Post: #1 Title: لبسنا الكاكي Author: الشفيع وراق عبد الرحمن Date: 10-16-2010, 06:19 AM Parent: #0
وجاهزيييين
Post: #2 Title: Re: لبسنا الكاكي Author: amir jabir Date: 10-16-2010, 06:32 AM
هدية منى ليك كلاش ليك ولى اى زول من ناس بيتكم مذهب اصلى وخزنه شفافة كمان وهدية تانية لمن تجى مارى بى جبال النوبة ماشى على الجنوب ممكن نديك حبت موية وزاد للطريق ونوصف ليك الجنوب بى وين الى الامام يازول لازم تحاربوا يا ناس
حرب بالوكالة مافى تانى ياعمك تسلحوا ناس الجيش البلد بتخرب
الموضوع بقى لون لون قبيلية قلبية
Post: #118 Title: Re: لبسنا الكاكي Author: أيوب خليل Date: 02-01-2011, 07:17 AM Parent: #2
UP
Post: #3 Title: Re: لبسنا الكاكي Author: جمال المنصوري Date: 10-16-2010, 06:33 AM
قريبي / الشفيع
تحياتي
Quote: وجاهزيييين
لي شنو ؟؟
لن شاء الله ما في عوجة ؟؟
مودتي
Post: #4 Title: Re: لبسنا الكاكي Author: عثمان نواي Date: 10-16-2010, 06:39 AM Parent: #3
نحن جاهزين بس انت جاهز يا الشفيع حاره التجربه الاولي صعبه لكن حاولو قاتلو براكم كان تقدرو
عثمان نواي
Post: #6 Title: Re: لبسنا الكاكي Author: amir jabir Date: 10-16-2010, 06:45 AM Parent: #4
الحاصل شنو؟ الليله كيزان البورد كلهم بيقرعوا في طبول الحرب !!!!!!!
Post: #7 Title: Re: لبسنا الكاكي Author: حيدر حسن ميرغني Date: 10-16-2010, 07:05 AM Parent: #5
الكاكي المرة دي طعمو حايختلف
Post: #8 Title: Re: لبسنا الكاكي Author: محمد إبراهيم علي Date: 10-16-2010, 07:26 AM Parent: #7
Quote: لبسنا الكاكي
هو البرد نزل في الرياض ؟
انا بقترح لبكري انو يعمل مكتبة واحدة للشفيع وود الباوقة باعتبار ما سيكون ويسميها مكتبة مسلمي ما بعد الفتح او السلعلعيون
Post: #9 Title: Re: لبسنا الكاكي Author: amir jabir Date: 10-16-2010, 07:28 AM Parent: #8
Quote: هو البرد نزل في الرياض ؟
ياعمك الناس بقت تلبس الكاكى وتنوم ولا شنوا الناس ديل بحاربوا بالاغانى والرموت كنترول ولا شنوا
---------- مشجعى الفريق العسكرى الرياضى
Post: #10 Title: Re: لبسنا الكاكي Author: محمد إبراهيم علي Date: 10-16-2010, 07:52 AM Parent: #9
Quote: ياعمك الناس بقت تلبس الكاكى وتنوم
معليش يا Amir مفروض نفسرها للناس البرة السعودية السعودييين يلبسون عادة اللون الابيض الا في ايام البرد فتتحول لالوان غامقة ومن بينها الكاكي عشان كدة سالنا عن البرد نزل في الرياض حيث يعيش المحارب الساموراي الشفيع ورفيق دربه ود الباوقة
باقي طبعا السيدح حيكون عندو برضو بوست حربي بعد قليل حسي بيكون بيفتش في عنوان كدة يفوق عنواني ود الباوقة والشفيع ولكن لانه مشاتر وجهلول لا اتوقع ان يعمر بوسته طويلا
Post: #14 Title: Re: لبسنا الكاكي Author: عثمان نواي Date: 10-16-2010, 11:04 AM Parent: #13
انتو يا عامر الصور دي اخدوها وين المحرش ماااااا بكاتل يا زول
Post: #15 Title: Re: لبسنا الكاكي Author: أيوب خليل Date: 10-16-2010, 11:09 AM Parent: #13
Post: #16 Title: Re: لبسنا الكاكي Author: أيوب خليل Date: 10-16-2010, 11:59 AM Parent: #15
ايها الرعديد زد في القصف دون و تمادى انت قد دونتنا حتى مغيب الشمس هل من زيادة..؟ قسماً نغلظه إن زدت زدناك عنادا قسماً أغلظ لا نبرحها إلا لعز النصر أو نصر الشهادة ******* ثم ماذا بعد هذا..؟ ثم ماذا..؟ لو ألفنا المدفعية.. وعشقنا القصف واشتقنا صفير المروحية وتمترسنا وأقسمنا بعهد الصدق أن نحمي القضية ما علينا إن توشحنا سيوف العز واختلنا بساحات المنية ما علينا..؟ إن فنينا دون أن نرضى في الدين الدنية ثم ماذ بعد هذا..؟
فنحن اليوم ندافع عن السودان وعن كرامة أهل السودان وعن عزة السودان وعن رئيس السودان رمز عزتنا وكرامتنا وأقول لك سيدي الرئيس الأرض تقتل ثائرا والأرض تنبت ثائرا يا كبرياء الجرح لو متنا لحاربت المقابر
هلا يا الشفيع وياخي اسمح لي بطلعة كده اتمني ان تتقبلها في اطارها وبمناسبة كاكي دي الكوكا البتقوم للبشير ومن لف لفه في صنقوعهم دهالا يكفي هذا الوطن انهار وشلالات الدماء التي سالت عشرين سنة ونيف دايرين تاني تقومو حرب,,,,,, الشجاعة الحقيقية ليست في الحرب او الدشمان والدماء الشجاعة هي الاعتراف بالفشل والخروج النهائي من ادارة البلاد والعباد وحواء السودان ولود وودود وقادرةعلي انجاب من يحل مشاكل هذا السودان بسلام دون حوجة الي تلك النتريات التي يتضرر منها هذا البلد المسكين اهله الذي تسلط عليه البشير ورهطه الجائع
