Post: #1
Title: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 07:35 AM
لاحظت فى الفترة الأخيرة اختفاء حملات شرطة المرور
من على الشوارع تمامآ فى ظاهرة غريبة لجميع السائقين
الذين يقودون بطُرق العاصمة....
لا يمُر يوم من دون ان تواجهك حملة مرورية عند اى من المنعطفات
المرورية وانت تقود سيارتك للعمل او للبيت او لأى سبب آخر..
|
Post: #2
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 07:40 AM
Parent: #1
من الظواهر السالبة اثناء الحملات المرورية وهى
ايقافك من قبل شرطى المرور حتى ولو تسبب ذلك فى
ازدحام السيارات خلفك فى خيط لا يوازيه فى الطول الا القطار..
اما عن السؤال فحدث ولا حرج...
مرحب..
رُخصتك بالله (والعيون تبحث عن ضحية أُخرى)
وين شهدة البحث؟
شنو؟؟
انزل تعال بالله؟؟
ياشيخنا ماعندنا ليك زمن...
|
Post: #3
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 07:42 AM
Parent: #2
ومن المتوقع ايضآ ان يتم تفتيش بقية السيارة
فى حالة عدم وجود مخالفة ظاهرة للعيان...
ولع النور...
جُر النور الطويل
المنشات دى شغالة؟
القزاز الورا دا فيهو شق ودى مخالفة
التظليل دا ممنوع...
لكن ياجنابو دى مظلة من الشمس!!
يازول مافى كلام زى دا انزل تعال بس
|
Post: #4
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 07:47 AM
Parent: #3
لو سألنى احدهم بعمل اصلاحات وتغيير فى الشرطة
لنقلت كل من بشرطة المرور الى المباحث الجنائية
بالأمس القريب وفى طريقى الى المنزل كدت ان ادهس شرطى مرور
وذلك اثناء محاولته ايقافى بالوقوف اما السيارة...
بالكاد تفاديته واوقفت السيارة مستغربآ...
لولا زيه المميز باللون الابيض لتركت الامر لمخيلتى
بأن هذا ما الا كمين من المباحث لجريمة قتل
جميع المشتبهين فيها من السائقين بالشارع العام!!
|
Post: #5
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: الامين موسى البشاري
Date: 03-28-2011, 07:56 AM
Parent: #4
خ ي م 11
|
Post: #12
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 08:46 AM
Parent: #5
دا كود مُخالفة ياالامين ولا شنو؟
|
Post: #6
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 07:56 AM
Parent: #4
لوهلة وقفت مستغربآ من تصرفه الغريب والمعهود
وجاء على عجل يسأل عن رخصتى وشهادة ملكية السيارة
بالطُرُق التى ذكرتها اعلاه...
بادرته سائلآ عن الطريقة التى اوقفنى بها وهل هو لا
يخشى الموت فى سبيل مخالفة لاتتعدى ال30 جنيهآ ناهيك عن عدم وجود مخالفة اساسآ؟؟
فما ما وجدت منه الا التجاهل واعادة نفس السؤال:
الرخصة وشهادة البحث ياسيد!! (والعيون تبحث فى سيارات أُخرى عن صيد جديد)
لا يمتلكك احساس ولو للحظة ان هذه الحملة من باب الانضباط وتحسين السير والسلوك
انما اصطياد اخطاء الغير بأكبر كمية ممكنة والاول والمهم الغنيمة بالايصال
ولم اجد فى حياتى شرطى ليوجهنى ولو فى اسبوع المرور العربى...
كل ماتجده فى نهاية الامر قطعة من ورق تحدد نوع وقيمة
المخالفة المرتكبة صالح ليوم واحد ويمكن ان تقود به لبقية يومك
وهذا مايتًبعه اصحاب المركبات العامة اثناء عملهم
وهذا ما ترضى به شرطة المرور والحال ماااااااااااشى
|
Post: #7
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 08:08 AM
Parent: #6
رغم قناعتى عن عدم وجود اى مخالفة الا ان العسكرى
تكبد جهدآ وعناء كبيرآ فى البحث عن اى اشارة لمخالفة
كل ذلك بسبب سؤالى له عن اذا ماكان مستعدآ للموت فى سبيل
مخالفة قيمتها 30 جنيهآ !!
