Post: #1
Title: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 03:07 PM
Parent: #0
انفصل الجنوب.........ولم تنفصل!!!!!!
|
Post: #2
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 04:41 PM
Parent: #1
اعرف انك تقدس مهنتك ....وتحب ارض الجنوب الحبيب....ولكن ...اهلي في الجنوب اختاروا الانفصال...ورفضك العوده يمزقني.
|
Post: #3
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 05:00 PM
Parent: #2
تذكرت جدتي وهي تغني لك. هيا يا ناس أنا جيت ليا قائد دولته الحربيه صلاح الدين قليل في كلامه والضباط تقيف لي سلامه ولي ماهيته راح خدامه
|
Post: #4
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 05:05 PM
Parent: #3
لم آري احداً في تواضعك ومحبتك لمساعديك واتذكرك وانت تأكل الفول المظبط مع سواقك وتتبادل معه القفشات وتخمس معاه السجاره .
|
Post: #5
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 05:16 PM
Parent: #4
ما زال صوت جدتي الجميل يتردد صداه. خبير خبرتك مخبوره وظيفتك في البلد مشهوره وجينا نهني بي الدبوره . كان كل وقتك للناس تغضب جداً عندما تعرف اننا لم نيقظك من النوم لرؤية مريض وانت الذي قضيت أليوم السابق في ( النبطشيه )ولم تخلد للنوم الا لساعات قليله تتزود بها ليوم جديد
|
Post: #6
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 05:29 PM
Parent: #5
صوت جدتي الحنين مازال يتردد. من مصلحته جاتنا اشاره ومن كليته جاتنا امارة صلاح الدين جا بالطيارة وهيا يا ناس أنا جيت لي وقائد دولته الحربيه.
|
Post: #7
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 05:52 PM
Parent: #6
لم تنجح محاولاتنا بإبقاءك في الخرطوم ولم تعد دموعنا تجدي ،تركت السيارات الفارهه والعيادة الفخمه والزباين (التريانيين ) واخترت ملوال وخلفت بي تراب بلدك وعزة اهلك انك ما مفارق الجنوب حتي تفارق روحك جسدك،
|
Post: #8
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 05:57 PM
Parent: #7
ما ماتت اماً انجبتك يا صلاح ....تجردت من كل القابك ونياشينك وتركت لهم الجمل بما حمل وخسرت كل شيئ ......الا نفسك.
|
Post: #9
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: ABUHUSSEIN
Date: 03-14-2011, 05:57 PM
Parent: #7
سلام و إحترام ليك يا منال و لي سعادة العميد
و ربنا إجمعك بيه في ساعة خير إن شاء الله
تحياتي
|
Post: #10
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 06:03 PM
Parent: #9
ابو حسين راجل ساميه.........ازيك يا سيدهم....
|
Post: #11
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 06:23 PM
Parent: #10
تتنازع داخلي المتناقضات.....حب الوطن والارض .......والتضحيه...والعبارات الكبيره الرنانه.....وأخاف الفشل عند اول محك ....هل نحن شعب يعشق الشعارات؟ نتشدق بالبطولات ونهاب المواجهات؟تري من نحن؟
|
Post: #12
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 06:51 PM
Parent: #11
ابو حسين اوعي بس تكون زعلت؟ ...دي مفخرتين...الاولي لانه ناديناك بي اسم زوجتك وتاج راسك وست بيتك وام عيالك وحافظة شرفك ورافعة راسك والتانيه وده المهم لانه زوجتك ساميه حامد....
|
Post: #13
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-14-2011, 07:37 PM
Parent: #12
للله درك يا ابن امي وأبي ....تري هل يقدر اهلي في الجنوب تضحية هذا النطاس لقد وضع المشرط والبندقيه وحمل قلبه الكبير بين يديه وخاط كفنه بيده وهو الذي لايعرف المناورات ويتحدث لغه واحده هي لغة الحب والتسامح .