Post: #18 Title: Re: لبسنا الكاكي Author: محمد إبراهيم علي Date: 10-16-2010, 12:21 PM Parent: #17
Quote: الكوكا البتقوم للبشير ومن لف لفه في صنقوعهم ده
آمين الف يا كيكي
استغرب من شخص يصرح بانه سيبذل نفسه رخيصة في سبيل السودان وسايق معاهو المتردية والنطيحة وما اكل السبع ولكنه يكنكش في السلطة ولا يريد ان يستقيل من اجل السودان هل روحك ارخص من الكرسي القاعد فوقو ده ؟
Quote: استغرب من شخص يصرح بانه سيبذل نفسه رخيصة في سبيل السودان وسايق معاهو المتردية والنطيحة وما اكل السبع ولكنه يكنكش في السلطة ولا يريد ان يستقيل من اجل السودان هل روحك ارخص من الكرسي القاعد فوقو ده ؟
هلا يا هندسة وشوق ونعم يا ود ابراهيم انها الرغبة الملحة والجامحة في البقاء باي ثمن علي سدة الحكم والسلطة التي ضاقو نعيمها وفي سبيل بقائهم فيها فانهم علي استعداد علي حرق كل هذا السودان وجعله ركام
ماشاء الله يالشفيع حالتك داخل فيهم جديد حماس مقدر مشروع شهيد بالله حاربوا لينا الخونة ديل وادخلوا فيهم الجنة اقصى ما اقدر عليه ان اجهز غازيا كأني غزيت معاكم
Post: #23 Title: Re: لبسنا الكاكي Author: الشفيع وراق عبد الرحمن Date: 10-16-2010, 05:44 PM Parent: #21
Post: #24 Title: Re: لبسنا الكاكي Author: الشفيع وراق عبد الرحمن Date: 10-16-2010, 05:52 PM Parent: #23
Post: #26 Title: Re: لبسنا الكاكي Author: الشفيع وراق عبد الرحمن Date: 10-16-2010, 05:56 PM Parent: #24
Post: #27 Title: Re: لبسنا الكاكي Author: الشفيع وراق عبد الرحمن Date: 10-16-2010, 06:00 PM Parent: #24
Post: #28 Title: Re: لبسنا الكاكي Author: الشفيع وراق عبد الرحمن Date: 10-16-2010, 06:03 PM Parent: #27
الشفيع والله حرام عليك تضلل الوليدات الصغار وتعدهم لتقذف بهم في أتون حرب فقط لتنعم فئة قليلة ضالة....
والكاكي يا الشفيع ما لبسته أحيام حرته وأيام الزخم وعرس الشعيد وبنات الحور الكملتوهن علينا... وأستطيع أن أقسم بأنك لن تلبسه ولن ترسل إبنك ليلبسه فمالك على وليداتنا مقتلهم علينا وحارق قلوبنا....؟؟؟؟ غايتو أنا شخصياً لن ألبسه في حرب تنعمون بغنائمها دون من فقد روحه،، ولن أسمح لأيٍ من أبنائي بقتل شقيقه في الوطن من أجلكم.... عشان كدة الزول لامن ينضم ينضم في المعقول .....
Post: #40 Title: Re: لبسنا الكاكي Author: خالد حاكم Date: 10-16-2010, 10:59 PM Parent: #39
الدباب الشفيع ( الاسم ده باعتبار ما ستكون ) او الدباب موديل 2011 احسن تسمعوا كلام شيخكم السابق وتستفيدوا منو! شيخكم حسن قال ( جيش جنوب السودان اصبح جيش نظامى ) وضع خطين تحت كلمة نظامى
Quote: سيدي الرئيس الأرض تقتل ثائرا والأرض تنبت ثائرا يا كبرياء الجرح لو متنا لحاربت المقابر
انتو يا كيزان السرقة دي ما دايرين تخلوها يعني هسي علاقة محمود درويش الشاعر المناضل ا بدعوتكم الغبية للحرب دي شنو ؟؟؟؟ ارجو الابتعاد من الادبيات الجميلة وعدم تشويهها وشوفو ليكم معالجة لفقركم الابداعي دا
النص الاصلي قبل تشويهه
أنا قبلما اعطيتني نور الحياة .. ولدت ثائر لو تسألين الصخر و الغابات ، و السفح المكابر لو تسألين الساحل المذبوح ، و الشط المهاجر لو تسألين ذراع طفل علقوه على الخناجر لو تسألين بكارة العذراء تشوى بالسجائر لو تسألين حذاء جندي ٍ يدق ُ على الحرائر بقرت ْ حراب النذل بطن َ الحاملات ِ .. و ظلّ حائر فالوحش يقتل ثائراً .. و الأرض تنبت ألف ثائر ! يا كبرياء الجرح ! لو متنا لحاربت َ المقابر ! فملاحم الدم في ترابك ِ مالها فينا أواخر حتى يعودَ القمح ُ للفلاح يرقص في البيادرو يُغرّدَ العصفور حين يشاء في عرس الازاهر و الشمس تشرق كل يوم .. في المواعيد البواكر
فرفرة المذبوح وصدق المثل السواي ما حداث قال بلبس الكاكي....يكون رائد فضاء دا يا ربي؟؟؟ ----------------------------------------------------------- غايتو انا على زاد المجاهد شريطة ان يكون لابس الكاكي الذي سيحظى بالقرقوش حقي بوردابياً مشهود له بالجعجعة الكيزانية و يضع صورة البشير في برفايله او بوستاته تسليم القرقوش سيكون بعد حدود 1956 عشان مافي زول يكب الزوقة (في الجبهة يعني) باقي الوجبة تمو مع الحور العين عالم وهم