كنت اراقب من الناحية الأُخرى شابآ اوقف ايضا بنفس الطريقة
تغبرت قدماه فى تتبعه للشُرطى فى محاولة يائسة لاسترجاع رخصته
وكان
رُغم استلامى رخصة القيادة عند تأكد الشُرطى من عدم وجود مخالفة
الا اننى توقفت لأُراقب استمتاع الشُرطى فى مذلة الشاب الذى
يتوسله لأعفاءه من قيمة المخالفة بحجة عدم امتلاكه وانه لن يكرر الخطا ثانية
والذى يتمثل فى عدم ربط حزام الامان..
لا تلحظ توبيخآ من اجل الاصلاح ولكن تلحظ اِذلالآ لأبعد الحدود
لا رُقى ولا تهذيب يجعلك تسترجع لذهنك الدعاء من غلبة الدين وقهر الرجال
|
Post: #8
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 08:22 AM
Parent: #7
عاد الشُرطى ليطلب منى التحرك نسبة لوقوفى بالشارع مما يسبب تعطيل الحركة
فما كان منى الا ان رددت عليه: وانت ماعارف انو انا كنت معطل الحركة لمن كنت
بتسأل عن الرخصة وشهادة البحث الكنت داير تموت بسببهم؟؟
لم يجد اجابة لسؤالى فعاد ادراجه وهو يستشيط غضبآ..
لماذا لا نجد التعامل بتهذيب واحترام من قبل شرطة المرور؟
لماذا العشوائية التى يعيشها افراد المرور كل يوم فى الشوارع
بُطُرق مستميتة فى سبيل تحصيل اكبر كمية من المخالفات...
بدأت اصدق ان شرطة المرور تعتمد فى صرف مرتباتها على كمية المخالفات
المتحصلة من السائقين بالشوارع....
الحوافز تُصرف بناءآ على الأنجاز فى الشوارع من تحصيل مخالفات
وعدد الدفاتر المستهلكة...
سمعتهم بأذنى وهم يتفاخرون فى نسبة تحصيل المخالفات
بعضهم البعض بالقسم اثناء اجراء تعديل فى بعض الاوراق
وكم كانت فرحتهم عند عودتهم وقد نفدت دفاتر ايصالات المُخالفات لديهم
|
Post: #10
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 08:38 AM
Parent: #8
رجعت بذاكرتى الى الوراء وبدأت استرجع:
متى كانت آخر مرة استوقفنى او صادفت حملة مرورية بالشارع؟؟
تزامن اختفائهم بتصاعد المظاهرات فى العالم العربى والدول المجاورة خصوصآ...
|
Post: #14
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 08:56 AM
Parent: #10
ذلك يطرح سؤال بالذهن:
هل اختفاء حملات شرطة المرور تزامنآ مع التظاهرات الدولية
دليل على انها عبء لا يحتمله المواطن مع علم الدولة التام
بأنها يمكن ان تكون شعلة تفجر تظاهرة تؤدى الاى ما لا تُحمد عٌقباه؟
هل توصلت الحكومة على ان الشعب السودانى لايمكنه القيام بمُظاهرات
بالتالى عودة سلبيات كثيرة من ضمنها حملات المرور العشوائية؟؟
----------
من السلبيات الأخرى ايضآ بدأ انقطاع التيار الكهربائى بأنتظام
تزامنآ مع دخل فصل الصيف مع عدم مراعاة ظروف ممتحنى الشهادة السودانية
|
Post: #9
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: ود شاموق
Date: 03-28-2011, 08:38 AM
Parent: #7
يارب يطلعوا زيتك يا سيد طبنجة، إن شاء الله كل يوم مخالفتين، واحدة الصباح تسد ليك نفسك من الشغل، والتانية المساء تسد ليك نفسك من البيت. يا دوب حرقتك المسألة لمن بقت في لحمك الحي؟ إن شاء الله حملات المرور ما تقيف لي يوم القيامة، وإن شاء الله كل يوم يوقفوك بي سبب ومن دون سبب.
