Post: #1 Title: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:27 PM
القشة المقصوده هى LifeStraw http://en.wikipedia.org/wiki/LifeStraw و هى عبارة عن شفاطه طوالها ٣١ سم و قطرها ٣ سم. تستخدم فى تنقية المياه و جعلها صالحة للشرب. الشفاطه او القشه ما بتستخدم مواد كيمايية لتنقية المياه. بتستخدم طريقة فيزائية. استخدامها ساهل جدا. الزول بيكون معلقها فى رقبتو. لما يلاقى موية شاكى (او عارف) فى انها ما صالحة للشرب....يشرب من خلال الشفاطة دى. فى مقاس للاسرة .لكن الان خلونا فى الصغيرة بتاعت الاستعمال الشخصى
Quote: LifeStraw filters a maximum of 1000 litres of water, enough for one person for one year
استخدمت فى هايتى بعد كارثة الزلزال و فى باكستان بعد الفيضانات القشة حقيقة فعالة جدا فى تنقية مياه الشرب خطر على بالى انها ممكن تكون مفيده جدا فى السودان لكل الناس اللى ما متوفرة ليها مياه صالحة للشرب. القشة الواحدة ثمنها حوالى 5 دولار امريكى عاوزه مساعدة اهل الخير فى السودان وخارج السودان. و قبل ما نجى لموضوع القروش و جمعها.....انا عاوزه مساعده فى اجابة الاسئلة دى او التفكير معى بصوت عالى حول اجابتها: ١~ تفتكروا ممكن الناس تستعملها لو اتوفرت ليهم? ٢~ منو ممكن فى السودان يساعدنا فى توزيعها مجانا ? ٣~ من متابعتى لبوستات مساعدة اهلنا فى طوكر....اظن انهم ممكن يستفيدوا جدا من القشات دى. لكن السوال هو : حسب معرفتكم لاهل المنطقة ....هل ممكن يكون فى اى مانع انهم يستخدموا القشات دى? ٤~ تفتكروا افيد نحاول نوفر لكل سودانى قشة ام نوزعها فى حالة الكوارث مثل فيضانان الشرق او معسكرات دارفور و كده? منو ممكن يساعدنى فى الخرطوم? _____________________________________________
عنوان البوست فقط لمحاكاة الزميل د. انوركنق الموضوع ما منافسة لامنية د. انوركنق....بالعكس بوست كنق هو اللى خلانى افكر فى الموضوع ده
Post: #2 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:32 PM Parent: #1
Post: #3 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:33 PM Parent: #2
Quote: LifeStraw is a personal, portable water purifier developed to combat waterborne diseases, of which nearly 6,000 people die from each day. Forbes Magazine calls it, “One of the Ten Things that will Change the Way We Live”.
Post: #4 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:35 PM Parent: #3
Post: #5 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:37 PM Parent: #4
Post: #6 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:38 PM Parent: #5
Post: #7 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:40 PM Parent: #6
Post: #8 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 10:43 PM Parent: #7
Post: #10 Title: Re: امنية عيد ميلادى ال 60 :قشة لكل عطشان Author: عزان سعيد Date: 01-26-2011, 10:56 PM Parent: #8
سمارتينا أليام دي باخد في كورس إسمو:
ISSUES FOR WATER AND SANITATION IN TROPICAL ENVIRONMENTAL HEALTH
خليني أطرح موضوع القشة دي في الحصة ونشوف البروفسير والشباب يقولوا شنو تحياتي
Post: #9 Title: Re: امنية عيد ميلادى ال 60 :قشة لكل عطشان Author: Maawya Hussein Date: 01-26-2011, 10:54 PM Parent: #7
+
ان شاء الله عيد ميلادك دا يكون قريب شديد :)
Post: #11 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 11:27 PM Parent: #9
سلامات يا عزان ورينا الجماعة بيقولوا شنو. شكرا جزيلا ما تنسي تكلمهم ان الاجيال الجديده منها بتنقى المويه من اغلب المصائب ما عادا المعادن الثقيلة و دى مفروض ما تكون مشكلة فى السودان I hope!1
Post: #12 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-26-2011, 11:28 PM Parent: #11
معاوية حسين انا ناوية اجيب لروحى واحده هدية فى عيد ميلادى عشان اجربها و ما اكون بتفاصح ساى عيد ميلادى ده بعد حوالى كم شهر كده شكرا جزيلا
Post: #13 Title: Re: امنية عيد ميلادى ال 60 :قشة لكل عطشان Author: عاطف عبدون Date: 01-27-2011, 00:50 AM Parent: #12
يا بكره جميل ضواي
اديهم قشه
Post: #14 Title: Re: امنية عيد ميلادى ال 60 :قشة لكل عطشان Author: Kostawi Date: 01-27-2011, 02:38 AM Parent: #13
ويني قشتي ?