Post: #44 Title: Re: لبسنا الكاكي Author: عمر صديق Date: 10-17-2010, 00:48 AM Parent: #42
الاخ الباشمهندس الشفيع تحياتي وتقديري
واراك لم توفق في هذا البوست لان الوقت غير مناسب له من حيث ان الاحتقان الحالي تغذيه جهات معادية ويناصرهم بعض العملاء المرجفين ومثيري الفتن ومناضلي الكي بورد من اجل انهيار اتفاق السلام لانهم يأ سوا من كل طريق سلكوه وكل وسيلة اتبعوها ولم يحصدوا الا البوار واستعصت عليهم هزيمة الانقاذ ولذلك يجب علينا ان نحرص الي ان نكمل كل شروط اتفاقية السلام ونحترم تعهداتنا ونرضي بالخيار الذي يتخذه الناخبين وصحيح انك تقصد الجاهزية لرد كيد كل من تسول له نفسه بالاعتداء علينا وتوهم اننا قد سئمنا الكفاح ولكن اصحاب الغرض سيتخذون بوستك مدعاة لتاجيج الفتن وصب الزيت علي النار
Post: #45 Title: Re: لبسنا الكاكي Author: عمر صديق Date: 10-17-2010, 00:48 AM Parent: #42
الاخ الباشمهندس الشفيع تحياتي وتقديري
واراك لم توفق في هذا البوست لان الوقت غير مناسب له من حيث ان الاحتقان الحالي تغذيه جهات معادية ويناصرهم بعض العملاء المرجفين ومثيري الفتن ومناضلي الكي بورد من اجل انهيار اتفاق السلام لانهم يأ سوا من كل طريق سلكوه وكل وسيلة اتبعوها ولم يحصدوا الا البوار واستعصت عليهم هزيمة الانقاذ ولذلك يجب علينا ان نحرص الي ان نكمل كل شروط اتفاقية السلام ونحترم تعهداتنا ونرضي بالخيار الذي يتخذه الناخبين وصحيح انك تقصد الجاهزية لرد كيد كل من تسول له نفسه بالاعتداء علينا وتوهم اننا قد سئمنا الكفاح ولكن اصحاب الغرض سيتخذون بوستك مدعاة لتاجيج الفتن وصب الزيت علي النار
Post: #46 Title: Re: لبسنا الكاكي Author: amir jabir Date: 10-17-2010, 01:00 AM Parent: #45
Quote: واراك لم توفق في هذا البوست لان الوقت غير مناسب له من حيث ان الاحتقان الحالي تغذيه جهات معادية ويناصرهم بعض العملاء المرجفين ومثيري الفتن ومناضلي الكي بورد من اجل انهيار اتفاق السلام لانهم يأ سوا من كل طريق سلكوه وكل وسيلة اتبعوها ولم يحصدوا الا البوار واستعصت عليهم هزيمة الانقاذ
معقولة يا عمك هسى اللبس الكاكى منوا من اجل شنوا مش الحرب , طيب الحرب دى مش من اجل انهيار السلام ولا كيف يعنى تعملوا المشكلة وتجوا تنططو ولا شنوا ؟؟
Post: #47 Title: Re: لبسنا الكاكي Author: ناصر المحسى Date: 10-17-2010, 01:05 AM Parent: #45
الواحد يكون قاعد في البورد أكتر من بكري ذاتو ويجي بكل أريحية ينفحك لقب مناضل كيبوردي!! والله أنا بقيت أشك إنكم قاعدين تكتبوا بكيبوردات زينا كدا!! شغالين تتش سكرين ولا بتكتبوا بكلاش ولا شنو؟
Post: #50 Title: Re: لبسنا الكاكي Author: الشفيع وراق عبد الرحمن Date: 10-17-2010, 03:45 AM Parent: #49
اللبس من باب "وأعدوا" ------------------ يبدو أن الـ (آخرين) كتاااار
الشفيع يا اخوى هسه يقولو ليك السلام عليك والا الحرب عليك
غايتو زمان اهلنا قالوا:
الداير الغنى يعمل حساب لى فقرو...
انتو مش فى الاتفاقيه موقعين على حق تقرير المصير؟؟
وكمال عبيد قال الداير حقنه ما بنديها ليه؟؟
تانى فى شنو؟؟
دحين يا اخوى الحرب القاصدها دى المرة دى حاتكون جوة الخرطوم..
بس جهز خروجك البدون عودة يا الضو،،،،
Post: #52 Title: Re: لبسنا الكاكي Author: Tragie Mustafa Date: 10-17-2010, 04:32 AM Parent: #51
و القول ما قاله ود الموج يا جماعه
Quote: دحين يا اخوى الحرب القاصدها دى المرة دى حاتكون جوة الخرطوم..
بس جهز خروجك البدون عودة يا الضو ،،،،
يمين الله سمعتها ومن اعلى مستويات بانها لو قامت فان الخرطوم فقط هي الهدف فاحذروا اللعب بالنار.
Post: #53 Title: Re: لبسنا الكاكي Author: عثمان نواي Date: 10-17-2010, 04:36 AM Parent: #51
Quote: دحين يا اخوى الحرب القاصدها دى المرة دى حاتكون جوة الخرطوم..
لكن فيها تعزل وخيار وفقوس يا صديق الموج العدو معروف في الخرطوم هم فقط لا غير من سيدفع التمن
عثمان نواي
Post: #54 Title: Re: لبسنا الكاكي Author: Tragie Mustafa Date: 10-17-2010, 04:40 AM Parent: #53
Quote: وسالت عن قواتهم المسلحه واحوالها قيل لي:
اولا الجيش الشعبي في افضل احواله سلاح يغير افريقيا كلها لو عايزين تم تخريج ضباط طيران حربي بالعشرات! امتلك الجنوبين طيارات حربيه خرافيه لاول مره بتاريخهم.
