمان
بس وجعني بالجد حمور و الجاتو في صمة خشمو - او على الأصح في فتحة خشمو ما فضل ليه إلا يبكي وتحت بند توحيد الجهود و لاصوت يعلو و بتاع حقو الشخصي يضيع او ينتظر زوال الإنقاذ ثم ياخ الحبيب كان يعمل خاطر لخالو البروف على الأقل
|
Post: #317
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-14-2011, 06:43 PM
Parent: #316
Quote: صدق يا كيكي بل شعرت بالأسف للحصل لكن طريقة المعالجة و الغتغتة خلتني - ما بقول شمت - لكن زادت يقيني بما أؤمن به قولة يا أمنجي دي لو اتقالت - وبتتقال فعلا - لزول غير منتمي او من ناس الضفة الأخرى كانت الأمم دي مرت عليها مر الكرام لو ما كان ادوها كوز موية كمان
بس وجعني بالجد حمور و الجاتو في صمة خشمو - او على الأصح في فتحة خشمو ما فضل ليه إلا يبكي وتحت بند توحيد الجهود و لاصوت يعلو و بتاع حقو الشخصي يضيع او ينتظر زوال الإنقاذ ثم ياخ الحبيب كان يعمل خاطر لخالو البروف على الأقل |
ياعمك يااخ في مشكلة كبيرة بتاعة (ازمة خطاب في البلد الاسفيرية دي) وبالذات الحكاية لمن تكون مربوطة بعضوية احزاب..لانو الاسقاط علي الحزب طواالي بحصل وانا ماعارف الشباب ديل لييه ما منتهبين لحاجة زي ممكن تتحسب خصما علي منظوماتهم السياسية ..وخاصة المنبر الانطباعي البشيل الزيت من وش الدمعة وتسير به الركبان.. ---------------- وياريت يااخ تلحقني السوق في موضوع حمور ده.. فانا مافي شووف الحاصل ده
|
Post: #318
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-14-2011, 06:55 PM
Parent: #317
Quote: وياريت يااخ تلحقني السوق في موضوع حمور ده.. فانا مافي شووف الحاصل ده |
خلاص يا عمك انا ركبت اتوس اسفيري حصلت السوق والكركبة العجيبة بهناك والعمق مشكلة شديدة ياخ في زمانات التسطيح المقرف ده...!!! واتمني من عقلاء الكيانات دي قفل هذا الملف حتي لا تسير به الركبان الاسفيرية اسبوعين ويضيعو علينا الانضباط الانتفاضي الذي يشهده المنبر اليومين ديل
|
Post: #319
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-14-2011, 07:32 PM
Parent: #318
شفت ياكيكي Quote: واتمني من عقلاء الكيانات دي قفل هذا الملف حتي لا تسير به الركبان الاسفيرية اسبوعين ويضيعو علينا الانضباط الانتفاضي الذي يشهده المنبر اليومين ديل |
دا اس الخلاف -انت شايف انو الموضوع يتلم لأنها ما أولوية وكدا على إنتفاضة المنبر -شايف انو استمرار الموضوع في العلن سيؤدي لنقد سلوك الأفراد اصحاب الخلاف و يُحسب على التيار المعارض ككل - رغم الحديث عن عدم وجود جسم موحد للمعارضة
اها انا شايف انو نقد الاتهامات المجانية و انتفاضة المنبر على نفس الدرجة من الأهمية وشايف انو سلوك فلان يتحمل توابعه فلان نفسه لا غيره وازيدك من الشعر ان الآراء اعلاه لن تتغير لو كان المعنيين من الجانب الآخر
اسي الله يسألك الرمادي ما أخير و موقفه أوضح و أنصع
|
Post: #320
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-14-2011, 07:49 PM
Parent: #319
Quote: اسي الله يسألك الرمادي ما أخير و موقفه أوضح و أنصع |
لوووووووول وين اخونا ود الصايم يجي يحرق جريدة جريدتين كده في الاختراق الرمادي.. الرمدنة ياعمك بس لو ختت الحكحكة في الكيزان مافيها اي عوووجة... بس شيل اباريق الكيزان لعععععع لووووول -- المشكلة يا عمك المنبر ده قاعد علي الهبشة.. والكائنات الاسفيرية دي قاعدة خلف الكيبورد وقانصين لاي سالفة زي الكركبة المدورة الليلة دي.. والقصة حتلاحظ بانها سرررريع حتتحول الي مهرجان سيتم فيهو سلخ احزاب وسلخ افراد وشيل السلخ ده كلو وكبو في ضهر المعارضة المسكينةز....!!! اساسا في (توارة) بتاعة كركبة قديمة ما بين بعض الشيوعيين وناس حزب الامة واها الكركبة دي ممكن في اي لحظة تولعها.. في افراد لابدين للشيوعيين برضو بالخطوة السريعة بجو المهرجان ده وفي افراد لابدين لحزب الامة برضو سريع بالخطوة السريعة حيشكلو حضور... وفي افراد لابدين لافراد والكركبة دي فرصة سانحة للقنص الاسفيري وصيد القبور .. في الكيزان برضو بعجبهم الخراب ده وحيدوسو علي الابنصات في ناس بتاع مديدة حارقاني وجماجرة اسفيرين برضو كركبة زي ده مهرجان كبير ومولد لو ما وجد الادارة الواعية فالقصة حتلحق غنم زهرة
وعموما سنتابع
|
Post: #321
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-14-2011, 07:54 PM
Parent: #320
ياجماعة انتو ابو الاشواق وووين ياااخ..؟؟ والله مشتاقين
|
Post: #322
Title: Re: شوقي سليمان تعال علمنا ماسمتك النضال....!!
Author: حمور زيادة
Date: 03-14-2011, 08:56 PM
Parent: #321
الجاتني في سمعتي سامحتني. او كما قال بقال لبنات خوجلي ذات مطايبة.
|
Post: #324
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-14-2011, 09:06 PM
Parent: #322
Quote: الجاتني في سمعتي سامحتني. او كما قال بقال لبنات خوجلي ذات مطايبة. |
لوووووووول ياحمور جرحوك خربوسمعتك.. بس اووع يكون محمد عادل ده شافك في السفارة دي قاعد تضرب انجيرا كخبريات نواحي واشنطون[IMG]http://www.sudaneseonline.com/db/attention/010_Smile.gif[/IMG -----------------
محمد عادل ده لو جانا هنا في الدوحة دي جوازتناغايتو الا نجددها في السفارة البنغالية
|
Post: #323
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-14-2011, 09:03 PM
Parent: #320
Quote: الرمدنة ياعمك بس لو ختت الحكحكة في الكيزان مافيها اي عوووجة... بس شيل اباريق الكيزان لعععععع لووووول |
أهااااا شنو يا عمك قمت على تطفيش الكورة من اسي لسة الشوط التاني يادوب ابتدا ح تكمل الخمسة واربعين دقيقة بالطريقة دي
شكلوالقون العكسي بتاع عادل/أمجد لخبط الحسابات مرة واحدة
|
Post: #325
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 03-14-2011, 09:52 PM
Parent: #323
غايتو لو ما الخجلة الواحد كان قال ليكـ كااااااااكـ
|
Post: #326
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 03-15-2011, 02:48 AM
Parent: #325
شايفة المسكين محمد عادل طلعوه مادي باسوردو لناس الامن
ما قلت ليكم الشيوعين ديل ناس ساي.
لا لقمع محمد عادل.. وما ذكره محمد عادل حقائق تأريخية
|
Post: #327
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-15-2011, 07:05 AM
Parent: #326
Quote: دا اس الخلاف -انت شايف انو الموضوع يتلم لأنها ما أولوية وكدا على إنتفاضة المنبر -شايف انو استمرار الموضوع في العلن سيؤدي لنقد سلوك الأفراد اصحاب الخلاف و يُحسب على التيار المعارض ككل - رغم الحديث عن عدم وجود جسم موحد للمعارضة
|
ود البشرى , رشو رش الجن .. بخرطوش المطافى
Quote: الرمدنة ياعمك بس لو ختت الحكحكة في الكيزان مافيها اي عوووجة... بس شيل اباريق الكيزان لعععععع لووووول |
ياجماعة دى امة يفتحوا ليها سفارات هسة دة ما بهتان راسه عديل , الكيزان يازول الان فى موقف قوة بيحكموا فى البلد من كم وعشرين سنة ما بيحتاجوا للتقية وختف الالوان ولذلك اتهاماتك للمجموعة البتنتقد الاعوج اى كان مصدره بشيل الابريق للكيزان فهذا هو التطرف والارهاب الفكرى بعينه
Quote: المشكلة يا عمك المنبر ده قاعد علي الهبشة.. والكائنات الاسفيرية دي قاعدة خلف الكيبورد وقانصين لاي سالفة زي الكركبة المدورة الليلة دي.. والقصة حتلاحظ بانها سرررريع حتتحول الي مهرجان سيتم فيهو سلخ احزاب وسلخ افراد |
الكلام دة تلخيص جيد ويحكى بدقة قصة فتحك لهذا البوست (المهرجان) بحق احد الاعضاء
|
Post: #328
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 03-15-2011, 09:18 AM
Parent: #326
الأخ كيكي وجميع الاخوة والأخوات
عساكم بخير الايام الفاتت دي ما قادر ادخل وهسع دخلت بصعوبة (يعنى ما زقت)
طوالي بتجيني الرسالة دي بس اليوم خفت
Quote: You do not have permission to access this document.
oops ... I think you got lost or maybe the server hiccuped We'll return to you our Site Main Page and you can try again from there. Or click here to go to the main Main Page Main Page |
|
Post: #329
Title: Re: شوقي سليمان تعال علمنا ماسمتك النضال....!!
Author: حمور زيادة
Date: 03-15-2011, 09:46 AM
Parent: #328
Quote: شايفة المسكين محمد عادل طلعوه مادي باسوردو لناس الامن
ما قلت ليكم الشيوعين ديل ناس ساي.
لا لقمع محمد عادل.. وما ذكره محمد عادل حقائق تأريخية |
من الأكرم لمحمد عادل يا دكتورة بيان انو يكون ادى باسويرده لناس الامن من انو يكون هو البيتهم أمجد انو أمنجي و بيتهمني انا اني عندي علاقات مع السفارة. لأنو دي ما حقائق تاريخية دي افترا و بهتان ساي. فانا اعتقد ان من يقول انو البيكتب الكلام ده ما هو محمد عادل فهو بيدافع عن محمد. بينما البيؤكد انو ده محمد فبيؤكد انو محمد عادل زول كضاب و فاكه منو ممكن يقول اي كلام يبهت بيو اي زول ( بدليل انو خلال تلاته مداخلات تطور من انو ما بيعرف امجد و ما حصل شافو في مظاهرة وصل للمعرفة الوثيقة انو امجد فريد امنجي ).
ـــــــــــ ولا يهمني انو فلان الشيوعي بهت فلان او اغتال شخصية علان. فخطأ جميع شيوعيي الأرض لا يبرر خطأ محمد عادل.
|
Post: #330
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-15-2011, 12:24 PM
Parent: #329
هلا يا جموع والمواضيع كثيرة ومثيرة ولكن كدي ادوني جانص مع حبيبي ابو صلعة ده علي جنبة كده..!!
Quote: الكلام دة تلخيص جيد ويحكى بدقة قصة فتحك لهذا البوست (المهرجان) بحق احد الاعضاء |
هلا يا ابو صلعة وشايفك ممتع روحك وغاطس للطيش في الكلامات البندقيةوبحرية... المنبر ده محل للنقاش وتبادل الاراء.. ومن حق اي زول يناقش الاخر في ارائه فهذا ما فعلته مع شوقي.. وده حقي ياااخ كوني امتلك حق النقاش... ودار النقاش قي مظلة احترام وتقدير.... وطالما كتب اي زول راي في البلد دي فمن حق الاخريين مناقشته في هذه الاراء...!! فبالله ما تحاول تبيع العنكوليب في كمبو الناس البزرعو العنكوليب ..وانا بكون سلخت شوقي لو نبذتو او شتمتو او هابشته في حاجاته الخاصة التي لاعلاقة لها بالنقاش او الامر العام,,, عندك نقاش في الاراء والحوار الجاري هنا ده بجزئياته الكثيرة مرحب.. ولكن ما تقعد تشبكني حرية راي وتكميم وكيكي فعل وكيكي ترك والحقو والكلام الما جايب تمن كيبورده ده... تكميم بتاع ساعة كم يا احمد تجاني وشوقي وغيره من الكثيرين هنا لهم حق ابداء ارائهم بكل شجاعة ومافي زول قلع باصوريد زول ومافي زول طرشق كيبورد زول...!! وكدي تعال ورينا من جوووه البوست ده ووين التكميم ده حصل وكيف ومتين وبياتو الية...!! وقبل ده بالله قدم اطروحتك للدور المتوقع من المواطن في صراع البلد الحاصل فينا ده ونرتقي بالنقاش بعيدا عن الانطباعية والاراء بتاعتك الامسخ من اكل الاستبالية دي
|
Post: #331
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-15-2011, 12:25 PM
Parent: #329
Quote: يعني هسه يا عمدة نصيحتك لي انا اني امشي كلام محمد عادل ده في حقي لامن نظام الانقاذ يسقط بعد داك اجي ادافع عن نفسي ؟ يا عمدة دحين الكلام ده ما اعوج ؟ اها كان انقاذ الجن دي قعدت تاني سنة .. سنتين .. تلاتة انا يفضل معلق فوقي اتهام زي ده في منبر بيقروهو الملايين ساي كدي ؟ الكلام ده ما شايفو مضر ؟ انا لا عضو حزب لا بمارس نشاط سياسي منظم .. ما عندي غير كتابتي و قلمي ديل الجا محمد عادل اتهمني فوقم. في رأيك البيضعف النضال ضد الانقاذ محاولة الناس انها تبرئ نفسها من اتهامات محمد عادل وله انو اتهامات محمد عادل تضعف مصداقية الناس ؟ هسه كدي انا بياتو وش تاني اكتب لي راي سياسي بعد ما محمد عادل ختاها لي علنا كدي اني بمشي اعرض رواياتي في السفارة وبجي هنا ادعي النضال. ده مش ياهو اغتيال الشخصية ؟ ما تمشي يا عمده عليك النبي. وتعال وريني. اسكت و اخي الاتهام ده معلق وله اطالب ( و تطالبو معاي ) محمد عادل انو يثبتو. ياخ بس عشان خاطر انو سمعتي ما تتجرح ساي باي زول عايز يكتب اي كلام. عشان خاطر كلمة حق يمكن اكتبا يوم و يقراها زول و يقول ده شنو كمان الجايي يقول لينا كده و هو في مصر بيمشي السفارة و يعرض رواياتو فيها. وله كيف يا عمدة ؟
|
حمور كويس انك هنا , وارجو انك تكون تابعت البوست بتاعنا دة عشان عايزين نشرك لاصحاب قولة (معارضة المعارضة) بالكلام الانت قلته فى البوست اياه الحقيقة كلامك الفوق دة بيركبك سرج الرماديين والشايلين ابريق الكيزان على قولة كيكى لانك تجرأت وحاولت ترد على هرطقة واحد من المحسوبين مع المناضلين ولكن ياعزيزى حمور كدة بتلخبت الاولويات وبتضعف المعارضة وبتدعم الكيزان *المايك معاك ياحمور بس ماتنسى تسلمه كيكى بعدك
|
Post: #332
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-15-2011, 12:35 PM
Parent: #331
Quote: ياجماعة دى امة يفتحوا ليها سفارات هسة دة ما بهتان راسه عديل , الكيزان يازول الان فى موقف قوة بيحكموا فى البلد من كم وعشرين سنة ما بيحتاجوا للتقية وختف الالوان ولذلك اتهاماتك للمجموعة البتنتقد الاعوج اى كان مصدره بشيل الابريق للكيزان فهذا هو التطرف والارهاب الفكرى بعينه
|
هنا برضو حقو يا صلعة الزول يديك في راسك المدوقس ده عشان ما تلفح الكلام ساااكت وتقوم جاري بيهو... انا وصفي لمعارضي المعارضة البتححكو في الكيزان وااااضح ..فهم من يعارض المعارضة وتلقاهو من نفس منصة الكيزان وما بتقدر تفرقو من الكيزان الا بالشديد القووي... ومافي زول قال ما تعارضو المعارضة او تتصدو ليها واو تنقدوها فهذا حق من حقوق اي انسان... ولكن انا كركبتي كلها مع المركبين مكنة كيزان نص كلتشوقايمين وقاعدين مع في الدعم والاسناد الكيزاني ولمن تقبقيهم بقولو ليك احنا ما كيزان..احنا جينا نعين سااااكت..
وتعال هنا منو القال ليك الكيزان ما محتاجين للانتهازية ةناس تاكل عيش..؟؟ فالموتمر الوطني في مجمله حزب قائم في عضويته علي تحالف بتاع كيزان وانتهازيين وبعض المثقفين الوهم بالاضافة الي بعض الرجرجة والدهماء والهتيفة والمصلحجنية... ومش الموتمر الوطني وبس بل كل حزب واحد ماسك سلط وثروة في بلد بتلمو فيهو الارزقية وضعاف الضمائر والنفوس وبتحالفو في اطار المصلحة مع اسياد الساس والراس في الحزب الحاكم...!!!
|
Post: #333
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-15-2011, 02:11 PM
Parent: #332
Quote: عندك نقاش في الاراء والحوار الجاري هنا ده بجزئياته الكثيرة مرحب.. ولكن ما تقعد تشبكني حرية راي وتكميم وكيكي فعل وكيكي ترك والحقو والكلام الما جايب تمن كيبورده ده... |
من الواضح يا كيكى قومة النفس عليك , ويبدو انك ما متعود على نوع كلامى دة , فانت ترى نفسك دايما فى خانة البيقبقب الناس وما على الاخرين الا الاشادة او يكمموا افواههم انت تعرف تماما ماذا يعنى ان تعنون اسم شخص ما فى بوست مقرونا بمفردة النضال او الكوزنة , انت قنطرت المسكين دة وجعلت منه تختة تنشين وزى ما شفت كمية الناس الجلبهم عنوانك وادوا الراجل فى راسه انا اعى تماما الفرق بين ان تناقش وتحاور احدا فى توجهاته وبين ان تجعل منه تخت تنشين , وبعدين نجى للكبائر الارتكبها شوقى وجعلت منه كوزا رعديدا بامر مناضلى سودانيزاونلاين وقد يكون شوقى كوزا او متعاطفا فانا لم اراه منذ اكثر من 8 سنوات , ولكن تحديدا ما جلب له الكفوة فى هذا المنبر هو معاتبته للزميلة التى فتحت بوست باسم ود الباوقة تصفه بانها احسن من عشرة زيه , نعم ود الباوقة بوق سلطة يسبح بحمد البشير ويجب النضال ضده ولكن لا يضير النضال ان كان مصحوبا بحسن الخلق واللفظ , ومن يومها بقى شوقى مباح لبستفة المناضلين وانا يشهد الله لم ادخل هذا البوست للدفاع عنه وعلى فكرة شوقى اخ يستاهل ما افضله عليك , وكمان شوقى قادر على تتدبر امره كما ترى بالحوار والنفس البارد ولكنى دخلت الى هنا يا وهم لارفع كراعك شوية من الابنص واقلل من ام فريحانة حقتك بنشوة الكتابة فى مواضيعك المخستكة دى
|
Post: #334
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-15-2011, 03:53 PM
Parent: #333
والله يا اخوانى من كتر ما امجد فريد ده وعادل زعلونى لمن بقيت ما شايفه قدامى ياخ ده شنو ده؟؟؟ الزول لما يبارى غضبو كعب خلااااس هسه فى ذمتكم الموضوع ده شفتو عمل للكيزان كيته كيف؟؟؟؟
يا ود البشرى المشكلة فعلا مع ينفع الكيزان ويبقى كان شالو ما بنشال و كان خلو سكن الديار
Quote: الرمدنة ياعمك بس لو ختت الحكحكة في الكيزان مافيها اي عوووجة... بس شيل اباريق الكيزان لعععععع لووووول |
كلام كيكى ده منسجم تماما مع موضوع البوست اصلو ما فيهو تشتيت كورة
لا لا لا للأى فعل يخدم الكيزان نعم نعم نعم لأى فعل يخدم مصلحة قضية الساعة وهى اسقاطهم
سلامات ود الصايم
Quote: سهام .. ياخ كوت ود البشرى الفرحانه بيهو دا أنا قلتو فوق!! |
يبقى تاخد واحد من نفس الرد
|
Post: #335
Title: Re: شوقي سليمان تعال علمنا ماسمتك النضال....!!
Author: حمور زيادة
Date: 03-15-2011, 04:08 PM
Parent: #333
Quote: حمور كويس انك هنا , وارجو انك تكون تابعت البوست بتاعنا دة عشان عايزين نشرك لاصحاب قولة (معارضة المعارضة) بالكلام الانت قلته فى البوست اياه الحقيقة كلامك الفوق دة بيركبك سرج الرماديين والشايلين ابريق الكيزان على قولة كيكى لانك تجرأت وحاولت ترد على هرطقة واحد من المحسوبين مع المناضلين ولكن ياعزيزى حمور كدة بتلخبت الاولويات وبتضعف المعارضة وبتدعم الكيزان *المايك معاك ياحمور بس ماتنسى تسلمه كيكى بعدك |
اهلين يا احمد .. انا موضوعي منتهي اصلا عند بشاشا و مصطفى محمود .. الاتنين اعلنو زمان اني كوز. لكن بس يا احمد اعتقد الفكرة هي انو لما يكون منتوجك السياسي كلو معارضة المعارضة فده بيثير اسئلة .. انا لست مع التصنيف .. لكن الاسئلة حول الموقف شي لا ارادي. اما حين يكون موقفك السياسي هو الهجوم على كل ما هو معارضة فده اظنو بيفجر علامات الاستفهام عديل. لأنو السياسة ليست اتجاه واحد. فحتى من هو ملتزم بحزب سيعارض احزاب معارضة في تصرفات بل سيعارض حزبه في قرارات. لكن ان يكون كدك السياسي متلزم تماما بمعارضة المعارضة حينها من الصعب ان يفهم انك لا موقف سياسي لك.
مسألة ان اسكتو اسكتو فلا صوت يعلو فوق صوت المعركة اظنه خطأ. على الاقل لأن المعركة ليست في سودانيز اون لاين. البورد اداة تثقيف. المعركة هناك في الشارع. فلا بأس ان نرقد شكرية و بطاحين هنا في الرأي ثم نخرج الى الشارع سوياً للهدف المطلوب. اضافة الى ان اسكتو اسكتو هذه في رأيي هي مضرة بما يريدون. اهو امجد وهو ناشط سياسي و كادر حزبي اصبح متهم بانه امنجي .. ثم قبل حسم التهمة .. اسكتو اسكتو.
بالنسبة لشوقي سليمان فكيكي غلطان تب انو فتح ليو البوست ده. مافي كلام. واظنو ندمان و سافي التراب. لكن ما لاقي المراقه.
المايك يا كيكي
|
Post: #336
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-15-2011, 05:34 PM
Parent: #335
Quote: كلام كيكى ده منسجم تماما مع موضوع البوست اصلو ما فيهو تشتيت كورة |
فيها تشتيت يا بت المجمر بل تطفيش عديل بي خشم الباب دي بنعرفها احنا ناس الكورة حتى شوفي كيكي زاتو رايو شنو هههههههههههههههههههههه
|
Post: #337
Title: Re: شوقي سليمان تعال علمنا ماسمتك النضال....!!
Author: Yassir Tayfour
Date: 03-15-2011, 06:04 PM
Parent: #335
يا حمور شوقي مسك مننا كيكي.. ___ يا كيكي أطلع من ساقية جحا دي عليك الله ؛)
|
Post: #338
Title: Re: شوقي سليمان تعال علمنا ماسمتك النضال....!!
Author: حمور زيادة
Date: 03-15-2011, 06:15 PM
Parent: #337
و الله يا طيفور كيكي محني عديل. الساقية دي ما كان اغناه عنها. البوست ده انتهى من مداخلة شوقي الرابعة او الخامسة. والموضوع اوضح من الوضوح. لكن كيكي رايحه ليو ملاواه ساي.
يا كيكي .. انفض يدك و قم الى عوالم البوست ياخ يرحمك الله.
|
Post: #339
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-15-2011, 06:32 PM
Parent: #338
لا يا حمور ياخ البوست حصل فيه تغيير نوعي وفيه نقاش مفيد يسهم في تقريب وجهات النظر بشكل كبير والرماديين ماشاء الله عليهم عاملين اختراق مهم ضد التعميم و الاحكام الانطباعية و طريقة تفكير انني دايما على حق و الآخرين لا
________________
ثم ياخي بدل شيل الحال وسط الأشقاء العرب ما توريني الزمر منو و عمل شنو؟
|
Post: #340
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-15-2011, 07:10 PM
Parent: #339
Quote: مسألة ان اسكتو اسكتو فلا صوت يعلو فوق صوت المعركة اظنه خطأ. |
حمور يا مندوبنا بمصر الشقيقة انا غايتو اسكتو اسكتو دى ما سمعت بيها لكن سمعت ب ركزو ركزو
|
Post: #341
Title: Re: شوقي سليمان تعال علمنا ماسمتك النضال....!!
Author: حمور زيادة
Date: 03-15-2011, 07:22 PM
Parent: #340
يا بشرانا الذي بيدخل شمال هناك .. المشكلة انو البوست بيناقش من ليس صاحب القضية. يعني كيكي ما هو الطرف الانت خاتيو في بالك. كيكي ده لو ما ستر ربنا هو زاتو بيعتبر رمادي زيو زيك. و زيو زيي انا زاتي.
انت مؤخرا بقيت مستمتع بالحركة دي شايفك. زي ردودك عليّ في موضوع البشير في مصر و انت عارف انو الراي الانت بتطرحو تعقيبا على كلامي انا ما متبنيو. فكل مره تجي تقول لي يا حمور الكلام ما ليك الكلام للبيظن كذا و كذا. المشكلة انو البيظن كذا و كذا ما حاضر معانا فانت بتناقش في منو ؟
هسه موضوع تقريب وجهات النظر مع كيكي ده انا ما واقع لي. كدي شيل الوجهات دي و امشي بيها على مصطفى محمود شوف ترجع بشنو.
( الزمر ده احد المتهمين بقتل السادات يا عمك. كان تم مدتو لكن امن الدولة رفض الافراج عنو بحسب قانون الطوارئ. هو ما اخو مسلم .. ديل البيسموهم الجماعات الاسلامية. اها الزول ده مرق من السجن بجاي القنوات قدتنا بيو قد. يشيل و ينظر في مستقبل مصر السياسي. و انا مستغرب جدا انو زول كل اسهامو في تاريخ مصر السياسي يكون طلقة بندقية و تكفير المخالف يجيبوهو ينظر في المستقبل السياسي )
ــــــــــــــ يا سهام .. والله اسكتو اسكتو دي اتقالت لامن قربت تجيب ليها طلاقات. يا محمد اسكت ما تنضم تاني. يا جماعة البوست خلوهو و اتهامات محمد فيكم احتسبوها. هسه انا حايم لي بتهمة ما قادر ادافع عن نفسي فيها. قالو لي انتظر سقوط الانقاذ و بعد داك شوف حقك من محمد عادل.
|
Post: #342
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-15-2011, 08:40 PM
Parent: #341
هلا يا رهط ومنورين.. وفاتني ان ارحب بابو الاشواق وعودته ... ويا احمد تجاني ما بيننا قومة نفس ياااخي ... ويا ابوتفة وحمور سلام.. وصاح البوست شهدت ملاوة رهيبة ولكن رغم كل شي انا غايتو بعتقد انو النقاش كان مفيد ولانو بصراحة حكاية (رمادي- رمادي) كانت ولاتزال معوقاني ومغلغلاني وحارقاني جدا..وانا عندي قناعة بان المنبر ده مافيهو كيزان يقولو عليهم..بل كل الكركبة المضادة والواقفة في الخطوط الامامية هي كركبة وليدة قوي رمادية (لوووووووووول)..!! فعشان كده مناقشة هذه القوي بصبر مهمة شديد...!!! الموضوع هنا مشبك ما بين امر سودانيز وبلاويه وما بين المعارضة والحكومة في ارض الواقع وعشان يتفكك داير صبر طويل وقد تكون القصة مملة ولكن طالما فتحنا شوال بتاع بوست فمافي طريقة الا نحت الشوال ونفضيه ومن ثم نفتح شوال جديد...
ود البشري وسهام حبابكم الفين ونص وسنعود..
|
Post: #343
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-15-2011, 08:57 PM
Parent: #341
Quote: من الواضح يا كيكى قومة النفس عليك , ويبدو انك ما متعود على نوع كلامى دة , فانت ترى نفسك دايما فى خانة البيقبقب الناس وما على الاخرين الا الاشادة او يكمموا افواههم |
looooooooool والله ياجماعة الزول ابو صلعة ده في البوست ده ما خلي لي صفحة ارقد عليها.. يا زول ده كلام شنو ده..؟؟ مالك عاوز تجيب لي سمعة وتطلعني رباطي اسفيري وماسك عكاز وبهبت في البشرية دي البوردابة دي من مطرف..؟؟ لا يا صلعة ده راي وده نقاش وجدل ياااخي وبعدين بصراحة نوع خطاب شوقي البناقشو في البوست ده انا مهتم بيهو وده ما اول بوست لي في نفس الموضوع ده.. بوستات كثار فيها نفس النقة وافكار ابو الاشواق كانت خير نموذج لمناقشة هذا الموضوع....!! والمنبر ده يا احمد تجاني ارض مفتوحة وعشان كده مافيهو (دلع) ووالزول يتخيل لو فتح موضوع مهم كان امره ياتي باشادة او يرضي الجميع.. فالقصة سوق كبير للاراء والافكار والمواقف وعلي الكاتب ان يتوقع ويتعود علي اي راي مخالف (وكما وصفه الخبير عثمان النعيم بانه تمرين شاق للديمقراطية)... فبالله يا ابو صلعة ادينا مساحة صغيرة كده بتاعة اننا ناس بنفهم وما متضخمين ذاتيا وما بتكتب هنا عشان كايسين صفقة من زول... بل راي بنفكو في الهواء الطلق ده وبنرجي الله في كريبة الاسفير للنقاش والمداولة
|
Post: #344
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-15-2011, 09:18 PM
Parent: #343
Quote: هسه موضوع تقريب وجهات النظر مع كيكي ده انا ما واقع لي. كدي شيل الوجهات دي و امشي بيها على مصطفى محمود شوف ترجع بشنو. |
i like
|
Post: #345
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-15-2011, 09:38 PM
Parent: #343
والله يا احمد التجانى انتى راشى كيكى ده رش انا من قبيل ماسكة خشمى قلت الجماعة ديل اصحاب ودفعة اسكتى ومن متين ليك انتى كمان بتعملى فيها جودية فى الاسافير لكن عاد شوف عينى فاولاتك كترت اها كيكى فى المنبر ده امانه ما اندرش واتنبذ نبذ الجن والمجنننو مالك داير هسه تضخم لينا و تركبو لينا فى الانا العليا والسفلى رأيكم شنو بلاهى نندرش فى النقاش ده دون اطلاق احكام شخصية (انا متأكدة ما مقصودة يسوء نية فأنت يا ود التجانى بعيد عن هذا انشاءلله لاتموت لا تفوت) ما تبقى عليكم قصة الاصحاب البهناك امانه ما وجعنى ليهم ... لكن الله غالب اكيد ح يمرقو منها بس نوعى ده ما ينحشر اها صدقنى الجماعة ديلاك من قولة تيت للبوست انا حسيت انو ح يوديهم فى ستين دهيه كدى روقو لينا اللعب وفى الاسافير المفتوحة دى ما تعملو لينا اصحاب وما بيناتكم عشان نوع كلامى ده ما يعمل ليكم غلاغل وشغب وكوباااار ويشتت النقاش.
يا حمورنا سلامات ياخ قول سلمنا انو فى ناس قاعده تسكت الناس معاااك الكلام ده غلط لكن البوست ده معنى بمعارضة المعارضة (حسب التعريف اعلاه) وبى مراجعة مداخلتك الخاصة فى هذا الشأن اراك معنا فهلم يا اخى وكيبوردك معانا فى النقاش ___________________________________ يا احمد وانا بقرأ فى مداخلتك قبيل الولد حسام مبطوح جنبى و كعادته قاعد يمص فى اصبعة ومسترخى اول ما شاف صورة البروفايل نط وقال لى هيييى ده مش الولد الكنا معاهو فى السعودية قلت اكيد حسام ده ما ولدى و اتبدل فى المستشفى لانو زاكرة زى دى عند امو عدمممم
|
Post: #346
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-15-2011, 10:12 PM
Parent: #345
Quote: رأيكم شنو بلاهى نندرش فى النقاش ده دون اطلاق احكام شخصية (انا متأكدة ما مقصودة يسوء نية فأنت يا ود التجانى بعيد عن هذا انشاءلله لاتموت لا تفوت) |
هلايا سهام وشكرا يا بييييير علي النصيحة والاهتمام.. وابو صلعة ده رغم لادحته التاريخية لووووول الا انه زول صديق زمن جميل وزول جميل من زمانات بعيدة واتخيل لي الكيبورد بتاعي ده حيحترق لوحده لو فكرت مجرد تفكير اني اكركب معاه كركبة سلبية دشمانية ورغم انو مداخلاته (حقنة ملاريا) بسسسسس الا ان البجي من البركس بستحملو سودانيز هههههه...ولو شال النظارة بتاعة الاحكام الموبدة من الاكيد حيكون مفيد للنقاش وحيسوق كورته مع الجميع هنا في هذا البوست
|
Post: #347
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-15-2011, 11:07 PM
Parent: #345
Quote: والله يا احمد التجانى انتى راشى كيكى ده رش انا من قبيل ماسكة خشمى قلت الجماعة ديل اصحاب ودفعة اسكتى ومن متين ليك انتى كمان بتعملى فيها جودية فى الاسافير لكن عاد شوف عينى فاولاتك كترت
|
والله يا سهام مافى رشا يقولوا عليه الموضوع ومافيه قلت اوظف نفسى للزول دة عربية فرملة خصوصا ايام الثورات دى بيكون عنده هوشات وكسرات كدة زى ما زكرت قبل كدة , المتحاورين فى الجهتين بيشرحوا فى البديهيات لبعضهم بمعنى , النضال ضد الكيزان امر نبيل متفقين , الكيزان معفنين متفقين اى سفاهة او كذبة تتقال لو قالها معارض نمشيها ليه بس نختها فى الدفتر لبعدين , فى دى ما متفقين لبكرة لان الاخلاق وعلو شأن القيم الانسانية اهم من اى نضال ومن اى حزب وايدلوجية لو اختبرنا موضوع التقية النضالية دة على مدارس الاخلاق Utilitarianism J Stuart Mill و Virtue-based approaches Aristotle و Rule/ duty-based e.g. Kant فى الثلاثة مدارس دى الفكرة ح تفشل فشل ذريع فالنضال تربية لاجيالنا الجاية قبل ما يكون وسيلة تغيير لارساء الحكم الرشيد فكيف نربيهم على التكتيكات الغريبة دى هسة حمور دة لو الانقاذ دى حلفت ما تمش يقنع من البلد دى ولا ح ترجعوا ليه حقه كيف ؟
والله يا سهام قرايتى اليومين دى اتجهجهت شديد بسبب كم حاجة كدة (1- اميمة (اهلها معانا) 2- دورى الابطال الاوروبى (مابخليه والقراية تطير) 3- البوست المخستك دة وانا عايز اتخارج قبل الصيف لانى خلاااص زهجت شديد , تحياتى لمجتبى وخليه يلحقنى بنقلات تدريبية نعدى بيها الزمن بدل الضائع من مباراة العلم دى
|
Post: #348
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 05:29 AM
Parent: #347
Quote: اى سفاهة او كذبة تتقال لو قالها معارض نمشيها ليه بس نختها فى الدفتر لبعدين , فى دى ما متفقين لبكرة |
هلا يا صلعة.. وبكلامك ده تيقنت تماما الان بانك راكب البوست ده سرررررررج ولافح من طرف بدون التامل فيما قيل..المعارضة البتقول هي ديمقراطية من حق اي زول ان يرفضها او ينقذ كذبها ويعريها بل في النظام الديمقراطي من حقك ان لاتصوت لها وتحرض الاخريين ضد خطابها وتسهم في اسقاطها....ولكن المعركة السياسية معها تظل معركة (موجلة) طالما هنالك حكومة تبطش وتسرق وتقتل.. موجلة علي مستوي الازاحة من السلطة ولكل انسان الحق في نقد فكرها وايدلوجيتها ولكن ليس خصما علي النضال ضد السلطة الغولية... وكانك تنادي بان يتوقف النضال حتي يتم فلترة كل الواقع المعارضاتي من الكضبابين ومن بعدها الالتفات الي الكيزان.. والله دي نظرية القذافي ما سبقك عليها...
Quote: لان الاخلاق وعلو شأن القيم الانسانية اهم من اى نضال ومن اى حزب وايدلوجية لو اختبرنا موضوع التقية النضالية دة على مدارس الاخلاق Utilitarianism J Stuart Mill و Virtue-based approaches Aristotle و Rule/ duty-based e.g. Kant فى الثلاثة مدارس دى الفكرة ح تفشل فشل ذريع فالنضال تربية لاجيالنا الجاية قبل ما يكون وسيلة تغيير لارساء الحكم الرشيد فكيف نربيهم على التكتيكات الغريبة دى
|
وعشان كلامك ده يا احمد تجاني يكون متسق مع خطاب شوقي تحديدا في البوست ده هل ميزان الاخلاق التي تعلو علي النضال.. تتوجب (دعم الانقاذ) والاقرار بذلك...!!! الانسان هو الاعلي قيمة من كل الفزاعات الممكن اللعب علي مدلولاتها كالاخلاق والقيم الانسانية لانو الانسان هو البعلمها وبصنعها وبنظر ليها... والانسان السوداني بموت وبنحر بكل دم بارد... وهنالك من يدعم صانعي هذه المذبحة والمجزرة.... وذلك هو هذا البوست.. ومدعم باقراراته الشوقية التي يمكنك ان تراجعها
|
Post: #349
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 05:39 AM
Parent: #348
Quote: ولكل انسان الحق في نقد فكرها وايدلوجيتها ولكن ليس خصما علي النضال ضد السلطة الغولية... وكانك تنادي بان يتوقف النضال حتي يتم فلترة كل الواقع المعارضاتي من الكضبابين ومن بعدها الالتفات الي الكيزان.. والله دي نظرية القذافي ما سبقك عليها...
|
وحتي هذا النظرية القذافية العجيبة قد تكون مبلوعة ويمكن ان التعايش معها في حالة وجود درب بديل او معارضة بديلة وخطاب ضد الانقاذ بديل.. فهل لنا من خطاب بديل هل..؟؟
|
Post: #350
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-16-2011, 10:51 AM
Parent: #349
Quote: هلا يا صلعة.. وبكلامك ده تيقنت تماما الان بانك راكب البوست ده سرررررررج ولافح من طرف بدون التامل فيما قيل..المعارضة البتقول هي ديمقراطية من حق اي زول ان يرفضها او ينقذ كذبها ويعريها بل في النظام الديمقراطي من حقك ان لاتصوت لها وتحرض الاخريين ضد خطابها وتسهم في اسقاطها....ولكن المعركة السياسية معها تظل معركة (موجلة) طالما هنالك حكومة تبطش وتسرق وتقتل.. موجلة علي مستوي الازاحة من السلطة ولكل انسان الحق في نقد فكرها وايدلوجيتها ولكن ليس خصما علي النضال ضد السلطة الغولية... وكانك تنادي بان يتوقف النضال حتي يتم فلترة كل الواقع المعارضاتي من الكضبابين ومن بعدها الالتفات الي الكيزان.. والله دي نظرية القذافي ما سبقك عليها... |
كيكى , محاولات اسباغ صفة الغموض والطلسمة وانه موضوع مستواه الفكرى عالى ويصعب على البسطاء امثالى ادراكه هى امتداد للالتفاف البتمارس فيه منذ قولة تيت فى البوست دة , شايفك كل سطر سطرين بتقحم انى لافح من طرف ولذلك لو تذكر انى وضعت نقاط محددة فى احدى مداخلاتى السابق تبلور محور النقاش للاتفاق عليها عشان ما كل شوية توحى للقراء اننا ما قادرين نرتقى لمستوى النقاش المتقدم , طيب خلينى اخذ الجزئية البتهمنى فى البوست دة وناقشنى على اساسها بمعزل عن اى حاجة انا بقول الاخلاق هى الاساس وانت بتقول اسقاط الكيزان اولا وبعدين نشوف الاخلاق , اوكى لو ما اوكى قول لى
|
Post: #351
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 11:37 AM
Parent: #350
Quote: انا بقول الاخلاق هى الاساس وانت بتقول اسقاط الكيزان اولا وبعدين نشوف الاخلاق , اوكى |
كويس يا احمد تجاني انك ارسلت اطروحة للنقاش بعيدا عن الاسقاطات الجزافية التي لن تقدم ولن توخر وما بتفيد نقاشي الهنا ده...ولمن اقول ارتقاء بالنقاش اقصد هذه الاسقطات المجانية بتاع كيكي داير وكيكي شنو وكييكي عوووك وكيكي عاااك..بعيدا عن قنطرة كيكي في روحو عوضا عن التركيز في النقاش المكتوب قدامك الفيهو راي كيكي واخرين ونجي للنقاش ومرحب بيهو..!!