|
Post: #14
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-15-2011, 00:32 AM
Parent: #13
سؤال راودني كثيراً......بسيط وعميق في نفس الوقت....أهلنا في الجنوب اختاروا الانفصال ولم ترمش لهم عين وكانو فرحين جداً بي اختيارهم ورقصوا وغنوا وطربوا....ليه هم ما عايزننا وكارهننا كراهية العمي؟ليه..ليه بس؟ما تقولوا لي عمر البشير والمؤتمر الوطني...ديل بلوه الله ابتلي بيهم السودان كله...ما شافو اكتر من الشافوه أهلنا في دار فور....اوعي زول ينط لي يقول لي عنصريه وما إدراك ما عنصريه...ابداً والله...أنا بالذات اتربيت في بيت فيه مجموعه كبيره من إخواني وأخواتي من الجنوب والغرب واستغرب لماذا لا يبكونا كما نبكيهم ونتحسر علي فراقهم وهم من اختاروا وليس نحن.بالمناسبه البلوه دي طبعاً راجعه لي البشير ومؤتمره
|
Post: #15
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: عادل الباهي عبدالرازق
Date: 03-15-2011, 01:39 AM
Parent: #14
الاخت منال
رجل مثل صلاح يندر وجوده في هذا الزمن
فهنيئا ببطن حملته وهنيئا لك بأخ مثله
ربنا يجمعكم في ساعة خير .
|
Post: #16
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-15-2011, 02:20 AM
Parent: #15
عزيزي عادل الباهي طلتك البهيه أسعدتني كثيراًوانشاالله دعوتك مقبوله وربنا يجمعك بكل من تحب.
|
Post: #17
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: عواطف ادريس اسماعيل
Date: 03-15-2011, 09:04 AM
Parent: #16
الحبيبة منال
يسعد صباحك
لكل زمان دولة ورجال
ربنا يجمع الشمل
|
Post: #18
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-15-2011, 09:50 AM
Parent: #17
الحبيبه عواطف شرفتي البوست والله ..........وكان ما لقيتي ليك قطعة ارض في الشمال امشي لي أخوك صلاح في الجنوب الارض هناك حدادي مدادي وجو اوربي كمان ولا صفوف ولا يحزنون وكمان يا الحبيبه لو دايره حقتي ألفي الوادي الأصفر دي.....حلال عليك ...بس كان حريفه تلقيها .....وشكراً علي دعواتك الصادقات
|
Post: #20
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: علاء الدين صالح
Date: 03-15-2011, 11:02 AM
Parent: #18
العزيزة منال قاسم
التحية لشقيقك سعادة العميد طبيب صلاح
فهو وأمثاله من الشرفاء الأوفياء من حملة المباديء ورسل الحب والسلام عُملات نادرة في هذا الزمن الصعب
صلاح موجود في وطنه يا منال
ذلك الوطن الذي ظل يحلم به وظللنا نحلم به
صدّقيني هو لم يذهب بعيداً طالما أنه متواجد ضمن مساحة المليون ميل مربّع
ليست هناك أي مسافة وجدانية بين الشمال والجنوب
"لا مسافة ولا مسافات لا سفر"
كل المسافات السياسية التي خلقتها سُلطة الإنقاذ بأشواكها وحُفرها ومطبّاتها
في طريقها إلى الزوال
لن نرضى للسودان بثورة واحدة..
الطوفان قادم بثورة إجتماعية وثورة تاريخية وثورة سياسية.. Three in one
لن نفقد الأمل في التغيير
و "رغمهم تأخروا فإنهم يأتون"
|
Post: #25
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-15-2011, 05:06 PM
Parent: #20
العزيز علاالدين صالح...وينك يا غالي....شكراًللكلمات الجميله ......وأكيد غداً افضل .....