Post: #15 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-27-2011, 02:57 AM Parent: #14
شكرا يا عاطف عبدون اى فكرة او تعليق على الاسئلة؟؟؟ بالجد انا ما عندى اى فكرة الموضوع ده ممكن يتعمل كيف! و عاوزه مساعدتكم كلكم نفر... نفر
Post: #16 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-27-2011, 03:01 AM Parent: #15
كوستاوى ..انت كمان عاوز قشة؟؟؟ انت بالذات مفروض تتبرع لينا ب عدد 1000 قشه....سمعت انك ما عارف تعمل بالقروش شنو.
Post: #17 Title: Re: امنية عيد ميلادى ال 60 :قشة لكل عطشان Author: ندى عثمان حسن Date: 01-27-2011, 06:20 AM Parent: #16
سلامو ياإسمارت
فى كتير من أنحاء السودان بشربو دايريكت من الحفير أو الترع او من النيل ذات نفسو , بدون ماتمر بـ اى مرحلة تنقية أو تعقيم , ودى من أهم أسباب إنتشار الأمراض الليها علاقة بالموية (البلهارسيا مثلا), فديل أكتر الناس الممكن يستفيدوا من موضوع القشة دى.
حتى فى العاصمة وبتكونى قريتى عن الموية الملوثة بمياه الصرف الصحى.
ومعاك , قشة لكل مواطن سودانى.
Post: #18 Title: Re: امنية عيد ميلادى ال 60 :قشة لكل عطشان Author: AnwarKing Date: 01-27-2011, 06:39 AM Parent: #17
Too much of the world lacks access to clean drinking water. Engineer Michael Pritchard did something about it -- inventing the portable Lifesaver filter, which can make the most revolting water drinkable in seconds. An amazing demo from TEDGlobal 2009.
Count me in...I'll be in Khartoum for awhile
Post: #19 Title: Re: امنية عيد ميلادى ال 60 :قشة لكل عطشان Author: Ashraf el-Halabi Date: 01-27-2011, 07:31 AM Parent: #18
فكرة سمارت يا سمارت سعرها ما المشكلة الوحيدة للشعوب الفقيرة رفع الوعي بأهميتها هو المشكلة الأكبر
Post: #20 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-27-2011, 05:20 PM Parent: #19
شكرا يا ندى و كلامك صحيح ١٠٠% . فى ناس بتمشي مشاوير طويلة جد ا جدا يوميا عشان تجيب موية ممكن تتشرب و غالبا برضو بتكون مياه ما صالحة للشرب. و الاطفال و النساء غالبا بيكونوا مسؤلين من جيب المياه. و غالبا ما بيمشوا( الاطفال) المدرسة بسبب انهم مفروض يجيبوا المويه. شكرا يا ندى
Post: #21 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-27-2011, 05:24 PM Parent: #20
شكرا د. كنق عاوزاك تفكر معاى ممكن نعمل الموضوع ده كيف. انت ح توزع الكومبيوترات كيف? فى جهة , اصحاب ح يساعدوك?