هذا ولا يفوتني أن أحي من هذا المنبر الحر رجال شرطة المرور البواسل الذين يضحون بحياتهم ويبذلون أرواحهم رخيصة في سبيل راحة المواطنين ويلقون بأنفسهم في التهلكة في سبيل إيصال لا تزيد قيمته على التلتين جنيه ويعملون بكل إخلاص لايقاف السائقين المستهترين ومخالفي أنظمة المرور والسلامة وإلخ ...
|
Post: #11
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 08:45 AM
Parent: #9
| Quote: يارب يطلعوا زيتك يا سيد طبنجة، إن شاء الله كل يوم مخالفتين، واحدة الصباح تسد ليك نفسك من الشغل، والتانية المساء تسد ليك نفسك من البيت. يا دوب حرقتك المسألة لمن بقت في لحمك الحي؟ إن شاء الله حملات المرور ما تقيف لي يوم القيامة، وإن شاء الله كل يوم يوقفوك بي سبب ومن دون سبب. |
لو رجعت الارشيف بتلقا ليك اقل شى عدد 2 بوست سببهم شرطة المرور
الناس ديل انا بشكى منهم من زمااااان ياخ ..
دعاك دا الله العليم يُستجاب...
ياقريبى لايمكن اكون سايق عربية فيها مخالفة
مُش لنوعها او موديلها ولكن لا اُعطى فُرصة لأقف اما شخص
واقوم بتحنيسه او تملُقه وهو يتدلل على...
الناس ديل اخير منهم نظام ساهر
صورة لكل من:
* ود الصايم
* تمبس
* ادارة المرور بالمملكة العربية السعودية
|
Post: #13
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: ود شاموق
Date: 03-28-2011, 08:52 AM
Parent: #11
| Quote: لو رجعت الارشيف بتلقا ليك اقل شى عدد 2 بوست سببهم شرطة المرور |
طيب ياخ وكت ضايق طعم الظلم وعارف ألم الضحية ما تقيف مع أخوانك العندهم مشاكل مماثلة مع وزارة الداخلية وديوان الضرايب ووزارة المالية وجهاز الأمن والاحتياطي المركزي والقصر الجمهوري؟
|
Post: #15
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: ود شاموق
Date: 03-28-2011, 08:59 AM
Parent: #13
| Quote: الناس ديل انا بشكى منهم من زمااااان ياخ |
صفية اسحاق، طالبة الفنون الجميلة، قالت اغتصبوها، الاغتصاب الواحد دا، مش قطعوها إيصال بي تلتين ألف، قلتوا كضابة، وما عندها موضوع، ومالم يقله مالك في الخمر، هسع في احتمال كبير إنك تكون برضو كضاب، وإنو حملات المرور دي من نسج خيالك، وإنك قاعد تفتري على ناس المرور الرساليين ديل. البمنع شنو؟ أنا شخصياً ما في زول بتاع مرور وقفني قبل كدا، والحملات القاعد تتكلم عنها دي، يطرشني، ما سمعتا بها، ولا شفتها بي عيني، إحتمال يكونوا قاعد يوقفوا السايقين الهكر بس
|
Post: #20
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 09:14 AM
Parent: #15
| Quote: صفية اسحاق، طالبة الفنون الجميلة، قالت اغتصبوها، الاغتصاب الواحد دا، |
الموضوع دا بالذات ياود شاموق تحفظت فيه بالكامل نسبة لما يشوبه
من احاديث متنافية ورديئة المصدر...
تختلف الروايات مما يجعلنى متحفظآ على موقفى خشية الوقوع فى الخطأ..
اسى انت ذاتك بتقول (طالبة الفنون الجميلة)
كدى امشى شوف اورنيك 8 وشوف هل هى طالبة ولا مُعلمة..
Quote: تكون برضو كضاب، وإنو حملات المرور دي من نسج خيالك،
وإنك قاعد تفتري على ناس المرور الرساليين ديل. البمنع شنو؟ |
احتمال وارد... ممكن اكون زول بتاع خيال علمى تخصص مرور وحملات
ليك الحق ياتدخل الفلم يا تجى بديك قروش تذكرتك ومعاه تعويض لو حبيت
بغرض انك تتفكفك سريع عشان ماتشوف كوابيس مرورية بالليل وانت بترضع فى البزة..
| Quote: أنا شخصياً ما في زول بتاع مرور وقفني قبل كدا، |
مش يمكن تكون كوز‘ امنجى‘ ضابط؟؟؟
| Quote: إحتمال يكونوا قاعد يوقفوا السايقين الهكر بس |
تصدق يادوب بديت افكر فى الحتة دى...