|
Post: #19
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: عاطف عمر
Date: 03-15-2011, 10:35 AM
Parent: #1
تحياتي وسلامات منال الطاهر
رأيت هذا البوست منذ مداخلتيه الأول
ووجدتني أترنح بينه وبين نفسي
وجدتني سابحاً في بحوره متقمصاً لشخوصه
ما بين عاطفة الأخوة المشبوبة حباً واشتياقاً
وما بين أهازيج الأمهات والحبوبات
وتلك العودة القسرية الجميلة لأيام الطفولة ووالدتي ترجز فرحة بشقيقي الأكبر ( عادل )
جد لى أنا عادل مشى
سوى لى أوضة وفرشا
جد لى أنا عادل كبير
يغتيه لى ربي الخبير
ومابين ذلك التناقض الإنساني ( الفطري ) المتمثل في فخر الأخت وهى ترى شقيقها يجسد قناعاته السياسية/المهنية واقعاً بعيداً عنها وبين رغبة ( بت الأم ) أن يكون شقيقها و( عصاة إتكاءتها ) - في ذات الوقت - على مرمى سمعها وشوفها
جمع الله تعالى شملكم
|
Post: #21
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: ABUHUSSEIN
Date: 03-15-2011, 11:14 AM
Parent: #19
| Quote: ابو حسين اوعي بس تكون زعلت؟ |
شـــديـيـيـيـيـيـيـيـيـيـد...
و عايز أطرشق....
.
|
Post: #22
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: ساميه حامد
Date: 03-15-2011, 11:54 AM
Parent: #21
الاخت الغالية منال
قلبي معك يا حبيبة وربنا إجمعكم في ساعة خير
| Quote: للله درك يا ابن امي وأبي ....تري هل يقدر اهلي في الجنوب تضحية هذا النطاس لقد وضع المشرط والبندقيه وحمل قلبه الكبير بين يديه وخاط كفنه بيده وهو الذي لايعرف المناورات ويتحدث لغه واحده هي لغة الحب والتسامح . |
إن شاء الله ربنا إديهو حسب نيته الصافية
Quote:
ابو حسين اوعي بس تكون زعلت؟ ...دي مفخرتين...الاولي لانه ناديناك بي اسم زوجتك وتاج راسك وست بيتك وام عيالك وحافظة شرفك ورافعة راسك والتانيه وده المهم لانه زوجتك ساميه حامد.... |
البزعلوا شنو انت قلتي حاجة غلط لا سمح الله؟
تسلمي يا راقية على كلماتك الجميلة في حقنا
|
Post: #23
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: أبو ساندرا
Date: 03-15-2011, 12:11 PM
Parent: #22
في بلدي تتشابه الامهات
والحبوبات الخالق الناظر
أم سعادة العميد ، امك أعادت صديقي عاطف إلى حضن امه
وأعادتني إلى دفئها وهي تغني لي وانا في البعيد ، اشتاق لنسمة من الوطن
كانت تصلني بصوتها المشدود على وتر الحنين عبر شرائط الكاسيت
ويتحلق حولها الصحاب
المجد للأمهات
والتحية لسعادة العميد الدكتور صلاح
ولك
أظن ( جيييد ليا ) بتدي الجرس الصوتي لعبارة الأمهات الخالدة
بتكون ادق من ( جيت ) بتاعت مناهل وادق من ( جيد ) بتاعت عاطف
|
Post: #24
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: صديق الموج
Date: 03-15-2011, 12:21 PM
Parent: #23
الاخت منال......سلام
التحية لسعادة العميد وقد اختار الشطر الذى يحن جلنا له.
صلاح شتت نفسه بذرة لوحده نرجوها فى مستقبل الايام نسال
الله ان يتولاه برعايته ويحفظه فى حرز مكين وان يرى
ثمار غرسه ابنوسه وفى صفحتها نخله يعانقن تبلديه
تتكى على منقة كسلا..
ربنا يجمعكم فى ساعة خير،،،
|
Post: #26
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-15-2011, 05:52 PM
Parent: #24
العزيز عاطف عمر...مرحب بيك حبابك...دائماً( البكر) ديل بشيلو مننا كل شيئ ....وانشالله عادل يكون بنا البيت بس.........وشكراً للدعوات الجميله والحضور الانيق.