سلاح المظلات.....باحدث التكنلوجيا المدرعات تشكيله خرافيه لا فضلت مدرعه اوكرانيه ولا صينيه ولا امريكيه ولا جن احمر ما جابوها.
المخابرات تلقت افضل تدريب في ال 5 سنوات الماضيه!!
الجيش يضم نوعين من البشر الحاربوا قديما ويعرفون مرارت الحرب ولكنهم خبره لا يستهان بها وكذلك هم فرحين انهم امتلكوا كل هذا السلاح ويذكرون يوم كانوا يحاربون باقل منه ويتوقون للحرب باسلحتهم الجديده لان لهم ثأر سابق مع الجيش الشمالي!!
ومجموعه لم تخبر الحرب ونالت افضل تدريب لا مرارات لهم ولكن تحزم للدفاع عن دولتهم لو حمي ا ل و ط ي س!
والخبراء العسكرين مالين البلد الكل متحمس لمساعدةالدوله الوليده.
Post: #55 Title: Re: لبسنا الكاكي Author: Dr. Ahmed Amin Date: 10-17-2010, 04:45 AM Parent: #51
بوست إستفزازي غير مقرون { بحساسية } المرحلة ولا بأي عقل لإدارة الأزمة.
والأهم ... أنه يستفرخ { أسوا } ما فعلته الإنقاذ في تجييش عواطف الناس على الباطل. فهي ذات الإنقاذ التي تفترض اليوم أن أفضل منجزاتها { وقف } الحرب وإشاعة السلام.
فكاكي إيه... وحرب تانية ليه.
اللهم طولك يا روح
Post: #59 Title: Re: لبسنا الكاكي Author: الشفيع وراق عبد الرحمن Date: 10-17-2010, 05:53 AM Parent: #58
دحين البوست ده لى هنا ما بجيب قطعة ارض فى الوادى الاخضر؟؟؟
Post: #62 Title: Re: لبسنا الكاكي Author: عثمان نواي Date: 10-17-2010, 06:08 AM Parent: #60
احتمال واحد تخوضوها عشان تنتهي المسرحيه
Post: #63 Title: Re: لبسنا الكاكي Author: معاوية عبيد الصائم Date: 10-17-2010, 06:14 AM Parent: #62
على الاخ بكرى رفع البوست عاليا والدعوة لاقامة حفل وداع للشهداء الجدد .... اذهبوا الحور العين فى انتظاركم
الكاكى لزومه شنو..البسوا الابيض شان الجهوزية وكده
Post: #64 Title: Re: لبسنا الكاكي Author: محمد إبراهيم علي Date: 10-17-2010, 06:37 AM Parent: #63
ادعو بورداب الرياض لتجهيز هؤلاء الغزاة كما ادعو الاخوة من جبال النوبة تسهيل مرور قوافل اخوانا بتاعين الرياض ديل ولكن بعد المرور قفلو كويس ما في اي واحد يرجع الجنة طوالي
ـــــــ انت يا ود الموج في سمعك كدة ناس الاراضي جايين الرياض قريب ؟
أخونا الشفيع وراق يمكن لاول مرة أتداخل معك في هذا المنبر ...ولعل عنوان بوستك فيه ما فيه من السطحية وعدم النضج السياسي ...يعني شنو لبستو الكاكي لمنازلة من ؟؟؟؟؟؟؟؟ الجنوبيون ؟؟؟؟ والله أشبه بصراع الطواحين الهوائية ولن تصلوا لأي شي ..لن تنتصروا ولن يرجع الجنوبيون كمواطنين درجة تالتة كما كان في السابق ...والذين تنظرون لهم بنظرية القرون الوسطى وما دون مجرد عبيد !!! لبستم الكاكي لمنازلة جبال النوبة والنيل الأزرق برضو حرب خاسرة ومزيد من التعنت والعصلجة ومافي زولن ساهل ولاوصاية على أي سوداني ...عايزين دولة يتساوي فيها الناس في الحقوق والواجبات ...لابد من حصول الناس على حقوقهم كااااملة غير منقوصة في التعبير والتملك والمشاركة الفعلية في السلطة وإرساء قيم العدل والتسامح وتقديس الإنسانية والوطن وبث روح الغيرة على الوطن ...أما عقلية هلال مريخ دي والعنتريات الجوفاء ما بتفيد بشي ...البلد مخترقة امنياً واقتصادياً والحكومة أدمنت الفشل ...تنقلنا من مربع فشل إلى مربع فشل أكبر ...استعديتم كل دول الجوار ( أثيوبيا ( حادثة اغتيال حسني مبارك ) ، مصر : اغتيال مبارك وإيواء الجماعات الإسلامية ، ليبيا ، تشاد ، إرتيريا ، تشاد ، يوغندا ، كينيا ) السعودية ( والشعارات في حرب الخليج الثانية : يهود يهود آل سعود ) ، ( الإمارات ، فقد وصف ذلك العسكري الجاهل يونس الشيخ زايد - رحمه الله - وصفه بالجمل الأجرب ) الولايات المتحدة : يا أمريكا لمي جدادك ...) على المستوى الداخلي : سياسة فرق تسد ...زرعتم العنصرية والتخلف ...قتلتم طلاب المدارس وغررتم بطلاب الجامعات لحرب فاشلة ...سيادة منقوصة ...أكثر حقبة فيها فساد مالي وإداري ...أكثر حقبة انتشرت فيها المحسوبية والاستثار بالسلطة في مجموعات إثنية معينة ..أكثر حقبة تمزق فيها النسيج الاجتماعي السوداني ...دارفور وما أدراكها !!! مشروع الجزيرة وأهل الجزيرة يتعرضون للسب والإساءة والظلم ..إعلامكم متخلف وليس فيكم رجل رشيد كلكم خناء ..لا تبحثون عن الحق وإن كان هذا هو دينكم فأنتم والله خصماً على الإسلام . وبما إنك زول كاكيي أعمل معروف ووصل كلامي دا لكمال عبيد وكمال عبداللطيف والبشير وعلي وكل الزمرة التي تريد أن تدير الشعب من الخرطوم خرتوم الترك .
