Post: #1 Title: كوشة الجبل والبيرة ام جمل Author: عبدالله ود البوش Date: 03-27-2011, 09:54 AM
كما هو حال المغتربين البطولوا بالسنين تم شراء القطعة بالتلفون وعند رجعوي البلد للبيان عرفت ان البيت في نص كوشة الجبل( بسم الله الرحمن الرحيم ) وكنت فاكر كوشة الجبل يعني جاية من جبل اولياء ولكن حقيقة الامر بان كوشة الجبل كانت زي الجبل من كبرها وضخامتها الكلام دا في جبرة مربع عشرين وانا اول من بدأ البنيان على هذه الكوشة الكلام دا في مربع جبرة مربع عشرين وانا رايح جاي فوق هذه الكوشة لاحظت ان جزءا كبيرا من مكونات هذه الكوشة هو قزاز البيرة ام اجمل وهنا ادعو الاخ فيصل اولا ادينا صورة من صور قزاز البيرة ام جمل وثانيا وهو من سكان هذه المنطقة اجي اورينا الحكاية شنو . . غايتو انا فهمت انو الناس في ذلك الزمن كانو السكران في ذمة الصاحي عشان كدي .............
Post: #2 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 09:57 AM Parent: #1
انا زول جاي جديد في المنطقة دي لكن بوصفا حسب عرفتي كوشة الجبل تقع جنوب الصحافة وغرب السوق المركزي وقدام جامع بلال كدي ولا مو كدي . . الكوشة دي جات من وين ؟ تعالوا شيلو قزازكن دا
Post: #3 Title: Re: كوشة الجبل والبيرة ام جمل Author: عبد الدائم سيد أحمد Date: 03-27-2011, 11:49 AM Parent: #2
اذن انت الان فى قلب الخرطوم وفى منطقة درجة اولى كمان يا بختك يا ود البوش
جبرة مربع 20 مربع درجة اولى مساحة القطع فيه حوالى 520 متر مربع يحده من الشمال الصحافة مربع 27 ومربع 28 ومن الشرق الميناء البرى والسوق المحلى وغربا" جبرة مربع 19 درجة ثالثة وجنوبا" مدينة الازهرى اسعار القطع حاليا" تبتدى من 400 مليون شمالا" وتقل تدريجيا" مع اتجاه الجنوب
به الفحص الالى للسيارات ومجموعة مدارس خاصة اقدمها مدارس المجلس الافريقى للتعليم الخاص وعباد الرحمن الثانوية والعروبة الثانوية
اما كوشة الجبل فهى عبارة عن مرمى نفايات قديم لا وجود له منذ الثمنينيات عندما كانت تلك المنطقة ( جبرة ) وكل مربعات جبرة الجديدة ارض خلاء لا ينفصل بينها وبين سوبا والسلمة سواء الحزام الاخضر الذى بدوره ( مات ) ايام الجاف والتصحر فى الثمنينيات
باقيا النفايات سواء كانت ( بيرة ام جمل ) او حلاوة ( حنكوتة ) ودى بعرفوها اولاد الصحافة والامتداد والعشش ما هى الا رواسب موجودة فى الطبقة السطحية لمربع جبرة 20 فى جزء محدود جدا" ، والمعروف انو المربع تصريح البناء فيه لازم يكون مسلح يعنى السماسرة ما يغشوك ويقولو ليك كوشة جبل وقطيب قطر وكلام زى ده امسك قوى فى قطعتك وما تفرط فيها
نحن يا زول هناااااااك جنب شارع الهوا لكن مشيا بالكرعين مو بعيد
Quote: امسك قوى فى قطعتك وما تفرط فيها
بسم الله الرحمن الرحيم انا بنيت واولادي هسع ساكنين هناك في امان الله لكن الحرامية فوقن هرك هرك . . قلت لي حلاة حندوكة ... دي اصلا ما لاقتني في الكوشة بس كترة قزاز البيرة ام جمل فيصل خليل CC
Post: #5 Title: Re: كوشة الجبل والبيرة ام جمل Author: كمال حسن Date: 03-27-2011, 12:37 PM Parent: #3
Quote: او حلاوة ( حنكوتة ) ودى بعرفوها اولاد الصحافة والامتداد والعشش
أو منقة (أصيله) يا عبد الدائم
سلامات يا حبايب
Post: #6 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 12:44 PM Parent: #5
اخونا كمال حسن نحن ناس بقينا اهلنا دخلونا معاكن في الفورمة ان شاء الله نجيب الكورة البرا
Quote: أو منقة (أصيله) يا عبد الدائم
ركزتوا على حلاة حندوكة وحلاوة شكلات يعني ما حضرتو البيرة ام جمل . . انا داير فيسل هلييييييل دا البجيب خبر البيرة ام جمل
Post: #7 Title: Re: كوشة الجبل والبيرة ام جمل Author: عبد الدائم سيد أحمد Date: 03-27-2011, 12:46 PM Parent: #5
منقة اصيلة دى تخصص خاطر تاور والتجــــــو يا كيمو والعاوز الــدق اليوم داك يقرب من الكوشة
Post: #8 Title: Re: كوشة الجبل والبيرة ام جمل Author: عبد الدائم سيد أحمد Date: 03-27-2011, 12:51 PM Parent: #7
فيصل خليل ده حدو محطة سبعة يمين يجى الحتات دى يدق دق العيش
ده زول هرشة ساكت ...