|
Post: #27
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-15-2011, 06:59 PM
Parent: #26
ابو حسين والله زعلك نحن ما بنقدر عليه....نشوف لينا واسطه؟
|
Post: #28
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: عاطف عمر
Date: 03-15-2011, 08:54 PM
Parent: #1
Quote: في بلدي تتشابه الامهات
والحبوبات الخالق الناظر
أم سعادة العميد ، امك أعادت صديقي عاطف إلى حضن امه
وأعادتني إلى دفئها وهي تغني لي وانا في البعيد ، اشتاق لنسمة من الوطن
كانت تصلني بصوتها المشدود على وتر الحنين عبر شرائط الكاسيت
ويتحلق حولها الصحاب
المجد للأمهات
والتحية لسعادة العميد الدكتور صلاح
ولك
أظن ( جيييد ليا ) بتدي الجرس الصوتي لعبارة الأمهات الخالدة
بتكون ادق من ( جيت ) بتاعت مناهل وادق من ( جيد ) بتاعت عاطف |
ياخ ألف كتر خير سعادة العميد صلاح قاسم
وألف كتر خير منال قاسم
الطلعوا لينا حبيب الكل بركوتة من بياته الشتوي ، أو من ( تحت أرضه ) السايبيري
عارف يا بركوتة وتأكيداً لكلام منال أن ( البكر ديل بشيلو مننا كل شيئ ) أعلنت عن إحتجاجي مرة للوالدة أن كيف نظمت في شقيقي عادل ما نظمت من أشعار مغناة و( عفصت ) لى عفصة العدو فكان ردها
" هو أنا كنت لاقياك عشان أغني ليك ، يومك كلو في الشارع أو عند عماتك أو خالاتك ، مرات النوم زاتو ما بجيبك لينا "
التحايا لكل الأمهات
_________
شكراً جزيلاً منال
|
Post: #29
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-16-2011, 00:16 AM
Parent: #28
سلام يا ابو ساندرا......البوست نوّر ....وأقول معاك بالصوت العالي المجد للأمهات ...وكان فضيت لينا شريط من شرايط الحاجه نكون مبسوطين تماااااام ولا شنو يا عاطف؟
|
Post: #30
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-16-2011, 00:39 AM
Parent: #29
صديق الموج ....ازيك يا راجل يا عظمه...انشأ الله لمن صلاح يرجع لينا سالم غانم نعمل ليكم حفله كاربه عشان تهجج لينا فيه يا ود الموج ......وبقية العقد الفريد .....ناس علا الدين صالح ووليد عبد اللطيف ......وووالله أنا حاسداكم عديل كده يا ناس السعوديه.......العجب لمن اشوف ليك صناديق البيك ديك ماشه وجايه.......غايتو السنه دي ترانزيت في السعوديه...اكييييييييد.............تعيش السعوديه اللامه المهججاتيه....
|
Post: #31
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-16-2011, 05:26 PM
Parent: #30
ناس المسنجر تعالوا بالدرب العدييييييل...عليكم الله أنتو زااااتكم البيك ده ما جهجهكم؟امريكة شنو يا زول ما تقول بسم الله.
|
Post: #32
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: احمد محمد احمد عتيق
Date: 03-16-2011, 06:06 PM
Parent: #31
داير اقول ..وما قادر ...ولكن ..
يكفيه انه لا زال في السودان ..او الاصح هذا الجزء الحبيب للسودان وللسودانيين ..
وربنا يعطيك ويعطية الصحة والعافية ..
|
Post: #33
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-16-2011, 06:28 PM
Parent: #32
الاخ احمد محمد احمد عتيق....تسلم يا رب.....ما انت براك ألما قادر تقول ...كلنا ما قادرين نقول...ولكن الي حين.....