Post: #66 Title: Re: لبسنا الكاكي Author: عبد الحي علي موسى Date: 10-17-2010, 06:58 AM Parent: #65
أخ الشفيع إنت هنا بتخالفت كلام الله، بتلوينك (لآخرين) باللون الأحمر، وتعني أنك تعرف من هم هؤلاء الآخرين في حين أن الله قال: ((لَا تَعْلَمُونَهُمُ اللَّهُ يَعْلَمُهُمْ)). تحياتي......
أقترح على الأخ بكري بسحب هذه البوستات التي تبث الكراهية وتفعيل اللائحة في حق كل من يسعى لإثارة الفتن والحروب . اللهم إن الفتنة نائمة لعن الله من أيقظها .
Post: #68 Title: Re: لبسنا الكاكي Author: عثمان نواي Date: 10-17-2010, 07:02 AM Parent: #65
Quote: كما ادعو الاخوة من جبال النوبة تسهيل مرور قوافل اخوانا بتاعين الرياض ديل ولكن بعد المرور قفلو كويس ما في اي واحد يرجع الجنة طوالي
وصيتك تب وصلت يا زول لكن باقيليك بجو ديل رجالة كي بورد سكت الله يكضب الشينه
Post: #72 Title: Re: لبسنا الكاكي Author: عبد اللطيف السيدح Date: 10-17-2010, 08:51 AM Parent: #71
Quote: باقي طبعا السيدح حيكون عندو برضو بوست حربي بعد قليل حسي بيكون بيفتش في عنوان كدة يفوق عنواني ود الباوقة والشفيع ولكن لانه مشاتر وجهلول لا اتوقع ان يعمر بوسته طويلا
الاخ الباشمهندس الشفيع لك التحيه ماعندي حاجه غير اني اهدي ليك الاغنيه دي
شــــــــييييييينه .....منك
Post: #74 Title: Re: شــــــــييييييينه .....منك Author: محمد إبراهيم علي Date: 10-17-2010, 10:28 AM Parent: #73
Quote: الموت البتخاف منو بياخدك ياود ابراهيم
الخوف من الموت والرجالة ما بيثبتوها في الكي بورد ده اسي ممكن اكتب ليك عادي انو انا جاييك اوريك رجالتي تجري تبكي لي بكري امش انت ورينا رجالتك واهو اخوانا اولاد النوبة ابدو استعدادهم لتسهيل الوصول لكن كمان ما في درب رجعة الحنة طوالي وليك علينا نحن نقنع بكري يعمل ليك ايقونة تتراقص فوق المنبر ويطلع ليك كل الكلام المشى الخور عشان الناس تعتبر
Post: #75 Title: Re: شــــــــييييييينه .....منك Author: amir jabir Date: 10-17-2010, 10:38 AM Parent: #74
Quote: كما ادعو الاخوة من جبال النوبة تسهيل مرور قوافل اخوانا بتاعين الرياض ديل ولكن بعد المرور قفلو كويس ما في اي واحد يرجع الجنة طوالي
يا راجل يقصر الملح ومن عندنا فى اخر نقطة فى الحدود كلوا زول ياخد 3 خزن كلاشات جديد لنج من النوع الشفاف داك
Post: #77 Title: Re: شــــــــييييييينه .....منك Author: مرتضي عبد الجليل Date: 10-17-2010, 11:34 AM Parent: #76
لا نغنيك ولكنا نناضل هذه الأوتار أعصاب شهيد كلفته الأرض أن يرحل فأستأذن راحل كشعاع بصراع هرب الدفء إلى الآتين من شم المراحل هذه الأنغام أهداها لنا بعد أن نازل بالمنشور أعواد المقاصل لا نمنيك بباطل كان ياما كان في مر الزمان كان سلطان وشرطي وكاهن ومغن هبت ألثوره والسلطان فر رجع الكاهن للمعبد يبكي عمل الشرطي فلاحا وكر يطلق الماء على صدر الجداول يضرب الأرض على صوت الكمان وهو يهتز مع خبط المعاول ... ... ... كلنا للأرض والأرض لنا ولنا متسع حتى السماء فإلامَ ولما يغمر الأوطان طوفان الدماء؟ يا أخا الأرض لمنْ هذه الحرب ومن ذا الذي يشقى ومنْ يعشق الأوطان أطلال دمار ودمن إنه البوم لذي يعجبه ليل الخراب إنه الشؤم الذي ينجبه ويل الحراب هل أتى اليوم الذي تعقبه خيل الصحاب فيحط الغيم في جوف أراضينا ويرتاح التراب هل أتى حين من الحلم على الإنسان يحيا مطمئنا للزمن تضع الحرب به أوزارها كرنفال السلم يجتاح مدى العالم إبداعا وقمحا والعصافير السلامية تبني دارها حبا وصدحا يا ورود الدرب يا أحجارها ليلا وصبحا يا خطى العمال يا أيارها خبا وكدحا لاتحاد الساعد الكوني مرحى لا خضروات الفنن لانغراز الإصبع الثوري في عين الدمار وارتفاع العلبعه البنبان كوبا من لبن لتجار الحرب تبا ... للخوازيق وتبا للبوار للسرابيات في تيه الفتن للذي يبحر غربا عن اماني الشعب تبا للدوار للخطابيات من دون فطن لأنطلاق الريح من غير لقاح دون خير وصلاح للتي تمطر موتا وجراح والتي تمرح من دون رسن في مراعي الشعب في حقل الشباب للذي بملأ كفيه بتبر وتراب يكشح التبر على حظوته والترابيات في عين الوطن ... ... ... أدعياء الحرب كالحرب تماما أولياء السلم لا خوف عليهم لا حزن وإذا مروا بهم قالوا سلاما وإذا غم بهم نادوا وطن هذه الحرب وثن وأنا أؤمن بالحرب التي بين احشائي وتجويع الفجار الطواغيت إذن فلتكن يا عام عام الانصهار بالذي ادعوه دربي بالحبيبة بالصديق وبالوطن ولتكن يا شعب ضد الانكسار وليكن ما قد دفعنا من دماء لانبلاج الفجر مهرا أوثمن نحن اقسمنا على صدر عموم الشهداء أن نسويه بروح وبدن ونقويه على سوق النهار " ونضويه " وطن فلتكن يا عام عام الانتصار للجماهير على بؤس الزمن قد كفاها ما دحاها من محار من عذاب ومحن فلتكن يا بحرُ بحرا ا للبحار التي تنضج سلما دون من عاشت الأرض لنا لافتة ولأعداء العصافير كفن.