Post: #12 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 01:01 PM Parent: #8
Quote: ده زول هرشة ساكت ...
اها ما اشوفك بغادي يا فيصل خليل كان اخلي اولادي اتعلم فيك دق العيش . . يعني يا عبدالدائم محلتنا دي محلة الدقاقين عشان كديييييييي ناس الصحافة بفكوا لينا الدرب وقعتوا معاي وقعة يا ناس يا هراشين في الفاضي دا . . وصدقا لحديسك دا انا مشيت محطة سبعة لناس الموية طوالي خافوا منو وجابوا لي الموية هوا عشان كنت شايل عكاز وصار وشي وعارفني ساكن في الكوشة اولاد اللذين يا خوافين يا اولاد الراحات
Post: #9 Title: Re: كوشة الجبل والبيرة ام جمل Author: حبيب نورة Date: 03-27-2011, 12:51 PM Parent: #7
يا رااااجل ! طالما فيها بيرة ام جمل يبقي ربنا راضي عليك عشان جابك في بكان أصلو طيييييب
Post: #10 Title: Re: كوشة الجبل والبيرة ام جمل Author: Hisham Ibrahim Date: 03-27-2011, 12:59 PM Parent: #9
كان عندنا كوشة جبل برضو في بحري
وفيها البيره أم جمل والعرقي الرمانا ذاتو .
فوق شرق شوية من مصنع سيقا وصناعية بحري ..
لكن المشروع الحضاري حال بينها والناس وتحولت بي قدرة قادر أرض سكنية وصناعية ..
Post: #13 Title: Re: كوشة الجبل والبيرة ام جمل Author: معاوية عبيد الصائم Date: 03-27-2011, 01:05 PM Parent: #10
Quote: انا زول جاي جديد في المنطقة دي لكن بوصفا حسب عرفتي كوشة الجبل تقع جنوب الصحافة وغرب السوق المركزي وقدام جامع بلال كدي ولا مو كدي .
لاحولالالالالالالا
من موسسى رابطة كوشة الجبل طارق جبريل وهى قصاد حلتهم.الامتداد..