|
Post: #34
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: عاطف عمر
Date: 03-16-2011, 07:48 PM
Parent: #1
تحياتي وسلامي منال قاسم
هل أفاجئك بالقول - وقد أصبح هذا البوست الحنين - وجبة رئيسة لنا في البورد هل سوف أفاجئك إن طلبت منك أن تحدثينا أكثر عن ( صلاح قاسم ) إذ ربما إلتقيناه في منحنيات هذه الحياة
دراسته
عمله
اهتماماته
وربما ( نتطاول ) ونطلب ( تحلية ) البوست بـ صور له
فهذا القرار القوي بالبقاء جنوباً لابد أن تكون وراءه خلفية قوية
هكذا علمتنا نظريات ( المقدمات والنتائج )
___________
أعتذر مسبقاً إن تجاوزت حدود البوست
|
Post: #35
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-17-2011, 03:03 AM
Parent: #34
الاخ عاطف...سلام واحترام..صدقني يا عاطف لو لاقيت صلاح قاسم حا تعرفه طوالي... لو اتكلمت عنه ح تفتكروا أني ببالغ .......والله عازراكم...لانه الكلام عن صلاح قاسم يفوق حد الدهشه .....ويطاول الاعجاز ...يكفي يا عاطف انك تعرف انه كان بصرف ماهيته عشان يوزعها علي مرضاه ويرجع البيت يشيل حق البنزين من الوالد......ولو شفت دكتور صلاح في المستشفي ما بتعرفه شغال شنو.....طبيب ولا مصلح اجتماعي....وعلاقته بي مرضاه دايماً مستمره حتي بعد الخروج...من المستشفي....تصدق انه سفّر احد مرضاه للحج..بس لانه امنيته يحج قبل ما يموت....وفهمه انه دي مكافأة من الحكومه لانه كان دائماً بشكي من انه الحكومه اكلته لحم ورمته عظم ......اقول شنو ولا شنو في صلاح الدين....انشاالله يوم شكرك ما يجي يا ابو قاسم.
|
Post: #36
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-17-2011, 04:19 PM
Parent: #35
الاخ عاطف...أظنك لاقيت دكتور صلاح somewhere وعايز تتاكد...صاح؟للأسف ما عندي ليه صوره هنا..اصله زيك ( علي قول الحاجه والدتكم)ما كنا بنلم فيه عشان يتصور معانا...لكن صلاح بتعرفه من أفعاله ما من صورته...ولو لاقيت زول يدّي وعمره ما بعرف الأخذ ....ويعيش رزق اليوم باليوم وهو ود العز والعجن.....يستدين عشان انت تسد دينك....هو صفوة الصفوه.....خيار من خيار....نسيج وحده.....يذكرك بالصحابه وقصص السيره النبويه...راجل ما من الزمن ده .......قلت ليكم ح تقولوا ببالغ ......لا والله .......وهو البخليني اطمئن انه الدنيا لسه بي خير.....ولمن تضيق بي الدنيا بما رحبت......فقط ....أتذكر أني .....اخت دكتور صلاح......وينتابني شعور بالفخر .....واييييي فخر.......ابتسم........ انت من وطن صلاح قاسم.
|
Post: #37
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: SAIF MUstafa
Date: 03-17-2011, 04:57 PM
Parent: #36
سلامات
كتر خيرك بمشاركتنا السمح من الfamily affairs حقتكم...
كل الود
سيف
|
Post: #38
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: عاطف عمر
Date: 03-17-2011, 04:58 PM
Parent: #36
تحياتي وسلامات منال قاسم| Quote: الاخ عاطف...أظنك لاقيت دكتور صلاح somewhere وعايز تتاكد...صاح؟ |
للأسف لم أنل هذا الشرف بعد وأرجو أن يتحقق ذات يوم
أحتفي دوماً وأتوقف عند سيرة الذين ( يفهمون الدنيا صاح ) ، يعيشون قناعاتهم ويجسدونها واقعاً بين الناس حتى إن تراءى للبعض غرابة ما يصنعون.لا يركنون لما ألف الناس وتعودوا من تنميط .
إنهم بذلك يتركون بصمتهم خالدة في كتاب الإنسانية .
لذلك كان طلبي ( تحلية ) البوست بصورته حتى تختصر الخطوات والمسافات إن إلتقيناه في دروب هذه الحياة ذات يوم .
إنسان بمثل هذه الصفات جدير بأن يعرفه الناس ويتعرفون عليه .
أنا مصدق لكل كلمة تقولينها في حق ( صلاح قاسم ) .
|
Post: #39
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-17-2011, 05:18 PM
Parent: #38
الاخ العزيز سيف مصطفي ....شرفت البوست والله.....تسلم.
|
Post: #40
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-17-2011, 05:33 PM
Parent: #38
الاخ عاطف...لعلك بخير والأسرة الكريمه....يا ريت كلنا نفهم الدنيا صاح عشان نتصالح مع انفسنا ونعيش في سعاده وراحة بال....وانشاالله نجيب (التحليه ) قريباً وشكراً علي كلماتك الجميله..مع خالص الاحترام.