حميد
Post: #78 Title: Re: شــــــــييييييينه .....منك Author: فيصل عثمان الحسن Date: 10-17-2010, 12:01 PM Parent: #76
أوو اخونا الشفيع كبير مجاهدى الكى بورد , أنا غايتو ما عندى مروة للحرب والمساككة ولبس الكاكى , وما عندى رغبة فى شم رائحة المسك , لكن بالله يالشفيع لو فى عرس بتاع نسوان الشهداء , أدونا خبر ما تغنجوا بيهو براكم .
الحرب تعنى أرواح الناس ، والحروب التى خاضها المؤتمر الوطنى وزبانيته، والتى يطالعنا هذا البوست بنماذج من رموزهم ، ويصورهم كأبطال... هذه الحروب ماهى سوى حروب خاسرة ، آيدولوجيتها خاسره ومن شارك فيها خاسر وبائس.
هؤلاء الذين كانوا وقودا لهذه الحروب سذج وبؤساء، أقدموا على إرتكاب افظع الجرائم وأكثرها إنحطاطا... قتل الناس وتشريدهم وترويعهم.
صحيح أنهم أقدموا على إرتكاب هذه الجرائم وهم يهللون ويكبرون، ولكن اى إله يقبل و يبرر مثل هذا
الدينى الهوس المشؤوم؟
لأى إله أيها البؤساء؟
مثل هذا البوست يقول عن إلى أى مدى يسقط الانسان ....
وعلى كل، يقول جورج اورويل:
All the war-propaganda, all the screaming and lies and hatred, comes invariably from people who are not fighting. George Orwell
كل الدعاية للحروب ، كل الصراخ والكذب والحقد والكراهية ، تأتي دائما من الناس الذين لا يقاتلون. جورج أورويل
فكاتب هذا البوست، والمصفقين والمؤيدين له حتما فى عالم آخر.
الشفيع إنتو ما فضلتو ليكم صليح مشاكل مع كل الجيران حتي المتطرفين الدينيين أمثال بن لادن طفشوتهم و الشعب كرهتوه البلي.... إما ان يعود التطرف و الهوس الديني و القاعده و تتبرجل او أن تقعو في احضان النظام المصري او تتكسر ليكم فوق راسكم الحرب ليست الحل....... نعم هناك من يهواها من الانتحاريين و الدبابين كما ايام الانقاذ الاولي... و ايضا في الهجوم علي أمدرمان....الا ان هؤلاء قليلي العدد ...انتحاريون فقط و الانتحاريين لا يكسبون حروبا...... فلذا صوت العقل هو السلام أما الشماليون فهم بين مطرقة المؤتمر الوطني و سندان الحركة الشعبية و ينتظرون متي ينتهي الفيلم
Nothing will end war unless the people themselves refuse to go to war.
Albert Einstein
لا شيء ينهى الحروب ، إلا إذا رفض الناس أنفسهم الذهاب إلى الحرب.
ألبرت اينشتاين
فمن ذهب لتلك الحروب والغزوات الدينية و العرقية مسئول عن سلوكه
ونورد ايضا هذا القول لألبرت كاميوس:
It is the job of thinking people not to be on the side of the executioners.
Albert Camus
والذى قد يترجم على النحو الأتى:
مسؤلية من يفكر من الناس أن لا يكون فى جانب الجلادين.
ألبرت كامو
فتوزيع الدم بين القبائل من قبل بعض الشماليين مثلما يفعل شخصط هنا لن يفيد شيئا.
