Post: #2 Title: Re: فيلم كرتون ضد الكيزان Author: Faisal Mohammed Abdalla Date: 03-25-2011, 08:40 AM Parent: #1
مجهود مقدر
Post: #3 Title: Re: فيلم كرتون ضد الكيزان Author: أيزابيلا Date: 03-25-2011, 09:00 AM Parent: #2
شكرا يا فيصل
وفعلا مجهود مقدر
لو تعبو فيهو حبة ببقى شغل عظيم
العايز مراجعة من وجهة نظري: - الاغنية -السيناريو (هو بالله فى كوز بتحب؟) -قصة الصواريخ الجات بيها البت...(كان يمكن استخدام رمزية افضل لمقاومتها) -تفاصيل اخرى...
Post: #5 Title: Re: فيلم كرتون ضد الكيزان Author: محمد البشرى الخضر Date: 03-25-2011, 09:19 AM
سلام يا دكتورة شذى ما فهمت السيناريو عايز يقول شنو بالضبط وكيف يكون ضد الكيزان القصة اقرب لرومانسيات الافلام الهندية منها للسياسة (شخص ذو نفوذ يستغل فتاة ويهرب منها ويرهبها عندما تلاحقه يتصدى له شاب فقير و يفوز بقلبها) وايضا ما وقعت لي رمزية ان الشاب جنوبي على ما يبدو اما شعارات المظاهرات ضد النظام العام تبدو غريبة ايضا
Post: #4 Title: Re: فيلم كرتون ضد الكيزان Author: دينا خالد Date: 03-25-2011, 09:04 AM Parent: #2
لا بأس .. ولكن وكما قال العقيد فالاختلاط حرام ...
ــــــــــــــــ جاياك للمعلومات السرية ...
Post: #6 Title: Re: فيلم كرتون ضد الكيزان Author: بدر الدين الأمير Date: 03-25-2011, 10:01 AM Parent: #4
Quote: (هو بالله فى كوز بتحب؟)
Post: #7 Title: Re: فيلم كرتون ضد الكيزان Author: مرتضي عبد الجليل Date: 03-25-2011, 03:58 PM Parent: #6
Quote: ما فهمت السيناريو عايز يقول شنو بالضبط وكيف يكون ضد الكيزان
يا ود البشري سلام,الرمزية واضحة ياخ بالذات لي زول حصيف ذيك. زولك الملتحي المفنقل فوقو الركشة دا يا هو مشروع الكيزان(الحضاري)الأحادي,الإقصائي,التمكيني المنهزم في المنهزم في المشهد لصالح السودان المتعدد إثنيا وثقافيا,الركشة وسواقا أظن بمثلوا الهامش الذي يعول عليه في قيادة التغيير القادم. عموما الفلم عبارة عن لوحات متعددة تحتمل قراءات مختلفةمع التاكيد ان الأغنية المصاحبة للعمل ناعمة جدا وبعيدة عن روح العمل الثوري الذي يجسده الفلم.
لك الود ولصاحبة البوست د:شذي وشكرا.
Post: #8 Title: Re: فيلم كرتون ضد الكيزان Author: محمد البشرى الخضر Date: 03-25-2011, 10:01 PM Parent: #7
كلامك سليم يا مرتضى بالنسبة للجزء الأخير من الأنيميشن ويبدو انو حشر في سياق القصة الأصلية حشرا القصة بدت بفتاة تطارد شخصا ما وهو يهرب منها ودي الحتة الأنا ما فهمت الرمزية الفيها لو قلنا البت هي السودان او السلطة والكيزان اغتصبوها, يبقى لايستقيم ان تجري وراهم و تشتت القلوب دليلا على الحب و هم يجروا منها ويتضاروا كدي حاول فسر الكليب كامل كوحدة واحدة اما لو حاولنا نقراه كلوحات متعددة فدا شي تاني وتبقى لقطة التمساح الخطف الكوز في الآخر مجلية برضو
Post: #9 Title: Re: فيلم كرتون ضد الكيزان Author: اساسي Date: 03-26-2011, 08:35 AM Parent: #8
بصراحة ماسورة كبيرة الكرتون دا ومافيهو اي جاذبية او وحدة جاذبة زاتو , الكرتون دا الحاجة الوحيدة الممكن يكون فيهو عمل للخيال بكل اريحية مقرون بالواقع بمنطقية وتزاوج ويطلع شغل جميل , اسع انا اول حاجة طلعت بيها من الكرتون دا اتضامنت مع الكوز المسكين دا , ما ممكن كوز راكب ركشة !! وين الانبياء الراكبين تروبر والصحابة الراكبين مواتر في شعركم يا مناضلين , كوز راكب ركشة !!؟ ووين بيحب الكوز في حديقة حبيبي مفلس؟ عليكم الله ما قطع قلبكم الكوز دا واضامنته معاهو ؟ وبعدين ياخ المحبوبة في لحظة الباعوضة قطعت قلبها وفي لحظة راكبة فيراري وفي لحظة راكبة طيارة دا شنو الخمج دا ؟؟ , اضامن ليكم معاها كيف بس دي ؟ الحاجة الوحيدة النجح الكرتون يعكسها بدون ما يشعر هو انتهازية ( دينق) سواق الركشة اللجا ليهو حبيبي الكوز المفلس كونه ركب معاهو وختا ثقته فيهو وفعلا بدأ سواق الركشة في الهرب بي الكوز المفلس الي بر الامان , ليعود وينقلب سواق الركشة علي المستجير به ويظهر كبطل امام الحبيبة المهروب منها وشكلها هنا بتمثل المعارضة لو استمر الكرتون دا شوية كان صحبي سواق الركشة ركبها الماسورة هي زاتا
Post: #10 Title: Re: فيلم كرتون ضد الكيزان Author: محمد عبد الماجد الصايم Date: 03-26-2011, 11:33 AM Parent: #9
ويرجع الجنوب للشمال ويعيشوا في تبات ونبات!!
_ طبعا في المقطع بتاع الطيارة جاني إحساس المعارضة المهاجرة