.
|
Post: #41
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: Adil Osman
Date: 03-17-2011, 06:00 PM
Parent: #1
منال قاسم الطاهر
التحية ليك ولشقيقك العميد طبيب صلاح الدين قاسم الطاهر. هل ما زال يعمل في القوات المسلحة؟
الامهات والجدات يمنحن حبهن دون شروط. وينظمن شعرآ جميلآ للغاية في مدح ابنائهن واحفادهن.
قصائد جدتك في مدح شقيقك ذكرتني ابيات نظمتها جدتي عندما اشتغل ابنها موظفآ في البنك التجاري السوداني فور تخرجه من المعهد الفني بالخرطوم:
القنا آآعكاز الملوك
السوار الدهبو ملكوك
النضيف الماب يشبهوك
بالسبت خشيت البنوك
|
Post: #42
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-17-2011, 07:05 PM
Parent: #41
الاخ العزيز عادل عثمان. ...........تحيه واحترام .........دكتور صلاح هناك بي صفته الشخصيه ....مره يكون طبيب ومره ممرض ومره يكون حانوتي يكفن ويدفن....وغايتو!!!!!!!ومستني البلد ينضف.....اهو كلنا مستنين......اعترف انه حبوبتك احرف من حبوبتي ....ذهب وملوك وشيكات وبنوك......احترامي سيدي.
|
Post: #43
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: Adil Osman
Date: 03-17-2011, 08:11 PM
Parent: #42
| Quote: دكتور صلاح هناك بي صفته الشخصيه ....مره يكون طبيب ومره ممرض ومره يكون حانوتي يكفن ويدفن....وغايتو!!!!!!!ومستني البلد ينضف.....اهو كلنا مستنين.... |
نستنى بس؟ ولا نعمل حاجة عشان البلد تنضف؟
قالوا يوم الاتنين 21 مارس حيكون في مسيرات سلمية في جميع انحاء السودان مطالبة بالتغيير وحتكنس الاستبداد والفساد.
|
Post: #44
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-17-2011, 09:14 PM
Parent: #43
هلا عادل............. يدي علي كتفك ........ويا ريت لو كنت في السودان .....قالوا ناس بره ديل اسمهم مناضلين من منازلهم......انت الايام دي في السودان ولا شنو؟
|
Post: #45
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: إحسان عبدالمتعال أحمد
Date: 03-17-2011, 09:27 PM
Parent: #44
منال العزيزة بنت شمبات الحلة
سلام وشوق بلا حدود
مثلك تماما افتخر بسعادة العميد طبيب صلاح ود قاسم الطاهر
وكما تعلمين اهل شمبات وتوتي مهما كبر تعليمهم ونالوا من مناصب الا ان تواضعهم الجم يحير القاصي والداني
اتمني ان نسمع عنه كل خير وان تمتلئ موازينه بالحسنات ودائما عالي وسامق
وان شاء الله دعوات الامهات والحبوبات تشمله برعاية الله
محبتي
|
Post: #46
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-17-2011, 10:08 PM
Parent: #45
الحبيبه إحسان ......والله ليك وحشه ....يا حليل شمبات الحله...وايامنا الجميله فيها....واخوك صلاح برضه بفتخر بيك وبكل اهل شمبات الطيبين.....وربنا يجمعك بكل من تحبي.
|
Post: #47
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: Mahmoud Mustafa Mahmoud
Date: 03-18-2011, 09:45 AM
Parent: #46
تعظيم سلام لأعظم بوست..يحمل أعظم معاني..
تعظيم سلام منال..
طابور وتشريفة وسلام وطني موحد لسعادة العميد الطبيب الإنسان صلاح الدين قاسم الطاهر..
عاش السودان حراً مستقلاً موحداً.. على الأقل في أعماقنا ووجداننا..