فإن لم يكن لك موقف أخلاقى فالتنزوى بخيبة هذا الموقف المتصالح ولن يسألك أحد... فكم هم من أمثالك ... فقط توقف عن مثل هذا السلوك المعتذر والخجول عن جرائم المؤتمر الوطنى ... فمتى سمعت يوما بان الحركة الشعبية قد قصفت شندى بالأنتنوف ... أو متى سمعت يوما انها تنوى القيام بذلك ؟؟؟
لمن كانت عندكم حرب واحدة الآن تقدروا تحاربو أهل دارفور وأهل الجنوب في وقت واحد؟
غلبكم لما كانت قواتكم في جوبا وملكال وواو، هسة ما عندكم جندي واحد في الجنوب
كان الجيش الشعبي في الغابة الآن جيش رسمي تسلح وتدرب
حتبدو الحرب من وين؟ من جبال النوبة والإنقسنا وجنوب دارفور؟
وإلا من كوستي والخرطوم
الآن السودان فيه 33000 ثلاثة وثلاثين ألف جندي أجنبي
في الحدود مع الجنوب وجبال النوبة ودارفور
ورئيسكم خايف يقع في يدهم يلقي روحو في لاهاي
كنتو بتكشو أولادنا من ميادين لعبهم تدفسوهم في الطيارات تكبوهم وقود للمعارك
باقي ليكم الشعب السوداني تاني بيسمح ليكم
تودوا اولادو تكتلوهم وتجو بكروشكم تقولو لي أماتهم زغردي يا أم الشهيد؟
هراشين
وما حتحاربو
وأرجو الجاياكم
والشعب السوداني يقول لكم:
"إذهبوا أنتم وبشيركم فحاربوا"
الباقر موسى
Post: #89 Title: Re: لبسنا الكاكي Author: عمر ادريس محمد Date: 10-18-2010, 00:36 AM Parent: #88
الى المؤتمر الوطنى الذى يدق طبول الحرب كذبا ونفاقا من نصبكم خاذوقا علينا؟؟ وماهو الفرق أصلا بينكم والنازية؟؟ من حسن المقادير أن اكتشاف النار قد تم منذ زمن بعيد يجب ان تعلموا انكم محض قتلة وسفاحيين وان الزيف والتلفيق وجر السودان العظيم الى هاوية الحرب من جديد واستمرار النزيف لتامين سلطتكم الجائرة ..... لن يوقف قط امرا عادلا هو الخلاص منكم . ايها اللصوص مهلكم .... الحرب ليست لعبة انها جرثومة يشعلها الاغنياء واصحاب المصالح والاهواء والساعين الى الغنائم ... ويدفع ثمنها الفقراء فى كل انحاء الوطن من ارواح شبابهم وجوع نساءهم وتشريد اطفالهم من يموت فيها فقد عظيم للامة السودانية ..وجرح عميق فى ضمير المستقبل .. كفانا حروب نقول لكم الان وبالصوت العالى لا للحرب والدمار ..لا لتقطيع اوصال السودان .. نعم للسلام والتعايش والوحدة بعدل وحرية بين جميع السودانيين ايها اللصوص حتما سيحين وقت الفرح الجد وستذهبون الى مذبلة التاريخ وسيقام عرس الوطن جنوبا وشمالا شرقا وغربا ياسلطة الدجل والخيانة والواقفين بين بين والساعين الى مغنم ستدق ساعة الحرية والديمقراطية الحق وسيقول الشعب السودانى فى كل جهات السودان كان هنا بعض الاشباح....ولن نسأل اين ذهبوا وستقول الريح من تولى أمركم وكان ضدكم لايستحق الذكر وسنشكر الريح
الاخ خالد أنا مواطن سوداني عادي غير منتم لحزب مثلي مثل الملايين في الشمال و الجنوب كوشتم عليهم أنتم الحزبيون...و سقتوهم كالقطيع.... المقرف هو تصرفات الحركة الشعبية (وأظنك تنتمي لها ان لم يكم تنظيميا ففكريا) من أستهبال و لولوه... و المقرف هو تصرفات المؤتمر الوطني من سرقات و استنكاح أنا و الملايين لا نفرق بين المؤتمر الوطني و الحركة الشعبية.. و بالمناسبة عددنا زائد كل يوم في هذا المنبر و غيره .. و اجزم باننا صرنا أغلبية
Quote: يغزو الجنوبيين الشمال إنما العكس، لم يجاهد النوبه من جبال النوبه فى الشمال إنما العكس.
لم تدر رحى الحرب فى قرى ومدن الشمال ، إنما العكس، ولم تدمر منازل وقرى الشمال نتيجة لغزوات المؤتمر الوطنى إنما العكس ...
فتوقف وغيرك عن هذا الدور السخيف.
هل أنت مشكلتك مع الشمال أم مع المؤتمر الوطني أذا مشكلتك مع المؤتمر الوطني... النمره غلط ... إذا مشكلتك مع الشمال... ورينا عملنا ليك شنو... عشان نحل المشكلة !!!
(هل أنت مشكلتك مع الشمال أم مع المؤتمر الوطني أذا مشكلتك مع المؤتمر الوطني... النمره غلط ... إذا مشكلتك مع الشمال... ورينا عملنا ليك شنو... عشان نحل المشكلة !!!)
أبدا ، أن مشكلتى مع الزيك ديل.
الذين يقفوا متفرجين على الناس وهم يقتلون ويشردون، وعندما يبدأ هؤلاء الذين يتعرضوا للقتل والتشريد بالدفاع عن أنفسهم لايستمروا فى الوقوف كمتفرجين إنما يتطاولوا عليهم ويحاولوا أن يجعلوا منهم متساويين مع الجلاد.
هنا المشكلى ، ومع أيا كان. !
The world is a dangerous place, not because of those who do evil, but because of those who look on and do nothing.
Quote: وعندما يبدأ هؤلاء الذين يتعرضوا للقتل والتشريد بالدفاع عن أنفسهم لايستمروا فى الوقوف كمتفرجين إنما يتطاولوا عليهم ويحاولوا أن يجعلوا منهم متساويين مع الجلاد.