الصراع السياسي من الضرورة يكون صراع به قيم ومثل واشياء غير مبتزلة ولاترسله الي خانة غير سوية من نواحي الخطاب (اللغة) او من نواحي الادوات والوسائل..!! والجزئية دي ماعندي معاك فيها خلااف علي الاطلاق .. ولكن وبالله لاحظ للكن دي.. في ظل نزيف لوطن وموت لانسانه وسطوة حرامية قتلة علي رقاب ديشليون زول.. فلنقل اننا اكتشفنا ذات ليل بان المعارضة لست ذات اخلاق )مع انو (مفهوم الاخلاق نسبي ومترهل وخاضع لشحنات كثيرة من منصات مختلفة ايدلوجيا ودينيا وعيييكيا)..هل علينا الانتظار حتي نفلتر هذه المعارضة بالاخلاق وبياتو اخلاق ومتين حيقدر الشعب الفضل ده ينجز الهووم ويرك ده والضمانات شنو انو ينجح...؟؟ ولماذا نحارب اللااخلاق عند المعارضة وندعم اللاخلاق الحقيقية التي يحسها البني ادم في روحه وفي بيته وفي وطنه.. وده فهم البوست وفكرته البسيطة فهل من نقة تفكك هذه المعضلة او كما لو حظ في امر الكثيرين هنا..
|
Post: #352
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-16-2011, 01:40 PM
Parent: #351
ما عارفة الحاصل شنو لكن مداخلاتى ما بتمشى المهم نكتب تانى
يا احمد اولا سلامات من اميمة ومحبة منى فى الله تصلها و تجدها واسرتها كبيرة و صغيرة بالف خير
تانى انت قايل قراية الكبر دى فسحة والله امانه ما حارة الله يكون فى عونك ...
تالثا بالله ركز معاى فى الاقتباسين ديل بالتتالى ده زاتو
Quote: ولماذا نحارب اللااخلاق عند المعارضة وندعم اللاخلاق الحقيقية التي يحسها البني ادم في روحه وفي بيته وفي وطنه.. |
ثم
Quote: لمعارضة البتقول هي ديمقراطية من حق اي زول ان يرفضها او ينقذ كذبها ويعريها بل في النظام الديمقراطي من حقك ان لاتصوت لها وتحرض الاخريين ضد خطابها وتسهم في اسقاطها....ولكن المعركة السياسية معها تظل معركة (موجلة) طالما هنالك حكومة تبطش وتسرق وتقتل.. موجلة علي مستوي الازاحة من السلطة ولكل انسان الحق في نقد فكرها وايدلوجيتها ولكن ليس خصما علي النضال ضد السلطة الغولية... وكانك تنادي بان يتوقف النضال حتي يتم فلترة كل الواقع المعارضاتي من الكضبابين ومن بعدها الالتفات الي الكيزان.. |
يا احمد يا اخوى نحن ابدا ما مختلفين فى اى مسائل اخلاقية و قيمية و ضرورة معالجتها (على الاقل حتى الان)
اختلافنا فى تحديد الوقت المناسب لذلك.... يعنى متين و كيف؟؟؟
المعارضة موضوع النقاش هنا ده ليها يوم و ليها كيفية لمعالجة امرها ليه يوم ديمقراطى كبييير تنعصر فيهو و تنكرب كرب الجن وتتغربل عبر صناديق الاقتراع اى زول شايف فى ناس ما نافعين عشان كضبو وعملو وسووا كل فعل شين يوثق ليهم ده و يختو ليهم فى فايلات اصليه ما تخرش المية ويوم حملاتهم الاتتخابية يفضحهم فضيحة و ينشر ليهم غسيلهم ال######ان على مرأى من الشعب صاحب الكلمة عشان يساعد فى الغربلة و الا يعطى الشعب صوتو لمن لا يستحق
اما الان والان نحن نعمل من اجل يأتى هذا اليوم اليوم الديمقراطى
ببقى المعركة مع هؤلاء المعارضين الما نافعين معانا هى معركة مؤجلة الى حينها
وما نضيع جهودنا و نشتت كورتنا
|
Post: #355
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 04:32 PM
Parent: #352
Quote: اما الان والان نحن نعمل من اجل يأتى هذا اليوم اليوم الديمقراطى |
كفيتي ووفيتي يا سهام وده التراجت والهدف والمحيط البقدر يصنع مجتمع سوي غير مختل سياسيا واقتصاديا واجتماعيا وبعدالةوحقوق ما بين الجميع وحريات..
|
Post: #353
Title: Re: شوقي سليمان تعال علمنا ماسمتك النضال....!!
Author: aydaroos
Date: 03-16-2011, 01:49 PM
Parent: #351
شوقي / كيكي/محمد الصايم/سهام المجمر / ود البشري / أحمد التجاني /د. نجاة/حمور إزيكم كلكم . الموضوع البي تتناقشو فيهو و في رأييي وصلتو لي حاجات مهمة انا بفتكر من أهم البوستات في المنبر. و ياريت واحد فيكم يلخص النقاش دا و يختو في بوست جديد، لانو البوست قاعد في الضراء. إما عن رأيي: 1- الكذب يدان من كلو 2- النبذ و إشانة السمعة الشخصية يدان من كلو 3- الرأي يناقش ويحلل و يفكك بالرأي 4- البي يقيف ضد كذب المعارضين و نبذهم ما مؤتمر و طني.لكن المفروض برضو يقيف ضد كذب و نبذ المؤتمر الوطني.( ونحن عندنا سودانيز ... و هم عندهم البلد كلها رهينة..بي جرايدها و تلفزيونا..الخ) 5- الرمادي الصاح بيقيف مع الصاح ( الحوار بالرأي و ضد الكذب النبذ و إشانة السمعة). و دي أرضية تمام و بعد دا ممكن الناس تتناقش .
|
Post: #354
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-16-2011, 02:33 PM
Parent: #353
يا عيدروس اتفق معك تماما بل كنت عاي اعلق على كلام كيكي في الكوت ادناه Quote: ولماذا نحارب اللااخلاق عند المعارضة وندعم اللاخلاق الحقيقية التي يحسها البني ادم في روحه وفي بيته وفي وطنه.. |
وتأخرت لما عملت رفرش لقيتك كاتب لاضبط الشي كنت عايز اقوله لكن ولأن الباندودث ما بقروش و الواحد عايز يرضي شهوة ما جواه ح اقوم اكتب كلامي وكأني ما قريت مداخلتك
يا كيكي ... السؤال بشكله الطرحته دا ما هو الحاصل على الأقل لمن يستحق لقب رمادي المعنيين في سؤالك اعلاه موالين للمؤتمر الوطني عديل ما لم يكونو اعضاء لهم ارقام و يدفعون اشتراكات من يدعم لا أخلاق (كذب, سفاهة, تدليس .. إلخ ) الحكومة ومواليها لا يستقيم أن ينتقد نفس الفعائل إن أتت من معارضيها
الرمادي الحقيقي سيد الإسم ينتقد اللاأخلاق. نقطة سطر جديد فقط اللاأخلاق, هكذا مطلقة بدون تحديدها وتحجيمها بنسبها بإضافتها لأي كيان / جماعة / حزب / هيئة/ سجم رماد .. إلخ وليست له اولويات في ذلك فيؤخر نقده لفلان الآن لأن فلان وطني و على عاتقه مهام جسيمة . إلخ
_________________________________________
طبعا مافي داعي لإعادة تأكيد أن الحديث عن ما يدور في سودانيزأونلاين فقط
|
Post: #356
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 04:39 PM
Parent: #353
Quote: 4- البي يقيف ضد كذب المعارضين و نبذهم ما مؤتمر و طني.لكن المفروض برضو يقيف ضد كذب و نبذ المؤتمر الوطني.( ونحن عندنا سودانيز ... و هم عندهم البلد كلها رهينة..بي جرايدها و تلفزيونا..الخ)
|
هلا ا عيدروس وحبابك شديد يااخ وانت يا عماد لخصت البوست وجننتو جن والجزئية اعلاه هي النقة الي كانت وقود لهذا البوست..وطالما ارتضي الشخص ان يكون رمادي اذن فليكن رمادي بادب ومهنية رمادية... مش يميل كتف الوقوف علي المعارضة ويعمل نايم او يعمل فيها رايح من متبقي استحقاقاته الاساسية الاخري..
|
Post: #357
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 05:01 PM
Parent: #356
Quote: الرمادي الحقيقي سيد الإسم ينتقد اللاأخلاق. نقطة سطر جديد فقط اللاأخلاق, هكذا مطلقة بدون تحديدها وتحجيمها بنسبها بإضافتها لأي كيان / جماعة / حزب / هيئة/ سجم رماد .. إلخ وليست له اولويات في ذلك فيؤخر نقده لفلان الآن لأن فلان وطني و على عاتقه مهام جسيمة . إلخ |
هلا يا ود البشري.. وصدقني لو اتلقي (رمادي) مدور بمكنة متحمسة ضد اللا اخلاق فده اول شي بكون مكسب وزول تماما جدا لانو طالما هو منطلق في حواره او صراعه هنا من منصة (قيم وحاجات كويسة زي دي) فالزي ده ممكن يششوت ضد اللاعدالة واللاحريات وللاحقوق والفساد في السلطة والمعارضة ودي حاجة في ظني كويسة ولا يحوج الي كركبات(وفي ميزان الصراع ما بين المعارضة والكيزان مسافاته بتكون اقرب في ظني لضد الكيزان) وكمان لا اتوقع ان يجلس منتظر الكورة المرتدة من الحكومة او المعارضة حتن ينتقد..بل (لا اخلاقه) دي زاااتها اتخيل لي تتحتم عليهو ابتدار هجمات ضد السلطة او ضد المعارضة واحزابها او كياناتها والزي ده خطابو بكون واضح ومفروز....!! والمشكلة يا ود البشري في الزي ده..
Quote: المعنيين في سؤالك اعلاه موالين للمؤتمر الوطني عديل ما لم يكونو اعضاء لهم ارقام و يدفعون اشتراكات من يدعم لا أخلاق (كذب, سفاهة, تدليس .. إلخ ) الحكومة ومواليها لا يستقيم أن ينتقد نفس الفعائل إن أتت من معارضيها |
حالتنا البنتاقش فيها واقعة في الكاتورغي ده ولو نضمت معاهو حيقول ليك (انا معارضة) نان معارضة شن نفرها والزول بكون قاعد في راكوبة بني كوز وقايم وقاعد معاهم..وشغلو كلو ضد المعارضة ويا كافي البلاء لا عندو خط جديد او بديل لا حتي حماس في ذلك..وعاجبو الحال المعارضة تعمل ليها كفوة يطلع كيبوردو ويرش مع بني كوز سيم سيم ومرتاااح جدا وما وراه قسط والناس بتموت والبلد منهوب .!!! الزي ده حتمسيهو شنو يا ود البشري..؟؟
|
Post: #358
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-16-2011, 07:47 PM
Parent: #357
سهام تشكرى على التطمين بخصوص قراية الكبر , وسلامك وصل وبامانة وهى بترد ليك السلام لكن طبعا حدها مع النت شوية فيسبوك على هوتميل كل شهرين مرة بالنسبة للكوت حق كيكى الدخلتونى فيلمه مرتين ادناه
Quote: لمعارضة البتقول هي ديمقراطية من حق اي زول ان يرفضها او ينقذ كذبها ويعريها بل في النظام الديمقراطي من حقك ان لاتصوت لها وتحرض الاخريين ضد خطابها وتسهم في اسقاطها....ولكن المعركة السياسية معها تظل معركة (موجلة) طالما هنالك حكومة تبطش وتسرق وتقتل.. موجلة علي مستوي الازاحة من السلطة ولكل انسان الحق في نقد فكرها وايدلوجيتها ولكن ليس خصما علي النضال ضد السلطة الغولية... وكانك تنادي بان يتوقف النضال حتي يتم فلترة كل الواقع المعارضاتي من الكضبابين ومن بعدها الالتفات الي الكيزان.. |
الحقيقة انا شايف انه الفرضيات المعتمد عليها الارقيومنت دة ضعيفة ومجحفة فيما يختص بتعارض النقد للمعارضة مع النضال او اعتباره خصما عليه مع حسن النية , كيف يستطيع كيكى ان يعمم فرضيته هذه بكل اريحية دون ان يرمش له جفن على كل من يرى ان النضال والديمقراطية من جانب والاخلاق من الجانب الاخر يمكن بكل بساطة انجازهم بالتوازى وليس بالتوالى , حقيقة لا ادرى كيف تبلورت لديكم فكرة ان النضال والاخلاق يتعارضان او نؤجل احدهم لدفر الاخر لانه فى راى المتواضع النضال عبارة عن حزمة اخلاق نؤمن بها لدرجة التضحية من اجلها بالنفوس , اما حكاية اى زول يدعو للتمسك بالاخلاق يكون باى ديفولت خلية كيزانية نايمة فبالله دة تقولوا عليه شنو؟
|
Post: #359
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-16-2011, 07:55 PM
Parent: #358
Quote: ولماذا نحارب اللااخلاق عند المعارضة وندعم اللاخلاق الحقيقية التي يحسها البني ادم في روحه وفي بيته وفي وطنه..
|
سهام وكيكى معليش ما فهمت المقصود بالكلام اعلاه , اتعبوا معانا شوية وعيدوا الكلام بلغة بسيطة كدة فيما يتعلق باننا بندعم اللااخلاق الحقيقية التى نحسها فى روحنا وبيتنا ووطنا؟
|
Post: #360
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-16-2011, 08:07 PM
Parent: #359
ممكن تجلو السؤال الفوق دة , لو عايزين لانى كتبته قبل ما اشوف مداخلة عيدروس وود البشرى
* مسئولين من الخير , عيدروس دة عماد عيدروس ولا تشابه ساى لو طلع هو يكون اتلوم معانا , جاى جادع ليه كلمتين ولا سلم علينا سلام فرقة حقت عشرين ونيف سنة كدة
|
Post: #362
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 09:04 PM
Parent: #360
Quote: لا ادرى كيف تبلورت لديكم فكرة ان النضال والاخلاق يتعارضان او نؤجل احدهم لدفر الاخر لانه فى راى المتواضع النضال عبارة عن حزمة اخلاق نؤمن بها لدرجة التضحية من اجلها |
هلا يا ارقمونيت... الاخلاق يا احمد لو (اتفقنا علي مفهومها) عمرها ما بتقيف لحظة (سمبلي) لانها هي الوقود (الوجداني)للحراك الذاتي للزول البومن بيها في كل اشيائه اليومية العامة والخاصة..والقصة ما بالفهم بتاع وقفو الاخلاق عشان النضال يمشي ولا وقفو النضال عشان الاخلاق (تمشي )ولاخاتين النضال في كفة والاخلاق كفة بل كلو في ظني بمشي مع بعض حسب توجهات الزول او الحزب وقيمه والاشياء البومن بيها... والنضال ذاتو لو ما بقي بمفهومية وقيم ما بكون نضال يمكن ان يزيح القيم السيئة الفي المجمتع الاتهتك ده.. وعليه النضال مافي حاجة بتوفق و طالما في بطنه حامل للاخلاق البقول عليها.. وعليه ايضا ليس هنالك ادني غضاضة في نقد الخطاب اللاخلاقي في المعارضة واصلاح حالها واحوالها او ترك السي منها ومحاربتها بكل اليات العمل الديمقراطي المتاحة بحرية وشفافية..وشجاعة دون قمع... ولكن لمن توصف العمل المضاد لسلطة تقتل وتذبح وتسرق بدوعي انتظار الاخلاق وضخ اخلاقيات في بانه عمل غير اخلاقي اجمالا ويجب اعدامه..ودون بديل علي الارض يحارب هذه السلطة باخلاق تبقي القصة غريبة وعجيبة والمستفيد الاول من هذا الوقوف اللابديل هي السلطة..
|
Post: #366
Title: Re: شوقي سليمان تعال علمنا ماسمتك النضال....!!
Author: aydaroos
Date: 03-17-2011, 07:50 AM
Parent: #360
والله يا أحمد يا تجاني مشكلتي انو سلام الكتابة والتلفونات دا لا بي يبل الشوق ولا حاجة ... غايتو بالعدم و كدا ...مشتاقييييييين :)
|
Post: #361
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-16-2011, 08:43 PM
Parent: #357
واحنا من اول اول امس بنقول في شنو يا كيكي الرمادي ينتقد اللاأخلاق القلت عليها في مداخلتك الأولى غض النظر عن سيدها منو اها هل مطلوب منو يجيب ليك كشف حسابو عشان يوريك هنا انتقد الكيزان وهنا انتقد الأحباب وهنا انتقد الزملاء وهناك انتقد الرفاق و بي جاي انتقد الخلفاء ولا كيف يعني ؟ رمادي دا ولا نقادي أصلو القاعد ينتقد ويسجل في الدفتر ليوم الحساب اها دي المشكلة أو الأزمة التانية بعد مشكلة التصنيف و التعميم الأولى مشكلة زاوية الشوف و طريقة القراية انتو - أو انت - يا كيكي ما شايف غير النقد لأكاذيب حريات و خرمجات وقرف بعض المناضلين من تدليس و بهتان وخوض في الأعراض وسير البشر وطوالي بنيت حكم انو الناقد - النقادي - دا متفرغ ومتابع اعمال المعارضة وبس هل عملت بحث لكامل مداخلاتو ولقيتو عمل رايح من فعايل الكيزان الشبيهة ؟ اكيد لأ , لكن مجرد حكم انطباعي يمكن لكثرة نقده للمعارضة المر عليك علق بذاكرتك و تخلّق الإنطباع دا هي لكن يسووا ليكن شنو إذا كان بين كل خرطمية كذبة و شتيمة أهل وسفاهة معارضة تلقى ليك واحدة ولا اتنين كيزانيات بالغلط
Quote: حالتنا البنتاقش فيها واقعة في الكاتورغي ده ولو نضمت معاهو حيقول ليك (انا معارضة) نان معارضة شن نفرها والزول بكون قاعد في راكوبة بني كوز وقايم وقاعد معاهم..وشغلو كلو ضد المعارضة ويا كافي البلاء لا عندو خط جديد او بديل لا حتي حماس في ذلك..وعاجبو الحال المعارضة تعمل ليها كفوة يطلع كيبوردو ويرش مع بني كوز سيم سيم ومرتاااح جدا وما وراه قسط والناس بتموت والبلد منهوب .!!! الزي ده حتمسيهو شنو يا ود البشري..؟؟ |
ياخ والله فترنا من تكرار الحتة دي في مواصفات الرمادي القياسية استقلاليته و نقده للفعل اللا أخلاقي غض النظر عن صاحبه منو , زي كنترول تصحيح امتحانات الشهادة ما بشوف اسم الطالب عليه بالورقة وبس البخالف المواصفات دي ماهو رمادي ولا يعتمد اليشوف ليه بمبي ولا بنفسجي ولا لون زينب ولا حاجة تريحه أما كون الرمادي ينتظر الهجمة المرتدة أو يبادر فدي ما وردت في كتيب المواصفات ولا تؤثر على اعتماد التصنيف ومتروكة للمهارات الفردية - فالرمادي زاتو درجات بس أهم شي الإستقلالية و الناس ما تكون نسخة من بعض أو تتم قيادتها و توجيهها بخطاب ما
____________________________________________
غني عن الذكر أن الحديث لايزال عن سودانيزاونلاين
|
Post: #363
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-16-2011, 09:21 PM
Parent: #361
Quote: ولكن لمن توصف العمل المضاد لسلطة تقتل وتذبح وتسرق بدوعي انتظار الاخلاق وضخ اخلاقيات في بانه عمل غير اخلاقي اجمالا ويجب اعدامه..ودون بديل علي الارض يحارب هذه السلطة باخلاق تبقي القصة غريبة وعجيبة والمستفيد الاول من هذا الوقوف اللابديل هي السلطة.. |
عيييييييك عذبتنا يا خلف الله
|
Post: #365
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 09:46 PM
Parent: #363
Quote: عيييييييك عذبتنا يا خلف الله |
هلاا يا صلعة وبالمناسبة انا عارف انو عيدروس ده زولنا ولا ما زولنا بتاع هندسة وشفت سؤالك ولكن لا تحلم بغدا سعيد معاي في البوست ده
|
Post: #364
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-16-2011, 09:35 PM
Parent: #361
Quote: اها هل مطلوب منو يجيب ليك كشف حسابو عشان يوريك هنا انتقد الكيزان وهنا انتقد الأحباب وهنا انتقد الزملاء وهناك انتقد الرفاق و بي جاي انتقد الخلفاء ولا كيف يعني ؟ رمادي دا ولا نقادي أصلو القاعد ينتقد ويسجل في الدفتر ليوم الحساب اها دي المشكلة أو الأزمة التانية بعد مشكلة التصنيف و التعميم الأولى
|
هلا ياعمك..الرمادي لو جابتو ظروف النقاش والحوار ودي( مهمة المنبر ده) وجاء زول داير يناقش مواقفه السياسية فكون الرمادي يدق فتاشة في الارشيف بتاعو ويجيب ما يدعم ارائه وخطه الاسفيري (المشكلة وووين...؟؟؟) و(القصة دي بتنقص شنو منو..؟؟) طالما ده الراي بتاعو ومفتخر بيهو وده خطه الذي من المهم ان يفهم الطرف الاخر والمتابعين به.وليه طوالي نمشي علي انوالنقاش البدور ما بين الرمادي والشخص الاخر نقاش تجريمي وكركباوي.... وطالما انا واثق في حاجاتي فما حاجة بتخليني اتكبكب واتعقد..!!!
Quote: اكيد لأ , لكن مجرد حكم انطباعي يمكن لكثرة نقده للمعارضة المر عليك علق بذاكرتك و تخلّق الإنطباع دا هي لكن يسووا ليكن شنو إذا كان بين كل خرطمية كذبة و شتيمة أهل وسفاهة معارضة تلقى ليك واحدة ولا اتنين كيزانيات بالغلط
|
لا يا عمك وما كثرة كضوبات المعارضة ولا قلة كضوبات الكيزان بل اقرار مشفوع بالكبيورد وموثق في كراكير هذا البوست وافاد به بانه (داعم للانقاذ) وده يا سيدي مش متواجد بكثرة في كضوبات المعارضة الاسفيرية بل مطالب بركل كل المعارضة الي مزبلة التاريخ وداعم للانقاذ... انطباع شنو يا ود البشري والكمونية كلها ياها قدامك....
Quote:
غني عن الذكر أن الحديث لايزال عن سودانيزاونلاين
|
ياعمك اتمني يتواصل الحديث ولقدام بعدما نقفل سودانيز اونلاين ونديهو حقو من النقة ننتقل الي الامر خارج سودانيز اونلاين فسودانيز ليس بجزيرة معزولة عن ارض الواقع وهو صدي لما يحصل ويدور في ارض واقع الازمة السودانية
|
Post: #367
Title: Re: شوقي سليمان تعال علمنا ماسمتك النضال....!!
Author: aydaroos
Date: 03-17-2011, 08:13 AM
Parent: #364
إزيكم تاني يا كيكي و أحمد التجاني... ياني عماد ذاتوو
طيب، ما مفروض حاجة تقيف عشان حاجة .. كلو بي يدور مع بعض نقد الحكومة و نقد المعارضة ... مافي حاجة مكتملة(كلو رمادي :)) و اي حاجة بي تسعي للإكتمال بالممارسة و الرأي. في حاجات الناس مفروض تتفق فيها بغض النظر معارضة حكومة رماديين الخ: 1- البوستات آراء ... رد عليها بي آراء .. وخلي الأحكام المسبقة و العداوات ... و اللصق البلا معني ...لو في زول شتمك او نبذك مره لو رديت عليهو بي نبذ و شتيمة بي يكون نجح في انو يخليك تشبهو رد عليهو بي إنك تعري طريقتو ( ودي البي تجيب إحترام الناس ليك) ومافي داعي عشان زول نبذك سنة ستين تقعد تباريهو لي سنة أسكت.
2- ضد الكذب و النبذ وتعرية السلوك الشخصي. و يا جماعة الله .. الإ نترنت لا ركن .. لا جريدة ..لا تلفزيون طريقتها مختلفة أفهمو طريقتها .. عشان علي الأقل " الحاجات تبقي كويسة"
|
Post: #371
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-17-2011, 07:55 PM
Parent: #364
Quote: فكون الرمادي يدق فتاشة في الارشيف بتاعو ويجيب ما يدعم ارائه وخطه الاسفيري (المشكلة وووين...؟؟؟) و(القصة دي بتنقص شنو منو..؟؟) طالما ده الراي بتاعو ومفتخر بيهو وده خطه الذي من المهم ان يفهم الطرف الاخر والمتابعين به.وليه طوالي نمشي علي انوالنقاش البدور ما بين الرمادي والشخص الاخر نقاش تجريمي وكركباوي.... وطالما انا واثق في حاجاتي فما حاجة بتخليني اتكبكب واتعقد..!!! |
يا كيكي كلامك دا اعوج عديل بل العوج ذات نفسه خليك من الرمادي ولا النقادي يات من كان لونه أو صفته أونعته عشان يقول رايو يجيب معاه الفيش و التشبيه ؟ دا كلام دا ؟!!! ولمنو و لشنو في عالم فيرشوال راس مالو ساين آوت و كان مستعجل كليك على زر في شكل إكس تقعد تبرر وتشرح وتستعرض تاريخك عشان تقدر تقول رايك طيب يا حبة خليني من الواجد قرقر اعلاه هل كون ناقد الموقف المعين أو السلوك المعيب رمادي أو معارض معارضة قول كوز عديل كدة بي سيختو هل الصفات المذكورة تنفي العيب و المذمة عن هذا الموقف او السلوك ؟ وهل لا يقبل النقد أو الرفض إلا ممن معه شهادة براءة ذمة اسفيرية أو تاريخ نضالي بشهادة اثنين معارضي دولة لا تقل بوستاتهم الهتافية عن كيت وكيت ؟ الموقف أو السلوك المرفوض هو نفسه ولن تغير من طبيعته و رد الفعل المفروض تجاهه كنه من وجه له النقد - او مفروض كدا
Quote: لا يا عمك وما كثرة كضوبات المعارضة ولا قلة كضوبات الكيزان بل اقرار مشفوع بالكبيورد وموثق في كراكير هذا البوست وافاد به بانه (داعم للانقاذ) وده يا سيدي مش متواجد بكثرة في كضوبات المعارضة الاسفيرية بل مطالب بركل كل المعارضة الي مزبلة التاريخ وداعم للانقاذ... انطباع شنو يا ود البشري والكمونية كلها ياها قدامك.... |
اظنك يا كيكي لسة ماسك في تلابيب ابو الشوق وانا كنت فاكر النقاش اتوسع وتجاوز الحتة دي وبقى الكلام عام
Quote: ياعمك اتمني يتواصل الحديث ولقدام بعدما نقفل سودانيز اونلاين ونديهو حقو من النقة ننتقل الي الامر خارج سودانيز اونلاين فسودانيز ليس بجزيرة معزولة عن ارض الواقع وهو صدي لما يحصل ويدور في ارض واقع الازمة السودانية |
اكيد يا معلم وانا في اجابتي على اسئلة بت المجمر اشرت لحتة سوداني اونلاين وتاثيرها على ارض الواقع و المقارنة بين الحاصل هنا وهناك وكنت حريص على كتابة الديسكليمر عن أن الحديث يتعلق بما يدور في البورد فقط لأن حسابات الفيرشوال تختلف حتما عن الواقع وعندي زي شوال شوالين نقة في الموضوع دا بس انت لما تقنع من عمك ابو الشوق تمام قول عوك عشان نبدا سي جديد
|
Post: #368
Title: Re: شوقي سليمان تعال علمنا ماسمتك النضال....!!
Author: Abdlaziz Eisa
Date: 03-17-2011, 09:01 AM
Parent: #116
Quote: يدي على يدك نعمل حاجة منظمة وبمهنية عالية جدا وبوعي شديد حتى تكون نواة لمعارضة ، أما الآن وللأسف الشديد لا في معارضة ولا أحزاب وقع ليك |
الأخ العزيز كيكي وضيوفه الكرام
سلام
الكلام الفوق ده ياخوي شوقي هل قلته بكامل وعيك.. ماك نايم!! ماك نعسان!! أم هل حصل تطور نوعي في مواقفك من النظام الذي ظللت تدعم فيه واعوانه في كل بوست؟ اذا كان الجواب الأخير فابشر بنجاتك من لعنة ضحايا الإنقاذ الذين لا يحصى عددهم.. فنضم صوتنا اليك وكيكي من أجل هذه النواة الجديدة لاسقاط نظام الإنقاذ..
المطرطش كيكفك ياخوي... الزول ده ماشي كويس في طريقه للهدى.. لو عصرت عليه شديد بيرتد تاني
تحياتي
|
Post: #369
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-17-2011, 02:13 PM
Parent: #368
كل البقدر عليهو هسه انى اقول سلامات يا عماد و تحايا الله يدى العافية
بإذن الله نواصل
|
Post: #370
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-17-2011, 04:27 PM
Parent: #369
Quote: طيب، ما مفروض حاجة تقيف عشان حاجة .. كلو بي يدور مع بعض نقد الحكومة و نقد المعارضة ... مافي حاجة مكتملة(كلو رمادي :)) و اي حاجة بي تسعي للإكتمال بالممارسة و الرأي. في حاجات الناس مفروض تتفق فيها بغض النظر معارضة حكومة رماديين الخ: 1- البوستات آراء ... رد عليها بي آراء .. وخلي الأحكام المسبقة و العداوات ... و اللصق البلا معني ...لو في زول شتمك او نبذك مره لو رديت عليهو بي نبذ و شتيمة بي يكون نجح في انو يخليك تشبهو رد عليهو بي إنك تعري طريقتو ( ودي البي تجيب إحترام الناس ليك) ومافي داعي عشان زول نبذك سنة ستين تقعد تباريهو لي سنة أسكت.
2- ضد الكذب و النبذ وتعرية السلوك الشخصي. و يا جماعة الله .. الإ نترنت لا ركن .. لا جريدة ..لا تلفزيون طريقتها مختلفة أفهمو طريقتها .. عشان علي الأقل " الحاجات تبقي كويسة" |
هلا يا عيدروس وحبابك يا هندسة وشكرا ياااخ علي خارطة الطريق التي نحتاجها جميعا وطالما اصبح الاسفير فعل يومي وساحة لحراك كبير من الضروري ان نطور تجاربنا فيه ونحاول نستفيد وان كانت الفائدة تاتي بعد مرات عبر سكك طويلة وتجارب مريرة الا انها في النهاية مكسب والحاجات حتما حتكون كويسة...
وسلام يا سهام وحبابك يا عزيز
وسنتابع
|
Post: #372
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-17-2011, 08:08 PM
Parent: #370
بالله يا عيدروس طلعت من نواحي الميدان الغربي فعلا والله... الدم بحن
|
Post: #373
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-17-2011, 08:34 PM
Parent: #372
Quote: يا كيكي كلامك دا اعوج عديل بل العوج ذات نفسه خليك من الرمادي ولا النقادي يات من كان لونه أو صفته أونعته عشان يقول رايو يجيب معاه الفيش و التشبيه ؟ دا كلام دا ؟!!! ولمنو و لشنو في عالم فيرشوال راس مالو ساين آوت و كان مستعجل كليك على زر في شكل إكس تقعد تبرر وتشرح وتستعرض تاريخك عشان تقدر تقول رايك طيب يا حبة خليني من الواجد قرقر اعلاه |
هلا يا عمك.. يا ود البشري الكائن الاسفيري المتحرك هنا في الاسفير ده (خطاب) والخطاب ده هو العنوان (الادرس) بتاع الكائن المتحاور وده الدفنشن بتاع (العضو هنا) سوي كان رمادي او نقادي او غيره... وعليه لمن انتاقش معاك في مظلة حوارية عن خطابك بالتاكيد عشان توصل لي خطابك ده بالضرورة توضحو للمتناقش بطريقة يستطيع ان يفهم بها خطابك..!! وعشان المتحاور يفهم مثلا بان موقفك جمعي في النقد للحكومة والمعارضة,.. من الافيد لهذا الحوار ان تضخ فيه الامثلة الموثقة التي توضح ذلك... لفائدة الحوار ولتوصيل الاراء بتاعتك وتوضيح الخطاب او الخط الذي ينادي به الشخص...( والمشكلة وووين والعوجة برضو وووين في الكلام ده)...!! صحيح لو اتي هذا الحوار تحت مظلة استخفاف وكركبة وحوار سلبي هنا القصة بكون عندها مشهد تاني مختلف ولانو سودانيز اونلاين ملي بالحوار السلبي يبدو بان هذا الحوار السلبي هو من صار يؤطر ويضبط الحوارات في فضاء سودانيز..وعشان كده يقال (طقطقو..ولجنو.. وهبتو..ودقاهو دق العيش)... ولو ما شلنا النظارة دي وكلنا سابحين فيها ما حننتج في سودانيز ده حوار مفيد او حوار تحت مظلة حوارية تحترم الراي والراي الاخر وتتيح للطرفين عرض (خطابهم) الذي هو عنوان كبير لمجمل الاراء في اي قضية مشتركة وجدت نفسها تحت طاولة الحوار...
|
Post: #374
Title: Re: شوقي سليمان تعال علمنا ماسمتك النضال....!!
Author: khaleel
Date: 03-17-2011, 08:41 PM
Parent: #373
وكان الانسان اكثر شي جدلا
عماد عيدروس الشوق بحر ياخ
|
Post: #375
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-17-2011, 08:47 PM
Parent: #374
هلا يا خلو وياخ ما خليك معانا واخد كاس كاسين بتاعة جدل
|
Post: #376
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-17-2011, 09:27 PM
Parent: #375
يا كيكي كلام خطاب ورؤية دا سمح واي شي لكن دي ما النقطة الأنا قصدتها هنا لو بنتحدث عن نقاش وآراء ورؤى لموضوع ما أوكي نعم معاك في انك تفهم خلفية محاورك و منطلقاته الفكرية وكدا وإن كنت اتحفظ على حكاية انو يجيب سابق مداخلاته التي تثبت كذا وكذا الحوار الصحي يجب ان تتوفر فيه الثقة من ضمن اشياء أخرى ضرورية لإنتاج حوار مفيد يكفي ان تسأل محاورك عن اتجاهه و تكتفي باجابته دون الحوجة لتدعيمها بالروابط و الكابشرات لكن الحاجة الأنا قصدتها هنا خد عندك مثلا موضوع حريات جلطت جلطة قدر الليلة وبكرة ونجرت النجر الراسو عديل وزادت الكلام طن موية مكعب الشباب تحت مسميات فقه المرحلة وصوت المعركة وترتيب اولويات وشنو ما عارف عملوا نايمين وجلّوا الموضوع بشكل أو بآخر جا فلان من الناس قال دي كذبة أها غض النظر عن مواقف فلان و اتجاه شوته هل ينفي هذا او يؤكد كذب حريات ؟ّ!! هل تجاوبنا مع الموضوع الرئيس مرهون بنتيجة الفحص لسيرة و تاريخ نشاط الشخص الذي انتقده؟ معقولة بس يا كيكي
|
Post: #377
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-17-2011, 11:24 PM
Parent: #376
Quote: يا كيكي كلام خطاب ورؤية دا سمح واي شي لكن دي ما النقطة الأنا قصدتها هنا لو بنتحدث عن نقاش وآراء ورؤى لموضوع ما أوكي نعم معاك في انك تفهم خلفية محاورك و منطلقاته الفكرية وكدا وإن كنت اتحفظ على حكاية انو يجيب سابق مداخلاته التي تثبت كذا وكذا الحوار الصحي يجب ان تتوفر فيه الثقة من ضمن اشياء أخرى ضرورية لإنتاج حوار مفيد يكفي ان تسأل محاورك عن اتجاهه و تكتفي باجابته دون الحوجة لتدعيمها بالروابط و الكابشرات لكن الحاجة الأنا قصدتها هنا خد عندك مثلا موضوع حريات جلطت جلطة قدر الليلة وبكرة ونجرت النجر الراسو عديل وزادت الكلام طن موية مكعب الشباب تحت مسميات فقه المرحلة وصوت المعركة وترتيب اولويات وشنو ما عارف عملوا نايمين وجلّوا الموضوع بشكل أو بآخر جا فلان من الناس قال دي كذبة أها غض النظر عن مواقف فلان و اتجاه شوته هل ينفي هذا او يؤكد كذب حريات ؟ّ!! هل تجاوبنا مع الموضوع الرئيس مرهون بنتيجة الفحص لسيرة و تاريخ نشاط الشخص الذي انتقده؟ معقولة بس يا كيكي |
هلا ياعمك ونعم في النقاش النضيف قد يعتمد علي الاراء ويتم التداول حولها ولكن التوثيق ايضا مهم ومفيد للحوار ان لم ياتي في مظلة كركبية وعموما لاخلاف كبير حول هذه الجزئية ان اتت بتوثيق او بدونه ولكن في النهاية يحتاج المحاور ان يختار الطريقة الامثل لتوصيل ارائه وخطابه... وحكاية حريات وغيرها من الكضوبات لو تم التعامل معها لادانة حريات فقط حسب حجم كضبتها فهذا امر لا خلاف عليه ولكن ان يتم شحن هذه الادانة بشحنات كهربائية صاعقة وتوزع علي كل العمل المعارض حتي الذي غير مرتبط بخط حريات او غير مرتبط بمصدر الكضبة فهذا يعتبر استغلال سياسي للكضبة ومحاولة السمسرة عليها وتجيير هذه الدخنة لكي تصب في مصلحة تيار الحكومة...!!! وهنا انا كمعارض ما بمشي في الكيتة دي لمسافات طويلة لانها بتكون متجاوزة (حريات) كصحيفة ليها خطها وليها شخصيتها الاعتبارية الي الجسم المعارض كلو تعوقو...وبتعامل مع هذا الامر بحجمه وبفرتق الي مدارتي الاخري..
|
Post: #378
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-18-2011, 05:49 AM
Parent: #377
Quote: وهنا انا كمعارض ما بمشي في الكيتة دي لمسافات طويلة لانها بتكون متجاوزة (حريات) كصحيفة ليها خطها وليها شخصيتها الاعتبارية الي الجسم المعارض كلو تعوقو...وبتعامل مع هذا الامر بحجمه وبفرتق الي مدارتي الاخري.. |
برضك وجهة نظر لها حظ كبير من الوجاهة يا عمك وإن كان ناقضت فرضية عدم وجود جسم معارض واحد بمصداقية موحدة تتأثر بكذب اصغر طرف فيه الكنت فاكرنا اتفقنا عليها في الصفحات السابقة طيب الكيس دا تحديدا - كيس حريات وتحريف رواية سعاد عبدالله - كم المسافة المفروض يمشيها فيه المعارض حسب وجهة نظرك لأنو حسب متابعتي الناس دي راحت بدري بدري و"لأسباب اضطرارية" يعني حتى شبر واحد ما شفنا زول مشاه
|
Post: #379
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 09:46 AM
Parent: #378
Quote: برضك وجهة نظر لها حظ كبير من الوجاهة يا عمك وإن كان ناقضت فرضية عدم وجود جسم معارض واحد بمصداقية موحدة تتأثر بكذب اصغر طرف فيه الكنت فاكرنا اتفقنا عليها في الصفحات السابقة طيب الكيس دا تحديدا - كيس حريات وتحريف رواية سعاد عبدالله - كم المسافة المفروض يمشيها فيه المعارض حسب وجهة نظرك لأنو حسب متابعتي الناس دي راحت بدري بدري و"لأسباب اضطرارية" يعني حتى شبر واحد ما شفنا زول مشاه |
هلا ياعمك ومافي تناقض بل كلامي هو تجسيد حقيقي لفكرة انو المعارضة ليس كتلة او جسم واحد.. ومصطلح المعارضة كجسد واحد كلو (انا بتكلم بمنهج الناس البفترضو الافتراض ده) ... وطالما فزرت ليك عيشة (حريات) في امرها مع سعاد عبدالله... اذن بكون وزعت ليك المعارضة كيمان كيمان وكل كوم ياكل نارو حسب خطابه واخطائه والاخريين هم من يسقطون تلك الاخطاء علي جسم المعارضة الافتراضي... وانا بقول اسقطوها علي حريات او علي كل جهة كضبت او عملت كركبة...!!! واما المسافة التي يفترض ان يمشيها المعارض فهي مسافة (اوبشنل) كلا حسب تقييمه للموضوع موضع الكضب او موضع الخطاء في التناول الاعلامي لامر (اعتقال مواطنة) وجدل حول ما تعرضت عليه داخل المعتقل.. وبالنسبة لي شخصيا كنت اري في ذلك الامر (اخراج فطير) في جزئية ما تعرضت اليه تلك المواطنة..وتم التعامل مع هذا الامر بطريقة غير منهجية والضباب حول ذلك الامر اتي خصما علي القضية الحقيقية الموثقة توثيق جيد وهي (الاعتقال)... ولمجرد وجود (اعتقال) لمواطنة وموثقة ومرصودة فهذا لوحده يكفي ولا يحتاج الامر الي اضافات جديدة غير موضبة او غير موثوق بها... والقضية التي ترسل للراي العام من الانصع ان ترسل وهي مدنكلة وموضبة حتي تساعد في فضح الحكومة وجهاز امنها ..وهذا افيد من ان ترسلها بطريقة (مبشتنة) وتاتي خصما علي شغلك وخطابك كلو
|
Post: #380
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-18-2011, 10:37 AM
Parent: #379
الله يفتح عليك يا عمنا Quote: واما المسافة التي يفترض ان يمشيها المعارض فهي مسافة (اوبشنل) كلا حسب تقييمه للموضوع |
بس شيل لي حتة يمشيها المعارض وخليها يمشيها الإنسان/الواحد/الزول/البوردابي اي شي المهم الإطلاق وعدم التصنيف ووسعها لي من فقط موضوع كذبة حريات لتشمل جميع القضايا والمواقف المختلفة كدا تلقانا وصلنا لنقطة اتفاق جديدة وكويسة مواقفك ونقدك وكتابتك في البورد وغيرو اوبشونال ما في زول يحاسبك او يصنفك او يطالبك بكشف حساب بيها تمام يا عمك ؟
______________________________
كان قلت تمام معناها تسحب البوست وتقدم اعتذار مدنكل قدر الليلة و بكرة لأبو الشوق هههههههههههههههههههههه ياخ الديالكتيك دا سمح خلاص
|
Post: #381
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 12:08 PM
Parent: #380
Quote: ياخ الديالكتيك دا سمح خلاص |
هلا يا عمك والديالكتيك سمح وسمح بالحيل ولكن ما ببيعو وبسومو في فريق ناس لينين الدقة في الخطاب والتوصيف مهم شديد ياعمك وليس القفز بالزانة صوب نواحي الديالكتيك
Quote: مواقفك ونقدك وكتابتك في البورد وغيرو اوبشونال ما في زول يحاسبك او يصنفك او يطالبك بكشف حساب بيها تمام يا عمك ؟ |
طيب يا عمك ماعارف الراي الديالكتيكي شنو لو الزول براااهو صنف نفسو وسماها (داعم للانقاذ)..!!! او سماها معارض للانقاذ..!!او سماها رمادي من القضايا الاساسية بتاعتو كمواطن.. وكانك ياعمك تريد ان تحول البورد الي حديقة (نعام ملك) يقول فيها الانسان رايه ومافي انسان اخر يقول معاه بغم او يناقشو ما يحاسبو لانو (النقاش بختلف عن المحاسبةوكلنا لا نمتلك حق المحاسبة ولا ينبغي بل علينا بالنقاش)...!! وطالما شوقي مصنف نفسه كداعم للانقاذ ويمارس اسفيره من هذه المنصة وهنالك شواهد اسفيرية حية وموثقة تغذي هذا التصنيف فان الاعتذار لزومو شنوووو ياعمك طالما تم مناقشته من تلك الفرضية...!!!