إهداء ومطالبة بالحضور الفوري:
الأخ دينق
الأخ شول أشوانق
صورة مع التحية:
السيد/ الطيب مصطفى
السيد/ باقان أموم
السيد/ إسحق أحمد فضل الله
شكراً منال أخت صلاح أخونا وملهمنا كلنا..
|
Post: #48
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: محمد عبدالرحمن محمد
Date: 03-18-2011, 10:04 AM
Parent: #47
| Quote: لو لاقيت زول يدّي وعمره ما بعرف الأخذ ....ويعيش رزق اليوم باليوم وهو ود العز والعجن.....يستدين عشان انت تسد دينك....هو صفوة الصفوه.....خيار من خيار....نسيج وحده.....يذكرك بالصحابه وقصص السيره النبويه...راجل ما من الزمن ده .......قلت ليكم ح تقولوا ببالغ ......لا والله .......وهو البخليني اطمئن انه الدنيا لسه بي خير.....ولمن تضيق بي الدنيا بما رحبت......فقط ....أتذكر أني .....اخت دكتور صلاح......وينتابني شعور بالفخر .....واييييي فخر.......ابتسم........ انت من وطن صلاح قاسم. |
أنعم به من رجل..
ربنا يحفظكم لي بعض..
_
(بت اختي Enave ) تقريك السلام!
|
Post: #50
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-18-2011, 11:16 AM
Parent: #48
اَاَاَاَلمطرطش ازيك...شرفت البوست....وربنا يحفظك ويغطيك من بني صهيون .....والله بت أختك دي ما ح تجيبها البر.!!!
|
Post: #49
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-18-2011, 11:06 AM
Parent: #47
الاخ محمود مصطفي محمود...شكراً للإشادة بالبوست..كلكم صلاح...شايلين قيمكم السمحه وأخلاقهم النادره وحايمين بيها في بلاد الله...لابد يجي يوم ويندمل جرح الوطن ...أكيد ح يجي ...احتراماتي سيدي.
|
Post: #51
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-18-2011, 06:09 PM
Parent: #49
الاخت إحسان .....والله فتشت البوست بتاعك صفحه صفحة ما لقيته...لكن ما مشكله نرد ليك هنا...وبوستي وبوستيك واحد يا الغاليه.... وشكراً انك أجبتي علي كل تساؤلاتي باريحتك المعهوده وأدبك الجم......تسلمي.
|
Post: #52
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: Kamal Seddiq
Date: 03-18-2011, 07:50 PM
Parent: #1
الابنة منال
تحياتى لك من على البعد وتحية لاختك ماجدة وزوجها.طبعا انا مضى زمن طويل ولم ارى اخى وحبيبى صلاح وتباعدت بيننا المسافات فانا الى البحرين وهو للسعودية ولم التقى على ما اذكر الا مرة واحدةفى عقد زواج ابن الخالة الطاهر احمد الطاهر فى شمبات وكان ذلك بعد ان تم احالته للتقاعد من الشرطة.تألمت لما تتحدثين عنه وعن غربته وهجرته لجنوب السودان وانقطاع اخباره وفعلا كان صلاح اكثر من اخ يالنسبة لى شخصيا وافتقده كثيرا فارجو منك تزةيدى ببعض المعلومات عسى استطيع التواصل معه ولكم انت واختك كل الحب والتقدير وسيل منهمر من ذكريات مضت نتذكر فيها زينب,مريم بنات يوسف صديق ولا ننسى الوالدة وابنة الخالة امنة رحمها الله ولنكن على تواصل.حاليا انا اعمل مع الامم المتحدة فى اليمن وتحت تجدين عنوانى
خالكم
كمال التوم صديق
Best Regards,
Kamal seddiq
Field Security Coordination Officer
United Nations Department of Safety and Security
P.O. Box 551, Sana a – Republic of Yemen
Mobile: (+967-1) 712222469
Fax: (+967-1) 448693
E-mail: [email protected]
|
Post: #53
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: أبو ساندرا
Date: 03-18-2011, 09:29 PM
Parent: #52
عاطف عمر :
Quote: ياخ ألف كتر خير سعادة العميد صلاح قاسم
وألف كتر خير منال قاسم
الطلعوا لينا حبيب الكل بركوتة من بياته الشتوي ، أو من ( تحت أرضه ) السايبيري
عارف يا بركوتة وتأكيداً لكلام منال أن ( البكر ديل بشيلو مننا كل شيئ ) أعلنت عن إحتجاجي مرة للوالدة أن كيف نظمت في شقيقي عادل ما نظمت من أشعار مغناة و( عفصت ) لى عفصة العدو فكان ردها
" هو أنا كنت لاقياك عشان أغني ليك ، يومك كلو في الشارع أو عند عماتك أو خالاتك ، مرات النوم زاتو ما بجيبك لينا "
التحايا لكل الأمهات |
حبيبنا
ياخ انت الذ زول لاقيتو في الأسافير ، كمان سويت ليها ( تحت الأرض ) وعمل سري وبتاع ؟
انا موجود بطالع ونادرآ ما أعلق واتداخل لكني متوقف عن افتراع البوستات
حتى اعرف جدوى الكتابة هنا
|
Post: #54
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: ABUHUSSEIN
Date: 03-18-2011, 09:47 PM
Parent: #53
السـلام عليكم
|
Post: #55
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-18-2011, 11:46 PM
Parent: #53
الاخ ابو ساندرا.... مرحب بيك تاني.....ومنتظرين أشعار الوالده.....تحياتنا للجميله ساندرا وأخواتها.