ياشباب زول يصحى طارق جبريل...كمتعهد للكوشة
ود البوش سلامات...عصام محمد خليل فى نهاية الامتداد وبعيد من الكوشة
Post: #17 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 01:23 PM Parent: #13
Quote: طارق جبريل
يا معاوية اول حاجة سلامات لكن قاليك ناسك ديل كلهن هرشة ساهي اسعل عبدالدائم دا قدامك قال ديل حدهن محطة سبعة ومحل الباسطة قاليك اجو هنا انقسلوا قلسة الكلــب اللكل الدريش نحن منو نحن ناس قلب الكوشة والله وقعتوا معاي تاني اي واحد اسعلني اقول ليهو انا من قلبا اقول لي قلب شنو اقول ليهو قلب الكوشة مع صرة وش . . قال طارق جبرين قال ديل كلهن هرشة ساهي ناس الحي المتفرد ديل بي محاسن ابراهيم برضها هرشة معاهن عشان كدي ابت تجي العرس الكان جنبنا في نص الكوشة صاح ولا ما صاح يا محاسن . . بوست الربع القادم حي الكوشة ذلك الحي الدقاق البرمي الزول في الكوشة وافوت اخلي هيييييييييييييع نحن ناس الكوشة والمدروشة وحلاوة عكاز
Post: #16 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 01:16 PM Parent: #10
Quote: والعرقي الرمانا ذاتو
واسع دا ودوهو وين يا هشام عشان مرات بجونا ضيوف ناس عيش ساهي ناس مساكين
Post: #11 Title: Re: كوشة الجبل والبيرة ام جمل Author: ادريس خليفة علم الهدي Date: 03-27-2011, 01:01 PM Parent: #9
والشراب اسكوب
Post: #15 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 01:11 PM Parent: #11
وزير الري المر . . نحن بنتكلم عن اماما تقوم تجيب لينا ابابا . . ادريس سلامات والشراب بالكوم والكلام بعدين
Post: #14 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 01:07 PM Parent: #9
عشان كنت باااااااار بوالدي يا ممسوخ . . حبيب نورة سلامات واعمل حسابك من السلطة العليا اللايوقة
Post: #18 Title: Re: كوشة الجبل والبيرة ام جمل Author: معاوية عبيد الصائم Date: 03-27-2011, 01:33 PM Parent: #14
Quote: اسعل عبدالدائم دا قدامك قال ديل حدهن محطة سبعة ومحل الباسطة قاليك اجو هنا انقسلوا قلسة الكلــب اللكل الدريش
ديل ناس جبرة...البيرة الوطنية ........الوطنية
Post: #19 Title: Re: كوشة الجبل والبيرة ام جمل Author: معاوية عبيد الصائم Date: 03-27-2011, 01:33 PM Parent: #14
Quote: اسعل عبدالدائم دا قدامك قال ديل حدهن محطة سبعة ومحل الباسطة قاليك اجو هنا انقسلوا قلسة الكلــب اللكل الدريش
ديل ناس جبرة...البيرة الوطنية ........الوطنية
Post: #20 Title: Re: كوشة الجبل والبيرة ام جمل Author: موسي الراجل Date: 03-27-2011, 01:40 PM Parent: #14
ود البوش سلام هديناك من الغربه قبلت على البنادر ما تقولى العيال مستقبلهم هناك بعدين عبدالدايم خلى يوريك الحلو الجديد شنه (ما الحلو الماسك الابريق) وزولا بجفل من تبت الفره تب ما بنستر و عيال البنادر فيهم البدق كراتيه ويقشك انت وعكازك الوصه بالمهله كتر الحجبات من الفقراء عشان الارض ام قزاز دى يمكن ناسها الهاجروا من زمن كسير القزاز يرجعوا من مثلث برمودا
Post: #21 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 01:52 PM Parent: #20
موسى اخوي خلعتني مالك في شنو يا زول الجابك شنو ؟ اهلك طيبين ناس الحلة كلهن كويسين البقيرات الغنيمات المطرة نعل ما بشتنت القصيبات والتبن امسك القرشين ديل وارجع باللوري الجيت فيهو وحسك عينك تقول لناس الحلة لقيت ود البوش اشرب في السم الهاري دا . . يا زول هوي ناس البندر حلوين الموية الساقطة والرغيف والعجب بناتن ضارباهن جنس سماحة آ موسى اخوي كان سمعت كلامي بعد المسور انا وات نعرس هنا سكيتي ساهي والكوشة بتنفع معاك تخوف ساهي في الناس على كيفك ات اللعيسر حرم تسكهن زي الغنم فووووووو لكن اسع ارجع اهلك وتعال بعد المسور سمح
Post: #22 Title: Re: كوشة الجبل والبيرة ام جمل Author: عبدالله ود البوش Date: 03-27-2011, 02:41 PM Parent: #21