الاداك آخر موديل يدينا القبليهو بس
|
Post: #16
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: محمد عمر جبريل
Date: 03-28-2011, 09:01 AM
Parent: #13
مرة في واحد بتاع حركة قطعني إيصال من العدم زي حالتك دي كده
من الزعل كسرت الرخصة وقلت ليهو لمن بنتقابل يوم القيامة ما ها تكون لابس الميري بتاعك ده
قال لي إنت زااااتك ما ها تجي سايق عربيتك دي
|
Post: #22
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 09:23 AM
Parent: #16
Quote: مرة في واحد بتاع حركة قطعني إيصال من العدم زي حالتك دي كده
من الزعل كسرت الرخصة وقلت ليهو لمن بنتقابل يوم القيامة ما ها تكون لابس الميري بتاعك ده
قال لي إنت زااااتك ما ها تجي سايق عربيتك دي |
كدا انت دقست وجيتم فى بوهيتم
يعنى على بال ماترجع تطلع الرخصة عشان مايحصل معاك موقف
زى دا تانى حتلقى واحد يخليك تكسر البطاقة الشخصية
على بال ماترجع تطلع البطاقة الشخصية عشان تطلع بيها الرخصة
تلقى واحد يخليك تقطع االجنسية..
على بال ماتطلع الجنسية عشان تطلع بيها بطاقة شخصية عشان
تطلع بيها الرخصة بتكون القيامة قامت...
فى الحالة دى بتكون انت الخسران
غايتو اكان لاقيتو اليوم داك اتفشى لى معاك
|
Post: #17
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 09:05 AM
Parent: #13
| Quote: طيب ياخ وكت ضايق طعم الظلم وعارف ألم الضحية ما تقيف مع أخوانك العندهم مشاكل مماثلة مع وزارة الداخلية وديوان الضرايب ووزارة المالية وجهاز الأمن والاحتياطي المركزي والقصر الجمهوري؟ |
والله لو قضيتك صادقة اقيف معاك مافى ما يمنع..
انت زاتك لو مامُقتنع بى قصتى دى ممكن تعمل رايح او تندد بيها زاتو
لكن لو دايرنى اباريك زى السخلة البجروها من اضانها فأسمح لى بس
فى الحتة دى بالذات مابقيف معاك...
|
Post: #18
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: محمد عبد الماجد الصايم
Date: 03-28-2011, 09:07 AM
Parent: #13
تعرف يا طبنجة ـ دا طبعا بعد التأمين على دعاء ود شاموق الفوق دا ـ
أنا أكتر ناس بكجنم في السودان دا ياهم ناس المـرور ديل!!
تعرف لو جرّبت القصة باللوحات الأجنبية ـ وعارفكـ ما جرّبت ولا ح تجرب ـ
ح تلاقي إحساس الشرطي دا عجيب خلاس لما يوقفكـ .. بجيكـ سنيناتو بررره
ما خلاس .. قبض السمينة عديل .. لوحات أجنبية وعربية كويسة ومظللة .. يا زول!!
أها أخوكـ يوم قرف في نص الخرتوم فكيت التظليل وأديتو للعسكري في يدو!!
_
ياخ هنا لمن يكون في حملة مرور ـ وما متذكر آخر مرة شفتها متين ـ بتشوف
الهيلمانة من هنوووووكـ .. أموركـ كويسة بتمش عليهم .. عندكـ أي سيكـ ميكـ
بتشوف أقرب يمين وتخارج نفسكـ يا تجنّب على اليمين وتواصل بالليموزين!
|
Post: #19
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: محمد عبد الماجد الصايم
Date: 03-28-2011, 09:09 AM
Parent: #18
وآخر شكلة لي في أطراف أمدرمان وأنا أقود (كليكن)!
أها جاني عمكـ رخصة أديتو ملكية أديتو تأمين أديتو
قال الطفاية وينا؟ قرّبت أقول ليهو هنا دا! بس صبّرت نفسي
شوية وقلت ليهو في الشنطة لو دايرا أمش أفتح براكـ!
