السيد الهكر .... عمليتك فيها كمية من البلادة والغباء.

ثبت إنو تهكير حساب عضو ممكن .... ويظهر إنو أكتر من بسيط .... بدليل إنو قام بيهو واحد درجة إدراكو وتقييمه تحت أحذية البشر، وما أبعد ذلك عن أدمغتهم.

العملية العبيطة البتعمل فيها دي .. لا تسمن ولا تغني من جوع، وحدثت مراراً وتكراراً ... وكل البيحصل إنو بكري يفتح جهازو يلقى العبط ده، يتناول إستيكتو ويرميك في الزبالة.

أما الأعضاء .... عارفين الخواء البتعمل فيهو ... بدليل عدم زيارة أي عبط عاملو هنا.

محمد أبوالعزائم كيفك وصباحاتك نديَة من غير تهكير .
هسه يقبَل عيك مستر هاكر ويخلينا نفتقدك يا خ

Quote: العملية العبيطة البتعمل فيها دي .. لا تسمن ولا تغني من جوع، وحدثت مراراً وتكراراً

عبيط دي معروفة مش تبع حكومة المشير البشير العوير العبيط
قالوا ليهم عليكم بمناضلي الفيس بووك بيشكلوا خطر، شبكونا هكرهكر هكر

الأخ محمد أبو العزائم

تحياتي وتباً لهذا الجبن حين يختبئ المرء خلف الكي بورد ويأتي مثل هذه الأفعال القبيحة وكأنه يمارس العادة السرية !!

بحيراوي

والله يا البحيراوي ياخوي ... الواحد كان عايز يقول إنو دي عمايل عيال أو عمايل صبيانية.

لقيت إنو العيال أوعى من كده.

غايتو ... مرمية السما .. تتلقاها الواطة.

مها ..... أريتك طيبة ...

تصدقي أنا ما قصدت من كلامي أي منحى سياسي.

لكن سواء كان بيهكر لخلفية سياسية أو غير كده ... وأياً كان الفهم أو عدم الفهم العايز يخدمو ......... تفتكري ممكن يخدمو بي إنو يغرق الصفحة الأولى ببوستات لا تحمل غير عنوانها الخاوي؟

أنا أفهم إنو (مثلاً) واحد معارض للحكومة يقوم يهكّر حساب واحد من محاسيب السلطة، ويقوم يعمل بوستات تسئ لصاحب الحساب، حتى تنفر الناس من هذا الشخص، ونفس المثال ينطبق إذا كان الهكر من محاسيب السلطة والمهكور من (مناضلي الكيبورد).

لكن بالحاصل ده، أنا أميل للظن بأن هذا الهكر لا يتجاوز سنه 8 سنوات.

أو تكون هذه السنوات بحساب الإدراك والفهم.

تحياتي.