والله يا موسى اخوي البنادر دي اصليييييي ما بدورا كلوكلو لكن جابرني عليها العيال عاد اسوي ليهن شنو عاشو عمرون كلو في البنادر البرا بقعدوا في حلة ابوهن بالغسب ؟ اها الجبرنا على المر ( سجيمان اخوه الامر منو ) . . حياتن مرة ما بتندار حياة النفخة والبوبار وعاد يوم اقطع التيار تلقاهن كبار وسغار صبرا ضربلوا جحار . . ات آ موسى اخوي انا قلت ليك يعني معناة المعنى نطيت نطة سغيرة كدي عشان كنت غافل والفرة طارت جنبي فررررررررر تمسكا لي مذلة لي جنا الجنا الحكاية شنو اصلو ات ما بتنسى نطيطة كدي تقوم تمسكا العمر كلو ات قايل الفرة ما تخلع ... دا لو كان من اولاد البندر كان مات مرة واحدة خلاس آ موسى اقعد معاي يومين تلاتة نمش ناكل باسطة وندخل السلما امكن اجيبوا فيها لقيط قطن وبعد الوطا تفلل ندقش الحلة الجديدة عارفاك عولاق ما تتعولق لي هناك سمحت
Post: #23 Title: Re: كوشة الجبل والبيرة ام جمل Author: عبد الدائم سيد أحمد Date: 03-27-2011, 08:19 PM Parent: #22
ياي .. اووو نووو .. بلدى خالص
اوعك كان لاقيتنى فى 20 تنضم لى زى نضميك ده ما تشرط عينـا الله لا كسب الميناء البرى .. بالله اهل العوض ما كسرو على الصحافة كسر كمان درجة اولى
انتو يا بوش بعد الاكل بتحلو بالرز مع الكستر
موسى ده قرأ معانا الجامعة .. اها لما جابوه جديد جاء حاشى العراقى جوة البنطلون علا ناس موسى عيسى ساقوه اشترو ليهو قميصين وبنطلون جينز عده بيهم الاربعة سنين
Post: #24 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 07:59 AM Parent: #23
اخونا عبدالدائم كلامك حتى الان في موضع الهزل ولو اخناهو ماخذ الجد والله بتتعب جد وما تنسى الكوشة
Post: #25 Title: Re: كوشة الجبل والبيرة ام جمل Author: Zomrawi Alweli Date: 03-28-2011, 08:10 AM Parent: #24
عبدالله ود البوش سلام سريع
اول حاجة اسمها بيرة ابو جمل ما تهوهو علينا بنات المنبر
يعن قلت لي لمن ترش الحوشية بالخرطوش تطلع ريحة البيرة ؟؟؟؟؟ يا سلام على ريحة البيرة ام كحول 18%.
Post: #35 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 12:52 PM Parent: #25
Quote: تطلع ريحة البيرة ؟؟؟؟؟ يا سلام على ريحة البيرة ام كحول 18%.
عشان كدي يا زمراوي قلنا لطارق جبرين تعال شيل فاضيك وخلي لينا ريحتنا في محلتا . . تحياتي زمراوي ومشكرين على المرور اللطيف
Post: #26 Title: Re: كوشة الجبل والبيرة ام جمل Author: عبد الدائم سيد أحمد Date: 03-28-2011, 08:12 AM Parent: #24
آآآآآ دجــانــقـــوو افــــــــــــرز ....
Post: #30 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 11:48 AM Parent: #26
هذا يعني اعلانك للحرب وسوف ننلقها على ارض الواقع وخلي السما اتنقد
Post: #27 Title: Re: كوشة الجبل والبيرة ام جمل Author: الامين موسى البشاري Date: 03-28-2011, 08:23 AM Parent: #24
Quote: هو قزاز البيرة ام اجمل وهنا ادعو الاخ فيصل اولا ادينا صورة من صور قزاز البيرة ام جمل
استغفر الله يا ود البوش اتا دحين بتسعل من القزاز ولا البيرة ولا الجمل؟ ابني البيت سااااهي حرم بكره الحلة كلها بتنزل عندك ما دام بقيت في قلب الخرتوم والطرمبات كلها جنبك تاني داير شنو اكتر من كدي دي نعمة آآآآ زول ما ترفسها ساااااهي
Post: #28 Title: Re: كوشة الجبل والبيرة ام جمل Author: معاوية عبيد الصائم Date: 03-28-2011, 08:26 AM Parent: #27
Quote: ما دام بقيت في قلب الخرتوم والطرمبات كلها جنبك
والله ياود البوش حظك موقعك ميه ميه ..وطنى سااااااى
Post: #29 Title: Re: كوشة الجبل والبيرة ام جمل Author: طارق جبريل Date: 03-28-2011, 11:23 AM Parent: #28
البوست دة مالو ريحتو طاقة
Post: #31 Title: Re: كوشة الجبل والبيرة ام جمل Author: ismeil abbas Date: 03-28-2011, 11:49 AM Parent: #29
ودالبوش....لك التحية..