انا البكون طالبك اعتذار يا عمك لانك عاوز تبيعني ديالكتيك ضارب
|
Post: #382
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 02:04 PM
Parent: #381
هلا ياعمك واذا كان مافي شوال شوالين للنقاش في امر سودانيز فانا داير افتح شوال جديد في جزئية (ربط سودانيز بواقع الازمة في الواقع)..!!
|
Post: #383
Title: Re: شوقي سليمان تعال علمنا ماسمتك النضال....!!
Author: كمال عباس
Date: 03-18-2011, 02:57 PM
Parent: #382
تحياتي كيكي إختلاف المفاهيم والتفاوت في المواقف شئ طبيعي ولكن هناك قضايا لاتقبل الميوعة والضبابية... مقتبسات من مداخلات لي ............1...........
Quote: ..... موضوع معارضة أو حكومة والقطعية والمبدئية - ودا رأي الخاص - يفرضه وجود قضايا لاتقبل الحياد من منظوري: :- قاتل ومقتول /جلاد وضحية/إقصاء وهيمنة/ تعدد وتنوع شمولية وديكتاتورية وإستبداد وقهر/ ديموقراطية/ ......... يمكن أن تختلف الوان ودرجات التأييد والمعارضة ويمكن أن تؤيد أنت المعارض- خارج قضايا المبدأ -بعض التفاصيل أو المواقف الحكومية ويمكن أن تعارض أنت المؤيد للخط العام للنظام بعض مواقف الحكومة! كل هذا مفهوم ولكن هناك قضايا مبدأ لاتقبل القسمة والتهجين وركوب السرجيين والضبابية ! .........00 .بالمناسبة هناك مساحة وبراح إستقلالية -كبير للمعارض إذا يمكنه أن يختلف ويعارض نهج ورؤي كل الاحزاب والتشكيلات المعارضة مع حالة كونه معارض ومن حيث المبدأ لشمولية وديكتاتورية الحكومة ! |
....... ,,, 2... Quote: ...والأسوأ من الضبابي هو من يخفي كوزنته تحت ستار الإستقلالية وإدعاء الحياد وخدمة أجندة النظام عبرموقعه هذا فتراه مخذلا ومبررا أو متفرغا للهجوم علي خصوم الانقاذ من دون أن يكرس جهدا قليلا للتصدي للأنقاذ! . ..تراه يمارس التذاكي ومحاولةزر الرماد في الاعين متجاهلا أن للناس عقول..... |
...........3 .........
Quote: في ناس بتبني رأي في المعارضة مش لموقف من الاحزاب اللي في السودان وإنما لموقف من من بعض الافراد المعارضيين -في الاسفير واللي لا يمثلوا في واقع الأمر الإ أنفسهم ! ياأخي كون قناعتك ورؤيتك مما يحدث في وطنك إنطلاقا من مبدأ ومن إحساس بما يجري في الواقع العملي لا من كتابات النت .... المعارضة قبل أن تكون كيانات ومواعين فهي موقف ورؤية مبدأ !! 00 نعم هناك كتابات بعض الأفراد المعارضيين تضرس ومليانة شتارة وهناك بعضهم ممن يضر بقضية المعارضة ويخدم الحكومة من دون وعي !! وهناك صاحب الأسلوب الجارح والمنفر الخ ولكن كل موقف من هذا يحسب علي صاحبه ولن يجعل عاقل يتواطئ بالصمت أو يؤيد أو يداهن حكومة تدمر وطن وشعب !! 00 وبذات القدر لا أعتقد أن إسفاف وكوارث كتابات بعض منسوبي الانقاذ بالمنبر هي التي دفعت حمور ليعارض الانقاذ ! ففلان عارض الانقاذ لنهجها وخطها ولممارسات قمة السلطة ولفظائعها الماثلة للعيان بأرض الوطن ! .. ولو أفترضنا أن كل كوادر المؤتمر الوطني بالمنبر كانوا ملائكة في التعامل والطرح والأسلوب فهذا لن يغير رأي كمال عباس في الإنقاذ مادام منهج الانقاذ معطوب ورؤيتها شمولية وإقصائية وممارستها شائهة وقيادتها تقتل وتعذب وتمزق في نسيج الوطن وتهين وتذل إنسانه .. |
...........3 ......... .........4......... إن التجاوز والغلط والتجريح يظل خطأ بغض النظر عن اللون السياسي لقائله أو والدين والعرق والجهوية ! فإنتماء فرد للإنقاذ ليس مسوغا للتعدي عليه وإنتماء شخص ما للمعارضة لايعطيه حصانة ضد النقد والمحاسبة والعكس صحيح أيضا ! التعامل الإنساني لايجب أن يخضع لقيود الإيدلوجيا والانتماء السياسي والشلليات وإنما لمقياس الصاح والغلط وإعلاء إنسانية الانسان وعدم الحط من قدره ...المواقف الأخلاقية يجب أيضا- عدم حبسها في القوالب وإخضاعها للمزاج والشلة والانتماءات - ,,,, 5... مفترض الواحد وقبل مايفرح ويهلل قائلا - أنا رمادي أنا رمادي! يضبط هذا المصطلح أولا ! ماذا يعني برمادتيته هل هي "مذبذبين بين ذلك لا إلى هؤلاء ولا إلى هؤلاء " أم هي ميوعة وإنعدام رؤية وعدم تحديد موقف صارم ? أهي في قضايا المبدأ والقطعيات أم التفاصيل والمواقف الثانوية ? في الجوانب الإنسانية والاجتماعية أم كل شئ ? ..........
|
Post: #384
Title: Re: شوقي سليمان تعال علمنا ماسمتك النضال....!!
Author: Abdlaziz Eisa
Date: 03-18-2011, 02:58 PM
Parent: #382
|
Post: #385
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 03:16 PM
Parent: #384
Quote: موضوع معارضة أو حكومة والقطعية والمبدئية - ودا رأي الخاص - يفرضه وجود قضايا لاتقبل الحياد من منظوري: :- قاتل ومقتول /جلاد وضحية/إقصاء وهيمنة/ تعدد وتنوع شمولية وديكتاتورية وإستبداد وقهر/ ديموقراطية/ ......... يمكن أن تختلف الوان ودرجات التأييد والمعارضة ويمكن أن تؤيد أنت المعارض- خارج قضايا المبدأ -بعض التفاصيل أو المواقف الحكومية ويمكن أن تعارض أنت المؤيد للخط العام للنظام بعض مواقف الحكومة! كل هذا مفهوم ولكن هناك قضايا مبدأ لاتقبل القسمة والتهجين وركوب السرجيين والضبابية ! .........00 .بالمناسبة هناك مساحة وبراح إستقلالية -كبير للمعارض إذا يمكنه أن يختلف ويعارض نهج ورؤي كل الاحزاب والتشكيلات المعارضة مع حالة كونه معارض ومن حيث المبدأ لشمولية وديكتاتورية الحكومة ! |
هلا يا عبدالعزيز وحبابك يا كمال وكويس انك جيتنا في منخني مهم من النقاش هنا ونحن بنحاول ننقل التفاهمات والاراء التي تشكلت هنا الي ارض الواقع وكما اتقفنا تقريبا علي ضرورة رفض الاشياء السلبية علي فضاء سودانيز سوي ان كانت من المعارضة اوالحكومة فالان الدور سياتي الي القضايا الاساسية المتواجدة في الارض السودانية والمواقف المفصلية منها في ثنائياتها التي اوردتها والتي لاتقبل القمسة الي اثنين او الجلوس في قارعة الطريق في المواقف منها..وهذا ما سنسنافر اليه معا
|
Post: #386
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-18-2011, 04:29 PM
Parent: #385
Quote: هلا ياعمك واذا كان مافي شوال شوالين للنقاش في امر سودانيز فانا داير افتح شوال جديد في جزئية (ربط سودانيز بواقع الازمة في الواقع)..!! |
قو أهيد يا عمك فترنا وكملنا النقة في الموضوع الأول ووصلنا لنقاط تلاقي ما بطّالة الجزء التاني من الموضوع بالمناسبة له علاقة بما دار في الصفحات الماضية فزي ما قلت ليك في أحد الديسكليمرات حسابات الواقع تفرق عن حسابات السايبر كتير
|
Post: #387
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 05:12 PM
Parent: #386
Quote: فترنا وكملنا النقة في الموضوع الأول ووصلنا لنقاط تلاقي ما بطّالة الجزء التاني من الموضوع بالمناسبة له علاقة بما دار في الصفحات الماضية فزي ما قلت ليك في أحد الديسكليمرات حسابات الواقع تفرق عن حسابات السايبر كتير |
هلا يا عمك وشكرا علي البيرمشن
فياريت ياعمك وقبل ما نسافر عميقا تسهب لينا في الفروقات واعمل لخالك رفرش ووشايف كمال عباس ايضا اتي باضافات مهمة واساسية ممكن تكون منفستو للنقاش وصحيح في الصفحات الاولي من هذا البوست ده كان في نقة كثيرة فخلينا نواصل ونصل لتفاهمات علي الاقل زي ما وصلنا ليها في الامر السايبري
|
Post: #388
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-18-2011, 05:25 PM
Parent: #387
الكلام الفي البال كتير يا كيكي واسي حتوت واخواته شكلهم ما اتو لحوار فعاملين غاغا عازين يطلعوا وكدا اديني فرقة لغاية بالليل اجيك بالكلام مرتب ومجيه لحينها ارمي بياضك وافتح شوالك بس هاك دي على السريع كدا ادوات الصراع و ميزان القوى و الوضع في السايبر يختلف عنه في الواقع تماما ولا مقارنة هناك في سلطة بكل جبروتها وآلياتها وسلاحها مقابل معارضين ليس لهم إلا اصواتهم واقلامهم و ارواحهم هناك السلطة لا تتورع عن حتى القتل في سبيل اسكات الصوت المعارض ولا تحترم او تلقي بال لمحاور لم يرفع البندقية هنا الوضع مختلف فالكتوف متلاحقة و الفرص متكافئة ولا يوجد قمع للآراء والتعبير - أو مفروض كدا فيبقى الاستجابة وطريقة التناول تختلف من هنا لهناك دي واحدة و التانية هي عن أثر البورد أو السايبر عموما على ارض الواقع وعليك الله ماتقول لي مصر وتونس
كدي بجيك للباقي بعدين
|
Post: #389
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 03-18-2011, 05:45 PM
Parent: #388
Quote: طالما شوقي مصنف نفسه كداعم للانقاذ ويمارس اسفيره من هذه المنصة وهنالك شواهد اسفيرية حية وموثقة تغذي هذا التصنيف فان الاعتذار لزومو شنوووو ياعمك طالما تم مناقشته من تلك الفرضية...!!! |
دا في المسرح اسمه زرع معلومات بكلامك دا الناس حتعرف انه شوقي اعترف انه كوز وبدعم الكيزان مع انه لا اظن ابدا شوقي قال انه كوز..
طريقة زراعة المعلومات هي ما يفعها الشيوعين عادة حينما يريدون اغتيال شخصية احد
ممكن تجيب لينا اعتراف شوقي او تعيد كتابة ما كتبته مع اعتقد او اظن او ارى...
ناس المعارضة اي زول يكشف اكاذيبهم بقولوا انه كوزاويرفض عمايلهم المهببة بيقولوا انه كوز حتى صابحت كامة كوز لا تعني اي شئ او امنجي لو زاد دوز التعرية فلا تدهش يوم تشاكل مع زول معارض يكتب ليك الكوز كيكي
سلام يا البشرى واحد التجاني والله كرنرتو الرعديد دا لما حنني,,
|
Post: #390
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 05:56 PM
Parent: #389
Quote: ادوات الصراع و ميزان القوى و الوضع في السايبر يختلف عنه في الواقع تماما ولا مقارنة هناك في سلطة بكل جبروتها وآلياتها وسلاحها مقابل معارضين ليس لهم إلا اصواتهم واقلامهم و ارواحهم هناك السلطة لا تتورع عن حتى القتل في سبيل اسكات الصوت المعارض ولا تحترم او تلقي بال لمحاور لم يرفع البندقية هنا الوضع مختلف فالكتوف متلاحقة و الفرص متكافئة ولا يوجد قمع للآراء والتعبير - أو مفروض كدا فيبقى الاستجابة وطريقة التناول تختلف من هنا لهناك دي واحدة و التانية هي عن أثر البورد أو السايبر عموما على ارض الواقع وعليك الله ماتقول لي مصر وتونس |
ياعمك ده كلام متقدم جدا ومافيهو اي كركبة من طرفي وان كنت لاحقا سانق في الرابط ما بين سودانيز والواقع واسقاط عمودي لكلامك ده لما يدور في المنبر واها ما اقوليك مصر ولا تونس لاني عارف حجم الاستخدام والاثر بتاع الانترنت في مصر وتونس والاثر بتاعو في السودان والقطاع المتاثر بيهو... وان كان هذا القطاع الضئيل هو جزء من الصراع في ارض الواقع,, وساكون في انتظارك مع تحياتي لحتوت وصحبه
|
Post: #391
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 06:17 PM
Parent: #389
----------------------------------------------- هلا يا بيان ودائما الدقة في التوصيف مهمة جدا مفيدة للنقاش وانا علي الاطلاق لم اذكر بان (شوقي كوز) بل اتكلم في اطار دعمه للانقاذ الموثق اعلاه وهو امرا مكتوب بعضمة كيبورده يعني انا ما جايبو من تاليفي المسرحي عشان ازرع معلومة غير صحيحة عشان اغتاله بيها والداعمين للانقاذ مامن الضرورة ان يكونو (كيزان) فهم قطاع عريض من الناس العندهم مصلحة مهما كان شكلها في تاييد خطابها وسياستها وقد تكون مصلحة ايدلوجية او نفعية او اي حاجة تاني ...
Quote: فلا تدهش يوم تشاكل مع زول معارض يكتب ليك الكوز كيكي |
وارد يا بيان وانا قبل كده كتب لي بقال تحديدا (الامنجي) كيكي ولكن توصيف زي ده ما مفروض يهز قناعة الزول في الحاجات الهو بعتقد فيها وضروري تديهو درس عصري وتنجضو نجاض قبورة حتي يرعوي ويفهمك انت منطلق من ياتو حتة في حاجاتك...ولكن ده كلو ما بخليني اسقط ده كلو علي المعارضة بل بكون عارف ومتيقن بان هذا التصرف جاي من زول افقه في الصراع السياسي افق فقير ومتدني..
Quote: سلام يا البشرى واحد التجاني والله كرنرتو الرعديد دا لما حنني,, |
i like او كما يقول الناس في نواحي الفيس بووك
وتحياتي
|
Post: #392
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-18-2011, 07:32 PM
Parent: #391
لاحولاااا معقوله بس يعنى الزول ما ينشغل شوية يجى يلقى مداخلات بالكوم وانضمام لاعب خطير لملعب النقاش الاخ كمال عباس يعنى هسه انا اقرأ شنو والا شنو؟؟؟ مافى طريقة ملخص ينوبكم ثواب
|
Post: #393
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-18-2011, 07:38 PM
Parent: #392
Quote: لاحولاااا معقوله بس يعنى الزول ما ينشغل شوية يجى يلقى مداخلات بالكوم وانضمام لاعب خطير لملعب النقاش الاخ كمال عباس يعنى هسه انا اقرأ شنو والا شنو؟؟؟ مافى طريقة ملخص ينوبكم ثواب |
اوووه البيييير سهام ايوه القصة ورت واستقطبنا ابو كمال وقفلنا النقة في سودانيز وشايلين النقة دي وماشين بيها الواقع حيث الظلم ظلم قمع قمع حريات حريات وحيث الكيزان حاكمين الجميع بالبوت والنبوت حيث لا تقبل الامور القسمة علي اثنين... وماشين وما ناسين نعمل لنك ونربط ازمة الواقع بازمة سودانيز وتحياتي
|
Post: #394
Title: Re: شوقي سليمان تعال علمنا ماسمتك النضال....!!
Author: كمال عباس
Date: 03-19-2011, 00:00 AM
Parent: #393
. ... السايبر والواقع علاقة إتصال أم إنفصال وإنفصام ? الموقف من الديموقراطية والتنوع والتعدد وحرية التعبير والحريات العامة يجب أن يكون مبدئيا ومتسقا ومحكوم بمعيار واحد! فكيف أفهم موقف من يساند أو يؤيد نظام قمعي يصادر الحريات ويكمم الأفواه ويأتي في الاسافير ليحاضرنا عن الرأي والرأي الاخر وحق التعبير ويتباكي علي مصادرة رأئيه في منبر خاص ?? كيف نفهم هذا ? أهو إنفصام فكري أم تعدد معيار أم إنتهازية ? كيف تكون شموليا ومؤيدا للإستبداد- وهيمنة حزب واحد علي وسائل الاعلام القومية بل وعلي كل مفاصل الدولة ثم تأتي لتطالب هنا بما تؤيد مصادرته هناك ? هل المسكنة والظهور بمظهر الضحية والحمل الوديع المستهدف والمحروم من حقه في التعبير إسفيريا لايعدو أن يكون تقية وبيات شتوي وإنتهازية واعية تسعي للإحتكار هناك والاستئثار بحصة وغنيمة إسفيرية هنا ! ....... وفي الجانب الاخر من المعادلة ستجد كثيرا من كوادر المعارضة - بما فيهم صاحب المنبر -يقفون مع كفالة حق التعبير والرأي الاخر للكل إسفيريا! ......... من هنا يتضح عبثية وتعسف الفصل بين الواقع والإسفير علي مستوي الموقف من قضية الديموقراطية ! وتصبح المطالبة بموقف من قضايا المبدأ في الوطن مطلب ملح لأنها قضايا لاتحتمل الحياد والضبابية ! فمن يطالب بحقوق الكيزان التعبيرية بمنبر يملكه فرد مطالب من باب أولي بأن يناهض ويعارض من يصادر حقوق شعب في وطنه وأجهزة أعلامه القومية !ويتصدي لمن يقتل ويعذب ويشرد ويزيف إرادة الشعب ويهدر موارد البلاد !( ملحوظة:- أقول هذا سـجالاوتوضيحا للتناقض فأنا أقف مع حق التعبير مبدئيا بغض النظر عن مبدئية أو إنتهازية من يتمتع به ) ...... 00 الفرق بين سودانيز أون لاين والوطن:- نحن في سودانيز أون لاين ضيوف علي الموقع ولسنا أصحاب حق- فالموقع ملكية خاصة له لوائحه وإدارته وخطه الإعلامي - الذي يصيغه صاحبه ولانملك نحن التدخل فيه أما السودان فهو ملك لنا جميعا- موارده وإعلامه ومؤسساته ولنا فيه حقوق المواطنة وحق التمتع بالحريات وحق إنتخاب الحكومة وخلعها وحق التمتع بالديموقراطية ودولة القانون والمؤسسات ! وحق العيش بسلام في بلد يتمتع بسيادته الوطنية وترابه المستقل ! الخ
|
Post: #395
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-25-2011, 08:53 AM
Parent: #394
كيكي يا كابتن الكلام لسة فيه باقي و الكيبورد ليه رافع في تعليقات وفي البال الدعوات الأخيرة للتظاهر و مقارنة الحصل على الأرض فعلا و بين البورد الأوشكت الحكومة فيه على السقوط اتمنى تكون طلبت نقل البوست للربع القادم
|
Post: #396
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-25-2011, 09:43 AM
Parent: #395
Quote: اتمنى تكون طلبت نقل البوست للربع القادم |
وانا كمان
|
Post: #397
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-25-2011, 01:05 PM
Parent: #396
هلا يا كمال عباس وحبابك يا ود البشري ومرحب يا ابو صلعة... والبوست يمشي معانا الربع الجاي طوااالي لانو في شواويل بتاعة نقة كثيرة لم تفتح ولم تكتمل وبل ستتواصل مسيرته بتواصل حركة التغيير الحتمي في الارض السودانية ويرصدها اسفيرا وعلي ارض الواقع ووسيهتم في جزئيات منه بالتحولات في (الخطاب الاسفيري) والمواقف من المعركة الحقيقية في ارض ازمة السودان وحنرصد به تداعيات التغيير في (ميكانيزمه) هنا او هناك وحبابكم جميعا وحباب الحوار
|
Post: #398
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-25-2011, 04:31 PM
Parent: #397
سلام للجميع يا جماعة انا مع فكرة نقل البوست للربع الجاى عندى زحمة جد
لكن وفى هذه العجالة لايفوتنى ان انوة انو زنقة ودالصايم وقيضتو فى يد محمد المشرف فى بوست حايم قبل فترة عجبتنى شديد لمن قلت كاااااك
|
Post: #399
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-25-2011, 05:10 PM
Parent: #398
Quote: لكن وفى هذه العجالة لايفوتنى ان انوة انو زنقة ودالصايم وقيضتو فى يد محمد المشرف فى بوست حايم قبل فترة عجبتنى شديد لمن قلت كاااااك |
هلا يا بيير وحبابك شديد.. وياريت ياخي الربع الجاي تفضي لينا روحك وتجينا بجاي كاساسية لانو هنالك كثير ما يجب ان يقال في امر هذا البوست والقضايا التي اثارها..
-------------------- وقبضتك ود الصايم دي يطرشني انا والله وياريت تدفري لي لنك حتي نتكيف وننبسط واصلا طقطقة الرماديين دي بتعجبني بالحيل
|
Post: #400
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 03-25-2011, 06:52 PM
Parent: #399
يا كيكى مالك داير تشغلنا انا زاتى استغربت زرة الاخ الصايم دى فاتت عليك وانت متحكر فى نص البوست امجد فريد والكذب الصريح ( فريــة ) اعتقال مجدى عكاشــة
حقيقى مداخلة ودالصايم فى البوست ده استوقفتنى شديد وقلت انتى يا بت ود الصايم ده رمادى بالجد والاشنو؟؟؟ :) :) لانو لغاية يوم قريت مداخلتو دى ما وصلت حد تصنيف ليهو نهائى :)
Quote: هو الشيوعيين بدوكـ فرصة!! بعدين لو جيت تحسبا كـدا يا كيكي .. أمش شوف لينا بوستات الشهيد باللاي!!
!
Cc محمد حيدر المشرف! |
محمد المشرف كتب:
Quote: س لميت فيك يا ودالصايم .. كنت بفتش لى فى " رمادى " دوغرى وبيناتنا مساحه وعارف تفاصيل " رماديتو " لانو فى كتار " عاملين فوقها" رماديين " ساااكت أها الموضوع ده ممكن نناقشو بى كم مدخل ..
1- مدخل القضايا الجذريه والقضايا الاكثر تجذرا .. والمعيار هو التأثير على الحال الوطنى 2- مدخل تحديد المواقف تجاه السلطه الحاكمه .. وتجاه القضايا الاكثر تجذرا فى التراب الوطنى بتاعت المدخل الاول .. 3- المدخل الداخلى بتاع المنبر والتجاذبات والكواريك الحاصله وليس اخرها التصنيفات الملونه ..
يلا نمسك مثال واحد .. وليكن قتل الطلاب ..
وندخل بيهو من المدخل الاول ومن خلال المدخل التانى واخيرا عبر المدخل الاخير .. واحسب ليك مواقفك انت ودالصائم كما تصلنى من خلال زاوية شوف مشاهد..
من خلال المدخل الاول .. هناك سلطه فى السودان تمارس قتل الطلاب وقتلتهم والموضوع منتهى .. وانت تدين هذه المسأله .. وبالضروره تدين السلطه التى تتنزل عنها هذه الممارسات .. ولكن الموقف الجذرى هنا هو الموقف من نوعية النظم التى تجيز وتمارس قتل الطلاب .. وده بدخلنا فى المدخل التانى بصوره مباشره .. وبالتأكيد - عندى - انك تقف فى موقف رفض لمثل هذه النظم التى كمثال هنا تجيز قتل الطلاب داخل حرم جامعاتهم .. قتلت طارق وسليم والتايه ومحمد عبدالسلام و .. ولم يكن ذلك مصادفه .. فقد قتلت ناس زى وزيك فى المعتقلات .. منعم رحمه وعلى فضل و .. واعدمت ناس زى وزيك مجدى وجرجس من اجل حفنه من حفنه من اوراق البنكنوت الحلال .. واعدمت شهداء رمضان .. ضباط سودانيين قاموا بمحاولة انقلاب زى العملوها والفرق الوحيد انو الاعدموهم انقلبوا على نظام غير شرعى وهم انقلبوا على نظام شرعى .. اها بعد داك سرقو وافسدوا واغتنو وازدادوا سعة فى الاموال والزوجات والاملاك والشركات فى بلد فقير فى مقابل اطفال بموتو من عدم توافر اسس الرعايه الصحيه كمثال.. اها قامو بعد داك على اهلنا فى دارفور .. واتسببو فى اكبر مأساة انسانيه يعيشها العالم .. قتلوا او بالحد الادنى الممكن نتفق عليهو ساهمو ايجابيا وبصوره مباشره انهم يقتلوا الالاف من النفوس الزى وزيك .. قامو بعد داك قسمو بلدنا .. وبطريقه تحمل نذر الحرب وامكانيه حدوث مزيد من الانقسامات والحروب الداخليه ..
نجى للمدخل الاخير .. شيل محصلة ده كلو وادخل بيهو حوش بكرى .. واول ناس يصادفوك هم ناس كريهين جدا وكضابين .. وعاملين فيها بعارضو النظام السردنا تفاصيلو اعلاه .. وفى ناس محترمين الى حد ما بعارضو على خلفيه مؤسساتيه ضعيفه وما قايمه بادوارها .. ومسأله جايطه جوطه شديده .. وفى مناصرين للنظام السردنا احوالو دى كلها بى فوق .. شغالين قصاد الناس ديل
وفى نص الزحمه دى طلع خبر غير صحيح عن مقتل طالب اضافى..
اخترعوه .. تفتقت عبقرية احدهم عنه .. مدسوس عليهم .. ما علينا والمهم .. قول تفتقت عبقرية احدهم عنه ..
يلا وازن مواقفك تجاه هذا الحدث قصاد كل ما جرى ذكره واطلع بى محصله تحدد مواقفك من خلال هذا المنبر ازاء الوطن .. |
محمد الصايم رد:
Quote: والله يا د. حيدر كلامي لو ما وصلكـ بصورة غير مباشرة فبديكـ النجيضة: لو المعارضة ارتقت بنسبة 5 % إلى فكر د. محمد حيدر المشرف .. فأنا أولكم في الصفوف!! _ أرضية البوست غير صالحة للنقاش يا أخينا والله ردمت كلام كتير خلاس وغيّرت رأيي منو! عموما كلامكـ سليم تماما ومتفقين فيه شكلا ومضمونا الاختلاف يبدأ في المرحلة التالية .. وهي طريقة إزالة النظام! |
محمد المشرف كتب:
Quote: يا اخوانا فى حاجه مهمه جدا يجب توضيحها .. حديثى مع " ودالصايم " لانو عارف جدا مواقفو السليمه جدا وبتشبهو تماما كزول متسق اسفيريا على الاقل .. وجوده فى خانة الرماديه لاغراض النقاش وبيننا مساحه تسمح بذلك .. ولكن خلافى معه فى جزئيه مختلفه جدا .. وتنبع اساسا من نزاهته تجاه الاشياء .. وليس وحده .. حسب تقييمى (الغير ملزم لاى احد) ممكن اكتب معاهو وليد المبارك ..
اها الخلاف فى مسألة النزاهه المركزه فى مساحه صغيره جدا .. وتناسي مساحات شاسعه فيها الكثير من الالام والماسي الانسانيه والتى فيها يتجوهر معنى النزاهه والمثاليه ..
والاهم من كده .. يقينى التام من استغلال ناس بدر الدين اسحق ديل .. لنزاهة العديدين هنا .. وهو استغلال منظم جدا احسه يوميا عند تجولى فى المنبر ..
وكمثال وزى ما ذكرت فى اول مداخله .. بدر الدين اسحق او من ينوب عنه يقعد يرجى ليهو فرقه فى معلومه غلط ..( وهو الامر الذى لم يحدث هنا ) ولكن لنفترض جدلا انو معلومة اعتقال مجدى عكاشه كانت غير صحيحه .. دى حاجه بدرالدين اسحق برجاها على احر من الجمر .. خصوصا بعد اهتزاز مصداقيتو بعد الموضوع داك .. اها يجى يكتب بوست بعنوان ضخم أمجد فريد والكذب الصريح والجاى بفسر ليه اختار امجد فريد .. يلا نعد الفوائد التى سيجنيها والتى كانت بباله ..
- محاولة ترسيخ مفهوم " المعارضه الكضابه "" ومناتلين الاسفير " " والشيوعيين الفاكنها فى نفسهم " والاخيره حتضمن ليهو تواجد ناس شايلين بقج غبائنهم ضد الشيوعيين وبفتشوا فى خرم الابره .. ويمكن تحديدهم بالاسم ..عشان كده لو اختار الزول الصاح بالكضب المفرض يختارو .. الكوره ما بتجيب دخل كافى .. يقوم يختار امجد فريد .. لذلك ولمآرب نفسيه اخرى ..
- حدوث اشتباكات متوقعه بين فلان وفلان .. وتوقع نهج سودانيزاونلاين فى الخلاف ..
- ويقوموا الناس الممكن يركزوا نزاهتهم فى الحته الغلط او الجزئيه الفرعيه من الصوره الكامله للحدث يسقطوا افتراضاتهم الخاصه على المساحه الغلط او الصغيره دى وينسوا عشرات الالاف من الذين تم اعتقالهم فى العشرين سنه الفاتت .. ويبقى الموضوع هو انو مجدى عكاشه ما تم اعتقالو .. طيب ما اصلو مجدى عكاشه ما مفروض اصلا ومن الاساس وكمواطن سودانى يتمتع بكافة حقوق المواطنه القاعد ينتهكوها ناس بدرالدين اسحق .. ما مفروض اصلا انو يعتقل .. ينسو المعلومه دى ويقومو يخلصو الى النتائج بدرالدين اسحق العاوزه .. وكده يكسب سكوتهم .. وليس ذلك وفقط .. بدرالدين عاوز يكسب سكوتهم عن همهم الوطنى السياسي وكمان يهاجمو ليهو اعدائه .. والمفروض انو الاتنين يكونو اعدائه .. ويقعد يبرم فى دقنو ويفتل وهو يردد "الحمدلله الذى شغل اعدائي بانفسهم" .. او هكذا
والله صحى !! |
ود الصايم قال:
Quote: الأشياء الصغيرة القاعدين نركز عليها يا مشرّف هي أساسيات بناء الإنسان إذا لم ألتمس الصدق والاتساق في أي شخص فكيف أوليه على نفسي .. يبقى الأمر استبدال أحمد بسيد أحمد .. عارف الحكومة عملت وسوت وفعلت .. وبرضو شااايف إنو غيرهم ح يعلموا ويسووا ويفعلوا!!
إّذا أرادت المعارضة أن تكسب الشارع السوداني ـ ودي طبعا وجهة نظر شخصية ـ فعليها أن تكسب نفسها في الأول!! الشارع السوداني حاليا ما بعرف غير الأحزاب .. ودي بتمثل حاليا أساس المشكلة .. لأنها تبحث عن التغيير وفي رقبتا محتاجة تغيير!!! |
اها يا سيدى الامنتى ليك ود المشرف رد
Quote: اها يا ود الصائم ده التركيز الغلط ذاتو الانا قاصدو ..
يعنى ..
Quote: إّذا أرادت المعارضة أن تكسب الشارع السوداني ـ ودي طبعا وجهة نظر شخصية ـ فعليها أن تكسب نفسها في الأول!!
مقاربتك للمعارضه دى بتفترض مصلحة للمعارضه فى معارضتها الحاليه واحتمال حكمها للشعب السودانى لاحقا عند التغيير .. وهسع هى لازم تكسب الناس عشان يساعدوها تصل الحكم .. والكلام ده غير صحيح واطلاقا ..
العمل السياسي حق اصيل من حقوقك .. ولا يقوم به غيرك بالوكاله عنك عشان تفرض عليهو شروط حسن السير والسلوك ..
هسع لو المعارضه ما صلحت احوالها وواصلت العك البتسوى فيهو .. حتحرمها من دعمك وخلاص تقعد من غير معارضه !!.. وبهناك كمان حارم الحكومه من دعمك للعك البتسوى فيهو !!.. اها كده انت قاعد سااااى فى الحيز الوطنى .. لانك عاوز تدى توكيل للاخرين بممارسة حقوقك وتحقيق تطلعاتك .. والموضوع زى ما قلت ليك ما بالوكاله .. تمشى طوالى تمارس حقك فى المشاركه فى الانعتاق من الوضع المزري القاعده فيهو البلد .. تعارض معارضتك وتسعى لتكوين اشكال المعارضه التى تريد ..
مثلا فى المجال الذى نحن فيه .. حوش بكري قدمو نموذج معارضه احسن من نموذج المعارضه فى المنبر .. وانتو شباب ( فى مرحله متأخره جدا من الشباب ) تعد بمئات الالاف من الجماهير ابدعو اشكال معارضه اكبر .. وقدمو نموذج لمحمد ابراهيم نقد والصادق فى المعارضه وكيف تكون..
والبديل يكون انتو ..
فالمسأله اذن ليست فى غضبي من زنقتكم لينا فى موضوع الشهيد المفبرك من الحكومه او المعارضه لكن المسأله الاساسيه انكم اصلا ما مفروض تلعبو دور الحكم .. وتكرتونا لسوء السلوك الحكم الوحيد هو التأريخ .. يحاكمنا كلنا كمجموع ازاء الوطن يا تكونوا فريقكم طوالى .. ويا تطعمونا يا بعدين نطعمكم .. المهم تلعبو ..
اسمعنى عارفك بتضايق من الاحبار الاسفيريه المهرقه فى مذبح هذا البوست النموذج لانتهازية الضالين تسلم يا حبيب واخوك قرب يفقد سوايلو وعندنا لسع باقى مارس وابريل كلو .. الموسم يادوبو دور |
افتكر ما قصرت معاك يا كيكى عشان تعرف اللينك زاتو جيبو فن شوفت كيف النقاش الدور بين الاتنين ده كيف؟؟؟ عليه انا اطالب بإضافة محمد حيدر المشرف الى هذا الحوار
|
Post: #401
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-25-2011, 08:12 PM
Parent: #400
Quote: افتكر ما قصرت معاك يا كيكى عشان تعرف اللينك زاتو جيبو فن شوفت كيف النقاش الدور بين الاتنين ده كيف؟؟؟ عليه انا اطالب بإضافة محمد حيدر المشرف الى هذا الحوار |
شكرا يا سهام ياخي وكفيتي ووفيتي في جلب الحوار السمح ده ما بين ود الصايم ومحمد المشرف الذي سنقدم له الدعوي بصورة شخصية حتي يلتحق بالحوار في هذا البوست في الدورة الجاية ومحمد المشرف ذو عمق ومقدرات حوارية رهيبة ومهتم بصورة اساسية بفضح الخطاب الرمادي الواقف متحير من قضايا الشعب الاساسية...
وود الصايم زاااتو نمتني ان يعود الي هذا البوست وفورا ويواصل ما اقنطع من حوار..
|
Post: #402
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-25-2011, 10:51 PM
Parent: #401
أوووو حمودي اتطقطق على ما يبدو
يا بت المجمر و يا كابتن كدي دقيقة قبل ما نمشي لي قدام يا اخوانا اضبطوا لينا مصطلح رمادي و حددوا المقصد منه - دي مهمة شديد وفي مصلحة ياقي الحوار لقدام ثانيا زي ما اتفقنا على انه لا توجد معارضة موحدة ذات جسم و كيان وناطق رسمي و توجيهات وكل شخص يدعو نفسه معارض يتحمل مسؤولية حديثه ومواقفه فقط وغير معني بما يقوله المعار ضين الآخرين كذا الحال لدى الرماديين ليسوا تنظيما أو جماعة بل الرمادية في رأيي هي عنوان لإستقلال المواقف و بعيدة كل البعد عن ثقافة القطيع اثني طلبكم بدعوة دكتور المشرف للحوار سيشكل اضافة قوية و مفيدة بالتأكيد
لحينها لدي تعليق على الجزئية التي ذكرها لحموودي في مداخلته الأولى بعد ان عدد مساوئ النظام قال "تجي داخل لحوش بكري ..." نقيف هنا شوية الحقوق الانتهكت و الطلاب الاعتقلوا بل وقتلوا و اغتصبوا و النهب و الظلم و سائر مصائب الانقاذ هل جرت في هنا في حوش بكري؟ هنا الصراع مختلف عن ارض الواقع و تكافؤ الفرص و القدرات كذلك بين الجميع مؤيد للحكومة بل وضابط الامن الراسو عديل لا يمتاز على اي معارض/رمادي/نقادي/ساعي شهرة/ساعي بريد ... إلخ بأي ميزة أو امكانية
|
Post: #403
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-26-2011, 01:29 PM
Parent: #402
سلامى للجميع ونشكر ود البشرى لرفعه البوست بعد ان عمد صاحبنا ان يرمى به لمزبلة التاريخ وجرى كعادته ليتشعلق متلاقفا مواضيع اخرى ما انزل الله بها من سلطان ولكن هيهات لن ترتاح يا مساح
Quote: ومرحب يا ابو صلعة... |
شايفك بقيت اشارتك الرسمية لى , اوع تكون قايلها نبذة بس لو اى زول بيشيروا ليه بابرز حاجة عنده بتتعب والله
|
Post: #405
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-26-2011, 02:20 PM
Parent: #403
Quote: سلامى للجميع ونشكر ود البشرى لرفعه البوست بعد ان عمد صاحبنا ان يرمى به لمزبلة التاريخ وجرى كعادته ليتشعلق متلاقفا مواضيع اخرى ما انزل الله بها من سلطان ولكن هيهات لن ترتاح يا مساح
|
هلا يا صلعات... ومعليش ياخ صلعة دي امسحها لي في شلاليفي الغليظة دي وممكن نسحبها من الاسواق..او ممكن نحولها الي (صلعات) بس المهم انت تكون مبسوط وتكون (كووول) مشكلتك يا صلعة قاعد تقيس علي (الساكن) وما عندك انجليزي كثير مع (ميكانيزم النقاش) ودورة حياة الجدل..!! وكدي افرض جدلا باني اطقطقت في البوست ده كما تدعي انت بهتانا وتقييم (فطير).. ففي حاجة اسمها (تواصل قضايا) وفضاء مفتوح انا وانت والاخريين متواجدين بكثافة فيه واذونات المرور للكتابة متواجدة عندك مش ممكن تواصل حوارك الهنا ده في اي بوست تاني ولك ان تتخيل بانك المنتصر ولكن بالنقاش والجدل والمنطق وليس بحركات عيييييك وعااااك ..(وما ودا البوست الي الربع الجاي)... فارجوك ياااخ جود ادوات جدلك الاسفيري وما تعتمد علي ادوات فطير وتسطحية ------------------------- وبالمناسبة خليني اسرارك انت وود البشري واسرب ليكم ويكيلكس انا لمن قريت مداخلة ود البشري المنادية بتحويل البوست .. كان ردي هو الموافقة ولكن لمن شفت مداخلتك تناوشتني الافكار الخبيثة ان لا انقل هذا البوست الي الربع الجاي واقول ليكم خلااااص شطبنا والموضوع ده اتقفل والداير نقة اليمشي يفتح شوال بتاع نقاش (غادي غادي) لانك كنت جاي بطريقة (قون الشبارقة) زول ممنطق عشرة صفرة وعاوز يسمسر علي نقل( ميكانيكي لبوست )
افرض يااخ كيكي ده مشغول افرض يااخ كيكي ده عندو اولويات لبوستات ثانية افرض يااخ كيكي ده عاوز يناقش نفس المووضوع ولكن ببوست تاني افرض ياخ كيكي ده عاوز ينقل البوست ولكن في اخر يوم للارشفة افرض يااخ كيكي ده عندو مشاغل وماعاوز يكتب (تعريفة) بتاعة بوست في الدورة الجاية.. مخلي الفرضيات كلهاوغيرها ولافح كيبوردك وجاري متسمسر لي في (انقلو وما انقلو) او افرض كيكي ده منتظر الغايب الحاضر شوقي عشان يتفاهم معاه في مستقيل البوست.. (بالمناسبة شوووقي صحبي وووين ياااخ)...!!!