خالد اذا تعني الجنوبيين فأنا لم أهاجمهم أنت الذي تساوي بين الشماليين و حكومة المؤتمر الوطنيحكومة المؤتمر الوطني يا هذا لا تمثل الشماليين و لذا أنا لدي مشكلة مع امثالك من يخلطون الاوراق .. أنا هاجمت الحركة الشعبية .. و الحركة الشعبية عندي لا تمثل الجنوبيين ... و هي جلاد أخر.. شئت ام أبيتأنت تتطرح نفسك كداعية حقوق لم توضح لنا رأيا في سلب حق المسيرية الرحل في التصويت في أبيي ؟لم نري لك رأيا في كلام فرانسيس دينق في أنهم يرفضون الزواج من نساء المسيرية ؟؟ اليس هذا تعالي؟ تريدون أن تسودو الصفحات بالظلم من طرف واحد فقط (المؤتمر الوطني) و تغضون الطرف عن ممارسات الطرف الاخر (الحركة الشعبية) ... و الا ارنا أين كتبت عن ممارسات الحركة الشعبية + لولوه و استهبال زعمائها؟
Post: #102 Title: Re: لبسنا الكاكي Author: الشفيع وراق عبد الرحمن Date: 10-25-2010, 04:13 AM Parent: #101
و لمن نوى الجلوس في مصطبة المتفرجين نقول: إجلس يا أخي ، وراقب ، واستمتع ، ودع القيادة لنا ولا تقلق من استبسل واستشهد و دافع عنك في الميل 40 ما زال موجوداً
Post: #103 Title: Re: لبسنا الكاكي Author: الشفيع وراق عبد الرحمن Date: 10-25-2010, 04:08 PM Parent: #101
UP رفعك الله لمنزلة الصديقين والشهداء استاذنا ايوب خليل
Post: #104 Title: Re: لبسنا الكاكي Author: عمر صديق Date: 10-28-2010, 10:26 AM Parent: #103
الاخ الشفيع تحياتي
لسنا دعاة حرب ولكن لايمكن ان ندع سلاحنا
الجهاد ماض الي يوم القيامة
ولولا المدافعة لتم اسئصال الوجود العربي والاسلامي في السودان
ولكن لابد من اعداد العدة حسب الاستطاعة وبعدها التوكل علي الله ليكون النصر والعاقبة للصادقين
Post: #105 Title: Re: لبسنا الكاكي Author: الشفيع وراق عبد الرحمن Date: 10-28-2010, 12:45 PM Parent: #104
الأخ الشفيع لك التحية والتقدير .. أراك قد لبست الكاكي لمحاربة اخوة لك في الوطن وبكل أسف لم تعلن أو بقية مجاهدي الإنقاذ هنا لبسه للدفاع عن أرض الوطن التي يدوسها البوت الأجنبي في حلايب والفشقة! لنترك حلايب والفشقة جانباً فقد تكون قصة قد إنطوت صفحاتها عندكم ! الان في الحدود الشرقية احتل الأرتريين أرضاً سودانيه و طردوا المزارعين السودانيين من أراضيهم ماذا أنتم فاعلون؟ قيادة جيش الإنقاذ تتكتم وانتم ساكتون وكرامة الوطن تداس!
خونا الشفيع وراق يمكن لاول مرة أتداخل معك في هذا المنبر ...ولعل عنوان بوستك فيه ما فيه من السطحية وعدم النضج السياسي ...يعني شنو لبستو الكاكي لمنازلة من ؟؟؟؟؟؟؟؟ الجنوبيون ؟؟؟؟ والله أشبه بصراع الطواحين الهوائية ولن تصلوا لأي شي ..لن تنتصروا ولن يرجع الجنوبيون كمواطنين درجة تالتة كما كان في السابق ...والذين تنظرون لهم بنظرية القرون الوسطى وما دون مجرد عبيد !!! لبستم الكاكي لمنازلة جبال النوبة والنيل الأزرق برضو حرب خاسرة ومزيد من التعنت والعصلجة ومافي زولن ساهل ولاوصاية على أي سوداني ...عايزين دولة يتساوي فيها الناس في الحقوق والواجبات ...لابد من حصول الناس على حقوقهم كااااملة غير منقوصة في التعبير والتملك والمشاركة الفعلية في السلطة وإرساء قيم العدل والتسامح وتقديس الإنسانية والوطن وبث روح الغيرة على الوطن ...أما عقلية هلال مريخ دي والعنتريات الجوفاء ما بتفيد بشي ...البلد مخترقة امنياً واقتصادياً والحكومة أدمنت الفشل ...تنقلنا من مربع فشل إلى مربع فشل أكبر ...استعديتم كل دول الجوار ( أثيوبيا ( حادثة اغتيال حسني مبارك ) ، مصر : اغتيال مبارك وإيواء الجماعات الإسلامية ، ليبيا ، تشاد ، إرتيريا ، تشاد ، يوغندا ، كينيا ) السعودية ( والشعارات في حرب الخليج الثانية : يهود يهود آل سعود ) ، ( الإمارات ، فقد وصف ذلك العسكري الجاهل يونس الشيخ زايد - رحمه الله - وصفه بالجمل الأجرب ) الولايات المتحدة : يا أمريكا لمي جدادك ...) على المستوى الداخلي : سياسة فرق تسد ...زرعتم العنصرية والتخلف ...قتلتم طلاب المدارس وغررتم بطلاب الجامعات لحرب فاشلة ...سيادة منقوصة ...أكثر حقبة فيها فساد مالي وإداري ...أكثر حقبة انتشرت فيها المحسوبية والاستثار بالسلطة في مجموعات إثنية معينة ..أكثر حقبة تمزق فيها النسيج الاجتماعي السوداني ...دارفور وما أدراكها !!! مشروع الجزيرة وأهل الجزيرة يتعرضون للسب والإساءة والظلم ..إعلامكم متخلف وليس فيكم رجل رشيد كلكم خناء ..لا تبحثون عن الحق وإن كان هذا هو دينكم فأنتم والله خصماً على الإسلام . وبما إنك زول كاكيي أعمل معروف ووصل كلامي دا لكمال عبيد وكمال عبداللطيف والبشير وعلي وكل الزمرة التي تريد أن تدير الشعب من الخرطوم خرتوم الترك .
Post: #114 Title: Re: لبسنا الكاكي Author: الشفيع وراق عبد الرحمن Date: 12-28-2010, 02:48 PM Parent: #113
الاختراق تم ، وبعض عضوية الحزب تربطهم علاقات قوية بأجهزة مخابرات دولية ورحلات مكوكية لوكالة الاستخبارات محملة بملفات المهاجرين ...وهاهي الأيام تكشف الاختراق ( من الداخل ) ..