صحبكـ لاوز من الحكاية وقال لي أمش ياخ بلا فقُر معاكـ!
|
Post: #21
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: داليا الكباشى
Date: 03-28-2011, 09:21 AM
Parent: #19
في مخالفه على وضع زجاجات الاستيـم في العربيه ؟
|
Post: #25
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 10:11 AM
Parent: #21
| Quote: في مخالفه على وضع زجاجات الاستيـم في العربيه ؟ |
الاستيم دا مشروب خاص.. تحت تحت كدا يُقال انو عندو علاقة مع اخوان البشير
زايد انو الجماعة ديل مرات مابشتغلوا يوم الجمعة
---------
انشالله جمعتو
|
Post: #24
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 09:52 AM
Parent: #19
Quote: وآخر شكلة لي في أطراف أمدرمان وأنا أقود (كليكن)!
أها جاني عمكـ رخصة أديتو ملكية أديتو تأمين أديتو
قال الطفاية وينا؟ قرّبت أقول ليهو هنا دا! بس صبّرت نفسي
شوية وقلت ليهو في الشنطة لو دايرا أمش أفتح براكـ!
صحبكـ لاوز من الحكاية وقال لي أمش ياخ بلا فقُر معاكـ |
الوالد قبل كدا وقفو عسكرى وسألو من الرخصة
بعد ما شاف الرخصة سألو من شهادة البحث
قال لى فى البيت ... العسكرى قال طيب نعرف كيف العربية مرخصة
قال لى اركب ارح اوريك ليها لكن تجى راجع براك
مش انتو وقفتوا الاستيكرات؟
العسكرى اخد الموضوع شخصى ومشى كلم الضابط
الضابط رسل العسكرى قالى ناديهو خلى يجى
العسكرى قال للوالد انزل تعال الضابط دايرك
الوالد قال ليهو امشى نادى لى الضابط بتاعك دا
العسكرى كبًر اللفة وزاغ من الحملة كلو كلو
الوالد دور العربية واتكل على الله
|
Post: #23
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 09:39 AM
Parent: #18
| Quote: أها أخوكـ يوم قرف في نص الخرتوم فكيت التظليل وأديتو للعسكري في يدو |
دا ما قرف ياعمك... القرف انا شفتو فى تقاطع واحد وستين مع محمد نجيب
واحد احيمر كدا لكن قلبو حار... الزول بالله اتفتح فى ناس الدورية وعينك ماتشوف الا النور
كمية بتاعت بلنجات أُنجزت فى اقل من دقيقة طرح من خلالها ما لايقل عن اربعة من افراد الدورية
مما جعل الضابط يآثر النزول من السيارة حتى لتفقد عساكره...
الجمهور هو من كبت جمح الشاب الثائر بعد ان استمتع بالعرض..
تقول لى قرف؟
| Quote: بتشوف أقرب يمين وتخارج نفسكـ |
عملها بتاع ركشة قبل كدا
العسكرى افتكر انو لا يُقهر وحاول يمسك الركشة
الركشة انقلبت والمعلم لسة مكنكش مما تسبب فى كسر رجله
يبقى الغلطان منو هنا؟
| Quote: تعرف لو جرّبت القصة باللوحات الأجنبية ـ وعارفكـ ما جرّبت ولا ح تجرب |
كدى خليك من لوحات اجنبية... جربت تسوق بلا لوحات؟
عارفك ماجربت ولا حتجرب والله يكفينا ويكفيك شر الجرب ياخ
---------
دا طبعآ غير بتاع كسلا الناش بتاع المرور عينك ياتاجر
|
Post: #26
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: فايزودالقاضي
Date: 03-28-2011, 10:28 AM
Parent: #23
ياحبيبنا ...سلام ..
غريبة !!! حتى انتو مابخلوكم ؟!!!