يا اخوي احنا جالسين القرفصاء هنا ده من اجل الحوار ومش قاعدين في حلبة صراع نوبة فعشان كده يا صلعات اشتغل معانا في صلب الحوار ياااخ وخليك ياااخي من حركات ناس (بلادي بلادي ) وعيييك عاااك دي..
|
Post: #404
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-26-2011, 01:50 PM
Parent: #402
Quote: هنا الصراع مختلف عن ارض الواقع و تكافؤ الفرص و القدرات كذلك بين الجميع
|
هلا ياعمك رمادي دي حتصبح مفردة مطاطة وغير مضبوطة لو خليناها فعلا سمبلة... ولكن من الضروري معرفة (الصراع) الفيهو العضو بكون رمادي او نقادي او شيوعي او كيزاني... ففي سودانيز مثلا في صراعات حول 1- الحريات 2- الثقافة 3- قضايا اجتماعية 4- قضايا مهتمة باسلوب الحوار والسلبيات الفيهو (من شتم ونبذ وشخصنةوكضب) 5- واهم من ده كلو الموقف والمسافة من الحكومة(فساد- ديمقراطية) وعيييك فعشان نعمل تعريف من للرمادي علينا ايجاد تعريف للمحيط والقضايا (ليس سودانيز بصورة فضفافة) لانو التعريف ده بالطريقة دي فيهو دخنة ونفاج لتمرير مواقف ( قدتكون مويدة) او متقاربة من بني كوز) ... فعشان نكون دقيقين هل الرمادي ده..في محيط الصراع السياسي الجاري في المنبر..؟؟ وهل الرمادي ده في روحو محايد من قضاياه الاساسية كمواطن...؟؟ولا في ياتو محيط بالضبط والربط دي اسئلة للانطلاق ومن ثم محاولة ايجاد تعريف دقيق للرمادي حتي لا يصبح جلابية عامر ...!!!
|
Post: #406
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-26-2011, 07:01 PM
Parent: #404
Quote: افرض يااخ كيكي ده مشغول افرض يااخ كيكي ده عندو اولويات لبوستات ثانية |
مافيش فيدة , وغطينى يا صفية اطرشنا والله ما سمعنا المرحوم الخاتم عدلان اداك الخلافة وراه
* استيف دة منو الشبكتنى معاه بهناك بتستعين ضدى بالعصابات يازول ولا شنو
|
Post: #407
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-26-2011, 07:12 PM
Parent: #406
Quote: استيف دة منو الشبكتنى معاه بهناك بتستعين ضدى بالعصابات يازول ولا شنو |
ايووه بعد ده المساككة زنقة زنقة واتوقع كل مرة يطلع ليك (شبح) من الكراكير الاسفيرية دي...
Quote: مافيش فيدة , وغطينى يا صفية اطرشنا والله ما سمعنا المرحوم الخاتم عدلان اداك الخلافة وراه
|
انت يا صلعة قايل المقطوعيات والبوستات (الفالكم) بيها هنا دي جاية كيييييييري سااااكت كده القصة فيها (خارطة طريق لدورة اسفيرية) واولويات مناقشة وقضايا لوووووول(صاح انا بتفق معاك باني كيسي فاضي وماعندي حاجة) لكن كمان يااخ بالبسيط القاعد ده لازم يتنظم وكل شي يكون في محلو... وانا بنصحك انو تعمل كده برضو ما تشوووت اسفيرك ده (عيييك عااااك) وتكوجنو زيادة علي الكوجين الفيهو ده
|
Post: #408
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-26-2011, 10:27 PM
Parent: #407
Quote: يا اخوانا اضبطوا لينا مصطلح رمادي و حددوا المقصد منه - دي مهمة شديد وفي مصلحة ياقي الحوار لقدام |
I am afraid it's too late for that غايتو يا ود البشرى كيكى دة لو جاء الجيش ما ح يتنازل عن المعنى القاصده عن الرمادى والرمادية عموما لانه الزول دة بنى من خلال التعريف دة فرضيات ونقة كتيرة وما ح تكون جميلة فى حقه كمعلم اسفيرى كبير يتخلى عنها وح يقول ليك "بعد ما لبنت اديها الطير"
|
Post: #409
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-27-2011, 06:39 PM
Parent: #408
Quote: غايتو يا ود البشرى كيكى دة لو جاء الجيش ما ح يتنازل عن المعنى القاصده عن الرمادى والرمادية عموما لانه الزول دة بنى من خلال التعريف دة فرضيات ونقة كتيرة وما ح تكون جميلة فى حقه كمعلم اسفيرى كبير يتخلى عنها وح يقول ليك "بعد ما لبنت اديها الطير" |
هلا يا احمد سادومبا.. ود البشري شقة الخلاف بيننا في هذا الامر ليست بواسعة شديدة وشوية اختلافات في التوصيف وتفاهمات في المحيط البشتغل فيهو الرمادي وممكن نتفق بسهولة... وانت بس اطلع منها وما تلفح طارك (البندقي البحري ) ده وتدق لينا اسفين في نيفاشا (الرمادي) -------------- وبالمناسبة باذن الله وشيخي شكر الله سيحلو الحوار في هذه المساحة فالقادم دائما احلي بسص انكربو يا ميكانيكية لوووول
|
Post: #410
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-27-2011, 11:12 PM
Parent: #409
Quote: تحياتي يا كيمو والحرية تماما لحسن الترابي ولكل مواطن سوادني وفليكن الهدف واحد هو اسقاط هذا النظام وبعدها فليفرنقع الجميع الي معاركه وصراعاته السياسية والفكرية..
|
I really cant believe you wrote that
|
Post: #411
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-28-2011, 07:14 AM
Parent: #410
Quote: I really cant believe you wrote that |
هلا يا خواجة.. والدهشة في شنو..؟؟ الحرية يا احمد حق وقيمة عالية لا تمنح ولا يحق لاي شخص ان يسلبها عن الاخر.. واذا ادخلناها في طاحونة المزايدات فانها ستضيع وتصبح رهن للاهواء والخلافات والحشاش بملي شبكتو في قمع حرية الاخريين... حسن الترابي نعم (خرمج) وجاط اشياء عديدة وهو من اتي بالانقاذ... ولكن كل هذه الاشياء لا تعطينا الحق في ان نويد وندعم (اعتقال حرياته) او حريات اعوانه في موتمر الشعبي ... وعشان كده فلتكن الحرية لحسن الترابي ويجب محاكمته سياسيا او جنائيا ولكن بادوات ديمقراطية ولكن ليس عبر الة القمع الانقاذية...
|
Post: #412
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-28-2011, 11:04 PM
Parent: #411
Quote: وعشان كده فلتكن الحرية لحسن الترابي ويجب محاكمته سياسيا او جنائيا ولكن بادوات ديمقراطية ولكن ليس عبر الة القمع الانقاذية... |
اذا فلترفع شعار وجوب المحاكمة العاجلة لحسن الترابى بدلا من ان تطلب له الحرية هو واعضاء المؤتمر الشعبى , هو وزمرته تآمروا على هذا الوطن وما زالوا يتآمرون ولنفرض مثلا كان الوضع مختلفا , بمعنى انه كانت هناك سلطة اخرى غير المؤتمر الوطنى قامت باعتقال الشيخ بسبب ضلوعه فى انقلاب الجبهة .. هل كنت ستنادى له بالحرية ؟
|
Post: #413
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-28-2011, 11:29 PM
Parent: #412
Quote: اذا فلترفع شعار وجوب المحاكمة العاجلة لحسن الترابى بدلا من ان تطلب له الحرية هو واعضاء المؤتمر الشعبى , هو وزمرته تآمروا على هذا الوطن وما زالوا يتآمرون ولنفرض مثلا كان الوضع مختلفا , بمعنى انه كانت هناك سلطة اخرى غير المؤتمر الوطنى قامت باعتقال الشيخ بسبب ضلوعه فى انقلاب الجبهة .. هل كنت ستنادى له بالحرية ؟ |
هلا وغلا.. لن اطالب يا احمد بمحاكمة للترابي او لاي سياسي اخر في ظل هذه الحكومة كونها ستكون محاكمة غير عادلة وجائرة في ظل قضاء متهتك وغير عادل وقوانين مقطوعة من راس الموتمر الوطني.. ولكن في ظل حكومة منتخبة واتت بصورة ديمقراطية وفي ظل قضاء مستقل فساعتها محاكمة كل من اجرم في حق هذا الشعب هي محاكمة واجبة وفلتشمل حسن الترابي او غيره... واذا سرنا في (سكة) تصفية الخلافات السياسية واستايل الانقاذ بتاع القطع الناشف ده. فبكرة ممكن نلقي الصادق المهدي في السجن...واعدائه السياسيين لا يطالبون بالحرية له وممكن نلقي نقد او اي مواطن اخر في داخل سجون الانقاذ لمجرد انه اختلف معهم..وموسف ان نجد من يؤيد هذا ويصفق له.. فعشان كده فلتكن الحرية مطلب يشمل الجميع...ولايحق للانقاذ ان تقمع حريات الاخريين من مختلف الوان الطيف السياسي..
|
Post: #414
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-29-2011, 02:05 PM
Parent: #413
Quote: واعدائه السياسيين لا يطالبون بالحرية له |
القصة ليست مجاملة او اداء واجب , القوانين والقضاء فقط من يقرر فى ذلك يجب ان ننظر لامر الترابى من زاوية مقدار الخراب الذى حدث بسبب تامره على الوطن والذى يجب محاسبته عليه ووضع الضوابط اللازمة التى تحد من قدرته على فعل ذلك الخراب مرة اخرى , وليس من زاوية من الذى سيوقع عليه هذا الحساب , دة منطق لا يمكن اعتماد استمراريته ولو قلت لى ح نستخدمه بس فى عهد الانقاذ ولما تغور يلغى تكون بالغت برضو ما جاوبت على السؤال
|
Post: #415
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-29-2011, 02:33 PM
Parent: #414
Quote: ولنفرض مثلا كان الوضع مختلفا , بمعنى انه كانت هناك سلطة اخرى غير المؤتمر الوطنى قامت باعتقال الشيخ بسبب ضلوعه فى انقلاب الجبهة .. هل كنت ستنادى له بالحرية ؟ |
هلا يا صلعة الفووق ده هو سؤالك الاساسي.. وطيب مافي مانع خليني اعيد اجابتي بصورة اوضح.. ----- قلت ان كانت هنالك سلطة اخري قبضت علي الترابي...؟؟ اقول اي (سلطة) اخري غير ديمقراطية وبها قضاء مستقل وقوانين عادلة ودستورية وغير مربوطة بالمظلة السياسية ليس لها (الاهلية) في محاكمة الترابي او محاكمة اي سياسي اخر..!! ----------------------------------------
Quote: القصة ليست مجاملة او اداء واجب , القوانين والقضاء فقط من يقرر فى ذلك يجب ان ننظر لامر الترابى من زاوية مقدار الخراب الذى حدث بسبب تامره على الوطن والذى يجب محاسبته عليه ووضع الضوابط اللازمة التى تحد من قدرته على فعل ذلك الخراب مرة اخرى , وليس من زاوية من الذى سيوقع عليه هذا الحساب , دة منطق لا يمكن اعتماد استمراريته ولو قلت لى ح نستخدمه بس فى عهد الانقاذ ولما تغور يلغى تكون بالغت
|
هلا يا احمد الانقاذ ليس ذات (اهلية) لمحاكمة اي زول بدعوي الخراب... فهي اكبر محدث للخراب في العالم والحق ده لو اديتو ليها فبكرة ممكن يتم الحكم علي الشيوعي بدواعي انه خرب الدين...وعلي الاتحادي بدعوي انهم طائفية ومثلهم حزب امة وعلي حزب عادل عبد العاطي بدعوي انه (يريد ان يخرب الدين)... وهكذا تصبح القصة مفتوحة لاهواء الانقاذ وتتم مثل هذه المحاكمات لتصفية الامر مع خصومها السياسين وليس الامر عدالة ... وياها زاااتها حكاية (الانقاذ عريانة من وووين كده ودايرة ليها سديري) بتاع محاكمات احادية اقصائية ,, -----
|
Post: #416
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 03-29-2011, 09:30 PM
Parent: #415
Quote: هلا يا احمد الانقاذ ليس ذات (اهلية) لمحاكمة اي زول بدعوي الخراب... فهي اكبر محدث للخراب في العالم والحق ده لو اديتو ليها فبكرة ممكن يتم الحكم علي الشيوعي بدواعي انه خرب الدين...وعلي الاتحادي بدعوي انهم طائفية ومثلهم حزب امة وعلي حزب عادل عبد العاطي بدعوي انه (يريد ان يخرب الدين)... وهكذا تصبح القصة مفتوحة لاهواء الانقاذ وتتم مثل هذه المحاكمات لتصفية الامر مع خصومها السياسين وليس الامر عدالة ... وياها زاااتها حكاية (الانقاذ عريانة من وووين كده ودايرة ليها سديري) بتاع محاكمات احادية اقصائية ,, |
مبالغة لكن عكلتك يا اخى انسى الانقاذ شوية وخلينا فى الترابى وجاوب يلا 1- 2- . . 10-
|
Post: #417
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-29-2011, 09:45 PM
Parent: #416
Quote: مبالغة لكن عكلتك يا اخى انسى الانقاذ شوية وخلينا فى الترابى وجاوب يلا 1- 2- . . 10- |
هلا يا عكلتة.. وياخي سؤالك بتاع الحرية للترابي واديناك فيهو الراي ولكن سؤالك التاني بتاع الترابي وينوووووووو...؟؟ انت يا زول عاوز تاكلني (حنك) ولاشنو
|
Post: #418
Title: Re: شوقي سليمان تعال علمنا ماسمتك النضال....!!
Author: aydaroos
Date: 03-30-2011, 08:09 AM
Parent: #417
بس أشواق ليكم سهام المجمر ، أحمد التجاني ، كيكي ، خليل و يا ود البشري ،الغربي اصلو ما كانت حدودنا تلقانا في كافتيريا إقتصاد و في علوم واداب و قانون والمجمع الطبي وشمبات وكمان في تربية
|
Post: #419
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-30-2011, 11:24 AM
Parent: #418
هلا ياعمدة ونشتاقك وتشتاقك الدوحة الاتبنت طابقين,,, خليتنا فيها واتحكرت في السودان... وتركتنا نمارس وجع المنافي
وتحياتي
|
Post: #420
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 03-30-2011, 03:22 PM
Parent: #419
هلا يا عيدروس والشوق بالأكتر إلاّ الكفيل بالينا بل - أو كما قال د.أمين
كيكي يا كابتن Quote: فعشان نكون دقيقين هل الرمادي ده..في محيط الصراع السياسي الجاري في المنبر..؟؟ وهل الرمادي ده في روحو محايد من قضاياه الاساسية كمواطن...؟؟ولا في ياتو محيط بالضبط والربط دي اسئلة للانطلاق ومن ثم محاولة ايجاد تعريف دقيق للرمادي حتي لا يصبح جلابية عامر ...!!! |
اجاوب عن نفسي فقط - فمن أهم صفات الرمادي كما أراها لا يعمم ولا يتحدث عن آخرين و استقلاليته كاملة الدسم كما جنّو وجن زول يتكلم عنه
نرجع لقولة رمادي جات من وين أولا وردت في بوست لدكتورة سناء تمنت فيه سماع رأي مجموعة من الزملاء في حوادث الإغتصاب و التحرش التي قام بها الأمن ضد معتقلات شاركن في مظاهرة تلتين يناير وحسب ما فهمت بوست سناء انها شايفة الشباب ديل مارسوا نقد عنيف على اكاذيب اقطاب المعارضة في البورد وهم غير مصنفين كيزان عندها لذلك توقعت منهم نفس عنف النقد ضد الحكومة خصوصا مع الأحداث المستفزة (صححيني يا دكتورة لو فهمتك غلط) المهم يا معلم ورد وصف رمادي في معرض الحديث عن المواقف تجاه قضايا حدثت في البورد - تاني بالله خت لي خط تحت حدثت في البورد بالتالي يا عمك انا فهمي للمصطلح ان من لم يقف مع المعارضة في البورد وليس بكوزا أيضا فهو رمادي وعشان كدا السؤال عن الموقف من قضايا الوطن والانسانية اسمح لي ما في محلو كلامي كان ولا زال عن ما يحدث في البورد و اللي هو قطعا يختلف عن الواقع على الأرض تماما
زي ما قلت قبل كدة ما هو الداعي للكذب أو زيادة كيل بعير موية لأي قصة أو حادثة , ما الضرر من روايتها كما وقعت هل سيضير الكذب على الحكومة الحكومة ممكن تقول لي دا موضوع صغير وما بستاهل الناس تقيف عليه قصاد حكومة جبارة ترتكب الفظائع ولا تتورع عن انتهاك المحرمات و الإنسانية أوكي معاك لو الكلام دا حاصل هناك في ابوجنزير حيث ترتكب الحكومة فظائعها لكن هنا !! حيث لا سلاح أو رصاص سوى ازرار كيبورد اونقرات ماوس وفرصة توفرهما لدى اصغر معارض و نافع هيم سيلف - لو كان له عضوية هنا - واحدة
هذا عني وانا احب قولة رمادي حسب فهمي لها الباقين بطريقتهم
|
Post: #421
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 03-30-2011, 07:05 PM
Parent: #420
Quote: نرجع لقولة رمادي جات من وين أولا
|
هلا يا عمك.. 1-وخلينا فعلا نبداء صاح ونرجع لمفردة (رمادي) ونحاول نربطها في ركزتها الاساسية.. اللون الرمادي وهو اللون (المحايد) الشهير ومزيج ما بين الابيض والاسود وحكايتو واقفة في النص تماما ما بين الابيض والاسود وتتموج درجات الرمادية حسب نسبة الخلطة (ابيض واسود)... لذا قيل للرمادي اللون لون الحياد او اللون الماسك العصاية اللونية من النص ما بين الابيض والاسود..... علي هذه الجلكسة تم اسقاط هذه الخاصية المحايدة علي المواقف الغير مفروزة او اقفة في النص من قضية من القضايا ويقال في امرها مواقف رمادية... 2-Quote: بالتالي يا عمك انا فهمي للمصطلح ان من لم يقف مع المعارضة في البورد وليس بكوزا أيضا فهو رمادي |
وهنا يا عمك هي الجزئية الثانية والمهمة والما وقف مع المعارضة في شنو...؟؟ هل في القضايا المربوطة بالصراع مع الحكومة ولا في القضايا بتاعة كذب المعارضة..؟؟ لانو لو ما وقف مع المعارضة في الصراع مع الحكومة(في القضايا الاساسية) هنا ما بكون محايد او رمادي بل بكون انسان ما واقف (قضاياه الاساسية) وفوووق كان في نقة عن (اضلاع مثلث القضايا الاساسية) 1-حكومة 2-مواطن 3- معارضة.. والمعارضة والمواطن في تقاطع بينهما كبير وحيز مشترك وهو حيز القضايا الاساسية --------------------- حكاية الكذب المعارضاتي بنلقي معارضين يقيفو ضدو وحكاية الكذب بتاع الكيزان ممكن تلقي زول مويد للحكومة ويقيف ضدو في بعض الاحيان ويبقي عشان نطلع (الرمادي) بفهمك من الكورجة دي اقترح انو نسميه (الحقاني) وده الزول الما بريد الخمج لو جاء من المعارضة او من الحكومة..
ولكن الرمادي بفهمها (المحايد) حكاية نلقي ليها مدخل في الصراع ما بين الحكومة والمعارضة والمواطن صعبة ياعمك وبتكون مكوجنة شديد
|
Post: #422
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-01-2011, 02:11 PM
Parent: #421
حاضرين وجاهزين للنقاش والمفاكرة مع الحلوين
|
Post: #423
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 04-01-2011, 02:13 PM
Parent: #422
تمام با عمك ما قصرت باقي الجمعة دي في مشاوير وبتاع لكن بكرة السبت كلو قاعد ليك بنجضك نجاض هههههههههههه
|
Post: #424
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-01-2011, 02:20 PM
Parent: #423
Quote: تمام با عمك ما قصرت باقي الجمعة دي في مشاوير وبتاع لكن بكرة السبت كلو قاعد ليك بنجضك نجاض هههههههههههه |
لوووول ياعمك وفي انتظارك اذن غدا السبت ولكن علي وعد ان تجيني بجاااي توووش طوالي ما تعمل للاسفرة دريبات وتمشي تهابش جاي وبجاي وتاني نفتش فيك بفكي ما نلم فيك.. البوست ده ياعمك عليكم الله ادوهو اهتمامكم شوية لانو عاوزين نمخمخ فيهو شوية في حاجات اعتقد بانها (مهمة) وايجابية وخلونا شوية ببعد من مهرجانات العيييك وعااااك المالية الاسفرة اليومين دي والبؤر السلبية وسنكون في انتظارك وانتظار نجاض قبورة واخرييين...!!
ووين صديقنا الشهير بابو صلعة ...؟؟
|
Post: #425
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 04-02-2011, 07:35 AM
Parent: #424
الشباب و امهم داقين جرس شديد يا كيكي وعايزين يجازفوا السبت كمان , لكن خليني ارمي بياض على السريع كدا لغاية ما ربك يهوّن
قولة "حقّاني" دي مسؤولية كبيرة وامانة اشفقن السماوات و الارض و الجبال عن حملها ودايرة ملائكة راسهم عديل يا معلم اعفيني منها خليني في رمادي حسب فهمي ليها لنتفق اولا على ان هناك قضايا الفطرة السليمة تفرض فيها موقف واضح لا يقبل الرمادية - بمفهومها العام - ولا يجب المزايدة بها على مواقف الآخرين حقوق الانسان وكرامته سيادة القانون على الجميع حق الحياة الكريمة ومساواتنا كبشر وغيرها ما ممكن تسألني وتطالبني براي فيها من الاساس ليه تفترض مخالفتي لفطرتي الانسانية واخذي لموقف مغاير للموقف الطبيعي وليه تفترض - وكلامي ليس عنك انت تحديدا يا كيكي - ان الحق يبدأ و ينتهي عندك ولا يمر إلاّ بنعل ابو خاش الإنقاذ كدي خلينا من الرمادي يا كيكي نجيكم انتو البيض ديل باعتبار ان السود هم الكيزان وموالي الحكومة انتم اصحاب المواقف البيضاء على ماذا استندتم في هذا التصنيف , اجاوب ليك انا برفض الظلم و الطغيان وسائر الافعال الذميمة مش كدا ولكن ترون كاصحاب مواقف بيضاء يحق لكم تحديد ما وما لا يمكن التجاوز عنه و يجوز لكم ضم من تشاؤون لزمرة البيض و سواهم للسود و الرمادية انت يا كيكي هنا تصادر حقي في الرؤية و التقييم الذي يفترض انك اخذت اجازتك كأبيض في سبيل الدفاع عنه لأكون معك يجب علي عدم الوقوف في ما تراها امورا صغيرة وهامشية كالكذب على الحكومة مثلا طالما الحكومة تقتل و تسحل و تفعل السبعة وذمتها اختلافي و اتفاقي معك في النقطة اعلاه يستند اساسا على مفهومي و تعريفي للأمور الصغيرة و الكبيرة لو كان الحديث على ارض الواقع ولقيتني بغالط في احد النازحين من دارفور مثلا احرقت قريته و قتل اهله عن عدد القتلى مثلا ايوة دي انصرافية وتعامي عن الجريمة الحقيقية ومسك في الحتة النية لو في مظاهرة حقيقة على ارض الواقع و الناس بتواجه في قوات البوليس برصاصها وبمبانها و جبروتها قام واحد شتم وقال (افعل لأم عمر البشير و اترك ليها) لو لقيتني مسكته من يدو وانا شايف البوليس بجلد فيه و بطاردو وممكن يضربوا بالرصاص واقول ليه عيب عليك ام عمر البشير عملت ليك شنو ايوة تعال قول لي رمادي وبتاع
لكن هنا يا كيكي في اسافير الله المطلوقة و واااسعة دي - عذرا لتكرار النقطة دي لكن لأنها مفصلية - المبرر شنو للكذب و الشتيمة هل سيتغير النظام هنا عشان ولو على مضض نقبل قصة الغاية تبرر الوسيلة هل تمارس الحكومة سحلها هنا ؟ هل لها جبروت؟ هل لها اي ميزة تستدعي الناس تتجاوز عن بعض هنات و اكاذيب المعارضة لمواجهة مصائب الحكومة؟ بالله عليك يا كيكي ماذا استفادت الحركة الوطنية في مسيرتها الاسفيرية من موضوع حريات وسعاد عبدالله ماذا اضافت قصة شهيد تلتين يناير الذي اكد بدر الدين انو دفعة ولدو لاعمال النضال صورة بيت احد رجال الاعمال الجابها هباني على انها لنافع مثلا
يا كيكي ملخص حديثي طالما الصراع في الاسافير فليستمر بادوات الاسافير المتكافأة
ونقطة اخرى اتفقنا عليها ابتداءا المعارضة في البورد ليست كيانا موحدا وقفتي ضد كذبة فلان او علان هي ضد فلان او علان بالاسم فقط فلا ارى داعي ليعتبر موقفا ضد المعارضة كمبدأ - هل اختزلت المعارضة في فلان وعلان الكذابين؟!! المؤسف يا كيكي ان الإجابة نعم صرتم للاسف تتعاملون بعقلية القبيلة و الجماعة يعني فلان ولأنو معارض ممكن يدخل في خلاف شخصي - لاحظ شخصي - وليس حول قضايا عامة مع من تصنفونه كوز او رمادي المهم ليس معارضا وتلقى الناس وقفت مع هذا لأنه أخد - الوايت كارد- وعارض وعارض ولا يزال يعارض حتى كتب عند الناس معارضا وتغاضت عن كذبه و فجوره في الخلاف بل وحتى عنصريته !! طبعا حديثي فيه بعض التعميم فللدقة اقول إلاّ من رحم ربي ممن يرون أن الحق أحق أن يتبع
احمد التجاني انا نفسي انقطع تعال امسك المايك المسّاح الليلة إلاّ يقول ما داير
|
Post: #426
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 09:57 AM
Parent: #425
قولة "حقّاني" دي مسؤولية كبيرة وامانة اشفقن السماوات و الارض و الجبال عن حملها ودايرة ملائكة راسهم عديل يا معلم اعفيني منها خليني في رمادي حسب فهمي ليها هلا ياعمك وكل سبت والاولاد انشاء الله عاملين ليك سافوتة وكركبة عشان ما تجي ترشنا (روية رمادية) تقيلة زي الفووق دي وتكسح كما يكسح بشاشا لوووووووول 1- وياعمك عشان نصل اولا لارضية مشتركة من الضروري يكون عندنا فهم مشترك للرمادي دي (ياها الرمادية المعروفة ديك) ولا مصطلح جديد عاوزين ننجرو مع بعض لانو القصة دي مهمة (ونخلي القصة محددة التوصيف زيها وزي المتر والفولت والامبير وهييك شغاليت) وبعدها القصة ممكن يحصل فيها تفاهمات... وعشان كده تعال معي الي فهم مشترك (ما فهمي انا ولا فهمك انت) بل فهم استاندر ممكن يقنع اي زول..وممكن زاااتو نخلي رمادي (ونخليها تولي) وننجر اسم جديد... لانو حكاية رمادي من الصراعات دي انا شخشيا عاملة لي تشويش ومنخوليا في الدماغ بتاعي المصطلحي.. 2-ياعم علاقة الاسفير بالواقع والواقع بالاسفير برضها جزئية ضروري ننضم فيها.. لانو الزول البجي الاسفير ده بجي ومعاه ايمانو بالقضايا في ارض الواقع ومن دقن الواقع يفترض ان يتم فتل الحوار في القضايا علي ارض الاسافير وان تكون قوانين الصراع في الاسفير بعيدة ومعزولة عن ارض الواقع دي بتعمل انفصامية وممكن تلقي كوز مثلا ينبذ الكيزان ومعارض يمجد في عمر البشير(وبذا يكون الاسفير واقع حالم وعالم غير معبر عن الواقع) ودي طبعا جدلية فيها نقة علي مستوي الاسفير السوداني وان كانت بعض الدول وحتي في محيطنا الاقليمي ده حسمت الجدلية وصار الاسفير جزء حقيقي من الواقع لدرجة تاثيره علي مستقبل البلد السياسي (ولعل تقلص الاستخدام السوداني لهذا النت له اثرا في هذه المعضلة)... 3- ياعمك قلت زول من دارفور حرقو بيتو ممكن ينبذ في الواقع وماعندك معاه مشكلة...طيب ياخي الاسفير السوداني ده ما ملان بمظاليم الانقاذ من خريجي بيوت الاشباح والواحد فيهم دقو دق العيش... زي ده لو جيت لقيتو بنبذ وحاولت تضبط خطابه بدون ما تقدم ليهو حلول او يشوف منك ادانة للفعل الاساسي ممكن يتشبك ليك في رقبتك دي ويحلك الحلا بيلو..؟؟ 4- في اسفير الله اكبر ده هنالك يا عمك عدة محيطات للصراع(سياسي-ثقافي- اجتماعي وغيره) والمعارضة يفترض ان تتقاطع (الرمادي)بفهمك... وساعتها ما بكون في جووطة شديدة وما بكون في اختناق طالما انت وهم واقفين في خندق واااحد وكل واحد منكم له ادواته ...ولكن المشكلة تلقي الرمادي في الصراع السياسي مع الكيزان وبدعم في خطهم الاسفيري بوعي او بدون وعي ومعلن كل المعارضين الاخريين كاعداء واهداف اسفيرية كل ما لقي وااحد منهم ناشووووا وزرقن علي الوسيعة...!!! حتي ولو كان بدون كذب اوبالتكذيب والاستخفاف.. ولسسع بجيك ياعمك عشان الم الكورة دي كلها بصورة اوسع -------------
وشايفك بتنادي في ابو صلعة وبالمناسبة امس مساهر مع ود المشرف فقد وعد الرجل بالحضور فحقو تمسكو الخشب...ويا ريت ود الصايم برضو يمسك الخشب لانو الرشاش الاسفيري الاعظم جاااي والليلة وووب عليكم لووووووووول
وسنتابع
|
Post: #427
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-02-2011, 10:16 AM
Parent: #425
سلامات للجميع والله وما طالبنى حليفة البوست ده داخل لى فى دقنوسى عديل كده وشايفة مبادرتكم لضبط مصطلح رمادى جات جابتنا فى التراك الصاح ويا احمد ياخ دى خطوط سير المفاكرات تمشى يمين وشمال وتديها خلف لكن برضو سايقه قدام
داير اشارك فى النقاش بتاع الضبط ده لكن كيسى فاااااضى :) فى اللحظه دى مليانه كمية من الاسى والاحباط والغضب ما عادى حقد كده لازم تشاركونى فيهو
عندى شغل فيهو لفه فى 5 الولايات الاسبوع الفات كنت فى الجزيرة شفت البقر بياكل فى الكوش (جمع كوشه) يعنى دى ما شفناها الا فى غنم العاصمة لكن الجزيرة ارض الزرع و الضرع يطرشنا ويعمينا
|
Post: #428
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 10:43 AM
Parent: #427
عندى شغل فيهو لفه فى 5 الولايات الاسبوع الفات كنت فى الجزيرة شفت البقر بياكل فى الكوش (جمع كوشه) يعنى دى ما شفناها الا فى غنم العاصمة لكن الجزيرة ارض الزرع و الضرع يطرشنا ويعمينا هلا يا بيييييييير وانا اقول البيير ده مشي وين اتاريك في نواحي الجزيرة ارض المحنة.. ودي خبرية محزنة ومحزنة جدا يا سهام كون بقر الجزيرة اصبح ياكل من (الكوووش) وياربي الناس ديل موديين البلد وووين الناس في الكراكير وقاع المدن المشرد ياكلو من الكوش الغنم في الخرطوم تاكل من الكوووش بقر الجزيرة الليلة كمان اتجهو فورا صوب الكوووش عدمو البلد الفقراء والغنم والبقر والكوش ايضا
---
|
Post: #429
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-02-2011, 10:51 AM
Parent: #425
Quote: احمد التجاني انا نفسي انقطع تعال امسك المايك المسّاح الليلة إلاّ يقول ما داير |
ود البشرى يا هندسة , المساح بيكون ندم على نقلة البوست وفيت وكفيت زى ما بقولو مافى حاجة تتقال زيادة الا يا اخوى نصيحة , تانى ما تفك للمساح مداخلات دسمة زى دى ح يمارس فيها سياسة المراقات , بيمسك ليك فى نقطة واحدة يولد منها كم صفحة ويجلى نقاط اساسية مهمة فلذلك امشى معاه نقطة نقطة يحكى عن ود المتوكل , زميلنا فى الكلية انهم مشيوا مجموعة من لاعبين الهلال لصاحبهم فى الثورة عازمهم غداء والعصرية اصروا عليهم فى الحلة يلعبوا معاهم تقسيمة بينهم واولاد الحلة , ود المتوكل قال جاته كورة سمحة ولقاها فرصة يستعرض فيها وعمل فيها باكوورد سينما , الا انه وقع على ظهره , المهم اتلموا فيه الناس , سليمة يا زول ان شاء الله , قام اتنفض من الغبار وقام مسكه الرشيد المهدية على جنب كدة , قال ليه يا محمد تانى ما تلعب باكوورد فى الثورة , هسة عمرك شفتنى انا باعمل كدة !!! فيا ود البشرى باكووردات زى دى ما تلعبها فى بوستات كيكى ياخ
|
Post: #430
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 11:06 AM
Parent: #429
فيا ود البشرى باكووردات زى دى ما تلعبها فى بوستات كيكى ياخ
اي لاييك والله --------------------------
والنقة في محورين يا تجو 1- تعريف الرمادي 2- المحيط والمدار الذي تشتغل فيهو مكنة (الرمادي) في حالة تعريفه
وارمي عصاك يا ابي صلعة وورينا سحرك وما تعمل للدرب كليوات وتشبكنا ود المتوكل فعل ولا انور ام دوم ترك ههههههه
وسنتابع
|
Post: #431
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-02-2011, 11:31 AM
Parent: #429
Quote: عندى شغل فيهو لفه فى 5 الولايات الاسبوع الفات كنت فى الجزيرة شفت البقر بياكل فى الكوش (جمع كوشه) يعنى دى ما شفناها الا فى غنم العاصمة لكن الجزيرة ارض الزرع و الضرع يطرشنا ويعمينا |
يا سهام حبابك وحباب سيرة الغاليين الجبتيها معاك (ناس الجزيرة) دة حال البقر كدة , بالله كيف حال انسان الجزيرة المهمش فى الواقع والاسفير كمان الجزيرة كانت العمود الفقرى للاقتصاد السودانى الا انه خيرها الذى عم كل الوطن لم يكن به نصيب لانسانها الذى انهكته الامراض والفقر ومؤخرا الظلم البين
عايز ارش المساح لكن خايف من كروتك الصفراء منها والحمراء سلامى الشديد لمجتبى والاولاد
|
Post: #432
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 04-02-2011, 11:46 AM
Parent: #431
Quote: سن الترابي نعم (خرمج) وجاط اشياء عديدة وهو من اتي بالانقاذ... ولكن كل هذه الاشياء لا تعطينا الحق في ان نويد وندعم (اعتقال حرياته) او حريات اعوانه في موتمر الشعبي .. |
يا سلام على سماحة النفس دي
بالجد حاجة مضحكة يا كيكي
في البورد دا الناس بتشتم كل مرة عشان توجهاتها المزعومة يجيكم سيد العدة ذاتها تقولو سماح؟؟ وفي مودريتر ما مستعد يخلي اي زول بقول المعارضة في الابريق يجي الصباح يقش كل الكتابات البتفضح المعارضة
وتقولي ادو الترابي حربتو؟
|
Post: #433
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 12:07 PM
Parent: #432
يا سلام على سماحة النفس دي
بالجد حاجة مضحكة يا كيكي
في البورد دا الناس بتشتم كل مرة عشان توجهاتها المزعومة يجيكم سيد العدة ذاتها تقولو سماح؟؟ وفي مودريتر ما مستعد يخلي اي زول بقول المعارضة في الابريق يجي الصباح يقش كل الكتابات البتفضح المعارضة
وتقولي ادو الترابي حربتو؟ هلا يا بيان وحبابك.. وياخي عليك الله وشيخي شكر الله اقريني صاح ولو مرة... ماقلت الترابي (سماح) بصورة مطلقة..بل قلت (الانقاذ) ماعندها حق تعتقل حرية الترابي او حرية اي سياسي اخر وماعندها ايضا(حق) تحاكمو او تحاكم اي سياسي اخر في ظل القضاء بتاعها المكوجن وفي ظل التربص السياسي واللاعدل... وبل قلت محاكمة الترابي وغيره من الذين افسدو الساحة السياسية بتكون في مظلة حكومة ديمقراطية وقضاء عادل وحق تقاضي عادل مكفول حتي للمتهمين... وبعدين يا بيان ده كلامي( كيكي عوض كيكي) وما كلام زول تاني فكل شاة معلقة من عرقوبها وفي معارضين تانين ماعندهم مشكلة حتي ولو الانقاذ دي عملت الترابي (كفتة)...في النهاية اي زول عندو الراي الفقهي بتاعو في الحكاية وبعدين طبعا الزول البقول (المعارضة في الابريق) وبعمل نايم وما بقول (الكيزان في الابريق) ده تفتيشو واجب وطني والبحث عنه مطلب شعبي ورسمي.. ووجبت مناقشته..
وتحياتي
|
Post: #434
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-02-2011, 12:09 PM
Parent: #432
يا كيكي كيف حالك
وتحياتي لجميع الاخوة والله ليكم وحشة
وآسف للإنقطاع كنت في اجازة قصيرة في السودان المشغوليات حالت دون المواصلة .
يا ربي اكون مشيت استلمت المزرعة بتاعتي ؟؟؟؟ هاهاها .
كيكي لا زلت تقبقب في الجماعة .
|
Post: #435
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 12:18 PM
Parent: #434
يا كيكي كيف حالك
وتحياتي لجميع الاخوة والله ليكم وحشة
وآسف للإنقطاع كنت في اجازة قصيرة في السودان المشغوليات حالت دون المواصلة .
يا ربي اكون مشيت استلمت المزرعة بتاعتي ؟؟؟؟ هاهاها .
كيكي لا زلت تقبقب في الجماعة . اووووووووه ابو الاشواق ويعلم الله ويعلم ايضا شيخي شكرالله مشتاقين ياااخ وبالجد غيابك طال وشغلت البال اتمني ان تكون انت والاسرة بالف خير وبركة واجازة سعيدة.. ومافي قبقبة كده يا شوقي لمن ينضمو بيها والقصة بقت نقاشات جاي وجاي مع الجوقة والرهط بتاع الميكانيكية المهندسين ديل وشايف بيان شغالة معاهم دعم واسناد
وحبابك يا زول ومرحب
|
Post: #436
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-02-2011, 02:01 PM
Parent: #435
Quote: والنقة في محورين يا تجو 1- تعريف الرمادي 2- المحيط والمدار الذي تشتغل فيهو مكنة (الرمادي) في حالة تعريفه
وارمي عصاك يا ابي صلعة وورينا سحرك وما تعمل للدرب كليوات وتشبكنا ود المتوكل فعل ولا انور ام دوم ترك ههههههه |
تعرف يا مساح هى نوع الكتابة المصرجة دى البتخلينا ناكلكم , يعنى بتلمح لسحرك !!!! النقاط دى ود البشرى ح يجيب زيتك فيها براه سبق وبديت ليك خيط بخصوص الترابى , واخر حاجة طلبت منك التفكير فى امر اجرام الترابى فى حق هذا الوطن دون الولوج فى مسالة الانقاذ غير مؤهلة اخلاقيا ولا شنو كدة ما عارف عشان تحاكم الترابى (النقطة دى ما تعيدها تانى) واهى الدكتورة نجاة صاغت نفس تساؤلى مرة اخرى , خليك سمارت يا كيكى مرة فى حياتك وافهم انه الجعجعة دى فى شأن المبدائية والتى لا يمكن تجزاتها لاسباب زمنية (متطلبات المرحلة) ولا لاسباب كيدية عدو عدوى صديقى طيب هل رائك فى الترابى يمكن تعميمه , مثلا نافع او قوش حردوا من ناس المؤتمر الوطنى بسبب خلاف على ثروة او سلطة (الناس ديل ابدا خلافاتهم ما ممكن تكون فكرية) وانضموا للاتحاديين مثلا , السؤال هل التوبة من الانقاذ تجب ما قبلها؟
|
Post: #438
Title: Re: شوقي سليمان تعال علمنا ماسمتك النضال....!!