كوشة الجبل موجودة فى مواقع كثيرة من العاصمة المثلثة ودائمآ تكون بين السكن القديم وألأمتدادات الجديدة..
فى أم درمان تقع غرب أستاد المريخ سابقآ ممتده لمساحة كبيرة فى إتجاه الشمال والججنوب..وألأن موزعة بيت المال الجديد والدوحة...
أها جاكم طارق جبري قال الريحة طاقة شكلو ماسمع طكيش القزاز.
Quote: يعني بقينا من اولاد قلبا
أكيد مادام وصلت هذا المكان.ربنا يهنيكم ويسعدكم....بس أولاد قلبا الجد جد ديك براهم..
Post: #34 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 12:44 PM Parent: #31
Quote: أولاد قلبا
قلب الكوشة يا سمعة . . شكرا يا حبيب على الاماني الطيبة ونشوفكن هناك بعدما تنضف الكوشة شوية كدا
Post: #33 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 12:40 PM Parent: #29
Quote: البوست دة مالو ريحتو طاقة
تعالوا شيلوا قزازكم الفاضي دا وخلو لينا ريحتنا في محلتا خلاص اتعودنا عليها
. . ود جبرين دائما مرورك حلو
Post: #37 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 01:19 PM Parent: #28
Quote: وطنى سااااااى
15 سنة غربة يا معاوية من زمن الميزان زبط وما لفق لحدي اوراكل جا فايت فوقنا تقولي وطني .... من سحت للقف ولك ان تقارن الفرق بين اللقف واللفق
Post: #32 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 12:32 PM Parent: #27
البشاري العريس شوق شديد
غاتس في العسل وتوسوس وسسسسس ساهييييي الحكاية شنو لاسع حسكن ما مرق برا الباب في فترة الخطوبة الشاب اتكلم والشابة تسمع بعد الخطوبة الشابة تتكلم والشاب يسمع وبعد العرس الاتنين اتكلموا واسمع الجيران
Post: #36 Title: Re: كوشة الجبل والبيرة ام جمل Author: محمد أبوالعزائم أبوالريش Date: 03-28-2011, 01:08 PM Parent: #32
عربي وانجليزي
Post: #38 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 01:29 PM Parent: #36
Quote: عربي وانجليزي
وسااااااقطة يا ابو العزائم هييييق . . السكران في زمة الصاحي ( سابقة قانونية )
Post: #39 Title: Re: كوشة الجبل والبيرة ام جمل Author: طارق ميرغني Date: 03-28-2011, 01:29 PM Parent: #36
يا عبد الله تصور انا كنت قايلك عايز تتكلم عن مصنع البيره ابو جمل ببحري
او تحديدا فابريقه بيره النيل الازرق كما كان يسمي
لانه بالفعل كانت كوشة الجبل بالقرب منه حينها لما تزور مصنع البيره
ينفحوك عدد واحد كرتونه هديه
وذلك بعد ان ترتوي من المصدر ما طاب ومن طاب له الشراب
انت خليك من دا شوف ناس ادريس والشراب اسكوب
علي اليمين دي ما يعرفا هنا الا حسن طه
Post: #40 Title: Re: كوشة الجبل والبيرة ام جمل Author: عبدالله ود البوش Date: 03-28-2011, 01:50 PM Parent: #39
الكوشة تريد
Quote: حسن طه
. . في حتة في الحوش ريحتا ظاهرة لمن جيت دفنتها كوييييس عشان نشوف وزير الري وحسن طه لتحليل التربة واثر البيرة ابو جمل عليها . . اخي طارق ميرغني مرورك يعطر الامكنة ويظهر بعدها الثالث شكرا جزيلا كما يقول الراحل الفكي عبدالرحمن