في زيارة لي للسودان بعد غياب 10 سنوات ووكتها كنت نازل بعربية تربتك والكلاد ده قبل عيد الضحية بيومين ...ياخي انا من نزلت من سواكن كرهت اليوم الجيت فيهو بعربية او كرهت السودان ذاتو ..ايصالات في كل محطة لامن وصلت كسلا ويمكن كسلا لانها بلدتي ماعانيت كتير فيها لكن جيتي للخرطوم كانت عذاب الارصفة ..اول يوم نزلت وسط البلد وقفني عسكري مرور وقال لي اوراق العربية ورخصة القيادة ..اديتو كل الورق ورخصة القيادة السعودية ..طوالي ومن غير مفاهمة رشاني بمخالفة عشرين الف (بالقديم)..قلت ليهو دي بتاعة شنو ؟ قال لي عدم حمل رخصة سودانية ..قلت ليهو الرخصة السودانية دي انا اطلعها وين وكت انا بره السودان من قبل ان استحق الرخصة ودي اول زيارة لي ؟ ...قال لي كان تطلعها مما جيت ..قلت ليهو ياخي انا جيت قبل يومين من العيد ..انا اسلم على اهلي ولا اسك المرور ؟ ثم انا بحمل رخصة معترف بيها..وابيت استلم المخالفة ..وقلت ليهو اكلم الضابط ..كويس الضابط كان جالس في جهة مقابلة مشيت عليهو وشرحت ليهو باني جاى قبل يومين من العيد وهسي العيد ماخلص ومعاى الرخصة السعودية والاخ ده بدون اى سبب رشاني مخالفة ..قال لي جوازك ..شاف تاريخ الدخول ...قال للعسكري ...ياخي مامن حقك تديهو مخالفة ..وقال لي امشي واسفين ...ضابط حقاني شكلو ماعمر كتير او يكون شيوعي...!!!
وعلى حس اني جاى بلوحات اجنبية شفت عذاب الطرق المدقدقة والزقاقات الضيقة .. ماارتحت ساعة وانا سايق في الخرطوم مساككة في كل ملف كان من عسكري مرور ولا ناس المكافحة البلمواتر ديك ..
غايتو السودان ده وعلى قول بلدياتي اخير منو بورسودان ..!!!
|
Post: #29
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 12:02 PM
Parent: #26
| Quote: ضابط حقاني شكلو ماعمر كتير او يكون شيوعي |
غايتو دى يجى عمر عثمان ينفيها لكن وارد برضو
اما بى مناسبة المكافحة دى انسى بس
مرة جماعة شغالين نهب بى اسم المكافحة
لغاية ماقبضوهم هم مصرين انهم من المكافحة
فى الآخر اكتشفوا انهم شغالين فى مكافحة الملاريا
اسى ناسك العزبوك ديل مكافحة تهريب ولا ملاريا ساكت؟
| Quote: شفت عذاب الطرق المدقدقة والزقاقات الضيقة |
غايتو ياحبيب البيشوف السيف والعرضة يقول تجى من جدة مشى مش تشتكى !!
لكن لقيت المسحب بتاع البيك دا تضرب منو صباح ومسا وفى رواية اخرى
شغال ديليفرى لبورداب الرياض برضو طبعك انخرب آآخوى
|
Post: #27
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 10:32 AM
Parent: #23
القصة طبعآ ما انتهت هنا
تحركت بعد مشاهدة الحملة العشوائية لأجد حملة اخرى فى المنعطف الآخر
عسكرى آخر يُوقف تانكر وقود بالوقوف امامه فى منتصف الطريق وليس بأشارة من يده !!
تُلاحظ كمية الاستغراب على وجه السائق من اسلوب التوقيف للتأكد من المركبة والسائق
توقفت لاتأمل على قول ملاسى كمية المحن التى تتمثل امامى
وكم كان امتعاض العسكرى عند علمه بعدم وجود اى مخالفة
يتمثل ذلك فى اعادة الرخصة للسائق بوجه متوعد فى المرة القادمة
اذا تم ايقافك وانت مُخالف... تعجبت للموقفين..
موقف الفرحة عند توفر مخالفة
والحزن والغضب عند انعدامها
هل مفهوم شرطة المرور فى السودان
ينحصر فى تحصيل المخالفات وترخيص المركبات واصدار الرُخص؟
|
Post: #28
Title: Re: بعد ضمان عدم خروج السودانيين للتظاهر- عودة مكثفة لحملات المرور بالشوارع (بحرى مثالآ)
Author: Mohammed Awad
Date: 03-28-2011, 10:44 AM
Parent: #27
لم تمض الا 4 كيلومترات اخرى من تحركى الا وفوجئت بحملة أخرى
تم ايقافى ايضآ ولكن العسكرى هذه المرة اخف قدرآ من الذين سبقوا
كالعادة السؤال عن الرُخصة فبادرته: انا قطعت الحملتين الفاتوا
باقى ليك بكون عندى مخالفة؟ فأجاب قائلآ: يمكن يكون رزقك هنا
ارح ادينا رخصتك يازول !!!
لا تعليق طبعآ
|
|