Post: #1 Title: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 03:48 AM
يا سادة يا كرام سيكون هذا البوست بطيئاً فاعذروني. سأحاول رصد بعض الكتابات والفيديوهات والنكات ال(عويرة) والتي يعتقد البعض أنها خفيفة الدم وأنزلها هنا. وسجن .. سجن ، غرامة.. غرامة! سنبدأ بهذا الفيديو:
ملحوظة: هناك خطأ في طباعة العنوان إذ أن المقصود للإستهبال وليس لإستهبال وشكراً.
Post: #2 Title: Re: كوميديا العبط: نماذج لإستهبال باسم خفة الدم Author: عزان سعيد Date: 01-18-2011, 05:41 AM Parent: #1
متابعين
Post: #3 Title: Re: كوميديا العبط: نماذج لإستهبال باسم خفة الدم Author: محمد عبد الماجد الصايم Date: 01-18-2011, 06:08 AM Parent: #2
هــوا تقييييييييل!!
Post: #4 Title: Re: كوميديا العبط: نماذج لإستهبال باسم خفة الدم Author: مُحَمَّدٍ عِوَضٌ احْمَدُ Date: 01-18-2011, 08:01 AM Parent: #3
Quote: وسجن .. سجن ، غرامة.. غرامة!
الله يستر ...
تحياتى ألاخ محمد عثمان
Post: #5 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 10:20 AM Parent: #4
Quote: يا فاطنة.... يا جاية من زمن المك نمر وانتصارات المريسة... لقيتيني في زحمة الدنيا الزهجانة والدمعة الحبيسة في سنوات نشاف الريق.... سنوات البغلة في الابريق........ السنوات الكبيسة فاطنة بيعي ولدك الكبير لناس الاغاسة وولدك الصغيّر اضبحيهو امسحي بيهو دوكة العواسة.... شن الولادة ليكي؟ وانتي ما لاقيه حق النِفاسة
Post: #6 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 10:41 AM Parent: #5
عزان ود الصايم محمد عوض أبقوا معنا مع التحايا الطيبة
Post: #7 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 10:47 AM Parent: #6
Post: #8 Title: Re: كوميديا العبط: نماذج لإستهبال باسم خفة الدم Author: زهير الزناتي Date: 01-18-2011, 10:50 AM Parent: #7
قلت لي اتفرغت للجماعة ... الله يجيب العواقب سليمة ...
متابعين
Post: #10 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 10:57 AM Parent: #8
يا زهير سلامات والله قلنا نقول رأينا في قصة الجماعة ديل، على الأقل يمكن نساهم في خلق حساسية توقف سلسلة كان في واحد حلفاوي..زغاوي..جنوبي...هدندوي...فلاتي... أهل العوض والسخف دة، ولا كيف؟ سأكون لطيفاَ جداً معهم.. لو جاتك فكرة ولا رأي بالله ما تحرمنا منه مع التحايا
Post: #9 Title: Re: كوميديا العبط: نماذج لإستهبال باسم خفة الدم Author: MOHAMMED ELSHEIKH Date: 01-18-2011, 10:51 AM Parent: #6
Post: #14 Title: Re: كوميديا العبط: نماذج لإستهبال باسم خفة الدم Author: طارق جبريل Date: 01-18-2011, 11:25 AM Parent: #13
جينا نسلم
قبل الكتاحة ما تقوم
Post: #15 Title: Re: كوميديا العبط: نماذج لإستهبال باسم خفة الدم Author: Balla Musa Date: 01-18-2011, 03:20 PM Parent: #14
سلام يامحمد عثمان
خودك المستورد دا للمقارنة:
Post: #16 Title: Re: كوميديا العبط: نماذج لإستهبال باسم خفة الدم Author: doma Date: 01-18-2011, 03:27 PM Parent: #15
يا شباب بالله الترجمه علي الشريط مراعاه لاحوال مشاهديكم في الصين
Post: #17 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 11:29 PM Parent: #16
عمران شكراً على الحضور طارق جبريل أهلاً بيك وإطمئن مافي عجاجة ولا حاجة :( بس عايزين نقول رأينا ساكت مع التحية
Post: #18 Title: Re: كوميديا العبط: نماذج لإستهبال باسم خفة الدم Author: خالد العبيد Date: 01-18-2011, 11:35 PM Parent: #17
يا عثماننا سلام ممكن احكي نكتة .. واهديها!! ؟
Post: #19 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 11:38 PM Parent: #17
بلة موسى شكراً على الهدية حأسمعها وأرجع ليك.