Author: عمر عشاري
Date: 04-02-2011, 03:03 PM
Parent: #436
شكرا ياكيكي
انا بفتكر البوست ده من اجمل البوستات في الفتره الأخيره
نقاش براحه
وخالي من التهريج
والناس بتتعامل بإحترام مع بعض
واصلوا الكلام ...ومتعونا
|
Post: #442
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 06:59 PM
Parent: #438
هلا يا عشاري وشرفت البوست ونورت.. ونتمني ان تلتحق بمظلته المشيدة علي اريحية ودرش اخوي بكل احترام وتقدير وحبابك
|
Post: #441
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 06:45 PM
Parent: #436
فى شأن المبدائية والتى لا يمكن تجزاتها لاسباب زمنية (متطلبات المرحلة) ولا لاسباب كيدية عدو عدوى صديقى طيب هل رائك فى الترابى يمكن تعميمه , مثلا نافع او قوش حردوا من ناس المؤتمر الوطنى بسبب خلاف على ثروة او سلطة (الناس ديل ابدا خلافاتهم ما ممكن تكون فكرية) وانضموا للاتحاديين مثلا , السؤال هل التوبة من الانقاذ تجب ما قبلها؟ هلا يا مبدئية.. ويا احمد مش نافع او غوش (عمر البشير) شخشيا لو بكرة ده خلي الانقاذ وقررت الانقاذ محاكمته فلا يحق لها محاكمته باسم الشعب السوداني...فالقصة يا احمد كلها في من الذي يمتلك حق المحاكمة باسم الشعب ده.. فقد تشيد الحكومة محاكم ومقاصل لاي شخص من الاشخاص ولكن كل هذا لايكون الا في مظلة تصفية حسابات وليس محاكمة عادلة من اجل احقاق الحق... ويبقي يا حبيب الاشياء لا تتجزاء والحرية التي طالبت بها للترابي (في مظلة الانقاذ) يمكن ان اطالب بها لنافع او غووش او البشير... ولييه يا ابو صلعة ساحب مني حق المبدئية ومعتقد باني عاوز ازايد لضرورات المرحلة....؟؟؟ ------------
|
Post: #437
Title: Re: شوقي سليمان تعال علمنا ماسمتك النضال....!!
Author: محمد حيدر المشرف
Date: 04-02-2011, 02:51 PM
Parent: #435
سلام يا هندسه,, وعبرك للاصدقاء ( سهام وود البشرى وودالصائم وكل الذين هم فى البال )
فى البدايه مظلة " رمادى " دى وفرت غطاء سياسي وثقافى وأخلاقى لا يجب للعديدين .. عشان كده حقو يتم تحديد من هو " الرمادى " بدقه .. وفهم الناس بختلف .. وكمثال لا أرى اى رماديه ومن أى نوع فى مواقف " شوقى سليمان" مثلا ..
المهم .. وفى هذا الصدد أجدنى متحمسا جدا لتوصيف " محايد " أو " محايدون " وفى ذاكرتى أجواء بداية التسعينيات بجامعة الخرطوم ..
والحياد الايجابى هو مفهوم أكثر فاعليه من " الرماديه " وعندو منفستو واضح تجاه السلطه .. وبقدم نفسو " كلاعب أساسي " لا " حكما " أو الها متفرغا تماما لتسقط أخطاء العباد ومن ثم فهو يمتلك الحق فى وضع المعايير والتحدث باطلاق عن الاخلاق وموازين ال " الناس " المختله .. ما ما قاعد يعمل حاجه يا كيكى !!!.. عشان كده ساهل جدا يشيل طبشيرتو الاسفيريه ويصحح الكراسات بالليل عشان يجلد اى زول مشاتر تانى يوم الصباح !! الكلام ده ليه !! .. وبى ياتو فهم!!..
يبقى الناس كلها تقعد فى واطاة الاسفير ده .. ويديرو نقاشاتهم بصورة أفقيه لا تفترض الوصايه .. وكل زول خاتى أجندتو واضحه ومحدد حدودو كويس والمن خلالها قاعد ينتج مواقفو فى هذا الحيز تجاه الوطن..
والكلام ده قاعد يحدد 3 حاجات
1- الاجنده الواضحه 2- الحدود .. والحدود دى مهمه جدا عشان ما تتلخبط المسائل واى كوز خجلان يلقاها " تكيه " يصنقر فوقها 3- انتاج المواقف والحركه فى اتجاه الاجنده ..
بعد ده كلو بتجى العلاقات البينيه .. بين المعارض الكضاب والحقيقي والمحايد الايجابى والمحايد السااى وناس السلطه بى طيفهم الواسع ..
ادارة العلاقات البينيه ده ياهو " الكسب " و " التدافع " أو .. الحشاش يملا شبكتو ..
تحياتى
|
Post: #439
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 04-02-2011, 05:16 PM
Parent: #437
هلا كيكي و الأحباب و ترحيب بتشريف عشاري و المشرف للمرة الأولى و استبشرنا بحوار ثر ومفيد وترحيب بسيد العشرة الزاحمناه فيها ابو الشوق وحمدالله على سلامة العودة
كيكي يا عمنا تعليق سريع على النقطة التالية Quote: 3- ياعمك قلت زول من دارفور حرقو بيتو ممكن ينبذ في الواقع وماعندك معاه مشكلة...طيب ياخي الاسفير السوداني ده ما ملان بمظاليم الانقاذ من خريجي بيوت الاشباح والواحد فيهم دقو دق العيش... زي ده لو جيت لقيتو بنبذ وحاولت تضبط خطابه بدون ما تقدم ليهو حلول او يشوف منك ادانة للفعل الاساسي ممكن يتشبك ليك في رقبتك دي ويحلك الحلا بيلو..؟؟ |
كلامي كنت دقيق في اختيار الفاظه التي تعبر عن ما اريد قوله, قلت التالي بالنص Quote: لو كان الحديث على ارض الواقع ولقيتني بغالط في احد النازحين من دارفور مثلا احرقت قريته و قتل اهله عن عدد القتلى مثلا ايوة دي انصرافية وتعامي عن الجريمة الحقيقية ومسك في الحتة النية |
الإنصرافية و التعامي عن الجريمة الحقيقية يفرق عن قولة ما عندي معاه مشكلة
اتفق معكم وود المشرف على ضبط مصطلح رمادي - دي نقطة مهمة جدا - لكن رجاء يا اخوان لنضبطه ونعيد صياغته بما يرضي الله بدل حذفه او تبديله بصراحة كدا اعتدت عليه
لي قول في احدى الصفحات السابقة و احب اعيده من ينتقد اخطاء المعارضة ومنسوبيها فقط و يتعامى - أو يؤيد - نفس الاخطاء - او غيرها - من جانب مؤيدي الحكومة فهذا ليس رماديا بل موالي للحكومة راسو عديل وإن لم يقلها علانية
|
Post: #440
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-02-2011, 05:46 PM
Parent: #437
اولا مرحب بانضمام محمد حيدر الى الملعب و هو كما هو معروف لياقته عالية مبروك للتيمين :):)
يا احمد سلامات ياخ قصة الترابى دى وجعتنى شويه لكن الظاهر نقتك والمساح ح تجهجهنا شوية الترابى ده بعد العملو فى السودان مااااااف كلام معاهو الا يطرشو لكن السؤال كيف؟؟؟ سؤالك التانى بتاع طيب لو نافع او اى من الجماعة ديل نطو قبل السفينة تغرق برضو مااااف الااا يطرشو ود الكلام البنق فيهو هنا ده ..الاولويات يا باشا مهندس لا تساقط لجرائم هؤلاء ولا عفى الله عما سلف معهم فنحن مسئولين كسودانيين ان نعاقب هذا العفن و نأتى على جذوره وتانى برجع ليك يجب ان نستفيد من ما يجرى حولنا الان وان نستقيد من فشل انتفاضاتنا السابقة ... (الفشل فى ما بعدها هو المقصود هنا) انو نحن ما حرسنا مكتسباتنا عاوزاك لو تقرأ كلامى ده تطلع من راسك تكرار التجارب السابقة وخصوصا انتفاضة ابريل والالتفاف الحصل عاوزاك تكون بترمى لقدام وتنسى محاكمات السدنه و الطربقة التى تمت بها والمجلس الانتقالى و قرفو وووووو حتى عودة نميرى قادل مزهوا فى مطار الخرطوم لن تتكرر التجربة بنفس اخطائها ... يا ود التجانى المقصود نشيل الصبر الان حتى سقوط هؤلاء وبعدين نقعد زى باقى خلق الله نصفى حساباتنا صاح وكل قرد يطلع شجرتو يعنى المقصود ح نكون اعلى وعيا واحسن تنظيما و اكثرحرصا
يا احمد الموضوع ليس دفاعا عن الترابى ولا تغاضى عن ما هببه فى السودان ولا يمكن ان ننسى انو ده كلو جاء من تحت راسو كل الانحنا فيهو ده من ضنك وتردى و ضيق ولكن لو نحن سمينا رقبتنا دعاة للديمقراطية و الحرية والعدالة ونطالب الحكومة القائمة ان تطلق سراح المعتقلين نقوم نفرز الترابى كده بسسسس العدالة لاتتجزء فليواجه الترابى مصيره فى ظل حكومة نثق فى مؤسساتها العدلية والا نكون غير متصالحين مع انفسنا العداله لنا ولسوانا
طبعا اذا كنت تختلف معاى انو فى الوقت الحاضر انو المؤسسات العدلية الان ليست سوى مؤسسات سياسية ح تقول لى لاااااع يا زوله :) :) :) يفتح الله
|
Post: #443
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-02-2011, 08:13 PM
Parent: #440
Quote: يا ود التجانى المقصود نشيل الصبر الان حتى سقوط هؤلاء وبعدين نقعد زى باقى خلق الله نصفى حساباتنا صاح وكل قرد يطلع شجرتو يعنى المقصود ح نكون اعلى وعيا واحسن تنظيما و اكثرحرصا
يا احمد الموضوع ليس دفاعا عن الترابى ولا تغاضى عن ما هببه فى السودان ولا يمكن ان ننسى انو ده كلو جاء من تحت راسو كل الانحنا فيهو ده من ضنك وتردى و ضيق ولكن لو نحن سمينا رقبتنا دعاة للديمقراطية و الحرية والعدالة ونطالب الحكومة القائمة ان تطلق سراح المعتقلين نقوم نفرز الترابى كده بسسسس العدالة لاتتجزء فليواجه الترابى مصيره فى ظل حكومة نثق فى مؤسساتها العدلية والا نكون غير متصالحين مع انفسنا العداله لنا ولسوانا |
سهام , حبابك هنا توجد معضلة اخلاقية وقانونية فى كيفية التعامل مع الترابى , ناس السياسة ما عندنا معاهم شغلة يصوتوا البصوتوه اصلا السياسة لعبة قذرة متوقع اى حاجة فيها , لكن نحن كمواطنين عاديين بنشوفها خيانة راسها عديل لانه الموضوع فى شأن العلاقة مع الترابى اتجاوز التطبيع ووصل للتحالفات بدعوى توحيد قوى المعارضة فى وجه الانقاذ ودة جوهر الجدل حقنا هنا , انا دة عن نفسى الكلام دة ما راكب معاى لانه واهم من يظن ان الترابى قد تخلى عن افكاره التى اتت بالانقاذ وعهدها الاسود , فقط للذكرى الترابى ومؤتمره الشعبى ما زالوا النسخة الاصلية الاكثر تشددا وبطشا بانسان السودان
|
Post: #447
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-03-2011, 07:44 AM
Parent: #440
Quote: طبعا اذا كنت تختلف معاى انو فى الوقت الحاضر انو المؤسسات العدلية الان ليست سوى مؤسسات سياسية ح تقول لى لاااااع يا زوله |
هلا يا بيييييير وايووووه الموسسات العدلية وياريت نسمع من اخونا (احمد ارقومينت) شوية في الحتة دي
وشكرا علي التحليق الشافي والضافي
|
Post: #444
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 09:47 PM
Parent: #437
والكلام ده قاعد يحدد 3 حاجات
1- الاجنده الواضحه 2- الحدود .. والحدود دى مهمه جدا عشان ما تتلخبط المسائل واى كوز خجلان يلقاها " تكيه " يصنقر فوقها 3- انتاج المواقف والحركه فى اتجاه الاجنده هلا يا ود المشرف وحبابك كمكسب للبوست ولاثراء النقاش وسنتابع
|
Post: #445
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-02-2011, 09:59 PM
Parent: #444
اتفق معكم وود المشرف على ضبط مصطلح رمادي - دي نقطة مهمة جدا - لكن رجاء يا اخوان لنضبطه ونعيد صياغته بما يرضي الله بدل حذفه او تبديله بصراحة كدا اعتدت عليه هلا يا عمك ودي الجكة والتارجت الخلينا بالله نشوت ونركز عليهو وبعدها نشوف باقي الشواويل والفرقة ما كبيرة بس صحو اللون معانا..
|
Post: #446
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 04-03-2011, 04:03 AM
Parent: #445
Quote: وبعدين طبعا الزول البقول (المعارضة في الابريق) وبعمل نايم وما بقول (الكيزان في الابريق) ده تفتيشو واجب وطني والبحث عنه مطلب شعبي ورسمي.. ووجبت مناقشته..
|
اهاااااااااا جينا لنقطة مهمة جدا
انتو تقولو الحكومة في الابريق وما مخلين فرضا ناقص
اها ناس تايين شايفين انكم شغالين كويس جدا ما محتاجين لفزعات وشغالين في تصليح ضلفة الباب التاني موش من الاصلح انه تخلو اي زول يختار الموضوع العايزو وتخلو عسف يا معانا يا ضدنا؟ الواجب الوطني انك تفش الباب وتتأكد من سلامته وانه بقفل كويس عشان يامن من في الداخل تفتش السوس المدسوس وتزيت المفاضل عشان الصوت بتاع سييييييك اوووووووووه المزعج ما يجي كلما بتفتح الباب للشعب.
عشان كدا الرمادين والما معاكم ديل تعبانين من صفاقة بعضكم وعدم وجود حدود لهم اخلاقية الاهداف النبيلة الا وهي حماية الوطن تأتي بالطرق النبيلة وهي الصدق والاخلاص..
دي خطوة متقدمة جدا والله يا مساح
لانه الحاصل يجب سحله واغتياله وتصفيته معنويا حتى يدخل الزريبة ويمعمع مع القطيع
|
Post: #448
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-03-2011, 08:08 AM
Parent: #446
Quote: الواجب الوطني انك تفش الباب وتتأكد من سلامته وانه بقفل كويس عشان يامن من في الداخل تفتش السوس المدسوس وتزيت المفاضل عشان الصوت بتاع سييييييك اوووووووووه المزعج ما يجي كلما بتفتح الباب للشعب.
|
هلا يا بيان وتحياتي.. لمن تنتهي من تصليح الباب ده وانت مخلي بني كوز سارحين ومارحين وما مشكل ليهم قوي ضغط وعامل ليهم سافوتة لا حتلقي باب ولا حتلقي (شعب) ... فلنصلح الباب بيد ونكركب ونضغط (بني كوز) وانقاذهم بيد اخري... (المانع شنو) طالما عاوزين المصلحة الوطنية العليا وطالما في اقتناع بانهم هم من يعيق الاشياء التي تجعل من الوطن ملك للجميع...!! مافي طريقة (لمهلة) واتكالية طالما في نزيف وفي موت وفي ظلم وفي فساد وفي وطن بضيع ومافي حاجة اسمها المعارضة هي من عليها فقط ان تحدث التغيير فكلنا كناس سودانين وعارفين ده غلط وقاريين كتاب العشرين سنة دي مفروض نتحزم ونتلزم وما نعمل للحكايا كليوات ونقعد نلفلف جاي وجاي..
-في نقاش فووق يا بيان بقول ان المعارضة دي كلها ما جسم وااحد وليس المعارضة فقط بل المواطن ده في روحو ما (كوبي اند بيست) من الاخر وهما الضلعين في المثلث المتازم والمتاثر من الحكومة... فعشان كده لنا ان نتوقع امواج عديدة ومتعددة من ردات الفعل ضد الحكومة وضد الواقفين علي مقربة منها.. ورد الفعل ده قد يكون سسلاح علي ارض الواقع وقد يكون عنف لفظي وقد يكون (صفاقة) علي قولتك وقد يكون قبقبة وقد يكون نقاش هادي وبعقل ومنطق ومظلة احترام كلا حسب قدرته واحتماله وخطه ووعيه وطريقته التي اختارها او التي فرضتها اشيائه... في ناس حسع جنس نقاشنا ده شايفنو درجة من درجات الرمادية ولا يجوز شرعا.... فعشان كده من الضروري ان لا نترك الاخر هو من يحدد مساراتنا ويصنع ردات فعلنا ويصنع خطابنا ويجرنا الي مشهده..
|
Post: #449
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-03-2011, 08:25 AM
Parent: #446
أها فوق شفتو الرمادي بتاع ود البشري .. النوريكم الرمادي البفهمو عيدروس. اولا" بالتبادي الرمادي دا درجة من اكتر الدرجات اللونية المنتشرة كتير في الوان السودانيين من اكترها (اللخدر الخلي قلبي يخدر) الي اندرها (اللبيض السادة)، عشان كده هو واحد من الواني المحببه. تاني حاجة ياجماعه ممكن تقولو عني انا كرمادي انو ما عندي موقف جاهز و معلب قاعد في جخانين دماغي و لمن تحصل حاجه في الواقع بقعد افتش في الداتا بيز وررررررررر .. طق .. تراك ،خلاص لقيتا في الداتابيز حاجه متوافقه مع الواقع شيلك قصقصك لزقك للواقع عشان يبقي قدر النظرية الفي الدماغ. الرمادي اراءه طازجة و بدون أحكام مسبقه و تتغير مع الواقع المتغير. تاني حاجة الرمادي اراءه لانها ما محفوظه و مقدسه و يمكن الإستشهاد في سبيلها ، ممكن تتغير بالنقاش و الادله وممكن يكون رايو غلط و يعتذر بلا مكابره. ولانو ما بعاين بي زاوية الحزب او الأيدلوجياعشان كدا رؤيتو بي تكون اوسع و ممكن يتلاقي مع ناس في الراي الزول المحزب او المتعصب ،حزبه و عصبيتو بي توقفو عن الإتفاق معاهم. في حاجه مهمه الرمادي عصي علي التصنيف في مجموعات و بي يعتز بي أصالة رايو (رايو ما بمليهو ليه زول)، حتي لو اتفق رايو مع راي حزب او جماعه ده لانو هو بي يفتكر انو الراي ده صاح ما عشان كل مواقف الحزب صاح. وبالجد انا رايي انو الناس في حكاية الأراء و (البوستات) الناس تشتغل بي نظام المقطوعية كل راي براهو و كل بوست براه وتبتعد عن الأحكام المسبقه و التصنيف وهي عدوة كل رمادي.
|
Post: #450
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-03-2011, 08:48 AM
Parent: #449
تلخيص رؤيتي للرمادي : 1- آراءه طازجه و غير جاهزة أو قطعيه بي تتغير مع الواقع المتغير. 2- يقبل النقاش و يمكن إقناعه ( ماممكن يقول ليك كان طارت غنمايه ، لأنو ما عندو غنمايه جاهزه في راسو). 3- لا يمكن تصنيفه في جماعه ولا يقبل بذلك و بي يتحمل مسؤولية رايو وحده. 4- ما عندو مواقف مسبقه تجاه الأشخاص او الآراء و ممكن يتفق و يختلف مع أي شخص أو رأي.
الرؤيه الفوق دي بي تنطبق علي معظم السودانيين و السودانيات و أكتر من كده في ناس منضمين لي أحزاب عديل و بي تلقاهم رماديين و ممكن يختلفوا حتي مع آراء الحزب بتاعهم ( ممكن تخمن/ي ديل منو:) )
|
Post: #451
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-03-2011, 09:05 AM
Parent: #449
Quote: انا كرمادي انو ما عندي موقف جاهز و معلب قاعد في جخانين دماغي و لمن تحصل حاجه في الواقع بقعد افتش في الداتا بيز وررررررررر .. طق .. تراك ،خلاص لقيتا في الداتابيز حاجه متوافقه مع الواقع شيلك قصقصك لزقك للواقع عشان يبقي قدر النظرية الفي الدماغ. الرمادي اراءه طازجة و بدون أحكام مسبقه و تتغير مع الواقع المتغير. تاني حاجة الرمادي اراءه لانها ما محفوظه و مقدسه و يمكن الإستشهاد في سبيلها ، ممكن تتغير بالنقاش و الادله وممكن يكون رايو غلط و يعتذر بلا مكابره. ولانو ما بعاين بي زاوية الحزب او الأيدلوجياعشان كدا رؤيتو بي تكون اوسع و ممكن يتلاقي مع ناس في الراي الزول المحزب او المتعصب ،حزبه و عصبيتو بي توقفو عن الإتفاق معاهم. في حاجه مهمه الرمادي عصي علي التصنيف في مجموعات و بي يعتز بي أصالة رايو (رايو ما بمليهو ليه زول)، حتي لو اتفق رايو مع راي حزب او جماعه ده لانو هو بي يفتكر انو الراي ده صاح ما عشان كل مواقف الحزب صاح.
|
هلا يا عمدة والرمادي بوصفك ده بصراحة (سال ليهو لعابي) ولكن لمن مخمخت كويس لقيتو ممكن يكون (فلد) في المحيط الاسفيري وما بحدد موقف قاطع من القضايا الاساسية في ارض الواقع.. وفيهو دخنة ( some where) وخاصةعندما وصفته بالتقارب من اراء حزب من الاحزاب فهذا يعني انه قد يتقارب مع الجبهة في رايها مثلا من الحريات.. ممكن افهم رمادي متقارب مع الايدلوجية الكيزانية او ايدلوجية اي حزب في (الاطار الفكري) ولكن في امر القضايا الاساسية المربوطة بالحريات والديمقراطية والحقوق نحتاج اتخيل لي الي توصيف اشمل وخانة نخت فيها الرمادي ده حتي لا يهرب من الخدمة.. رمادي اسفيري وقضاياه المختلفة رمادي علي مستوي (الفكر والراي) رمادي علي ارض الواقع من الصراع من الانقاذ رمادي من الموقف من المعارضة
دي كلها انواع واشكال بتاعات (رماديات) ضروري تتلقي ليها فجة (كونكريت) تلم في باقة واااحدة او افرزو لكل رمادي حقو وخلوه يتصرف برااهو
|
Post: #452
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-03-2011, 09:28 AM
Parent: #451
يا خوي يا عبد الكريم يا كيكي أكان الناس دي كلها متفقة مع آراءك و آراء المعارضه اها الحكومه دي قاعده لي شنو؟ و الحوار و النقاش و الإقناع لي شنو؟ إنو الناس كلها تتفق أنو النظام دا كعب و واجب تغييرو دي الواجبات المفروض يقومو بيها المثقفين تجاه باقي السودانيين و السودانيات ... أهم حاجه انو ما تنمط الناس حتي لو قالو ليك نحن مع الحكومة عديل ... أقنعهم ما تشاكلهم.
أنا بتفق معاك انو الحرية و الديمقراطية و حقوق المواطنة و حقوق الإنسان دي كلها حاجات مبدئية و بديهية ، لكن!! و تاني لكن، هل هي كذلك لكل الناس؟ و هل المعيار الجمعي (حلوة المعيار الجمعي دي) واحد تجاه القضايا دي؟ انا إجابتي لا
|
Post: #453
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-03-2011, 09:43 AM
Parent: #452
وتاني عشان حكاية التصنيف دي... ما تصنف الناس الرايو كعب قول ليهو رايك كعب (في محلو ... في بوستيهو) و ما تعمم رايك دا علي اصحابو الإسفيريين ببساطه لانو ممكن يكونو ما متفقين معاهو. يعني بالعربي كدا كل رمادي معلق من عصبتو لانو ما جماعه .. ما حزب
Quote: او افرزو لكل رمادي حقو وخلوه يتصرف برااهو |
بالضبط كدا
|
Post: #454
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-03-2011, 09:45 AM
Parent: #452
Quote: أنا بتفق معاك انو الحرية و الديمقراطية و حقوق المواطنة و حقوق الإنسان دي كلها حاجات مبدئية و بديهية ، لكن!! و تاني لكن، هل هي كذلك لكل الناس؟ و هل المعيار الجمعي (حلوة المعيار الجمعي دي) واحد تجاه القضايا دي؟ انا إجابتي لا |
هلا يا عمدة وحبابك يااخ... وبتفق معاك بان الناس كلها ما بالضرورة ان تكون علي (راي ) واحد وبضيف ايضا علي اتفاقنا ده بانو في كيرف كبير وعريض وفي كل نقاط الكيرف ده من اقصي اليمين الي اقصي اليسار في ناس من الشعب الفضل ده واقفين وقاعدين من اكثر تطرفا مع الحكومة الي اكثر تطرفا ضد الحكومة وما بينهما من مواقف..( والشغل التغييري والاستقطاب بحصل في الكيرف ده ومساراته)... وبتفق معاك تاني بان عشان تقنع الاخر بان الحكومة دي كعبة مفروض نناقشو وننقعنو ونصبر عليهو كمان,,, لاجدال تماما يا عمدة في النقاط دي... ولكن نجي للحاجات المبدئية والبديهية دي(ودي الفيها شيطان التفاصيل) والعقبة الاتخيل لي مفروض الناس تجتهد فيها علي الاقل عشان نلقي ليها (سكة) في حكاية (الرمادي) العاوزين ننق فيها هنا دي..لانها دي العقدة المفصلية ياعماد والجزئية الاساسية البحصل فيها الاستقطاب لصالح (تحقيق الحريات دي). عشان كده انا شايف انا (الديتم) او الديتم دي نقة مساحين او المقاس المفروض يحدد (الرمادية) هي القضايا الاساسية لانها حقتنا كلنا ولانها مسروقة مننا... بفهم يا عماد انو في ناس لسسسع وعيهم بالقضايا الاساسية دي لسع ما اتكامل وبفهم انو ناس لسسع وعييهم بالدولة وحقوقك كمواطن فيها لسسع ما اكتمل وبفهم ايضا بان مفاهيم (المواطنة والحريات وغيره) حصل ليها تشويش وتداخلت فيها ضبابية كثيرة.. ولكن من المهم بالنسبة للزول العرف يحدد موقفه منها (مع او ضد) ومافي حاجة في النص...
--- كلامي ده بافتراض انو الرمادي محيطه هو (الصراع من السلطة)..
|
Post: #455
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-03-2011, 10:04 AM
Parent: #454
أنت عارف يا كيكي المشكله وين؟ أنت بي تقول (رمادي == الموقف المائع == الموقف الكعب) انا بقول ( رمادي == الموقف المختلف)
انا شخصيا" لما القي زول مختلف معاي في حاجة اساسية و مبدئية زي ( الحريات) طوالي بحس انو انا و الناس البي يتفقو معاي مقصرين شديد انو زول في القرن الواحد و العشرين و ما عارف انو الحريات دي حاجه مبدئيه، عليك الله دا تقصير منو؟ انو المفاهيم دي لي هسه ما ركبت في امخاخ السودانيين.( يعني يالجد يا كيكي في نسبه كتيره من الناس لما يقولو ليهم صفيه مشت مظاهره و حصل ليها و حصل ليها... طوالي بي يقولو ليك" هسي هي المرقا من بيتم شنو؟"... بالجد دا من شنو ... هل لانو الناس ديل كعبين و لا لانو مافي توعيه... مافي حوار مافي حاجات كتيره. اها زي الناس الفوق ديل و زيهم كتير.. تكرههم... وتشتمهم ولا تعمل ليهم شنو ذاتو... دا دورنا يا كيكي... الناس القرت و عرفت ووعت ... توري باقي الناس... بالتي هي أحسن.
Quote: كلامي ده بافتراض انو الرمادي محيطه هو (الصراع من السلطة).. |
الرمادي لانو ما قاعد في صندوق من التصورات الجاهزه فمحيطه هو الواقع و الحياه بأكملها
|
Post: #456
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-03-2011, 10:26 AM
Parent: #455
Quote: انا شخصيا" لما القي زول مختلف معاي في حاجة اساسية و مبدئية زي ( الحريات) طوالي بحس انو انا و الناس البي يتفقو معاي مقصرين شديد انو زول في القرن الواحد و العشرين و ما عارف انو الحريات دي حاجه مبدئيه، عليك الله دا تقصير منو؟ |
هلا يا عمدة وبالتاكيد الزول الفاهم وعارف وواعي عليه دور اساسي ومهم في توعية الناس بحقوقها وبادوات محفزة كالاحترام وغيره من اساليب تقدير الاخر وتواضع.. وخاصة في محيط الناس (الماعارفين) حقوقهم ووين...وهنا المسئولية مباشرة ولكن في حالة (الناس ) العارفين وواعين بالحقوق دي ومشيدين في طريقها (متاريس) بصورة استراتجية تذوب هذه القضايا سوي بالافكار او بالسلبية فهنا المسئولية المباشرة ستتحول اوماتيكي وتصبح علي عاتقه(كون عارف وواقف بعيد...او كونه عارف وماشي في جوقة من يقعمون هذه الاشياء) (وصحيح انا من الطرف الاخر ملزم بنقاش وصراع هذه التيارات ولكن وقوفها ضد هذه الحريات قد يتيح اساليب اخري علي ارض الواقع بما فيها السلاااح)... لانو القصة هنا بتتحول الي همبتة...او مساندة همبتة,,.و(قطار القتل والقمع بكون ماشي بمد الضبابية دي وبمساعدة المتاريس التي شيدها العارفين) علي ارض الاسفير هي معركة اخري ومناقشة هذا الخط (الواعي جدا بالحقوق والمييع جدا لقضايا الحقوق) وطبعا بالحوار والصبر ... ------
|
Post: #457
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-03-2011, 10:44 AM
Parent: #456
يا كيكي متفق معاك تمام في مداخلتك بس إختلافي إنو الصراع مع النظام دا ما بالسلاح و إنما (عن طريق النضال السلمي الديمقراطي)
Quote: علي ارض الاسفير هي معركة اخري ومناقشة هذا الخط (الواعي جدا بالحقوق والمييع جدا لقضايا الحقوق) وطبعا بالحوار والصبر ...
|
و أهم حاجة ناقش الرأي و لا تصنف و إبتعد عن الآراء المسبقه( فلرب من تحسبه كوزا" خفيا" هو رمادي رايح ليه الدرب... و ممكن بالنقاش يتفق معاك)
|
Post: #458
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-03-2011, 11:58 AM
Parent: #457
Quote: يا كيكي متفق معاك تمام في مداخلتك بس إختلافي إنو الصراع مع النظام دا ما بالسلاح و إنما (عن طريق النضال السلمي الديمقراطي)
|
هلا ياعمدة وما مختلفين كثير ووالحديث عن السلاح اتي في اطار الخيارات المطروحة امام لكل من يعارض الانقاذ وبعضهم الان سلك هذا الخط .. وانا مرحليا مع النضال السلمي الديمقراطي ولكن لاحقا لو الامور دي عصلجت وما جابت الحكاية دي مريسة تام زينو فضروري من دبارة وسكة ... وبتفق معاك في الجزئية الثانية بتاعة عدم الاعتماد علي الاراء المسبقة الاتية بانطباعية والنقاش بنكران ذات عالي...
--------------- عمدة ياخي اسمح لي (افتح شوال) جزئي كده علي هامش حوارنا ده.. عن الشخصية السودانية وتركيبتها من قضايا (المواطنة- والحقوق_ والحريات) والديمقراطية عموما وليه (التنوير) والتفاعل مع القضايا دي متاخر وفيهو متاريس كبيرة وجبال من الثلوج تقف في كل مرة امام الناس حتي يتم الوصول الي سيادة او موازرة تلك القضايا في كل قطاعات الشعب الفضل(واعين وما واعين) فهل الاشكالات في الاتي... 1- طول المدي الشمولي في الارض السودانية ومنذ الاستقلال 2- الممارسة السياسية في الاحزاب والتجربة الديمقراطية عموما 3- المنهج التعليمي وغياب دور الفرد كموسسة 4- اشياء مربوطة بالشخصية السودانية 5- غياب دور المثقف السوداني وطول المسافة ما بين المثقف والواقع او الانسان الغير مثقف وملم 6- الامية الغالبة وتشويش حول تلك المفاهيم لم تنتبه حتي الان جهة سودانية بحلها بطريقة جذرية دي مجرد اسباب قد تضيفو عليها او تنقص ولكن في اطار (عصلجة) المد بالحقوق والحريات والديمقراطية من الضروري نهابش معا ولو قليلا (المشكلة ووووين) ...و(الحل ووووين)
|
Post: #459
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-03-2011, 06:22 PM
Parent: #458
Quote: سهام , حبابك هنا توجد معضلة اخلاقية وقانونية فى كيفية التعامل مع الترابى , ناس السياسة ما عندنا معاهم شغلة يصوتوا البصوتوه اصلا السياسة لعبة قذرة متوقع اى حاجة فيها , لكن نحن كمواطنين عاديين بنشوفها خيانة راسها عديل لانه الموضوع فى شأن العلاقة مع الترابى اتجاوز التطبيع ووصل للتحالفات بدعوى توحيد قوى المعارضة فى وجه الانقاذ ودة جوهر الجدل حقنا هنا , انا دة عن نفسى الكلام دة ما راكب معاى لانه واهم من يظن ان الترابى قد تخلى عن افكاره التى اتت بالانقاذ وعهدها الاسود , فقط للذكرى الترابى ومؤتمره الشعبى ما زالوا النسخة الاصلية الاكثر تشددا وبطشا بانسان السودان |
سلام يا احمد هل افهم من مداخلتك انك ما عندك مشكلة مع النقطة بتاعت انو الترابى من حقو ان يمارس حريته حتى حين؟ و المشكلة الان التطبيع مع الترابى؟ عشان انا شايفة ديل موضوعين مختلفين
|
Post: #460
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-03-2011, 06:37 PM
Parent: #458
Quote: و يا ود البشري ،الغربي اصلو ما كانت حدودنا تلقانا في كافتيريا إقتصاد و في علوم واداب و قانون والمجمع الطبي وشمبات وكمان في تربية
|
صادق والله ياعمدة وبالمناسبة دى ياخ عندى سؤال كدة كنت عايز اسألك ليه ولكن حقو تعفينى من السؤال وتجاوبنى طوالى واكيد بتكون عرفته
_____________________________________________
حبابك والله يا عمدة والشوق مطر ياخ
|
Post: #461
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-03-2011, 07:26 PM
Parent: #460
Quote: وايووووه الموسسات العدلية وياريت نسمع من اخونا (احمد ارقومينت) شوية في الحتة دي |
مرحب يا مساح اولا بنحى فيك عودة النفس الهادى بعد ان قارب التشنج ان يفعل بك فعائله وافتكر يا ولدنا البوست دة من اهم البوستات فى مسيرتك الاسفيرية المعرجة لانه من المهم جدا ان نحاول رؤية الاشياء من خلال الاخرين المقربين والايمان التام الفعلى لمبدا الراى والراى الاخر على مستوى يتجاوز التنظير الى التطبيق , المنبر برغم منقصاته الا اننى لا انكر دوره فى نشر الوعى والمعرفة والعلم ما عنده كبير والمعرفة كما قيل عملية مستمرة الحقيقة يا مساح الون تو الاخيرة بينك وعمدة افرزت جوانب مهمة جدا بالرغم من محاولاتك فى بعض الاحيان لممارسة سياسة المراقات ولكن حقيقة عمدة اثرى النقاش بالاضافات العميقة فى شأن الرمادى والرماديين بدأت على اثرها الزرقنة والتصلب عندك رويدا رويدا فى الطريق الى التزحزح والتفكك والدليل على ذلك كمية الاتفاقات الكبيتها فى مداخلاتك الموجهة لعمدة وبكدة اقدر القول البوست قضى غرضه كما قال لى واحد حمام من معسكركم فى ذات منابذة اسفيرية
بالنسبة لكوت سهام الفوق اقول ليك لست فى مقام من يقيم المؤسسات العدلية فى السودان الانا بعيد عنه منذ 16 عاما ولكن الانقاذ كحزب شمولى ينتهج مبدأ الولاء قبل الكفاءة قد احالت كل المؤسسات بما فيها العدلية الى ابواق تابعة يديرها مهرجون موظفون لدى السلطان وليس لدى الشعب ولكن هذه الحقائق لن تجعلنا نضع عصابة على اعيننا كى لا نرى تفلتات وتجاوزات المجرمين بدعوى اختلال ميزان العدل الحالى ويا ريت القصة لو وقفت عند حد التغاضى ولكن للاسف اصبح الترابى اليوم رمزا من رموز المعارضة الوطنية وبطلا يرجى منه الخلاص من جحيم الانقاذ التى اتى بها ذات ليل بهيم , حاليا الد اعداء المؤتمر الوطنى هم 1- المؤتمر الشعبى وذلك نسبة للاحقاد والشروخ العميقة الحصلت بينهم والتى وصلت لمرحلة حمل السلاح 2- الحزب الشيوعى نسبة للخلافات الفكرية والسياسية , وفى المقابل نجد ان مستوى العداء اقل حدة مع الامة والاتحادى وخصوصا الامة البيحاول ايجاد ارضيات حوار ومفاهمة مع الوطنى برغم اجتهاد عضويته المعانا فى نفى ذلك الا وانه حاصل على ارض الواقع ولذلك نجد ان هذا الواقع قد انتج تقاربا غريبا بين الشعبى والشيوعى دون اى نقاط اتفاق غير اسقاط الوطنى , طيب جميل جدا وبعدين ؟ كيكى غزلك فى الترابى دة , قرم ولا عشم ولا تكون بقيت شيوعى من ورانا
|
Post: #462
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-03-2011, 08:16 PM
Parent: #461
Quote: وبكدة اقدر القول البوست قضى غرضه كما قال لى واحد حمام من معسكركم فى ذات منابذة اسفيرية
|
وهنا برضو
Quote: كيكى غزلك فى الترابى دة , قرم ولا عشم ولا تكون بقيت شيوعى من ورانا |
---------------- هلا يا مكنكة والله حقو الواحد يطبع مداخلتك دي ويلف ويجك بيها زي كم كيلو كده وكون اليهود والنصاري والفرنجة والمكنيكية يرضو عني فهذا امرا مش عاوز جكة وبس بل عاوز خروف اسفيري عديل كده والله.. عمدة وانا ما بعيدين شديد في الافكار ومن الضروري تثبيت نقاط الاتفاق ..وود البشري زاااتو في مداخلات سابقة رشيتو برضو بكم اتفاق.. واها انت ذاتتك حرررم ما بتمشي ساكت من الضروري ارشك بواحد اتفاق كده علي الماشي.. الترابي يا احمد بالتاكيد هو واحد من اسواء السياسين في العالم وليس السودان وكلو شي ممكن يتقال فيهو ولكن بس حكاية (الحرية) له دي بالنسبة لي مافيها اي رجعة..وبرجع تاني اقدك باهلية الانقا1 وانظمتها العدلية وتصفيتها لخلافاتها وذلك الباب الذي لو انفتح لطال الكل...!!! انا عن نفسي قلت ليك الموتمر الشعبي ده بالنسبة لي زيو وزي الموتمر الوطني ولكنهم كيزان زعلانين والعمل معهم في الاطار المعارض هو تكتيك في ظني ما مزبوط... ولكن حرية حسن الترابي او غيره من الساسة دي مافيها قولان بالنسبة لي.. اي محاكمة في ظل نظام غير ديمقراطي فهو ليس بمحاكمة سوية وممكن تسميها اي حاجة ولكنها تاتي في ظل قضاء مكعكع وغير مستقل..