Post: #22 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-27-2011, 05:31 PM Parent: #21
سلامات اشرف ....تسلم و ده بالضبط السبب من البوست. عاوزه الناس يورونى اذا (من البداية) فى مانع (تقاليد , عادات, ثقافة) ممكن تخلى الناس ترفض استعمالها اساسا. و السبب انو عندى زميلى اشتغل فى مشروع صحى فى قرية (ما بعيد جدا من الخرطوم) و اتذكر انى قال لى ان اهل القرية ما ح يرضوا يعملو ليهم حمامات داخل البيوت.. . وبيفضلوا يمشو الخلا. الناس ديل شايفين انه وجود حام فلا البيت حاجه مقرفه. عشان كده اهم من توفير حاجه ذى اننا نحاول نقنع الناس انها مفيده اساسا
Post: #23 Title: Re: امنية عيد ميلادى ال 60 :قشة لكل عطشان Author: hassan bashir Date: 01-27-2011, 06:55 PM Parent: #22
الأخت العزيزة سمارت أنا
Lifestraw جاءت ضمن قائمة مجلة التايمز لأهم اختراعات العام 2005. وهي فعلاً أداة فعالة تساهم في الحد من العديد من الأمراض المنقولة عبر الماء.
في بواكير العام 2006، قمنا بالاتصال بفرع الشركة المنتجة في دبي وأبدينا رغبة في شراء كمية لأغراض إنسانية بحتة في وطننا، ولكنهم تجاهلونا تماماً
Post: #24 Title: Re: امنية عيد ميلادى ال 60 :قشة لكل عطشان Author: smart_ana2001 Date: 01-27-2011, 07:24 PM Parent: #23
سلامات الاخ العزيز حسن بشير شكرا جزيلا على المعلومة. لكن عاوزه اعرف تفاصيل اكتر. كنت عاوزها لاى منطقة? كنتوا عاوزين تشتروا كم ? كنتم ح توزعوها كيف ? اول مره اعرف ان الشركة عندها مكتب فى دبى ....ده ح يسهل الامور شديد جدا.من دبى ممكن اختها فى شنطة و اشيلها السودان. او ارسلها بالبريد
Post: #25 Title: Re: امنية عيد ميلادى ال 60 :قشة لكل عطشان Author: hassan bashir Date: 01-27-2011, 07:56 PM Parent: #24
الأخت العزيزة سمارت انا
Quote: كنت عاوزها لاى منطقة? كنتوا عاوزين تشتروا كم ? كنتم ح توزعوها كيف ?
Post: #28 Title: Re: امنية عيد ميلادى ال 60 :قشة لكل عطشان Author: smart_ana2001 Date: 02-04-2011, 06:14 PM Parent: #27
سلامات وشكرا جزيلا ما حصل سمعت ب http://www.suwgia.com/ قبل كده. صدق ان لى زمن بفكر اعمل لى حاجه ذى دى? ح اتصل بيهم فى اقرب فرصة و احاول اعمل معاهم حاجه مفيده
شكرا د. كتور انور. و ربنا يحقق امانى الجميع ما تتخيل كمية الحجات اللى ممكن تعمل لو اتصلحت العلاقات بين امريكا والسودان. الشعب الامريكى من اكرم الشعوب الى انا شفتها. امس كنت بتفرج على لقاء مع بيل قيتس. الايام دى شغال على شلل الاطفال. احد اهداف منظمته الخيرية الايام دى محاربة شلل الاطفال. اخر دول فى العالم لسه فيها المرض ده (منها) افغانستان, باكستان, و اظن نجيريا. اتمنى انه ما يكون فى السودان
Post: #29 Title: Re: امنية عيد ميلادى ال 60 :قشة لكل عطشان Author: smart_ana2001 Date: 02-07-2011, 07:44 PM Parent: #28
يا جماعة .....مساعده. حتى ولو بفكرة.... براى... ممكن نبدا من وين?
Post: #30 Title: Re: امنية عيد ميلادى ال 60 :قشة لكل عطشان Author: hassan bashir Date: 03-03-2011, 08:17 PM Parent: #29
الأخت العزيزة سمارت أنا
Quote: احاول اعمل معاهم حاجه مفيده
بالتوفيق إن شاء الله .. أرجو إبلاغنا عندما ينضج الأمر لكي ننال شرف المشاركة في هذا العمل النبيل.
الدكتور أنور
تحيات وشكر. العرض أعلاه ينطبق أيضاً على ما تقوم به من أنشطة.
Post: #31 Title: Re: امنية عيد ميلادى ال 60 :قشة لكل عطشان Author: عزان سعيد Date: 03-05-2011, 04:17 AM Parent: #30