|
Post: #56
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-19-2011, 04:35 AM
Parent: #55
الخال العزيز كمال التوم.......أنا ما عارفه اقول شنو....الفرحه بيك نستني الكلام ...طال البعاد يا خال....... لكن أنتو دائماً محفورين في الذاكره...كيف جلال وأسامه والبقيه الباقيه من اَل يوسف الحنينين.....صلاح بخير والحمد لله وح ارسل ليك تلفونه في الايميل .....سلامي لي مدام نوال والاميره ناهد.
|
Post: #57
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-19-2011, 04:08 PM
Parent: #56
عليكم السلام ورحمة الله وبركاته ...معليش يا ابو حسين ما شفت مداخلتك الا مؤخراً.
|
Post: #58
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 03-19-2011, 10:25 PM
Parent: #57
الخال الحبيب كمال التوم........كيف الأحوال في اليمن... ارجو ان تطمنونا عليكم ..
|
Post: #59
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: ABUHUSSEIN
Date: 03-31-2011, 05:53 PM
Parent: #58
منال إزيك
|
Post: #60
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 04-03-2011, 05:14 PM
Parent: #59
ابوحسين ازيك يا راجل يا راقي...تصدق اول مره اشوف مداخلتك دي واصريت ارد عليك رغم أني عندي مذاكره!!!!!ايييي مذاكره....
|
Post: #61
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: د.نجاة محمود
Date: 04-03-2011, 05:22 PM
Parent: #60
سلامات
الذي صلاح دا المفروض يتكتب عنهم في الصحف ويتحدث عنهم في اجهزة الاعمال
عشان الناس تعرفه وتعرف قصته ويكون قدوة
لان الان الاجيال الجديدة دي ضاع ليها الدرب لعدم وجود قدوة
يقتدون بها
ياربت كتاب العواميد يفردوا مساحة للتحدث عنه
وهو بطل من زماننا
ربنا يحفظه ويغنيه من فضله
ويثبت الاجر
ولك وله التحية
|
Post: #62
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 04-03-2011, 05:39 PM
Parent: #61
الغاليه د.نجاة ...سيدتي...أمثالك فقط يعرفون قيمة دكتور صلاح وصحبه....هم يعملون في صمت ....اختصهم الله لقضا حوائج الناس...حببهم في الخير ...وحبب الخير اليهم ...انهم الاَمنون من عذاب يوم القيامه.لك الود والاحترام.
|
Post: #63
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: علاء الدين صالح
Date: 04-03-2011, 08:33 PM
Parent: #62
| Quote: واصريت ارد عليك رغم أني عندي مذاكره!!!!!ايييي مذاكره.... |
تااااااااااااااااني؟؟؟
علَيْ التلات دي حالة أخير منها العِرِس
والله صحي
|
Post: #64
Title: Re: سعادة العميد طبيب صلاح الدين قاسم ....حبيبي افتقدك كثيراً....
Author: manal eltahir
Date: 04-03-2011, 11:39 PM
Parent: #63
ههههههههه والله يا علاالدين ضحكتني ....علي التلات دي شنو؟اختصروها لزوم السرعه ؟ ؟؟ ياخ انت وين يا زول يا رائع .....
|
|