الأخت دوما أهلاً بيك وأرجو أن تبقي معنا .. يمكن يجي مترجم مع التحايا الطيبة
Post: #20 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 11:40 PM Parent: #19
Quote: يا عثماننا سلام ممكن احكي نكتة .. واهديها!! ؟
يا خالد العبيد هو البوست ضد النكات ذاتو.. تقوم تحكي فيه نكتة :( تحياتي يا صديق
Post: #21 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-18-2011, 11:55 PM Parent: #20
هذا المقطع المقتبس جزء من مقال بعنوان ( تقسيم المواطنين إلى هزليين وقطيمين) كنت قد كتبته في يونيو 2010 لصالح صحيفة في الخرطوم، ثم عدلت عن نشره لأسباب مختلفة.
Quote: أبلغ الرشيد وزيره البرمكي وخادمه مسرور أنه مكدّر اليوم كدراً شديداً وأنه يشعر بالأرق وضيق الصدر فأبلغه مسرور أن هناك رجل يقال له بن المغازلي يجتمع عليه الناس في السوق فيضحكهم. فأمر الرشيد بأن يؤتى بالرجل إلى قصره الساعة. فلما أتى بن المغازلي وألقى بالتحية، وقف يتكلم، و يتمسخر، ويفعل أفعالا عجيبة لم يضحك لها الرشيد البتة و لم يبتسم وفي النهاية أمر بضرب المتمسخر بجراب به أربع زلطات عظام. القصة طويلة لكننا نتركها هنا.
لهذه القصة مناسبتان واحدة ما نشرته وسائل الإعلام عن ورشة عمل عقدتها عدد من الفرق الكوميدية تحت شعار (إبتسامة على طريق الوحدة)! قلت لنفسي "الله أكبر، ها قد بدأ العمل في ابتذال الوحدة" وغني عن القول إن الوحدة عمل وطني سياسي وثقافي واقتصادي جاد لا يتحقق بالإبتسامات السمجة والنكات الممجوجة. أهدر الهزليون وقت المسئولين الذين شرفوا ورشتهم المنعقدة تحت رعاية الإتحاد الوطني للشباب فقدم أحدهم ورقة عمل ناقش من خلالها دور الفرق الكوميدية في ترسيخ مفاهيم الوحدة. يا للهول! أيها الهزليون ابتعدوا عن الوحدة فقد اسهمتم بنكاتكم السمجة في تمزيق البلاد شذر مذر وانتم تأتون بالأعاجيب من نوع "كان في واحد جنوبي فعل كذا وكذا...واحد إسمو أبكر في الفاشر ترك كذا وكذا" وتنثرون عبر الكاسيتات والأقراص المدمجة الغثاء دون حساسية ودون اعتبار للمشاعر لقد قمتم بتقسيم الناس على أساس هزلي وكرّستم كرام الناس في صور نطمية بائسة "أهل العوض يفعلون كذا، الحلفاوين هم هكذا" يا لعار الوحدة يوم تتحقق على يديكم .
Post: #22 Title: Re: كوميديا العبط: نماذج لإستهبال باسم خفة الدم Author: نيازي مصطفى Date: 01-19-2011, 00:24 AM Parent: #21
عليك الله ما تنسى الكاميرا الخفية .. تحياتي
Post: #23 Title: Re: كوميديا العبط: نماذج لإستهبال باسم خفة الدم Author: الرشيد البصيلى Date: 01-19-2011, 05:44 AM Parent: #1
النكتة فى صورة البروفايل ... كريمر ابو كدوس
*********
الله يجازى محنك يا محمد عثمان ..... انت تعرف انا مجرد ما شفت صورة البروفايل والله ضحكت لحدى ما عيونى دمعو واتذكر طفلتى التى تظهر يمينك فى صورة البروفايل تحب Jerry seinfeld وبعدين مركزة على صاحبك كريمر ودخلاتو العجيبة واسترزاقو وإستهبالو على صاحبك جيرى ، بتى قالت لى هو ما عندو تلاجة ؟؟؟
********
Post: #24 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-19-2011, 10:39 PM Parent: #23
Quote: عليك الله ما تنسى الكاميرا الخفية .. تحياتي
نيازي مصطفى قصدك الكاميرا الخفية بتاعت ربيع طه؟ دي لا يمكن أن ننساها لأنها صاحبة المقام الأرفع في إرث السخف والعباطة وثقل الدم. ربيع طه لم يكتف بإبقاء السخف داخل أسوار البلاد بل نقله إلى الخارج أيضاً، يا للفظاعة! تحياتي ومودتي