--------------- وتحياتي للبيير سهام في حضورها
|
Post: #463
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-04-2011, 06:18 AM
Parent: #462
Quote: سلام يا احمد هل افهم من مداخلتك انك ما عندك مشكلة مع النقطة بتاعت انو الترابى من حقو ان يمارس حريته حتى حين؟ و المشكلة الان التطبيع مع الترابى؟ عشان انا شايفة ديل موضوعين مختلفين |
مرحب سهام الترابى ليس بسجين فكر او راى , دى تداعيات اذا اختلف اللصان ولذلك التعاطف معه امر ليس بالهين واكبر كارثة ان يقضى ربك امرا كان مفعولا فى شأن هذا الشيخ وهو فى المعتقل ليصبح بطلا وشهيدا وتضيع على الشعب محاكمته على الجرائم التى ارتكبها بحق الديمقراطية والحياة المدنية والوحدة الوطنية اما التطبيع معاه فدى خيانة لا تغتفر والموضوعين فى نظرى ارتباطهم وثيق ببعض وبيمثلوا الاثنين الطريقة البننظر بيها نحن للترابى (Paradigm)
|
Post: #464
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-04-2011, 06:48 AM
Parent: #463
Quote: صادق والله ياعمدة وبالمناسبة دى ياخ عندى سؤال كدة كنت عايز اسألك ليه ولكن حقو تعفينى من السؤال وتجاوبنى طوالى واكيد بتكون عرفته |
كيفك ابو حميد: لمن قريت كلامك دا جوني في راسي سوالين و الأتنين بي يجيبو جنس ضحكتك الخدرا دي .. غايتو هسه انا بجاوبك علي واحد منهم، إذا طلع ما السؤال ، اكتب السوال الصاح الأجابه : أنا كنت عضو في الحزب الشيوعي ، و هسه ما عندي حزب اها رأيك شنو
|
Post: #465
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-04-2011, 07:05 AM
Parent: #464
Quote: الترابى ليس بسجين فكر او راى , دى تداعيات اذا اختلف اللصان ولذلك التعاطف معه امر ليس بالهين واكبر كارثة ان يقضى ربك امرا كان مفعولا فى شأن هذا الشيخ وهو فى المعتقل ليصبح بطلا وشهيدا وتضيع على الشعب محاكمته على الجرائم التى ارتكبها بحق الديمقراطية والحياة المدنية والوحدة الوطنية اما التطبيع معاه فدى خيانة لا تغتفر والموضوعين فى نظرى ارتباطهم وثيق ببعض وبيمثلوا الاثنين الطريقة البننظر بيها نحن للترابى (Paradigm) |
هلا يا خواجة وحباب عمدة ويا احمد خليني اضيف لكلام البيير سهام في امر الترابي جزئية جديدة وخلينا نتناول امره في الاتي 1- حريته 2- محاكمته 3- التطبيع معه وخلينا عليك الله وشيخي شكر الله ننظر للجزئيات الثلاثة ديل كلا بتداعياته ونقلبها (بكل الفيوهات) كما كان في امر الرعديد الدروينغ وياريت تبطل تشيل (الترابي) في مجمله وخلينا ننظر للامر بالاشياء المحيطة به..
-------- وياعماد عندي ليك اسئلة فوووق ياخي ختيتها ليك علي هامش حوارنا بتاع امس وعليك الله لو لقيت مساحة وزمن (اعمل فيها ) حاجة
|
Post: #469
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-04-2011, 07:24 AM
Parent: #465
صباح الخير
يا كيكي كيفك كل شوية أتاوق عايز ادخل لكن الشئ ده لافي بسرعة والإيقاع بقى اسرع على العموم التحية لك ولجميع المتداخلين فعلا البوست افرز اشياء جميلة وراقية كنا نفتقدها في هذا المنبر على العموم أتمنى الجميع أن يتفقوا على نقاط يستفيد منها الجميع وتكون نواة لأشياء مستقبلية نستطيع من خلالها توحيد جهودنا من أجل تصحيح اشياء كثيرة ومفاهيم مغلوطة كثيرة ، وحتما مهما اختلفنا سنجد الطريق خصوصا وأنتم تديرون حوار هادئ جادي ومفيد واقلام جميلة، ولعل الجميع يسعى نحو شئ واحد هو مصلحة السودان ونهضة السودان.
كيكي إن شاء الله تكون اقتنعتت بان معارضة المعارضة شئ مفيد؟؟
|
Post: #466
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-04-2011, 07:13 AM
Parent: #464
و يا كيكي و سهام واحمد في مسألة د. الترابي في جانب مبدئي و عام لكل انسان الحق في أن يكون إعتقاله قانوني و ان يقدم لمحاكمه عادله في ظل قضاء نزيه و دستور و قانون يحفظان حقوقه. و دي بي يخش فيها أي زول حتي د.الترابي. لكل أنسان الحق في التعبير ... و حق التعبير السياسي خصوصا بما لا ينقص من حقوق الآخرين(زي يحض علي العنصريه و كدا). و دي بي يخش فيها أي زول حتي د.الترابي. *الترابي بلا شك متهم بتجاوزات كبيرة في حقوق السودانيين و السودانيات و يجب محاكمته علي هذه التهم. * للترابي حزب سياسي ناشط ،أنا بالنسبة لي انو لو ماالحزب إعتذر و بصورة واضحه عن تجاوزاته عندما كان جزءا" من الإنقاذ، و قدم أعضاءه الذين اسهموا بصورة مباشرة سواء بالأمر أو بالمشاركة او بالموافقة علي التجاوزات في حقوق السودانيين/السودانيات للمحاكمه، إذا ما عمل كده فهو حزب غير ديمقراطي ولا يجب التحالف معه للإتيان بالديمقراطيه من حيث المبدأ.
أها انا في شوفي انتو متفقين معاي ، بس السؤال "هل هناك في نظام الإنقاذ فرصة لمحاكمة عادلة؟"
|
Post: #467
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-04-2011, 07:15 AM
Parent: #464
Quote: الأجابه : أنا كنت عضو في الحزب الشيوعي ، و هسه ما عندي حزب |
لا والله يا عمدة , نحن ما ناس اسئلة تعسفية زى حقت ناس كيكى دى اديك هنتات تانى , يا اخى السؤال ليه علاقة بالمين رود وناس من كلية تانى برا السنتر ولو بتتذكر دايما مشاغلاتى معاك كانت بخصوص الموضوع دة
|
Post: #468
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-04-2011, 07:18 AM
Parent: #467
أها شفتا دا السؤال التاني : طيب ... لا لا و الله ... ما حصل نصيب ...
|
Post: #470
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-04-2011, 07:32 AM
Parent: #468
Quote: كيكي إن شاء الله تكون اقتنعتت بان معارضة المعارضة شئ مفيد؟؟ |
هلا يا ابو الاشواق والبوست فعلا مغري ومحفز للنقة في حضور الناس الحلوين ناس ابو صلعة ديل والحوار هادي والحمد الله مافي (كورة ضاغطة) وكركبات كما هو الحال في سودانيز حيث الكركبة...
- ومعارضة المعارضة دي لو خليناها( نقد المعارضة) بتكون كويسة معاي والاكوس طبعا يكون في نقد للمعارضة ومعارضة للحكومة والنقة دي قلناها فوووق يا شوقي.. ولكن اعارض المعارضة واخت سفتي واتقنقز واعمل نايم من (الحكومة) كده القصة بكون فيها ملعوب
وحبابك
|
Post: #471
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-04-2011, 07:36 AM
Parent: #468
تعرف يا كيكي الأسئلة بتاعتك دي في الشكل ساهله لكن لو غتست جواها بي تلقاها صعبة خلاص، و بيني و بينك دي الهموم الدايمه لي الزول البي يشتغل و سط الناس أكان مثقف و لا ناشط انساني ولا حزبي بالجمبه كدا تعال نعاين لي القضايا دي * العنصريه *ذوي الإحتياجات الخاصة *قضية المرأة عارف المجتمعات الإنسانية في مجملها ما فيها مجتمع قدر يتخلص من المشكلات دي، و حتي في المجتمعات القدرت تنجز مكتسبات دستورية و قانونيةو إقتصادية و إجتماعية لصالح الفئات المضطهده، برضو مازال علي مستوي الوعي الإجتماعي يمارس إضطهادعنيف علي هذه الفئات المهمشه. عشان كده المطالبه بالديمقراطيه و دولة المواطنة و الحقوق و الحريات و الدستور و القانون و القضاء النزيه، ما عشان المشاكل دي حا تتحل بي ضربة معلم، لكن عشان الحاجات الفوق دي بي تدينا إمكانية نمشي لي قدام في محاربة مشاكلنا.
|
Post: #472
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-04-2011, 08:20 AM
Parent: #471
Quote: عن الشخصية السودانية وتركيبتها من قضايا (المواطنة- والحقوق_ والحريات) والديمقراطية عموما وليه (التنوير) والتفاعل مع القضايا دي متاخر وفيهو متاريس كبيرة وجبال من الثلوج تقف في كل مرة امام الناس حتي يتم الوصول الي سيادة او موازرة تلك القضايا في كل قطاعات الشعب الفضل(واعين وما واعين) فهل الاشكالات في الاتي... 1- طول المدي الشمولي في الارض السودانية ومنذ الاستقلال 2- الممارسة السياسية في الاحزاب والتجربة الديمقراطية عموما 3- المنهج التعليمي وغياب دور الفرد كموسسة 4- اشياء مربوطة بالشخصية السودانية 5- غياب دور المثقف السوداني وطول المسافة ما بين المثقف والواقع او الانسان الغير مثقف وملم 6- الامية الغالبة وتشويش حول تلك المفاهيم لم تنتبه حتي الان جهة سودانية بحلها بطريقة جذرية دي مجرد اسباب قد تضيفو عليها او تنقص ولكن في اطار (عصلجة) المد بالحقوق والحريات والديمقراطية من الضروري نهابش معا ولو قليلا (المشكلة ووووين) ...و(الحل ووووين) |
و الله يا عبدالكريم بعد ما كتبت ليك كلامي الفوق دا لقيت انو دي ما إجابة و الإجابة ممكن تتكون في بوستات كتيره كل واحد يهبش حته مختلفة يعني مثلا" * طبعا" بي تكون عارف انو في التاريخ السوداني هناك ملكات نساء، و بي تكون لاحظت انو رغم سيطرة الثقافة العربية الابوية علي المجتمع السوداني لفترة تاريخية طويلة، إلا انو للنساء السودانيات دور في المجتمع يتعدي الدور النمطي المرسوم لهن من قبل الثقافة العربية (ودي تجلي حضارتنا الاصلية). انا رأيي العنصريه و الكبت و عدم الديمقراطيه دا كلو أساسو تبنينا لي الثقافة العربية الأبوية. *الإستعمار و دورو في إجهاض التطور الطبيعي للمجتمع السوداني وتركيبو لي منجزات الحضارة الأوربيه (مقصود:النظم،الثقافة و الأحهزة) تركيبهاعلي قاعدة مختلفةالتطور الإقتصادي/الإجتماعي والتركيب كان تعسفي ولخدمة أغراض المستعمر من نهب لمقدرات البلاد و سيطرة ثقافية و إجتماعية. يعني إتخيل بدل الفكي/الكجور/المعلم الديني و الزمني دخل الحكيم و الأستاذ و بدل شيخ السلطان/القبيلة(السلطه الدينويه) دخل الضابط الإداري و مع دخولهم تحولت و ظيفة الكجور/الفكي والسلطان/ شيخ القبيلة من وظائف لقيادة تطور المجتمع الي أدوات للسيطرة الإستعمارية و التجهيل. دخلت منجزات الحضارة الغربية و تم تركيبها مع ماهو موجود تعسفيا" لإحكام السيطرة الثقافية/الإقتصادية/ السياسية علي المجتمع (دا بي يذكرني لما إشتغلت في السكه حديد، و تلقي الناس بي يتواصلوا بي الفاكس و التلغراف ويمكن هسه بالألياف الضوئية و كلو مع بعض ...إتخيل). الداير أقولو بي إختصار نحن مكوجنين ... ناكرين جذورنا و منجزاتنا الحضاريه و مغبشين الوعي بالحضارة العربية الإحتصناها تعسفا"(زي الراقده فوق بيض غيرا) و نخبتنا بي وعي أو بي وعي بي تمجد و مثالها الأعلي الحضارة الغربية.
|
Post: #473
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 04-04-2011, 09:03 AM
Parent: #472
أحمد التجاني يا هندسة الكرسي بقى كويس والحمد لله
|
Post: #474
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-04-2011, 09:34 AM
Parent: #473
Quote: أحمد التجاني يا هندسة الكرسي بقى كويس والحمد لله |
الى حين يا حبيب .... الا تبطل اللف والفرملة وتساعدهم بريجيم كارب خالى من الطحنية بالعسل والباسطة ام زيت
|
Post: #475
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-04-2011, 10:01 AM
Parent: #474
هلا يا عيدوس.. 1- الثقافة الابوية العربية 2- وسياسات الاستعمار
وبجييك براوقة للنقاش
--------------
احمد تجاني وود الصايم ماشاء الله وتبارك شيخي شكر الله شايفكم عندكم اهتمامات (رجيمية) مشتركة والله يهون القواسي ويقلل لحوم المواشي..
وسنتابع
|
Post: #476
Title: Re: شوقي سليمان تعال علمنا ماسمتك النضال....!!
Author: محمد عبد الماجد الصايم
Date: 04-04-2011, 10:10 AM
Parent: #475
الكُرسي بقى يطقطق يا كيكي .. فلازم نتصرّف وكـدا!!
|
Post: #477
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-04-2011, 10:51 AM
Parent: #476
Quote: الكُرسي بقى يطقطق يا كيكي .. فلازم نتصرّف وكـدا!! |
ياعمك انت الا تشوف حسين خوجلي وتشوف كرسيهو بجيبو من ووين
قيل والعهدة علي الراوي واحد قال لحسين خوجلي والله يا حسين برنامج سمح ياااخ وضيوفك حلوووين ونضامين ولكن المحيرني يا حسين كرسي يقعدك ويخليك متوهط كده لقيتو وووين
|
Post: #478
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-04-2011, 06:10 PM
Parent: #477
Quote: طيب ... لا لا و الله ... ما حصل نصيب ... |
والله يا عمدة ياهو سؤالى زاته , ويعلم الله كنت ح اكون سعيد لو حصل نصيب لكن زى ما بقولوا اخوانا الليبيين الله غالب
|
Post: #479
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-05-2011, 07:17 AM
Parent: #478
Quote: 1- الثقافة الابوية العربية 2- وسياسات الاستعمار
|
هلا يا عمدة واسمح لي اضيف سياسات الدولة السودانية الحديثة او دولة ما بعد الاستقلال ولمن نقول دولة طبعا بالتاكيد بنعني (حكومة- واحزاب وكيانات المجتمع المدني وكل مكونات المجتمع التي يتوقع ان تصنع وعي وتغيير نمط الادمغة).. سودان ما بعد الاستقلال وحتي الان لم يجد مشروع مطبق وهو مستوعب كل الواقع بعملية ومنهجية ومتفهم للتناقضات في المشكل السوداني (حلوة المشكل دي)..والتغيير لو ما هابش الانسان البسيط ده في مخيخه وبصورة موثرة ومنهجية ما بكون تغيير حقيقي وما بخلي الانسان يستوعب الاشياء المحيطة حوله بوعي واداراك وانتماء.. السودان بلد جميل ياااخ وملان اشياء ملهمة بسسسسس دايرة ليها خجة ورجة عميق واستراتجية صبورة وناكرة ذاتها وبعيدة كل البعد عن امراض النخبة واطماعهم الانية والاستعجال لسيادة المشاريع الاحادية الجيعانة..وبطريقة متكاملة(اجتماع- سياسة- اقتصاد- تنمية) فهل من عشم هل..؟؟؟ ---------------------------------
|
Post: #480
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-05-2011, 07:26 AM
Parent: #478
Quote: *الإستعمار و دورو في إجهاض التطور الطبيعي للمجتمع السوداني وتركيبو لي منجزات الحضارة الأوربيه (مقصود:النظم،الثقافة و الأحهزة) تركيبهاعلي قاعدة مختلفةالتطور الإقتصادي/الإجتماعي والتركيب كان تعسفي ولخدمة أغراض المستعمر من نهب لمقدرات البلاد و سيطرة ثقافية و إجتماعية. |
أها الدوله المشوهة الأنجزها المستعمر و الشالت من ما كان عندنا في المجتمع ما يصلح كأداة للسيطرة من و ظائف إدارية وتعليميه و إجتماعيه وطمست قلبه التنويري و ما ينسجم مع التطور الطبيعي للمجتمع السوداني و بدلت هذا القلب بما يخدم مصالح المستعمر. لم تنتبه النخبه التي أتت بالإستقلال أن الدولة و الوعي الذي تم تصميمه بواسطة المستعمر ليسمم الوعي المجتمعي القديم و يغبشه ليخدم دولة أخري ،ما ممكن يخدموا قضايا تطور مجتمعنا.ما إنتبهوا دي تخفيف للحقيقه بالمناسبه، لانو الحقيقه إنو النخبه التي تولت أمر الدولة و الخدمة المدنيةأبقت علي تصميم المستعمر للدولة و للمجتمع فقط أحلت نفسها مكانه وبقي النهب الكان بي يحصل للدولة و يمشي للاجنبي بي يمشي للنخبه المشوهة التي تسرق أهلها.
|
Post: #481
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-05-2011, 08:33 AM
Parent: #480
بالضبط يا عماد ولنا ان نضيف بان الدولة المشوهة المنتجة من قبل الاستعمار لا زلنا وحتي الان نعاني من تشوهاتها وحتي محاولة (الفكاك) من المشروع الاستعماري تقوم مشاريعها بقصور واضح تداعياتهوافرازاته (بتزيد الطين بلة).. والاستقطاب الاساسي لوعي المواطن يتم عبر اطلاق بالونات الاستقطاب الهلامية الفهم للدين وللمواطنة والحقوق والنخبة في حراكها حول كراسي السلطة تشحن هذه البالونات باجندتها وعبها تسيطر علي (وعي المواطن) وتحييده وتغبشه من حقوقه الاساسية...!! الفعل التنويري المضاد ايضا منغمس في طواحين (سياسية زرق اليوم باليوم) ومنهمك في معركة (الانية)... والصراع (الراسي) هو سيد الموقف خصما علي المسير في الاتجاه الافقي الذي ينمي مقدرات ووعي (المواطن البسيط)..
وسنتابع
|
Post: #482
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-05-2011, 10:25 AM
Parent: #481
انا يا كيكي بكتب ليك أراء ما دراسة اكاديميه و ممكن جدا" تكون غلط، و كمان بحاول اكتب عن جذور الاشياء اللي لي هسه تجلياتا في الواقع غالبنا نقلعا ، يعني مثلا" مسألة العنصرية و العبوديه. بالنسبة لي العنصرية وكت التاريخ الأنساني في بداياتو كانت الجماعات الأنسانية(العشائر‘ القبايل) بي تتصارع علي ما تجود بيهو الطبيعه وعشان تتميز كل جماعه عن التانيه كانت هناك الأوشام وغيرها من العلامات ، غير العلامات الماديه كان هناك التقسيم النفسي( نحن / هم)، في مسار الصراع دا علي ما تجود بهاالطبيعه كل جماعه انتجت الوعي الذي يعلي من شأنهاو يربط بين أفرادهاويزري بالجماعات الأخري.(العنصرية). لما الأنسان تطورت(تقرأ ..إختلفت) علاقتو مع الطبيعه بعد ما كان يعتمد علي ما تجود به من حيوانها و نباتها وجمادها، لما إتطورت علاقتو بالطبيعه و تحول موقفه الي جدل مع الطبيعه زاتها (يربي الحيوان بدل أن يصطاده ، يزرع بدل أن يلتقط من الجاهز) تطورت مع هذا التطور أدواته ولكن طبيعة العمل في تلك الظروف و لازمان طويلة تالية كانت تتطلب التدخل البشري الكثيف (لذا تجد أن من بقايا وعي التي لازالت في الوعي الجمعي السوداني تلك الفترة الإهتمام بكثرة النسل). هذا الإحتياج الي التدخل البشري الكثيف زائدا" التنازع علي أفضل الامكنه للماء و الكلأ مع وجود و تطور وعي (نحن/هم) اوجد الحروب و في الحروب الإنتصار و الهزيمة، و المهزوم يوفر أيدي عاملة تساعد علي زيادة الإنتاج الشحيح (إلا أنه و في تلك الازمان كان المهزوم يتم تحويل هويته و يندغم في العشيرة/القبيلة الجديدة) و لاحقا" مع تضخم الوعي بال (نحن) لدرجات قد ترفع عشيرة ما الي درجة أبناء الآلهه و تزري بالعشيرة المنافسة الي مصاف الحيوانات ،أجاز هذا الوعي تملك العبييد. مصداقا" لما كتبته أنه و عند أنفجار الثورة الصناعية و تطور الآلة لتحل مكان الإنسان و بتكلفة أقل و أنتاج أكبر بكثير جدا" من ما ينتجه الأنسان، ظهرت مسألة تحرير العبيد و محاربة العبودية و إن كان الوعي الذي تضخم و ضربت جذوره في أعماق التاريخ السحيقة مازال حيا" ليزري بالأنسان المضطهد و يقلل من إنسانيته، يمارس هذا العنف الإجتماعي بوعي من قبل النخبة المسيطرة وبدون وعي من قبل المجتمع الذي يغرف من هذه الأبار ال######ة المنسية في الوعي الجماعي.
|
Post: #483
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-05-2011, 05:31 PM
Parent: #482
Quote: الكُرسي بقى يطقطق يا كيكي .. فلازم نتصرّف وكـدا!! |
سلامة الكرسى يا ودالصايم لكن شوف عينى فى كرسى تانى قاعد يطقطق وخايفه عليهو من متلازمة القفة !!!!!!
|
Post: #484
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-05-2011, 06:06 PM
Parent: #483
شنو يا جماعة قلبتوها نقة مثقفين وكلام مؤطر ومؤدلج بتطردوا فينا بالبارد انا وود الصايم ولا كيف؟
|
Post: #485
Title: Re: شوقي سليمان تعال علمنا ماسمتك النضال....!!
Author: د.نجاة محمود
Date: 04-05-2011, 06:09 PM
Parent: #483
Quote: ولنا ان نضيف بان الدولة المشوهة المنتجة من قبل الاستعمار لا زلنا وحتي الان نعاني من تشوهاتها |
سلامات اعتاد الناس يجو يعلقوا في الاستعمرا خيباتهم
الاستعمار ترك ستتم منضبط للخدمة المدنية عامة سستم قمنا نحنا برانا فككناه لما حاولنا نبني دولة اشتراكية بعد انقلاب مايو بدات بعد داك تظهر ظواهر العطب والانهيار الى ان درات درتها كاملة في عهد الانقاذ
ماليزيا كانت مستعمرة من قبل بيرطانيا العظمى ونالت استقلالها بعدنا بسنة مشت بنفس السستم حق الخدمة المدنية الذي تركه الاستعمار الى الان وما غيرت اي حاجة بل حسنت السستم . اي حاجة ماشة تمام كل المؤسسات ماشة تمام برلمانهم ماشي تمام السياسة ما حاجة مهمة في الدولة مشالكهم لا تأثر على المواطن.. حاجة واحدة اتفق عليها الجماعة ديل هي محاربة الشيوعين والحيلولة بينهم وبين مؤسسات الدولة . حرب ضروس في غابات ملايا.. ودا السبب انه السستم و وطريقة المناهج التعليمية والنظام التعليمي لدرجة الى الان يدخل التلميد المدرسة في سن السابعة القطارات المواصلات اي حاجة ماشة بسستم وخطط زمنية تراجع بواسطة مختصين اول باول وتعدل دا السبب الخلاهم يشابو انهم حيكونو دولة من دول العالم الاول سنة 20 20 لكن شف السودان النكسة حقت مايو دي بعداك تغيير المناهج الدراسية الى النظرية الاشتراكية وبعداك تغير تاني وتغير السلم التعليمي اي زول يجي يجرب فينا تجربته لا يوجد سستم ولا مؤسسات ولا اي حاجة بتكل عليها. دا السبب حق انيهار الدولة السوانية الدولة العاجزة انها تقدم اي حاجة للمواطن مقابل ضرائبه وعمله. ياريت يرجعو السستم الخلاهو الاستعمار ويطوروره عشان على الاقل ناب على وجه الدنيا ما نكون دولة فاشلة ما تقدر حتى تحمي الريفنيوز حقتها وخاتها في السهلة بلا ضوابط ختى بقى اي زول فاسد..حاكم المال السائب بيعلم السرقة
|
Post: #486
Title: Re: شوقي سليمان تعال علمنا ماسمتك النضال....!!
Author: الصادق اسماعيل
Date: 04-05-2011, 07:38 PM
Parent: #485
د. نجاة
لا أعتقد أن هناك تغيريات اشتراكية كبيرة جاءت بها مايو، بل حتى التأميم الذي تمّ كان اول المعترضين عليه هو الحزب الشيوعي، الإتحاد الإشتراكي لم يكن تجربة شيوعية بل هو تقليد أعمى للتجربة المصرية، المنهج التعليمي تم تغييره ليواكب المناهج العربية، كما لا يخفى عليك أن محي الدين صابر المسؤول عن هذا التغيير هو عروبي التوجه، الخدمة المدنية والتغييرات التى تمت في مايو وقف وراءها جعفر محمد على بخيت (القفز بالزانة). فتجربة مايو لم تكن شيوعية بأي حال من الأحوال، ولكن سيطرة عليها النزعة العروبية في أغلب فتراتها، والتدمير الذي طال كل مؤسسات الدولة نتج عن محاول تطبيق نماذج خارجية لا تمت للواقع بصلة، مثل التجربة المصرية) الإتحاد الإشتراكي الناصري، والإنفتاح الساداتي دون النظر للواقع السوداني. بالطبع هناك الكثير مما يمكن ان يقال ولكن هذه ملامح عامة لتوضيح أن مايو لا يمكن أن نطلق عليها بسهولة أنها كانت شيوعية اشتراكية في أي مرحلة من مراحلها.
|
Post: #487
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-05-2011, 08:44 PM
Parent: #486
Quote: اعتاد الناس يجو يعلقوا في الاستعمرا خيباتهم
الاستعمار ترك ستتم منضبط للخدمة المدنية عامة سستم قمنا نحنا برانا فككناه لما حاولنا نبني دولة اشتراكية بعد انقلاب مايو بدات بعد داك تظهر ظواهر العطب والانهيار الى ان درات درتها كاملة في عهد الانقاذ |
هلا يا بيان.. وبالتاكيد ليس من المنهجي تعليق كل (الخيبة السودانية) علي الاستعمار.. ولكن طالما كان هناك (ادارة للدولة السودانية في فترة من فتراتها من قبل سلطة دولة( ما) لها منهجها واستراتيجتها وسياسات تم تطبيقها في الارض السودانية(بكل موجوداتها) فمن الايجابي فرفرة الاثار الايجابية والسلبية لهذه الفترة ومحاولة دراستها وفهمها بصورة عميقة حتي تساعد في اصلاح الحال والاحوال).. والاستعمار ودراسة اثاره في السودان جزئية مهمة ففي ظني انها الفترة التي تم تمرير سياسات بوعي واجندة محددة كانت تريدها بريطانيا (كونها عارفة هي عاوزة شنوو من السودان) وفهمهم للشخصية السودانية وكيفية حكمها في ذلك الزمان... الرعيل الاول الذي اتي ما بعد الاستقلال ورغم انجازهم التاريخي الكبير في رحلة النضال ضد الاستعمار الا ان التجارب الاولي للحكم في السودان وحتي التجارب اللاحقة وحتي زمانات الانقاذ كانت مشبعة بالكثير من التسطيح علي مستوي الفهم لماهية السودان وكيفية ادارته لذا نري التخبطات تارة بالمشروعات لاحادية وتارة بديمقراطيات لن تصمد طويلا ومليانة بالاشكالات ذات الصبغة المزمنة التي تعيق التفكير الاستراتيجي بما فيها (استراتيجية توطين الديمقراطية دي في روحها) لذا ما قبل الاستعمار لنا اشكالات الاستعمار له اشكالاته وتراكمت الاشكالات في حكومات ما بعد الاستقلال بما فيها عبود نميري بمشروعه المكوجن اضاف الكثير وعمق هذه المشاكل الانقاذ هي الفترة التي وجدت كل هذه الاشكالات طريقها الي السطح بصورة واضحة(تخلف- عنصرية- فشل دولة صراع الهامش والمركز... فهم الدين والدولة الدينية- سيطرة المشاريع الاحادية...امراض النخبة) وهكذا دواليك
|
Post: #488
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-05-2011, 08:55 PM
Parent: #487
Quote: شنو يا جماعة قلبتوها نقة مثقفين وكلام مؤطر ومؤدلج بتطردوا فينا بالبارد انا وود الصايم ولا كيف؟ |
هلا يا صلعة
والقصة بقت كلامات مثقفاتية وده شعر انتو ماعندكم ليهو كرسي
وما ماشين بعيد يا احمد من (الرمادية) والنقة دي محاولة اركلوجية للحفر عشان نشوووف الدخنة الفينا كلنا دي جاااايا من وووين.... وياريت نقدر نعرف..
وحبابك يا بييييييير يا سهام
ومرحب يا الصادق اسماعيل وحبابك كداعم لوجستي لاثراء النقاش
واذا ضروري سنتابع
--- عمدة لسسع جاييك في النقة الفووق دي
ومرحب
|
Post: #489
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-06-2011, 06:33 AM
Parent: #488
Quote: وما ماشين بعيد يا احمد من (الرمادية) والنقة دي محاولة اركلوجية للحفر عشان نشوووف الدخنة الفينا كلنا دي جاااايا من وووين.... وياريت نقدر نعرف.. |
لا لا لا .... فى الحالة دى انا ح اضطر اجيب محمد E , عمدة دة بطبعه حنين وود البشرى مشغول اليومين دى وشوقى ما عارف اكون فى السودان اخد حبوب منع العكلتة وانا العندى كملته فاحسن نجيك من الاخر كدة ونجيب الحبشى ولا بالعدم اساسى عشان يعرشوا , ما فاضين نحن للمحاورات والزوغانات حقتك دى
|
Post: #490
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 06:43 AM
Parent: #489
Quote: لا لا لا .... فى الحالة دى انا ح اضطر اجيب محمد E , عمدة دة بطبعه حنين وود البشرى مشغول اليومين دى وشوقى ما عارف اكون فى السودان اخد حبوب منع العكلتة وانا العندى كملته فاحسن نجيك من الاخر كدة ونجيب الحبشى ولا بالعدم اساسى عشان يعرشوا , ما فاضين نحن للمحاورات والزوغانات حقتك دى |
لوووووووووووول كلو مرحب بيهو وفي البوست ده خالك كورتو راااااايقة وفاااااايقة وناسك ديل لو جبتهم حررررررم اضبح ليهم خروف بس يلتزمو لي بقواعد اللعبة
|
Post: #491
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 07:19 AM
Parent: #489
Quote: ماليزيا كانت مستعمرة من قبل بيرطانيا العظمى ونالت استقلالها بعدنا بسنة مشت بنفس السستم حق الخدمة المدنية الذي تركه الاستعمار الى الان وما غيرت اي حاجة بل حسنت السستم .اي حاجة ماشة تمام كل المؤسسات ماشة تمام
|
د. نجاة و المتداخلين أنا لما إتكلمت عن الأستعمار بإ عتبارو وقف التطور الطبيعي للمجتمع (البي تقوده قوي التنوير في نفس المجتمع) . و ما عندي كلام عن تطور نظم و أدوات المستعمر في الوكت داك و إنها منجزات متقدمه و مكسب للشعب السوداني (طيب المشكلة وين؟) المشكلة أنو كل الحاجات الكويسة دي ما إتعملت عشان نحنا ناس مساكين و متخلفين و هم دايرين يطورونا ( و زمان دي حجه بي يقولها المستعمرين) الفكره الأساسية أنو المستعمر بي يساهم في تحديت الطرق و البنيات التحتيه و النظم الإدارية بقدر ما هذا التحديث بي يساهم في زيادة ما ينهبه من البلد. دي واحدة. الجزء الأخطر الإتكلمت عنو انو المستعمر بي يقوم بي تحويل الوعي و الثقافة الموجودة ويستخدمها في إستدامة السيطرة و التفريق بين أبناء الشعب الواحد. و بي يخلق نخبة مرتبطة بيهو و بي ثقافتو( و ينالهم نصيب من خيرات البلد) و غالبيةكادحةو مهمشة. بالنسبة لي مايزيا كنت عاوزك يا دكتورة تتكلمي عن الأنحيازالسياسي/ /الإقتصادي/الإجتماعي للدولة الماليزية تجاه الأغلبية من الملايو والذي أنجز بوعي سياسي متقدم لأن الأستعمار كان منحازا" لأقليات صينية و من جنسيات أسيوية أخري سلمها قيادة البلاد لتساعده في نهبها.(دي واحدة من الحاجات البؤمن انها مفروض تطبق عندنا)
|
Post: #492
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 07:32 AM
Parent: #491
Quote: ياريت يرجعو السستم الخلاهو الاستعمار ويطوروره عشان على الاقل ناب على وجه الدنيا ما نكون دولة فاشلة ما تقدر حتى تحمي الريفنيوز حقتها وخاتها في السهلة بلا ضوابط ختى بقى اي زول فاسد..حاكم المال السائب بيعلم السرقة |
السيستم (النظمو التقنيات البي تدعم النظم) مهمه جدا ، لكن أهم منها يا د. نجاة ال Vision (الرؤية و الفكرة و الوعي) السايق النظم لي اهداف غايتها السودانيين كل السودانيين، النظم أدوات و أدوات مهمه، لكن الأهم منها أنو نتاج النظم و الأدوات دي كابي وين. و أنا رأي لأنو النخبه عندنا كان وعيها مشوه بسبب الرؤيه الاستعمارية الحضنتهم علي أنهم هم اسياد البلد، وذات الرؤية همشت سواد الناس من السودانيين، فلا النخبة حافظت علي الموجود و لا المهمشين دافعو عن المكاسب لانهم اساسا" ماعندهم ما يخسرونه بفقدانها لانهم مهمشين.(قالو الأعور طبظو في عينو، قال: خسرانة خسرانة.
|
Post: #493
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 07:41 AM
Parent: #492
Quote: شنو يا جماعة قلبتوها نقة مثقفين وكلام مؤطر ومؤدلج بتطردوا فينا بالبارد انا وود الصايم ولا كيف؟ |
عارفك يا ود التجاني مليان كلام و كلام عن اسباب و جذور مشاكل البلد، عليك الله ما تتزاوق و كب نقتك هنا ... و رايي انو ميزتك حاتشيل منها ما أطر و ما تأدلج و تختها هنا كمونية حارة ( صورة طبق الأصل: لمحمد الصايم و أساسي ظاطو)
|
Post: #494
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 08:08 AM
Parent: #493
Quote: وما ماشين بعيد يا احمد من (الرمادية) والنقة دي محاولة اركلوجية للحفر عشان نشوووف الدخنة الفينا كلنا دي جاااايا من وووين.... وياريت نقدر نعرف.. |
شايفين يا ود البشري و يا ود الصايم و يا ود التجاني كيكي دا كل مره يقول ليك "كان طارت غنمايه" .. يا كيكي ياخ قلنا ليك عاين بي ايجابيه الجاب الدخنه هنا شنو؟ الرمادي قلنا ليك موقف إيجابي غير محكوم بايدولوجيه بي تحاول تفسر الواقع بما فيه و باسبابه المنطقيه ما بي محفوظات و نظريات في عقل الزول صاحب الأيدلوجيه. شيل كلمة دخنه دي بعيد، أنا عندي الرمادي هو الأقرب لإدراك مشاكل البلد و حلحلتها ، لأنو كل الأحزاب السودانيه القديمه و أيدولوجياتها هي جزء من المشكلة ، و لن تكون جزءا" من الحل إلا بدفع الرماديين .
|
Post: #496
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 08:18 AM
Parent: #494
Quote: كيكي دا كل مره يقول ليك "كان طارت غنمايه" .. يا كيكي ياخ قلنا ليك عاين بي ايجابيه الجاب الدخنه هنا شنو؟
|
ياعمدة بالله اصلح معانا ياخ وافهمني كويس الدخنة الفينا المقصود بيها (دخنة الوطن) واشكالاته بصورة عامة وبعدين يا هندسة قمة الايجابية هي ان تقول هنالك (دخنة) في الاشياء وان تفلفل الامور حتي تصل الي (موطن) هذه الدخنة ومحاولة فهم موطن هذه الدخنة؟؟
Quote: شيل كلمة دخنه دي بعيد، أنا عندي الرمادي هو الأقرب لإدراك مشاكل البلد و حلحلتها ، لأنو كل الأحزاب السودانيه القديمه و أيدولوجياتها هي جزء من المشكلة ، و لن تكون جزءا" من الحل إلا بدفع الرماديين . |
وبعدين يا عمدة احنا لسسع مختلفين في ماهية الرمادي وكل زول فينا شايت فيها بفهم مختلف عن الثاني انا الرمادي بتاعي البقصدو (القياس) يتم من القضايا الاساسية للمواطن وحقوقه...وانت رماديك حاجة تاني... ولقدام لو النقاش مشي لقدام قد نصل الي تعريف مشترك او لا..؟ -- وياعمدة برضو عشان نفهم مع بعض الجزئية الاخيرة في مساككة الازمة او المشكل السوداني الانطلقت من اسئلتي ليك كنت عاوز نفرفر بوراقة الاشكال ووووين والدخنات ووووين البتخلي (انسان )وهو ملم بحقوقه ويعمل علي تغبيشها وتابع التسلسل الهرمي للنقاش يا هندسة عشان نصل يااااخ
|
Post: #497
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-06-2011, 09:37 AM
Parent: #496
Quote: ووووين والدخنات ووووين البتخلي (انسان )وهو ملم بحقوقه ويعمل علي تغبيشها وتابع التسلسل الهرمي للنقاش يا هندسة عشان نصل يااااخ |
اها ..... رجعت تانى لضلالك القديم نسفت كل المكتسبات حقت الاربعة صفحات والاتفاقات الكبيتها هنا وكمان اضفت للرماديين (تطير عيشتهم) صفة الغباء زيادة على حاجاتكم الرميتوهم بيها سابقا
|
Post: #495
Title: Re: شوقي سليمان تعال علمنا ماسمتك النضال....!!
Author: عمار زكي
Date: 04-06-2011, 08:18 AM
Parent: #116
نتابع معكم باهتمام بالغ واصلوا
|
Post: #498
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 09:50 AM
Parent: #495
Quote: اها ..... رجعت تانى لضلالك القديم
|
لوووووول يا احمد الاتفاقات الحصلت فوووق دي كلها ما حصل اتفاق علي ماهية الرمادي وانا (الرمادي بتاعي ) (غير) وعماد البتفاصح ده زااتو في الون الدور بيننا فرز معاي الحكاية دي (لزول عارف) وعامل نايم وكركبة.. وزول (ماعارف) وقلنا (الزول الماعارف) ده مسئوليته فوووق رقابنا جميعا والزول العارف وعامل نايم وعامل كركبة وعاوز يمرر اجندة ومخططات خلف الكواليس ده (مفروض ينتاقش) وقيل في الاثر ايضا يقبقب كلا حسب حاله واحواله ,,, عرفو (لينا) الرمادي وخلونا نقول (ايوووه ده التعريف الاولمبي للرمادي) وبعدها تعالو زرزوني ودقوني دق العيش لو قديت سلك الاتفاقيات دي تاني
--------
وحبابك يا عمار زكي ومرحب بيك يا اسكول وسعيدين بالمتابعة والحضور
|
Post: #499
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 10:44 AM
Parent: #498
يا كيكي ... انا قلت ليك
Quote: الرمادي قلنا ليك موقف إيجابي غير محكوم بايدولوجيه بي يحاول يفسر الواقع بما فيه و باسبابه المنطقيه ما بي محفوظات و نظريات في عقل الزول صاحب الأيدلوجيه.
|
و قلت ليك برضو
Quote: أنت عارف يا كيكي المشكله وين؟ أنت بي تقول (رمادي == الموقف المائع == الموقف الكعب) انا بقول ( رمادي == الموقف المختلف) |
و برضو
Quote: وتاني عشان حكاية التصنيف دي... ما تصنف الناس الرايو كعب قول ليهو رايك كعب (في محلو ... في بوستيهو) و ما تعمم رايك دا علي اصحابو الإسفيريين ببساطه لانو ممكن يكونو ما متفقين معاهو.يعني بالعربي كدا كل رمادي معلق من عصبتو |
أو زي ما إنت قلتا
Quote: او افرزو لكل رمادي حقو وخلوه يتصرف برااهو |
أها الكلام دا لو سالت ود التجاني ولا ود البشري حا يكونو متفقين معاي في أجزاء كبيره منو ... الفضل شنو؟ فضل حاجتين:أولا" تغير لينا إنطباعك السلبي عن كلمة رمادي .. و تانيا" كل زول تحاكمو بي رايو البي يقولو ليك و ما تنزل عليهو حكم جاهز ،لأنو ممكن يناقشك ويقنعك و ممكن انتا تقنعو.
|
Post: #500
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 10:55 AM
Parent: #499
Quote: وانا (الرمادي بتاعي ) (غير) وعماد البتفاصح ده زااتو في الون الدور بيننا فرز معاي الحكاية دي (لزول عارف) وعامل نايم وكركبة..وزول (ماعارف) وقلنا (الزول الماعارف) ده مسئوليته فوووق رقابنا جميعا والزول العارف وعامل نايم وعامل كركبة وعاوز يمرر اجندة ومخططات خلف الكواليس ده (مفروض ينتاقش) وقيل في الاثر ايضا يقبقب كلا حسب حاله واحواله ,,, |
للدقه يا كيكي الكلام دا سياقه ما جا في سياق إتفاق لي تقسيم الرماديين لي واحد عارف وواحد ما عارف ، انا زاتي قلتا ليك الرماديين ديل ما مجموعة متجانسة إلا في أن رؤاهم و أراءهم تمثلهم هم فردا" فردا". المتفقين فيهو أنو ما عندهم مرجعية تنظيمية بي تملي عليهم أراءهم عشان كدا ممكن يشوفو عوجة أي زول ، و ما بي تمنعهم حرص وهمي علي مواقف مجموعة ما إنو يقولو ليها أخطأتي. الكلام الفوق دا جا في إطار الكلام عن الحقوق و الحريات و الديمقراطية و بي تنطبق علي اي زول أكان رمادي أكان بييج أكان وردي فاتح.
|
Post: #501
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 11:04 AM
Parent: #499
Quote: أها الكلام دا لو سالت ود التجاني ولا ود البشري حا يكونو متفقين معاي في أجزاء كبيره منو ... الفضل شنو؟ فضل حاجتين:أولا" تغير لينا إنطباعك السلبي عن كلمة رمادي .. و تانيا" كل زول تحاكمو بي رايو البي يقولو ليك و ما تنزل عليهو حكم جاهز ،لأنو ممكن يناقشك ويقنعك و ممكن انتا تقنعو |
هلا يا عمدة واساسا يا عماد (الراي) بتاعي عن الرمادي سليل تعريفي للرمادي (انطلاقا) من القضايا الاساسية القلتها ليك فوووق دي واي زول وااعي بالقضايا دي وعامل ليها دريبات (سيظل الراي بتاعي ) فيهو سلبي وسلبي جدا كونه نازع الي اقصاء الاخر وقمع حرياته.. والرمادي الجريت ليكم فيهو شريط من (اللون الرمادي) وشهرته كلون (محايد) وعلاقته بالابيض والاسود وجوده ماسكا عصاية في النص ده الرمادي الانا بعرفو وده الرمادي اللو مشيت اقرب (ملف)معني بالمواقف بتلقي معرف بالفهم والمعني ده( المحايد)...!!! هنا انا (بقيس) علي القضايا الاساسية والصراع من اجل الحريات... وده المرجع بتاعي في (الرمادية) ----------- انت بتقول عن (رمادي) اخر اتفقت معاك فيهو بمستوي خفيف (عندما قلت ليك سال لعابي) ولكن لوساعدتني وفرزت لي رماديك ده من (الرمادي) المعروفة خصائصه بصورة منهجية ويكاد يتفق علي هذه الخصائص الانسان في فولتا العليا وفي المكسيك ودخلت لي جزئية الحقوق الاساسية في (الرمادي بتاعك) ممكن نتفاهم ياعماد ياااخ....
