Post: #1
Title: ناس حزب الأمة: أرجوكم!!
Author: Balla Musa
Date: 03-24-2011, 05:24 PM
Parent: #0
خليكم عاقلين زى الإتحاديين!!
|
Post: #2
Title: Re: ناس حزب الأمة: أرجوكم!!
Author: Balla Musa
Date: 03-24-2011, 05:29 PM
Parent: #1
أرجوكم ماتعلنوا عن مظاهرات فى هذا المنبر أو تؤيدوها قبل أن تشاوروا الإمام!!
|
Post: #3
Title: Re: ناس حزب الأمة: أرجوكم!!
Author: Balla Musa
Date: 03-24-2011, 05:31 PM
Parent: #2
ماممكن تكونوا عايزين تفلسوا الطبلة, وإمامكم بدق فى الباب بكل أدب واحترام!!
|
Post: #4
Title: Re: ناس حزب الأمة: أرجوكم!!
Author: Balla Musa
Date: 03-24-2011, 05:33 PM
Parent: #3
بصراحة كدا ماتهلكوا الباندويدث!
|
Post: #5
Title: Re: ناس حزب الأمة: أرجوكم!!
Author: محمد حسن العمدة
Date: 03-24-2011, 05:34 PM
Parent: #2
عاوز تركب الموجة ولا شنو ؟؟
هو الامام بنفسو قال مافي اتفاق
حلقنا اتقرش لينا 21 سنة نفس الاسطوانة حزب الامة اتفق تاني ح يتفق تالت شارك رابع الخ الخ الخ
الشاهد ان حزب الامة لا اتفق ولا شارك ولا ح يشارك اقعدو لوكو في النضم المجاني دا و .... ادشو
|
Post: #6
Title: Re: ناس حزب الأمة: أرجوكم!!
Author: Balla Musa
Date: 03-24-2011, 05:36 PM
Parent: #5
ود العمدة
هسع فى ذميمتك دى انا قلت حزب الأمة شارك؟
انا فقط قلت ليكم اسمعوا كلام كبيركم!!
|
Post: #7
Title: Re: ناس حزب الأمة: أرجوكم!!
Author: Balla Musa
Date: 03-24-2011, 06:34 PM
Parent: #6
ود العمدة
الإمام أذكى من أن يشترك ( أو هكذا أظنه)..
ولكنه سيظل يدق الباب وكلوا بثوابو!!
|
Post: #8
Title: Re: ناس حزب الأمة: أرجوكم!!
Author: عوض محمد احمد
Date: 03-24-2011, 06:48 PM
Parent: #7
الاخ ود العمدة
سلام و تحية
الكفوة جاياكم من الداخل
بالذات من التصريحات المتتالية لامين عام الحزب الفريق صديق ابتداءا من مقولة (السمنة و العسل) الشهيرة و انتهاءا بتصريحاته اليوم المنشورة على كثير من صحف اليوم التى قال فيها ان حزبه متفق مع الوطنى بنسبة 85% و باقى الخمستاشر سوق يجسمها اجتماع الامام مع المشير البشير
هذا هو كلام الرجل الثانى فى حزبكم, فما هو ذنب بلة او ود مكاوى و هما فقط ينقلان (كفرا)
|
Post: #9
Title: Re: ناس حزب الأمة: أرجوكم!!
Author: osman righeem
Date: 03-24-2011, 07:31 PM
Parent: #8
| Quote: خليكم عاقلين زى الإتحاديين!! |
خليها هنا في الحفظ والصون د. بلة ده ما مضمون
بكره نحتاجلها مع الطاقية ..
عارف يا بلة في حاجة غريبة في الوان الطيف السياسي السوداني
يعني حكاية سقف التوقعات من الاحزاب الكبيرة مفترضة علي شنو أو علي اي اساس
الناس بتتوقع انه الامة او الاتحادي لازم يشتغل علي النموذج البوعزيزي او شغلة ميدان التحرير
وساحة التغير اليمينة ..... انت عارف الشعب السوداني خلاق و مبدع حتي عمر البشير قبل ايام و في خطاب رسمي
قال الشعب ذكي.... وعندما يحين قطافها بتجي سريعة و لافحة ومكملة
|
Post: #10
Title: Re: ناس حزب الأمة: أرجوكم!!
