يجب إقامة حملة إعلانية مضادة لسودانير عسى ولعل....

من ناحية الإقلاع والمواعيد معروف إنها الطيش عالميا
فتح متأخر للميزان
رحلة رقم 216 المتجهة الى جدة
قالوا الطيارة لسع فى جدة لكن
ح تمشى الرياض وبعدين تجى الخرطوم
وبعد زمن ممل جدا قالوا يلاكم تعالوا الميزان فتح
وبعد صف مؤلم غير منظم
دا يسبق دا وكل يمد جوازه مثل زحمة الجذارة
وأخيرا بعد معاناة إستلمت الموظفة الجواز والتذكرة .. دا كلو عادى عند الحطوط السودانية
أما أن تحجز وتعمل OK مضمون 100% وتذهب ولا تجد إسمك فى قائمة المسافرين مع موظف الصالة
دى كدا إسمها فوضى ما بعدها فوضى
أرسلونا لمكتب الخطوط خارج الصالة لمراجعة الحجز
ليس وحدى بل كان معى عدد من المسافرين
شنط وكراتين وتلتلة
أهن يا ناس الخطوط وين حجزى؟
الموظف: والله حجزك ملغى
أنا: ومين اللى لغاه؟
الموظف: مشكلة فى الكمبيوتر
ودى مسئولية منو؟
الموظف: يمكن موظفة الوكالة تكون ما عملت saving للفايل بعد ما عملت ال ok
عذر مضحك ساذج
موظفة الوكالة لن تضع ختم ال ok الا بعد الإشعار المؤكد من الخطوط السودانية
يعنى الخلل فى ال Database بتاع الخطوط وموظفة الوكالة ما عندها سيطرة على كمبيوتر الخطوط
ومن ناحية أخرى هل كل الذين ضاع حجزهم معى قادمون من إماكن مختلفة هل إشتروا تذاكرهم من نفس الوكالة؟؟؟؟؟؟
عذر أقبح من الذنب

وقال شنو؟
امشوا إنتظروا يمكن يشيلوكم فى الإحتياطى!!!!
ههههههها
لا بالله
أنا إنتظر الطيارة لما تقوم من جدة وتمشى الرياض وبعد داك تجى الخرطوم
ويا ركبت ويا ما ركبت؟؟؟؟؟؟؟
كمبيوتر شركة من أقدم الشركات فى العالم فيه خلل
ياخى إستعملوا الفيسبوك
ضعوا فيه حجوزاتكم
لو الداتابيز بتاعتكم خربانة
كان ح يكون افضل
طفل صغير ممكن يقوم ليكم بالمهمة دى
هذه هى الخطوط السودانية
لكل من عانى منها رجاء كب معاناتكم هنا
لفضح هذه الخطوط الخربة

ليظل عاليا

نعم يجب