وممكن تسميه اي حاجة (غير رمادي) لانو رمادي دي خلاص السيتنغ حوله حصل واصبح ماركة عالمية..!! ------- ومافي حكم جاهز يا عمدة بنزل بل تفكيك الخطاب والصبر حبة حبة هي انصع الطرق لنقد خطاب الاخر اتفاقا او اختلافا.. --------
|
Post: #502
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 11:37 AM
Parent: #501
Quote: وممكن تسميه اي حاجة (غير رمادي) لانو رمادي دي خلاص السيتنغ حوله حصل واصبح ماركة عالمية..!!
|
أها شفت يا كيكي هنا حا أنط ليك من كلامك لي واحدة من مشاكل المثقفين و الوعي الجمعي في السوداني، و هو أنو بشيلو التعريفات و المفاهيم المنجزه بواسطة ثقافة الآخر ،لآخر الذي إستعبدهم و إسترقهم و إضطهدهم و إستعمرهم (بدون تمحيص لدلالة للتعريف أو المفهوم و سياقاته الإجتماعيه/الثقافيه) و يجو يوطنوهو ليك في كلامهم العادي و بدون وعي يساهمو في تعميق التهميش في وعيهم هم ذاتم.أنت عارف لو في حساسية ثقافية حتي اللغة المحكية الشعبية المفروض يتم دراستها و تفكيكها لمصلحة إزالة خطاب الإضطهاد و التهميش. يعني يا كيكي في حالة بلدنا ما مفروض اصلو نرضي بالسيتنغ(الأعداد المسبق) او التفسير الجاهز، لأنو ماهو جاهز و منجز هزيل و بائس وهو سبب مانحن فيه الآن. يعني يا كيكي حتي لو مكتوب في كل القواميس و محفوظ من قبل كل الناس نحنا هنا في سودانيز دايرين رمادي معناهو يكون الرمادي موقف إيجابي غير محكوم بايدولوجيه بي يحاول يفسر الواقع بما فيه و باسبابه المنطقيه ما بي محفوظات و نظريات في عقل الزول صاحب الأيدلوجيه في مشكلة؟ ما باقي لي :)
|
Post: #503
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 11:48 AM
Parent: #502
Quote: واي زول وااعي بالقضايا دي وعامل ليها دريبات (سيظل الراي بتاعي ) فيهو سلبي وسلبي جدا كونه نازع الي اقصاء الاخر وقمع حرياته.. |
أي زول عندو موقف ضدي مسبق من قضاياالحريات والرأي أنا ما معاهو. دا موقفي أنا كرمادي ... أيي زول تاني تناقشو في كلامو دا إقتنع كان بها ما إقتنع تخت فيهو راي و أنا أخت فيهو راي. بس لا موقفي .. و لا الموقف الآخر ما بي يحكم أي رمادي تاني من إنو يختلف معاي أو معاك أو يكون ليه رأيو المتفرد
|
Post: #504
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 12:00 PM
Parent: #502
Quote: يعني يا كيكي في حالة بلدنا ما مفروض اصلو نرضي بالسيتنغ(الأعداد المسبق) او التفسير الجاهز، لأنو ماهو جاهز و منجز هزيل و بائس وهو سبب مانحن فيه الآن. يعني يا كيكي حتي لو مكتوب في كل القواميس و محفوظ من قبل
|
هلا يا عمدة.. والحديث معاك ذو شجون لذا ساجد نفسي (ناطي) ليك في كلامك ده نطة علي خفيف كده.. وكده ياعماد انت بتركل (المتر والكيلو والطن والميل...والكيلو واط ومقياس رختر-خصائص اللون الرمادي في الباقة الضوئية).. وكل الحاجات العندها استاندر ولغة عالمية مشتركة...!! (الراي الرمادي) في تعريفه العالمي ما بختلف من الحاجات المععيرة الفووق دي - انا ياعمدة ما برفض تطوير مكوناتناومفاهمينا المحلية ومحاولة سودانتها ولكن حتي السودنة دي بتشيلها كفكر سوداني بنمشي بيها للعالم وبنقول مثلا دي حاجاتنا واحنا في زمن (العولمة) وزمن المصطلح البتنجر الليلة في امريكا وبكرة بتلقاهو حائم في (لابتوب ) في القضارف لذا وفي هذه التطويرات من الضرورة نراعي (الوعي العالمي) (والستنغ) للاشياء الثابتة في المخيلة الانسانية المعاصرة... وعليه انا ما عندي خلاف في انو يكون في (رمادي سودانيز اونلاين) ولكن لمن نجي نتكلم عنو فلنقل (رمادي سودانيز اونلاين) وما نقول (رمادي) طالما ففي فهم (محدد في مخيلة انسانية في بقع من بقع العالم للرمادي ده) وممكن يقراهو في جريدته اليومية يوماتي رحيل... وبعدين انت ياااخ لمن عاوز تنجر (فهم سوداني) ما تنجر حتي (الكلمة) ولييه رمادي بالذات كونها بتخلق تشويش مصطلحي وبتعمل رجة في الفهم المشترك مع اي زول عاوز تطرح ليهو مصطلحك الجديد ده..؟؟
|
Post: #505
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 12:14 PM
Parent: #504
يا كيكي .. ياخ ما تلخبط لي الكيمان ، المصطلحات العلمية مع المصطلحات الإجتماعيه والفكريه :الكيلو ما في شبه بينو كلو كلو مع الرمادي هسه عليك الله شوف العلاقات الدلالات بتاعة الكلمات دي نور/أبيض/ملاك/صاح/كويس/جميل/قلبو أبيض/نيتو بيضاء/خواجه/عربي
ظلام/أسود/شيطان/غلط/أسود الوجه/قلبو أسود/نيتو سوداء/زنجي/أفريقي
براك إتكلم ووريني الفرق بين دلالة المصطلحات العلمية و المصطلحات البي تجي في سياقات الإجتماعي/الثقافي،العلمي كوني،لكن الإجتماعي/الفكري لازم يتم إنتاجه في مجتمعناو تتم غربلته فكريا" حتي نزيح عنه شحنة الإنحياز ضد المهمشين و المضطهدين.
|
Post: #506
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 12:22 PM
Parent: #505
غرضي من الدفاع عن كلمة رمادي(غير تعريفهاو تخليصهامن المحمول السالب) هو التالي: 1- الدفاع عن الموقف المستقل، ما ضروري أي زول موقفو يكون بالشبر و المتر متفق مع باقي الناس. 2- تبصير المعارضين بأن غير المنتمين لكم هم رصيد لدعمكم إذا ... و تاني إذا إلتزمتم الصدق و الحوار الندي (و ليس الوصائي) 3- لإعتقادي أن حال الرماديين في المنبر هو حال معظم السودانيين خارج المنبر، فإذا إنصلح حال المعارضين مع الرماديين في المنبر سينصلح حالهم مع الناس بالخارج.
|
Post: #507
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 12:25 PM
Parent: #505
Quote: يا كيكي .. ياخ ما تلخبط لي الكيمان ، المصطلحات العلمية مع المصطلحات الإجتماعيه والفكريه |
ياعمدة مافي لخبتة كيمان والاجتماع والفكر كلو (علم) والية البتنجر بيها (المصطلح) كلها الية واااحدة تعريف دلالات مرجعية وانت ياعمدة (عاوز تنجر) مصطلح (كييري) ساااكت كده ولا بمنهجية وتعريف كونكريت تفكو في البشرية دي كل زول يلقاهو في سكتو بعرفو من اول وهلة..؟؟ -----------
Quote: نور/أبيض/ملاك/صاح/كويس/جميل/قلبو أبيض/نيتو بيضاء/خواجه/عربي
ظلام/أسود/شيطان/غلط/أسود الوجه/قلبو أسود/نيتو سوداء/زنجي/أفريقي
|
ده كلها ياعماد توصيفات ليها (فلسفتها) وملامح معينة وتعريفات معينة وفي طريق نجرها مشت في نفس السكة بتاعة دلالات تعريف مرجعية -------- ده كلو يا بمنع انك تنتج (توصيفات لحالات سودانية) وتشحنها بدلالاتها المحلية ولكن ما تلبخت الكيمان مع توصيفات موجودا سلفا وافرز ليها عيشتها التوصيفية والدلالية والفلسفية وخليها اضافة جديدة ورصيد سوداني يضخ في الكون ده..
|
Post: #508
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 12:34 PM
Parent: #507
Quote: 1- الدفاع عن الموقف المستقل، ما ضروري أي زول موقفو يكون بالشبر و المتر متفق مع باقي الناس. 2- تبصير المعارضين بأن غير المنتمين لكم هم رصيد لدعمكم إذا ... و تاني إذا إلتزمتم الصدق و الحوار الندي (و ليس الوصائي) 3- لإعتقادي أن حال الرماديين في المنبر هو حال معظم السودانيين خارج المنبر، فإذا إنصلح حال المعارضين مع الرماديين في المنبر سينصلح حالهم مع الناس بالخارج. |
ياعمدة النقة الفوووق دي كلها ماعندي معاها اي خلاف وده كلام كويس جدا بس(الرمادي) دي كوب فيها موية وخليها (رمادي سودانيز) وثبت المصطلح ده بطريقة ممكن توطنو في الوعي بتاع المنبر للقراء والاعضاء (يعني انشرو في الجريدة الرسمية لسودانيز) عشان الكيمان تنفرز.. لانو رمادي مطلوقة ساااكت كده كلمة خطرة وهلامية وممكن تميع المواقف من القضايا الاساسية..
|
Post: #509
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 12:49 PM
Parent: #507
طيب يا كيكي مع أنو انابكتب بي سبهلليه ساكت(ما في دقه علميه) و أنا لا مفكر و لا عالم إجتماع ولا عالم فيزيائي لكن و من قراياتي في عمري الفات ده قادر أعرف أميز بين المثالين ديل: 1- النظريات الفيزيائية (ودي نظريات موضوعها موضوعي أي خارج ذات الإنسان و تظل سارية بعد موت العالم الفيزيائي الذي إكتشفها وبعد زوال المجتمع الذي عاش فيه هذا العالم و بعد زوال من يتكلمون باللغة التي كتبت بها النظرية). 2- النازية كنظرية فكرية و إجتماعية مرتبطة تماما" بالذاتي بالإنسان الذي طورها مدي وعيه و فهمه لمجتمعه و للأنسانيه و مرتبطه بالمجتمع الذي إقتنع بهذه النظرية و حاول تطبييقها. (يعني المعني هي بي تعبر عن ألمانيا في الوكت داك... لكن دا ما معناهو إنها صاح.)
يعني بالعربي كدا العلم الذي يتعلق بالمادي الموضوعي خارج ذات الأنسان لا تتاثر صحته من عدم صحته بأرآء الناس أو مستوي وعيهم. لكن النظريات الإجماعيه و الفكريه تتأثر بمستوي الوعي و مدي تتطور المجتمعات و تختلف حسب جذور دروب تطورهم.
|
Post: #510
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-06-2011, 01:05 PM
Parent: #509
بعد نقتي الفوق دي كلها قلتا إختصر ليك
1- النظريات العلميه الماديه: و دي سارية حتي لو مافي ناس في الكون. 2- النظريات العلمية الأنسانية: و دي ليها علاقة بوجود الناس و المجتمعات الإنسانية، وعشان كدا بي يدخل فيها شئ من الذاتي(الوعي، الأسس الحضارية.. الخ .. الخ).
بعني الإنجاز الفكري الغربي ما مفروض نقول ليهو صـــــــــح بس عشان الغربيين إجتمعوا عليهو . لأنو المجتمعات الغربية عندها تاريخ مخزي في الأنحياز ضد المجتمعات الإنسانية الأخري وممكن براحة الوعي ده يتسرب لينا من خلال النظريات دي. " ودا ما بي يمنع أي إنسان يتبني نظرية منجزة من قبل الحضارة الغربية ... بس لازم ينتبه للمحمول المسبق للمركزية الغربية و الأستعلاء الثقافي الغربي الممكن يكون مدسوس بوعي أو بدون وعي في هذه النظريات"
|
Post: #511
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 01:55 PM
Parent: #510
Quote: طيب يا كيكي مع أنو انابكتب بي سبهلليه ساكت(ما في دقه علميه) و أنا لا مفكر و لا عالم إجتماع ولا عالم فيزيائي لكن و من قراياتي في عمري الفات ده قادر أعرف أميز بين المثالين ديل: 1- النظريات الفيزيائية (ودي نظريات موضوعها موضوعي أي خارج ذات الإنسان و تظل سارية بعد موت العالم الفيزيائي الذي إكتشفها وبعد زوال المجتمع الذي عاش فيه هذا العالم و بعد زوال من يتكلمون باللغة التي كتبت بها النظرية). 2- النازية كنظرية فكرية و إجتماعية مرتبطة تماما" بالذاتي بالإنسان الذي طورها مدي وعيه و فهمه لمجتمعه و للأنسانيه و مرتبطه بالمجتمع الذي إقتنع بهذه النظرية و حاول تطبييقها. (يعني المعني هي بي تعبر عن ألمانيا في الوكت داك... لكن دا ما معناهو إنها صاح.)
|
هلا يا عمدة ياعماد مافي خلاف كبير علي انو يتنجر (مصطلح) يعرف التوصيف الانت جبتو او يجيبو اي زول وقاعدين لحدي حسع نسميه مجازا (رمادي).. في تسمية تكاد ان تكون (هنبتة مصطلحية) لانو الرمادي لمن قلت ليك زيو وزي (المتر) فهو بكل مكونات وصفه المعروفة سلفا متواجد في (الداتا بيس) بتاعي وبتاعة الزول الفي جامايكا بتوصيف (معين)... ولمن تقول (رمادي) انا بعمل (ري كووول للمفردة دي بكل فهمي ليها المتواجد في مخيخي)... يبقي عشان نصنع(مصطلح تاني) مفروض نتكلم باجتهاد شوية (لمصلحة المصطلح ده) في روحو.. ولعدم لخبتة الكيمان.. في امر النظريات القلتها دي يا عمدة مافي (شي) مطلق في الدنيا دي الا (الله) هو الحقيقة المطلقة وكل نظرية علمية ديو انها تتغيير لانو (الوعي الانساني المنتج) للمعرفة ايضا ما ثابت ومتطور ويومي بتحصل فيهو اشياء جديدة تدحض نظريات علمية كانت حقائق ... ولكن انت عاوز تعمل مصطلح وانا بقول ليك (افرز المصطلح ونجضو ) عشان يعيش ...المانع شنوووو..؟؟؟ وبعدين في كل نظرية سوي كانت (مادية اوانسانية) المصطلح هو جزئية مهمة من النظرية وله توصيفه وكل اشيائنا التي تفرز له عيشته..
|
Post: #512
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 04-06-2011, 02:08 PM
Parent: #510
يا عيدروس ياخي حميتنا الكتابة عديل كدا من دخلت البورد دا ما حصل اتفقت مع زول للدرجة دي بل لدرجة كل ما بتقدم في القراية شوية واقول النقطة دي محتاجة تعليق محتاجة رد انزل تحت القاك كتبت بالنص تقريبا الشي البفكر فيه زاته اكيد ميكانيكي يا عمك
كيكي يا عمنا بعد التامين على جل مداخلات عيدروس هاك عودا لي Quote: ياعمدة النقة الفوووق دي كلها ماعندي معاها اي خلاف وده كلام كويس جدا بس(الرمادي) دي كوب فيها موية وخليها (رمادي سودانيز) وثبت المصطلح ده بطريقة ممكن توطنو في الوعي بتاع المنبر للقراء والاعضاء (يعني انشرو في الجريدة الرسمية لسودانيز) عشان الكيمان تنفرز.. لانو رمادي مطلوقة ساااكت كده كلمة خطرة وهلامية وممكن تميع المواقف من القضايا الاساسية.. |
من قبيل يا معلم بنعيد ونردد في أن الحديث عن ما يدور في سودانيز اونلاين فقط ليه؟ ما عشان الحتة دي باختصار يا كيكي رمادي سودانيز اونلاين مصطلح خاص بالبورد زيو زي عربي و كمنضال ومستنير ... إلخ فما في داعي نضيف ليه رمادي سودانيز اونلاين خليها رمادي كدا ع البركة
|
Post: #513
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 04:45 PM
Parent: #512
Quote: من قبيل يا معلم بنعيد ونردد في أن الحديث عن ما يدور في سودانيز اونلاين فقط ليه؟ ما عشان الحتة دي باختصار يا كيكي رمادي سودانيز اونلاين مصطلح خاص بالبورد زيو زي عربي و كمنضال ومستنير ... إلخ فما في داعي نضيف ليه رمادي سودانيز اونلاين خليها رمادي كدا ع البركة |
هلا ياعمك لو دايرنها علي البركة..احنا ما مابين البركة ولكن القصة دي صدقوني فيها (دخنة) توصيفية و ما كونكريت ولكن مافي مانع الناس تتعامل معاهو كده وعلي علاته وغباره الكثيف الذي سيثيره... انا كنت ماشي معاكم في درب توصيفة كده تفرز كيمان التوصيف ولكن وقت (ابيتو كلامي).. وقلتو تصويت فمافي مانع (لا اغلبية)
|
Post: #514
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-06-2011, 05:40 PM
Parent: #512
والله وما طالبنى حليفة كتبت مداخلة طول بعرض فى تعريف الرمادى والنقاش الداير بين كيكى و عبدروس ده على شلاقتى جيت اعمل فيها خطيرة واخت لى شده فى حرف تاخ لقيت الويندو كلو مااااافى
باختصار انا قلت يا عيدروس تعريفك خارج السياق (سياق واقع سودانيزاونلاين الانتج المفردة دى) اذا كان التعريف بهذه الايجابية البوست ده كان مرق راس كيكى وفى الاساس ما كان فى زول اسمو رمادى لانو بفتكر التعريف فى وجهه مثالى وبتحدث عن شخص يتوخى المبدئية وده ما اظن فى زول عاقل زى كيكى بكون عاوز يفبقبو :)
بعيد عن كلام المثقفاتية بتاع كيكى و عيدروس :) انا بالنسبة لى عشان ما اخم كيكى معاى ساى والكلام ده ليك يا ود البشرى الرمادى المقصود هنا هو متواجد فى حيز سودانيزاونلاين ونحن معنيين بما ينتجه فى هذا الحيز
كل شخص بيبارى بوستات المعارضين وشايل ميزان اخلاقى وسيف للتقويم فى الصغيرة والكبيرة وبينسى ميزانو وسيفو ديل فى بوستات المؤيدين للحكومة ولو حصل جاء شايلهم بكون كايس فى مداخلات المعارضين عشان يديهم القدرهم ويقعدهم فى عليهو(على حسب ما يرى) تحريهو عن مصداقية المواقف والاقوال غير متساوية المقدار بين المعسكرين
سلوك الرمادى ينتج الاتى: - تشتيتت الكورة فى مواضيع اساسية - اسقاط اخطاء المعارضين كاشخاص على الاحزاب - توفير غطاءات جوية وارضية للكيزان ما كانو بحلمو بيها - نشر قيم سالبه عن النضال والمناضلين - وضع المعارضة كلها فى قفة واحدة واظهارها بمظهر سيىء - لخبتة الدفع من الما دفع باعلان انهم ما مع الحكومة لكن....!!!! - - - ...........الخ
(اللسته دى قبيل كان اطول من كده :)
المهم ده كلو لمن نجى نعاين ليهو فى الصراع السياسى الدائر فى سودانيز اولاين بنلقهو بيأثر سلبا على تيارات مناضلة حقيقية وتعمل على ارض الواقع داخل السودان حتى ولو كان مدى التأثير 1% برضو عندو معنى لنا كعضوية فى المنبر ده ان نشارك فى ارسال ما هو سالب من غير التوقف عندو _______________________ ده حالتو الاختصار :)
|
Post: #515
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 04-06-2011, 06:10 PM
Parent: #514
يا بت المجمّر أسأليني أنا من مغستها قصة تروح منك المداخلة القعدت تزّبط فيها بالساعات , الله غالب يلا نجي لي تعريفك للرمادي Quote: كل شخص بيبارى بوستات المعارضين وشايل ميزان اخلاقى |
كويس Quote: وسيف للتقويم فى الصغيرة والكبيرة |
أها ..Quote: وبينسى ميزانو وسيفو ديل فى بوستات المؤيدين للحكومة |
بس وصلتي ... دا يا بت المجمر - وريقي نشف من تكرارها - دا ما رمادي أبدا ولا شاف الرمادية بي عينو - حسب تعريفي للرمادي دا كوز أو موالي راسو عديل بس ما جات المناسبة يقول كدا الرمادي مستقل, متوازن, سيد قراره غير ميكافيلي , الخطأ عنده خطأ غض النظر عن موقف و اتجاه صاحبه و غض النظر عن دوافعه الرمادي شايل سيف - تقرأ كيبورده - في نقد كبير و صغير الخطأ , كدا مطلقة كما انزلت بدون تعريفها بالإضافة الخطأ و فقط الخطأ لا بعرف دا مناضل مشّي ليه كذبة, أو دا هدفو نبيل ما تقيف كتير عليه و لا بعني ليه شي فلان مجاهد, أو موالي للحكومة
و النتائج القلتي عليها من سلوك الرمادي Quote: سلوك الرمادى ينتج الاتى: - تشتيتت الكورة فى مواضيع اساسية - اسقاط اخطاء المعارضين كاشخاص على الاحزاب - توفير غطاءات جوية وارضية للكيزان ما كانو بحلمو بيها - نشر قيم سالبه عن النضال والمناضلين - وضع المعارضة كلها فى قفة واحدة واظهارها بمظهر سيىء - لخبتة الدفع من الما دفع باعلان انهم ما مع الحكومة لكن....!!!! |
دا ما شغل رمادينا البنعرفه غايتو
اها الحتة دي ورغم اختلاف تقديري عنك فيها Quote: المهم ده كلو لمن نجى نعاين ليهو فى الصراع السياسى الدائر فى سودانيز اولاين بنلقهو بيأثر سلبا على تيارات مناضلة حقيقية وتعمل على ارض الواقع داخل السودان حتى ولو كان مدى التأثير 1% برضو عندو معنى لنا كعضوية فى المنبر ده ان نشارك فى ارسال ما هو سالب من غير التوقف عندو |
على ارض الواقع في موت أحمر و ضرب واعتقال و بنبان وقيامة رابطة تأثير شنو السلبي الراجينو من الاسافير بعد دا كلو؟
|
Post: #516
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-06-2011, 06:40 PM
Parent: #515
سلامات يا ود البشرى مغستى فكت بعد ما قريت ردك كدى انا وانت نبدأ بانو نحن ما مختلفين
Quote: س وصلتي ... دا يا بت المجمر - وريقي نشف من تكرارها - دا ما رمادي أبدا ولا شاف الرمادية بي عينو - حسب تعريفي للرمادي دا كوز أو موالي راسو عديل بس ما جات المناسبة يقول كدا الرمادي مستقل, متوازن, سيد قراره غير ميكافيلي , الخطأ عنده خطأ غض النظر عن موقف و اتجاه صاحبه و غض النظر عن دوافعه الرمادي شايل سيف - تقرأ كيبورده - في نقد كبير و صغير الخطأ , كدا مطلقة كما انزلت بدون تعريفها بالإضافة الخطأ و فقط الخطأ لا بعرف دا مناضل مشّي ليه كذبة, أو دا هدفو نبيل ما تقيف كتير عليه و لا بعني ليه شي فلان مجاهد, أو موالي للحكومة
و النتائج القلتي عليها من سلوك الرمادي |
نحن ما مختلفين فى الوصف "تقريبا" لكن مختلفين فى التسمية "رمادى" يعنى يا ود البشرى اتخيل ممكن نقول زولك الانت بتتكلم عنو فى مداخلتك وبتتفق مع عيدروس عليهو ممكن نسميهو محايد اتخيل لى انسب باعتبار انو كلمة محايد بتدى البعد بتاع سيفى وميزانى ده بمشى على الكل محايد= ميزان وسيف مبدئى = موقف متزن يا ود البشرى الرمادى معروف انو لون خاتف ابيض واسود الرمادى= موقف غير متزن
يعنى لما ظهر التيار بتاع الناس الماسكين العصاية كيف كيف ما بعرف ظهر طوالى معاها مصطلح رمادى ودى ما جات من وين؟؟؟ اكيد من فكرة حول اللون مرتبطة فى اذهان الناس بالجهجه
المهم ما علينا يا زول اقول ليك حاجة من جهتى انا عشان نمرق من الحته دى وما نخش فى نقة عن دلالات الالوان وكلام كتير اها زولك الدغروى ده اسمو رمادى يلا زولى بصفاتو الانا زكرتها دى نسمى شنو؟؟؟؟؟؟؟؟؟؟؟
|
Post: #517
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-06-2011, 08:30 PM
Parent: #516
Quote: سلوك الرمادى ينتج الاتى: - تشتيتت الكورة فى مواضيع اساسية - اسقاط اخطاء المعارضين كاشخاص على الاحزاب - توفير غطاءات جوية وارضية للكيزان ما كانو بحلمو بيها - نشر قيم سالبه عن النضال والمناضلين - وضع المعارضة كلها فى قفة واحدة واظهارها بمظهر سيىء - لخبتة الدفع من الما دفع باعلان انهم ما مع الحكومة لكن....!!!!
|
سهام بالغت لكن , الزول البتوصفى فيه دة , ما اقل من صلاح غريبة او ود الباوقة ولا ميادة والنقطة بتاعت وضع المعارضة فى قفة واحدة افتكر قتلت بحثا واتفقنا على انه المعارضة ما جسم واحد وكذلك الرماديين لذلك اثارة النقطة دى تانى بتثير الشكوك فى اطلاقكم لمصطلح الرمادى كاسم دلع للكوز والذى اخفيتموه ربما للابقاء على شعرة معاوية , وقيم سالبة عن النضال ما اظن ولكن ضد الحصانات لاى كان ولا اعتقد من مصلحة النضال ان يتم ابتذاله وتمرير البشاعات باسمه وتحت رايته والناس تقوم تجلى التجاوزات دى وتانى وتالت المبدائية يجب ان لا تتغير تباعا لتغيرات الزمان والمكان
|
Post: #518
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 09:02 PM
Parent: #517
Quote: - تشتيتت الكورة فى مواضيع اساسية - اسقاط اخطاء المعارضين كاشخاص على الاحزاب - توفير غطاءات جوية وارضية للكيزان ما كانو بحلمو بيها - نشر قيم سالبه عن النضال والمناضلين - وضع المعارضة كلها فى قفة واحدة واظهارها بمظهر سيىء - لخبتة الدفع من الما دفع باعلان انهم ما مع الحكومة لكن....!!!! |
بسسسسسسسسسسسس يا بييير انتي جبتي الناقصة ووضبتي لينا المواصفات الاولمبية للتيار الانا كايس عليهو زااااتو... ويا احمد التجاني (شغلة زي دي) ما شغلة زول (كوز) واضح وما فاضح زي مواصفات (سمبر كيزاني) بياكل بالدس والمتابع للمجموعة من الاراء الزي دي تاريخيا بلقاها في البداية بتتدعي بانها ما (كوز) وبعدهم بصمد وبواصل في خطابه ده باخطبوطية وكل ما يلقي حاجة تدفر في اتجاه الكيزان وتردم المعارضة بديها كوز كوزين وبتحالف مع الكيزان رسمي وشعبي لدرجة ما تفرزو منهم ولو زرقنتو بقول ليك (انا ماكوز) وفيهم جزء بكشف عن وجه (القناع) وبعلن كوزنته وشعاره سجن سجن غرامة غرامة... في حاجة اساسية مفروض الناس ما تهملها وهي العمل والدرش في سودانيز حاجة ما ساهلة والعنف اللفظي وضرب الركب الكيزانية يمثل حزام (نار) يصعب علي كثيرين بلعه لذا نجد العمل (الحربائي) هي سمة هذا التيار.. ولو دايرين تسمية لتيار زي ده وبسودانوية زي ما داير (عماد) فانا بقترح (السمبر) لانو السمبر مشهور تاريخيا بانه ياكل بالدس... والتيار او المجموعة الموصوفة من سهام دي بتدعم الكيزان بالدس وبصورة كروباوية..
وسنتابع
|
Post: #519
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-06-2011, 09:37 PM
Parent: #518
Quote: في حاجة اساسية مفروض الناس ما تهملها وهي العمل والدرش في سودانيز حاجة ما ساهلة والعنف اللفظي وضرب الركب الكيزانية يمثل حزام (نار) يصعب علي كثيرين بلعه لذا نجد العمل (الحربائي) هي سمة هذا التيار.. |
ياخ معقول ؟ هسة انت ما سقفت عديل يا حبيب , premature closure يعنى الناس بتخفى هوياتها وتوجهاتها الفكرية والسياسية فى سودانيز الوهم دى مخافة كدة من الدرش (الاسفيرى !!!!!) دة نضال شنو دة ودى رمادية شنو دى وانا بالجد حزين جدا لهذا التبسيط والتسطيح لمواقف الناس الذى يفسره كيكى كنتاج للخوف من الدرش والعنف اللفظى الذى يصعب بلعه لذلك يلجا الناس للتلون كما اشار اليها كيكى بالحربائية , هسة دة ما ياهو تفتيش النوايا والضمائر البيقولوه ولا كيف ؟
|
Post: #520
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 10:01 PM
Parent: #519
Quote: ياخ معقول ؟ هسة انت ما سقفت عديل يا حبيب , premature closure يعنى الناس بتخفى هوياتها وتوجهاتها الفكرية والسياسية فى سودانيز الوهم دى مخافة كدة من الدرش (الاسفيرى !!!!!) دة نضال شنو دة ودى رمادية شنو دى وانا بالجد حزين جدا لهذا التبسيط والتسطيح لمواقف الناس الذى يفسره كيكى كنتاج للخوف من الدرش والعنف اللفظى الذى يصعب بلعه لذلك يلجا الناس للتلون كما اشار اليها كيكى بالحربائية , هسة دة ما ياهو تفتيش النوايا والضمائر البيقولوه ولا كيف ؟ |
هلا يا تلوين يا احمد كلامي ده ما ترميهو ساااكت وانا جايبو من نماذج حية ولو عاوز ممكن اقوقل ليك خطابهم لمن جو هنا وادعائهم بانهم غير كيزان ولكن سرعان ما اعلنو عن نوياهم الحقيقيةواصبحو من الاصوات الاكثر تطرفا في الخطاب الكيزاني... ودي مافيها اي تبسيط بل افهمها في (اطار المشي في حقل ملي بالالغام) والتدرج في اعلان (الاراء او تحسس الاقدام) دي حاجة ممكن يعملها اي انسان وبكل المستويات حسب درجة تقييمه للاخطار...والخطر هنا في سودانيز هو العنف اللفظي والمساككة وغيره من المضايقات كونه محيط فيهو تطرف من كل الجهات... وكلامي ده لو قريتو بتصالح هو تفسير لظاهرة ومافي تفيش نوايا ولا ينبغي... زول جاء وخطابو قريب للكيزان وقال ما كوز وبعد شوية بقي من اعلي الاصوات الكيزانية صوتا وصيتا... عندك تفسير للظاهرة دي ممكن نسمع منك بكل رواقة وبدون حزن...
|
Post: #521
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-06-2011, 10:35 PM
Parent: #520
Quote: زول جاء وخطابو قريب للكيزان وقال ما كوز وبعد شوية بقي من اعلي الاصوات الكيزانية صوتا وصيتا... عندك تفسير للظاهرة دي ممكن نسمع منك بكل رواقة وبدون حزن... |
الأخ كيكي وجميع الأخوة مساء الخير وتحية خاصة للصديق احمد التيجاني
يا كيكي ياخ انا اختلف معك في الحتة بتاعت تمييز الناس بكيزان وغير كيزان ياخ اي زول عندوا ميوله السياسية وقناعاته في ناس كتيرين كيزان وفي ناس كتار حزب امة وفي ناس كتار حزب شيوعي واجبنا احترام كل شخص ولونه السياسي والنقد يجب ان يوجه مباشرة للحزب الذي ينتمي له الشخص واتمنى اي شخص يعلن عن لونه السياسي دون خوف او تردد والاحرى بك تنبيه هذا الشخص إن كان ينتمي لحزب معين وذلك من خلال النقد البناء والإقناع . طريقتك دي يا كيكي فيه سلب للحرية الشخصية وفيها دكتاتورية عجيبة ياخ خلي الناس حسب أهوائهم وأنتمائهم وعليك فقط بالتنوير والنقد البناء صدقني دي طريقة بتجدي .
من وجهة نظري من ينتمي للإنقاذ هذا شئ غير معيب ومن ينتمي لحزب الامة هذا شئ غير معيب ومن ينتمي للحزب الإتحادي هذا شئ غير معيب ومن ينتمي للحزب الشيوعي هذا شئ غير معيب .
نريد شوية حرية في هذا البوست وفي هذا المنبر
|
Post: #522
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-06-2011, 10:47 PM
Parent: #521
Quote: طريقتك دي يا كيكي فيه سلب للحرية الشخصية وفيها دكتاتورية عجيبة ياخ خلي الناس حسب أهوائهم وأنتمائهم وعليك فقط بالتنوير والنقد البناء صدقني دي طريقة بتجدي .
|
هلا يا شوقي وتحياتي وكدي يا شوقي جاوب لي برواقة وفي صميم الموضوع خطاب بدعم وبصفق للناس البكلتو وبعذبو وبعتقلو الناس يخلو (الخطاب علي هوائه) كيف.. ولو اي زول بخلو علي هوائه المنبر ده يا شوقي بكري يدي اي واحد فينا صفحة ويخليهو يشخبت علي كيفو
Quote: نريد شوية حرية في هذا البوست وفي هذا المنبر |
ونحن يا شوقي نريد حرية فهذا المنبر وفي الوطن لي وليك ولكل زول سوداني وانت حرية في البوست ده مازول بقدر يا شوقي ينزعها منك وعندك الحق تكتب اي (راي) ومافي زول عندو حق يمنعك من كتابة رايك(الا بكري) ولكن كل الناس عندها حق مناقشة الراي بتاعك ده..طالما دي (مهمة المنبر الاساسية) ..
Quote: من وجهة نظري من ينتمي للإنقاذ هذا شئ غير معيب ومن ينتمي لحزب الامة هذا شئ غير معيب ومن ينتمي للحزب الإتحادي هذا شئ غير معيب ومن ينتمي للحزب الشيوعي هذا شئ غير معيب .
|
بالاحمر ده عيب وعيب كبير حسب الراي بتاعي لانو انتماء لزمرة بتاع لصوص سلطة وقتلة (تعرف شنو يعني قتلة يا شوقي ضمةعديل كده) وحرامية قاعدين يمصو دم الشعب ده
|
Post: #523
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-06-2011, 11:34 PM
Parent: #522
Quote: بالاحمر ده عيب وعيب كبير حسب الراي بتاعي لانو انتماء لزمرة بتاع لصوص سلطة وقتلة (تعرف شنو يعني قتلة يا شوقي ضمةعديل كده |
يا كيكي انت شايف كده لكن من يؤيد الانقاذ يرى غير ذلك وبالتالي مفروض بدل توجيه تهمة العيب له يجب اقناعه بهدوء عن ان هذه الفكرة خطأ اذا اقتنع كان بها واذا ما اقتنع نحترم وجهة نظره والمواصلة في العمل لكشف الحقائق بصورة واضحة وحقيقية.
Quote: ولو اي زول بخلو علي هوائه المنبر ده يا شوقي بكري يدي اي واحد فينا صفحة ويخليهو يشخبت علي كيفو
|
ابد في نفس الصفحة كل زول يشخبط على مزاجه وعلينا ان نحترم اي نوع من الشخبطة لحدي ما نصل للشخبطة المثالية ونشخبط كلنا مع بعض
|
Post: #524
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-07-2011, 07:41 AM
Parent: #523
Quote: واذا ما اقتنع نحترم وجهة نظره والمواصلة في العمل لكشف الحقائق بصورة واضحة وحقيقية.
|
هلا يا شوقي.. هلا يا شوقي.. (الشمولية والاقصائية والدكتاتوريةوالفساد في الحق العام) مرض عضال ان لم يتم اجتثاثه من جذوره( مافيش فايدة )علي قولة سعد باشا وزي ده لوخليتو علي هوائه الفائدة شنو وبكرة حتي لو الانقاذ دي مشت وهنالك من يفكر بمثل تفكيرها ويعمل علي توطين هذا الفكر والتبشير به حيمشي عمر البشير وحيجيك (ابكر البشير)... وحينشر افكار هدامة وحيحكم بالحديد والنار والدم عشان كده وجب (نقد خطابه) بقوي وشراسة وبلا هوادة وكل ما تلقاهو مطرف تديهو في راسو بكل احترام لاسس الحوار حتي لا تعم في عقول العباد والبلاد الافكار الهدامة التي تويد القتل والذبح والاغتصاب..
|
Post: #525
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-07-2011, 08:11 AM
Parent: #524
Quote: عشان كده وجب (نقد خطابه) بقوي وشراسة وبلا هوادة وكل ما تلقاهو مطرف تديهو في راسو بكل احترام لاسس الحوار حتي لا تعم في عقول العباد والبلاد الافكار الهدامة التي تويد القتل والذبح والاغتصاب.. |
كيكي صباح الخير
تعرف يا كيكي اذا كان الجميع بفكر كده معناها الانقاذ دي عندها ذي 100 سنة جاية . زمان في الكورة المدرب بقول ما تركز على جسم اللاعب ركز على الكورة . انا اختلف معك تماما في طريقتك دي وصدقني ما حا تجيب نتيجة . ياخ انت ليه ما تعمل شغل جذاب تخلي من يؤيد الانقاذ يأتيك طوعا وصدقني المواطن السوداني ذكي شديد وبعرف البنفعوا ومن يضره . صدقني عدم خروج المواطن السوداني للشارع ليس خوف او جبن فقط لأن الساحة فاضية لقد سبق لهذا الشعب البطل ان خرج في مارس ابريل وضحى بدمه واتي الصادق المهدي وبكل برود اضاع هذه الثورة العظيمة وهو من أتي بالإنقاذ اذا في قبقبة او من يجب قبقبته الصادق المهدي لأنه اضاع مجهود الشعب السوداني ما بين القراءة الاولى والقراءة الثانية وإرث آل المهدي . الآن هل تريد لهذا الشعب ان ان يخرج ونفس الوجوه التي اجهضت مجهوده السابق موجودة والله هذا لا ولن يحدث اطلاقا .