Author: Balla Musa
Date: 03-24-2011, 07:58 PM
Parent: #9
عثمان رغيم
كدى أول حاجة سلم معاى على بروف عوض دا.
ثانيا ياعثمان لو عايز تمسك على زى الحاجات دى والله بتتعب..
ياخى نحنا ناس دخلنا خرف وراسنا بقى يلف 180 درجة فى كل نص درجة مئوية..
والله احتمال يوم تلقانى حزب أمة واتحادى مع بعض..
ويوم تانى تلقانى مؤتمر وطنى وشيوعى مع بعض..
لكن العجبنى فى مداخلتك حكاية يحين قطافها دى, اتخيلتك قاعد وفارش عبك (بكسر العين مافتحها عشان ماتودينا كندا كمان) ومنتظرا تقع!!
|
Post: #11
Title: Re: ناس حزب الأمة: أرجوكم!!
Author: Ali Hamad
Date: 03-24-2011, 09:00 PM
Parent: #10
يادكتور بلة - سلامات . مالك علينا! دايرنا نسمع كلام كبيرنا! حتى لو ودانالآخرة عدل ! يعنى انت ماك عارف انه الفينا مكفيا !==ا لفينا من الزول الاسمو صديقاسماعيل ده . حرم وعلى الطلاق واموت كافر الزول ده انا ماسمعت اسمو الا وهو مترشح عشان يكون امين عام حزب الامة . ولما سألت عنه قالوا لى كان بتاع امن مع نميرى و بتاع امن مع الانقاذ . وضابط بوليس وازيدك معلومة كمان قالوا كان عنده تجارة بيع بترول.بالسجل المهبب ده يقوم يتلب فينا ويبقى حتة واحدة امين عام حزب الامة - زى عبدالله خليل بطل حلايب و نقد الله الكبير ومحمد احمد محجوب منزل علم المستعمرين وامين التوم - اصلوالحكاية كوار و لطش يا دكتور. خلينى اقول ليك كلام زول ناشف من بادية دار محارب عموم : حرم لا اسمع كلام كبير او صغير فى موضوع المشاركة ده والعاوز يشارك يشارك باسمو وليس باسم الانصار- طبعا الزول ده يمكن يقول هو امين عام منتخب . بسيطة ما اصلو البشير منتخب ونافع منتخب وقوش منتخب - الانتخابات المخجوجة دى يبلها ويشرب مويتها . او عى يادكتور بلة تنصحنا باستماع راى كبيرنا فى الحتة دى. احسن ازعل منك واحدر ليك فى طرف الشارع! تحياتى وعفيت ليك النصيحة المصرجة دى هذه المرة- اخوكم
على حمد ابراهيم
|
Post: #12
Title: Re: ناس حزب الأمة: أرجوكم!!
Author: osman righeem
Date: 03-24-2011, 11:23 PM
Parent: #10
Quote: والله احتمال يوم تلقانى حزب أمة واتحادى مع بعض..
|
دي صعبة شوية
Quote: ويوم تانى تلقانى مؤتمر وطنى وشيوعى مع بعض..
|
دي عادي ما فردتين شمال ويمين
|
Post: #13
Title: Re: ناس حزب الأمة: أرجوكم!!
Author: Mohamed Doudi
Date: 03-25-2011, 03:26 AM
Parent: #12
| Quote: دي عادي ما فردتين شمال ويمين |
مبالغه ياعثمان
|
Post: #14
Title: Re: ناس حزب الأمة: أرجوكم!!
Author: Balla Musa
Date: 03-25-2011, 01:03 PM
Parent: #13
يادكتور على حمد
سلام وتحية واحترام
ياخى أنا قابلكم مبايعين الإمام فى المنشط والمكره..
لكن مادام حلفت بالحرام والطلاق مافى طريقة غير تعملوا حزب جديد أو تعيدوا ترميم الحزب.
|
|