Post: #25 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 01-20-2011, 00:03 AM Parent: #24
Quote: النكتة فى صورة البروفايل ... كريمر ابو كدوس ********* الله يجازى محنك يا محمد عثمان ..... انت تعرف انا مجرد ما شفت صورة البروفايل والله ضحكت لحدى ما عيونى دمعو واتذكر طفلتى التى تظهر يمينك فى صورة البروفايل تحب Jerry seinfeld وبعدين مركزة على صاحبك كريمر ودخلاتو العجيبة واسترزاقو وإستهبالو على صاحبك جيرى ، بتى قالت لى هو ما عندو تلاجة ؟؟؟
الرشيد البصيلي بعد التحية والسلام ربنا يحفظ ليك بتك الأميرة الصغيرة واخوانها. والله البت دي عنده Taste عالي وشكلها كدة بتحب الكوميديا الراقية فأرجوك خليها تتفرج بعض النماذج اللي في البوست دة عشان تعرف حاجة ذاتو :( العبقرية في سلسلة ساينفيلد بالإضافة للأفكار وأساليب المعالجة هي في طريقة التمثيل ذاتها.. أنا قريت سيناريوهات بعض الحلقات وما ضحكتني خالص.. يعني هي حوار عادي لكن لما تجي تتفرج عليها وتشوف أداء الممثلين لا تملك نفسك من الضحك. انا عندي المجموعة الكاملة وبتسلى بيها من حين لآخر. الإبداع التاني في إرتباط الحلقات ببعضها البعض والأسماء العجيبة للناس زيArt Vandelay الذي ظهر في الحلقة الأخيرة. غايتو عبقرية ناس ساينفيلد ديل دايرة ليها بوست براها. مع تحياتي أخوك كوزمو كريمر
Post: #26 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 03-22-2011, 02:31 AM Parent: #25
بداية هذا البوست باسكتش الفنان طارق الأمين لا يعني حكماً على مجمل إنتاج ومساهمات طارق في حياتنا الثقافية والفنية لكنه يقتصر فقط على ذلك الإسكتش. لذا لزم التنويه.
Post: #27 Title: Re: كوميديا العبط: نماذج لإستهبال باسم خفة الدم Author: محمد عثمان ابراهيم Date: 03-31-2011, 11:02 PM Parent: #26
Post: #28 Title: Re: كوميديا العبط: نماذج لإستهبال باسم خفة الدم Author: ود الخليفه Date: 04-18-2011, 11:24 AM Parent: #27
تلك تجاره لن تبور
Post: #29 Title: Re: كوميديا العبط: نماذج لإستهبال باسم خفة الدم Author: محمد الأمين موسى Date: 04-18-2011, 11:55 AM Parent: #28
أخي الفاضل محمد عثمان إبراهيم... لك التحية والتقدير. اعتقد أن أعمال الفنان طارق الأمين - ضمن فرقة الهيلاهوب - والتي أخذت طابعها المميز ضمن الكوميديا السودانية، من أعمق فنون الكوميديا التي أنتجها الفنانون السودانيون. ولو نظرنا فيما تسميه عبط في عمل "كل زول بي زوجة بتاعو"، سنجد أنه يعالج قضية هامة يعاني منها العديد من المغتربين الذكور الذين يقاسون ويلات العنوسة بسبب صعوبة الاختيار... ولعل السمة الأساسية لطارق الأمين، قدرته الفائقة على تمثل الدارجات السودانية في أعماله واختياره لبعض الكلمات والعبارات التي قد لا تتأتى إلا لمن ترعرع في بيئة معينة وتشرب ثقافتها الجوانية. لقد ترفع طارق الأمين عن ابتذال: واحد فلاتي وواحد بقاري وواحد شايقي، ولكنه عبر عنهم بطريقة غير مباشرة من خلال توظيف اللهجة والإيقاعات. في تقديري أن أعمال الهيلاهوب وتستحق الدراسة المعمقة ولها الطاقة الكامنة التي يمكن أن ترفد بها الدراسات الأنثروبولوجية والنفسية والاجتماعية (كل زول دخل قدومه لما جا واحد عرس فطومه! = تدخل السودانيين في الخيارات الشخصية المتعلقة بالزواج).