خلينا نبدأ اول حاجة نجهز للمواطن السوداني بديل يحترمه ويثق فيه ثم من بعد ذلك نطالبه بالخروج. عن نفسي والله ما اخرج حتى تتنحي ديناصورات الاحزاب دي واعتقد الكثير لديه نفس الفهم.
|
Post: #526
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-07-2011, 08:34 AM
Parent: #525
Quote: خلينا نبدأ اول حاجة نجهز للمواطن السوداني بديل يحترمه ويثق فيه ثم من بعد ذلك نطالبه بالخروج. عن نفسي والله ما اخرج حتى تتنحي ديناصورات الاحزاب دي واعتقد الكثير لديه نفس الفهم. |
هلا يا شوقي.. البديل يا شوقي ما شخص واو فرد.. البديل بديل نظم واساسيات حكم.. حريات حقوق دستور يحترم الجميع شفافية وحرية راي ووطن يسع الجميع... دي الحاجات دي البتجي ولانو (الوعي الشمولي متواجد بكثرة في اغلب المخيلة الناس بتعتقد انو البديل لازم يكون (فرد)... ولمن تجي الاشياء الفوووق دي الصادق المهدي وكل الديناصورات الانت ماعاوزهم ديل ممكن تشيلهم بره وتحرض الناس علي شيلهم بره بالطرق والسبل الديمقراطية (والا انت تكون عاجبك شيلهم بره بالقتل والاعتقال والتعذيب والتشريد لهم ولكل مواطن سوداني اخر)... وبعدين يا شوقي لمصلحة منو الناس تكون منتظرة والوطن ينزف وابنائه فقر وجوعي ومشردين ومعتقلين وقتلي وممصوصي الدماء وممزق..!! - داير بديل ياهو داااك البديل فوووق -داير طريقة تشيل الديناصورات ديل ياها ديك الطريقة الممكن تشيلها بيهم بكل (احترام) وبدون ما تفرض رايك علي انسان اخر وتشيلو بالزندية تاني المشكلة ووين يا شوقي
|
Post: #527
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-07-2011, 09:34 AM
Parent: #526
Quote: هلا يا تلوين يا احمد كلامي ده ما ترميهو ساااكت وانا جايبو من نماذج حية ولو عاوز ممكن اقوقل ليك خطابهم لمن جو هنا وادعائهم بانهم غير كيزان ولكن سرعان ما اعلنو عن نوياهم الحقيقيةواصبحو من الاصوات الاكثر تطرفا في الخطاب الكيزاني... ودي مافيها اي تبسيط بل افهمها في (اطار المشي في حقل ملي بالالغام) والتدرج في اعلان (الاراء او تحسس الاقدام) دي حاجة ممكن يعملها اي انسان وبكل المستويات حسب درجة تقييمه للاخطار...والخطر هنا في سودانيز هو العنف اللفظي والمساككة وغيره من المضايقات كونه محيط فيهو تطرف من كل الجهات... وكلامي ده لو قريتو بتصالح هو تفسير لظاهرة ومافي تفيش نوايا ولا ينبغي... زول جاء وخطابو قريب للكيزان وقال ما كوز وبعد شوية بقي من اعلي الاصوات الكيزانية صوتا وصيتا... عندك تفسير للظاهرة دي ممكن نسمع منك بكل رواقة وبدون حزن... |
بس يا كيكى دة ما موضوعنا ولا كان فى داعى لقومة البوست دة والعجاجة القامت , بهدوء , نحن هنا بنتكلم عن الناس الذين لا يفوتون فرصة نقد لاى كان معارض او موالى والمعيار عنده الاخلاق ولسنا بصدد المنظمين رسميا فى الاحزاب من الجانبين وبعدين يا كيكى فى نقطة مهمة جدا , مثلا هل مطلوب منى اذا انضميت للكيزان او الحركة الشعبية اقوم بنشر ذلك فى الصحف او المنابر وبمعنى اشمل هل التحزبن يتطلب الاشهار واذا كان كذلك هل لى ان اسألك لاى حزب تنتمى لانى بصراحة لا علم لى بالتزامك لتنظيم معين ايام دراستنا الجامعية ولكن من الواضح الان انك نشط فى مناهضة حكومة الكيزان ولكن بنفس منطقك لم ارى لك اى نشاط ينادى بتقويم العمل المعارض وتجويده لضمان الفعالية فهل سيكون لائقا ان استجوبك واملى عليك ما يجب وما لا يجب ان تفعله وهل من العدل ان تتم محاكمتك بناء على ماذا قلت فى ذلك البوست او تسجيلك للادانة والشجب لتلك الواقعة او رفعك لبوست فلان وباختصار كدة لازم تكون على الدوام صحيفة نضالك معاك ومشفوعة بشهادة جهبزين تلاتة من اصحاب الاصوات العالية ودة ياهو تفتيش النوايا والوصايا البنقول عليه لا نرضى ان نمارسه على احد كما لا نرضى ان يمارسه احد علينا ودمتم احباب عزاز
|
Post: #528
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-07-2011, 10:15 AM
Parent: #527
Quote: بس يا كيكى دة ما موضوعنا ولا كان فى داعى لقومة البوست دة والعجاجة القامت , بهدوء , نحن هنا بنتكلم عن الناس الذين لا يفوتون فرصة نقد لاى كان معارض او موالى والمعيار عنده الاخلاق ولسنا بصدد المنظمين رسميا فى الاحزاب من الجانبين وبعدين يا كيكى فى نقطة مهمة جدا , مثلا هل مطلوب منى اذا انضميت للكيزان او الحركة الشعبية اقوم بنشر ذلك فى الصحف او المنابر وبمعنى اشمل هل التحزبن يتطلب الاشهار واذا كان كذلك هل لى ان اسألك لاى حزب تنتمى لانى بصراحة لا علم لى بالتزامك لتنظيم معين ايام دراستنا الجامعية ولكن من الواضح الان انك نشط فى مناهضة حكومة الكيزان ولكن بنفس منطقك لم ارى لك اى نشاط ينادى بتقويم العمل المعارض وتجويده لضمان الفعالية فهل سيكون لائقا ان استجوبك واملى عليك ما يجب وما لا يجب ان تفعله وهل من العدل ان تتم محاكمتك بناء على ماذا قلت فى ذلك البوست او تسجيلك للادانة والشجب لتلك الواقعة او رفعك لبوست فلان وباختصار كدة لازم تكون على الدوام صحيفة نضالك معاك ومشفوعة بشهادة جهبزين تلاتة من اصحاب الاصوات العالية ودة ياهو تفتيش النوايا والوصايا البنقول عليه لا نرضى ان نمارسه على احد كما لا نرضى ان يمارسه احد علينا
|
هلا يا احمد والفكرة كلها لو اديتها روقة بتلقاها (مبنية) علي نقد الخطاب ..وانا ماعندي مانع اي زول ينقد خطابي ومواقفي ويناقشني فيها لو اقتنعت بان الحوار مع الزول ده مجدي وفي مظلة احترام.. يعني ممكن تدق لي فتاشة وتفتشني تحت وفوق وبالجنبة وده من حقك ومن حق اي زول (اتي لحوار).. وبعدين يا احمد الجزئية النقينا فيها هي من ليس ببعيدة عن موضوع البوست والذي لو تلاحظ انو فاتح نوافذ علي جهات كثيرة ومواضيع كثيرة والمانع شنو انو نتناقش فيهو طالما ياخي قاعدين نتناقش بدون ابتزال وكركبة وكل قرد محترم روحو وبقول كلامو بادب... الحوار في سودانيز او الجدل عموما في ظني لو ما افترغ من (ده ناقشو وده ما تناقشو) وتوطين الانطباعات خصما علي الحوار المجدي حيكون عيييك عاااك وكسل ذهني ومحاولة كتل الجدل بدواعي هلامية ... حكاية انو الزول ملزم باشهار حزبه دي حاجة طبعا خيارات (فردية) وكل شاه معلقة في عرقوبها واما عدم نقدي للمعارضة فممكن اكون فعلا مقصر(مرحليا) في الحكاية دي ولكن بالنسبة الي فانا ضارب في الفيل (الابا كبير) والمعارضة المعركة الاساسية معاها بعدين لمن نشيل الفيل الكبير ده.. يعني يا خال عندي فهمي وفلسفتي في راسي المدوقس ده..
|
Post: #529
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-07-2011, 11:11 AM
Parent: #528
Quote: سهام بالغت لكن , الزول البتوصفى فيه دة , ما اقل من صلاح غريبة او ود الباوقة ولا ميادة والنقطة بتاعت وضع المعارضة فى قفة واحدة افتكر قتلت بحثا واتفقنا على انه المعارضة ما جسم واحد وكذلك الرماديين لذلك اثارة النقطة دى تانى بتثير الشكوك فى اطلاقكم لمصطلح الرمادى كاسم دلع للكوز والذى اخفيتموه ربما للابقاء على شعرة معاوية , وقيم سالبة عن النضال ما اظن ولكن ضد الحصانات لاى كان ولا اعتقد من مصلحة النضال ان يتم ابتذاله وتمرير البشاعات باسمه وتحت رايته والناس تقوم تجلى التجاوزات دى وتانى وتالت المبدائية يجب ان لا تتغير تباعا لتغيرات الزمان والمكان |
سلامات يا احمد بعض الكيزان فى المنبر ده والامنجية اعلنو انتمائهم عديل كده
الناس الانا وصفتهم ديل موجودين و قلنا اهم حاجه عندهم اول يقولو نحن ما كيزان لكن...!!!! اها راجع الماسنجر بتاعك وشوف النموزج المرسل وورينى رايك هنا ده من غير اى اشارات تودينا فى دهيه وتدخلنا فى درعة الله عالم نتحل منها كيف تانى
|
Post: #530
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-07-2011, 09:58 PM
Parent: #529
فوق حتى نجد الطريق
|
Post: #532
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-08-2011, 10:57 AM
Parent: #530
Quote: المهم ما علينا يا زول اقول ليك حاجة من جهتى انا عشان نمرق من الحته دى وما نخش فى نقة عن دلالات الالوان وكلام كتير اها زولك الدغروى ده اسمو رمادى يلا زولى بصفاتو الانا زكرتها دى نسمى شنو؟؟؟؟؟؟؟؟؟؟؟ |
الاخ كيكي والاخت سهام
لقت مررت على تعليقاتكم بشأن الألوان الرمادي وغيره
الاخ احمد التيجاني طرح سؤال وجيه جدا
انحنا عايزين نعرف ما هي الوانكم السياسية هل انتم شيوعيون ام بحثيون ام ختمية ام حزب امة الخ ... ارجو الاجابة
|
Post: #531
Title: Re: شوقي سليمان تعال علمنا ماسمتك النضال....!!
Author: محمد البشرى الخضر
Date: 04-08-2011, 10:53 AM
Parent: #529
سهام امي رجّعتينا كم صفحة لا ورا , بعد اتفقنا على عدم وجود كيان موّحد للمعارضة يتحمل مسؤولية النقد الموجه لإخفاقات بعض المعارضين وعلى عدم وجود كيان أو شكل منظم للرماديين يوجههم
طيب ما دام رجعنا خليني اعيد بعض الاسئلة قولي الرمادي عندو غرض قام ركّز على اخفاقات بعض المعارضين و تغاضى عن نفس الاخفاقات من جانب الحكومة ومواليها هل دا مبرر في رأيك لتجاوز عن الحقائق التي ذكرها - بتكلم عن حقائق انا وليس تلفيقات - في ما يخص اخفاقات المعارضين؟ يعني بحجة ان النقد جا من شخص لا يتفق معك - أو ضدك عديل قول - هل منطقي انو دا يكون سبب لتجاوز و التغاضي عن ما ذكره
هل موقفك من تقبل نقد الحقائق - أو لنقل موقفك من الحقائق في رقبتها - يستند على هوية اصحابها و مواقفهم ومدى قربهم / بعدهم منك أو من خطك العام هل كونك معارض للإنقاذ يعطيك get out of jail free card لترتكب السبعة وذمتها ولا تخضع للقيم الأخلاقية الاساسية هل كون خصمك لا سقف او معايير اخلاقية له يتقيد بها في صراعه معك يعطيك الحق في الغاء معاييرك الاخلاقية ايضا باختصار هل تبرر الغاية النبيلة الوسيلة الوضـيعة؟
|
Post: #533
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-08-2011, 11:03 AM
Parent: #531
Quote: الاخ كيكي والاخت سهام
لقت مررت على تعليقاتكم بشأن الألوان الرمادي وغيره
الاخ احمد التيجاني طرح سؤال وجيه جدا
انحنا عايزين نعرف ما هي الوانكم السياسية هل انتم شيوعيون ام بحثيون ام ختمية ام حزب امة الخ ... ارجو الاجابة |
هلا يا شوقي وحباب سهام ومرحب يا عمك... نقينا فووق عن (مثلث) يحتوي علي 1- الحكومة 2- المعارضة 3- المواطن..
وانا مواطن سوداني عندي قضايا في الواقع السوداني ده بؤمن بيها وهذه القضايا ممكن اشيلها صرة في خيط واتحالف تحالف مرحلي مع القوي السياسية والافراد المومنين بالقضايا دي..
|
Post: #534
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-08-2011, 11:26 AM
Parent: #533
Quote: وانا مواطن سوداني عندي قضايا في الواقع السوداني ده بؤمن بيها وهذه القضايا ممكن اشيلها صرة في خيط واتحالف تحالف مرحلي مع القوي السياسية والافراد المومنين بالقضايا دي.. |
كيكي لك تحياتي
انت غير بعيد عن اللون الرمادي
|
Post: #535
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-08-2011, 11:36 AM
Parent: #534
Quote: انت غير بعيد عن اللون الرمادي |
هلا شوقي وضح وافصح اكثر.. وقول 1- توصيف الرمادي الانا ما بعيد منو(ولانو في زي كم توصيف للرمادي الفي البوست ده) 2- وحدد النقاط البتخليني اتقارب مع الرمادي الانت قاصدو يعني فلفلني يا شوقي واخد راحتك بكل اريحية
وسنتابع معاك
|
Post: #536
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-08-2011, 05:33 PM
Parent: #535
يا كيكي مساء الخير
اللون الرمادي ده مصطلح انتم من اتي به وتعريفه أن الشخص يكون ينتمي لجهه معينة ولكنه ينكرها عشان ما يتزرزر حسب التعريف وغير كده كلنا ذي بعض مع اختلاف وجهات النظر والإنتماء
|
Post: #537
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-08-2011, 06:59 PM
Parent: #536
Quote: اللون الرمادي ده مصطلح انتم من اتي به وتعريفه أن الشخص يكون ينتمي لجهه معينة ولكنه ينكرها عشان ما يتزرزر حسب التعريف وغير كده كلنا ذي بعض مع اختلاف وجهات النظر والإنتماء |
هلا يا شوقي.. ولو تابعت البوست ده كويس ده ما التوصيف بتاع الرمادي سوي مني او من ود البشري او من سهام وعماد والرمادي الانت قاصدو ده سميتو انا (السمبرية) كونه بشتغل بالدس... وبعدين يا شوقي ما كلنا زي بعض.. وانا الحاجات المتفق فيها مع الاحزاب السياسية دي حاجاتي انا كمواطن (حريات - حقوق- ديمقراطية) وما حاجات الاحزاب دي برااااها..
|
Post: #538
Title: Re: شوقي سليمان تعال علمنا ماسمتك النضال....!!
Author: احمد التجانى احمد
Date: 04-08-2011, 07:16 PM
Parent: #537
مساء الخير عليكم جميعا
Quote: اها راجع الماسنجر بتاعك وشوف النموزج المرسل |
ما وصلتنى اى حاجة يا سهام
|
Post: #539
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-12-2011, 08:50 AM
Parent: #538
و هاك دي يا كيكي و المتداخلين إضافة من رمادي (بي يمثل نفسو بس) بناقش فيها بعض العلل و المشاكل الإطرق ليها البوست
ما الذي يجمع بين السودانيين؟
|
Post: #540
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-12-2011, 09:07 AM
Parent: #539
Quote: و هاك دي يا كيكي و المتداخلين إضافة من رمادي (بي يمثل نفسو بس) بناقش فيها بعض العلل و المشاكل الإطرق ليها البوست
|
هلا يا عماد وتحياتي.. وشفت البوست من امس وفي النية والبال الحضور اليه للنقاش بس اروق واحلي وبتلقاني ناطي ليك بهناك
وسلام يا ود التجاني ووينك اليومين دي عامل لبتن
|
Post: #541
Title: Re: شوقي سليمان تعال علمنا ماسمتك النضال....!!
Author: nazar hussien
Date: 04-12-2011, 03:30 PM
Parent: #540
الجماعة ديل كانوا خاتين الشعب السوداني في شبكة وملولوين الخيوط...لولوة شديدة خلاص
مؤتمر وطني وحركة شعبية...ديل حكومة...وقاعدين في مجلس واحد...ويقرروا قرار واحد...يقوموا ناس الحركة الشعبية ينقلبوا معارضة...علي نفس القرارات المشاركين فيها...
تاني يقوموا يجيبوا برلمان فيه فاطمة احمد ابراهيم.. وطارق احمد آدم وحمد الريح...وياسر عرمان ويجيزوا القوانين دي كلها... يطلع ياسر عرمان مظاهرة....مطالبا بالغاء القوانين المقيدة للحريات... وتاني يعملوا انتخابات ما يفوزوا فيها ناس فاطمة وطارق احمد آدم وحمد الريح الفوق ديل...وينسحب ياسر عرمان...وينفصل الجنوب...
وخيوط الشبكة بعضها بدأ يتقطع...وبعضها قدم...والشبكة اترخرخت...وشوقي وغير شوقي حا يطلعوا من الشبكة دي وكلنا حا نكتشف اننا كنا شوقي.
|
Post: #542
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-12-2011, 07:32 PM
Parent: #541
Quote: وخيوط الشبكة بعضها بدأ يتقطع...وبعضها قدم...والشبكة اترخرخت...وشوقي وغير شوقي حا يطلعوا من الشبكة دي وكلنا حا نكتشف اننا كنا شوقي. |
لا يا نزاز وبتفق معاك بانو اللفلفة للراس كان الدوز بتاعها عالي ورهيب وعشرين سنة ونيف من مهرجان كبير لعب فيهو طارق احمد ادم وغني فيهو حمد الريح وترباس ونضم في كراكير برلمانته كل الوان الطيف السوداني...والجرعة بالتاكيد بتكون تعمقت وتجذرت والتخلص منها يحتاج الي صبر وملاوة.. ولكن الاهم من ده كلو الزول يكون سندالة وعندو ثبات علي الاشياء الاساسية من حقوق وحريات وما يسمح لهذا التيار ان يجرفه وبمرونة يكون في المحطات لانتظار العائدين من (نوبات التغبيش) بعد ان ايقنو وبالدليل القاطع خطل وخطورة هكذا حكومات ..
وتحياتي
|
Post: #543
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-12-2011, 07:58 PM
Parent: #542
Quote: وخيوط الشبكة بعضها بدأ يتقطع...وبعضها قدم...والشبكة اترخرخت...وشوقي وغير شوقي حا يطلعوا من الشبكة دي وكلنا حا نكتشف اننا كنا شوقي. |
كيكي نزار مساء الخير
يا نزار المواقف متشابه تماما رمادي او سنبر كلوا ذي بعض ياخ امريكا نفسها موقفها بقى رمادي ذي ما بقول كيكي وسهام المجمر امريكا الآن تدعم الاسلاميين
فعلا كلهم وحسب تصنيفاتهم حا يكونوا شوقي
|
Post: #544
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-12-2011, 08:08 PM
Parent: #543
Quote: يا نزار المواقف متشابه تماما رمادي او سنبر كلوا ذي بعض ياخ امريكا نفسها موقفها بقى رمادي ذي ما بقول كيكي وسهام المجمر امريكا الآن تدعم الاسلاميين
فعلا كلهم وحسب تصنيفاتهم حا يكونوا شوقي |
هلا يا ابو الاشوق.. وواقول ليك قولة يا شوقي.. انا زااتي ماعندي (مشكلة مع الاسلاميين) وناس الانقاذ ديل الوقفة ضدهم مش جاية لانهم اسلاااامين بل لانهم ديكتاتوريين واقصائيين ولو كانت الانقاذ دي فيها اي حزب تاني وعمل نفس العمايل دي فهي ايضا مرفوضة والمناهضة ضدها واجب وطني..(والاسلاميين في ظل نظام ديمقراطي ليهم كل الحرية في التبشير بمشاريعهم والعمل بكل حرية) امريكا طبعا حرة في خياراتها وسياستها ولكن حتما لن نقف مع الطغاة لانو (امريكا وقفت معاهم) او دعمتهم فالمرجعية ليس هي (امريكا) بالتاكيد بل هي حريتنا وحقوقنا وكرامتنا وموارد بلدنا ولاشنو..؟؟ --- ومافي طريقة نيقي شوقيين ولا ينبغي لاننا منحازيين للحرية وواقفين بوضوح وبدون لولوة ضد الطغاة
|
Post: #545
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-13-2011, 06:48 AM
Parent: #544
Quote: فالمرجعية ليس هي (امريكا) بالتاكيد بل هي حريتنا وحقوقنا وكرامتنا وموارد بلدنا ولاشنو..؟؟ --- ومافي طريقة نيقي شوقيين ولا ينبغي لاننا منحازيين للحرية وواقفين بوضوح وبدون لولوة ضد الطغاة |
يا كيكي صباحك خير
ما ذكر اعلاه لا يختلف عليه إثنان وهذه حقوق مشروعة لكل مواطن ولا أختلف معك فيها اختلافي فقط في آلية تطبيقها ، الأحزاب السودانية الموجودة في الساحة الآن هي احزاب اكثر قمعا من الإنقاذ نفسها وهي دكتاتورية أكثر من الإنقاذ وعشان نصل لتحقيق المطالب أعلاه يجب أولا تصحيح مسار تلك الأحزاب أو إنشاء احزاب جديدة واضحة الرؤية همها الوطن والمواطن ما يدور الآن من هذه الأحزاب نجد أن همها فقط السلطة والوصول إليها . الفرصة الآن متاحة للشباب لتكوين احزاب جديدة واضحة الرؤية همها الوطن والمواطن.
|
Post: #546
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-13-2011, 08:00 AM
Parent: #545
Quote: ما ذكر اعلاه لا يختلف عليه إثنان وهذه حقوق مشروعة لكل مواطن ولا أختلف معك فيها اختلافي فقط في آلية تطبيقها |
وهلا يا شوقي وده اتفاق كبير واساسي واختراق كبير في نقتنا دي ومادام متفقين علي الاشياء الاساسية وكل زول عندو اليته لتحقيق هذه الاهداف فمافي خلاف كبير لمن ينضمو بيهو طالما نحن كابين في نفس الحتة...وعاوزين نشيل الانقاذ التي وقفت حجرة عثر امام هذه الحاجات منذ وصولها للسلطة وحتي الان..
|
Post: #547
Title: Re: شوقي سليمان تعال علمنا ماسمتك النضال....!!
Author: nazar hussien
Date: 04-13-2011, 10:30 AM
Parent: #546
شوقي...شكلي ريحتك في حنانك...
ههههههههههههههههههههههه..
|
Post: #548
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-13-2011, 09:27 PM
Parent: #547
Quote: شوقي...شكلي ريحتك في حنانك...
ههههههههههههههههههههههه |
نزار لك تحياتي والله ما قصرت تب أنت من زمان وين ؟
|
Post: #549
Title: Re: شوقي سليمان تعال علمنا ماسمتك النضال....!!
Author: Shawgi Sulaiman
Date: 04-13-2011, 09:36 PM
Parent: #548
Quote: وهلا يا شوقي وده اتفاق كبير واساسي واختراق كبير في نقتنا دي ومادام متفقين علي الاشياء الاساسية وكل زول عندو اليته لتحقيق هذه الاهداف فمافي خلاف كبير لمن ينضمو بيهو طالما نحن كابين في نفس الحتة...وعاوزين نشيل الانقاذ التي وقفت حجرة عثر امام هذه الحاجات منذ وصولها للسلطة وحتي الان.. |
كيكي مساء الخير
الانقاذ شيلتها صعبة وذلك لضعف المعارضة وسليتها . قبل ايام حصلت هجمة اسرائلية على ارض السودان للاسف الشديد تشعر كان المعارضة شمتانة لم نرى اي خطابات إدانة لهذا العدون هذا العدوان لم يكن ضد الانقاذ انما كان ضد السودان وارض السودان.
عشان كده واكرر قبل ما تشيل الإنقاذ صححوا مسار المعارضة . وعلى فكرة انا لم اختلف معاك بتاتا بشان الحريات وحقوق المواطن واعتقد ده شئ اساسي ومطلب مشروع كلنا يجب ان نلتف حوله .
|
Post: #550
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-13-2011, 09:46 PM
Parent: #549
Quote: الانقاذ شيلتها صعبة |
هلا يا شوقي.. مافي شي صعب يا شوقي لو اتوجدت الارادة والحماس... والمعارضة ليس هي (العامل الاساسي في شيل النظام) بل هو (الشعب) المنكوي بنار الظلم هو من يقرر في امر الانقاذ وسلبية المعارضة لا يعني ان يسكت الناس وينتظر الجميع حتي يحرق البلد عشان (ناس الصادق المهدي حزبهم كعب او لانو الترابي ونقد وغيرهم من الاحزاب حكايتها بايظة).. الانقاذ تحكم الشعب بصورة مباشرة ولاتحكم المعارضة فقط ومشكلتك انت او مشكلة اي مواطن اخر مع النظام لييه مدخل (المعارضة) في النص وعامل للدرب بتاع شيل الانقاذ (كليوات)...
العدوان الاسرائيلي ده طبعا انا بالنسبة لي امر (مدان) وهو انتهاك للسيادة السودانية ولكن الانتهاك ده نتيجة لاهمال وتقصير في حماية البلد من قبل الحكومة لذا المسئولية في هذا الاهمال والتقصير مسئولة منه الانقاذ كونها قاعدة في السلطة وماسكة موارد البلد لذا عليها ان تحمي هذا البلد... ولاشنو..؟؟ ولو في معارض اخر فرح للموضوع ده تصبح هي مشكلة هذا المعارض فقط وليس مشكلة كل المعارضة...لانو المعارضة كلها ما جسم واحد وكل شاه فيها معلقة من عرقوبها
|
Post: #551
Title: Re: شوقي سليمان تعال علمنا ماسمتك النضال....!!
Author: صبري طه
Date: 04-13-2011, 10:29 PM
Parent: #550
لك التحية أخي كيكي ولضيوفك ...
استوقفتني كلمة "رمادي" كثيراً ... واللون الرمادي هو خليط بين الأسود والأبيض بمختلف درجاته، فقد يكون أقرب للسواد (داكن) وقد يكون أقرب للبياض (فاتح) وذلك على حسب تغليب أياً من اللونين على الآخر ...
وعندما ربطت هذا اللون بميزان نظام البشير والمعارضة لم أجد تفسيراً منطقياً له ...
لماذا ؟
لأننا إذا رمزنا لنظام البشير باللون الأسود ورمزنا للمعارضة باللون الأبيض فلا يمكن لشخص مستقيم أن يأخذ من اللونين فالمبادئ لا تتجزأ وما كثيره حرام فقليله أيضاً حرام ... (إذا شربت كأس واحد أو شربت البرميل كلو) في كلا الحالتين شربت الخمر ووقع الإثم ...
إذاً يا عزيزي من راوده قلبه بالميول نحو نظام البشير فهذا "أسود فقط" ... لأن معارضة النظام هي (اللون الأبيض) وهي حرية الشعب ومبنية على احترام المبادئ واستعادة الحق المسلوب في الاختيار من غير وصاية أو إملاءات ... فمن يدّعي الإنقلاب للإنقاذ وللإصلاح ما الذي منعه من فعل ذلك من خلال الديمقراطية التي تحتكم لرأي الأغلبية ... هل لأن أقليته لم تمكنّه من فرض وصايته أم أن فهمه للسياسة أفضل من بقية التنظيمات ليفرض فهمه الذي يختلف فيه معه الكثيرين ؟!
وأرجع للون الرمادي هُنا ... من كان لونه أبيضاً وأخذ من اللون الأسود فقد أصبح لونه أسود فقط على حسب معادلة المبدأ والضمير ...
ولك ودّي ،،،
ــــــــــ
|
Post: #552
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-14-2011, 06:09 AM
Parent: #551
Quote: إذاً يا عزيزي من راوده قلبه بالميول نحو نظام البشير فهذا "أسود فقط" ... لأن معارضة النظام هي (اللون الأبيض) وهي حرية الشعب ومبنية على احترام المبادئ واستعادة الحق المسلوب في الاختيار من غير وصاية أو إملاءات ... فمن يدّعي الإنقلاب للإنقاذ وللإصلاح ما الذي منعه من فعل ذلك من خلال الديمقراطية التي تحتكم لرأي الأغلبية ... هل لأن أقليته لم تمكنّه من فرض وصايته أم أن فهمه للسياسة أفضل من بقية التنظيمات ليفرض فهمه الذي يختلف فيه معه الكثيرين ؟!
|
هلا يا صبري وحياك الغمام ياخ ومرحب.. وبالتاكيد لا منطقة وسطي مابين (عمايل نظام عمر البشير) والقضايا الاساسية المربوطة بحق المواطن السوداني ولا ينبغي ولكن في زمانات (الهلامية) وسطوة ضربات التغبيش يجد الكثيرين لانفسهم احداثيات تكوين في تلك المنطقة و(بجككو فيها وباصرار عجيب.. العجيب في امر هذا الوعي الرمادي فيما يخص القضايا الاساسية انهم يتعاملون مع (الصراع في الوطن) تعامل من يشاهد مباراة كروية ما بين فريقين ناسين تماما بانهم هم اصحاب الوجعة الحقيقية واصحاب المصلحة الاساسية كمواطنين ...
وشكرا علي الاضافة والحضور
|
Post: #553
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-14-2011, 09:24 AM
Parent: #552
يا كيكي
Quote: ولو في معارض اخر فرح للموضوع ده تصبح هي مشكلة هذا المعارض فقط وليس مشكلة كل المعارضة...لانو المعارضة كلها ما جسم واحد وكل شاه فيها معلقة من عرقوبها |
الكلام دا ليك و لي صبري بس شيل كلمة معارض و معارضه و خت بدلها رمادي و رمادية الحاجة التانية و نحنا ماشين لي قدام في مسالة محاربة السوداني لي أصوله و ثقافته عليكم الله لونا دا و درجاتو (الأسود الي الرمادي) ما تنجرّّو لي ربطه بالحاجات الكعبه.
|
Post: #554
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-14-2011, 09:36 AM
Parent: #553
Quote: نحنا ماشين لي قدام في مسالة محاربة السوداني لي أصوله و ثقافته عليكم الله لونا دا و درجاتو (الأسود الي الرمادي) ما تنجرّّو لي ربطه بالحاجات الكعبه. |
هلا يا عمدة.. ومعا من اجل السودانوية ولكن سودانويتك دي ما تقومها علي انقاض (المصطلحات) واطر ونظر ليها كويس واديها (لونية ) سودانية من البداية الي النهاية...وخلافنا يا عماد في هذا البوست ما كبير.. متفقين وداعمين علي (السودنة) ولكن مختلفين في الاسلوب والطريقة ... انت عاوز تشيل الرمادي وتضخه بوعي سوداني وتفكو في الكون ده وتسميهو _رمادي) انا بقول ليك حدد خصائصك الدايرها والتصيف وانجر (مفردة سودانية) حقيقية... وانا ماعارف اصرارك علي رمادي دي تحديدا ليييييييه..؟؟ وبالمناسبة في مفردة (سلعلع الصراعات) كانت تاريخيا تستعمل في الخطاب السياسي في الجامعة لوصف الحالية الرمادية (بوصفي) انا ولكن ما اظن تخارج مع _(رماديكم) الجبتو لينا هنا ده...
|
Post: #555
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-14-2011, 12:41 PM
Parent: #554
و يا باشمهندس
Quote: وخلافنا يا عماد في هذا البوست ما كبير.. |
يا كيكي إذا بس الكلام البي تطبقوا علي المعارضة بي تطبقوا علي من تسميهم الرماديين، مافي خلاف تب، اهو كلامك نختو ليك تاني
Quote: [ولو في معارض اخر فرح للموضوع ده تصبح هي مشكلة هذا المعارض فقط وليس مشكلة كل المعارضة...لانو المعارضة كلها ما جسم واحد وكل شاه فيها معلقة من عرقوبها ... |
أها جبناهو ليك تاني: بدل معارض و معارضه بي رمادي و رماديين.
اما مسالة المصطلحات و نجر الاسامي دي فليها تقعيد و بكان تاني، اما عني فاني رمــــــــادي (و تقرأ هنا عدم اليقين) و اللهم أحشرني مع زمرتهم و ابعدني من اصحاب اليقين والقطعيات و الأحكام الجاهزة.
|
Post: #556
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-14-2011, 01:43 PM
Parent: #555
Quote: أها جبناهو ليك تاني: بدل معارض و معارضه بي رمادي و رماديين. |
هلا ياعمدة وياخي (طالما ) مختلفين علي (ماهية الرمادي) فمافي اي طريقة اخت ليك الرمادي في بكان المعارض.. والرمادي (عندي*) موقفو ما واضح من االقضايا الاساسية..والمعارض موقفو محدد.. المعارضة الوان طيف وتيارات متنوعة والرمادي حالة بالنسبة لي مصابة بجمود واقفة في نقطة (واحدة) هي نقطة الراي الهلامي القضايا الاساسية.. ---
Quote: اما مسالة المصطلحات و نجر الاسامي دي فليها تقعيد و بكان تاني، |
ووين يا عماد البكان ده...ولي يكون في بكان تاني طالما الناس هنا ممكن تتنج معرفة او تاسس لفهم سوداني زي ما بتقول (انت).. --------
|
Post: #557
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-14-2011, 02:14 PM
Parent: #556
يا كيكي
Quote: والرمادي حالة بالنسبة لي مصابة بجمود واقفة في نقطة (واحدة) هي نقطة الراي الهلامي القضايا الاساسية.. |
ياخي حتي لو إتفقت معاك في كلامك دا، البلد كلها في حالة سقوط مش جمود ما دي مسئولية الناس الإنبرو عشان يعالجو المشاكل دي إنهم يوعو الناس مش يمسكوهم و يسموهم بي نعوت سلبية. يا زول لو إنت معارض، الرماديين "بي توصفيك دا" ديل مسئوليتك عديل، و إلا لو كانو معاك النظام دا كان من زمان دق الدلجة. يا كيكي هسه في زول بي يشتم شغلو ... اها الرماديين ديل بي توصفيك محل شغلنا. أكان في واحد ما إقتنع ناقشو يا إقتنع يا إقتنعو الناس البي يقرو ليك. لكن حكاية القبقيب بتاعتكم دي للناس البختلفو معاكم ما شفناها إلا عند النظام المعارضنو دا. الخطاب المتماسك و ما هلامي دا عند المعارضة، لكن الناس السودانيين العاديين ديل مخترقين بشتي الخطابات، اها الحايخليهم ما هلاميين منو؟ و الله بطريقتكم دي بي تطفشوهم عديل كده.
|
Post: #558
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-14-2011, 02:35 PM
Parent: #557
Quote: الرماديين "بي توصفيك دا" ديل مسئوليتك عديل، |
هلا ياعمدة ودي ما قلنا فيها حاجة واهو البوست ابو اربعة صفحات خير دليل لمناقشة هذه الجزئية وبدون شتم او اساءة وحوار بكل احترام وتقدير...
Quote: الخطاب المتماسك و ما هلامي دا عند المعارضة، لكن الناس السودانيين العاديين ديل مخترقين بشتي الخطابات، اها الحايخليهم ما هلاميين منو؟ |
يا عمدة ياخي انت بتكلم وكاني (انا) المعارضة كلها وعاوز ترمي علي خيبتها ومشاكلها واشكالات المعارضة دي انا ما مختلف معاك فيها وكل معارضة مربوطة من عرقوبها.. والهلامية لو كانت بوعي دي ماعندها مبرر (غير الاشياء السلبية زي انتهازية...واقصائية.. ودكتاتورية وغيرها من الاشياء السلبية التي تجنح الي (قمع الاخر) وهي سلبية بالتاكيد وفييييييييري سلبية لذا وجب علينا انا نسميها باسمها الحقيقي... النقاش هنا يا عمدة في البوست ده ما مرتكز علي (ايدلوجية) تدعم حزب او تدعم جهة بل هي حول الايمان بالقضايا الاساسية من حريات وحقوق وغيره... ودي ما فيها (نقاش بطبطبة اومهابشة حنونة) لانو في انعدامها بموت زول وبجوع زول وبعتقل زووول وبشرد زووول...وخاصة لمن يكون النقاش مع زول عارف ولكنه بيحاول يغبش الوعي بالحاجات دي وببني متاريس لعصلجة رحيل ازالة العصابة السارقة البلد..
|
Post: #559
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-14-2011, 02:50 PM
Parent: #558
Quote: البلد كلها في حالة سقوط مش جمود
|
هلا ياعمدة والبلد ممكن علي مستوي الدولة فيها (جمود ) وسقوط ولكن وجود هذا الجمود او السقوط لا يلغي وجود مواقف مبدئية وثابتة من قضايا الحقوق الاساسية وهي الحلقة الاهم في رحلة الاستقطاب لمشروع الديمقراطية وماحاصل فيها جمود او (سكون) بل بالعكس الحركة اليومية في اكتساب جماهير للخط ده في ربح يومي وان كانت غير منظورة بصورة اوسع الا انها المرحلة الماشي ليها العالم كلو.. والمنطقة والسودان..!! وجمود السلطة والدولة تقابله في الاتجاه الاخر حركة ووعي بالقضايا الاساسية
|
Post: #560
Title: Re: شوقي سليمان تعال علمنا ماسمتك النضال....!!
Author: Siham Elmugammar
Date: 04-14-2011, 03:52 PM
Parent: #559
سلاماتت ياخ والله البوست ده عامل لى شغب يعنى الواحد بيخرم ليهو سوا سوا مع الاولاد
اها المره دى كنت فى الدمازين النت بطىء جدا ما قدرت اتابع وهسه قلت اطل عليكم من الشاااارع عديل كده سلامات واشواق للجميع
ود التجانى سلامات راجع الماسنجر ياخ وخليها فى سرك
|
Post: #561
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-14-2011, 04:03 PM
Parent: #560
Quote: اها المره دى كنت فى الدمازين
|
لا يابييييييير ومشتاقين والله.. وانتي اقعدي ولعي فينا جمر الحكي كده ومخليانا في حالة سعبة ياااخ مرة مدني ومرة دمازين والروصيرص وبعدها اكيد القضارف ونحن في المنافي والشواطي البعيدة خشمنا ملح ملح لوووووول وحبابك شديد والبوست زااتو بسال عنك وياريت تلقي فرصة وتجي تواصلي معانا الدرش والنقة
وتحياتي
|
Post: #562
Title: Re: شوقي سليمان تعال علمنا ماسمتك النضال....!!
Author: aydaroos
Date: 04-17-2011, 10:50 AM
Parent: #561
يا سهام الشوق من هنا لي حدك يغشاكي و الونسه معاكم ممتعة و بي الذات مع الصديق الصادق كيكي
Quote: [والهلامية لو كانت بوعي دي ماعندها مبرر (غير الاشياء السلبية زي انتهازية...واقصائية.. ودكتاتورية وغيرها من الاشياء السلبية التي تجنح الي (قمع الاخر) وهي سلبية بالتاكيد وفييييييييري سلبية لذا وجب علينا انا نسميها باسمها الحقيقي... |
إنت عارف يا كيكي نحن ما مختلفين في الأهداف بس كمان زي ما إنت أقريت إنو في المعارضه كل زول يقبقبو براهو ، برضو الناس الما في التصنيف بتاع معارضه كل زول براهو، و أساس النقاش هنا إنو بدل توصيف الناس هلاميين و رماديين إلخ إلخ ... خش لي رايهم و أقنعهم بي رأيك و ده جوهر العمل المعارض.
Quote: [يا عمدة ياخي انت بتكلم وكاني (انا) المعارضة كلها وعاوز ترمي علي خيبتها ومشاكلها واشكالات المعارضة دي انا ما مختلف معاك فيها وكل معارضة مربوطة من عرقوبها..
|
لا لا يا كيكي حاشاك من الخيبات ، بس دايرك تبعد من التصنيفات و التعميم ودي خيبة اساسية للمثقفين و السياسين بدل ما يحاورو و يقنعو بي يمشو للتصنيفات السلبية لإسكات خصومهم، و بالذات إنت زول تفكيك و التفكيك بي يعتمد علي الموجود و إرجاعه للعناصر الأساسية ليهو موش التعميم المخل.
Quote: ودي ما فيها (نقاش بطبطبة اومهابشة حنونة) لانو في انعدامها بموت زول وبجوع زول وبعتقل زووول وبشرد زووول...وخاصة لمن يكون النقاش مع زول عارف ولكنه بيحاول يغبش الوعي بالحاجات دي وببني متاريس لعصلجة رحيل ازالة العصابة السارقة البلد.. |
سؤال خبيث يا كيكي هنا "رأيك شنو في أحزابنا المعارضة القعدت من يمينها لي يسارا مع الحزب البكتل و بسرق و بنهب دا؟" يا كيكي كلو بالنقاش ... ما بي القبقبه و الالقاب السلبية ولو ما إقتنع الزول دا الناس التانيين البقرو بي يقتنعو ليك
|
Post: #565
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-17-2011, 01:52 PM
Parent: #562
|
Post: #567
Title: Re: شوقي سليمان تعال علمنا ماسمتك النضال....!!
Author: عبدالكريم الامين احمد
Date: 04-17-2011, 02:36 PM
Parent: #565
|
|